رواية العشق القاتل الفصل الخامس5 بقلم هاجر محمد

رواية _العشق القاتل. 

بقلم  هاجر محمد 🌸 حبيبة 🌸 

_الفصل 🌸 الخامس 🌸 

_ وصل صقر إلى الشركه  وبدون أن ينظر إلى السكرتيره / ابعتي لي مصطفي حالا 

_مصطفي بيه في غرفة الاجتماعات مستني حضرتك مع حسين بيه علشان الاجتم

_قاطعها صقر بعصبيه وصوت مرتفع / كفايا رغي إيه  هتحكي قصه أبعت لي مصطفي وخليه يأجل الاجتماع

_السكرتيره وهي تضع رأسها أرضاً / تحت أمرك يافندم وعندما رفعت رأسها كان  قد رحل دون أن يسمع ردها

_السكرتيره وهي تنفخ براحه / ياساتر إيه ده  في حد علي الصبح بيبقي كده  كتك القرف زي ما إنت قارفنا كده

_أكيد بتتكلمي علي صقر ياحنان صح

_ فزعت حنان من ذلك الصوت / ي ماما  مصطفي  و و و   أ أ أنا كنت بدعي له

_ياشيخه كنتي بتدعي له ولا بتدعي عليه

_لا طبعاً بدعي له

_طب ادعي له  بس ابقي ادعي لي بحنان ياحنان 

_حاضر هبقي ادعيلك بس ادخله دلوقتي علشان هو عاوزك وبيقولك الغي الاجتماع

_هو اتلغي أصلاً  يلا أقعدي إنتي ادعي لي بقي ماشي

_دخل مصطفي لصقر و/ إيه ياصفر اتأخرت كده ليه الراجل لغي الاجتماع بسببك

_صقر وهو يدير الكرسي /نعم راجل مين ده اللي لغي الاجتماع حسين

_أيوه لغاه لأنك اتأخرت  أوي

_طب خلاص إني لغيته خالص ومش عايز إنه يشاركنا في الصفقه

_ليه ده كله وبعدين حنان قالت لي إنك قولت لها تقولي ألغيه

_أنا ألغيه هو لأ هو مش واخد باله بيتعامل مع مين ولا إيه وقفل بقي على الموضوع وخلينا في المهم 

_وإيه هو المهم ياصقر بيه حالياً ما فيش غير الصفقة دي مهم ولو لغينا الصفقه دي حسين مش هيسكت

_طب قسماً بالله الصفقه دي ما هتم معاه ووريني بقي هيعمل 

_أتي مصطفي أن يتكلم مره أخري إلا أن صقر قاطعه بإشاره من يده و/ اسكت بقي وخليني أقولك عاوزك في إيه 

_مصطفي باستسلام / خير يا صقر إيه المهم اللي عندك 

_عاوزك تبلغ رأفت إني خلاص مش هتجوز بنته لاني مافيش معايا سيوله تكفي للمشروع بتاعه  وخلي البت اللي عنده تقنعه بالصفقه بتاعت الشركه اليابانيه و لازم يدخل وأنا متأكد إنه ما هيصدق لأنه ما عندوش حل تاني 

_هو إنت ناوي على إيه بالظبط أنا مش فاهم أي حاجه 

_هتفهم بعدين بس المهم تعمل اللي قولت لك عليه ولو قالك إنه عاوز يقابلني قوله إني مسافر  مفهوم 

_حاضر زي ما انت عايز  هعمل بس فكر في موضوع حسين تاني 

_يالهووووي  يخربيت حسين واليوم اللي شوفت فيه حسين أنا مش فايق لك أخرج أخرج يامصطفي من وجهي دلوقتي 

================================

_انت بتقول ايه ياحج يعني إنت موافق  علي صقر عاوز يعمله في حور دي غلبانه وممكن تموت منه  والله ياحج لو اتكلمت معاها مره واحده بس هتعرف إن هي م

_قاطعها الحاج مجاهد و/ يارحمه يابنتي ده العقل اللي لو أي حد مكاني أو مكان صقر هبعمله بس أنا ضميري عمره ما يسمحلي إني أظلمها  أنا بتكلم من وجهة نظر صقر في إنه معزور 

_تعرف ياحاج أنا أول ما شوفتها اتمنيت إنها فعلاً تكون مرات صقر 

_اتمنيتي يارحمه أنا بقي مش عارف هقدر أبص في وجهها إزاي  لاني دايماً صورت ابني عثمان في بالي ودي مهما كان بنت رأفت الغياط حسبي الله ونعم الوكيل فيه 

_كنت زيك ياحج بس صدقني هتغير كل كلامك وعينك مش هتتشال من عليها أول ما تبصلها 

_مجاهد بابتسامه /هي حلوه أوي كده 

_دي ملاك ياحج وجمالها مش في الشكل بس لا دي فيها براءة متتخيلهاش 

_طب يلا إجهزي علشان نلحق نمشي ونوصل بدري ونشوف البراءه اللي بتتكلمي عنها دي 

_هههههه ماشي هتشوفها وساعتها ابقي قول رحمه قالت  وقامت للتتجهز وبعدها بقليل رحل الاثنين  من القصر  

================================

* بعد عدة ساعات وبالتحديد في وقت العصرية ألحت دعوه علي حور بأن تخرج معها 

_دعوه / إيه رأيك بقى دلوقتي ياست حور لما خرجنا ولفينا  في البلد مش أحسن من قعدة البيت  دي 

حور وهي تبتسم بسعاده /أنا مبسوطه بجد أوي أوي  الناس هنا طيبين أوي  والأطفال وبيحبوكي أوي 

_الناس بتحبني من حبهم في جدي أنا كل سنه في جمع المحصول بتاع المزرعة بحب أكون مع جدي وهو بيوزع من علي الناس اللي هنا وأدى الأطفال فاكهة وألعب معاهم كمان وعلي فكره الناس هنا هيحبوكي أكتر لما يعرفوا إنك مرات صقر 

_معقول بيحبوا صقر هو ده فيه حد بيحبه أصلاً 

_نعم نعم نعم نعم وليه الغلط ده بقي كله إلا صقر  وبعدين هو إنتي مش بتحبيه  أومال اتجوزتيه ليه 

_هو اللي اجبرني علي الجواز 

توقفت دعوه أمامها وهي تهز رأسها يمينا ويسارا تنفي ذلك عنه / لا طبعاً صقر مستحيل يعمل كده  

_لا والله ده اللي حصل 

_طب احكي لي  إزاي 

_أخذت حور تسرد لها كل ما حدث منذ لقائها الأول بصقر وحتي زواجهما وهروبها وعثور صقر عليها  مره أخري إلي أن أتت مع رحيم إلى هنا 

_دعوه باستفهام / طب إيه السبب إنه يعمل معاكي كده صقر شديد وقاسي بس مش ظالم 

_واللي عمله فيا ده مش ظلم أومال إسمه إيه 

_مش عارفه بس صق

_قاطعهم صوت سيده  تنادي باسم دعوه و/ ياأهلا ياأهلا ياست دعوه منورنا 

_دعوه وهي تسلم عليها بابتسامه /  أهلا إزيك ياخالة أم عادل عامله إيه وإزي أسماء وعادل عامل إيه في مصر  يارب يكون مبسوط في الشغل مع صقر هناك 

_بيقولي مبسوط أوي وصقر بيه مخليه في عينه ربنا يبارك له ويزيده كمان وكمان وقالي إنه شاف لينا شقه هناك علشان نروح أنا وأسماء نقعد معاه هناك بس أني اللي مش راضيه 

_مش راضيه ليه بس ده مصر جميله أوي وكمان   يقدم لأسماء معايا هناك في الجامعه ونبقى مع بعض 

_هو إنتي يابنتي هتروحي الجامعه بتاعت مصر  ده بيقولوا هناك اللهم ما احفظنا كل بت ماشيه بدلدول سحباه وراها

_هههههههههه  دلودول  حلوه دلودول دي بس ياخاله  إنتي واثقه في تربيتك لبنتك ولا لأ 

_طبعاً واثقه في تربيتها هو إنتي مش عارفه أسماء ياست دعوه ولا إيه دي بتتكسف من خيالها 

_ طب إيه المشكله بقي إنها تدخل الجامعة في مصر وبعدين هنقدم في جامعة عين شمس ودي جامعه إسمها كبير أوي 

_بس أسماء قالت لي إنك هتدخلي في جامعه من بتاعت البشوات وأولاد الذوات ياست دعوه واحنا ما نقدرش حتي نبص ناحيتها 

_لا لا لا لا أنا هبقي معاها  صقر  كان فعلاً عاوز يدخلني جامعه خاصه بس أنا رفضت وقدرت أقنعه 

_إذا كان كده خلاص أنا  هقول لعادل يقدملها في كليه عين سمس دي 

_دعوه وهي تضحك / عين سمس إيه بس ياخاله إسمها  جامعة عين شمس  وفيها كليات كتير أوي 

_زي ما تكون يابنتي المهم إنها كليه كويسه. اقتربت منها وهمست  في أذنها و/ إلاّ مين الهانم اللي معاكي دي شكلها غريبة 

_نظرت  حور بجانبها ولم تجد حور فتلفتت يمينا وياسارا  / إيه ده فين حور 

_ما تخافيش ياست دعوه دي بتلعب في المايا اللي في الترعه هناك أهي مع العيال وما تخافيش دي الترعه الصغيره 

_دعوه وهي تضحك / هههههههههه ياهبله دي عامله زي الطفله في وسطهم 

_أيوه والله دي فرحانه أكتر من العيال بس هي مين دي أكيد غريبه من مصر صح 

_لا لا دي مش غريبة دي مرات صقر وجايه هنا علشان هنعمل الفرح بعد اسبوعين 

_وما إن سمعت منها أم عادل ذلك حتي /  فرح صقر بيه ياميت مليون مبروك  لووووو لوووووووليييييي وأخذت تزغرط 

_دعوه وهي تضع يدها علي فهما  / خلاص خلاص والنبي ياأم عادل اسكتي الناس هتتلم 

_أم عادل وهي تزيح يدها / اسكت ليه ياست دعوه ده فرح صقر بيه يعني فرح البلد كلها وأخذت تزغرط مره أخري حتي تجمع حولها الناس وأخذوا يسألون عن السبب  وما إن أخبرتهم أم عادل حتي أصبحت الأصوات بالاضعاف زغاريط وغناء وتصفيق 

_نظرت حور إلى الناس في البدايه بخوف لأنها لم تري دعوه في وسط هذه الجموع ولكنها ابتسمت عندما رأتها قادمه إليها من وسطهم 

_كانت دعوه في وسطهم تتلقى التهنئات وكأنها العروس  كانت النساء تقبلها وتبارك لها ومره واحده  صرخت في وسطهم بمرح / بسسسسس انتم قرفني أنا وسايبين العروسه وسعوا كده لما أحيبها هي خرجت من وسطهم بصعوبة لتأتي بحور

 وجميع الأنظار مسلطه عليها وما إن رأوها تمسك بيد تلك التي كانت تلعب في المياه مع الأطفال  أخذوا يتهامسون  فقد كانت حور كلها مياه حتي شعرها الذي كان يغطي وجهها 

_دعوه لحور / حور إنتي إيه اللي عملتيه في نفسك ده  إزاي هتقفي كده وسط الناس وازاي هنروح أصلا  

_هم واقفين كده ليه  وبيبصوا عليه 

_أبداً عرفوا إنك مرات صقر سليم وعاوز ين هيباركولك

_لا لا لا لا أنا مستحيل أقف كده  أنا عاوزه ارجع 

_أم عادل بصوت مرتفع / هي الست هانم مش عاوزه تسلم علينا ولا إيه 

_دعوه بهمس وهي تضغط علي أسنانها / منك لله ياأم عادل كان لازم اتسحب من لساني وأقولك  ثم نظرت إلى حور يلا ياختي اطلعي وبعدين لابسه بنطلون وتيشرت مش هيأثر أوي 

_وخرجت بحور التي التف حولها الناس وأخذت السلامات والمباركات والغناء من الناس وامسكوا بيد حور ودعوه وأخذوا

 يرقصون بهم كانت حور في البدايه خائفه لكنها بعد قليل أصبحت مسروره وسطهم وفرحه بشده و تتصرف مثلهم وهي تضحك تارة وتصفق تارة وتردد ورائهم الاغاني 

*في ذلك الوقت وصلت سيارة الجد ورحمه التي توقفت بسبب تجمع الناس 

الجد مجاهد / إيه ده هو في فرح في البلد ولا إيه 

_تقريبًا كده ياحج الناس عاملين يغنوا ويرقصوا أكيد في فرح والله وحشتني فراح البلد 

_طب انزلي نشوف فرح مين ونبارك لهم واهي فرصه أشوف الناس في البلد لأن كمان مش هنعرف نعدي بالعربيه 

_رحمه وهي تفتح السيارة / عين العقل يا أبوا الواجب  هجيب  الكرسي 

_مجاهد وهو يضحك / ده إنتي ما صدقتي 

_وما إن نزلت من السيارة وأتت بالكرسي المتحرك من السياره الاخري  واتي رجال الحراسه لمساعدته  وقبل أن يبتعدوا عنه

 كان كثير من الناس أتوا إليه وسيل من المباركات يصاحبهم  في البدايه لم يفهم شيئاً ولكنه عندما رأي دعوه وتلك الفتاه الواقفه معها وسط الناس ابتسم و / دعوه وهي فعلاً دعوه ما كدبتش خبر 

_رحمه في أذنه / أنا هروح أحيبهم واجي ياحج 

_لا سيبيهم وسط الناس شويه يارحمه  وروحي انتي كمان معاهم وانا هفضل هنا مع الناس 

_ما أقدرش اسيبك لوحدك ياحج كده 

_جري ياست رحمه هي القاعده في مصر نستك إننا كلنا عيلة الحاج مجاهد ولا إيه ونحافظ عليه جوه عنينا 

_لا لا طبعاً ياحمدي يابني أكيد رحمه مش قصدها كده روحي إنتي  مع البنات وأنا هفضل هنا 

================================

_يعني إيه رجع في كلامه هو كلام عيال ولا إيه؟؟

_أسف يارافت  بس أنا دي الأوامر اللي جاتلي من صقر بيه 

_أنا كده بيتي هيتخرب أنا لازم أشوفه وأتكلم معاه 

_أعذريني لأنه مش موجود في مصر  ومش هيرجع قبل تلت أسابيع 

_مصطفي أنا عارف إن إنت دراعه اليمين خلص لي اللي عاوزه منه وأنا مش هيسيبك 

_نعم مش فاهم

_يعني مليون جنيه بس بعد ما صقر يحط أول دفعه في تمويل المشروع 

_إنت شكلك راجل مجنون  وأنا مش فاضي لك سلام  وأغلق الهاتف في وجهه 

_أما رأفت فألقي الهاتف أرضاً وصرخ بصوت مرتفع و/ لاااا  أنا ما فيش قدامي غيرك ياصقر ولازم توافق لازم  غصب عنك 

_دخلت عليه السكرتيره التي كانت تمشي بدلال واقتربت منه وأمسكت برأسه تدلكه بدلال  / مالك ياباشا فيه إيه 

_صقر الحوت رفض إنه يمون المشروع  بتاع أرض الريان  وكده أنا هفلس

_عادي ياباشا أنا عندي الحل ولا يهمك 

_استدار بالكرسي إليها و/ بجد ياشهنده  حل إيه

_الشركه اللبنانيه ياباشا إنت ما سمعتش عنها ولا إيه 

_الشركه اللبنانيه لا 

_ياباشا الشركه دي إحنا ممكن نبعت لها من خلال العميل بتاعها اللي في مصر وهي تمون لينا المشروع 

_بدون مقابل كده

_لا طبعاً فيه مقابل  هي بتمول المشروع بعد دراسه جامده ليه طبعاً وبعدين بتاخد الفلوس اللي مونت بيها دي بعد مده زي ما تتفق معاهم عليها بس بتاخدها سواء المشروع نجح أو لأ بنسبة فوايد طبعاً ونسبة 10 %من الأرباح  للمشروع لو ناجح لمدة عشر سنين  بس طول المده بتموله بأحدث المعدات  من عندهم 

_كويس أوي وأنا واثق ان المشروع ناجح وما فيش قدامي  غيرهم خلاص كلمي العميل بتاعهم واتفقي معاه  وشوفي إيه المطلوب  وأنا هعرفك ياصقر ياحوت 

_أوامرك ياباشا بس ما تنساش حلاوتي بقي 

_رأفت وهو يجذبها فتجلس علي قدمه / ده إنتي الحلاوه  كلها 

================================

_بعد وقت ليس بالقليل عاد  الجميع إلى المزرعة مره أخري 

_الجد مجاهد وهو ممسك بيد حور / عجبتك البلد ياحور يابنتي 

_أوي أوي كلها حلوه 

_وانتي كمان زي ما قالت رحمه تمام  تتحبي من أول نظره مش عارف الواد صقر ده أعمى النظر إلا إيه 

_جري ياسي جدو هو إنت ناسيني خالص كده ولا ايه....... كانت دعوه التي تقلب في الملابس التي أتت بها رحمه لحور 

_هو أنا أقدر أنساكي أبداً 

_أيوه نسيتني كل اللبس لحور وما فيش حاجه لدعوة خالص 

_رحمه / وهي دعوه ناقصها حاجه وعلي العموم ياستي جايبين لك ما تقلقيش نظرت إلي حور و/ خدي لبسك واطلعي غيري لأنك كده هتاخدي برد بسبب لعبك في المايه اطلعي بسرعه 

_حاضر بعد إذنك ياجدو 

_اطلعي ياحبيبتي غيري وأنزل نتعشي كلنا سواء 

_نتعشي  المغرب 

دعوه / أيوه ياستي دلوقتي إنتي هتقطعي رزقنا ليه وبعدين احنا مل اتغدناش اطلعي اطلعي 

_إبتسمت حور واتجهت الي غرفة صقر التي أصبحت لها لتغير ملابسها 

_مجاهد / أومال فين رحيم مش شايفه 

_دعوة /مش عارفه بس هو كان هنا لما خرجنا 

_طب خليهم بيجهزوا علشان نتعشي وأنام  أصلي تعبان من السفر بس جعان ووحشني الأكل مع دعوه حبيبتي 

_ياااارب دعوه واحده بس بقولك إيه ما تدعي لي إنتي يادعوه....... رحيم 

_رحمه / هههههههههه رحيم كنا لسه في سيرتك 

_شايف ياجدو بيتريق عليا إزاي من ساعه ما جه إمبارح 

_سيبك منه أنا هعرف احاسبه كنت فين يابيه 

_كنت بكلم صقر بره علشان الشبكه هنا وحشه كان بيقولي إنه هيجي الأسبوع الجاي 

_طب كويس أوي  وإنت إبقي فكرني أكلم أمك وإخواتك علشان أعزمهم يجوا 

_معقول ياجدو هتعزمهم 

_أيوه يابني دي الأصول دول مامها كان مننا  وزيك إنت وصقر بالظبط 

_قبل رحيم رأسه ويده و/ ربنا ما يحرمنا منك أبداً ياجدو

_ويبارك لي فيكم ياحبيبي 

================================

*مر عليهم أسبوع دون جديد فكانت حور كالطائر المحبوس الذي تحررت قيوده كانت دائما تجري وتلهو وتلعب كالطفله

 تحدثت مع رحيم وقصت له كل شيء عن حياتها تعلقت بالجميع وتعلقوا بها أما علاقتها بالجد مجاهد كانت مميزه فكان دائماً معها واصبح متعلقاً بها بشده 

* في مساء جديد بعد تعب حور من كثرة الركض واللعب كعادتها بعد تناول العشاء  صعدت لتنام وهي سعيده بحياتها الجديده 

_في نفس الوقت وصل صقر ورحب به الجميع وبعد العديد من السلامات استأذن ليرتاح لأنه متعب من السفر ولم ينم منذ فتره طويله  ولم ينبهه أحد إلي أن حور تنام في غرفته 

_فتح صقر باب الغرفه ودخل وما إن فتح الضوء حتي سقطت عيناه علي تلك الحوريه التي تنام وسط شعرها المتناثر حولها بشكل مثير اقترب منها صقر وهو مسلوب الإرادة وجلس

 بجوارها وأخذ يزيح بالخصلات الموجوده علي وجهها ويتأمله بانبهار ولكنه سحب يده مره واحده وهب واقفاً مكانه و/ أنا

 اللي بعمله ده أنا شكلي نسيت دي تبقي مين ونظر حوله  بعصبيه ومره واحده أخذ الماء الموضوعه بجوار السرير وبعصبيه شديده ألقاه علي وجهها 

_قامت حور مفزوعه من نومها وهي تشهق بشده وفتحت عينيها ببطئ ثم اتسعت بخوف ما إن رأته / ص  ص ص صقر 

_ضربها صقر بيه يابنت القاتل فاهمه 

_عادت الدموع إلي مجراها مره أخري وأخذت تهطل منها بشده وكأنها تقول لها أنا البقيه فالسعادة ليست لكي أنتي  كان حلم استيقظت منه علي ضربه قويه لتعيدها إلى واقعها المؤلم الذي لا مفر لها منه 

                     الفصل السادس من هنا

لقراة باقي الفصول اضغط هنا