عشق الفيروز ( لاتظلمني) -
#الفصل_الثالث_عشر
والرابع عشر
بقلم ولاء رفعت علي
🍀🍀🍀🍀🍀🍀🍀🍀
_ كان صقر قد ملل من الانتظار امام المرحاض وهم بالذهاب ليتوقفه صوتها وهي تخرج من باب المرحاض وهي تقول لصديقتها : يعرف ولا ميعرفش انا مش يهمني اصلا انا قرفت من طريقته دي
التفت اليها لتستوقفها صديقتها التي ذعرت وتشير لها : الحقي يارنيم
اتجهت بعينيها نحوه فصرخت خوفا : صصقررررر
.... وهو كان حاله مثل البركام الخامدة نيرانه وجاءت رنيم بفعلتها تلك جعلته ينفجر فصب عليها غضبه بصوت هادر وهو ممسك بزراعها ويلويه : بتعملي اي هنا؟؟؟؟ ومين سمحلك تنزلي من البيت من غير ماتستأذنيني؟؟؟
رنيم من المفاجاءه تلجم لسانها ولم تنطق بكلمة
ليزيد غضبه اكثر فيصرخ بها :
ماتنطقييييييييي
نظرت رنيم بعينيها الباكيتين له .... وجاء إياس راكض خشي ان يكون صديقه يمسك بفيروز .. وجد رنيم تذرف دموعا وصقر يمسك زراعها بقوة ويصرخ بها فتدخل ع الفور أبعد صديقه وسحب زراعها من قبضته ... ورنيم بدون ادراك اختبأت خلف إياس ممسكه بقميصه
إياس: مالك ياصقر طايح النهارده ف الكل ليه مش مكفيك فيروز كمان اختك
صقر: لو سمحت يا إياس سبني اربيها بمعرفتي
تشجعت رنيم وهي تحتمي ف إياس وقالت بصوت باكي: وانا مش طفله عشان تتحكم فيا وتحبسني ف البيت وعشان ترتاح اكتر انا سيبالك البيت ومش هعيش معاك هأجر شقه وهاعيش فيها لوحدي
صقر اقترب منها ليصفعها امسك إياس يده بقوه وعنفه بقوه : لاااا انت كده زودتها اوي ياصاحبي ...قالها وسحب رنيم من يديها ويخرج من القاعه وكانت معهم بوسي صديقتها
إياس: اركبي معايا يا رنيم عشان اوصلك
رنيم وهي تجفف دموعها بمنشفه ورقيه : لا شكرا انا هاروح مع بوسي ع شقتها
إياس: مينفعش يارنيم اي نعم اخوكي غلطان ف اسلوبه وانفعاله لكن انتي هتغلطي اكتر لما تسيبي بيتكو وتروحي تعيشي لوحدك انتي بنت مش راجل والدنيا مش أمان
رنيم أحست بقشعريرة تسري بقلبها وشعرت بخوفه عليها لكن تلاشت تلك الافكار والامال عنما تزكرت صوره مع خطيبته
رنيم : انا عارفه بعمل اي ومش محتاجه نصايح من حد وارجو ان كل واحد يخليه ف حاله احسن وميدخلش ف خصوصيات غيره .... قالتها وتركته يقف مذهولا هل هذه حقا رنيم الطفله التي تربت امام عينيه اصبحت الان فتاة ناضجة تتخذ قراراتها .....
دلفت رنيم سياره صديقتها وذهبت معاها ع مسكنها وذهب إياس وهو يفكر ف ردة فعل رنيم ولماذا تعامله بجفاء خاصة بعد معرفتها بخطيبته
فأتت له فكرة سيتأكد خلالها من شكوكه
إياس ف نفسه: وبكده هعرف ان كان الي ف دماغي صح ولا لأ يا ... صمت واردف : ياروني
******************
_بداخل القاعة تقف كلا من هايدي ومايا يراقبان الاجواء
هايدي: هووف اتصلت عليها ميت مرة وبرضو مبتردش
مايا : ما انتي عارفه سيلي لو مش بترد بيبقي بتعمل حاجه او مشغوله
هايدي : بس بس اسكتي اهي فتحت ... الو ياسيلي
شهاب: ااحم انا شهاب ابن عمها
هايدي بشهقه : هي سيلي جرالها حاجه
شهاب: لا مفيش تعبت شويه وداخت اطمنت عليها ف المستشفي ومروحين دلوقت
هايدي: بليزممكن العنوان
شهاب : مفيش داعي احنا مروحين اصلا متشكر ع اهتمام حضرتك ... سلام واغلق الهاتف
هايدي: متخلف وقليل الزوق
مايا : ف اي يابنتي
هايدي: مش عيزنا نروحلها نطمن عليها وقفل السكه ف وشي
مايا : ليها حق سيلي مطقهوش
هايدي : ودي مالها قاعده لوحدها ليه كده اومال راح فين حبيب القلب
مايا: الظاهر انهم اتخانقو مع بعض
هايدي : حلو اوي وانا هخليها تولع اكتر
مايا : هتعملي اي
هايدي: دلوقتي هتشوفي .... قالتها واخرجت من حقيبتها بعض الحبوب واقتربت من النادل
هايدي : لو سمحت هو الي مع حضرتك ده عصير ولا فودكا
النادل : لا عصير يافندم للاسف الفودكا خلصت
هايدي وهي تلهيه وضعت حبتين ف احدي الكؤوس ثم امسكته : طب ممكن تودي كاس العصير ده للانسه الي لابسه فستان احمر هناك دي وقولها ده من مسيو فارس ..... قالتها وهي تضع ف جيبه بعض ورقات من المال
النادل : تحت امرك يافندم
ثم اتجه نحو فيروز واعطاها كأس العصير وقال لها انه من فارس فأخذته وظلت ترتشف منه لاخر قطره
مايا : انتي حطتيلها اي ف العصير
هايدي: دي حبوب هلوسه هتخليها تعبش ف عالم تاني والكل هيتفرج عليها دلوقت
مايا : يخربيت شكلك افرضي اتكشفتي ولا حصلها حاجه
هايدي: متقلقيش مش هيحصلها حاجه غير الي هتشوفيه دلوقت... قالتها وهي تضحك ضحكه خبيثه
****************************
*
في سيارة شهاب هو يقود السيارة وبجواره سيلين ويبدو عليها التعب والارهاق
شهاب: حمدالله ع سلامتك ياحبيبتي
نظرت له سيلين باحتقار واكتفت بالصمت
شهاب: انا عارف انك زعلانه مني بس والله مكنتش ااصد الي حصلك وانتي الي غلطانه انك مربطيش حزام الامان ... عشان كده لازم اصلحك وهوديكي مكان بتحبيه اوي
سيلين بوهن: انت رايح فين ؟
شهاب: هتعرفي دلوقت ..... انطلق بالسيارة ثم توقف امام احدي المحال الشهيرة بعمل حلوي غربية
سيلين اعتدلت من مقعدها ونظرت من النافذه لتقول بصوت مرح : الله ده المحل الي بيعمل تشيز كيك تشوكيلت الي بعشقها
شهاب : اي رايك ننزل ناكل جوه ولا اجيب ناكل ف العربيه
سيلين : لا مش قادرة انزل هاتو ف العربيه احسن
شهاب: تؤمر يا جميل .. قالها وهو يغمز لها مبتسما
سيلين بصوت منخفض :هضطر استحمل تقل دمك البارد ده عشان متروحش تفتن لداد عليا ويعملي مشكله مش بعيد يجوزني ليك وقتها فخليني احسن العب ع الهادي لحد ما اوصل للي انا عيزاه
جاء اليها شهاب وهو يحمل برطمانين من الزجاج مملوء بطبقات التشيز كيك اللذيذه
شهاب وهو يدلف للسياره : ها اتأخرت عليكي ياقلبي؟
سيلين بضحكه صفراء: لا ياشيبو متأخرتش
شهاب: اتفضلي ياحبي التشيز كيك شوكليت الي بتحبيها ... وانا جبت بصوص الفراوله
سيلين : ميرسي اوي
شهاب: مفيش شكر مابين الراجل ومراته
سيلين : مراته!! صمتت لتتزكر مخططها فأردفت : اه اه ياحبيبي ربنا يخليك ليا
شهاب بصوت حاني : بتقولي اي ؟؟
سيلين : ياحبيبي ربنا يخليك ليا
شهاب وهو يقترب منها ويقول بصوت هادئ: ف حتة شوكيلت ع شفايفك يا قلبي
سيلين وكادت تزيلها فأمسك بيدها لينزلها واقترب من شفتيها وازال اثارها بشفتيه ثم ابتعد ليري سيلين مغمضة العينين ومستسلمه تماما كأنها تنتظر المزيد
شهاب بضحك : ده انتي ضايعه خالص ههههههههههههه
سيلين وهي تعود لادراكها : اااا اانت بتضحك ع اي اتفضل يلا روحني انا تعبانه وعايزه انام
شهاب وهو يبتسم ويقول في نفسه : انتي لسه شوفتي حاجه ده من بوسه وحصلك كده اومال لو ...... التفت اليها وجدها قد غفوت فوصل الي المنزل وخرج وهو يفتح الباب المجاور لها ثم حملها ع زراعيه واغلق الباب بقدمه واتجه نحو باب المنزل لتفتح له الخادمه
الخادمه: شهاب بيه هي سيلي هانم بخير ... قالتها عندما رأت الجرح المضمد ف جبهتها
شهاب: هوووس لتصحي اه هي بخير ده جرح سطحي
صعد بها الي غرفتها ودلف بها ثم وضعها ع فراشها الوثير وانحني بجذعه ليقبل جبهتها وهو يقول بصوت منخفض : اه لو تعرفي بحبك اد اي بس انتي الي بتضطريني الجأ لاساليب تانيه ... اعتدل وتركها وغادر الغرفه
***********************
* بعدما احتست فيروز كأس العصير كاملا شعرت بأشياء غريبه تحدث لها ف تارة تشعر انها تريد ان تركض وتلهو وتارة اخري تريد ان ترقص او تفعل اي شئ به بعض الجنون
اتجهت نحو منصه مشغل الاغاني ف خطوات مائله وهي تترنح فصعدت وانحنت نحو المسئول عن المشغل وهمست له بشئ ما
ونزلت الي ساحه الرقص وخلعت حذائها ذو الكعب العالي وفجاءه بدءت اغنيه من الاغاني الشعبيه فرقصت فيروز عليها وهي تردد معها بصوت عالي : لالالالالا تبقي معدية لالالا ومتسلمش عليا لالالالالا طب ينفع كده
كان ذلك تحت ذهول وانظار المتواجدين وكان الرجال يلتفون حولها ويصفقون لها ويهتفون بالصفير ... تقدم منها فارس الذي اندهش من تصرفها ذلك فقام بمسك يدها وهو يقول ف أذنها : شو هاد عبتعملي فيروز تعي معي
فيروز بصوت ثمل : يووووه سبني بقي عايزة ارقص ملكش دعوه بيا
صقر كان بالخارج يدخن بشراهه وهو يطلق غضبه ف التدخين فذهبت هايدي تبحث عنه حتي رأته لانها تريده ان يشاهد ماتفعله فيروز وماذا ستكون ردة فعله
هايدي: صقر الحق ياصقر
صقر: نعم عايزه اي
هايدي: فيروز هانم بتاعتك مولعه الحفله جوه نازله رقص والشباب كلهم حواليها وعملين يصقفولها وحاجه لوكال خالص
انتفض صقر من مكانه والقي السيجارة المشتعله ع الارضيه ثم دهسها بقدمه وركض نحو القاعه ليجد تجمع من الشباب وعبر من بينهم ورأي فارس وهو يحاول ابعدها وهي تقول له : اي مبتفهمش بقولك مش جايه معاك
تعجب صقر من تصرفاتها الغريبه فعلم انها ثمله وتحت تأثير مخدر ما فاتجه نحوها وهي رأته وتقول بصوت ساخر: اهو جه اهو اخيرااااااا صقر بيه الهواري ياجماعه نقيب مكافحة المخدرات هيهيهيهيهيهيهييييييي ... شوفت ياصقر فارس ماسكني من دراعي وعايز ياخدني بس انا مرضتش عارف ليه عشان انت متجيش تقولي ان انا معاه ولو مش هينفع فأنت البديل صح ياصقورة امممممممموووااه ... قالتها وهي تطلق له قبله ف الهواء
صقر امسك بها : تعالي يلا عشان اروحك
فارس: مين انت يازلمه لتمسك بإيداه
صقر: انت بالذات اسكت خالص
فارس: شو؟؟؟ شكلك مابتعرف انك هون بالحفله تبعي يعني انت الي تكون بره
صقر وينظر له بابتسامه استفزازيه : انا هاخدها وهامشي وهسيبلك حفلتك كلها اشبع بيها
فارس: مين بتكون انت ليحقلك تخدها معك ولا لا
صقر بصوت صارم : انا خطيبها
فارس: فيروز الي بسمعو هي صحيح ؟
فيروز : تؤتؤتؤ انا مش خطيبه حد وغورو انتو الاتنين من وشي ..... وفجاءه شعرت بالغثيان وركضت نحو المرحاض لتخرج مابجوفها ثم اغتسلت وجهها وخرجت لتج صقر ينتظرها فرمقته بنظرات ساخطه ثم ركضت نحو بوابة الخروج والحق بها وهي كادت تسقط لانها تعثرت عندما دخل شئ حاد بقدمها الحافيه
فيروز : ااااااه رجلي دخل فيها مسمار
صقر وهو يحملها ع زراعيه : ماتخافيش ياقلبي ... حملها نحو سيارته وفتح باب السياره واجلسها ع المقعد ورفع قدمها ونظر ليري خشبه صغيره رشقت بقدمها
صقر: دي خشبه صغيرةخالص ... قام بازالتها واخرج منشفه ورقيه ليزيل نقطه الدماء اثر انغماس الخشبه .... ونهض ليخرج من تابلوه السياره لزق طبي ووضعه مكان الجرح الصغير
فيروز: اااااه بتوجعني اوي
صقر: كده خلاص خلصت ... ويلا عشان اوصلك
نهضت من مكانها وهي تقول : لأ مش عايزه اروح معاك انا همشي لوحدي .... قالتها وهي تشعر بدوار فكادت تسقط فلحق بها صقر وادخلها السيارة بعدما ربط حزام الامان ع جسدها والتف الناحيه الاخري ودلف السياره وشغل المحرك وانطلق نحو منزله
***************************
وصل امام المبني الذي يقطن به فنزل من السيارة وذهب وفتح الباب وحملها وصعد بها للمنزل بعدما وجد المصعد معطل فأنزلها واسندها وهو يلتف جسدها بزراعه واخرج مفتاح باب الشقه وفتخ الباب ثم دلف وهو يحملها متجها نحو غرفة رنيم ولم يجدها فعلم انها ذهبت لدي صديقتها فوضع فيروز ممده ع الفراش واعدل ملابسها ثم دثرها بغطاء وثير وانحني بجذعه وهو يمسد ع وجنتيها وهو يقول : متزعليش ياقلبي والله لخدلك خقك من الي عمل فيكي كده وهي الي جبته لنفسها ... نهض وهو يقبل يدها ثم تركها وخرج ودلف لغرفته
***************************
**
في وقت الظهيرة وزحمة المواصلات يقف أيمن ينتظر السيارة التابعه لمن يعمل معهم ف الخفاء ... وقد وصلت سيارة سوداء كبيرة ذات الدفع الرباعي ونزل منها رجلين ذو بنية جسدية ضخمه تحدث احدهم ف سماعة لاسلكيه (سماعة بلوتوث) بصوت أجش: تمام ياباشا هنجيبو وهنيجي دلوقت ...اغلق المكالمه ثم اردف يقول لايمن : يلا عشان الباشا مستني حضرتك
كان ايمن ينظر اليهما ف ذعر من هيئتهم الضخمه فصعد لداخل السياره وجلس فاعطاه احدهم شريط من القماش الاسود وقال له بنبرة تحذيريه
: حط الشريطة السوده دي ع عنيك
ايمن بصوت مرتجف : هو انتو هتخطفوني ولا اي ؟
الحارس: دي تعليمات الباشا ولازم تتنفذ
ايمن : حاضر امري لله
ارتدي ايمن الشريطه وظلت السيارة منطلقه الي ان وصلت الي احدي المرافئ فنزلا الحارسين ممسكان بأيمن معصوم العينين ففك احداهما الشريطه ... فتح ايمن عينيه بحذر لان اشعة الشمس كانت قويه وسأل الحارس
ايمن: هو احنا فين كده
ليأتي صوت من داخل اليخت الراسي امامه
بيبرس: اهلا وسهلا بيك يا ابو كنزي وكارما مش دي اسمائهم برضو ؟
بيبرس رجل ف اواخر الاربعينات متوسط الطول والوزن له شعر كثيف يتخلله بعض الشيب وذو بشرة بيضاء ممزوجه باللون الوردي فأصوله روسيه وله ذقن وشارب (دوجلس)
_ نظر له ايمن كأنه يحتفظ بملامحه جيدا ورد عليه التحيه : اهلا وسهلا بيك ياباشا
بيبرس: عامل اي يا ايمن اوعي يكون جوز البغال دول ضيقوك ؟
ايمن : لاخالص ساعتك كانو ف منتهي الاحترام
بيبرس بضحكه يملؤها الشر : شكلك طيب اوي يا ايمن وع نياتك ... وده الي انا عايزو ف الي بيشتغل معانا
ايمن: ازاي يا باشا والشغلانه دي خطر وعايزة واحد عقر وحويط عشان لو اتمسك ميبلغش عنكو
بيبرس توقف فجاءة عن الابتسامه وتجهم وجهه وابتسم بجانب فمه ابتسامه خبيثه : الي بيتمسك يا ايمن ملهوش عندنا غير حاجتين ملهمش تالت الاولي لو طلع مخلص ومتكلمش بنطلعو منها زي الشعره من العجينه والتانيه دي هتشوفها بنفسك بكرة لما تيجي معانا الموقع وتشوف بعنيك اصل طول عمري بحب العملي ومليش ف النظري ...قالها ثم ضحك بصوت عال واردف مناديا : ساشااااااااا
لتدلف فتاة ذات قوام ممشوق شقراء البشرة والشعر ذات عيون لوزيه رماديه وشفاه بللون الوردي ترتدي ثوب يظهر من جسدها اكثر ما يغطي منه ...
(الحوار بللغه الروسيه بس طبعا عشان احنا اخرنا ف الروسي خراشو 😂😂 هكتب الترجمه ع طول )
ساشا: نعم بيبرس لماذا تنادي
بيبرس: اذهبي واحضري الحقيبه التي اعطيتها لكي صباحا
ساشا : انتظرني دقيقه
بيبرس وينظر لايمن الذي كان يحدق بذهول ف ساشا فهو لم يري مثلها سوي ف التلفاز ومبارايات كأس العالم وعندما نظر له بيبرس ارتعد واخفض بصره خوفا منه
بيبرس: اي رايك ف ساشا يا ايمن ؟ وتكه صح؟؟
ايمن : اااا.....
بيبرس بابتسامه خبيثه: ده انت مشكله يا ايمن انت لسه كده شوفت حاجه .. انت عارف دي المساعده بتاعتي تقدر تقول السكرتيره دماغها ولا اجدع كمبيوتر وزكية جدا
جاءت ساشا مقاطعه حديث بيبرس
ساشا: سيدي هذه الحقيبه التي طلبتها تفضل
بيبرس: اجلسي بجوار ايمن واسكبي له كأس من النبيذ
ذهبت وجلست بجوار ايمن الذي كان يتصبب عرقا من الخوف ومن التي تجلس بجواره ... سكبت له كأس من النبيذ الاحمر وقدمته اليه
وهي تقول بلهجة مصريه ركيكه : خد ايمن مش تتيكسف
ايمن نظر لها بدهشه
بيبرس: خلي بالك دي بتفهم عربي وخصوصا المصري اكتر مني ومنك
ساشا: ماليك ايمن مش مبسوط ليه
ايمن وهو يغض بصره : اصل مبشربش
ساشا: متخافيش مش فيها كهول (كحول)
ايمن : شكرا مش عايز
بيبرس اشار اليها بأن تنهض وتتركهما... وتقدم نحو ايمن ويمد يده له بحقيبه جلديه صغيرة
بيبرس: اتفضل يا ايمن ده حقك من العمليتين الي فاتو اي نعم كانت حاجات عبيطه بس احنا بنقدر تعب الي بيشتغلو معانا كويس اوي
ايمن : باشا ممكن اسألك سؤال
بيبرس: اتفضل
ايمن : مش سرقة الاثار وتهريبها مش حرام شرعا وقانونا
بيبرس يضحك بسخريه : هو انتو عندكو ف القرآن ايه بتقول ان تهريب الاثار حرام ؟؟؟؟!
ايمن: هو مفيش كده بالنص بس عموما السرقه ونهب ممتلكات مش من حقك حرام وجريمه بيعاقب عليها القانون
بيبرس: احنا الي اختراعنا القانون يا ايمن واحنا الي بنقول مين الامين ومين السارق واذن الرساله وصلت .... قالها ورمقه بنظرة مرعبه
ايمن وقد اشاح بصره عن عينيه : طيب هو انا ممكن اروح دلوقت
بيبرس: ممكن طبعا ياايمن هو احنا خطفينك بس هتروح مع الجاردس الي جابوك هنا ومتنساش ال ... اشار ع عينيه ويقصد بأن يرتدي الشريطة السوداء ......واردف قائلا: ومتنساش معادنا بكره الساعه ٥ المغرب وهتصل بيك قبلها هبلغك المكان
ايمن : تحت امرك ياباشا .... وكاد ان يذهب
بيبرس: ايمن
ايمن : نعم يا باشا
بيبرس اشار له ع الحقيبه
ايمن: اااه معلش نسيت
بيبرس وهو يغمز بعينيه : النسيان مش حلو ف شغلنا يا ايمن خد بالك
ايمن: حاضر مع السلامه
ذهب ايمن مع الحارسين وانطلقو بالسياره
بيبرس: ساشاااااا
ساشا وهي تنزل الدرج من اعلي اليخت : نعم سيدي
بيبرس: مساج
ساشا: أمرك سيدي بيبرس
****************************
***
في الحرم الجامعي امام احدي المدرجات الخاصه بامتحانات كلية التجارة ...انتهي الطلبه من الاختبارات اخيرا وكان اخر يوم لهم
مايا: اخيرا ده الواحد زهق من الكابوس ده
هايدي: ع اساس انك بتزاكري
سيلين: اوعي الدحيحه منك ليها كلنا ف الهوا سوا
هايدي وهي تمسك بهاتفها: الحقو شوفتو الفيديو الي رفعتو الصبح من اكونت فييك
مايا: بتاع فيروز
هايدي: اه جاب ١٠٠ الف لايك وكومنتات بالهبل
سيلين: ده ع جروب اي
هايدي : طبعا ع جروب الكليه
مايا: احسن تستاهل
سيلين : هي كده لسه شافت حاجه بس برافو عليكي يا هايدي وعشان كده ليكي كادو محترمه عندي الي تطلبيه انا هجبهولك
هايدي : بجد ياسيلي ؟؟؟
اوقفهم احد حراس الامن يقول لهم : مين فيكو هايدي الحلواني
هايدي: ايوة انا ف حاجه؟
الحارس: سيادة العميد عايزك بس لوحدك
هايدي وقد ارتجفت : عاااايزني ف اي
سيلين : روحي معاه ولو ف حاجه متخافيش هتصرف
هايدي : اوك يلا باي .... متعرفش هو عايزني ف اي
الحارس: معنديش علم غير ان اجيبك ليه
هايدي وترمقه باحتقار: طيب
دلف الحارس اولا : استاذه هايدي واقفه بره ساعتك
العميد : خليها تتفضل
الحارس: اتفضلي يا انسه هايدي
دلفت هايدي وهي تخفض رأسها للاسفل
العميد : تعالي ياهايدي قربي صقر بيه عايزك
رفعت رأسها ليرتجف جسدها من الذعر والخوف
صقر: انا يا سيادة العميد مرضتش ادخل بالقوة الي معايا عشان ده حرم جامعي وله احترامه واكتفيت بأن اخدها بنفسي
العميد: حضرتك تحت امرك وطبعا الي عملتو ده اسعدني وخلاني احترم حضرتك اكتر
صقر : طيب عن اذن حضرتك انا هاخدها وماشي وطبعا هسيب لحضرتك ورقة الاذن
العميد : اتفضل حضرتك
صقر وهو ينظر لها بنظرات مرعبه جعلت اوصالها ترتجف
صقر: يلا يا استاذه ادامي
هايدي بخوف: انت هتاخديني ع فين
صقر: هاخدك هفسحك عندي ف القسم عشان تعرفي تحطي حبوب كويس ف العصير
هايدي : انااا؟؟
صقر: لأ امي يابت يلا انجري وامشي ادامي ثم امسك بمعصمها وخرج بها
هايدي : براحه ايدي
صقر: اومال موجعتكيش وانتي بتحطي لفيروز الحبوب ليه
هايدي: انت متعرفش انا ابقي بنت مين
صقر: طزززز ولا يهمني كله سواسيه عندي
سار بها صقر امام انظار الطلبه ف الحرم واخذها خارج البوابه وادخلها سياره خاصة بالشرطه ثم ذهبو للقسم
سيلين : انا هتصل بمحامي داد يجي يشوف الي بيحصل والزفت ده والله لاربيه هو والسنيورة بتاعته
********
في مكتب صقر بقسم الشرطه
صقر وهو يشمر عن ساعديه : ها يا هايدي لسه مصره انك معملتيش حاجه
هايدي: انا معملتش حاجه روح شوفها بتشرب وتعمل بلاوي وتيجي تحاسبني انا
اقترب منها ونظر لها ومقلتيه متسعه ونادي بصوت عالي: يا عوووووض
عوض دلف : ايوه يا صقر بيه
صقر: اسمها نعم يا حيوان
عوض: ااا اانا اسف ساعتك نعم ياصقر بيه
صقر: هاتلي الحيوان الي بره
عوض : تحت اامرك
دلف شاب نحيل الجسد ف اوائل العشرينيات
صقر ويرمقه بنظرات جعلته يخشي النظر اليه
صقر بصوت هادر : هي دي الي ادتك الحبوب تحطها ف عصبر وتديه للبنت التانيه
الشاب: اها هي وقالتلي ان ققولها ان العصير ده من فارس بيه
جحظت عينيها وصرخت بالشاب: انااا ياكداااب
الشاب: ايوة بامارةورقة ال٢٠٠ جنيه الي حطتيها ف جيب القميص بتاعي
صقر وينظر لها بعلامه استفهام ثم اردف للشاب: وانت ياحيوان اي حد يديك حاجه تأذي بيها اي حد تعملها ع طول
هايدي بانهيار: ده كداب متصدقهوش
صقر بابتسامه سخريه وانتصار: لا يا حلوة مبيكدبش فيه كاميرات مترشقه ف المكان كله وجيباكي وانتي بتعملي كل حاجه ومن غباءك اللامتناهي جايه جري وتقوليلي الحق ياصقر اول ماشوفت الي حصلها فهمت انك ع طول مش محتاج افكر
هايدي وهي تبكي وتتوسل اليه: بليز ياصقر انا اسفه ومش هكررها تاني ومستعده اعتذر ليها ادام الجامعه كلها
صقر بنظره خبيثه : مش كفايه
هايدي: طب عايز اي وهاعملو ع طول بس بلاش الحجز بليز
صقر: خايفه من الفضيحه ورايحه تصوريها فيديو امبارح وتنزليه ع البيدج بتاعه الكليه
هايدي: انا؟؟؟
صقر: لا انا يابت .....صمت ثم صرخ بها لتنفزع من مكانها: قومي دلوقت
هايدي: حححاضر اروح فين
صقر: هاتي تليفونك
هايدي: ليه ؟
صقر: هعملك فيديو دلوقت تعترفي بيه بكل الي عملتيه فيها من اول الحبوب لحد الفيديو الي شيرتيه
هايدي: لالالالا مينفعش
صقر: خلاص هابعت لعوض ياخدك من قفاكي ويرميكي ف الحجز لحد ما النيابه تحقق ف الي حصل وحبس وتجديد وخليكي تخللي ع البورش تحت
هايدي بتوسل: نو نو بليز خلاص اوك هاعمل فيديو واعتذر لها فيه
صقر: ايوة كده ... بحب انا سمعان الكلام
******************
****
ف منزل بوسي صديقة رنيم كانتا تجلسا ع مائده الطعام يتناولون الفطور
بوسي: بس كلمة الحق تتقال يا روني حرام عليكي المعامله الزباله الي كلمتيها بيه امبارح
رنيم : والله ده الي عندي يخلي الهانم التانيه تبقي تعملو حلو
بوسي : اوبس ده انتي شكلك مولعه منها خالص
رنيم : بليز اقفلي ع السيرة الي تسد النفس دي
بوسي: اوك طيب اي رايك نروح النادي نتمشي ولا نتدرب ع اي رياضه .... اه صح مش كنتي بتلعبي تايكوندو قبل ماتسافري فرنسا
رنيم : اها بس نسيت
بوسي: طيب ماترجعي اتدربي من اول وجديد وبالمرة تطلعي الانجتيف انيرجي ( الطاقه السلبيه)بتاعتك ف الرياضه بدل ماقاعده تحرقي ف دمك
رنيم وهي تفكر: اوك good idea (فكرة حلوه)
عشق الفيروز ( لاتظلمني) - #الحلقة الرابعة عشر
🧚🏻♀️🧚🏻♀️🧚🏻♀️🧚🏻♀️🧚🏻♀️🧚🏻♀️🧚🏻♀️🧚🏻♀️🧚🏻♀️🧚🏻♀️🧚🏻♀️🧚🏻♀️
* بداخل عيادة النساء والتوليد يقف ايمن ممسكا بيد سلمي المتمدده ع سرير حديدي الخاص بالعيادات وتجلس الطبيبه ع مقعد بجوار سلمي وامامها جهاز اشعة يعرض ع شاشته صورة لتوءم
الطبيبة تنظر للشاشه قائله: اي يامدام سلمي عايزه تعرفي نوع التوءم ؟
سلمي بقلق ممزوج بسعادة: كل الي يجيبو ربنا كويس والحمدلله
الطبيبه وهي تنهض : هم ولدين بإذن الله
أيمن بصوت مهلل بالفرح: الحمدلله والشكر ليك يارب الف مبروك ياحبيبتي
سلمي: الله يبارك فيك ياحبيبي ويتربو ف عزك يارب
الطبيبة: هو حضرتك عملتي اخر مرة سونار امتي
سلمي وهي تنظر مابين زوجها والطبيبه : اصل كنت تعبانه من اول ما حملت غير العيال والمدرسه وشغل البيت مكنتش بقدر اروح اتابع
الطبيبه بعدم اقتناع: اوك ... ربنا يقومك بالسلامه ... يلا اومي وظبطي حالك وتعالي عشان اكتبلك ع شوية حاجات
نهضت سلمي وهي تنزل بقدميها وارتدت حذائها واعدلت ملابسها ثم توجهت للمكتب وهي تجلس امام الطبيبه
الطبيبه : بصي يامدام سلمي انا كتبتلك ع حقن فيتامينات عشانك وعشان الجنين وطبعا هتاخدي كبسولات الحديد عشان الانيميا وكمان حقن اكتمال الرئه عشان لو حصل ولادة مبكره وكمان هتعمليلي التحاليل دي عشان اطمن عليكي
سلمي: شكرا يادكتورة
الطبيبه : العفو ياحبيبتي ... ونظرت الي ايمن واردفت: وحضرتك خلي بالك منها وخليها تهتم بالمتابعه بالذات اخر ٣ شهور
ايمن: حاضر يادكتورة
سلمي: طب عن اذن حضرتك
الطبيبه : اتفضلو
سلمي وهي تمسك بيد ايمن خرجا من غرفة الكشف نادت عليهم الممرضه : يامدام سلمي
ايمن: ف حاجه؟
الممرضه بابتسامه صفراء: فلوس الكشف والسونار ٣٠٠ج
سلمي: ليه ٣٠٠؟؟؟؟
الممرضة : حضرتك دي اسعارنا وكل العيادات ف المنطقه كده
سلمي وهي تهمس لايمن: كان لازم تجبنا العياده الغاليه دي
ايمن: فداكي اي حاجه ياحبيبتي ... ثم اخرج من جيبه ورقات من المال واعطي النقود للممرضه ثم اعطاها ٥٠ جنيه قائلا: ودي ليكي حلاوة التوءم
الممرضة وفمها متسع من السعادة: ميرسي يافندم وربنا يقوملك المدام بالسلامه
ايمن: يارب
سلمي: يلا بينا يا ايمن
غادرو العيادة ونزلو الي الشارع
سلمي: ايمن
ايمن: نعم يا ام اياد و زياد
سلمي: لا مش هسميهم اياد وزياد
ايمن: اومال؟
سلمي: هسميهم عمر و سليم
ايمن: ده اسماء اخواتك الله يرحمهم
سلمي: عمري ماهنسي الي حصلهم بسببي
ايمن ويمسد ع ظهرها: ليه بتفتحي السيرة دي ياقلبي يعني احنا فرحنين وانتي عايزه تنكدي علينا
نظرت له سلمي بأسف: حقك عليا ياحبيبي غصب عني
ايمن: طب يلا عشان هاخدك نروح نجيب هدوم للعيال
سلمي: هو انت جبت الفلوس دي كلها منين وعمال تبعزء يمين وشمال
ايمن بنبره متردده: دي دي ...
سلمي: اوعي تكون جيبهم من الحرام يا ايمن ؟؟؟؟
ايمن: حرام عليكي انتي بتظلميني ليه ده ياستي واحد من السياح نسي شنطه ف المتحف عندنا وانا لاقيتهالو ولما سلمتها ليه ادالي نسبتي ١٠٪ بس فقولت ربنا عالم بحالنا هظبطك انتي والعيال واطمن عليكي
سلمي وهي ترمقه بعدم تصديق: طيب يا ايمن
ايمن ويوجه نظره للجهه الاخري: طب يلا عشان نلحق نجيب الحاجه ونروح عشان البنات
سلمي: متقلقش عليهم انا ودتهم عند خالتي
ايمن: بجد!!!
سلمي: وهي مسكت فيهم وهيقعدو النهاردة وبكره عندها
ايمن بابتسامه خبيثه: اشطا دي ليلتنا هتبقي عسل ... النهاردة الخميس والكل هيهص
سلمي: ليلة اي وعسل اي
ايمن: يعني انتي مش فاهمه ... قالها وهو يغمز لها بعينه
سلمي بعد ما ادركت مقصد حديثه توردت وجنتيها ف خجل
ايمن: لا مش عايز كسوف خالص الليله
سلمي بخجل: بس بقي يا ايمن
ايمن: ايوه كده ياوديع بقولك اي هنشتري الحاجات دي بكره وتعالي يلا هناخد تاكسي عشان نروح بسرعه
سلمي: ليه السرعه دي احنا ورانا حاجه
ايمن: اها ورايا حرب عالمية تالته هتقوم لما نروح ... ثم اشار بيده لاحد السيارات : تاكس
توقفت احدي السيارات
ايمن: عايزين نروح بشتيل ياسطي
السائق وهو ينظر اليهما: بس الاجرة ٤٠ ج
ايمن: ياعم يلا بسرعه وانا هديك ٥٠ ج بس وصلنا بسرعة وحياة عيالك
دلف الاثنان للسياره وجلس ايمن وهو يحاوط سلمي بزراعه ويهمس ف اذنها: هتموتي ياسوسو
سلمي وكزته: يخربيتك الراجل سمعك ... اسكت بقي
وكان السائق ينظر من المرآه ويبتسم لهما ... انه يظن يعيشا ف سعادة وهناء ولم يعلم ماينتظرهم ف المستقبل من مصير مجهول
**************************
*في صالة التدريب رنيم مرتديه الزي الخاص برياضة التايكوندو وكانت تمارس تمارين الاحماء قبل اللعب .. وكذلك يفعل مثلها إياس الذي كان ع مقربه منها ..
إياس بصوت متهدج وهو يزفر ويشهق: اهااا خلصت ها نبدأ؟
اعتدلت رنيم قم وقفت ترميه بنظرات تحدي: اه خلصت
إياس: طب يلا تعالي
تقدمت رنيم نحوه وسط حلبة اللعب : خلي بالك من نفسك
إياس: ده اي الثقه الجامده دي
رنيم : هتشوف دلوقتي ... فاجأته بضربه من قدميها أتت من الخلف لتجعله يختل توازنه ويقع للخلف لكنه وقع مسندا ع زراعيه وقال : احنا فينا من كده انتي كده بتخلفي قواعد اللعبه
رنيم: انا مبحبش قواعد امشي عليها انا بعمل الي انا عيزاه
إياس بنظرات متفحصة وجهها: طيب استحملي الي جاي بقي وفاجاءها الاخر بضربه جعلتها تفقد توازنها وكادت تقع فأمسك بها ثم قبض ع معصميها وجعل ظهرها ملاصقا لصدره ويهمس ف اذنها: انتي مش ادي ياقطه وبلاش تلعبي مع الفهد
رنيم بضحكه ساخره: فهد !!!! ياعيني ع البرص لما يكون فاكر نفسه تمساح
إياس شد قبضته عليها اكثر: انا برص؟؟؟ طب والله لاوريكي البرص هيعمل فيكي اي
رنيم كادت تتأوه لكنها كتمت الامها حتي لايسخر منها فركلته بقدمها للخلف وقامت بعضه ف يده
إياس: اااااه يابنت العضاضه ... ركض نحوها ثم وجه اليها ضربات بالقدم واليد وهي كانت تتفادي الضربات فانقض عليها وهمت هي بالركض مبتعده عنه فتعثرت ووقعت للخلف ع ظهرها وهو كذلك فقد توازنه عندما توقف فجاءه ووقع عليها ..... وهنا ظل كلا منهما يحدق ف عين الاخر .. وقلب رنيم كان يخفق بشدة لدرجة ان إياس شعر بنبضات قلبها القويه
رنيم بتوتر وخجل: انت عجبتك الواقعه ولا اي
إياس بنبرة خبيثه: لا انا مستريح كده
رنيم زادت حمرة وجنتيها وكادت تلكزه ف صدره لتبعده عنها فأوقفهم صوت لايبشر بالخير : الله الله اي الي انا شيفاه ده يا إياس بيه انت والهانم ؟؟؟
*************************
*فتحت عيناها بثقل ورمشت ثم اتسعت حدقتيها من هول الصدمه نهضت فجاءة لتري انها مازالت مرتدية ذلك الثوب الاحمر فتزكرت ليلة امس وشهقت : نهاااار اسود انا فين ... فأخذت تتجول بعينيها ع ما يحيطها بالغرفه فوقع نظرها ع صور معلقه التي تجمع بين صقر وإياس ورنيم ... وضعت يدها ع فمها وهي تشهق : يالهوي انا ف بيت صقر ... ثم اردفت : م مماما زمانها قالبه عليا الدنيا... ركضت نحو باب الغرفه ثم فتحته واخذت تتجول بالخارج فلمحت حقيبتها الموضوعه فوق طاوله خشبيه اتجهت نحوها واخذت تبحث عن هاتفها فوجدته افرغ من الشحن .. تساءلت : هي الساعه كام؟ فلاحظت الساعه المعلقه ع الحائط فوجدتها الثامنه . .
فيروز: ادامي ساعه والامتحان هيبدء اروح اغسل وشي بسرعه و... تزكرت حذائها التي تركته بالحفل ... واردفت: ده اي الحظ المنيل بستين نيله ده ... طب اروح بأي دلوقت ياربي ... فأهداها تفكيرها بأن تبحث عن حذاء بداخل الغرفه التي كانت بها فدلفت اليها وهي تبحث فاتجهت نحو الخزانه وفتحت ضلفه فوجدت رف كبير بالاسفل به عدة احذيه نسائيه
فيروز: اي كل الجذم دي بيعمل بيها اي ... اه صح اي الهبل ده بالتأكيد بتوع اخته ... اي داه دي مقاسها ٣٨ زيي .... اخذت حذاء وارتدته وجدته مناسب لقدمها ومريح
فيروز: الله ده مريح اوي ... خلاص هستعيرو دلوقت واول ما اروح هتصل عليه وهقابله واديهالو ليقول ان انا حرامية جذم ولا حاجه
ارتدت الحذاء وغادرت الغرفه واتجهت نحو باب المنزل وهي تمسك بالمقبض فوجدت احد ما يفتح الباب بالمفتاح من الخارج فعادت الي الخلف بخطوات وهي تقول :ده شكله هو
فتح صقر الباب ودلف وهو يحمل بعض الاكياس
صقر بابتسامه حانيه: مساء الخير يا حبيبة قلبي
فيروز : اصدك صباح الخير
صقر بضحك : ما ليكي حق ماتحسيش بالوقت ده انتي نمتي نوم اهل الكهف
فيروز بقلق: اصدك اي؟
صقر: احنا بالليل يافيروز
فيروز وهي تضرب يدها ع جبهتها : يانهار مش فايت الامتحان راح عليا اعمل اي دلوقت
صقر وهو يضع الاكياس ع الطاوله: ماتخافيش هتمتحنيها الترم الجاي
فيروز: انت بتهزر دي اخر سنه ليا وعايزة اجيب تقدير ... وبعدين تعالي هنا هو انتي جبتني ليه عندك امبارح ومروحتنيش ع بيتي
صقر يتنهد: مكنش ينفع ... الوقت اتأخر وسيادتك كان مغمي عليكي من تأثير الي كنتي شرباه امبارح فقولت اجيبك عندي ولما تفوقي تروحي براحتك
فيروز: اها صح انا اخر حاجه كنت فكراها لما شربت العصير وبعد كده مش فاكره حاجه
سرد لها صقر كل ما حدث وما قامت به ف الحفل وان مافعل بها ذلك هي هايدي وهو قام بمعاقبتها
فيروز وهي تشهق: كل ده حصل زمان الناس قالت عليا اي ولا مسيو فارس يالهوي كده اترفدت
صقر : احسن
فيروز : احسن اي؟
صقر: مش عايزك تشتغلي مع الي اسمه فارس ده
فيروز: ع فكرة هو شخص محترم جدا مش زي مانت فاهم
صقر: اها بأمارة لما مئنكشجك وبيعرفك علينا انك خطيبته وفوق ده كله بيرقص معاكي وواخدك ف حضنه
فيروز كانت تشعر بسعادة من غيرة صقر عليها فأرادت اغاظته قليلا : انت مالك متغاظ منه اوي كده عشان هو جنتل مان وامور و.....
اوقفها صقر عن الحديث عندما امسك بخصلات من شعرها وقبض عليهم بشده
فيروز: اااااه شعري ياصقر سيبو
صقر بللهجة تحذيريه: عارفه لو لسانك اتغزل ف راجل غيري هاعمل فيكي اي ... وشد من قبضته اكثر
فيروز: اااه حاضر مش هعمل كده تاني خلاص سيب شعري بقي ... انا كنت بهزر والله
صقر وقد شعر انه بالغ ف ردة فعله : حتي لو بتهزري ميتكررش تاني
فيروز وترقرقت عبراتها ف عينيها : حاضر عن اذنك انا عايزه امشي
صقر: مش هتمشي غير لما تاكلي الاول انا مرضتش اتغدي ف الشغل وجبت اكل وقولت ناكل مع بعض
فيروز: لا شكرا مش جعانه
صقر: لا هتاكلي وده امر مش اختيار
نهضت من مجلسها وهمت بالذهاب ليمسكها عنوة عنها ويجذبها نحوه وهو كان يجلس ع اريكه فوقعت هي ع فخذيه ف وضع الجلوس وامسك بيديها ووضعهما حول رقبته وهو حاوط خصرها بيديه
فيروز بغضب: ده اي ان شاء الله اوعي سبني عايزه امشي وبعدين هو انا طفله عشان تشيلني ع رجلك كده
صقر : اه طفلة وبعدين عايزه تمشي ليه عشان زعلانه؟؟
فيروز: وانت عملت حاجه تزعل لاسمح الله
صقر اقترب منها واعطاها قبله ع وجنتها : انا اسف متزعليش مني
فيروز خجلت كثيرا فنهضت وابتعدت عنه : لو سمحت انا عايزه امشي انا اتأخرت وزمان ماما قالبه عليا الدنيا والفون بتاعي فاصل شحن
صقر وهو يزفر بضيق: امري لله يلا عشان هوصلك
فيروز بتردد : ف حاجه عايزة ققولك عليها انا اخدت الشوز دي من الدولاب الي ف الاوضه الي كنت نايمه فيها لما اروح هديهالك
نهض صقر واتجه الي الاكياس واخرج من احدهم حذاء نسائي كان ف غاية الجمال والرقي
صقر وهو يعطيها الحذاء: اتفضلي ياحبيبي
فيروز بسعاده : الله حلو اوي انت عرفت مقاسي منين
صقر: وانتي نايمه جربت شوز من بتوع رنيم ولبستهالك لاقيتها مظبوطه
فيروز ركضت نحوه وعانقته : ميرسي اوي ياحبيبي ع الشوز الحلوة اوي دي
أحس صقر بشعور غريب بعد معانقتها له وخشي ان يتهور معاها بفعل سيندم عليه فأزاح يديها المتشابكه حول عنقه واردف: يلا ياحبي البسي الشوز وحضري حاجتك عشان اوصلك قبل مالوقت يتأخر
أخذت حقيبتها واعدلت من مظهرها وارتدت الحذاء الجديد وهو اخذ هاتفه والمفاتيح ثم غادرا المنزل ونزلا الدرج ودلفا للسيارة ثم انطلقو الي منزل فيروز
**********************
*
ف هذه الاثناء ليلي كانت ف منتهي القلق ع صديقتها التي تغيبت عن المنزل منذ الامس وهاتفتها كثيرا لكن هاتفها مغلق
ليلي ممسكة بهاتفها وتضغط ع زر الاتصال: افتحي الفون بقي يخربيت شكلك قلقتيني عليكي اوي ... وكمان معيش نمرة صقر وخايفه ليعرف انها راحت حفله ال تبع شغلها وهيتخانقو تاني ... يوووه بقي .... اها جاتلي فكرة
ذهبت غرفة فيروز وارتدت حجابها ثم ذهبت للسيدة آمال ف غرفتها الاخري: طنط أموله عن اذنك رايحه مشوار بسرعه وجايه
آمال بوهن: هي فيروز كلمتك
ليلي: لا ما انا قولتلك هي امبارح جت من حفله الشغل بتاعها وجت نامت ع طول وصحيت بدري وراحت الامتحان وانتي كنتي نايمه وزمانها ف الشغل دلوقت
آمال: طيب ياحبيبتي روحي وانا مستنيها
ليلي: متقلقيش جايه ع طول
غادرت ليلي منزل فيروز ونزلت الدرج ثم توقفت بالشارع وهي تشير : توكتوك
السائق: ع فين يا انسه
ليلي: ع القسم ياسطا
السائق: ياساتر يارب ليكي حد هناك ولا اي
ليلي وتضايقت من فضول السائق: خليك ف حالك
السائق: الحق عليا انا حبيت اخدم اصل حبايبي كتير شغالين ف القسم
ليلي: متشكره ... قالتها وهي تبتسم بزيف
السائق ف نفسه: اي البت الي شايفه نفسها دي بس بت بطل يخربيتها .... وكان ينظر لها من المرآه نظرات شهوانيه
ليلي بغضب : بس ادامك بدل ماتلبس ف الرصيف وانجز
السائق: مبوراحه طيب الله
وصل امام القسم .. فخرجت ليلي ثم اعطته ٥ جنيهات
السائق: عايز ٥ تاني
ليلي : نعم يا اخويا هي ٥ كفايه عليك حلو اوي
السائق نهض من مكانه وبصوت جلي: مليش فيه عايز ٥ كمان والا ....
اوقفه احد رجال المخفر وقال: والا اي يا عم الامور
السائق بتردد: ازيك يا علي باشا
علي: مالك بتتخانق مع الانسه ليه
السائق: ركبتها من ادام باب البيت لحد هنا مشوار عامل ١٠ ج ادتني ٥ وبتقولي كفايه عليك كده يرضيك ساعدتك
ليلي: ده نصاب المسافه كلها ٣ شوارع مش اكتر
علي وهو يخرج من جيبه ٥ جنيهات واعطاها للسائق قائلا: خد فلوسك اهي وبطل مشاكل مع الزباين بدل ما اسحب منك التوكتوك ده
السائق: حقك عليا يا باشا مش هتتكرر
علي : طب زوء عجلك يلا وامشي من هنا
ليلي: انا متشكره لحضرتك اوي واول ماهاروح البيت هجبلك الفلوس
علي : اولا الشكر لله ثانيا انا هعمل نفسي مسمعتش حاجه وبعدين ازاي بنت زيك تركب توكتوك لوحدها بالليل مع اشكال زي دي
ليلي: انا كنت جايه القسم
علي بتعجب: ليه؟
ليلي: عايزة ققابل صقر بيه
علي: صقر بيه هو حضرتك تقربيلو ؟
ليلي: لا يبقي خطيب صاحبتي و... .بعدين انت مالك انت هتحقق معايا
علي: تصدقي انا غلطان وكنت عايز اساعدك
ليلي: وتطلع مين بقي عشان تساعدني
علي: انا الامين علي
ليلي بخوف : امين !!! طيب عن اذنك
علي: تعالي هنا هي وكاله من غير بواب و ع فكرة صقر بيه مش موجود كان ف وردية الصبح ولسه ماشي من ساعة
ليلي: طب خلاص هجيلو ف وقت تاني .. سلام
تركته وذهبت ... وقال علي لنفسه: اي حكايه البنت دي بس عسل اوي بنت اللذين ... اردف وهو ينادي: يا رجب
رجب : ايوه يا امين علي
علي: شايف البنت الي ماشيه هناك دي
رجب: اه مالها
علي: خليك وراها وهاتلي قرارها وابقي تعالالي ع المكتب جوه
رجب : امرك يا فندم
علي: ياتري انتي مين يامزه ،!!
*****************************
**
تجمع كل المتواجدين بالنادي حولهما
چاسمين بصوت جلي : يلا يا خطافة الرجاله يلا قفشتكو وانت....
استوقفها إياس وهو يضع كفه ع فمها وهمس لها : وقسما بالله لو ماسكتي هروحك عند اهلك مكسحه
رنيم بغضب : انا مش هرد عليكي عشان انتي واحده متخلفه ومش بتفهمي ولو كنتي واثقه من نفسك وواثقه ف خطيبك مكنتيش عملتي الي بتعمليه ده
إياس بغضب: خلاص يارنيم حقك عليا
چاسمين بعدما تخلصت من قبضته ع فمها: انت بتعتذرلها ليه ان شاء الله دي واحده حقودة وبتحب تاخد الي ف ايد غيرها ميتقلش عليها غير (........)
هوي إياس بصفعة قوية ع وجهها بعدما تلفظت بسبة بذيئه
چاسمين وهي تصرخ: بتضربني عشانها والله ما هسيب حقي يا إياس وكلامك هيبقي مع بابي و مامي
إياس وهو ينظر بصدمه لانه اول مرة يمد يده ع أنثي .... ورنيم كانت تنظر لها باحتقار وهي تقول : عمرك ماهتتغيري ياچاسمين انا فكراكي من ايام الثانوي لما كنتي بتعملي اي حاجه عشان تأذيني وكل مرة ربنا بياخد لي حقي منك حتي المرة دي
چاسمين : وانا مش هسيبك ف حالك يارنيم وبكرة الايام تثبتلك .... قالتها ورحلت
اقترب إياس من رنيم
إياس: رنيم ان....
قاطعته رنيم : بقولك اي ياريت مش عايزه اشوف وشك تاني هنا او ف اي حته بره النادي كفايه الفضيحه الي عملتوهالي انت وخطيبتك ال Vulgar دي واخرك معايا مجرد صاحب اخويا وملكش دعوه بيا
إياس كان يتلقي منها كلماتها اللاذعه وشعر من بين سطور تلك الكلمات مشاعر مكنونه له وقرر بداخله انه لم ييأس حتي يخرج تلك المشاعر لكن كيف؟ ومتي؟...
**************************
***
وصل كلا من صقر وفيروز امام منزلها ونزلا من السيارة
صقر : هتوحشيني اوي
فيروز واقتربت منه: وانت هتوحشني حتي وانا معاك بس اوعي تقسي عليا تاني او تمد ايدك عليا
اوقفتها فجاءه ضربة ع ظهرها ثم جذبتها من شعرها وهي تقول
آمال: ده انا الي همد ايدي ورجلي عليكي يابنت ال........
فيروز: ااااااه ماما اصبري افهمي الاول
صقر وهو يتدخل ويحاول ابعاد آمال عن فيروز: استني يا ماما افهمك
آمال بنبرة تحذيريه : اخرص انت دلوقت والحق مش عليك الحق ع بنتي الي مربتهاش
فيروز وهي تبكي وترجو والدتها: والنبي يا ماما تعالي نطلع الشقه الشارع هيتلم علينا
آمال جذبتها من زراعها لداخل فناء المنزل : لما انتي خايفه من الفضيحه روحتي نمتي فين امبارح ومجتيش البيت
فيروز تزداد بكاء: اااا انا
صفعتها آمال بقوة وتصرخ بها : انتي فكراني عشان تعبانه مش هقدر اربيكي ولا اعرف بتعملي اي جري اي يابنت ال...... مش لاقيه حد يلمك
صقر : طنط آمال اسمعيني من فضلك وبلاش العنف ان...
استوقفته آمال بنظرات مرعبة: بص يا صقر بيه احنا ناس صعايده اي نعم ع اد حالنا ومعناش راجل بس انا هنا الراجل والست والي يجي ناحية بنتي اكلو بسناني انا مليش غيرها وهي لو غلطت فأنا هربيها بمعرفتي
صقر: ع فكرة بنتك عمري ما شفت ف أدبها ولا احترامها واسمعيها قبل ما تحكمي
آمال : طيب حط نفسك مطرحي لو ليك اخت وباتت بره البيت ورجعالك تاني يوم مع واحد ونازله من عربيته هتعمل اي هطبطب عليها ؟؟؟!!
صقر : انتي والله عندك حق ف كل الي بتقوليه بس ارجوكي متمديش ايدك عليها بس عايز قق....
قاطعته مرة اخري: ولا تقول ولا تعيد ... نظرت لفيروز بنظرة مخيفه واشارت لها بعينيها ان تصعد للمنزل ... فهمت فيروز نظرات والدتها وصعدت للمنزل .... واردفت آمال: بص يا ابن الناس لو عايز تتسلي وتلعب عندك من النوع ده كتير روح دور عليه لكن عند بنتي وتوقف
صقر بنظرات حزينه : انا مقدر حالة حضرتك بس انا والله نيتي كلها خير بس ف كذا حاجه كده ورايا تبع شغلي مستني لما اخلصها واجي اطلب ايد فيروز منك
آمال: خلاص يابيه لما تخلص الي وراك والي قدامك بنتنا ف بيتنا واياك تتصل بيها ولا تحاول تشوفها لغاية لما تيجي تتقدم رسمي واظن كده عداني العيب
صقر: حاضر الي تؤمري بيه حضرتك
آمال ترمقه بنظرات حاده: مع السلامه يابيه
صقر وشعر بالغضب من معاملتها معه لكن تملك اعصابه حتي يظفر بمحبوبته فذهب ليدلف سيارته ويصفق الباب بقوة وانطلق بها
صعدت آمال وفتحت باب الشقه ودلفت وتبحث عن فيروز بعينيها ثم نادت بصوت جلي: انت يا زفتة الطين
فيروز بخوف وجاءت تركض: ن ننعم ياماما
آمال: اعملي حسابك بكرة هتسافري عند اهل ابوكي الله يرحمه
فيروز بصدمه : اي؟ انا عمري ما روحت هناك خالص بالله عليكي يا ماما خلاص انا معترفه بغلطي
آمال بنبرة قويه : هي كلمه ومش هعيدها هتسافري من الفجر ع بلد ابوكي ف الواحات
فيروز شعرت بأن والدتها حقا انها قررت بسافرها ولن تتراجع ابدا فدلفت غرفتها وظلت تبكي و تصرخ ... وتوقفت فجاءه عندما سمعت بصوت شئ ما ينكسر فخرجت وجدت والدتها تمسك بهاتفها وتحاول كسره ونجحت ف ذلك
فيروز بصراخ: ليه حرام عليكي مش هعرف اجيب غيرو
خلعت آمال نعلها والقته عليها: خشي اوضتك يا بنت ال....... وانا هعرف اربيكي ازاي عشان تبقي تعرفي تصيعي تاني
وقامت بمسك هاتفها الخاص واتصلت : الو اي يا ابو خالد .... الله يسلمك..... ان شاء الله هنطلع الفجر انا وفيروز وهنجيلكو ......... لا متقلقش هننزل محطة السيدة زينب وهنركب الاكسبريس هينزلنا ادام بيتكو ع طول ......... تسلم ........ مع السلامه
*************************
****
في شركة الاسيوطي جروب يجلس محمد بمكتبه وهو يمسك هاتفه ويقلب ف ملف الصور ويلمس الشاشه بأنامله ويقول: مش معقول سحر عيونك الي خلاني مش قادر افكر ف حاجه غير فيكي
( ملحوظة: محمد اول ما شاف فيروز مع فارس مركزش لما كان فارس بيقول عنها خطيبته ولما قابل فيروز برة القاعه واداها الانسيال الي وقع منها بعدها مشي عشان والده اتصل بيه وكان عايزو ضروري فهو معندوش علم بالي حصل لفيروز ف الحفله وميعرفش انها حبيبة صقر لحد دلوقت)
قاطع تفكيره اتصال والده من الهاتف الداخلي للشركة ... نهض محمد وذهب لمكتب والده
حماد بصوت أجش : تعالي يا ولدي اجعد هنا
ويشير اليه لمقعد امامه .
محمد: خير يا بابا
حماد بنبرة تحذير مخيفه: مش جولتلك جبل اجده ان مفيش بابا ف الشغل جولت ولا مجولتش المره الجايه هيبجي فيها جزا
محمد وينظر للاسفل ف أسف: آسف يا حماد بيه مش هتتكرر تاني
حماد : المهم عايزك ف موضوع مهم جوي
محمد: خير ان شاء الله
حماد: مش ناوي تكمل نص دينك وتجبلنا عيال
محمد بابتسامه خافته: ادعيلي ياحماد بيه وهيبقي قريب ان شاء الله
حماد وينظر له باستفهام ليقاطع نظراته رنين هاتفه : الو ايوه
المتصل : عرفت مكانها يا حماد بيه
حماد : ماتجول وخليصنا
المتصل: هي كانت من يومين ف مستشفي السويفي وعرفت انها مريضه بالفشل الكلوي ومحتاجه عملية زرع كلي ومستنين يلاقو متبرع نفس الفصيله
حماد: طب وماعرفتيش عنوانها ومطرحها فين
المتصل: لا مش واخدين العنوان لانها كانت جاية تبع صقر الهواري شريك صلاح السويفي
حماد وهو يفكر : صقر ؟؟؟ ... ثم اردف: طيب اجفل انت دلوقيت ومتمشيش من عندك غير لما تعيرف هتيجي المستشفي ميتي تاني يلا سلام
محمد : اي عرفت مكان عمتي
حماد : متجولش عمتك .. عمتك ماتت بالنسبه لينا من زمان .. ثم قال في نفسه : ولسه يا آمال عذاب ربنا ليكي ف الدنيا غير عذابي الي هتشوفيه لما اشوفك ....