#أحببت_منحرف
#البارت_السادس_عشر
والسابع عشر
بقلم رشا محمد
حنين : سوري نسيت البسه ولسه هتروح عشان تلبس
الشوز اتكعبلت ف الدريس بتاعها وكادت أن تقع حملها
مراد من خصرها واقتربت من أحضانه غاص بعينيها
الزيتونية وتاهت هي بعينيه الرمادية ونسوا أنفسهم
فشد علي خصرها بيديه وقربها منه أكثر واقترب من
شفتيها التي تشبه الكرز وطبع عليها قبلتها الأولي قبلة
عاشق لا يستطيع السيطرة علي عواطفه الدفينة ثم
وضع يديه حول عنقها حتي يسيطر علي شفتيها وطالت
القبلة حتي أحس بحاجتهما للهواء فترك شفتيها وكاد أن
يتركها حتي أحس بعدم اتزانها كادت أن تقع مغشيًا
عليها فحملها واجلسها علي الكرسي بجانب المكتب
مراد : حنين فوقي مالك وخبط بخفة علي خديها حنين
مالك يخرب بيتك هتوديني ف داهية فوقي وظل
يبحث عن شئ لافاقتها فوجد شنطتها قال : أكيد فيها
برفيوم فتحها ووجد فعلا زجاجة برفيوم وضع القليل
منها علي أنفها لافاقتها
حنين : آاااه.. أنا فين !!
مراد : الله يخرب بيتك سيبتي مفاصلي
حنين أدركت ما حدث وفجأة ضربته ب القلم وقالت :
يا قليل الأدب أنا لا يمكن أقعد ف الشركة دي ثانية
واحدة وأخدت شنطتها وخرجت برا المكتب
مراد مذهول من رد فعلها وحط ايده علي خده مكان
القلم وافتكر القبلة ذاق شفتيه بلسانه وقال بس ناااار
يابنت الايه لسه طعم شفايفك علي شفايفي وتكة
يا بنت الايه ..
غرام خرجت وراحت آخر الدور وطلبت الأسانسير
ودخلت ولسه هتضغط ع الدور الأرضي وجدت نفسها
حافية القدمين قالت لنفسها : يادي الفضايح ورجعت
تاني المكتب عشان تجيب الشوز بتاعها دخلت المكتب
وجدت مراد لسه سرحان خبطت ع الباب وحطت وشها
ف الأرض
مراد نظر لها ووجدها حافية القدمين ضحك ضحكة
رجولية عالية ثم قال : تعالي خديها
دخلت حنين المكتب وأحضرت الشوز وارتدته وكادت أن
تخرج شدها مراد من ايدها حنين لسه هتلف وتضربه ب
القلم مراد مسك ايدها ولفها ورا ظهرها وقربها اليه
وقال : أنت هراتيني ضرب مش كفاية كدا بقي ولا ايه ؟
حنين : ابعد عني لو سمحت
مراد وهو ما زال قريب منها : ملوش لزوم انك تمشي
عشان أنت محتاجة للوظيفة أنا هخرج ومش هاجي
هنا تاني وهبعتلك السكرتيرة تفضل معاكي ولو محتاجة
حاجة خليها تبلغني
كادت حنين أن تنطق وضع يديه علي شفتيها يسكتها
وقال بس أنا ليا سؤال ومحتاج تردي عليه
حنين وضعت وجهها ف الأرض وقالت : اتفضل !!
مراد : دي أول بوسة ف حياتك ؟
حنين لسه هتضربه كان هو لسه ماسك ايدها ورا ظهرها
قالت أنت قليل الأدب ابعد عني
مراد : مش هبعد غير لما تردي
حنين : قولت ابعد عني بدل م أصوت وألم عليك كل
الموظفين
مراد : وأنت فاكره انك كدا بتهدديني وهخاف وكدا
حنين : آه بهددك تحب تشوف !!
مراد : أصل أنت لو صوتي هبوسك بوسة أطول من اللي
فاتت وهيجوا يلاقونا متلبسين ايه رأيك
حنين : رأيي أنك قليل الأدب
مراد : طيب يالا صوتي أصل بصراحة عايز أكل شفايفك
دول تاني حلاوتهم لسه ف بوئي
حنين : ابعد عني يا قليل الأدب
مراد : جاوبي عشان أبعد عنك
حنين بكسوف حطت وشها ف الأرض وقالت : آه
ياسيدي ارتحت !!
مراد ابتسم وقال : كنت متأكد وسابها وبعد عنها وساب
المكتب وخرج راح مكتبه وكلم السكرتيرة وقال : روحي
عند الأنسة حنين وخليكي معاها وعرفيها كل حاجة وأي
حاجة هيا محتجاها قوليلي فورا فاهمة!!
السكرتيرة : حاضر يافندم
حنين بعد م مراد خرج حطت ايدها علي شفايفها
واترمت ع الكرسي وقالت مووووز يخرب بيت حلاوة
أمك
نروح بقي نشوف آدم وغرام ◇☆◇☆◇☆
آدم شال غرام وخارج م الحمام وغرام حضناه من رقبته
غرام : أنت هتفضل شايلني كدا كتير يا دومي
آدم : إذا كان عليا مش عايز انزلك ابدا بس أعمل ايه
لازم أروح الشركة قبل م الزفت يتصل تاني
غرام ضحكت وقالت : لازم تروح تشوف شغلك يا دومي
آدم : أهي دومي دي مش هتخليني أسيبك ابدا
غرام ضحكت وقالت : طيب نزلني بقي
آدم : هنزلك عند الخزانة أنت تختاريلي لبس وتلبسيني
وأنا اختارلك لبس والبسك
غرام ضمت آدم جامد وقالت بدلع : خلاص اتفقنا يا
دومي
آدم : لاااااا أنا مش نازل وتعالي ننام وباسها ف شفايفها
غرام : خلاص خلاص هسكت خالص
آدم راح عند الخزانة ونزل غرام واختارت له ملابس
ولبسته وهو كمان اختار لها ملابس ولبسته وحضنها
وباسها وقال أنا هخلص شغل بسرعة وارجع علي طول
عشان محضرلك مفاجأة هتعجبك جدا
غرام بفرحة وحضنته من رقبته وقالت : بجد يا دومي !!
طيب ايه هيا !!
آدم ابتسم وقال : ولو قولتلك هتكون مفاجأة ازاي !!
غرام : خلاص يا حبيبي هستناك علي نار وباسته من
شفايفه ونزلوا سوا وغرام وصلته للعربية وساق العربية
وذهب للشركة وهي رجعت للفيلا وجدت والد آدم
غرام : صباح الخير يا عمي
محمد : صباح الخير يابنتي
غرام : حضرتك فطرت ولا لسه ؟
محمد : فطرت من بدري يابنتي
غرام : طيب ممكن اتكلم مع حضرتك شوية يا عمي
محمد : اتفضلي يابنتي
غرام : طيب ممكن نقعد ف الجنينة ونتكلم براحتنا؟
محمد : تعالي يابنتي .... وراحوا وقعدوا
غرام : حضرتك لما كنت بتحكيلي علي والدة آدم يا عمي
مكناش خلصنا كل كلامنا وكان في جزء مهم وكنت
عايزة أفهمة عشان أفهم هو ليه بيكرهها أوي كدا
محمد : شوفي يابنتي أنا لما قولتلها لو خرجتي من برا
الفيلا هتكوني طالق هيا مهمهاش كلامي وخرجت قعدت
اسبوع لا حس ولا خبر وأنا بصراحة يابنتي مردتش
اتسرع واطلقها قولت يمكن ربنا يهديها بعد م عدي
اسبوع لقيتها جاية وبتطلب مني الطلاق وكان آدم
موجود ف أوضة المكتب
Flash back...
محمد : وليكي عين ترجعي هنا تاني امشي اطلعي برا
علا : وهو أنت فاكرني رجعالك تاني دا أنت بتحلم
محمد : ولو جاية عشان آدم انسي انك تشوفيه تاني
وانسي ان ليكي ابن
علا : ابن مين وزفت مين خليهولك أنا ايه اللي يخليني
اربط نفسي بيه أنا عايزة أعيش حياتي
محمد : أنت صحيح قلبك جاحد وخسارة انك تكوني أم
علا : أنا مش عايزة كلام كتير واحترم نفسك أنا جاية
عيزاك تطلقني وياريت ف أقرب وقت عشان لسه في
شهور عدة هتروح من عمري
وأنا عايزة أتجوز بسرعة ............
#البارت_السابع_عشر
علا : أنا مش عايزة كلام كتير واحترم نفسك أنا جاية
عيزاك تطلقني وياريت ف أقرب وقت عشان لسه في
شهور عدة هتروح من عمري
وأنا عايزة أتجوز بسرعة
محمد : أنت فاجرة هيا حصلت لكدا كمان
خرج آدم من غرفة المكتب وبكل غضب قال : طلقها يا
بابا دي متستاهلش تكون أم ولا تستاهل انها تكون مراتك
علا : مع انه ولد قليل الأدب ومش متربي لكن اسمع كلام
ابنك وطلقني بدل م افضحك واجرجرك ف المحاكم
آدم : أنا لو قليل الأدب ومش متربي ف دا عشان مكنش
عندي أم تربيني لأنها أصلا مش متربية
علا ضربت آدم ب القلم وقالت بغضب : امشي اطلع علي
أوضتك يا قليل الأدب
وأنت خلصني وطلق عشان مش فضيالكم عشان بحضر
للسفر وههاجر واسيب لكم البلد خالص
محمد ضربها ب القلم وقال : أنت طالق طالق طالق ب
التلاتة ومع كل كلمة يضربها ب القلم حتي وقعت ع
الأرض ثم قال : مش عايز أشوف وشك تاني لحد م
أموت أنت فاهمة
علا قامت زقت محمد وقالت أنا هدفعك حق اللي أنت
عملته دا وهتدفعه غالي أوي كمان وسابته وخرجت م
الفيلا خالص
Flash......
محمد : وبعدها يا غرام يابنتي آدم جاله انهيار عصبي
وحاول ينتحر أكتر من مرة وكان كل م يدخله دكتورة أو
ممرضة يجيله حاله انهيار ومش طايق يشوف صنف
الستات دا خالص وفضل كدا فترة لحد م الكره اللي
جواه خلاه بقي عنيف وقاسي وواحدة واحدة بقي
بيحب ينتقم من أي واحدة يعرفها لكن كنتي أنت الحاجة
الحلوة اللي ف حياته اللي معرفش ينساها ولا يكرهها
غرام كل دا بتسمعه والدموع متكونة ف عيونها ولما
خلص كلام انهارت ف العياط وقالت ياحبيبي يا آدم كل
دا حصلك وأنت لوحدك
محمد : خلاص يابنتي متعيطيش كل دا عدي من زمان
وأنت دلوقت جنبه وأنا شايف انه بيتغير عشان بيحبك
بس أنا ليا رجاء عندك يابنتي
غرام : اتفضل يا عمي أنا عمري م أقدر اتأخر عنك ابداا
محمد : هو مش ليا يابنتي دا عشان آدم
غرام : اتفضل يا عمي أنا أفدي آدم ب عمري وعمري كله
مش كفاية عليه
محمد : عايزك يابنتي تتحمليه مهما عمل آدم جواه طيب
أوي وبيحبك وميقدرش يستغني عنك
غرام : وهو حد يقدر م يتحملش نفسه يا عمي آدم دا
روحي آدم دا الهواء اللي بتنفسه ومهما حصل مقدرش
ابعد عنه ولو لثانية اطمن يا عمي
محمد : أنا مطمن يابنتي لأنك أصيلة وبنت حلال ربنا
يخليكم لبعض ويبعد عنكم الشر
غرام : يارب يا عمي..... أنا هقوم أشوف الداده هتعمل
ايه ع الغدا النهاردا عن اذنك ياعمي
محمد : اتفضلي يابنتي
عند آدم ◇☆◇☆◇☆◇☆◇☆◇☆
ركن عربيته ودخل الشركة تحت أنظار الموظفين الذين
يهابونه والموظفات المتأملين فيه معجبين به ويتمنون
حتي الكلام معه ولو لخمس دقائق دخل الأسانسير
وطلع علي الدور الذي به مكتبه وخرج م الأسانسير
وذهب لمكتبه فتح باب مكتب حنين أولا فهو بجانب
مكتبه ودخل علي طول من غير ولا كلمة
حنين : في ايه يا أخينا مش تخبط قبل م تدخل
آدم بصلها من فوق لتحت من غير م يرد ولسه هيدخل
مكتبه حنين وقفت قدامه وقالت : أنت أطرش ياحاج
أنت رايح فين ؟
آدم قلع نظارة الشمس وبصلها بغضب : أطرش !!
أنت عبيطة ابت أنت !!
وبص علي سكرتيرة مراد وقال : مين دي يا ريهام وأنت
وهيا قاعدين هنا ليه ؟
ريهام : دي سكرتيرة حضرتك يا آدم باشا ومراد بيه قالي
أفضل معاها واعلمها الشغل
آدم بغضب وصوت عالي : نعمممم!!! دي السكرتيرة
بتاعتي أنا وكمان أنت اللي بتعلميها الشغل هو احنا في
حضانة هنا وخبط ب ايده ع المكتب بكل قوته
حنين : يالهوي يالهوي يالهوي هو دا آدم باشا اللي أنا
هشتغل معاه دا هياكلني لا يا ريهام أنا ماشية وكفانا
الله شر القتال
آدم : أنت بتقولي ايه يازفته أنت ؟
حنين : لاااااااا ورفعت السبابة ف وشة وقالت
مسمحلكش علي فكرة هو أنت هتشتريني أنا ماشية
وسيبهالك وأخدت شنطتها وفتحت باب المكتب
وخرجت بعصبيه وعمالة تبرطم بالكلام وفجأة خبطت
ف مراد
مراد : والله أنا أمي دعيالي النهارده ساعة فجرية شوفي
أنت اللي جيتي ف حضني لوحدك أهو أنا معملتش
حاجة
حنين لسه هتضربه ب القلم مسك ايدها وقال العبي
غيرها يا شاطرة انسي انك تمدي ايدك عليا تاني وبص
ف عنيها وهيا كمان تاهت ف عنيه وبعد فترة
حنين : ابعد عني كدا دي شركة كلها مجانين الله الغني
عن دي وظيفة وزقته ودخلت الأسانسير ولسه هتضغط
علي الدور الأرضي اكتشفت انها حافية قالت لنفسها: دا
ايه اليوم الغريب دا أنا لا يمكن ألبس الشوز دي تاني دي
منحوسة خرجت من الأسانسير تحت أنظار مراد اللي
شافها وأول م لقاها حافية ضحك كتيييير وقال : احنا
بردو اللي مجانين تعالي علي مكتبي احكيلي ايه اللي
حصل ونشوف موضوع الشوز بتاعك دا
حنين حطت وجهها ف الأرض ومترددة تعمل ايه !!
مراد مسك ايدها وقال : يالا تعالي كل شئ وليه حل
مشيت حنين مع مراد لمكتبه أول م دخل لقي الفون
بيرن
مراد : ألووووو
آدم : أيوه يا زفت تعلالي حالا ف مكتبي واوعي تتأخر
مراد : حاضر يا آدم
آدم أغلق الهاتف بوجه مراد
مراد : اقعدي يا حنين واحكيلي ايه اللي حصل شكلك
نيلتي الدنيا خاااالص..............