رواية ارهقني عشقها
الفصل الثاني عشر
بقلم فاطمه جوده
في صباح مشرق بالاحداث
عمر في نفسه ازي عملت كدا انا حيوان ضربتها وحاولت اتحرش بيها انا غبي يارب خليها تسامحني
لبس هدومه وراح اوضة كريم
✊✊✊✊✊✊
فرح بنعاس فتحت الباب ...اي يا عمر
في اي
عمر ... حور فين
فرح ... اهي نايمه جوه
مريم خرجت من البلاكونه هي وكريم كانو نايمين في البلاكونه
مريم ... اطلع برا يا عمر
عمر ... اخرصي ملكيش دعوه
كريم صحي علي صوتهم وخرج من البلاكونه
كريم ... في اي علي الصبح
عمر ... والله انتو كنتو نايمين في البلاكونه اومال اي بقي فرح معايا متخافش علي اختك دا انا بحبها وانتي يا قذره انا غلطان اني وثقت فيكي
مريم ..كانت مصدومه ودموعها بتنزل
كريم .... ضربو بالقلم احترم نفسك
عمر ... والله هي بقت كدا
كريم ... اه
حور صحيت واول ما شافت عمر فضلت تعيط وتصرخ
وكريم فضل يضرب في عمر
مالك.... جه علي صوتهم بس يا جماعه سيبو يا كريم اوعي يا كريم هيموت في ايدك حاشهم عن بعض في اي حصل اي
كريم ... الاستاذ عمر بيتهم اختو في شرفها وامبارح اتهجم علي حور وحاول يتحرش بيها
فرح ...حطت أيدها علي بوقها من الصدمه
مالك .. تعالي معايا يا عمر
عمر ... انا عايز اتكلم مع حور
مالك ... بقولك تعالي
مالك خدو ونزل
مالك ... فهمني اي اللي حصل
عمر ... امبارح واحنا في اليخت حور كانت واقفه مع زين
فلاش باك
عمر ...ممكن افهم اي اللي بيحصل دا
حور .... اي هو اللي حصل اوعي يكون كيمو ضايقك والا مالك لا اوعي تقول إن زين هو اللي ضايقك
عمر ... اقسملك بالله لو ما اتعدلتي واحترمتي نفسك متلوميش غير نفسك
حور ... انت مالك بيا اصلا بتتدخل ف حياتي لي
عمر ... سمعيني تاني كدا يعني اي مالي بيكي
حور ... اي اطرشيت
عمر ضرب حور بالقلم
باك
عمر ... دا اللي حصل ولما رجعنا روحت البار فضلت اشرب وسكرت طلعت اوضتي لقيتها وحاولت اتحرش بيها بس هي اتصلت بكريم وجه ضربني ولحقها
مالك ... انت الغباء دا هيفضل فيك طول عمرك وبتتنيل تشرب لي بدل ما انت مش قد الشرب
عمر ... كنت بطلع غضبي ف اي حاجه
***********
كريم .. اقعدو انتو التلاته عشان افهمكو
فرح ... انا مصدومه
كريم .... بصي يا حور عمر طيب بس هو مندفع مكنش في وعيه لما اتهجم عليكي والحمدلله لحقتك
حور ... طب هنعمل اي دلوقت
كريم .. احنا كدا كدا ماشيين بكره مافيش داعي نقول لجدك علي حاجه جدك مش قد صدمه زي دي
مريم ... بس دا لازم يتعاقب علي اللي عملوا
كريم ... انا هعلمو الأدب بس جدك ميعرفش فاهمين
البنات ... حاضر
كريم ... بالنسبالك انتي يا مريم متزعليش هو مهما كان اخوكي
فرح .. بس ايوه صح انتو ازي كنتو نايمين في البلاكونه
كريم .. كنا قاعدين بنتكلم ونمنا والاكيد اني مكنتش بابوسها في البلاكونه
مريم .. اتكسفت
حور ضحكت هي وفرح
كريم ... طب يلا ننزل وكأن مفيش حاجه حصلت وانبسطو
فرح .. ماشي
نزلو كلهم
*********
مالك ... اهم نزلو روح اتأسف لهم
عمر ... هما هيقبلو
مالك ... روح بس متبقاش كدا
راح هو وعمر
عمر ... انا اسف يا مريم انتي عارفه اني متسرع خلاص بقا
مريم ... بتتهمني في شرفي وتقولي اسف
عمر باس راسها والله انا ندمان اسف والله
مريم ... ماشي يا عمر
عمر .. سامحني يا كريم انا مقصدش انا بس استغربت كنتو نايمين في البلاكونه
كريم ... احنا كنا قاعدين بليل لحد ما نعسنا ونمنا مكنتش بعمل حاجه عيب يا عمر
عمر .. انا اسف سامحني بقي انا طول عمري بداري عليك والا ناسي
كريم ... خلاص يا عم مسامحك كتك القرف
عمر حور اقسملك بالله اني كنت سكران
حور ... ياريت من هنا لحد ما نرجع ملكش دعوه بيا نهائي
عمر ... والله كنت سكران
حور ... اخرص خالص وابعد عني انا مليش دعوه كنت سكران والا كنت زفت والقلم بردو كنت سكران
عمر ... انتي اللي استفزتني ووقفتي تهزري وتدلعي مع زين
حور ... وانت مالك اصلا انا حره
عمر ... انا بحبك
حور ... كان فيه وخلص
عمر ... يعني اي
حور ... يعني انا مبحبكش ومش عايزاك
عمر ... اديني فرصه
حور ...لا
عمر... دا اخر كلام عندك
حور .. اها
عمر قام وسابهم
فرح ...طب بقولكو اي انا قايمه بدل الفيلم الهندي الرائع دا
كريم ... مالك روح معلش معاها عشان محدش يضايقها
مالك ... من غير ما تقول يا بيبي
كريم ... انا خليتو يقوم معاها عشان افهم انتي كدا مش هتسامحي عمر
حور ... يا ابني انا مسمحاه لاني عارفه انو كان سكران
مريم ... اومال رفضتي لي
حور ... عشان اعلمو الادب
كريم ... احنا لو قولنا لجدك هو هيتصرف اسمعي مني
حور ... مش انت قولت هو مش حمل صدمه زي دي
كريم ... ما احنا هنفهمو أن انو كان سكران صدقيني والله جدك مافيش زيو في الاستفزاز
حور ... طب ما تحكي
كريم ... هحكي بس متزعليش يا مريم
مريم ... مش هزعل احنا اصلا محينا الماضي بس احكي ☺️☺️
كريم ... ف مره منه اللي كنت بحبها ضربتها بالقلم عشان وقفت مع ولد
راحت قالت لجدك خلها متروحش الجامعه شهر والا تكلمني وخفاها مكنتش عارف اي حاجه عنها لحد ما صعبت علي جدك وطلع مخبيها معانا في البيت في الأوضه بتاعت الضيوف ومكانتش بتطلع منها لحد اما شافتني تعبان ومرهق قالت لجدي كفايا عليه كدا ومن بعدها مزعلتهاش تاني
حور ... مش دي اللي خانتك
كريم ... اه عشان ساعتها مكنش معايا ثروه زي دي دلوقتي انا بقيت من أكبر رجال الأعمال في الوطن العربي
حور ... انا مكنتش اعرف انك غني كدا
كريم ...مش انا بس كلنا بقينا اغنيا
حور ... ربنا يزيدكم
كريم ..مش عايزه تقولي حاجه يا مريم
مريم ... مش عارفه بس يمكن عشان هي ماتت ف انا مش غيرانه
كريم فضل يضحك
وقضو اليوم وحور كانت متجاهله وجود عمر تماما
لحد اما رجعو الصعيد
الجد حمدالله على السلامه يا حبايبي
الشباب ... الله يسلمك يا جدو
صفيه ... مالك يا حور واي اللي في ايدك دا
حور ... مافيش كنا بنصطاد حمام بالندقيات خدت طلقه بالغلط
صفيه لطمت ... وانتي عامله اي دلوقت
حور ... بس يا طنط اهدي دي بندقيه صيد مش مؤذيه دا خربوش
ابو فرح وكريم ...ازيك يا حور انا مكنتش هنا ساعة أما جيتي كنت مع خالة فرح في المستشفى
حور .. الله يسلمك يا عمي ربنا يطمنكو عليها
والجميع سلمو عليهم
كريم ... جدي كنت عايزك في حاجه في المكتب
الجد ... ماشي يا كريم
دخلو المكتب
الجد .. خير يا كريم
كريم .. بص يا جدي هحكيلك من غير ما تتعصب
الجد ... ها احكي
كريم ... واحنا هناك
وحكاله اللي حصل
الجد ... نهارو اسود
كريم ... يا جدي دلوقتي هي مسامحه هي عايزه تربيه علشان يتعلم الادب فانا قلت لها ان هي هتقول لك عشان تربيه من اول وجديد
الجد ... اذا كان كدا ماشي سيبهولي بقي
كريم ... احبك وانت شرير
الجد ... بس يا واد
الجد ... طب يلا اطلعو نامو ومتشغلوش بالكو بحاجة
كريم ... ماشي تصبح على خير
الجد .... وانت من اهل الخير يا كريم
#ارهقني عشقها
البارت 13
(في صباح مشرق بالاحداث )
الجد .. صباح الخير يا صفيه
صيفه ... صباح النور يا حاج
الجد ... اطلعي صحي الشباب
ابو حور ... صباح الخير
احمد وادهم .. صباح النور
صفيه طلعت ..حور يا حور اصحي يلا
حور .. سبيني شويه يا طنط
صفيه .. قومي افطري وارجعي نامي
حور ... ماشي انا نازله
صفيه ... فروحه يا فرح قومي يلا
فرح ... حاضر يا مرات عمي
صفيه ... مريم قومي يا حبيبتي
مريم ... خلاص قومت يا ماما انزلي وانا جايه وراكي
صفيه صحت كريم وعمر
الجد ... صباح الخير يا حبايبي
الشباب .. صباح النور
الجد ... قوليلي يا حور الجرح بيتغير عليه كل قد اي
حور .. المفروض مرتين في اليوم بس امبارح نسينا
الجد ... مين اللى بيعملو
كريم ... انا يا جدي
حور خافت باباها يزعق
احمد ... شكرا يا كريم
كريم .. شكر علي واجب يا عمي
الجد ... طيب لما تفطرو غيرلها علي الجرح يا كريم عشان البكتريا يا ابني
كريم ... حاضر
عمر .. قاعد مش عارف يتكلم
الجد .. اي يا عمر مالك
عمر .. ها مفيش يا جدي
الجد ... طيب يا حبيبي
خلصو فطار
كريم ... طب تعالي يا حور اعملهولك دلوقت
حور ... ماشي
طلعو وخدو معاهم مريم
مريم ... عمر صعبان عليا
كريم ... سيبيه يتأدب
حور ... خف ايدك يا كريم البتاع دا بيحرق
كريم ... خلاص انا خلصت
حور ... تسلم يا كيمو ممكن سؤال
كريم ... اسألي
حور بضحك ... طب انت ومريم هناك كنتو بتتمشو علي البحر أو تقعدو في البلاكونه هنا هتقعدو فين
مريم ... والله
حور .. بتكلم جد
كريم ... انا هطلبها من جدك بس لما نكون لوحدنا
حور .. ماشي
نزلو
عمر وفرح في الجنينه
فرح ... مالك يا عمر قاعد شبه المطلقين لي كدا
عمر .. سبيني دلوقت يا فرح
فرح ... مالك يا عم ما انت كنت حلو قلبت عليا لي
عمر ... متزعليش شويه مشاغل
فرح ... طيب تعالي ندخل نقعد معاهم
دخلو
الجد ..عندي خبر حلو
احمد ... خير انشاء الله
الجد ... حور متقدملها عريس
الكل تنح
مريم بتوشوش كريم
مريم ... كريم عمر ممكن يرتكب جنايا
كريم ... انا قولت لجدك ربيه مش يحرمه منها خالص
مريم ... جدك هيولع الدنيا
الجد ... ها اي رأيك يا احمد
احمد ... لا محدش هياخد بنتي مني
الجد ... اي هتعنس جمبك وبعدين هي من ساعة ما جت وكل يوم يجلها حد
احمد .. خلاص يا حاج اللي هي عايزاه
حور ... سيبني افكر يا جدو
الكل قاعد متنح
عدي اليوم وجه الليل
حور ... انا مش فاهمه هو دا من الخطه اللي بيأدب عمر بيها والا بيتكلم جد
كريم ... والله ما اعرف انا قولت هيعمل زي ما عمل معايا
فرح ... يا جماعه انا خايفه علي عمر نزل ولسه مرجعش وهو مش بيسهر برا
مريم ... الواد صعبان عليا اوي
كريم ... وانتي يا حور مش صعبان عليكي
حور ... معرفش
الجد ... عمر يا عمر فين عمر يا كريم
كريم ... خرج يا جدي
الجد ... طيب اعمل حسابك هتروح تجيب مليكه بنت عمتك الله يرحمها بكره
كريم ... حاضر
الجد ... اجازتكم هتخلص امته انت وعمر
كريم ... كمان تلت ايام
الجد ...ماشي
كريم ... جدي عايزك بس لوحدنا
الجد .. طيب تعالي علي المكتب
دخلو
الجد ... ها يا كريم حصل اي تاني
كريم ... مش ملاحظ حاجه فيا
الجد ... ملاحظ بطلت تسهر وتسكر
بس عملت نفسي من بنها لحد اما تقولي اي الحكايه
كريم ... مريم
الجد ... مالها مريم
كريم ... انا بحب مريم وبسببها بطلت الشرب والنسوان
الجد ... طب ومنه يا ابني انت كنت بتعمل كدا عشان تنساها
كريم ... دا اللي كان ظاهر ليكو إنما انا كنت بشرب عشان خايف اجي اقولك جوزهاني ترفض واتجرح تاني وكل ما يجلها عريس بكون بموت
الجد ... يعني خلاص مفيش حريم والا شرب تاني
كريم ... مفيش والله
الجد ... مبروك يا كريم
كريم ... طب وعمي هيوافق
الجد ... الكلمه كلمتي هنا
كريم ... الله يبارك فيك يا جدي وربنا يخليك لينا
الجد ... طب يلا نطلع نبلغهم
كريم ... طب ثانيه مالك صحبي طالب ايد فرح من فتره وعايز رد عشان يجي رسمي
الجد ... اللهم ما صلي على النبي انت مخطط وجاي تبلغني
كريم ... لا والله
الجد .. طيب هنشوف رأي فرح يلا نخرجلهم لقو عمر جه
الجد ...مريم كريم طالب ايدك مني
مريم بكسوف .. اللي تشوفه حضرتك يا جدي انت وبابا
ابو مريم ... انا موافق
الجد ... وانا موافق يبقا نقرأ الفتحه
قرأو الفتحه
الجد ...وانتي يا فرح مفيش حد في حياتك
فرح ...ها لا يا جدي هو انا بتاعت الكلام دا
الجد .. انا قولت كدا بردو كريم قول لمالك فرح مش موافقه
فرح بتسرع ... انا موافقه
ام فرح ... شوف البت
ادهم ... اي يعني نقول مبروك
كريم .. ايوه الراجل يجي امته يقعد معاكو
الجد ... خليه يجي يوم الخميس الجاي
كريم ... ماشي
الجد ... مبروك يا فرح مبروك يا مريم
عقبالك يا حور
حور ابتسمت وخرجت الجنينه
عمر.. ممكن اقعد
حور .. لا
عمر قعد ... والله كنت سكران
حور مبتتكلمش
عمر ... طب ردي عليا
حور قاعده بتلعب في الفون
عمر ... بكلمك
حور مردتش
عمر .... انا اسف والله اسف حقك عليا وعيط سامحني والله ندمان مش هسمح لحد ياخدك مني
حور ... مش قادره انسي
عمر .... ارجوكي افتكري حاجه واحده حلوه بينا أنا بحبك والله بحبك
حور .. واي يضمنلي انك مش هتمد ايدك عليا تاني والا القرف اللي عملتو
عمر ... مش هسكر تاني والله وتنقطع ايدي لو فكرت اضربك
حور ... بعيد الشر
عمر ... يعني سامحتيني
حور ... اه
عمر ... طب تعالي ندخل وشدها ودخلو
عمر ... جدي انا طالب ايد حور
الجد .... رأيك يا احمد رأيك يا حور
احمد ... انا موافق علي الاقل هكون مطمن عليها معاه
الجد ...حور تعالي ورايا علي المكتب
حور راحت ... اي يا جدو
الجد ... كريم حكالي اللي حصل انتي موافقه علي عمر والا لا
حور ... هو اعتذر وهو كان سكران وعيط برا سامحته يا جدي
الجد ... بتحبيه
حور بتوتر ... اي يا جدو الكلام دا
الجد ... بتحبيه والا لا
حور بخجل ... بصراحه اه
الجد ... كنت عايز اربيه شويه
حور ... ربنا يخليك يا احلي جدو في الدنيا
خرجو
عمر ... ها يا جدي
الجد ... ماشي يا عمر مبروك
عمر ...حضن جدو الله يبارك فيك يا جدي
وصفيه حضنت حور وزغرطت
وعدي الليله علي ابطالنا بسعاده ❤️