{ #قارئة_الفنجان } 🧕🏻☕
الحلقة الثالثة عشر والرابع عشر
بقلم سهيله سعيد
{ 13 } 🔮
نديم : ارجع ازاي بعد الي حصل دة .. هي مش عاوزة تصدقني تولع بقا 😒
لين : انت قلت انها بنت غلبانة ف يمكن بس منبهرة ب حالة عمر مش اكتر .. لازم بردوا تكون ع الاقل موجود معاهم
نديم ب تنهيدة : انا الي جبت لنفسي دة كله 😑
( ف الڤيلا ، امنة مازالت قاعدة مع كيلا )
كيلا : ازاي اتخطى كل دة 🤷
امنة : سهلة
كيلا : سهلة اتخطي خيانة امي ل ابويا ؟!!!!!
امنة : مسألتيش نفسك هي عملت كدة ليه ؟؟
( تسكت كيلا بتفكر )
امنة : انا مش معاكم بقالي كتير لدرجة ان اعرف تفاصيلكم بس من الواضح جداً ان فيصل بيه مش مهتم ب اي حاجة ف البيت دة غير نفسه .. دة انا مشفتوش ولا مرة من ساعة م جيت الا مشغول ب حوار الانتخابات دة عنكم كلكم .. اكيد ملقتش منه اهتمام ف بعدت وراحت تدور عليه مع حد تاني برة 🤷
كيلا : بس دة ميديهاش الحق انها تخونه 😕
امنة : لا كل ست لو ملقتش جوزها ولا حبيبها سند ليها ومهتم بيها ليها الحق انها تخونه .. بس لو الخيانة دي حاجة حلال وهتعوضنا فعلاً .. لكن طبعاً حرام وبتأذينا مبتعوضناش .. بتبقا مقسومة نصين بين عيلتها وبين الي لقت فيه الي ملقتهوش مع بباكي .. ف الغلط م الي وصلها ل كدة مش للي وصلتله 💁🏻♀️
( تسكت كيلا ، ف الشركة ، عمر قاعد مع بباه ف مكتبه )
فيصل ب خضة : تخطب مين انت اتهبلت !!!!!
عمر : ممكن تسمعني الاول 🙄
فيصل ب عصبية : اسمع ايه وزفت ايه 😡
عمر : لو انا عملت كدة الناس هتحبك اكتر
فيصل : وانا مالي انا هو انا الي هخطبها ولا حضرتك 🤷🏻♂️
عمر : لما يتقال ع ابنك خطب بنت بسيطة زي دي هيعرفوا اننا فعلاً ناس تفكيرنا بسيط وشبهم وناسبنا منهم 💁🏻♂️
( يسكت فيصل بيفكر )
عمر : ودة هيذود ناسك اكتر وخلاص باقي اسبوع ع نتيجة الانتخابات ف نعمل حفلة خطوبة نظبط بيها الدنيا ساعتها تضمن انك نجحت وبالعشرة كمان 🙂
( يتنهد فيصل )
عمر : انا بعمل كل دة عشانك ع فكرة انا ايه الي يجبرني اخطب واحدة زي دي وانا البنات هتموت عليا مصريين واجانب بس انا حبيت اقف جنبك وي سيدي بعد الانتخابات ابقا افسخ الخطوبة مش مهم م هنبقا خلاص خدنا الي احنا عاوزينه
( يبصله فيصل )
فيصل ب اقتناع : ماشي .. موافق .. بس زي م قلت بعد الانتخابات تفسخ الخطوبة ☝️
عمر : هيحصل 🙂
( ييجي الليل ، ف جنينة الڤيلا ، عمر قاعد ، تقرب عليه امنة )
امنة وهي بتقعد : كنت عاوزني ف حاجة ؟
عمر : اه انا كلمت بابا ع خطوبتنا وهو وافق نعلنها رسمي
امنة : لا بجد !!!
عمر : اه .. ف ايه رأيك يوم الخميس الجاي ؟
امنة ب استغراب : بسرعة كدة 😕
عمر : م انتي كدة كدة وافقتي كل الموضوع انه هيبقا رسمي اكتر بس
امنة : ايوة اة .. خلاص اوك
عمر وهو بيقوم : اشطااا ابقي ظبطي حالك بقا
امنة : اوك
عمر : هطلع انام
امنة : دلوقتي !!!!
عمر : ورايا حاجات كتير الصبح .. تصبحي ع خير
امنة : وانت بخير 😒
( تقعد امنة مستغربة عمر مكانش بيسيبها لوحدها ابداً ، تقرب عليها كيلا تقعد معاها )
كيلا : لسة منمتيش ؟
امنة : لسة
كيلا : انتي بتحبي عمر ي امنة ؟
( تتخض امنة م السؤال )
امنة ب استغراب : اشمعنا ؟!
كيلا وهي بتاخد تفاحة من ع الترابيزة : بسأل اهو ندردش 🍎
امنة : بحبه اه
كيلا وهي بتاكل التفاحة : كدابة اوي 🙄
امنة : ليه بتقولي كدة ؟!!!
كيلا : عشان انتى ونديم بتحبوا بعض وكان باين عليكوا اوي يعني ف متقوليش بتحبي عمر عشان مش هصدقك ☝️
امنة : لا انتي غلطانة .. انا ونديم مش بنحب بعض .. انا وهو مختلفين اوي واديكي شوفتي الي حصل .. احنا مننفعش سوا 😒
كيلا : ف قلتي تضيري ع عمر بقا ولا ايه سوري يعني بس هو دة الي واضح 🤷🏻♀️
امنة : لا ي كيلا .. عمر بيحبني بجد ومقدرني ف يستاهل اني احبه
كيلا : وبالنسبة ل نديم ؟؟
امنة : انا ونديم مفيش بينا غير الشغل وبس .. وكمان بما ان عمر خرجني من موضوع الشغل دة ف مبقاش في اي حاجة تربطني بيه غير انه قريب خطيبي
كيلا وهي بتاكل التفاحة : امممم .. يلا ربنا يتمم بخير .. عقبالي 🥱
( عمر ف اوضته ، يمسك الفون ، ف شقة نديم ، واقف ف البلكونة ، يرن الفون بتاعه ب ماسدچ ع الواتس ، يفتحها )
عمر : خطوبتي انا وامنة الخميس الجاي مش محتاج دعوة 💁🏻♂️
( يتخض نديم )
نديم : عملت بردوا الي ف دماغك !!
عمر : اه 🙂
نديم : مبروك
عمر : عقبالك 😉
( يتغاظ نديم ع اخره ، يقفل الفون ، يبتسم عمر ابتسامة انتصار ، تاني يوم ، امنة ف اوضتها بتتكلم ف الفون وبتعيط )
امنة : دة متهزش ي سناء .. كل الي كان همه اني مش من مستواهم 😥
سناء : م انا قلتلك مصدقتنيش 🤷🏻♀️
امنة : والله كان باين حب .. لما كنت ببص ف عيونه كنت بشوف نفسي .. مكانش كدب لا .. والله كان بجد .. كل حاجة حسيتها معاه كانت بجد .. انا مش موهومة لأ .. كان نفسي يكون هو الي معايا مش عمر .. كان نفسي يكون هو .. ورغم كل دة مش عارفة اكرهوا بردوا .. مش عارفة 😔💔
( عمر كان واقف ع الباب وسمع كل حاجة ، يخبط ع الباب ، تتخض امنة )
امنة : اقفلي ثواني
( تقفل وتمسح ف دموعها وتقوم تفتح )
امنة : ايه ي عمر ؟
عمر : انزلي عاوز اوريكي حاجة
امنة : حاضر هاجي وراك
عمر : اوك 😒
( ينزل عمر تحت ، تمسح امنة وشها كويس وتنزل وراه ، يقعدوا ف الانتريه )
امنة : هتوريني ايه ؟
عمر : بصي 🤳
( يوريها حاجات ع الفون )
عمر : ايه رأيك ف الديزاين دة ؟
امنة : حلو اوي 🖤
عمر : خلاص اشطااا نعمل دة ف الڤيلا
امنة : اوك 😒
عمر : مالك ؟!
امنة : ماليش
عمر : كلام نديم ضايقك صح ؟
امنة : اكيد ضايقني 💔
عمر : متزعليش هو طول عمره كدة قفيل وممكن غيران مني
( يحط ايده ف ضهرها ، تتخض وجسمها يترعش )
عمر : لان دايماً حظي احلى من حظه 🙂
امنة وهي بتبعد ب توتر : اه 😐
( تقوم تقف )
امنة : انا هطلع انام
عمر وهو بيمسك ايدها : تنامي ايه لسة بدري 👋
امنة : معلش عشان اقوم فايقة بكرة
( تطلع امنة فوق )
عمر : ماشي .. هانت 🙆🏻♂️
( تدخل امنة الاوضة وهي مرتبكة م الي حصل ، تدخل التواليت تغسل وشها ، تبص ل نفسها ف المراية ، تنزل دموعها )
امنة : فينك .. سيبتني لوحدي ليه 💔
( ف شقة نديم ، نايم ع الكنبة برة ومطفي كل الانوار وماسك الفون باصص ل صورتها ، يطلع م الصور ويقرب ع اسمها ، متردد يتصل ، يقفل الفون
ويحدفه ع الترابيزة ، عند امنة ، نايمة ع السرير وكل شوية تبص للباب خايفة ، يرن فونها ، تمسكه ب لهفة ، تلاقيه رقم غريب )
امنة : الو !
لين : امنة ازيك ؟
امنة : الحمدلله مين ؟؟
لين : انا لين
امنة ب تذكير : اه لين ازيك ؟
لين : الحمدلله انتي كويسة ؟
امنة : اه انا الحمدلله كويسة انتي فينك مختفية 🤷🏻♀️
لين : موجودة اهو بس الشغل وكدة المهم انك بخير قلت اطمن عليكي
امنة : فيكي الخير والله تسلميلي انا تمام
لين : دايماً يارب مش محتاجة اي حاجة ؟؟
امنة : لا متحرمش منك ي حببتي 🖤
لين : باي باي
امنة : مع السلامة
( تقفل امنة ، عند نديم ، يرن فون ، يمسكه ب لهفة )
نديم : ايه ؟؟؟
لين : هي كويسة متقلقش
نديم : قالتلك انها كويسة ؟
الحلقة الرابعة عشر { 14 } 🔮
لين : ايوة والله لسة قافلة معاها شكلها كانت نايمة
نديم ب ارتياح : طيب ماشي 😒
لين : مش عارفة عليك ب ايه العذاب دة 🤷🏻♀️
( ميردش )
*( بعدت وقلت مش فارق نكمل ولا نتفارق ، هتمشي الدنيا من غيرك وعادي هعيش ، واديني بموت من اللهفة ، ياريتني م قلتلك ننسى ، وبحلم لو تكون فاكر ومنستنيش .. 💔 )*
لين : بردوا مش هترجع ؟
نديم : هروح انام .. تصبحي ع خير
لين : ماشي ي نديم وانت بخير
( يقفل نديم ويمسك سيجايره يولع سيجارة ويقوم يدخل البلكونة )
نديم ب تنهيدة : يارب 😑
( ف بيت سلمى ، قاعدة مع اختها الكبيرة )
هالة وهي بتلطم : ي نهار اسود ي نهار اسود 😱
سلمى ب خوف : هالة بالله عليكي وطي صوتك ل ماما تسمع 😟
هالة : ماما ايه الي تسمع انتي ازاي تعملي كدة ؟؟؟!!!
سلمى ودموعها بتنزل : قالي هنتجوز .. متوقعتش يتخلى عني
هالة وهي بتقف : اعمل ايه ياربي .. اعمل ايه .. لازم ابوكي يعرف ويتصرف معاه ☝️
( تتخض سلمى ، تعدي الأيام ، امنة ف اوضة الچيم بتتمرن بوكس ب كل قوتها بتحاول تخرج كل طاقتها فيه ، يدخل عمر )
عمر : ع المسا كدة تمرين !!!
( تتخض وتوقف تمرين )
عمر : هتفقدي انوثتك كدة
امنة : انا زهقانة بس ف قلت ادخل العب شوية 😒
عمر وهو بيقرب عليها وبيبصلها من شعرها ل رجليها : جسمك شد اوي .. كفاية تمرين .. انا مبحبش الست القوية 🤷🏻♂️
امنة : المفروض تحبني قوية !!!!!
عمر وهو بيحط ايده ف وسطها : لا .. عاوزك ضعيفة .. عشان اكون انا حمايتك 🙂
امنة ب قلق : انت حمايتي من غير حاجة 😕
عمر وهو بيقربها عليه : دة اكيد .. بس بردوا مفيش تمارين تاني .. اوك ؟
امنة ب خوف وهي بتحط ايدها ع دراعه : اه .. اوك حاضر 😟
( يقرب اكتر )
امنة : انا عاوزة اكل
عمر ب استغراب : تاكلي !!!!!!
امنة : اه جعانة
عمر : طب م تيجي اعزمك برة ع العشا
امنة ب توتر : اوك ماشي هلبس
( تزق ايده وتجري ع برة تطلع ع فوق جري تدخل اوضتها وتقفل عليها وتاخد نفسها بالعافية ، تتربس الباب عليها ، تقعد ع السرير وتقعد تهز ف رجليها ب توتر ، يعدي الوقت ، عمر وامنة يوصلوا night club ، تستغرب امنة الجو ، اول مرة تروح مكان زي دة كله خمور واغاني وانوار وبنات ع شباب والدنيا هايصة ، يقعدوا ع البار ، يلمحهم نديم قاعد مع لين ، يفضل باصصلهم ، تلمحهم لين )
لين : دة عمر وامنة اهم !!
نديم : اه
لين : ازاي يجيبها هنا هي اكيد ملهاش ف الجو دة !!!
نديم وهو بيضير وشه : ملناش دعوة 😒
( بنت قاعدة جنب امنة بس بعيد شوية ، تشاور ل عمر ، يبتسملها ويشاورلها ، تقوم البنت تمشي ، يقوم عمر يقف )!!
امنة وهي بتبصله : رايح فين ؟
عمر : بصي دقتين وجاي ✌️
امنة ب خوف : دقتين ايه ي عمر متسبنيش هنا لوحدي 😕
عمر : ي بنتي مش هتتاكلي يعني دقتين هروح التواليت وجاي
امنة ب قلق : طيب بسرعة 😬
( يمشي عمر ويدخل مع البنت التواليت ، امنة قاعدة ، يعدي الوقت ، 10 دقايق ف ربع ساعة ف نص ساعة وعمر مجاش وكل شوية حد ييجي يقعد جنبها ويعرض عليها مشروب وترفض )
امنة ب خوف : رحت فين بس دة كله ي عمر 🤦🏻♀️
( شلة شباب قاعدة ع ترابيزة عمالين يتكلموا ويبصولها ويضحكوا ، يوتروها )
امنة وهي بتقوم : لا انا لازم امشي
( تدخل وسط الناس عشان تخرج م المكان ، يقربوا الشباب الي كانوا بيبصولها ويزقوها ، تتخض ، يدخلوها وسط الناس الي بترقص )
امنة ب خضة : ايه دة اوعوووو 😧
( ميردوش والي يرقص معاها والي يزقها والي يحط ايده ع شعرها محاوطينها ومحدش حاسس بيها ، تنزل دموعها وتعيط مش عارفة تتخطاهم )
امنة ب انهيار : بااااااس 😣
( عند نديم )
لين : هما مشيوا ؟!
نديم : قلتلك ملناش دعوة بدل م اقوم امشي
لين : طب اهدى طيب خلاص ✋
( يرجع عمر ميلاقيش امنة )
عمر : راحت فين دي !!!
( يمسك فونه يرن عليها ، محدش يرد )
عمر : لو سمحت في بنت كانت قاعدة هنا متعرفش فينها ؟؟
البار مان : لا مخدتش بالي معلش !
( يفضل عمر بيلف حوالين نفسه )
لين : في حاجة غلط شكل امنة سابت عمر ومشيت !!!!
نديم : تاني انتي !!!!
لين وهي بتقوم : انا هروح اشوفه شكله قلقان
نديم : غوري ي لين 😑
( تقوم لين تقرب ع عمر )
لين : عمر ازيك ؟
عمر : تمام 😒
لين : مالك شكلك في حاجة !!!!
عمر : كنت مع امنة ومش لاقيها خايف تكون تاهت هنا
( تصرخ امنة ف الوقت الي المزيكا بدأت تهدى فيه )
امنة ب صريخ : عمااااااااار 😣
( يسمعها نديم ، يتخض ، يقوم يقف ، ترجع المزيكا تعلى ، يفضلوا يحدفوها من واحد للتاني ، نديم عمال يلف حوالين نفسه بيدور ، يلمحها ، يجري يزق فيهم ويدخل وسطهم يجيبها ياخدها تحت ايده ويضرب واحد فيهم شلوت والباقي يبعد )
امنة ب تعب : نديم 😔
نديم : متخافيش 😕
( يطلع بيها من وسطهم ، يشوفوه عمر ولين ، يجروا عليه ، يغمى ع امنة ، يشيلها نديم )
عمر ب خضة : امنة !!!!!!
لين : نديم مالها ؟!!!
( يطلعوا م المكان )
عمر : ايه الي حصل ؟؟
( يحطها نديم ف عربيته ويلف يدي عمر بوكس ف وشه )
لين ب خضة : احيه نديم !!!!!
نديم ب زعيق : اتحرشوا بيها ي استاااذ 😡
( تجري لين تصده وتقف بينهم )
نديم ب انفعال : قلتلك انت مش اد مسؤليتها سيبها ف حالها انت بتأذيها 😡
عمر وهو بيمسح الدم من ع بؤه : وانا ايش عرفني ان دة هيحصل 🤦🏻♂️
لين : خلاص ي نديم نطمن عليها بس الاول 😕
( يبصله نديم ب غيظ )
نديم : شوفيها 😐
( تقرب لين ع امنة تفوقها ، تفتح عينها )
لين : انتي كويسة ؟!!
( يقرب عمر )
عمر : امنة
امنة ودموعها بتنزل : سيبتني لوحدي ليه 😥
عمر : انا اسف حقك عليا .. تعالي 👋
( ينزلها م العربية ويسندها ل عربيته ، تشوف امنة نديم ، تبصله ودموعها بتنزل ، يفضل باصصلها لحد م تركب مع عمر ويمشوا )
لين : كنت حاسة ان اليوم دة مش هيعدي ع خير اول م شفتهم 😑
( تنزل دمعة من نديم ومازال باصص عليهم )
لين ب استغراب : نديم .. انت بتعيط ؟!!!
( يعدي الوقت ، يوصل عمر وامنة البيت ، ينزل عمر م العربية ويلف يسند امنة )
عمر ب قلق : انتي كويسة ولا نروح مستشفى ؟؟
امنة : طلعني اوضتي انا كويسة 😔
( يطلعها اوضتها )
عمر : اساعدك ف هدومك ولا اندهلك كيلا ؟
امنة وهي بتنام ع السرير : عاوزة انام .. سيبني انام بس 💔
عمر : طيب حاضر
( يمشي عمر وياخد الباب وراه ، تنزل دموع امنة ويذيد عياطها ، تفتكر وجود نديم والي عمله عشانها ، تبتسم وتحس ب امان شوية ، تمسح دموعها وتفضل متخيلة نفسها لسة بين ايديه وف حمايته لحد م تروح ف النوم ♥️ نديم ف عربيته عمال يلف بيها )
*( انا مش بخاف لو تهربي ، مهما بعدتي هتقربي ، هتقربي .. 🤞🤍 )*
( تاني يوم الصبح ، يصحى عمر ، يروح اوضة امنة ، يخبط ويدخل ، ميلاقيش حد ، يستغرب ، ينزل تحت يدور عليها ، يلاقيها ف اوضة الچيم ، يتنهد 😑 )
عمر وهو بيربع ايده : مش قلنا مافيش تمرين تاني 🙄
امنة وهي بتلعب بوكس : مش هبطل طول م انا لسة مش عارفة ادافع عن نفسي
عمر وهو بيقرب عليها : الي حصلك دة وارد يحصل ل اي بنت متكبريهاش !