أحببت صعيديآ بقلم ملك اسامه
الفصل الاول والثاني
♡♡♡♡♡♡♡
في فرنسا تحديداً في بيت الصاوي
ملك بتكلم والدتها ڤيديو كول
ملك: حاضر يا مامي
هدي: تعالي بقي يا ملك أنا زهقت و أنتي وحشتيني أوي أوي
ملك بأبتسامه: حاضر ياست الكل المهم هقفل معاكي دلوقتي عشان بابي جه
هدي: تمام سلام يا قلبي
قفلت ملك مع والدتها و نزلت لباباها حضنته و قعدت معاه
ملك: بابي أنا هسافر مصر
إبراهيم: الصعيد برضو!!
ملك: بابي أنت عارف من ساعه ما جينا مروحتش و مامي وحشاني عشان خاطري
طارق أبن عمها و هو داخل: أنا مش فاهم أنتي عايزه تروحي ليه!!! صعيد و قرف بقي
ملك بحده: طاااارق مسمحلكش الصعيد دي حاجه حلوه جدآ علي فكره إنتوا بس اللي فكرتكوا عنها غلط في غلط
إبراهيم عشان ينهي الجدال: خلاص خلاص حضري نفسك بعد يومين هتسافري
ملك باسته من خده و جريت عشان تقول لمامتها
طارق: إيه يا عمي ده!!!
إبراهيم: إيه!!
طارق: إزاي تسمح بكده!! ما هي كده هتشوف قرايبها و تحن
إبراهيم: مش هتحن يا طارق متقلقش
و قام و سابه
طارق: ماشي ياعمي أما نشوف
ملك قالت لمامتها و جهزت حاجتها في الشنطه و ظبطت كل حاجه أبراهيم حجز تذكره ليها لأنه مش هينفع يسافر
» » » » » »
علي الجانب الآخر
عند هدي
البيت مليان زغاريط و أفراح
سليم: في إيه يا جدو فرح ده ولا إيه!!
الجد بضحك: لا يابني دي ملك بنت عمتك و اخيرآ هتيجي الصعيد و تجعد معانا طول الإجازة دي
سليم: جايه أمتي دي و هتيجي لوحدها!!!
هدي: اه جايه لوحدها و جايه بعد بكره انشاءالله الصبح
الجد: و أنتوا هتروحوا تجيبوها من المطار أنت و أدهم و صالح
صالح: أنا عمتاا موافق اقابل المزه اللي بيحبها جدو أوي كده
الجد: من حقي أحبها دي ملاك و ملاكي أنا وبس يا واد
أدهم و هو داخل: مين دي بقي اللي ملاكك يا جدي أنت هتتجوز ولا إيه
الكل ضحك و الجد قال: لا دي بنت خالتك يا أدهم
أدهم: اه اللي مسافره دي!!
هدي: آه و أخيرا جايه
أدهم: طيب توصل بالسلامه ليه بقي ملاكك يا جدو!!
الجد: لما تشوفها هتعرف يابني يلااا يا صلاح جهز كل حاجه عشان ندبح و عرف كل البلد إن حفيدتي جايه و سليم إنت و أدهم و صالح تسافروا بكره و تقعدوا في الشقه اللي في مصر و بعد بكره تروحوا تجبوها من المطار
هدي ادت لأدهم صورتها عشان يعرفها أدهم أخد الصورة و طلع اوضته قعد علي السرير
و فضل باصص عليها كتير كانت حلوه عيونها جميله كانت صورة في الشمس و بتضحك و شعرها طاير
أدهم: حلوة ليه حق جدي يقول عليكي ملاك
و أبتسم و حط الصورة في جيبه و نام
» » » » » » » »
بعد يومين
في مطار القاهره الدولي
ملك واقفه بتختم الباسبور خلصت و خرجت لبرا
أدهم هو و صالح و سليم واقفين و معاهم بودي جارد و رافع إسم ملك الصاوي
ملك قربت منهم و قالت و هي بتعدل شعرها: أنا ملك الصاوي إنتوا قرايبي بقي!!!!
صالح و هو بيصفر: بقي أنا عندي بنت عمة قمر كده
ملك كانت لابسه فستان ازرق من غير أكمام ضيق من فوق و واسع من تحت نهايته عن الركبه و عامله شعرها ديل حصان و حاطه ايلاينر وبس
ملك ضحكت و مدت أيدها ليه: أهلا أنا ملك و أنت!!
صالح: أنا صالح أبن خالك
ملك: آه أهلا يا صالح مش يلاا طيب ولا إيه!!!
أدهم: يلا فين أنتي هتيجي معانا الصعيد كده!!!
ملك: ماله كده!!!
أدهم: دول يعملوا عليكي حفله وربناا قال ماله كده غطي كتافك دي بس بعد كده أتكلمي
ملك بأستغراب: حفله!!! أنا مش فاهمه هو أنا عريانه يعني ولا إيه!!!!
سليم عشان ينقذ الموقف: ملك هو مش قصده لكن عندنا في الصعيد مينفعش تلبسي كده
ملك بعفويه: بس اناا مش من الصعيد أنا جايه زيارة و راجعه و ألبس اللي أنا عايزاه
أدهم عيونه أحمرت و كان شويه و هيديها بالقلم
أدهم بحده: خدي ده
ملك بغباء: إيه ده كمان
أدهم بنرفزه: شايفه إيه جاكيت غطي كتافك و لو قلعتيه صدقيني يوم هيبقي أسود
ملك: أنت مين عشان تكلمني بالطريقه دي أصلا !!! و ألبس جاكيتك ليه!! هو الواحد ناقص
أدهم شدها من أيدها اللي كانت باينه كلها و وصلوا لحد العربية لبسها الجاكيت و دخلها جوا العربيه و قال: أقسم بالله لو اتقلع ليلتك مش هتعدي و ركب جمبها و قال للباقي: يلاا
الباقي جم و ركبوا العربيات و كان البودي جارد هو اللي بيسوق العربيه بتاعت أدهم
ملك:إحنا هنروح الصعيد علطول!!!
أدهم:آه
ملك:من غير ما أرتاح أنا لسه جايه من السفر
أدهم:نامي عادي
و قفل الازاز اللي بينه و بين البودي جارد و قال:تقدري تنامي دلوقتي
ملك:و أنت!!!
أدهم:متخافيش مش بأكل بني ادمين
و لف وشه للشباك و هي نامت لما حس إنها نامت لف وشه ليها و فضل يتأمل ملامحها بعد مده ملك اتقلبت و حطت رأسها علي كتفه و ده خلاه يقرب منها أكتر و يشم ريحه شعرها اللي داب فيها و أتنفس بهدوء و بص قدامه
» « » « » «
بعد مده كبيره من الوقت
كانوا وصلوا الصعيد و وصلوا قدام بيت الدميري (عباره عن ڤيلا كبيره و كل واحد ليه جناح خاص لوحده)
أدهم:ملك أصحي وصلنا يلاا ملك
ملك بنوم:خمس دقايق تاني ونبي
أدهم ضحك عليها و قال:ملك وصلنا الصعيد يلاا
ملك بدأت تفوق و صحيت و كانت لسه هتخلع الجاكيت عشان تنزل
أدهم:هتعملي إيه!!!
ملك:هقلع الجاكيت
أدهم:لا خليكي بيه لحد ما ندخل جواا
ملك:اوففف حاضر
نزلت و أدهم نزل وراها
دخلت ملك الڤيلا و هدي جريت عليها حضنتها و عيطت
هدي بعياط:وحشتيني جوي جوي يا بنت بطني
ملك:و أنتي كمان يا مامي أوي أوي
بعد مده هدي بعدت عن ملك الجد قرب من ملك و حضنها ملك حضنته و حست بحنيته و حبه ليها
الجد:وحشتيني يا ملاكي
ملك:و أنت كمان يا جدو
الجد اخدها و قعد و قعدها جمبه و كل شويه يحضنها و مش مدي فرصه لحد تاني يرحب بيها
هدير:يا جدووو اديني فرصه أرحب بالبت دي شويه بقيي
الجد ضحك و قال:رحبي ياختي رحبي
هدير و هي بتحضن ملك:أهلا أنا هدير بنت خالتك و اخت أدهم
ملك حضنتها و قالت:أهلا بيكي بس أنهي أدهم فيهم
هدير ضحكت و شاورت علي أخوها ملك أبتسمت إبتسامة صفرا لما عرفت أن ده أخوها الكل رحب بيها معادا سارة و أمها اللي بيكرهوها هي و أمها جدآ
» « » « » «
بعد مده
ملك كانت في الجناح بتاعها اللي قبل مامتها و بعد أدهم علطول و كانت قاعده بطمن باباها عليها و تأكدله أن كل حاجه ماشيه تمام
خلصت و نزلت
ملك بصوت عالي:يااا أهل الدااار جوعااانه وحياة أبوكوا
صالح بضحك:أنتي متأكده إنك كنتي في فرنسا مش بولاق!!!
ملك بضحك:والله يا أخويا ما أنا عارفه
صالح:كنت عااارف وربنا الأكل يا جماعه لتفضحنا
حضروا الأكل و الكل قعد
سارة بغل:الا قوليلي يا ملك بتدرسي إيه!!
ملك بأبتسامة صافيه:هندسه معماريه
سليم:بجد!!ده مجال شغلنا
ملك بأبتسامه:ما أنا عارفه و كمان مجال شغل بابا عشان كده دخلته
الجد:ربناا يحفظك يابتي يارب
ملك أبتسمتله و كملت أكل
أمنيه:هتقعدي معانا قد إيه!!
ملك:طول الاجازة يا خالتو
هدير:يعني أربع شهور الله أنتي هتبقي صحبتي أكيد!!
ملك:أكيد يا دودو أنتي قمر أصلا
هدير ضحكت و الضحكه دي خطفت قلب حد قاعد علي الترابيزه
خلصوا أكل و قاموا هدي هي و أمنيه أخدت هدير و ملك و قعدوا يتكلموا كتير أوي
و أدهم و سليم خرجوا و صالح قعد يذاكر و طبعا آم سارة بتبخ سمها في بنتها و صلاح مع الجد تحت
» « » « » « « «
باليل
كان الكل رجع و ناموا و البيت هادي و الكل نايم في هدوء فجأة قطع الهدوء ده عليهم صرخة ملك
ملك:اعااااا...
البارت الثاني
بقلم ملك اسامه
ملك: اعااا
الكل جري علي أوضة ملك و فتحوا الباب كانت ملك في الأرض و بتتلوي من الوجع
هدي و هي حضناها: مالك يا بنتي
ملك: هموت يا ماما بطني همووووت
سليم طلب الاسعاف لكن أدهم مستناش الاسعاف و شالها و نزل بيها و الكل نزل وراه وصل المستشفي و الدكاتره اخدوها منه لأنها حفيده كبير البلد أكيد مش هتستني اخدوها و دخلوا الأوضة طلع الدكتور بعد
مده و قال: الانسه الزايده عندما متضخمه و ممكن تنفجر و هنعمل عمليه عشان لازم نشيلها
الجد: شيلها يابني شيلها المهم تبجي زينه و بخير
الدكتور دخل و بدأ يجهز كل حاجه للعملية
و بعد مده دخلوا العمليات
» « » « » «
بعد ساعتين
الدكتور طلع و طمن الكل إنها بخير و هتفوق بعد شويه
هدي و هي بتعيط في حضن أختها: الحمدالله يارب الحمدالله
أم سارة: بصي بنت الأيه عرفت تتسهوك زي أمها بالظبط
سارة: أنا خايفه يا ماما لا أدهم يحبها
أم سارة: لا طبعآاا متخفيش وبعدين دي مش محجبه هيحبها إزاي أصلا (قال يعني بتك اللي محجبه دي واخده الحجاب لعبه بالنسبالها مش لبس محجبين ده)
أم سارة: ملكش دعوه يا صلااح
صلاح بتحذير: بطلي خططك دي بقي و الا والله اطلقك
أم سارة خافت و حست أنه فعلآ ممكن يطلقها فسكتت
بعد مده ملك صحيت و الكل دخلها و اطمنوا عليها و خرجوا و أدهم كان تحت بيدفع الحساب و طلع ليها و دخل
أدهم بأبتسامه: حمدالله علي السلامه خضتينا عليكي
ملك أبتسمتله و قالت: الله يسلمك أنا هروح أمتي!!
أدهم:بكرا انشاءالله
ملك:تمام
أدهم:أنا هسيبك دلوقتي ترتاحي سلام
ملك:سلام
أدهم طلع و ملك نامت
» « » « » «
اليوم التاني
أدهم أصر أنه يروح يجيب ملك لوحده لكن هدير جت معاه و راحوا و جابوها طبعآ الكل سلم عليها و اطمنوا عليها و طلعت اوضتها هي و هدير نامت علي السرير و قعدت تلعب في شعرها و هدير قدامها
ملك:هدير ما تحكيلي عن أدهم
هدير بخبث:ليه اشمعني أدهم يعني!!!
ملك بتوتر:عادي يعني لو مش عايزة خلاص
هدير ضحكت و قاالت:حاضر ياستي بصي أدهم من صغره و هو شخصية قويه كده و سند بصراحة لأي حد و لما تحتاجيه وقت شدتك تلاقيه و كان بيحب الحب أوي أوي و قبل كده حب لكن للأسف و سكتت
ملك بأستغراب:للأسف إيه!!!
هدير محبتش إنها تعرف ملك الماضي و سكتت
ملك:هدير للأسف إيه!!!
كانت هدير هتتكلم لكن انقذها صوت أدهم و هو بيناديها و سابت ملك و نزلت
ملك بأستغراب من حالتها:و قبل كده حب لكن للأسف!!!ياتري للأسف إيه يا أدهم أكيد هعرف
نفضت دماغها من التفكير و دخلت اخدت دش و طلعت لبست بيجامه بنص كم لون التيشرت بينك و بنطلون أسود كرينا ضيق و عملت شعرها ديل حصان و هتفتح الباب عشان تطلع أدهم لمحها لابسة كده نزل من جناحه طيران
أدهم:ملككككك
ملك ألتفت لمصر الصوت:نعم!!!
أدهم:أنتي رايحة فين!!!
ملك:طالعه براا اشم هواء
أدهم و هو بيتفحصها:كده!!!!
ملك:آه كده مالي!!!!
أدهم:أطلعي ألبسي حاجه يا ملك بدل البنطلون ده الله يرضي عنك
ملك:ماله البنطلون مش فاهمه!!!
الجد:معلش يابنتي إحنا هنا في الصعيد مش بلاد براا و مينفعش تطلعي برا كده
ملك:حاضر يا جدو
طلعت ملك غيرت هدومها و لبست تيشرت بكم بس خفيف لونه أسود و بنطلون واسع أسود برضو و شنطه سوده و سابت شعرها زي ما هو و نزلت كان أدهم و الجد و صالح قاعدين
صالح و هو بيصفر:مزهههه عليا النعمه مزهههه
الجد:اختشي يا صالح
ملك بضحك لأنها اتعودت علي هزار صالح:سيبه يا جدو بيهزر عادي بقولك يا صالح ممكن تاخدني نتمشي برا!!!
صالح:هو للأسف انا عليا مذاكرة قد كده أهو بس تعالي يلا عادي
أدهم:خلاص يا صالح خليك أنت أنا هخدها و نتمشي و أنت أقعد زاكر بعد اذنك يا جدي
الجد بأبتسامه خبيثه:إذنك معاك يابني
أدهم طلع و ملك أبتسمت و طلعت وراه أدهم ركب العربية ملك راحت خبطت علي الازاز رفع أدهم الازاز و قال:أيه أركبي
ملك:بقولك عايزة اتمشي يا بني أدم اتمشي مش أركب العربية عايزة أشوف الناس و اتمشي في الأرض
أدهم طلع من العربية و قفلها و قال:ماشي ياختي إتفضلي قدامي بس تفضلي جمبي هااا
ملك:حاضر
ملك مشيت جمب أدهم و كانت طول الطريق بتغني و أدهم سامع صوتها و عجبه جدآ عشان كده مزعقش أدهم كان بيمشي و ملقاش ملك جمبه بيبص وراه لقاها واقفة مع طفل بيعيط في الأرض قرب منها و سمع الحوار
ملك:فين مامتك يا قمر
الولد:أمي مش عارف راحت فين و أنا ضايع
ملك باسته من خده و قالتله:هندور علي ماما سوا تعالي
و بصت لأدهم و بدأوا يدوروا علي ام الولد و فعلآ بعد مده لاقوها
الأم و هي بتحضن ابنها:حبيبي يابني و بتعيط
الأم شكرت ملك و أدهم و أخدت الولد و مشيت
أدهم:هنكمل ولا نروح!!!
ملك:نكمل
و كملوا مشي لحد ما وصلوا قدام شجر كتير ملك قعدت و سندت علي شجرة و شاورت لأدهم ييجي يقعد جمبها
أدهم قعد جمبها و بدأت ملك تتكلم
ملك:احكيلي عن نفسك!!
أدهم:ليه!!
ملك:عايزه أعرفك ياعم
أدهم ضحك و قال:ماشي ياستي أنا رائد في الشرطه صعيدي نص نص يعني حياتي في الصعيد لكن دراستي كانت في القاهره و شغلي برضو
ملك بسرعه:أدهم أنت حبيت قبل كده!!!
أدهم ملامحه اتغيرت و قام و قال:يلاا يا ملك
ملك استغربت من طريقته و قامت معاه طول الطريق محدش بيتكلم فيهم أبدا
» « » « » « »
بعد مده
وصلوا البيت و ملك طلعت قبل أدهم
ملك لجدها:جدوووووو
الجد:نعم يابنتي في إيه!!!
ملك:بص ياجدو أنا قررت أعمل حاجه
الجد:ها قررتي تعملي إيه
ملك:بص بما إني مشيت في البلد و كده لاقيت أن مفيش حد يعلمهم الرسم و مفيش حتت مخصصه للرسم خالص فأنا قررت أعمل في كل منطقة حتة مخصصة للرسم هنكون أنا و هدير المشرفين عليها و أدهم و سليم هيسعدونا أننا نعمل هاا!!
الجد بتفكير:حلوة الفكرة دي جوي جوي خلااص معاكي أدهم و سليم من النهاردة و هدير كمان
صالح:و أناااا
ملك:أكيد طبعآ أنت ليه دور كبير يلاا روحوا ناموا عشان بكره هنبدأ
أدهم استغرب أن ملك جايه تغير الصعيد و هي مش هتقعد فيه أصلا بس نفذ كلامها و طلع
» » » » » » » »
في أوضة أم سارة انجي
سارة:شوفتي يا ماما شوفتي بتعمل إيه
انجي:شوفت عاملة زي أمها دحلابه تتمسكن لحد ما تتمكن
سارة:طيب هنعمل إيه
انجي:هقولك..
« » » « » «
تاني يوم
الكل صحي بهمه و نشاط
ملك لبست سلوبته جينز و تيشرت أبيض عليه ميكي و عملت كحكه و نزلت منها كام خصله و لبست نضارة و نزلت
هدير لبست سلوبته قماش بكم لونها نبيتي و حجاب بالون الأسود و كوتشي أسود و أخدت شنطتها البيضة و نزلت
ملك:صباح الخير يا قوووم جاهزين!!!!
سليم:أنا عن نفسي جاهز
أدهم و هو نازل:و أنا كمان
ملك بصتله بأنبهار أدهم كان لابس تيشرت أسود بنص كم و بنطلون أسود و نضارة سودة و شعره سايح و كوتشي أبيض
هدير بصفير:مززززز مزززز يعني
أدهم ضربها علي رأسها بخفة و نزل بدأوا فطار و خلصوا و طلعوا و معاهم صالح و سارة اللي اصرت تيجي معاهم
وصلوا أول منطقه هيعملوا فيها و بدأت ملك بالتوجيه
هدير و سليم راحوا منطقة تانيه معاهم حراس عشان يساعدوهم
صالح كان بيساعد ملك و أدهم و سارة واقفة و قرفانه
» « » « » « »
كانت ملك واقفة في حته فيها شجر و جمبها ترعة كبيرة و قدامها المكان اللي بتعمل فيه و أدهم بعيد عنها بشوية سارة استغلت الفرصة دي و قربت من مكان ملك
سارة:اساعدك!!!
ملك بأبتسامة:آه هاتي الخشبة دي معلش
سارة راحت تجيب الخشب و هي بتديها لملك زقتها في الترعة
سارة بخوف حقيقي :أدهممممم ألحق ملك
أدهم جري و قلع التيشرت و نط شال ملك و طلع بيها ملك كانت ماسكه فيه و هي خايفة(ماسكة في عضلاته أيوة أيوة 😂🙂)
سليم و هدير جريوا علي اصواتهم و الكل حوالين ملك اللي في حضن أدهم و بتكح و خايفة
سليم: لازم نأخدها البيت
أدهم: جهز العربية
سليم جهز العربية و أدهم ركب و الكل وراه
» « » « »
بعد مده
وصلوا البيت و نزلوا هدي و الجد و أمنيه لما شافوا ملك كده جريواا عليها و هما مخضوضين
هدي: مالها يا أدهم!!!
أدهم: متقلقيش وقعت في الترعة بس متخافيش
و طلع بيها اوضتها و الكل وراه حطها علي السرير و طلع جناحه و سليم طلع وراه
هدير و هدي غيروا لملك هدومها و أمنيه جبتلها حاجه سخنه عشان تشربهاا
ملك و هي بتشرب: متخافيش يا ماما أنا كويسة والله
الجد و هو داخل و حضنها جامد: متنزليش تاني يابتي مش حمل إنك تضيعي من أيدي
هدير بضحك: يااحاج ده أدهم كان دنجوان و انقذها أهو
ملك و هي فرحانة: أيوة يا جدو و بعدين عادي يعني مش أول واحدة أقع صح!!!
الجد: بس أنتي حفيدة كبير البلد يابتي مينفعش كده
ملك و هي بتبوس أيده: لا ينفع يا حبيبي
الجد حضنها جامد و هي نامت في حضنه من التعب
الكل طلع و الجد حط رأسها علي السرير و طلع
» « » « » « »
في جناح أدهم
سليم و هو بيتفحص أدهم: أنت بتحبها صح!!!
أدهم: هي مين دي أنت اتجننت
سليم: أهدي كده بس بتحبها!! و هي ملك
أدهم: سليييم أطلع برااا
سليم ضحك و طلع و أدهم مسك موبايله و أتصل بشغله
أدهم: الو أنا جاي بعد أسبوع
صاحبه: يابني مش قولت شهر!!!
أدهم: لا معلش المهم قول للواء
صاحبه: ماشي
و قفل معاه
» « » « »
في أوضة انجي و سارة
سارة: بقولك زقتها و خوفت بعد كده و ناديت أدهم متحملتش يا ماما اسيبها
انجي بغل: عشان أنتي غبيه و هتفضلي غبيه
سارة: أوفف كنتي عايزاني اسيبها تموت يا ماما!!!!
انجي كانت هتتكلم لكن فجأة سمعوا صوت ضرب نار برا