رواية اليتيمتان
بقلم ولاء يحيي
الفصل الخامس
محمود بغضب رفع ايده ويضرب كمال قلم قوي... جت معاه صوت صرخه
ناديه بصريخ :كمااال
ونزلت تجري على كمال اللي اتفاجاء بيها... فبص لابوه نظرت عتاب وراح اخد اخته في حضنه
كمال بابتسامة يرسمها :حبيبتي حمدالله على السلامه... انتي رجعتي امتى وليه مقولتيش انك راجعه
نادية بدموع حطت ايدها على خده اللي صوابع محمود كانت علمت عليهم... وبصت لابوها بكره وضيق
ناديه بدموع : ممكن اعرف ايه سبب اصواتكم العاليه...وايه اللي يخليك تمد ايدك على اخويه
محمود بضيق من نظرات بنته فهو حاسس انها بتكرهو... ودا مضايقه..
محمود :اسألي اخوكي... خليه يحكي ليكي... وياريت تعقليه
ومشى وسابهم وراح مكتبه وقفل عليه وهو مضايق ومخنوق
نادية بحزن :مالك يا كمال
كمال بابتسامة ياخذها ويقعد ويقعدها في حضنه :سيبك مني وقولي لي جيتي امتى وليه مقولتليش اجي اخذك من عند خالتي
ناديه بابتسامة :قولت أعملها ليك مفاجأة... كنت عاوزه اعرف صوتك ليه متغير الفترة اللي فاتت... قولت هاجي بنفسى علشان متلحقش تداري اللي فيك
كمال يقعد ويبعد عينه عنها:َجيتي لوحدك ازاي
ناديه تلف وشه بايدها علشان يبصلها:جيت مع مدحت.... كان جي يشوف عمتو وماهي.... قولي مالك ومتهربش بعينك مني
كمال ابتسم بحزن وبدأ يحكي لناديه كل حاجه... وهي فضلت تسمعوا... وبقيت شايفه معالم وشه اللي بتتغير على حسب اللي بيحكيه... لما كان بيحكي عن حبه وازاي اتعرف على حكمت... كان بيبتسم وعينه تتملي بدموع شوق ليها
ولما بيحكي عن محمود وعمتهم... الغضب بيملي عنيه...
كمال بتنهيده:هو دا كل اللي حصل
ناديه بغضب :انا بجد مش عارفه ابوك دا ايه مابيحسش
مش كفايه كل اللي عملوا السنين اللي فاتت... مش كفايه موت ماما بسببه
كمال : شششششي... وطى صوتك... وبعدين يا نادية احنا مش قولنا بلاش نتكلم في الموضوع دا تاني
ناديه بضيق :مش قادره يا كمال مش قادره انسى صوتها قبل ما تموت... وهي بتصرخ ولا الصور اللي كانت مرميه جمبها لما دخلنا عليها... انا بكرهه بكرهه اوي يا كمال
كمال ياخذها في حضنه :الله يرحمها.. مننساش يا ناديه ان احنا وعدنا ماما أن احنا نخالي بالنا منه ... ومنسبوش لوحده ونسامحوا
ناديه بحزن : نسامحو على ايه ولا ايه... المهم سيبك منه... وقولي ناوي تعمل ايه
كمال يتنهد :مش عارفي يا ناديه... عم علي رافض... مع اني بروح ليه شغلوا الجديد كل يوم تقريبا... وبفضل اترجي فيه انه يوافق... بس بيرجع يرفض ويقولي مقدرش اكون سبب في أنك تبعد عن ابوك أو يغضب عليك
ناديه :طيب ليه مقولتش له.... أن ابوك اصلا مش موجود في حياتنا... ولا بيفكر فينا
كمال بابتسامة حزينه : اقوله ايه يا ناديه بس... اقولو ان ابويا سايبنا طول عمره ومشغول في نزواته... مقدرش مهما كان دا ابويا مقدرش اقلل منه قدام اي حد
ناديه :طب وحكمت... محاولتش تقنعه هي
كمال بحزن :من يوم ما رحت بيتهم ... مشفتهاش بروح أقف تحت بيتهم علشان اشوفها... بس مابتظهرش... واكتر من مره اطلع على السلالم وابقى هخبط بس برجع انزل... خايف اشوف خيبة الأمل في عينها وهي بتبص ليا... انا كنت مفهمها
أن بابا مش ممكن هيرفض... كنت فاكره هيحاول يعوضنا عن اللي عملوا وهيدور على سعادتنا ... وهيقف جمبي لما يعرف اني بحبها
ناديه باستهزاء :دا لما يبقى اب وبيحس باولاده... قولي هي حكمت عنوانها ايه
كمال بستغراب :ليه
ناديه بابتسامة :هروح اشوفها واتعرف على البنت اللي خطفت قلب اخويه... واطمنك عليها مش هي وحشتك برده
كمال بابتسامة :وحشتني اوي اوي... (ويبص لناديه) بجد هتروحلها
ناديه بحب :اول ما النهار يطلع هروح ليها... وارجع اطمنك
كمال يبوس اخته :متشكر يا ناديه... متعرفيش قد ايه وجودك جمبي ريحني... قوليلي بقى انتي... ايه اخبارك مع مدحت... لسه رافضه
ناديه تتنهد :ما انت عارف انا كنت رافضه مدحت ليه...
كمال : وانا قولتلك كتير أن مدحت غير عمتي وماهي... دا رح يعيش مع ابوه ومراته لما ماقدرش يمنع تصرفاتهم ساب ليهم البيت واسكندريه كلها... (ويسكت ثواني ويبصلها) استنى هو انتي قولتي كنت رافضه... معنى كده انك وافقتي
ناديه بابتسامة : ايوه... مدحت فضل ورايا لحد ما اقنعني ... وقدر يثبت ليا انه غير عمتي... قالي كلمتين هم اللي اقنعوني... قالي زي ما انتي وكمال ملكمش ذنب في عمايل
محمود... انا كمان مليش ذنب في عمايل امي... وقالي الناس مش بتختار أهلها... فقتنعت... هو جي المره دي ومصمم يخطبني
كمال بفرحه يحضن اخته :مبروك يا حبيبتي... الف مبروك...
ناديه بابتسامة :عقبالك انت وحكمت يا رب
💘💘💘💘💘💘💘💘💘💘💘💘💘💘💘💘
تاني يوم الصبح محمود قعد في مكتبة في المستشفى بيشتغل ... اتفتح المكتب ودخلت سلوي... فرفع عينه وبصلها اوي
محمود :شايف رجلك اخدت على المستشفى اليومين دول
سلوي تقعد :ولسه هتشوفني اكتر... انا قولتلهم يجهزو ليا مكتب هنا... اصلي قررت أدير الأسهم بتاعتي واخد بالي منهم
محمود باستهزاء ويقوم من على المكتب ويجي جمبها... وينزل جمب ودانها ويقولها
محمود :تاخذي بالك منهم هم... ولا من العريس الجديد... ايه خايفه عينه تزوغ على ممرضه كده او كده
سلوي بصتله اوي :لحقت تعرف... برافو مستواك اتحسن كتير عن الاول يا محمود
محمود يقعد قدامها :وانتي مستواكي كل مره في النازل... بقي مالقتيش غير فني الأشعة وتجوزيه... دا عيل أصغر من عيالك
سلوي بابتسامة :مضايق عشان عيل أصغر من عيالى حبني... وانت كل لعبك بقى مع اللي 40 وفيما فوق
محمود بضيق :انتي مش مكسوفه من نفسك... افرضي حد في المستشفى عرف يقولوا ايه... انتي مبتفكريش ابدا....طب خافي على اسمك حتى يا بنت صادق باشا
سلوي بلا مبالاه:بقولك ايه وفر دروسك دي لنفسك... انا جي النهارده علشان اقولك ان مدحت عاوز يخطب ناديه بنتك
محمود يقف بزهق :يووووه... هو انتي ماعرفتيش تجوزي بنتك لابني دلوقتي هتلفي علشان تجوزي ابنك لبنتي
سلوي :لااااا.... انا مليش دعوى بالموضوع دا خالص.... انا مبشغلش تفكيري بمدحت ومسقطاه من حساباتي ... دا هو اللي قالي... دا حتى قال ان هو اللي هيكلمك... انا بديك فكره
بس... لكن جوازت ماهي وكمال دا شي مفروغ منه هيحصل هيحصل ... انا بس سيباك انت وابنك تدلعوا برحتكم... بس مش هصبر عليكم كتير... المهم هتقول لمدحت ايه
محمود باستغراب : و اشمعني ناديه اللي ابنك عاوز يتجوزها لو انتي ملكيش دخل بالموضوع
سلوي باستهزاء وهي بتقعد على المكتب قصاده
سلوي :قال ايه بيحبوا بعض... شوفت الزمن ابني انا يحب بنت امل... بس عادي ما اصل مدحت طالع متخلف ورجعي لابوه... المهم خلصنا من الموضوع دا بسرعه علشان يمشي من
هنا ... انا مش عاوزاه يفضل لازق في اسكندرية بحجة بنتك... هتوافق قوله وخليهم يلبسو دبل و يمشي ... هترفض تقول لا ومع السلامه ارجع لابوك... ماشي
(وتقوم تقف وتمشي ناحية الباب)
محمود باستهزاء :طبعا عاوزاه يمشي علشان ميفضلش يقولك رايحه فين وجيه منين... و لا لبسه دا مش للي في سنك ... وتبقى مصيبه لو وصل له خبر الجوازه الجديدة
سلوي تبصله بابتسامه مستفزه :برافو عليك هو كده بظبط... (وتفتح الباب) بجد بقيت مبهوره بذكائك
وتخرج وتقفل الباب ومحمود يبص للباب بضيق وغضب
محمود :انا هعرف ازاي اردلك اللي بتعمليه واللي عملتيه زمان... (ويفتكر نظره ناديه... اللي فيها شبه كبير من امها... ونظرت عينها فكرته بنظره عين امل بعد ما اكتشفت خيانته)
💘💘💘💘💘💘💘💘💘💘💘💘💘💘💘💘
وعند حكمت كانت قعده فلباب خبط راحت تفتح... لقيت بنت جميلة... وشها هادي مريح واقفه قدمها...
حكمت بابتسامة :افندم
ناديه بابتسامة :انتي حكمت
حكمت باستغراب :ايوه انا
ناديه بابتسامة :لاااا دا كمال طلع خايب اوي معرفش يوصف كويس... قالي انك حلوه.. مقالش انك حلوه وزي القمر
حكمت بابتسامة :ناديه
ناديه تحضنها وتبوسها :ايوه يا حبيبتي... ازيك عمله ايه
ناديه حضنتها زاي ما يكونو أصحاب من سنين... وحكمت لما شافتها حست انها شافت كمال... فحضنتها اوي على قد ما هو وحشها...
ناديه حست بيها فابتسمت في ودنها :انتي كمان وحشاه اوي
حكمت بعدت وابتسمت بكسوف... وهم واقفين خرج على من الاوضه
على :مين اللي بيخبط يا حكمت
حكمت واقفت مش عارفه تقوله ايه... وفاطمة خرجت من المطبخ تشوف مين... ناديه حست بارتباك حكمت فدخلت وقربت من على بابتسامة
ناديه :انا ناديه يا عم علي... اخت كمال
على باستغراب :اهلا وسهلا يا بنتي... اتفضلي
تدخل ناديه وتسلم على فاطمة وتقعد معاهم
ناديه بابتسامة :انا جايه يا عمي على... اقولك حاجه كمال مقدرش يقولك عليها
وبدأت ناديه تحكي لعلى علاقتهم بابوهم... وازاي انه مابيفكرش غير في نفسه وطمعان في المستشفى لان اكتر الأسهم باسمها هي وكمال ... وازاي انه ظلمهم طول عمرهم... وأنه عاوز يستغل كمال ويجوزه ماهي علشان يحطوا ايدهم على الأسهم ... وان عمتهم بتساعده لأنها هي كمان عاوزه تحط ايدها على الأسهم...
ناديه كانت بتحكي بدموع وعلى وفاطمة وحكمت فضلوا يسمعوا...
ناديه بدموع :هي دي علاقتنا بدكتور محمود صادق... ممكن تسميها اي حاجه غير أنه علاقة اب وأولاده... انا مقدرتش استحمل وهربت ورحت اعيش مع خالتي في القاهره... لكن كمال من كتر حبه لماما... بينفذ وصيتها وجي على نفسه ومستحمل يعيش في ظلمه وتحكمه... ياعم على انت خايف انه يعوق ابوه... طيب هو مش فيه عقوق آبناء زي ما فيه عقوق أباء ... مش هو المفروض انه يعلمنا ويربينا... ويحفظنا
القرآن... ويكون بار بينا واحنا صغيرين علشان نكون بارين بيه لما يكبر...طيب هو معملش اي واجب من واجباته في حقنا... ورغم كده عمرنا ما عصينا ليه أمر... بس لما يبقى عاوز يجوز اخويه واحده (وتسكت كسوف) علشان بس يستولى على
فلوسه... ومش مهم عنده سمعة ابنه ولا شرفه... يبقى دا ينفع يكون اب... عم علي انا هسيبك تحكم ربك وقلبك... واللي يرضيك اعملوا... بس احب اقولك كمال بيحب حكمت... وهيفضل كل يوم يجي قدام بابك يتقدم لها... ولا هيزهق ولا هيمل...
(وتقوم تقف) انا همشي ومتشكره جدا انك سمعتني يا عمي
وتخرج ناديه وتخرج معاها حكمت وعلى الباب وقفت تسلم عليها
حكمت بصوت واطي :ناديه ممكن اطلب منك طلب
ناديه :طبعا يا حبيبتي
حكمت بابتسامة :عاوزه اشوف كمال بكرا... (وتحط وشها في الأرض) بكرا عيد ميلادي... وهو نفس اليوم اللي قبلت فيه كمال ... عاوزه اعملو مفاجأة... ممكن تساعديني
ناديه تضحك وتحضنها :طبعا يا حبيبتي... دا هيفرح اوي... كل سنه وانتي طيبه وكل سنه وانتم مع بعض... بصي انا هكلمك بكرا اقولك هتتقابلوا فين وامتي... وهكون جهزت ليكي كل حاجه... هاتي تلفونك
حكمت بابتسامه : خدي رقم التلفون الأرضي... كلميني عليه
٢ الرقم... وتمشي ناديه بعد ما اتفقوا سوا... وتدخل حكمت البيت
فاطمة :ايه رائيك يا على