البارت 30 الاخير
غاليه
✿ منه محمد ✿

في بدايه يوم جديد علي بدايه حبهم هيثم اخد غاده يتمشوا في شوارع لندن
وكل شويه هيثم يبصلها كأنه مش مصدق ان ايدها ماسكه ايده لكن فجأته بسؤال كله
حزن وعتاب: ممكن اعرف ليه من قبل ما اكتشف الحقيقه بقيت لطيف معايا ياتري ده كان له سبب
هيثم ابتسامته اتحولت لحزن: ايوه لاني قريت مذكراتك وساعتها حسيت اني كنت
اعمي وفتح رغم قبلها كنت بفكر فيك وبعدها احتليتي جزء كبير من قلبي لان كل حرف كتبتيه بحزن كبير حول قلبي لـ اشلاء
غاده: انا كمان بتمني متكسرش قلبي
هيثم بحنان بالغ: مستحيل اكسر قلبك ثقي فيا وصدقيني
غاده: اتمني لان لو ده حصل وحاولت تكسره هكسر الدنيا فوق دماغك
هيثم ضحك بصوته كله: هنشوف مين الي هيكسر التاني
غاده: بجد مسكين
هيثم بوقاحه: متعصبيش المسكين ليحط كل احاسيسه ويطلعهم عليك
غاده: غلبان
هيثم بنبره كلها شوق ورغبه: والغلبان ده تعب من الانتظار
غاده: تعب بس في الاخر هو الي كسب
هيثم: ممكن اعرف ليه حنيتي علي الغلبان وكسب
غاده: لاني تعبت وانا بكابر وابين عكس الي جوايا
هيثم : غاده بكل الحب الي في قلبي تقبلي تتجوزيني وافوز بقلبك
غاده: ما احنا متجوزين
هيثم: كنا متجوزين مجبورين بس دلوقت برغبتنا والاهم انك بتحبيني
غاده بغرور: يا سلام وعرفت كمان اني بحبك
هيثم: يعني بعد ما طلعتي عيني وعين الي خلفوني مش عاوزَني اعرف افرق بين كرهك وحبك
غاده: وعرفت ازاي؟؟!!
هيثم: مش مهم ازاي المهم اني لقيت الاجابه بنفسي
غاده: هيثم ممكن نتكلم شويه
هيثم: ياريت علي الاقل تفتحيلي قلبك
غاده: ليه حابب تحلل شخصيتي
هيثم ملس علي كف ايدها: لا عاوز افهمك ادخل في دهاليزك
غاده دموعها نزلت ونفسها اتخنق: عارف انا رغم اني شوفت قسوه اهلي بس لسه بحبهم اكتر من نفسي لكن لسه مضايقه منهم بسبب تعاملهم الشرس ضد غاليه واني رغم قوتي عمري ما قدرت اساعدها زي الكتاب ما قال يمكن حاولت بس فشلت!!!لكن غاليه كل مره كانت بتبهرني انها قادره تتحمل يمكن لان ايمانها قوي ومش ضعيف زي
هيثم قرب منها ومسح عيونها من الدموع وسحبها من ايدها لصدره واحساسه بالذنب هلكه : اهدي حبيتي انتي مش مسؤاله عن الي كل حصل بلاش ترمي الحمل كله علي نفسك مش غلطتك بلاش تلومي نفسك ارجوكي
غاده حطت راسها علي كتفه: بس لازم افضل قويه زيها!!!
هيثم مسك ايدها وضغط عليهم بكل حنان: هنتغلب علي ده واحنا مع بعض حبيتي
غاده: غاليه قالتلي لازم لو واحد وقع يلاقي الي جنبه واقف يسنده
هيثم باس راسها: وانا هنا ومعاك وبسندك لحد ما نعجز سوي
غاده: قالتلي اديلو فرصه هو يستحقها قالتلي سامحي في الي فات وركزي في الي جاي!!
هيثم: وانا هفضل ممنون ليها لـ اخر يوم في عمري ومبسوط انك رجعتيلي ووثقتي فيا.. المهم حبي موافقه تبقي نصي التاني
غاده: اعرف لوحدك
هيثم طلع دبله من علبه شيك: يله مدي ايدك لو ضحكتي تبقي موافقه لو كشرتي هاخدها واروح
غاده ضحكت ومدتله ايدها
هيثم : كدا مش فاضل غير حاجه واحده
غاده بعدم فهم: ايه هي؟؟!!
هيثم وقف وبعلو حسه قال: اصرخ واقول للدنيا كلها اخيرا غاده المحمدي بقت ملكي وهيثم قلبه كمان بقي ملكها
غاده: يله نمشي قبل ما تفضحنا
وهيثم بدون مقدمات شالها بسرعه ودخلها العربيه لانه وعد نفسه انه يكون مصدر فرحها ويساندها عشان تبقي حد احسن وانجح
بعد رجوعهم البيت غاده راحت تاخد شور
هيثم: ها حبيبي ناوي يعمل ايه دلوقت؟؟!!!
غاده ببراءه: محتاجه اخد شور
هيثم: هو القمر ناوي يغويني
غاده: مين ده الي عاوز يغويك
واتحرجت وجايه تبعد عنه
هيثم شدها وضمها بتنهيده: ارفقي وتعالي ناخد شور سوي
غاده اتكسفت جدأ
هيثم: ده انا جايب شامبو بريحه الفانيليا يجنن يهوس
غاده وشها احمر: هيثم بطل بقي
هيثم ويضغط علي كف ايدها بحنان : الله ابطل ليه مش ده بدايه شهر عسلنا يبقي لازم نستمتع بكل لحظه فيه وبعدين انا امبارح شوفت حاجات حلوه ولازم اكتشفها بنفسي فاسمعي كلامي هخليكي متنسهوش ابدا اصل انتي حلوه اوي
غاده دقات قلبها بتتصارع: وانت قليل الادب اوي اوي
هيثم بنظرات موزعه عليها: شكلك ناسيه اني جوزك وانك ملكي
غاده بصتله بخجل من غير ماترد عليه
هيثم بهمس يدوب : تعالي طيب انا احميكي وانتي تحميني وتقعي في حبي وتغطسي واخطف قلبك فستعدي لاني عاوز اخد القبله الي يما حلمت بيها
غاده جريت بسرعه من قدامه
وهو قعد مبسوط انها منحته حياه جديده علي رغم انه عارف انها محتاجه وقت طويل عشان تتعافي
...........غاليه منه محمد..........
في الشركه
فارس: فين الورق الي كان هنا؟؟!!
وليد: بلعته
فارس كشر فيه: بلعته ده زباله
وليد: انا بحب ابلع الزباله عندك مانع
فارس: لا معنديش خد افرز الطلبات دي
وليد كشر من عددهم واستاء: افرزهم بزمتك ده وقته
فارس بصله: امال امتي ابعتهم للبقال يفرزهم
وليد برطم في سره واخدهم وقاله: لا و علي ايه تنزل لتحت افرزهم انا
دخل كريم يضحك علي منظر وليد: يعيني علي العريس لما تبهدله الايام
وليد رفع عيونه عن الورق: نعمل ايه بقي حكم القوي شكله عنده هوايا يذل العرسان
فارس: نعم يا خويا اشتغل ولا عندك اعتراض
وليد: انا اتكلمت ما تسكت ياكريم ليقوم يضربنا
كريم: متخافش انا معاك ومستحيل اتخلي عنك
وليد :اياك تتخلي عني
كريم: عيب عمري ما اتخلي عنك
وليد بتهديد وقح: والله لو اتخليت عني لغتصبك حرفيا
فارس خرج منه بؤبؤ عينه: الله واكبر ايه النغمه الجديده دي
كريم مثل ملامح البراءه: كله من لسانه الطويل انا مالي
وليد: اسف ياريس
فارس هز دماغه بيأس: انت جيت ليه ياكريم
كريم: ابدا كنت محتاج توقيعك علي الورقه دي
فارس وهو بيوقع الورقه: وانت يا استاذ كريم مش ناوي تخبط في شئ ما وتتأهل زي الاستاذ
كريم ضحك: والله لو وليد عنده اخت شكله حلوه مستعد حالا
وليد: بص في وشي كدا
كريم: بصيت
وليد: تطلع حلوه ازاي وهي نفس السحنه دي
كريم: عادي البطن قلابه
وليد: مالك انت ومال البطن اتكلم عن الجزء الي فوق
فارس: ياعم الراجل غرضه شريف
وليد: خلاص طالما شريف انا موافق
فارس ضربه بالدوسيه: موافق علي ايه انت مش اخواتك متجوزين
وليد: ماتسبني اعيش الدور كائن حي عجيب
شويه وماجد دخل ويبتسم: مبروك يا عريس والله وهتدخل القفص الدهبي بس شد حيلك يا بطل
وليد: الله يبارك فيك عقبال فرحك
ماجد: وراك اصلي مش عاوز اتبهدل دلوقتي
وليد: يباي طيب علي الاقل شجعني
ماجد عطس جامد
وليد: ايه الارف ده بقولك شجعني مش موتني ومتنساش تلبس كمامه في الفرح لتنشر علينا الفيرس
ماجد: انا لسه عاطس
وليد بتحذير: البسها ولا متجيش الفرح
ماجد: نعم ده انا من دلوقت منشن علي اكل البوفيه
كريم ضحك: هو انت رايح تبارك ولا رايح تاكل
ماجد: الاتنين ولو فيه اوبن بوفيه معنديش اي اعتراض
كريم: ده ناوي يشطب علي اكل الفرح
فارس: اخو العروسه المفجوع رزق
وليد: انا عارف انتم هتفضحونا وافلس
ماجد بتكشيره: والله لو الطريقه مش عجباك ومش عجبك وضعنا نأجل الفرح اظن انت الي مستعجل
وليد بص لفارس بغيظ: قلت اتجوز بسرعه قبل ما يطلعلي اخوك بشروط جديده ده لو استنيت يومين كمان كنت شحت
فارس: عال والله مفيش احترام للكبير
وليد: مين قال انت رقم واحد انت دايما في الصداره
فارس: ايوه كدا اتعدل وبعدين دي ندي مش اي واحده
وليد: ياسلام يا خويا وهي لما دمرتلي العربيه طلبت منك تعويض
كريم قام وفصل ضحك وبيجري علي برا: وهي لما دستك بالعربيه حصل لوشك كدا
وليد لقاها حجه يهرب من الشغل وقام: بص بقي عشان اتخنقت من ام القعده دي هقوم عليك ابططك وقام مسكه
كريم: عاوز ايه
وليد: اضربك
كريم: بس انا مش عاوز اضرب
وليد: وانا مصمم اضربك
وطلع يجري وراه وقضوها بين شغل وضحك وهزار
.....غاليه...........
اليوم رجوع غاده لـ ارض الوطن ارض الامن والامان
مشاعر الرجوع للمه العايله فوق كل اعتبار في المطار كانت منتظره موعد الطيارة على كراسي الانتظار بفارغ الصبر
الرحلة 133 على وشك الاقلاع .. الرجاء من المسافرين .... التوجهه للمكان
هيثم مسك ايد غاده بابتسامة : يله حبي اعلنوا عن الرحله
غاده قامت معاه وجواها بيرقص فرح وسعاده كبيره حاسه انها طايره هتشوف غاليه تؤام روحها حتي لو مش من نفس البطن هما تؤام بالفعل دايما فاكره كل اللحظات الحلوه الي عاشوها سوي وهما اطفال
ده غير هي وهيثم علاقتهم ممتازه هو بيحترمها ويشاورها ويعاملها بحنان وهي بتعامله بحترام وبحنان واهتمام كبير لانه هو اداها امل في حياتها وقوي احلامها وطموحها خلاها تبقي متيمه بيه
........غاليه..........
الصبح بدري بيت فارس
غاليه فاقت ونزلت جهزت الفطار وراحت خبطت علي باب جدها
و فتحت الباب لقته قاعد بيقرء قرآن
غاليه ببتسامه :صباح الخير يا جدي
الجد قفله وببتسامه مشرقه :صباح النور ياقلب جدك انتى
غاليه باست راسه:يله لاتتاخر على الفطار
الجد :حاضر
وطلعت من عنده لفوق تصحي فارس دخلت و فتحت الستاير وخلت اشعة الشمس تنور الغرفة
غاليه :فارس ..بيبي حياتي يله قوم جهزت الفطار
فارس اتقلب الناحيه التانيه: لا سبيني شويه كمان
غاليه قربت منه وباست خده بحنان: اممم انت كدا عاوز اسلوب العنف وجابت ميه ورشتها عليه
فارس قام وخطفها علي رجليه: كدا ينفع يعني
غاليه بخجل وطفوله: اعمل ايه تعبتني معاك يا فارس
فارس ضحك عليها: كدا يبقي لازم اعاقبلك
غاليه: تعقبني ؟؟!!
فارس: وممكن كمان اساومك
غاليه: كمان
فارس: لانك انتي الي بدئتي
غاليه: احسن عشان اول ما اقول قوم تقوم
فارس: يعني اعترفتي علي نفسك
غاليه: الله مش انت كنت عاوز تكمل نوم
فارس: ايوه وانتي الي صحتيني وانتي بتبوسيني
غاليه: لا انت بتتوهم وقامت
مسك ايدها :رايحه فين؟؟
غاليه: يي مشغوله جدا
فارس رفع حاجب: مشغوله بأيه سيده الاعمال
غاليه بضحكه : نازله احضر الفطار وبعدين المه واغسل الاطباق وبعدين اروح اجهز لفرح ندوشه باي
فارس : تعالي هنا يعني تغلسي عليا وتصحيني واقوم كدا لا ده انا لازم استغل الوضع لصالحي
غاليه: فارس بلاش تبقي مستغل ومتهور
فارس: الله انتي تبوسيني وانا نايم ولما اصحا وعاوز ابوسك ترفضي بس انا مش هعمل زيك وابوسك من وراك وانتي نايمه
غاليه :فارس بعدين
فارس :انتي هتيجي ولا اقوم اشعلقك في النجفه
غاليه شهقت: انت بتهددني يا فارس
فارس: الله مش انتي راكبه دماغك
غاليه: اسحب التهديد ده بسرعه
فارس كشر جامد: طيب اسحبي نفسك انتي كمان من قدامي
غابيه قربت قعدت جنبه: والله انت كائن مستبد
فارس خطفها جوه حضنه: مستبد عشان محتاج انام شويه جوه حضنك لو حتي عشر دقايق
غاليه: بطل بقي
فارس رجع خصله وري ودنها: ازاي ابطل وانا حاضن العالم كله بس هبطل لما الاول تديني غلاوتي بوسه لطيفه
غاليه قربت بتبوس خده لكن فارس خطفها ووباس شفايفها لدرجه حست بانفاسه الملتهبه ودقات قلبه العاشقه لحد الجنون
ورجع باس خدها الناعم وبعدها رقبتها وشفايفها و قرب عند ودنها وهمس:انصحك تجري و تنجدي بنفسك لاني ممكن اغتالك حالا و...
غاليه زقته ونطت وقامت بسرعه ووشها احمر
فارس ضحك عليها : طيب ساعديني اقوم
مدتله ايدها شدها عليه وحط ايده وراه ضهرها وباسها بوسه عميقه جدا وبعدين بعد عنها وهي نزلت قبله وهو قام عدل نفسه فالمرايا ونزلهم
حد رن الجرس وفضل ضاغط عليه
غاليه:طيب يالي علي الباب احنا واقفين وراه اصـ
وتفتح الباب وماكملتش كلامها
ولفو كلهم وشافو هيثم داخل ومعاه غاده وكريم الي اخدهم من المطار
فارس وقف علي اول السلم والجد في اندهاش لسه مش مستوعبين ولامصدقين
غاليه جريت علي اختها وتحضنها وغاده تضمها تربت علي ظهرها اكتر وتعيط
غاليه تحضنها من فرحتها فضلت تبوس وشها ودموعها وكل جزء فيها
غاليه: وحشتني والله وحشتيني وحشتيني من كل قلبي
الجد:واخير رجعتي وريحتي قلب جدك
غاده جريت عليه في مرحله بكاء:وحشتوني والله وحشتوني اوي
الجد استقبلها بالبوس والعناق :وانتي وحشتينا ياروح جدك من جوه
غاده لفت وهي حاضنه جدها ومبتسمه وبصت تاني لغاليه اللي واقفه وكأنها مش مصدقه :حبيتي انا خلاص رجعت
غاليه فتحت درعاتها وحضنتها بقوه:وحشتني ياقلب اختك
غاده تشد بضمتها ليها باقوى ماعندها:وانتى وحشتيني كثير
واختلطت دموعها بدموع فرحتهم برجوعها كان لقاء عائلي رهيب ضم جميع الي في القصر وسط فرحتهم برجوع غاده وهيثم
هيثم بألش: لا نكتفي بهذا القدر من الحزن مراتي حامل
كريم ابتسم :من الشوق يا برنس ما دول التؤام المختلف!!!
غاده ضحكت : توام مختلف في عينك اهو انت الي مختلف
الكل:ههههههههههه وسلموا علي هيثم
سندس ضمتها بقوه: وحشتيني ياغاده
غاده حضنتها بفرحه واشتياق:وانتي اكتر يا عمتي
سندس: واخير هيرجع للبيت نوره واخير هيرجعلنا الفرح الي غاب
غاليه اتنهدت وهي فرحانه: قلنا ايه مفيش دموع ونبدء نعيش حياتنا وكفايه حزن واوجاع
غاده مسحت دموعها : ماشي( وضحكت)
غاليه ضمتها لحضنها:ايوة كدا مش عاوزه اسمع منك غير الضحكه دي ومبروك للحمل
غاده: الله يبارك فيكي
فارس فرحان ومبسوط لفرحتها برجوع تؤام روحها
هيثم حب يرجع العلاقه الطيبه بين غاده وفارس : خير ليه مقلتش لمراتي حمدالله على السلامه
فارس حب يرفع ضغط هيثم: حمد الله على السلامه يا دودي
هيثم: انت شارب أيه؟؟!!
فارس مثل الغباء: ايه
هيثم: عامل نفسك من بنها ايه دودي دي
فارس: الله مش اسمها غاده فدلعها دودي
هيثم: لا انا ما اسمحلكش انا بس الى ادلعها ترضي ادلع مراتك
فارس: عادي مش انت عارف مراتي فعادي ولا انت غيران
هيثم: لا ابدا انت اكتر شخص قميل
الجد ضحك لانه عارف ان فارس بيحاول يكفر عن ظلمه ليها زمان: خلاص بقي يا ولاد مبرووووك يا غاده الف مبروووك علي الحمل
غاده بكسوف : الله يبارك فيك ياجدي
سندس: ها عاوزه ولد ولا بنت
الجد: ولد بنت المهم تقوملنا بالسلامه يا بنتي
غاده: الله يسلمك ياجدو
هيثم: احنا عاوزين تونز ويحبوا بعض زي غاليه وغاده وانا وفارس
الكل بدعاء من القلب: امين
فارس: ويجننونا وراهم عشان نعرف مين فيهم المجرم الحقيقي
الجد: ومايفرقكم وتبقوا مبسوطين على طول
بعد السلام والقبلات هيثم دخل مع فارس والجد وكريم استأذن يعمل تلفون مهم
و غاليه ضمت اختها واخدتها وطلعت معاها لفوق وهي فرحانه من قلبها يتكلموا في كل حاجه كانوا فيها بعاد عن بعض
الجد فضل متابعهم بنظراته لحد ما اختفوا فضل يشكر الله من كل قلبه برجوعهم لحضن بعض والسعاده بـ ترفرف عليهم ودعا من كل قلبه من انه يحفظهم من كل شر
.......في جناح غاليه......
غاده: ها يا ستي ايه الي كنتي عاوزني فيه
غاليه: روحتي لمامتك
غاده كشرت جدا: لا ومش عايزه اتكلم معاهم علي الاقل دلوقت
غاليه بهدوؤ: غاده حبيبتي الحياه قصيره اوي منعرفش ايه الي ممكن يحصل بكره منعرفش حنعيش ولا هنموت
غاده بدهشه: انتي الي بتقولي كدا
غاليه عيونها دمعت: شوفي انا معنديش ام لكن عندي بكره الي هو بيكم والدتك تعبانه لازم تشوفيها وتطمنيها عليك واخفض لهما جناج الذل من الرحمه وقل رب ارحمهما كما ربياني صغير
غاده: بستغربك اوي يا غاليه
غاليه: لا متستغربيش انا بعمل كدا اولا عشانكم ثانيا برد الجميل للعايله الي عشت معاهم واكلت عيشهم وملحهم
غاده: انتي تؤامي الجميل الاخت الي مش هتتكرر تاني دايما بتقنعيني اني قادره
غاليه: انتي عشان عندك اراده قارده تكملي بس محتاجه زقه
غاده: اوك انا هاخد الزقه وامشي دلوقت لكن هرجع علي المغرب عشان امكيجك واجهزك لفرح ندي
غاليه: وانا منتظراك
........غاليه......
فارس :هاه كلنا جاهزين
هيثم :جاهزين ياريس ثواني ننط في العربيه
لف فارس لقي جده مبتسم:مالك ياجدي كأنك اول مره تشوفنا
الجده:تصدق فرحان اوي وحاسس ان الايام الجايه حلوه بيكم
فارس باس دماغه :ان شاء الله ياحبيبي انشاء الله
غاليه وغاده:ربنا يخليك لينا يا احلى جدو وضموا جدهم وهما بيبكووا لانهم افتكروا الي حصلهم
جميله وهي تمسح دموعها:خلاص انتي وهي شلفطوا الميك اب
وهي اصلا مش حاطه ميك اب ولا بتحبه علشان بس يضحكوا
جميله الي اتعرفت علي غاليه من خلال كريم وفضلوا علي تواصل وحبتها ودخلت قلبها
الكل ضحك وهما بيمسحو دمووعهم
كريم قرب من جده ومسح دموعه ودموع جده وباس ايده وااعد جنبه
والكل اتأثر باللحظه
دقايق ووصلوا القاعه الكل فرحان وسعيد اصوات الاغاني مالية المكان .. الكل فرحان ومبسوط .. الا بعض القلوب الحزينة بعد الحادث الاليم ... الكل فضل يهني ويبارك للمناسبة حتي نجلاء ورانيا وخالد الي رجعوا يحضروا الفرح ويسافرو تاني
..............زواج ندي ووليد.......
كان الفرح جميل وراقي ... في قاعة رائعة وفخمة في احدي احياء القاهره الراقية ... جه وقت طله العروسه والكل متحمس يشوف ندي وهي بفستان فرحها الابيض بدأت موسيقى اقوى من الموسيقى
الاولى واتفتح الباب باغنية طلي بالابيض طلي يازهرة نيسان ظهروا العرسان بطلة بهرت كل العيون .. كانت ندي بفستانها الابيض شبهه اميرة الف ليلة وليلة جميلة بمعنى الكلمة ومشاعرها اليوم فوق السحاب بدئت الزغاريت والهيصه خصوصا الليله زواج اغلي اتنين وليد وندي الي بعد دقايق هتودع العزوبيه
فارس كان لابس بدله شيك جدا سوده بقمه الرزانه والجمال كان يجنن ومربي السكسوكه علي خفيف وكان ملفت طالع فتوشنيك.....غاليه لابسه فستان كحلي طويل مطعم بالذهبي ومدي شكل جسمها جمال رغم الحمل ومحليها حجابها المغلفه نفسها بيه
كانت ملكه كأنها سقطت من غلاف مجله جميله لفتت انظار الجميع بجمالها وانوثتها
سندس قربت منهم وسلمت علي غاليه بحراره: ماشاء الله تجنني كالعاده ياقلبي
غاليه ضمتها بحب:تسلمي يا عمتي ومبروك لندي
سندس:اه دي صعدت دماغي طول النهار مشغله النهارده فرحي ياجدعان
فارس اتنهد: امال احنا نعمل ايه الي جننتي انا وماجد قبل الفرح بشهر
غاليه ضحكت:معذروه انتظرت اليوم ده علي نار
سندس ضحكت من قلبها: عقبال ما تقوميلنا حبيبتك بالسلامه
فارس:يارب
قربت منهم غاده وطلبت منهم يروحوا لندي
فارس: طيب روحولها انتم وانا والشباب هنقف برا
فاطمه: ايه الي هيوقفك برا يابني
فارس: لا مش برا قدام القاعه استقبل الناس
غاليه: طيب بس ما تتاخرش شوي وترجع تتصور معانا
فارس باس خد غاليه : امرك يا جوهره حياتي
سندس: ربنا يفرحكم ياولاد
غاليه بصت لجميله : يارب وعقبال الباقين
هيثم مقرب وحاضن غاده :احنا اتجوزنا وارتحنا مش كدا ياقلبي
غاده ابتسمت له:ايوه حبيبي
غاليه بمغزي:عقبال جميله ان شاء الله
جميله بكسوف:انا مش عاوزه اتجوز حاليا
كريم بصلها اوي مش قادر يرفع عيونه عنها بيحبها ومش قادر يخفي شوقه ولا دقات قلبه اللي عماله تدق بشوق
غاليه بصت لكريم :اول ما يحضر النصيب يتغير الكلام (وضحكت)
الرجاله مشت برا القاعه
والبنات كلهم قربوا من ندي وباسوها وباركو لها ...ده غير غاليه وغاده الي ساعدوه ندي بكل حاجه لانها تستاهل
لفت ندي وابتسمت: غاليه
غاليه: نعم يا أحلى عروسه
ندي: بجد انا طالعه حلوه
غاليه: حلو انتي قمر ونص
ندي ضحكت بنعومه
غاده:يابخت وليد كل الجمال ده له
ندي بمرح :هو اه جميل ويجنن بس انا احلي طبعا
غاده: المهم خليك عاقله وقدامه تباني انك هاديه
ندي: مين دي يابنتي انا اول ما يحط ايده مش هقدر اقاوم
غاليه ابتسمت: دي الاخلاق عندها انتهت لا انتي حاولي تسيطري علي نفسك لازم تباني بريئه
ندي بهمس جنب ودنها: ايوه وانتي خبره في الحاجات دي
غاليه كشرت: اخنقك بأيدي يوم فرحك
ندي: بقيتي مفتريه زي جوزك بس عليكم ربنا
غاده: والنبي العريس غلبان ومتوتر اكتر منها ربنا يستر عليه
الكل ضحكو وسندس باست بنتها:مبروك ياندوش وبصت لوليد )بنتي امانه في رقبتك
وليد ببتسامه جذابه:ندي في عيوني ياطنط ندي ربنا ادهالي اوعدك اقدر احافظ عليها
غاليه:مبروك يا استاذ وليد
وليد ببتسامه:يبارك في عمرك
فارس وقف جنب غاليه وحط ايده علي كتفها يحتويها وبهمس:ارهنك بعد شهر جواز حيقولي اختك دي مصيبه ربنا بيختبرني فيها واوعدك اني احاول اصبر عليها
غاليه: لا حرام عليك دول ثنائي جميل
فارس بتريقه: بس شكلهم مش مدي علي عرسان
غاليه: امال شكلهم مدي علي ايه
فارس: علي متخلفين عقليا
وفضل طول الفرح يضحكها عليها انها هي ووليد هيروحو يقعدوا في المطبخ بدل المصاريف وهو يجبلهم كل يوم كيلو بصل بدل ما يسافروا ويغرمه نفسهم عشان يعيشوه
.......غاليه........
في القاعه عند وتين وماجد
وتين: ماجد احنا حنفضل قاعدين كدا
ماجد: امال نعمل ايه
وتين: قوم نرقص
ماجد برق: نرقص لا انا مرقصش انا دكتور مش رقاص
وتين نفخت:اووف بقي خلاص ارقص انا
ماجد بعصبيه مكتومه: وماله وانا اصقفلك
وتين: اوف بقي انا قايمه وسيباك
وقامت تروح الاستدج وفضلت ترقص مع ندي وتدلع وتبص لماجد
ماجد فتح عيونه وحس انه ممكن يتهور ويضربها بس الي موقفه جمالها وطفولتها الي مجنناه
وتين قربت منه و سحبت ايده وفضلت ترقص وتدلع عليه
ماجد مسكها من وسطها وشداها له :ناويه علي علقه يعني
وتين بدلع مدت لسانها:اصلا انا زعلانه منك فعادي
ماجد: وصفينار ليه زعلانه
وتين:اسأل نفسك وخرجت برا القاعه
لحقها لقاها قاعده برا قرب منها وسحبها
وتين: ماجد ابعد عني
ماجد بهمس: وتين
وتين: متتكلمش ومش عايزه اشوفك انت مبتحبنيش
ماجد نفخ: عشان بغير عليكي يبقي مبقتش بحبك
وتين: احنا مش قادرين نتفق
ماجد: مش قادرين نتفق علي الرقص ولا عشان غيرتي عليك
وتين: لا انت متسلط والسلام
ماجد: اه هو الشيطان ركبك ومش هنخلص
وتين: عمرك ما اخرت لي طلب
ماجد: حبيبتي انا من حقي امنعك لما تتصرفي غلط
وتين: بس انا مش بتصرف غلط
ماجد: خلاص انتي مش غلط
و باس كتفها: والله بحبك
وتين بشقاوه حطت ايديها حوالين رقبته:طيب ندخل نرقص
ماجد بلع ريقه :طيب بس هدي الاداء وبلاش جنان
وتين: هو الرقص يبقي رقص من غير جنان
ماجد: ايوه انا بغير عليك وحقوق الطبع عندي محفوظه
وتين ابتسمت وباست خده وقامت
ماجد: وتين
وتين ابتسمت:نعم
ماجد رجع يسحب ايدها ويبوسها :بكره لازم ازور اهلك نكتب الكتاب عشان تكوني حلالي
وتين بخجل:طيب
ماجد اتنهد ومشي معاها
........غاليه منه محمد.......
بعد ما اخدوا عده صور ماجد وفارس رقصوا سوي وفارس سحب غاليه من ايدها ترقص
معاه اعترضت في الاول بس قدام اصراره وافقت والبنات والشباب التفو حواليهم وهما بيرقصوا جوه دايره كبيره
فارس: تعرفي عاوز اخطفك
غاليه: وانا لو انت خطفتني انا مش هعترض رغم اني زعلانه منك
فارس: ليه ياقمر؟؟!!
غاليه: عشان البنت الي بترقص شايفاها من اول ما شافتك وحاطه عينها عليك
فارس: تقصدي مين البنت البيضه الحلوه ولا الحاجه الي جايه من وش القفص
غاليه ضربته في كتفه: ينهاري طلعت انت الي مركز معاهم
فارس ضحكته علت وعلت :يا هبله انا مركز معاك انتي
غاليه :ياتري ايه السر الي مخليك تحبني اوي كدا
فارس ضمها لحضنه: صفات كتير اوي لأنك شخص طيب بزياده ده غير مشاعرك الي بتظهريهم في كل حالاتك وانتي بتعيطي وانتي بتضحكي اوي وعينك تقفل غاليه انا بتنفس هواكي انا وصلت معاك لمرحله التلهف
غاليه عيونها لئلئت بدموع: ده كتير عليا اوي
فارس: مفيش حاجه كتير عليك انتي الي كتير علي اي حد
وشدها عليه واختلطت انفاسهم مع بعض وكانت عيوونهم بتحكي كميه الحب اللي في قلوبهم
.......غاليه......
انتهى الفرح الي حضروه الاف الناس و خرجت ندي من القاعه واصوات الزغاريط من وراها اتحركت العربيه والكل فضل يدعي لهم بالسعاده ويتمم لهم على خير ويدعي لهم بالرفاء والبنين
بعد الفرح
دخلت من الباب بهيصه انها اتفكت من العنوسه ووزعت عيونها في انحاء الشقه وطلعت
من فستانها وثيقه الجواز ومحتاره تحطها فين ولنفسها: ياتري اتسرعت اني حطتها هنا لا هنا احلي عايزه الكل اول ما يدخلو يشفوها للوهله الاولي
وليد قرب منها: ندي بتعملي ايه
ندي: استني عندي حاجه مهمه
وليد بستغراب : ايه هي الحاجه المهمه عن الجواز وشدها للغرفه
ندي: انت بتعمل ايه
وليد ضحك علي شكلها :بعمل ايه ما هو الجواز عباره عن بوس واحضان وقله ادب
ندي وصلت لحاله مش قادره حتي ع التنفس: لاحظ ان انا بنت بريئه
وليد ربع ايده: وانا ملاحظ فيه اي ملاحظه تانيه تحبي الحظها
ندي: طيب ممكن تصبر شويه علي قله الادب
وليد: واصبر ليه دي مهمه الجنس البشري ايه مكنتيش عاوزه تتجوزي
ندي بعبط: طبعا ده كان حلمي
وليد شدها من قفاها واخدها للغرفه
ندي بتحاول تحرر نفسها منه: انت بتعمل ايه
وليد: هنام سوي يله
ندي: مين دي يا كائن انت الي هتوافق تنام جنبك
وليد: كل المتجوزين زينا بيناموا ولا هنام تحت السرير
ندي حطت ايدها على شفايفها ووشها احمر جدا ( بأحلامك ): اتفضل نام في السرير لوحدك بالهنا والشفا وهي ماشيه خبطت في الباب وقعت
وليد بص في الباب :يامجنووووووووووووونة
ندي قامت محروجه: عادي حركه لا اراديه من الخضه وكدا
وليد رفع كتافه لفوق:بس علي فكره انا عندي طرق كتير اعرف اتعامل معاكي بيها بس براحتك بس لو هتنامي برا كهرمانه هتشوفك وهتبلغ جدك
وجدك يبلغ امك وامك تقول لـ اخواتك ولما يجي فارس مع ماجد ابقي اتفضلي وضحلهم وابتسم بستفزاز
ندي بصتله بغيظ: انت تكسب ااه يظهر هتكون ليله طويله وراحت تنام في اخر السرير
وليد : ان شاء الله بس عاوز فطار ملوكي الصبح وشدها لحضنه
ندى : انت الاول نام ولما تصحا نبقي نفكر نعبي كرشك بنجاح
.......غاليه.......
تم اعدام منال وهي الي بحقدها لفت الحبل حوالين رقبتها ونهت بنفسها الدنيا الي عاشتها
حنان بعد اعدام بنتها قضت ايامها في عزله صابها حاله اكتئاب والمرض وذاد وزنها لدرجه مبقتش قادره تتحرك ومحتاجه طول الوقت الي يسندها....
حامد اتقبل الصدمه بالصمت زي ما يكون عايش في حلم مخيف لاكن واثق انه مش هيفوق منه!!!
طارق خسر شغله وصفقاته واتجه لعالم المخدرات
............غاليه.........
هيثم وصل البيت بعد المغرب دخل وشاف غاده سرحانه وماحستش بيه
قرب وباس راسها
غاده انتبهت: هيثم
هيثم ابتسم بحزن لانه حس بيها:سرحانه في ايه؟؟!!!
غاده:في الخبر الي وصلنا بس انت ليه جيت بدري عن معادك
هيثم اتنهد: ابدا حسيت انك محتجالي فجيت
هيثم هز راسه قرب منها وأأعد قدامها وبطرف صوباعه مسح دمعتها اللي نزلت
غاده بصتله بحزن وحضنته وفضلت تعيط بحرقه
هيثم : حبيبي وحدي الله مش كدا واظن هي الي عملته في نفسها ودفعت التمن!!!
غاده كانت كاتمه كثير وماقدرتش تكتم حزنها اكثر وانفجرت:هيثم قولي فهمني اعمل ايه احنا هنعيش ازاي بعد كل الي حصل
هيثم بحزن والدموع متجمعة في عيونه من الالم :هنعيش ونكمل وكلي امرك لربك وماضاقت الا لما فرجت
غاده بصوت مخنوق مبحوح من البكا: بس الخبر شديد اوي اوي وجدد طعم الفراق
هيثم ضمها وباس راسها : حياتي بلاش تضايقي نفسك وبلاش اليأس من رحمه ربنا احنا ندعيله يفك كربنا ويهونها علينا
غاده برجاء :يارب
هيثم : ايوه كدا احنا نقول يارب في اي وضع وتحت اي ظرف يله نامي بلاش عياط عشان البيبي
غاده: انا بحبك اوي
هيثم ضمها :وانا بحبك اوي اوي يا قمر هيثم
مسح اثار الدموع بكف ايده .. ورفعها بين ايده لحد السرير وغطاها بأحكام... وخارج
من الغرفة بعد لما طبع بوسه على جبينها وقالها : ارتاحي يا قلبي
غاده: هيثم متسبنيش لحد ما اغمض
هيثم باس خدها: نامي يا حبيتي ومش هسيبك ابدا
غاده: معلش ناولني الصوره الي علي الكمدينو
هيثم ابتسم ابتسامه باهته: حاضر ياعيوني وراح جابلها الصوره الي كانت فيها هما الاربعه مي وغاليه وكريم وغاده
غاده اخدت منه الصوره وضمتها وبعد دقايق نامت من التعب
...........غاليه ......
الساعه خمسه بعد الفجر
فارس كان نايم وغرقان في النوم سمع صوت بنته بتعيط بص جنبه مالقاش غاليه عرف انها بتصلي واكيد بتعيط بعد اعدام منال رفع الغطا وقرب لسرير بنته الي بتعيط
فارس: تمام تمام جيت وشالها) صباح الخير مالك صاحيه بدري ليه عن معادك ايه شوفتي كابوس
عيطت اكتر: لا احنا نريح ماما وحرجعك سريرك خلال ثانيه واحده بس الاول نغيرلك وبطلي فرك لتقعي
وبعد ما غيرلها وشبعها بعد ما بذل مجهود قعد يلعب معها لحد ما نامت حطها في سريرها
ينيمها وراح يشوف غاليه لقاها واقفه عند الشباك وسرحانه
والهواء عمال يداعب شعرها وهي بتفتكر كل لحظه عاشتها من قبل ابتسمت لما افتكرت حب كريم وحنان غاده وحنيتهم
عليها وكأنها اختهم شقيقتهم مش دخيله عليهم قفلت عيونها ودمعتها نزلت على خدها !!!!!! قرب منها ووقف وراها وحضنها حضن اب: تميمه حظي بتفكر في مين؟؟!!!
غاليه لفت وابتسمت له: فيك طبعا
فارس قرص خدها بحنان: يا بكاشه فيا برضو
غاليه نامت علي صدره: امال مين غيرك ممكن ياخد تفكيري
فارس ضحك: يباي بنتك المشاغبه قطعت نفسي لحد ما تعبت ونامت وخلصت منها ومن دوشتها
غاليه :لا والله تلاقيك انت الي قطعت نفسها حرام عليك دي طيوبه
فارس: اعمل ايه بعشقها زي امها الطيوبه
غاليه: انت شيفني طيوبه
فارس:انتي مش بس طيوبه انتي هاديه ورقيقه والاهم متسامحه
غاليه ابتسمت: المهم نيمتها في سريرها
فارس:ايوه واطمني بعد ما حمتها وغيرتلها الحفاضه ولبستها بيجامتها
غاليه: ربنا يخليك لينا يا احن اب
فارس لف ايده حوالين وسطها وضمها لصدره: : طيب والي احن اب ده مش محتاج ينام هو وحبيته الي وحشته
غاليه بعدت عنه وضحكت:يا نصاب لحقت اوحشك
فارس باس كتفها: هو انا اقدر اعيش لحظه من غيرك
غاليه : فارس
فارس بحنان :عيونه وقلبه
غاليه:فارس بعدين
فارس: لا دلوقت لاني مصمم احضنك وبعدين الذنب ذنبك
غاليه: ليه بقي
فارس: عشان انتي كل يوم تحلوي عن اليوم الي قابله
غاليه: طيب ما انت كمان حلو
فارس فتح ايديه: كدا تعالي ضميني
غاليه رجعت على وراء:لا
فارس مثل العصبيه: لما اقولك تعالي تيجي الراي راي والحكم حكمي وبعدين خلي عندك شويه مرؤه
غاليه: انت ليه حزوقه
فارس: رغم مفهمتش الكلمه مدح ولا شتيمه بس انا شخص عنيد والي يطلع في دماغي لازم اعمله مهما حصل فسلمي واستغلي الفرصه
غاليه: مصمم
فارس: انا دايما ثابت علي مبدئي
غاليه: اوف طيب امشي
فارس ابتسم وغمز لها: علي خير الله
غاليه مشت للغرفه وفارس وراها واول ما دخلت للغرفه قلبها فضل يدق
فارس:اخيرا القمر سمع كلامي
غاليه لفت وابتسمت وباست خده بعفويه :مش انت عاوز كدا؟!!!
فارس يقربها منه بتملك وحنان:ايوه عاوز كدا
غاليه بصتله بخجل ومتكلمتش وهو حضنها وابتسم
فارس قربها لصدره اكتر:غاليه
غاليه رفعت عيونها: نعم
فارس: انا بفكر نخلف تاني
غاليه شهقت: بتهزر
فارس: ليه حيحصل ايه انا عن نفسي حعمل كل الي في استطاعتي في الموضوع ده ها موافقه
غاليه: لا طبعا
فارس: انت بس ركزي احنا ناخد الحلو الي مني ندمجه علي الحلو الي منك نخلف كوكتيل ها اقتنعتي
غاليه:لو فشكلت وبقيت شكل الفيل
فارس:انا بحبك حب لدرجه بشوفك دايما جميلة حتى وانتي في اسوأ حالاتك حتي لو شعرك منكوش او في يوم مش في كامل اناقتك لوحتي وزنك
زاد شوية او شكل جسمك اتغير عمري ماهبطل احبك وبجنون ها موافقه
غاليه بصتله وسكتت
فارس ضماها وحضنها بقوه وسحب اللحاف عليهم:يبقي اقتنعتي يا تميمه حظي !!!!
........ غاليه منه محمد..............
بعد سنتين من الاحداث
غاليه نايمه لكن حست بمغص فوق احتمالها مسكت بطنها بالم:ااااااه
فارس قام مفزوع :غاليه مالك؟؟
غاليه بألم: شكلي بولد وصرخت ااااااااااااااااااااااااااااااااااه
فارس قام بسرعه :يله بينا علي المستشفى ولبسها الاسدال ورفعها بين ايديه
غاليه من الألم وخوفها على الطفل اتمسكت فيه جامد
وفارس مسكها بكل قوته ومشي بيها لتحت وخرج بيها للعربيه بسرعه
ووصل المستشفى بعد ماكان ماشي بكل سرعته
اخدوها منه لقسم الولاده علي طول وفضل فارس واقف علي اعصابه تلفونه رن
سندس بلهفه:طمني يا بني
فارس بقلق وخوف:دخلوها للولاده ياماما
سندس: اطمن انشاء الله خير واحنا كلنا شويه ونكون عندكم
فارس بقلق وتوتر: ادعلها ياماما
و قفلت معاه وفضلت تدعي من قلبها:يااارب قوم بنتي بالسلامه
وبعد نص ساعه كان الكل متواجد بالمستشفى
بعــد يوميـن
الكل كان فرحان بـأبن غاليه وفارس اللي بقدومه للدنيا رجع ضحتكهم ولمتهم واحتوائهم
سوي وفارس اتعلق بولاده وطول الوقت بيشكر غاليه ويقولها
انتي السبب في اني اكون اب
وهي ترد وتقوله وربنا يقدرني ونكون اسعد عايله وهو بين كل كلمه والتانيه يقولها كلمته المشهوره استعدي للخطف
الخلاصه ان الي بيحبك مهما كنتي هيفضل يحبك زي ما انتي هيحبك بكل اشكالك
و عيوبك. لأنه بيحب يشوفك مبسوطة و عايزك دايما تكوني سعيدة و محققة اللي انتي عايزاه.
عندنا فقط ستجد كل ما هوه جديد حصري ورومانسى وشيق فقط ابحث من جوجل باسم كرنفال الرويات اترك ٥ تعليقات ليصلك الفصل الجديد فور نشره وايضاء اشتركو على
قناتنا كرنفال الرويات ليصلك اشعار بقل ما هوه جديد
🌹🌹🌹🌹🌹🌹🌹🌹🌹🌹🌹🌹🌹
تمت بحمد الله