القاسي والبريئة
(الجزء الثاني عشر)
بقلم الاء ابو العز
في الصباح
فتح ياسين عينه وهو حاسس بتعب كبير
ضغط ياسين علي جرس المطبخ ولكن مفيش حد طلع ليه
ياسين:اكيد مشت
حاول ياسين يقوم لكن الباب اتفتح
اروي:كنت محتاج حاجه حضرتك
ياسين بصدمه وفرحه :انت لسه هنا
اروي:مش همشي غير لما جدة حضرتك ترجع
ياسين:طب انا تعبان اوي
قربت منه اروي
اروي:تسمحلي
ياسين:بايه
حطت اروي اديها علي راسه شافت ان هو سخن
كانت اروي اديها علي راسه وهو مستمتع بلمستها
اروي:حضرتك سخنت تاني لازم اعملك كمدات وتاخد العلاج
ياسين:طيب
اروي:خد شور بدل الكمدات وانا هجيب الاكل والعلاج من تحت
ياسين:تمام
حاول ياسين يقف لكن كان هيقع سندته اروي
ياسين وهو مقرب من اروي:انت حلوه اوي
اروي بخجل:ياسين بيه اتحرك معايا لحد ما توصل للحمام
ياسين:اروي
اروي وهي بتبص ليه:نعم
ياسين:انا اسف
اروي:علي ايه
قرب منها ياسين وحضانها
كانت اروي لمدة دقيقه مصدومه لكن فاقت وبعدة عنه
اروي وهي هتعيط:لي كدا
ياسين:هتصدقيني لو قولتلك ان من اول يوم شوفتك وانا نفسي اخدك في حضني
اروي بعياط:لي بتخليني اخاف منك
ياسين:اوعي تخافي مني والله عمري ما هازيكي ابدا
اروي بسخريه:بامارة العقد ابو مليون ولا الطلب الانت كنت عايزه مني مقابل الفلوس
ياسين بحده:اولا انت يومها مش سبتيني اكمل كلامي يومها واتسرعتي وضربيتيني دا خلاني اعمل معاكي كدا
اروي:دا رد فعل طبيعي مني
ياسين:مش هنكر ان اعجابي بيكي زاد من يومها بس بردو كان لازم اعاقبك
اروي بانهيار :انا مش كنت استاهل منك كل دا مش كنت استاهل كل الذل دا
ياسين بحزن عليها:انا اسف صدقيني كنت بعمل كل دا عشان تكرهيني كنت بعمل كدا عشان اثبت لنفسي انك مش فارقه معايا
اروي بهدوء:احب اقولك ان طريقتك عملت العكس معايا
ياسين:ومعايا
اروي:يعني ايه
ياسين:يعني انا بحبك وهتجوزك
اروي:مستحيل
ياسين:لي
اروي:لان انا...
ياسين:كملي انت ايه بتكرهيني صح انا اصلا مش اتحب انا عارف
اروي:انا بحبك
ياسين:انت قولتي ايه
اروي:انا قولت مستحيل لان انت شايفني فرح اختك
ياسين:في الاول اها الوقتي لا
اروي:انت نادتني باسمها امبارح
ياسين:لان كنت بحلم بيها صدقيني
اروي:بس انا خايفه
ياسين:ليه
اروي:يكون دا كله حلم
ياسين:والله انا كمان خايف بس هنصدق ان هو حقيقه
اروي:ازاي
ياسين:اول ما جدتي ترجع هنتجوز
اروي:جواز كدا علطول
ياسين:اها مش هبعدك عني تاني انا خلاص اقتنعت ان مش هقدر اعيش من غيرك
اروي:وكلامك امبارح
ياسين:كان لسه عندي امل ان اكرهك فيا
اروي:اعترف يا ياسين بيه انت فشلت
ياسين بضحكه:اول مره احب فشلي
اروي بتغير للموضوع:طب يلا انت محتاج تاخد دش وانا هجهز الاكل
ياسين بابتسامه:تمام
اتحرك ياسين للحمام وكان مبسوط واروي نزلت وكانت طايره من فرحتها
...........................
كان رمزي واقف قدام الكليه مستني منه
خرجة منه و هي بتقرب من رمزي قرب عليها ولد وشدها من اديها
منه:انت بتعمل اي يا حمزه سيبني
حمزه:هعرفك ازاي متبقيش زي الخاتم في صباعي
لسه حمزه بيدخل منه العربيه حس بحد بيمسكه من ضهره
منه جرت علي رمزي واستخبت وراه
رمزي:مش عيب تمد ايدك علي حاجه غيرك
حمزه:الله ما انت ليكي في الجو اهو اومال جيتي معايا وقولتي لا ليه ولا حلو ليه و لكل الدفعه بتاعتك و حمزه لا
منه برعب:انت كداب متصداقوش يا رمزي
رمزي بحده:روحي علي العربيه حالا
منه من صدمتها من كلام حمزه كانت مش عارفه تتحرك
رمزي بصوت عالي:يلا علي العربيه
اتحركة منه اخيرا واول ما وصلت عربية رمزي شافت رمزي مسك حمزه وقعد يضرب فيه
منه خافت وقعدة تعيط وخوفها زاد لما شافت رمزي بيقرب من العربيه و وشه احمر وعنيه لون الدم
ركب رمزي العربيه وانطلق بيها من غير ولا كلمه لحد ما وصل عند الشقه اللي منه قاعده فيها
رمزي بحده:تطلعي فوق وتفضلي قاعده لحد ما اجيلك تاني
نزلت منه تجري من غير ما تتكلم بسبب خوفها منه
اتحرك رمزي بالعربيه علي قصر ياسين
.......................
كانت اروي قاعده جنب ياسين علي السفره بتاكله
ياسين:كفايه مش قادر
اروي:انت مش اكلت حاجه لازم تاكل عشان العلاج
ياسين:طب شويه كدا هاكل تاني
اروي:هتاكل الوقتي وشويه وتاكل تاني
رن جرس الباب وقامت اروي تفتح و كان رمزي
دخل رمزي وهو متعصب
رمزي:ازيك يا اروي ياسين فين
اروي:جوا في السفرا
دخل رمزي علي ياسين
ياسين:مالك وشك عامل كدا ليه مين مضايقك
رمزي:مفيش
اروي:طيب هسيبكم لوحدكوا ياسين بيه خلص اكلك عشان تاخد العلاج
رمزي:انت ماللك
ياسين:دور برد بس
رمزي:اروي تعالي اقعدي انا جايلك اصلا
ياسين بحده:لي خير
رمزي:اروي انا عايز اكتب كتابي علي منه النهارده قبل بكرا
اروي بصدمه:النهارده ازاي وهي منه تعرف
رمزي:لا بس بردو انا عايز النهارده
ياسين بحده:ما تهدي يبني وتفهمني ايه الحصل مخليك مصمم كدا
رمزي:حصل مشكله مع واحد زملها في الكليه عشان لو اتكلم ابقا انا جوزها
ياسين:بس كدا ولا في حاجه تانيه
رمزي:لا بس كدا
ياسين:خلاص استني لحد ما نهود ترجع اخر الاسبوع وتكون منه عرفة وجهزة نفسها
رمزي:بس....
قاطعه ياسين:رمزي افرض هي مش عايزه تتجوز الوقتي وعايزه خطوبه
رمزي بص لاروي
رمزي:هي فعلا عيزه كدا
اروي:انا معرفش هي عايزه ايه سيبني اتكلم معاها
رمزي بحزن:ماشي وانا هعمل اللي يريحها
ياسين:يعم استني واحنا نعمل فرحنا سوا
رمزي بصدمه:انت هتتجوز
ياسين:اها اروي
رمزي بصدمه:احلفوا
رن جرس الباب
اروي بخجل:انا هفتح
فتحت اروي وكان حسام
حسام:ازيك يا اروي
اروي:الحمدلله
حسام :ياسين فين
اروي:في السفره
دخل حسام وياسين ورمزي كانوا قاعدين
حسام:كويس انك هنا تعالوا ندخل المكتب لازم نتكلم شويه
ياسين بص لاروي:ممكن تعملي قهوه لينا
اروي:حاضر
حسام:غريبه بتتكلم بهدوء يعني
ياسين:تعاله وانا افهمك
اتحرك ياسين و رمزي و حسام للمكتب ودخلة اروي المطبخ
اتصلت اروي منه
منه:اروي ازيك
اروي:صوتك ماله
منه:مفيش حاجه انا تمام
اروي:طيب عموما رمزي جالي
منه:قالك ايه
اروي بخبث:مش قال حاجه مهمه يعني كان عايزبس يكتب كتابك النهارده وانا مش وافقت
منه:انت بتقولي ايه
اروي:هتقوليلي حصل ايه ولا ارفض الجوازه كلها
بدات منه تحكي الحصل
اروي:تمام انا كدا فهمته
منه:هترفضي يااروي
اروي:انت عايزه ايه
منه بخجل:الانت تشوفيه
اروي:لاياشيخه طب تمام ارفض وانا مطمنه بقا
منه بتسرع:لا يا اروي انا موافقه
اروي بضحك: يبنتي اتقلي شويه مش كدا
منه:لا مش هتقل
اروي:طيب يا لمضه سلام الوقتي
قفلت اروي مع منه واخدة القهوه للمكتب
.....................
ياسين:مش هقدر اعمل كدا يا رمزي مش هقدر انا لما صدقة
رمزي:لازم دا اللي يحصل يا ياسين عشان نخلص من الهم دا
حسام:حاول يا ياسين حاول
خبط الباب ودخلة اروي المكتب وحطت القهوه
اروي:محتاجين حاجه تانيه
ياسين بحده:شكرا اتفضلي
خرجة اروي قعد ياسين وحط اديه علي راسه
قرب رمزي وطبطب عليه
رمزي:خلاص هانت فتره وتخلص