رواية اقدار الفصل التاسع9 والعاشر10 بقلم ايمي احمد
....قام حازم من علي السرير بتعب وذهب الي غرفة ورد و فتح الباب ودخل عندها
وقف ينظر إليها بصمت
ورد ..عايز حاجه يا حازم انت كويس
حازم ..جيت اشوفك مش انت تعبانه بردو
ورد ..بقيت كويسه انت عامل ايه
حازم ..جبتي شهد ليه يا ورد وقولتلها ايه خلتيها توافق كده
ورد ..مش فهما انت بتتكلم علي ايه
حازم .. لا فهما ياورد فهما ليه مشيتي من المستشفى قبل ما افوق ولما جيت ماحولتش حتي تشوفيني هو انا مش فارق معاكي كده
ورد .. لأ مش كده حازم انا كنت تعبانه بس ..
حازم ..مش محتاجه تبرر ياورد ..اممممم
ليضع يده مكان الجرح ويغمض عينه بألم
ورد ..حازم انت كويس تعال ارتاح هنا ..انت ايه اللي قومك اصلا من السرير
حازم ..خايفه عليا
ورد ..اكيد
حازم ..طيب تعالي نامي في حضني
ورد بضحك ..انت تاني يابني
حازم بضحك ..ااااه بس بقي عشان مش قادر اضحك
فرد حازم جسده علي السرير وجذب ورد من يدها لتنام بجواره
وأخذ يتذكر ما حدث بالمستشفى ويشعر أنه أخذ القرار الصحيح
.....
فلاش باك
شهد ..مابقاش في حاجه تباركلي عليها ياحازم ..انا ماليش غيرك وماحبتش ولا هحب حد تاني غيرك ..انت كان معاك حق انا موافقه علي جوزنا حتي بوجود ورد
حازم ..هو انت فكرني لعبه في ايدك يا شهد هتلعبي بيها برحتك ترميها وقت مانتي عايزه وتاخديها وقت مانتي عايزه ..عارف لو كنتي قولتلي الكلام دا قبل ما تتخطبي بواحد تاني وتبعتيلي صورتك عشان ابركلك عليها.. كنت هقدر زعلك واقول ..غيره .. وحقها تزعل وهحاول أصلحك باي طريقه بدليل اني حولت اكلمك اكتر من ميت مره والرسائل اللي بعتهالك ..وماكنتش حتي بتفكري تردي عليا وجتلك لحد البيت رفضتي تشوفني عشان اعرف انك خلاص قررتي تتجوزي وتشوفي حياتك بس ازاي كل دا ماشفاش انتقامك قولتي ازودها عليه اكتر فتبعتلي صورة خطبتك .. انا اللي مش موافق يا شهد ومابقتش عايزك انت اللي جبتي النهايه بايدك ..انا عرفتك سبب جوازي وكنت هاجي اتقدملك ونتجوز وخيرتك وانت اخترتي اتمني تكوني مبسوطه باختيارك
شهد ..انت بتقول ايه يا حازم انت بترفضني
حازم ..اه يا شهد ..روحي كملي حياتك زي ما انت عايزه طلما قدراتي تبعدي وكان سهل عليكي تكملي من غيري ..يبقي كملي
شهد ..ماكنش سهل صدقني بس كنت عايزه انتقم باي طريقه
حازم ..وانتقمتي
شهد ..كنت غبيه
حازم ..تمام ياريت تمشي
شهد ..انا هفضل جانبك ومش هسيبك
حازم ..مابقاش ليه لزوم
شهد ..وانا مش هسيبك يا حازم ولما تبقي كويس نبقي نتكلم
ابعد عينه عنها الي الجهه الأخري لتخرج من الغرفه وتجلس عند بابها
حازم ...مين اللي عرف شهد يا امي
ميرفت بقلق .. ورد اللي عرفتها وجبتها من البيت
حازم ..مش عايز ورد تعرف اللي دار بنا دلوقتي بعد اذنك
ميرفت ..حاضر يابني
.......
استيقظت ورد في اليوم التالي وأخذت تنظر إلي حازم بابتسامه وتتامله وهو نائم لتبعد يده انت كان يحتضنها بها بهدوء وتتسحبت من جواره لتقوم بتجهز له طعام مناسب ودخلت بيه الي الغرفه مره اخري
ورد ..حازم ..حازم اصحي
حازم .. سبني نام ياورد
ورد ..يلا عشان تاكل وابقي نام تاني
حازم ..مش قادر اكل
ورد ..معلش عشان العلاج يلا
حازم ..طيب ممكن تساعديني اتعدل
ورد ..حاضر
اقتربت منه وحاولت مساعدته فقبلها سريعا
ورد ..حازم احترم نفسك
حازم بتزمر ..يادي الاحترام اللي مافيش منه مصلحه دا ..صباح الخير
ورد ..طيب يلا كل ..صباح النور
حازم ..مش هتاكليني
ورد ..نعم
حازم ..ايه اكليني
ورد ..علي فكره الجرح في بطنك مش في ايدك
حازم ..خلاص مش عايز اوعي عشان انام
ورد ..بطل دلع
حازم ..كل دا وبدلع طيب خلاص يا ستي مش عايز منك حاجه انا هاكل لوحدي مش عايز اتعبك انا .. بس تأكلي معايا
ورد ..حاضر .. جلست ليأكله معا وقامت ورد بابعد الطعام بعد ما انتهه وأعطته العلاج
حازم بتعب.. خلاص كده ممكن انام بقي
ورد. ..ممكن
لينام حازم وقامت ورد بتغطيته جيدا واطفاء النور وصعدت الي شقه حماتها لتجدها في المطبخ
ميرفت ..حازم عامل ايه دلوقتي يا ورد
ورد ..الحمد لله احسن اكلته واديته علاجه ونام
..وبعدين هو انا كل ما اطلع هنا القيكي في المطبخ
ميرفت ..بعمل الاكل اللي حازم بيحبه خلي الواد يعوض الدم إلى فاقده ما انت مش هتعرفي تعملي اكل زي اكلي
ورد في سرها .. ابتدنا شغل الحموات بقي ... اومال فين بنتك اكيد نايمه عامله زي البطريق عندها بيات شتوي
ميرفت ..يابت هو انت لسانك دا متبري منك بتغلطي في ابني وبنتي قدامي
ورد ..يعني انا بكدب يعني
ميرفت بهزار ..أن جيتي للحق لأ ..مافيش كده ابدا نايمه ٢٤ ساعه لما هتموتني ناقصه عمر
ورد .. بعد الشر عليكي يا جميل ..تعالي بقي اقعدي وسيبك من الطبيخ دا ..وانا هصحي كائن البطريق اللي جوه ونكمل انا وهي
ميرفت ..سيبك من الاكل انت وقوليلي مشيتي امبارح ليه
ورد ..كنت تعبانه ما انا قولتلك
ميرفت ..عليا انا بردو قولي يلا ليه ..
وايه الكلام اللي ريم قالته
ورد ..هي ريم قالتلك فتنه اوي
ميرفت بتحذير ..أنجز يا ورد
ورد ..عايزه يبقي مبسوط عملت ايه انا ..حتي لو مع غيري انا عارفه انه كان مغصوب علي الجوازه دي وعشان كده حبت أنه يختار العروسه اللي تفرحه وتفرحك
ميرفت ..انت مقتنعه باللي بتقوليه عايزه تجوزي جوزك واحده تانيه ..في حد عاقل يعمل كده ..وبعدين مين قالك انك مش مفرحاني انت اجمل بنت ممكن الواحده تختارها لابنها ولو كنت اعرفك من زمان أو في صله كنت مستحيل اختار لابني غيرك
ورد حضنتها ..انا بحبك اوي يا ميرفت
ميرفت ..ميرفت ..تصدقي يابت انا غلطانه .. انا هجوز ابني تلاته عليكي مش واحده عشان لسانك دا
ورد ..ما اللي يشوفك يقول انك اصغر مني
ميرفت ..دا تثبيت
ورد ..اه
ميرفت ..طيب اوعي بقي لما اكمل الاكل عشان عمك زمانه راجع من الشغل ..وانت انزلي لجوزك عشان لو احتاج حاجه وانا لما اخلص هنزلك ..وسيبك من ريم مش هتنفعك
.......
في بيت شهد كان العريس يجلس مع ابوها
..ممكن افهم يا عمي ايه اللي حصل
الاب ..والله يابني انا مش عارف اقولك ايه بس هي رافضه
..وايه سبب الرفض يعني ايه تكون خطبتنا من يومين وتفسخها كده ..انا كلمت امها عشان افهم ايه السبب أنها تكلمني في التلفون وتقولي كل شئ نصيب وخد حاجتك
الاب ..مش عارف بس انا اكيد. مش هغصبها
..بصي يا عم انا بحب شهد وعايزها ..وكل اللي عايزه فرصه اثبتلها فيها اني بجد بحبها
.......
حسين ..عامل ايه يابني دلوقتي
حازم ..الحمد لله احسن
حسين ..الحمد لله .. بما اننا متجمعين كلنا كده كان عندي خبر ليكم ممكن مش وقته بس اللي حصل
ميرفت ..خير
حسين ..ياسين متقدم عايز يخطب ريم
البارت العاشر
أقدار
بقلم ايمي احمد
في بيت شهد كان العريس يجلس مع ابوها
.ممكن افهم يا عمي ايه اللي حصل
الاب ..والله يابني انا مش عارف اقولك ايه بس هي رافضه
..وايه سبب الرفض يعني ايه تكون خطبتنا من يومين وتفسخها كده ..انا
كلمت امها عشان افهم ايه السبب أنها تكلمني في التلفون وتقولي كل شئ نصيب وخد حاجتك
الاب ..مش عارف بس انا اكيد. مش هغصبها
..بصي يا عم انا بحب شهد وعايزها ..وكل اللي عايزه فرصه اثبتلها فيها اني بجد بحبها ..
الاب ..وانا ماتمناش لبنتي غير حد يحبها ويصونها وانت انسان محترم ومش هلقي احسن منك بس هي اللي هتعيش معاك مش انا ..انت فهمني
.. اكيد ياعمي طيب ممكن بس اتكلم معاها لوحدنا عايز افهم سبب رفضها يمكن في سواء تفاهم وهي حره بعد كده تقرر
الاب ..ماشي يابني ثواني انديها
دخل الاب الي شهد ..اجهزي ياشهد وطلعي اتكلمي مع خطيبك
شهد ..دا مش خطيبي انا خلاص فسخت الخطوبه دي يا بابا ..ومش عايزه اتكلم معا
...بصي يا شهد انا مش عايز اضغط عليكي وبقولي بنتي الوحيدة وحقها تختار اللي تكمل معا حياتها بس انا ماجبرتكيش علي انك
توافقي عليه في الاول .. وكمان كلمتي الرجل في التليفون من وريا بطريقه زي الزفت وفسختي الخطوبه..من غير ما ترجعيلي ولغيتي وجودي اصلا وانا لسه ساكت لكن اكتر من كده
هتزعلي مني اطلعي اقعد مع خطيبك واتكلمي معا باحترام ..وقولي ايه اسباب رفضك لي وبعدين في كلام بنا كتير
شهد بتزمر ..خلاص هجهز واطلع حاضر
ابوها بتحذير ..بسرعه
جهزت بسرعه فعلا وخرجت وراحت عنده وقفلت الباب ووقفت قدامه ..نعم عايز ايه ماقولتلك مش عايزك جي ليه .. مابتحسيش
..اقعدي ياشهد
شهد ..مش هقعد
وانت يلا امشي من هنا
..كل كلمه قولتها هيكون ليها عقابها بس مش دلوقتي في بتنا .
شهد ..انت مجنون بقولك مش موافقه عليك مش هتجوزك تقولي في بتنا
..لا ما انت هتوافقي ...عارفه يا شهد انا اكتر حاجه اكرها في حياتي ايه اني اكون مغفل أو كوبري زي مانتي عملتي كده
..قصدك ايه
..اللي انت عملته دا حسابه هيكون صعب اوي ..فرحنا هيكون اول الشهر اللي جي
شهد ..انت مش طبيعي اكيد ..بقولك مش هتجوزك بكرهك
..تخيلي معايا كده هيكون رائي ابوكي ايه لما يعرف أن بنته بتجري وراه واحد متزوج وهو مش عايزه ..لا وبترحله البيت ومش فارق معاها حد
شهد بصدمه..انت بتقول ايه ..وعرفت كل دا ازاي ..انت بترقبني يا دكتور يا محترم
..ارقبك لأ خالص..دا حظك الاسود اللي فضحك
شهد ..طيب يا امجد انت عايز تتجوز واحده بتحب واحد غيرك هترضها علي كرمتك
أمجد..لا لا انا هتجوزك عشان اربيكي ياشهد ..أظهر كدا أنهم دلعوكي زياده عن اللزوم ومحتاجه حد يربكي من اول وجديد
شهد..انت قليل الادب
امجد ..ودا كمان حسابه بعدين ..ابوكي هيدخل حالا مش عايز اسمع منك كلمه اعتراض فهما والا
شهد ..امجد افهمني انا مش هينفع اتجوزك ..انت دكتور ومحترام والف غيري
تتمناك ..انا ماينفعكيش صدقي
امجد ..انت خليتي فيها دكتور ومحترم ..اقعدي وتوافقي علي كل كلمه بقولها فهما
وإلا هعرف ابوكي كل حاجه والا هخلي يجوزنا بس غصب عنك هو اللي يتحايل عليا كمان عشان اخدك ...واللي انت بتتكلمي عنه دا انا همحي من دماغك خالص بطرقتي
دخل الاب الغرفه ..ها يا ولاد اتفقتم علي ايه
امجد ..علي كل خير ياعمي ..زي ماقلت لحضرتك كان سواء تفاهم وحالنا
الاب ..طيب الحمد لله ..انا يهمني سعادتكم
امجد .. عشان كده انا عايز اقدم معاد الفرح اول الشهر اللي جي
الاب ..ليه يابني السرعه دي خدو وقتكم
امجد ..معلش ياعمي عشان جالي سفريه مؤتمر مهم وعايز اسافر و مراتي معايا ..وشهد وقفت
..ولا ايه رايك يا شهد
شهد ........
امجد ..السكوت علامه الرضا مبروك يا عروسه
شهد سأبتهم وقامت دخلت أوضتها بغضب وقفلت عليها الباب
وامها ..كانت فرحانه بالاتفاق
الاب باحراج ..معلش يابني تلقيها مكسوفه
امجد ..لا مافيش حاجه ياعمي انا مقدر طبعا ..استأذن انا
الاب ..ما لسه بدري
امجد ..عندي شغل في المستشفى الصبح بدري ولازم انام بدري
الاب ..ماشي يابني مع سلامه
..........
كان حسين وميرفت وريم عند حازم في الشقه مجتمعين معا في جو أسري
حسين ..ياسين متقدم عايز يتجوز ريم
صدمه سيطرت على حازم وورد معا علي عكس ميرفت التي شعرت بالسعاده وريم احمر وجهه من الكسوف
ميرفت ..بجد ياحسين
دا خبر حلو ايه رايك ياريم
حازم بعصيبه ..انتم بتقوله ايه .. بابا انا مش موافق
حسين .. ليه يابني
..ياسين انسان محترم ومافيش حاجه تعيبه..انت ماشوفتش كان واقف جنبنا ازاي وهو اللي نقلك المستشفي وتبرعلك كمان بالدم
حازم بصدمه ..نعم ..ياسين اتبرعلي انا
حسين ..اه يابني وبعدين اختك موافقه عليه ..انا اخد رائيها وهي وافقت
الكل بص نحية ريم..ايه انتم بتبصولي كده ليه ..هو يعني .. ياسين انسان كويس وبابا قالي وانا قولت اللي يشوفه .. مالكم
حازم ..بابا ياسين دا انا مابرتحلوش ومش هجوزه اختي
حسين .. بس انا اديته كلمه والخميس الجاي هيجي نقرأ الفاتحه ..وانا مابخدش
رائي حد الكلام خلص ..لو فيه مشكله او عيب عرفني لكن. غير كده ماتلزمنيش ..و انا شايفه رجل يعتمد عليها
حازم .. يا بابا اسمعني ..
احنا منعرفش عنه حاجه ..
حسين..انا اعرف ابن اختي وهديله بنتي وانا مطمن ..انا طالع انام
طلعه كلهم وحازم كان هيتجنن ورايح جاي في الشقه بغضب و كلمه ياسين بتترد في
دماغه ..لو فكرت تقرب منها هخلي ابوك وامك يترحمه عليك ..
طيب ليه ياسين جي في نفس اليوم اللي اتجهم عليه الملثمين ..هو اصلا شاكك فيه ..طيب منين كان معترض علي جوازي
من ورد ودلوقتي بيتقدم لريم ..مستحيل الجواز دي يتم حتي علي جثتي
ورد ..حازم اهدا وهتتحل ماتقلقش
حازم ..مش هيحصل مش هيحصل يا ورد ياسين مش هيقرب من ريم
ورد .. انا هتكلم مع ريم ..وبعدين لسه في وقت اهدا انت عشان ماتتعبيش
......
تاني يوم موبايل ورد رن باسم ياسين وكان حازم نزل عشان يسلم ورق مهم تبع الشغل للمدير بتاعه في الشركه
ردت ورد بتردد عليه
ياسين ...كنت مستني تكلمني انت بس لما اتاخرتي قولت انا اكلمك واطمن عليكي
ورد ..ياسين انت بتعمل كده ليه و عايز ايه من ريم
ياسين ..كل خير عايز اتجوزها علي سنة الله ورسوله
ورد ..ياسين ارجوك ابعد عن ريم هي ملهاش دعوه
ياسين ..مستعد ابعد بس تبعدي انت كمان ونجمع شملنا يا وردتي
ورد ..ياسين حرام عليك اللي بتعمله دا اتقي ربنا وسبتي في حالي
ياسين ..ورد انا بحبك مش قادر استحمل بعدك عني ارجعيلي ومستعد اعملك اي حاجه
ورد ..دا بعدك يا ياسين انا بحب جوزي ومش هسيبه لاي سبب واللي عندك اعمله
ياسين ..لو علي اللي عندي ..عندي كتير..و اقدر اعمل اكتر المره اللي فاتت كانت
قرصة ودن والحمد لله ربنا نجاه ..المره الجايه هتبقي ارمله يا ورد وبردو هتكوني ليا
ورد بصدمه ..انت اللي عملت كده في حازم
ياسين ..فكري يا ورد وشوفي هتعملي ايه وانا بخيرك يا انتي ياريم ..عشان ماتقوليش
اني بغصبك اهو ..واه لو فتحتي بوقك بكلمه ..هخليكي تدعي علي جوزك بالرحمه فهما يا وردتي
قفل في وشها السكه بابتسامه
اللعبه هتحلو اوي ياورد
ورد تقريبا تفكيرها اتشل المفروض تعمل ايه هي ماتضمنش جنان ياسين ممكن يوصل لحد فين قررت تطلع لريم لازم هي اللي ترفض من نفسها
....
ورد ..ريم انت موافقه علي ياسين
ريم ..طيب و ايه المشكله ياورد ..انا مش شايفه فيه عيب
ورد .. بلاش يا ريم عشان خاطري بلاش
ريم ..ليه ياورد في ايه ..انت تعرفيه صح ..ما انت كنت عايشه معا في بيت واحد ..
ليه بتقولي عليه كده
ورد .. بحبك يا ريم وخايفه عليكي ..وخايفه يكون مش بيحبك
ريم ..الحب بيجي بعد الجوز ..واكيد اتقدملي عشان لفت نظره عاجبته يعني ..انا عارفه
انه كان خطبك وسابك وطريقته بس انا حسه اني عايزه اديله
فرصه ياورد ممكن يكون اتغير ..وبعدين هو شدني اوي ياورد والله يمكن دي اول مره اشوفه بس مش عارفه .. هزاره
وضحكه لما كان اقعد معانا..واقفته جنبنا حسته راجل بجد تقيل
كده وغامض ..فرحت اوي أنه اتقدملي ..انا مش عارفه ليه حازم عمل كده انا كنت مستنيه منه أنه يفرحلي
ورد .. خايف عليكي يا حبيبتي وبيغير عليكي انت أخته الواحيده اسيبك انا
......
دخل حازم الي الشقه وكان هادئه وأخذ يبحث عن ورد
حازم ..ورد انتي يابنتي ..ورد انت فين
توسعت عيناه بصدمه عندم وجدها فاقده للوعي بالحمام
جري حازم عليها ورفعها عن الأرض وبداء يفوقها ولكن ماكنش في استجابه
حازم ..ورد .. ورد فوقي ..ورد
حملها بسرعه ونزل بها الي اقرب مستشفى
وبعد الفحص
حازم بقلق .. طمني يادكتور هي فيها ايه