_العشق القاتل.
بقلم /هاجر محمد 🌸 حبيبة 🌸
_الفصل 🌸 الحادي 🌸 والعشرين 🌸
_بتقول مين عادل!!! ظلت تنظر في وجوههم بصدمه و/انتم بتهزروا معايا صح بس ده مش هزار إنتم شكلكم زهقتوا من حياتي وعيشتي عندكم وعاوز يني أمشي صح
_صقر / أسماء أنا عارف إنك صعب تتقبلي اللي حصل بس لازم تحاولي علشان تقدري تهوني علي أمك
_أسماء وهي تهز رأسها يميناً وياسارا / لا لا إنتم مجانين وعاوز ين تجننوني معاكم وتركتهم وخرجت راكضه إلي الخارج
_مجاهد / الحقها ياصقر يابني هي مش في وعيها دلوقتي بسرعه علشان نلحق نوصل البلد قبل ما النهار يطلع
_صقر وهو يتحرك / حاضر ماتخ
آسر /معلشي ياصقر أنا هروح لها وهجيبها وأجي علي بلادكم ما تقلقوش عليها وركض خلفها مسرعاً
_صقر صقر صقر.... كانت دعوه التي تنادي بقلق وصوت مرتفع
_جري صقر عليها و/فيه إيه يادعوه
_الحق حور تعبانه أوي
_أسرع صقر إليها وما إن دخل حتي رأي حور تمسك بأسفل بطنها والعرق يتصبب من جميع أنحاء وجهها الذي تحول لونه إلي الأصفر الشاحب
_تعبانه أوي ومش قادره ياصقر حاسه إني بموت
_رفع صقر رأسها وضمها بقوه و/ أوعي تقولي كده تاني علشان خاطري
_العشق القاتل. حبيبة الله
_تعبانه أوي ياصقر
_فين المتخلفه اللي إسمها حنين
_دعوه /حنين طلبت الإسعاف
*وصلت الإسعاف بعد فتره وأخذت حور ومعاها صقر
_الجد مجاهد / إحنا لازم نرجع البلد دلوقتي وإنتي يادعوه خليكي هنا علشان تطمنينا على حور
دعوه / طب وأسماء ياجدو
رحيم / أسر هيجيبها المهم إنتي ابقي طمنينا علي حور
_حاضر وانتم خدوا بالكم من أسماء الصدمات كترت عليها مره واحده أوي
_الجد مجاهد /ربنا يصبرها
________________________________
_خرج أسر ورا أسماء بسرعه لحد ما وصل عندها وبسرعة مسكها من دراعها جامد و/أسماء اسمعيني وحاولي تستوعبي اللي حصل
__أبعدت أسماء يده بقوه و/ أستوعب إيه أستوعب موت أمي ولا أستوعب موت أخويا لا ده شيء مستحيل أنا عارفه انت بتقول كده ليه علشان تستفرض بعادل صح وتقدمه كبش فدا للأمريكان وإنت يصقفولك وتاخد رتبه أعلي ومركزك يكبر بس أنا بقي مش هصدق اللعبه دي أنا متأكده ان عادل عايش
_أسر بهدوء علي عكسه تماما / أنا مقدر حالتك وعارف إنه صعب بس دلوقتي لازم ترجعي علي البلد
_ارجع البلد ليه أمي هي اللي هتيجي بس مستنيه لما عادل يجهز الشقه وكلنا نروح نقعد مع بعض
_أمسك أسر بيد أسكت وجذبها بقوه إلي السياره وأجلسها في المقعد الأمامي بينما هي صرخت عليه ليتركها ولكنه لم يستمع لها وركب وأسرع الرحيل بها
_العشق القاتل. حبيبة الله
_إنت واخدني علي فين
_لم يرد عليها أسر وظل صامتاً
_أسماء بعصبيه وصوت مرتفع /نزلني ياأسر دلوقتي بقولك نزلني
_أسماء اسكتي أحسن لك علشان ما أضطرش أتعامل معاكي بطريقتي
_طب قولي إنت واخدني علي فين
_توقف أسر بالسيارة مره واحده وأطال النظر إلي أسماء
_بتبص لي كده
_أسر وهو يأخذ نفسا طويلاً /هتفضلي كده كتير
_قصدك إيه ما أنا زي الفل أهو
_أسماء عادل مات وأمك كمان ماتت افهمي بقي وحاولي تفوقي من الغيبوبه اللي إنتي فيها دي
_تعرف يا أسر أنا مش عاوزه أشوفك تاني علشان إنت كداب مش بتحبني إنت لو بتحبني ما كنتش تشترك معاهم في الهزار ده افتح العربيه خليني آنزل
_آسر بعصبيه وهو يمسك بكتفها / أسماء فوقي بقي ده مش هزار دي حقيقه
_لا مش حقيقه كدب كدب وحاولت أن تفتح السيارة افتح العربيه ونزلني
_امسكها أسر مره أخري فأخذت تضرب فيه بعصبيه لم يستطع السيطره عليها وعلي صراخها فقام بضربها برأسه ضربه أفقدتها وعيها
_ظل ينظر إليها طويلاً وبعدها ضمها إلي صدره بقوه و/ أنا أسف ياأسماء بس وعد مني هعرف الحقيقه هم قتلوا عادل علشان يقتلوا الحقيقه معاه بس عادل سلمهم لينا
*فلاش باك إلي قبل ذلك بعدة ساعات
_الحق يا أسر بيه
_فيه إيه يابني
_تعالي في مسجون انتحر
_جري آسر بسرعه وهو علي يقين من أنه عادل
_وصل إلي الزنزانة ليراه ملقي أرضاً ورقبته مذبوحه بأله حاده وبالفعل وجدها بجواره
_العشق القاتل. حبيبة الله
_أمسك آسر بها و/ إزاي دي وصلت هنا إزاااي
_لم يرد عليه أحد
آسر /فيين مهاب
_ أ أنا ه هنا أهو ياأسر بيه
_قام أسر من جوار عادل واقترب بخطي بطيئه منه وما إن وصل أمامه حتي أمسك بملابسه وظل بضربه قلما وراء الآخر و/ إنت هتفضل طول عمرك فاشل وفشلك ده مش بيضرك لوحدك ده بيروح فيه أرواح ناس مش عاوزك معايا من اللحظه دي إطلع بره قبل ما أقتلك بإيدي
تركه علي نداء أحد الضباط المساعدين و / أسر باشا في ورقه جانبه شكله مكتوب فيها حاجه وانخفض إلي مستواها و / دي مكتوب عليها إسم سيادتك
_أسرع آسر بأخذ الورقه من يده وأخذ يقرأ ما بها وكان محتواها
_خد بالك من أسماء أنا شفت الحب ليك في عنيها عارف إني مشيت غلط بس ماكنتش أعرف إن دي النهايه أمي هتروح وأنا متأكد من ده بس مش عاوز أموت وأسيب أسماء في خطر خد بالك منها ولو عاوز توصل للحقيقه إبدأ من شركة صقر دور علي الخاين اللي فيها لأنه مش هيسيب صقر وأمانه الورقه دي ما فيش حد يعرف اللي فيها غيرك سلامي أمانه لأسماء
_أغلق آسر الورقه ونظر إلي عادل بحزن وانخفض إلي مستواه بألم / ليه كده ليه عملت كنت هقدر أحميك بس وعد مني وما يشهد عليه إلا ربنا لو أخر نفس في عمري لاوصل للحقيقة ونهض من مكانه وهو يرحل
*عوده إلي الوقت الحالي
_أسند أسماء بجواره علي الكرسي وتوجه بها إلي بلدهم
*في المستشفي
_خرج الطبيب من الغرفه التي بها حور وطلب من صقر ملاحقته
صقر بقلق /خير يادكتور إيه اللي بيحصل لحور ده
_دي كتر خيرها إنها مستحمله لحد دلوقتي انت عارف إنها ممكن يحصلها تسمم وتروح هي والطفل
_بس الدكتور لطيف قال إن العلاج هيجيب نتيجه وهيساعدها
_مين دكتور لطيف ده العلاج ده مؤقت وعمره ما يساعدها ولا يجيب نتيجه لمده طويله حرام عليكم دي بتشوف الموت بعنيها
_والحل إيه دلوقتي
_ما فيش غير حلين الأول إننا نريحها ونتخلص من الجنين أو إنها تسافر حالاعلشان يتعملها عمليه انغراس للجنين في الرحم لأن الإمكانيات طبعاً مش متاحه في مصر
_ما فيش أي مشكله نسافر حالا بس إنت ترشح لنا مستشفي بره أو مكان معين
_إنجلترا في هناك مستشفي علي أعلي مستوي وأطباء وإمكانيات لا غبار عليها وأنا ممكن أجهز ليكم كل حاجه هناك بحيث إنكم تسافروا علي العمليه علي طول
_صقر / طيب تمام وأنا هجهز كل حاجه وبكره بالكتير هنكون في المستشفى
_طيب تمام أنا حالا هبعتلهم التفاصيل والميعاد علي بكره ان شاء الله لأن التأخير مش كويس وفي خطر علي حياتها بعد إذن سيادتك
_رحل الطبيب ودخل صقر إلي حور التي كانت نائمه علي السرير والتعب ظاهر علي وجهها
_دخل صقر وجلس بجوارها علي السرير وقبل رأسها وامسك بيدها و / حمد الله على سلامتك هتفضلي تخوفني كده كتير
_الدكتور قالك إيه؟؟؟
_قالي إن كل حاجه هتبقي زي الفل بس لازم نسافر نعمل عمليه صغيره بره
_حور بخوف / عملية إيه إوعي تقولي إن في حاجه هتحصل لابننا ياصقر
_لا ياروحي دي عمليه علشان نحافظ عليه وعليكي وبعدها هتبقي كويسه وفي أمان إنتي وهو
_بجد ياصقر هنبقي كويسين إحنا الاتنين
_ان شاء الله وبعدها بقي باستي هفسحك فسحه في انجلترا تعويض عن شهر العسل
_حور بابتسامه / أنا بحبك اوي ياصقر
_وأنا بعشقك ياقلب وحياة وعمر صقر أنا هسيبك شويه علشان أجهز للسفر علشان نسافر علي طول
_علي فكره إنت بتسيبني كتير أوي ياصقر
_صقر وهو يقبل جبينها / حقك عليا أنا عارف بس الدنيا ملغبطه اليومين دول وبعدين إحنا هنسافر أهو ومش هسيبك ولا ثانيه
=================================
*بعد عدة ساعات وصل آسر للبلد وأسماء ما زالت فاقده للوعي وكان تجمع الناس قدام بيت ام عادل كتير أوي وصوت القرأن يصدح في أرجاء المكان
_نزل آسر من العربيه وراح ناحية أسماء وقبل ما يفتح باب العربيه كان رحيم والحاج مجاهد وصله في نفس الوقت
_نزل رحيم من العربيه وراح لأسر و / فين أسماء
_أشار أسر برأسه إلي السياره
_رحيم / إيه ده هي مالها
_أنا اللي اضطريت أعمل فيها كده رد عليه آسر وهو بيفتح باب العربيه وبيخرج أسماء
_أمشي قدامي علشان الناس هنا عارفينك خليني أدخلها
_دخل آسر بأسماء لأحد الغرف وحاول افاقتها بطريقه معينه وبعدها بالفعل فاقت أسماء
_قامت أسماء وجلست علي السرير وأخذت تتفحص الغرفه وكأنها تستكشفها بعدها رأت بعض جيرانهم يقفون حولها وأسر بجوارها والخاله رحمه من الجهه الآخري وصوت القرأن العالي أثار الرعب في قلبها وتذكرت كلام أسر عن موت أمها و عادل فنظرت إليه في نظره مطوله
_أسماء بوجه جامد لأسر / ده بجد ياأسر يعني مش هزار ماتوا بجد
_الصمت من الجميع كان رداً كافيا
_عاوزه أشوف أمي
_استغرب الجميع حالتها فكانوا متوقعين الصريخ والعويل ولكن ملاح وجهها جامده لا تعطي أي تعابير
_أسر / أسماء إنتي كويسه
_أنا كويسه خالص بس عاوزه أشوف أمي
_مد أسر يده ممسكا بيدها و / تعالي معايا
_أخذها آسر إلي غرفة أمها علي أمل أن تخرج من حالتها فتبكي أو تصرخ أو ما شابه ذلك لكن لم يحدث وإنما فقط قبلت أمها قبله طويله وخرجت
*بعد عدة ساعات أشرقت شمس يوم جديد كانت السماء زرقاء قاتمه بشكل مخيف كأنها تشاركهم الحزن في لحظاتهم وصلت السياره التي تحمل جثمان عادل وتمت صلاة الجنازة علي الأم والابن في نفس الوقت وكذلك مراسم الدفنة والعزاء التي قرر الجد مجاهد أنها ستكون فقط علي المقابر لأنه سيعود بأسماء إلي القاهر علي الفور سواء أبت أم رفضت
_كانت أسماء تجلس مكان جثمان أمها وفقط تنظر إلي صوره تجمع بينهم الثلاثه كأنها تحدثهم بكلام خاص بهم
_دخل آسر وهي علي نفس الوضع حتي مش مركزه إنه دخل
آسر وهو يضع يده علي كتفها / أسماء
_أسماء بابتسامه أثرت القلق في نفس آسر / آسر إنت هنا من أمتي تعالي أقعد
_عاوز أطمن عليكي
_أنا كويسه أوي زي ما إنت شايف
_أسماء أنا مش هسيبك وبحبك
_وأنا كمان بحبك أوي ياآسر بس ليه بتقول الكلام ده
_علشان خايف عليكي
_عليه أنا لا ياحبيبي ما تخافش عليه أنا ما فيش فيا أي حاجه
_قاطعهم دخول رحيم والخاله رحمه
_رحمه / يلا ياأسماء يابنتي علشان هنرجع مصر دلوقتي جدك قال كده
قامت أسماء من مكانها و / ماشي يلا أنا جاهزه
================================
_في انجلترا وصل صقر وحور للمستشفى وكان فعلاً كل حاجه جاهزه
_حور وهي علي السرير المتحرك إلي غرفة العمليات / أنا خايفه ياصقر
_ما تخافيش ياحور الدكتور طمني وقالي إنها عمليه مش صعبه وان شاء الله هتخرحي كويسه
_يارب ياصقر يارب ...... صقر أنا بحبك أوي ولو قمت من العمليه اول حد عاوزه أشوفه إنت
_أنا روحي معاكي جوه وهترجعيلي بيها لا إله إلا الله
_محمد رسول الله