👑عيلة العطارين👑
👑الفصل الثامن والثلاثون👑
بقلم منة وائل
رامي :
يابني في أي مشيت كدا واحنا بنتكلم ولا قولت رايك ولا حتى
وشك باين عليه الفرح مالك يااحمد في أي؟
نظر له احمد ثم اخذ نفس عميق وقال :
انا مش موافق يا رامي على الجوازه دي
رامي بدهشه :
اييييييي
احمد وهو ينظر أمامه :
زي ماسمعت مش موافق
رامي بانفعال :
انت اي اللي بتقولوا دا يااحمد وبأي حق تقررلها انت حياتها وبعدين هو انا فيا اي عشان ترفضني؟
نظر له احمد ثم قال والغضب يملئ عينيه :
مش دي البنت اللي انت كنت على علاقه بيها وكنت كل يوم بتسهر معاها في التليفون؟
نظر له احمد ثم نظر الي الأرض بخجل
اكمل احمد قائلا بحده :
يعني كنتوا مرتبطين من ورايا، والله اعلم عملتوا اي تاني من وريا
رفع رامي راسه سريعا وقال بغضب شديد :
انت ايه اللي بتقوله دا انت اتجننت في عقلك هي حصلت لكده، وبعدين ماحالك من حالي يااخويا ماانت كنت بتكلم انچي ليل نهار وتتقبلوا برا
وهي مش خطبتك حته وقال اي تحت مسمى الصحاب على
الاقل انا اعترفتلها بحبي من اول ما قلبي دقلها مافضلتش اقرب منها ومش معرفها راسها من رجلها وربنا يعلم انا كنت براعي
ربنا فيها ازاي، لأن فعلا عايزها تكون مراتي وعمتا شكرا يا صاحبي ياللي زمان كنت بتقولي انت تشرف اي بنت دلوقتي انت
بترفض جوازي من اختك يعني انا مشرفكش، شكرا يا صاحب عمري عن اءذنك
احمد بندم وهو يمسك يد رامي :
استنا بس يا رامي خلينا نتفاهم انا مقصدتش حاجه
جذب رامي يده ثم قال وهو يرحل :
سبني يااحمد انت كسرت كل الاخوه والصحوبيه اللي بينا معدش ينفع يا صاحبي عن اءذنك
احمد وهو ينده عليه :
استنا بس يا رامي، يا رامي
اي الغباء اللي انا فيه دا انا ازاي قولت كدا، غبي غبي
بقلمي منه وائل
*************************
في منزل الحاج حسين
عمار وهو يمسك يد أسرار :
ياعمي والله احنا مضطرين نمشي بقا يعني بقالنا شهر واكتر قاعدين هنا نرجع بقا بيتنا
حسين :
ليه بس يابني ماانتوا قاعدين ومونسينا
عمار :
لا معلش يا عمي اصل بيتنا وحشنا بقا
تن تن
جليله :
حاضر جايه اهو، يوسف اتفضل ياحبيبي تعالي يا ندى
نظر حسين لهما ثم قال :
عارف، عاوزين تمشوا انتوا كمان مش كدا؟
نظر يوسف له ثم ابتسم وقال :
معلش ياعمي اصل يعني الحمدلله كل حاجه اتصلحت فلازم نرجع بقا
نظر حسين له بخبث ثم نظر لعمار وقال :
متأكد ان كل حاجه اتصلحت؟
فهم يوسف وعمار مايريد ان يقوله عمهم فنظر عمار ليوسف وندى ثم قال باعتذار وندم :
انا عارف اني غلطت فيكي ياقلب اخوكي ومدت ايدي عليكي وانا عمري ماعملتها في حياتي وكانت تنشل قبل ماتتمد عليكي
ندى وهي تحتضنه والدموع في عيونها:
بعد الشر عليك يا حبيبي انا مش زعلانه منك ومسمحاك والله
كان ينظر لهم يوسف بغيظ وغيره عليها، وكأنه يود انا يفتك برأس عمار الذي يحتضن معشوقته
يوسف وهو يبعد ندى عن حضن عمار :
احم خلاص كفايا والا انت ملكش الا في الحريم؟
نظر له عمار ثم قال له بمزح :
لا ومين قالك كدا دا انا ليا في كله يا برنس وخاصة النوع الناشف
ثم غمز له في نهاية الحديث
نظرا الاثنان لبعضهما ثم ضحكا بشده وقاموا باحتضان بعضهما قائلا يوسف :
بالحضن يا ابو عمار
عمار بمرح :
حبيبي يا فواز يااخويا
ضحك الجميع على مزاحهم ثم انتقل عمار وأسرار الي منزلهم ويوسف وندى الي منزلهم
بقلمي منه وائل
*************************
في منزل زين
مراد باستغراب :
زين يازين، مالك يابني مبوز لي كدا؟
زين وهو يقلب في التلفاز بملل :
اومال عاوزني اعمل اي بعد اما كنا بنحب بعض وخلاص مستنين اليوم اللي هاجي أتقدم فيه كل دا يتهد وبقت خايفه مني، لا وكمان بتفكر اذا كانت هتتجوزني والا لا واحتمال كبير يكون لا، تقدر تقولي انا اعمل اي؟
مراد بتفكير :
انا قعدت مع اميره على فكره وعرفت منها ان چيچي في اليوم دا طلبت منها تجبلها ملف من مكان كدا وسابت معاها الكابتشينو فأنا شاكك انها ممكن تكون حطت حاجه
نظر له زين بدهشه ثم هب واقفا وقال :
شاكك دا اي اللي شاكك دا، دا انت تتأكد دي چيچي، كانت تايهه عني فين دي، بينا يلا قوم البس
مراد بتساؤل :
في أي يابني اهدي بس هنروح فين دلوقتي؟
زين وهو يذهب إلى الغرفه سريعا :
هنروح بيت چيچي ابوها رجع من السفر انا بقا خلاص هطلع المستخبي لابوها يلا
بقلمي منه وائل
*************************
في منزل چيچي
والد چيچي :
ماهو مش معقول كدا يابنتي يعني هتفضلي متراهبنا طول حياتك، وبعدين زين اللي مستنياه دا خلاص هيتجوز
تركت چيچي الكوب من يدها بفزع ثم قالت :
ايييي هيتجوز امتا وازاي؟
والد چيچي:
عرفت من ابوه النهارده انه راح أتقدم لبنت كدا زميلته في الجامعه
چيچي بصدمه لنفسها :
ازاي دا انا حطتله البرشام بأيدي هي ازاي هتتجوزوا؟ دا انا شوفته بعيني وهو بيشرب الكابتشينو
تن تن
والد چيچي :
ايه يابنتي سرحتي في أي؟
چيچي :
ها لا يا بابا مفيش حاجه
الشغاله :
يابيه في اتنين برا عاوزين سيادتك
والد چيچي :
قالولك مين؟
الشغاله بتذكر :
بيقولوا اسمهم زين ومراد
هبت چيچي واقفه وقالت بصدمه :
زين
والد چيچي باستغراب :
زين ومراد؟
دا اي اللي جابهم دول اما اشوفهم عاوزين اي
چيچي سريعا :
استنا يا بابا انا جايه معاك
مراد :
يابني انت ناوي تعمل اي بس انا مش فاهم حاجه
زين:
استنا بس اتفرج دلوقتي انا هعمل اي
والد چيچي بترحيب :
اهلا اهلا اذيك يا زين ياابني عامل ايه؟
زين وهو يمد يده ويسلم عليه:
الحمدلله ياعمي انا بخير
والد چيچي موجها الحديث لمراد :
وانت مراد اخبارك ايه واخبار والدك؟
مراد بانتباه :
الحمدلله حضرتك بخير
والد زين وهو يأذن لهم بالجلوس :
طب اتفضلوا اتفضلوا اقعدوا
زين وهو مسلط عينيه على چيچي:
اذيك يا چيچي عامله ايه
چيچي بتوتر :
ها انا الحمدلله بخير
زين بتهديد غير مباشر :
تعرفي يا چيچي ان الواحد ساعات بيعمل غلط وللأسف بيرجع يندم عليه، يعني لما واحده ذيك كدا سيدة أعمال وللأسف كانت عامله علاقات كتير يا حرام كلها علاقات فاشله وكمان مش سطحيه،
ثم اقترب منها وقال بعيون شر:
وعلاقات محرمه بتكسبي من وراها فلوس
والد چيچي بغضب :
انت اللي بتقولوا دا يازين انت اتجننت، انت ازاي تقول على بنتي كدا، انا بنتي اشرف منك ومن أي حد
ضحك زين بشده ثم اخرج من جيبه هاتفه ومجموعة أوراق ثم قال :
اسمع كدا
التسجيل :
هههههههههه يا سلام يعني انت هتقدر على المبلغ دا كله
-اه ومقدرش لي دا انتي حتى بجسمك دا وبحلاوتك دي لو هشحت اتصرف واجبلك الفلوس
ههههههههههههه مش اوي كدا، خلاص هستناك بكره في شقة الهرم الساعه 8 وماتنساش تجيب كل حاجه معاك وبالنسبه للأوراق بتاعة صفقة عابد هاتها معاك اصل الشغل هيبقا عالي النهارده
-حلاوتك
هههههههههههههه
زين :
ها تحب تسمع تاني اصلا هما مش كتير يعني حوالي 300 400 فويس مش كتير على بنتك
ودول بقا الصفقات اللي بنتك كانت بتعملها مع رجال الأعمال اللي في الخارج
عارف الصفقات دي كانت عباره عن أي ياعمي؟ كانت بتبيع بنات صغيره لرجال أعمال يعني اتجار في البشر، عرفت بقا بنتك ست الحسن والجمال بتشتغل في ايه؟ و اه بالمناسبه البوليس جاي في الطريق
نظر لها والدها بحزن وحاله من الزهول والصدمه
چيچي ببكاء :
والله يا بابا انا....
صفعها على وجهها عدة صفعات ثم قال بغضب :
اسكتي خالص اسكتي بقا انتي جبتلي العار انا بكرهك ابعدي عني، اااااااه ياقلبي
زين بخوف :
عمي
چيچي بصراخ :
بابا لا يا باباااااا
بقلمي منه وائل
*************************
في منزل العطارين بالتحديد في غرفة هبه
كانت تجلس على الفراش تفكر كثيرا كان راسها يؤلمها من كثرة التفكير، فذهبت لكي تفعل كوب من القهوه لكي يقلل من الالام راسها
ثم اخذت الكوب وذهبت المندره (البلكونه)
هبه وقد لاحظت وجود رامي بالداخل :
رامي انت هنا، اي دا يا رامي انت بتعيط؟، في اي رد عليا بس مالك
نظر لها رامي والدموع في عينيه كالطفل التأهه من أمه
هبه بقلق وهي تضع أخيها في أحضانها:
مالك يا رامي بس ماتقلقنيش عليك
رامي بنحيب كالاطفال:
هو انا وحش يا هبه يعني منفعش اني اكون زوج لهدي
هبه وقد تركت الكوب من يدها ثم أمسكت وجهه كأنه ابنها الصغير ثم قالت :
تصدق بالله انت لو مش اخويا انا كنت اتجوزتك
نظر لها رامي ثم ضحك بشده الي طريقتها
هبه بضحك :
هههههههههههه اه والله مش مصدقني دا انت قمر يا بني، دا كفايا انك اخو هبه بس دي بحالها علامة الجمال
رامي بضحك وهو يمسح دموعه :
هههههههههههه يخرب عقلك يا هبه ضحكتني والله، ربنا يخليكي ليا يااحن اخت في الدنيا، عارفه يا هبه انا طول عمري كنت اقول لماما لي مجبتناش تلات ولاد كنت بقول دايما ان البنات دي غبيه وملهمش لازمه، بس طلعت غلطان البنات دول اجن َاطيب واحسن حاجه في الدنيا، يعني ان يكون عندك اخت بنت تحس بالحنان والدفي، انا بحبك اوي ياهبه وبحسك دايما انتي الكبيره رغم انك صغيره بس انتي دايما بتتصرفي مع كل حاجه بطريقه عمليه ومش بتحتاجي انك تتعبي اللي حواليكي، بالمعنى انك بنت مش مكلفه
نظرت له هيه بحب ثم ابتسمت وقالت:
انا معاك حق فعلا انا بحاول على قد مااقدر اني مااتعبش حد في مشاكلي بس حقيقي انا اول مره اكون محتاجه حد يسمعني
رامي وهو يقرب إليها :
خير يا حبيبتي احكيلي
هبه بتنهيده:
ااااااااااه، كل اللي عاوزه افهموا، لو انت دلوقتي وقعت في اختيار حاجه ومش قدامك يااما الرفض يا اما الموافقه، وفي النفس الوقت حصل مشكله خلتك مش قادر توافق وفي نفس الوقت لو رفضت خسر كتير هتعمل اي؟
رامي بعدم فهم :
معلش مش قادر افهم قوليلي مثال طيب يمكن افهم؟
هبه :
يعني مثلا انت اتهجمت على بنت وفي نفس الوقت انت بتحبها والمفروض انكم هتتجوزوا بس البنت دي مش قادره تستوعب انت عملت كدا ليه، يبقا انت كدا تفتكر هي ممكن توافق والا لا؟
رامي بتفكير :
بصي هو طلما بحبها فممكن يكون عملت كدا في لحظة ضعف وغصب عني أو ممكن يكون كنت ضارب حاجه بقا
نظرت له هبه ثم تذكرت كلام زين
فلاش باك
زين :
ياهبه والله العظيم ما كنت اقصد انا معرفش انا عملت كدا ازاي وانتي شوفتي بنفسك في الاول انا كنت كويس وبعد ما شربت الزفت الكابتشينو دا معرفش حصلي اي وبدليل اني قولتلك أجرى ياهبه يعني خوفت عليكي
باك
رامي وهو ينادي عليها :
هبه ياهبه، اي يابنتي روحتي فين؟
هيه بانتباه :
ها لا مفيش، بس انت ماقولتليش انت ليه قولت انك وحش ومش نافع تكون زوج لهدي؟
رامي وهو يرحل :
لاااا دا موضوع طويل هحكيلك عليه بعدين لحسن هموت وانام تصبحي على خير
هبه وهي تشرب من القهوه:
وانت من اهله، يعني ممكن يكون زين مظلوم؟
انا لازم اشوفوا بكرا
بقلمي منه وائل
*************************
في منزل عمار
عمار وهو يحتضن أسرار ويقبل راسها :
يااااا اخيرا يا حبيبتي كل المشاكل بعدت عننا
أسرار وهي تشتد من احتضانه:
اه يا حبيبي الحمدلله
عمار :
احسن حاجه ارتحت بسببها ان ندى مع يوسف ودي حاجه مطمناني، بس اللي عاوز اعرفه بقا هي ليه كانت عاوزه تطلق؟
أسرار وهي تقبل يده :
ياحبيبي خلاص بقا ماتقعدش تفكر في القديم خلاص اهي كل حاجه انتحلت
عمار وهو يقرب من اذنها ويهمس قائلا :
طب تعرفي انك وحشتني اوي
ابتسمت له أسرار وقالت :
وانت كمان يا حبيبي وحشتني اوي
ابتسم لها عمار بخبث ثم كذب الغطاء عليهم وقال بمرح :
طلما في قبول يبقا بارك اللهم لكما، الله اكبر
أسرار :
هههههههههههه
اي انت وهي عيب كدا احنا سناجل محترمين وعلي العهد مكملين والا اي؟ 😌😂
بقلمي منه وائل
*************************
في منزل يوسف
كانت تجلس أمام المرأ وتصفف شعيراتها
اقترب يوسف منها وكان يستنشق رائحة شعرها
يوسف بحب:
الله ريحتك حلوه اوي
ندى بابتسامه :
ميرسي
نظر لها يوسف في المرأ ثم جعل المقعد الذي تجلس عليه في مقابله ثم قال :
تقبلي تتجوزيني يا ندى؟
نظرت له ندى باستغراب ثم قالت :
اتجوزك؟ طب مااحنا متجوزين يا يوسف
يوسف :
احنا متجوزين اه على ورق بس انا نفسي نتجوز زي الناس عادي، عاوز اصرحلك بمشاعر مدفونه من زمان اوي يا ندى ودا طبعا برضاكي ورغبتك
خجلت ندى انا قاله ثم قالت له وعلى وجهها علامات الخجل الشديده:
ااا... يعني انا..
قطع حديثها يوسف وهو يقف وكان سيرحل قائلا :
تمم يا ندي انا فاهم خلاص تصبحي على خير
أمسكت ندى يده سريعا وقالت بخجل أشد :
انا بحبك، بحبك اوي يا يوسف
ابتسم يوسف ثم التفت لها وقام بحملها وقال :
انا مش بحبك وبس انا بعشقك بعشق كل حاجه فيكي حتى ريحتك بموت فيها انا مجنون بيكي يا ندى
ثم نظر الي شفتاها الحمراء فنزل إليهم وقام بتقبيلهم بشوق، شوق شديد وكانه يروي عطشه، كان يطفئ نار شوقه لها منذ سنين
احم شباب هاي انا بتكلم، عيب بقا بوظتولي اخلاق العيال الله 😂
اي احنا سناجل محترمين وعلى العهد مكملين 😂😂😂
بقلمي منه وائل
*************************
بعد اسبوع في منزل العطارين وبالتحديد في مندرة منزل الحاج علي
دب دب
سوميه :
ايوا حاضر جايه اهو، احمد صباح الخير ياحبيبي
احمد وهو يبحث في المنزل على شئ ما:
صباح الخير يا خالتي، بقولك هو رامي هنا؟
سوميه بحزن على حال ابنها :
اه يا قلب أمه واقف في البلكونه كل يوم على الحال دا ومش بيخرج معرفش جراله ايه
احمد وهو يذهب إلى المندره :
طيب انا هشوفوا عن اءذنك يا مرات عمي
كان يجلس على المقعد وشاردا كان لا يشعر بمن يراقبه
احمد :
يااا لدرجه دي يا زينب ياختي واخده على خاطرك مني؟
انتبه رامي لوجود احمد فالتفت برأسه الي الناحيه الأخرى
احمد :
وبعدين بقا في لعب العيال دا، يا رامي انا عارف اني غلطت بس غصب عني والله اي حد لو مكاني وعرف ان اخته بتكلم واحد من وراه حتى لو كان قاربنا كان طربق الدنيا، دي اختي يا رامي يعني امانه وانا لازم اخلي بالي من الامانه عشان لما انت تتجوزها تيجي تقولي انت حفظت على الامانه كويس، طب وحياتي عندك سامحني
يعني هتفضل مش عاوز تبصلي مدا كتير، ماشي يا رامي اللي انت شايفه صح اعمله
امسك رامي يده قبل أن يرحل ثم قال له :
وانا بقولك ان امنتك لسه زي ماهي انا حبيتها وعمري ماعملت حاجه فيها خيانه ليك يا صاحبي دا انا احافظ عليها اكتر منك لاني بحبها بجد
احمد :
حقك عليا بقا انا اسف
ارتمي رامي في حضن احمد وظل الاثنان يتحدثان عن خططهم القادمه وقال احمد ان والده وافق على زواجهم من انچي وهدى
بقلمي منه وائل
*************************
في شركة زين
زين بعصبيه :
انا مش قولت ميت مره كلامي يتنفذ يلا بقا، وبالنسبه لچيچي خلاص مبقاش ليها مكان
هنا چيچي اتقبض عليها يعني خلاص مكنها فضي ياريت بقا تشوفوا حد ياخد مكنها يلا كله على شغله
الموظفه بهمس لصديقتها :
انا مش عارفه متعصب لي كدا بقاله كام يوم؟
الموظفة الأخرى :
يابنتي دا شكله فشل في قصة حب
هههههههههههه
هبه بتساؤل :
لوسمحت فين مكتب مستر زين؟
السكرتيرة :
ثانيه واحده هبلغه اقوله مين؟
هبه :
قوليلوا هبه
السكرتيرة :
تمم
زين وهو يتحدث في الهاتف بغضب :
يعني اي يا مراد ماانت عارف ان عندنا شغل كتير، يا سلام لاقيت نفسك تعبت فجاءه طب خلاص يا مراد اقفل دلوقتي سلام، خير يا اميره؟
السكرتيرة بخوف:
اصل في واحده برا اسمها هبه عا....
قطع حديثها زين سريعا وهو يقول :
بتقولي ايه هبه دخليها بسرعه يلا
فزعت اميره من ردة فعل زين وقالت باستغراب :
حاضر يافندم، ماله دا اتقلب ميانه في مينت
دب دب
زين :
ادخل
هبه بجمود :
ممكن اتكلم معاك؟
زين :
اه طبعا بس تشربي اي الاول؟
هبه بنفي :
لا مش عاوزه حاجه انا كنت جايه اقولك رأي في طلبك ليا للجواز
اوقفها زين قائلا :
قبل ماتقولي اي حاجه هفهمك، چيچي اللي كنت مرتبط بيها من قبل ما اعرفك لما
رجعت كانت عاوزه ترجعلي ولما عرفت اننا بنحب بعض حبيت
تخرب كل حاجه، بدليل ان عرفت من السكرتيرة انها عرفت انك
جايه َواستغلت السكرتيره وطلبت منها تجيب حاجه واخدت منها الكابتشينو وخطتلي في حاجه وكانت السبب في اللي
حصل ليلتها وصدقني انا مش بالف ولا اي حاجه والا تحبي اجبلك السكرتيره تقولك
هبه :
شششش انا مصدقاك وجايه اقولك اني موافقه على الجواز و.... وبحبك
تظر لها زين بدهشه ثم ذهب لها سريعا واحتضنها وقال :
وانا كمان بحبك اوي والله
بقلمي منه وائل
*************************
بعد شهر في قاعة الأفراح
جليله :
لللللللوي خلاص يا سوميه كدا العيال هتتجوز خلاص كلها
سوميه بدموع :
العيال كبرت اوي يا جليله
عمار :
يييييي ما خلاص بقا يا ماما وانتي يا مرات عمي كفايا عياط بقا يعني لما هدى وهبه يشوفوكم كدا اكيد هيعيطوا هما كمان اهدوا بقا
أسرار :
انا حاسه اني عاوزه ارجع يا عمار
عمار :
يا حبيبتي هو دا وقته وبعدين نستيني اقولهم، عمي انا روحت كشفت على أسرار وطلعت حامل
جليله بفرح :
يالف نهار ابيض يعني بجد انا هبقا جده انا هبقا جده يا حسين خلاص
حسين :
ويعني هو انتي لوحدك ما انا كمان بقيت جد الف مبروك يا ولاد
عمار :
الله يبارك فيك يا عمي
يوسف بمرح :
الف مبرمريا ابو عمار خلاص ياعم هتتبهدل بقا وهات بامبرز يا عمار، ويا عمار مش هعرف انام
ضحك الجميع على طريقة يوسف
عمار :
ههههههههه لا والله على قلبي زي العسل ان شاء الله انت كمان تتبهدل زي ههههههه
نظرت ندى ليوسف بحزن ثم تركتهم وذهبت
يوسف وهو يسير ورائها :
في أي يا حبيبتي انتي مشيتي لي، بصي انا عارف انك زعلانه بس الدكتور قال في امل
وانا عندي امل وياستي اعوذوا بالله يعني لو محصلش نصيب
انا برضو بحبك وماتقلقيش انتي طفلتي وبنتي مش محتاج حاجه تاني
ندى :
ربنا يخليك ليا يايوسق
يوسف وهو يحتضنها:
ويخليكي ليا ياحبيبتي
حسين وهو يبارك لهم ويقول يجي لأفراد عائلته :
الف مبروك يا ولاد
انا زمان كنت بقعد مع نفسي وبقول ان اخواتي ماتوا وسبولي حمل تقيل اوي مكنتش
متخيل اني هقد عليه بس بفضل ربنا قدرت اني أحقق كل حاجه
واني اقدر على الحمل دا واحلى حاجه فينا ان مهما حصل
معانا عيلة العطار قويه وعمرها ما تقل بالعكس دي بتزيد أكتر واكتر