#روايه احببتها_ولكن
بقلم مريم جلال
#الفصل_الثالث
بعد سفر هادي امريكا ب 4سنين قدر يحقق حلمه واصبح اشهر جراح قلب ف امريكا واسمه يردد علي اذان الناس كلها
هادي فاق من النوم علي صوت الفون:الو
كريم:ايه يا عم هو عشان بقينا من اشهر دكاترة العالم خلاص ننسي صحابنا
هادي:ايه بلاعه اهدي ياعم الارقام اتمسحت من عندي ومعرفتش اجبها تاني وحشتني
كريم:وانت كمان يا هادي ايه اربع سنين ماشوفكش ياشيخ ايه مش ناوي تنزل مصر
هادي:كنت ناوي اعملهالك مفجأة بس صعبت عليا انا نازل مصر بعد يومين وخلاص هستقر
كريم بسعادة:بتهزر
هادي:والله بقولك اخبار فرح ايه
كريم:فرح اتغيرت بعد ما سافرت كده من سكات بقت هاديه علي فكرة فرح بتحبك مضيعهاش من ايدك فرح اختارت قسم القلب علشانك عندها امل انك ترجع وتشتغل معاك ف نفس
المجال ودلوقتي ملكش حجه ولا ابويه نفسو ليه حجه دة انت بقيت اشهر دكتور جراحه قلب ف العالم وحالتك الماديه بقت فوق الممتاز عايز ايه تاني
هادي:دة من فضل ربي مفيش متخافش فرح بتاعتي وشكرا انك حافظتلي عليها زي ما وعدتني
كريم:فرح هي الي رافضه الجواز وعامله مليون مشكله ف البيت بس انت هتيجي تقضي عليها
هادي:ان شاء الله
وبالفعل بعد يومين تهبط طيارة هادي المحمدي الخاصه لمطار القاهرة
كريم جري عليه:هااادي ايه دة انت بقيت موز أوي ايه دة يخربيتك انا اخو فرح بردو متتجوزني انا
هادي بضحك:لاء ياعم مليش فيه انا عايز فرح انت وش فقر
كريم:تشكر يا رجوله
واخذ هادي سيارته الخاصه وبجانبه كريم
كريم:كبرنا وبقينا نركب عربيات غاليه
هادي:انت هتنق فيها من اولها
كريم:ياعم انا مبنقش انا بحسد بس
ودخل هادي حي ملئ بالفلل الفخمه جدا
كريم:احنا جينا هنا ليه
هادي:عشان دة بيتي شاور هادي علي فله فخمه كثيرا ومصممه علي العصر الامريكي
كريم بصدمه:متهزرش دة بيتك
هادي:ااه والله
كريم:قاعد اقولك اتجوزني مش راضي
هادي بضحك:طب انزل يا اخويه
وبالفعل نزلوا ودخلو الفله وكانت ف غايه الجمال
كريم بجديه:مبروك عليك يا هادي انت تستاهل اكتر من كده حقيقي
اخرج هادي من جيبه نسخه مفاتيح:خد يا كريم
كريم باستغراب:ايه ده
هادي:دي مفاتيح الفله بتاعتي معاك المفتاح ف اي وقت مخنوق فيه عايز تريح عايز تبات معايا معاك اهو عشان انا معظم الوقت مش ف البيت ولو جيت بليل وانا نايم تخبط هقتلك ف المفاتيح اهي
كريم بابتسامه:شكرا حقيقي علي ثقتك فيا انك تديني مفتاح بيتك
هادي:دة هيبقي بيت اختك كمان يعني تيجي ف اي وقت ومفيش شكر بينا يلا اسيبك انا تتفرج علي الفيله علي بال ما اروح المستشفي بتاعتي
كريم:بتاعتك
هادي:ااه ليه مستشفي هنا اسمها هديه للقلب
كريم بصدمه:دي الي بتشتغل فيها فرح
هادي:عارف انا الي طلبت تشتغل فيها
كريم:انت مسميها علي اسم طنط هديه مامتك الله يرحمها
هادي:الله يرحمها ايوة
كريم:دماغك المنورة دي هتودينا ف داهيه يلا روح اللحق فرح يابتاع فرح
هادي ابتسم ومشي
عند فرح
فرح ف مكتبها
ميار:مالك يا بنتي
فرح:مش عارفه حاسه ان قلبي مبسوط انهاردة جدا
ميار:ربنا يفرحك اكتر واكتر ااه صح صاحب المستشفي جاي انهاردى
فرح:ااه سمعت انو جاي من امريكا انهاردة متعرفيش اسمو ايه
ميار:لاء اسمو مجهول هنعرفه لما يجي
فجأة دخلت ممرضه:دكتورة فرح دكتورة ميار الدكتور الكبير جه وعامل اجتماع تعارف
فرح وميار:ماشي جايين
وبالفعل اتجهو كل من فرح وميار لغرفه الاجتماع
دخلو غرفه الاجتماع وقعدو وهادي كان قاعد وعاطي ضهرة بالكرسي لطربيزة الاجتماعات
هادي سمع غلق الباب ولف بالكرسي
وفرح كانت بتكلم ميار
وميار بصت علي هادي وتصنمت
فرح:مالك يا ميار ف ايه
ميار:بصي
ملحوظه ميار عارفه موضوع ان فرح بتحب هادي
فرح بصت علي هادي وانصدمت
فرح بهمس وعنيها فيها دموع:ه..هادي