القاسي والبريئة
(الجزء الثالث عشر)
بقلم الاء ابو العز
كانت اروي شغاله في القصر كالعاده
اروي في نفسها:يا تري اللي بيحصل دا كلو حلم
يعني انا ممكن اصحي الاقي نفسي في البيت وكل دا حلم
لالا مش حلم يا اروي صدقني كلها فتره وهتكوني ست القصر دا
كانت اروي بتاجري الحوار دا جواها
......................
خرج ياسين و رمزي و حسام من المكتب
حسام:مش تنسي الاحنا اتفقنا عليه
رمزي:ربنا معاك يا صاحبي
مشي رمزي وحسام و طلع ياسين للجناح بتاعه
دخل ياسين الجناح شاف اروي واقفه وسط الجناح بتنضفه
ياسين بهدوء:اروي
لفت ليه اروي:اسفه بس جناحك محتاج يتنضف لان انت كنت تعبان
ياسين بهدوء وهو بيقرب منها:اروي انت بتحبيني بجد
اروي:هي الحاجات دي فيها جد و هزار
ياسين:طب عايزك توعديني بحاجه
اروي:ايه
ياسين:مهما حصل ومهما عملت حتي لو خليتك تمشي من جنبي وقت ما احتاجك الاقيكي و وقت ما اقولك لازم تسمعيني تسمعيني
اروي:انت لي بتقول كدا
ياسين:اوعديني يا اروي
اروي:اوعدك
قرب منها ياسين و باسها من دماغها
ياسين:في ضيوف هتيجي تقعد هنا في القصر يومين
اروي:تمام تحب اعمل حاجه معينه
ياسين بابتسامه حزينه:اروي مش عايز اللي بينا يبان لحد فيهم ممكن
اروي بحزن:حاضر
ياسين:اوعدك هفهمك كل حاجه بعدين
اروي:مش محتاج طبعا مينفعش يعرفوا انك بتحب واحده اقل منك في المستوي
ياسين بحده:اروي انت لسه وعداني وانا وعدتك ان هفهمك كل حاجه في وقتها
اروي:تمام ياياسين بيه بعد ازنك عشان اجهز الاوض الضيوف هيقعدوا فيها
ياسين:تمام
قالها ياسين وهو بيتجه للسرير
اروي:هما كام شخص
ياسين:3 اشخاص
اروي بحنيه:معاد علاجك خده وارتاح شويه
ياسين:حاضر
خرجة اروي من الجناح وهي بتكلم نفسها
اروي:حكايتك ايه بس لي مصمم ديما تحيرني
بدات اروي في تجهيز الاوض والاكل للضيوف
..........................
بعد خروج رمزي من عند ياسين اتجه لشقة منه
وصل رمزي تحت و اتصل علي منه
منه:الو
رمزي:البسي وانزلي
منه:لي
رمزي:هنتغدي سوا
منه:مش جعانه
رمزي:منه مش هكرر كلامي 5 دقايق وتكوني قدامي
منه:5 دقايق لا نص ساعه
هلبس ازاي في 5 دقايق انا
رمزي بابتسامه:بطلي كلام و انت تخلصي بسرعه يلا
منه:ماشي
قفلت منه وبدات تلبس بسرعه
بعد وقت مش طويل نزلت منه لرمزي
نزل رمزي من العربيه وفتح ليها الباب
قربت منه ليه
منه:اللي يشوفك الوقتي مش يشوفك من كام ساعه
رمزي:هفهمك كنت كدا لي بس لما نتغدا
منه:تمام
ركبت منه و اتحركت هي ورمزي لمطعم علي النيل
دخلت منه مع رمزي المطعم
منه:الله حلو اوي المكان دا
رمزي:مفيش حاجه تيجي في حلاوتك
منه:بخجل:طب مش هنقعد
رمزي بابتسامه:هنقعد يا طماطمايه
قعدة منه علي التربيزه اللي هي اختارتها علي النيل علطول
رمزي:بتحبي النيل
منه:انا بعشق البحر والنيل برتاح نفسيا وانا قاعده قدامهم وبفرح لما بنزل البحر
رمزي:انا بكره البحر والنيل
منه:لي دول جمال خالص
رمزي:من برا جمال لكن من جوا غدارين
منه:ليه بتقول كدا
رمزي:من 6 سنين البحر اخد مني اعز الناس لقلبي
منه:مين
رمزي:عيلتي
منه:ربنا يرحمهم
رمزي:احم مش هنقلبهانكد ها هتاكلي ايه
منه بهدوء:انا عايزه اعرف كل حاجه عنك
رمزي:هيجي يوم و هتعرفي
منه:عيزه اعرف قبل ما نكتب كتابنا
رمزي:هي اروي قالت ليكي
منه:ايوه وانا عايزه اعرف
رمزي:هحكيلك بس مش كل حاجه في حاجات لو عرفتيها هتبعدي عني
منه:الحاجات دي مستمره لحد الان
رمزي:لا والله
منه:خلاص يبقا مش تهمني انا يهمني من يوم ما بقينا سوا
رمزي بابتسامه بشوشه:انت فعلا عوض ربنا ليا
منه:يلا انا سمعاك
رمزي:هطلب الاكل واحكيلك
طلب رمزي الاكل وبص ليها
منه:رمزي مهما كان اللي هتقوله انا جنبك
رمزي:من 6 سنين كنت انا لسه ظابط صغير فيبدايت مشواري وكنت بسعي ديما ان اكون الاول في كل حاجه
كان والدي عايز يسافر هو وامي شرم الشيخ يقضوا كام يوم في اليخت بتاعي انا قولت ليه تمام بس انا مش هاجي لان عندي شغل
سافروا و طلعوا باليخت كنت انا وقتها ظابط و مشارك ياسين في مشروع صغير و شاب و معايا
فلوسي بعيد عن اهلي وشكلي وسيم شويه فطبعا هسيبك تتخيلي انا كنت بعمل ايه
منه:عيزه اسمع منه
رمزي:كنت كل يوم مع بنت وسهر وشرب ياسين كان كدا بردو بس ياسين بيعرف يوقف نفسه في
الوقت المناسب انا لا
المهم بعد ما طلعوا باليخت بكام ساعه المرسي كلمتني قالولي ان المركب غرقت
اتضمرت نفسيا روحت هناك وكنت هموت من الانا شايفه وان اهلي راحوا مني في ثواني
اخد رمزي نفسه وحاول ان دموعه مش تبان لكن كانت واضحه لمنه
منه:خلاص متكملش كفايه كدا
رمزي:لا هحكيلك انا تقريبا اول مره احكي لحد غير ياسين
ياسين كان علطول سند لينا انا وحسام حتي لما اختو ماتت كان ساند حسام اللي هي كانت خطيبته
بعدها عرفة ان كان في ثقب في اليخت ومحدش من الصيانه كان عارف
اخدة اجازه من الشغل والسهر زاد والشرب زاد البنات زادت كنت بتضمر بالبطيئ
(كان رمزي بيتكلم ودموعه نزلت )
لحد ما ياسين مسكني ضربني
متستغربيش ايوا ضربني وحبسني عنده في القصر مع جدته لحد ما بدات افوق واثر ضربه يروح اجبرني اعيش معاه واسيب الشقه الانت عايشه فيها
اجبرني ارجع الشغل وانزل الشركه معاه رغم ان مش اعرف فيها حاجه
بداء ياسين يعلمني ازاي اشتغل في الشركه اشترالي فيلا جنبه عشان اكون تحت عينه
دا غير المراقبه ال 24 ساعه اللي لسه لحد الان موجوده عليا وعلي حسام وعلي اي حد قريب من ياسين
شويه بشويه بدات ابقا تمام وافوق لشغلي واتخطيت الصدمه بمساعدة ياسين وجدته طبعا اللي طول عمرها ام لينا كلنا
رمزي بابتسامه حزينه هو بيمسح دموعه
و اهو الوقتي انا رمزي بيه المرشدي قاعد قدامك
منه:الحمدلله ان هي كانت فتره وعدة وربنا يرحمهم هما في مكان احسن وانا جنبك اهو هكون امك واختك وبنتك واخوك وابوك لو عايز
رمزي بضحك:لا انا عيزك مع اي حد اخويا وابويا اها لكن معايا انا عايز منه الحلوه الطعمه الرقيقه اللي وشها احمر وبقا طماطم دا
منه بخجل:بس بقا الاكل اجه اهو كل يلا عشان اروح اذاكر
بدء رمزي ومنه في الاكل وقطعته منه
منه:رمزي ممكن سؤال
رمزي:عيوني انت مش تسازني انت تسالي علطول
منه:هو البنات الانت كنت بتصاحبهم كانوا يعني
رمزي:كانوا ايه قولي
منه بخجل:بيجوا الشقه وكدا
رمزي بابتسامه:هتصدقي ردي
منه:طبعا
رمزي:انت اول ست تدخل الشقه دي بعد امي الله يرحمها
منه براحه:طمنتني
رمزي:وانت كنت قلقانه ليه
منه:كنت خايفه اكون زيهم
رمزي:اوعي تقارني نفسك بحد انت غير كل الناس دي
ابتسمت منه وكملت اكل هي و رمزي
.................................
كان ياسين بيلبس في جناحه لما خبط الباب بتاع الجناح
ياسين:ادخلي يا اروي
دخلة اروي:حضرتك كل حاجه جاهزه الاوض والاكل
ياسين :تمام هما خلاص علي وصول
انهي ياسين جملته ورن جرس الباب
اروي:بعد ازنك
ياسين:اروي
اروي:نعم
ياسين:خليكي ديما فاكره الوعد البنا وان انت عندي غاليه اوي بس اوقات الظروف بتحكمنا
اروي:انا مش فاهمه حاجه بس حاضر
نزلت اروي تفتح الباب وكان اخر شخص هي تتوقع وجوده