رواية عناد الحب والكبرياء
الجزء الثاني من متمردة عشقت كبرياءه
الفصل السادس
فى فيلا اسر ومها
مها :- نزلت جابت اختبار حمل ورجعت الفيلا و دخلت الحمام وبعد شويه طلعت والصدمه على وشها ومسكه الشريط فى ايديها وبتبص عليه وقعدت على حرف السرير وقالت لالالا انا
لازم أنزله مش هقدر اخليه بس ازاى انا اخاف اروح لدكتور واعمل عمليه طيب اعمل ايه وبعدين سكتت شويه تفكر وبعدين قالت بس فكره ومسكت التليفون وطلبت ارقام وانتظرت الرد
مها :- السلام عليكم
الموظفه:- وعليكم السلام امرى حضرتك
مها :- لو سمحتى ممكن اكلم الدكتور
الموظفه :- أقوله مين حضرتك
مها :- مدام مها عبدالرحمن مظهر
الموظفه :- طب خليكى معايه ثوانى وبعد شويه سمعت صوت الدكتور بيقول
الدكتور:- اذيك يا مدام مها
مها :- الحمدالله يا دكتور
الدكتور :- اتفضلى قولى يا مدام مها
مها :- احم ا.ا انا حامل فى أول شهر وجت غلطه فا انا كنت عايزه اسم برشام أنزله بي علشان حضرتك عارف يا دكتور أن بنتى لسه صغيره فا مش هينفع اجيب عيال دلوقتى
الدكتور :- ايوه بس لازم يكون بموافقة الزوج
مها :- ها ا.ا.اه اسر موافق يعنى هعمل كده من وراه
الدكتور :- تمام اكتبى عندك وقال ليها على اسم البرشام
مها :- بفرحه شكرآ حضرتك وقفلت معاه
الدكتور :- الو مدام مها مدام مها وطلب الموظفه وقال اتصلى على الرقم ده
الموظفه :- حاضر يا دكتور
عند مها
قفلت مع الدكتور واتصلت على الصيدليه وطلبت البرشام والتليفون فصل شحن
مها :- يوووه فصل شحن مش مهم المهم عرفت اتصرف ولما أنزله ابقى اقول سقط وخلاص
وحطت التليفون على السرير وقامت دخلت الحمام
عندالدكتور
الموظفه :- دكتور التليفون مقفول اعمل ايه
الدكتور :- مش ليهم رقم تانى فى الملف بتاعها
الموظفه :- ايوه يا دكتور
الدكتور :- اتصلى بي وادهونى
الموظفه :- حاضر يا دكتور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر
كان قاعد على مكتبه وهو متعصب من مها وشويه وتليفونه رن بيص فى التليفون شاف رقم غريب فتح وقال
اسر :- السلام عليكم
الموظفه :- ثوانى حضرتك وحولت المكلمه للدكتور
الدكتور :- استاذ اسر جوز مدام مها
اسر :- بخضه ايوه يا دكتور خير
الدكتور :- اطمن يا استاذ اسر بس لما قولت اسم البرشام لمدام مها قفلت علطول من غير ما تعرف مواعيد البرشام
اسر :- بعدم فهم برشام ايه
الدكتور :- حكى لأسر اللى حصل وبعدين قال فياريت تبلغها أن هو حبايه واحده الصبح وحبايه بليل اوع تكتر عن كده علشان متخسرش دم كتير ويسبب خطوره على حياتها
اسر :- وهو بيحاول يتحكم فى أعصابه قال شكرآ يا دكتور وقفل مع الدكتور وقام بعصبيه واخد مفاتيحه من على المكتب ونزل ركب عربيته وساق العربيه بسرعه جنونيه وراح الفيلا
فى نفس الوقت اللى وصل فيه البرشام اخده اسر منه وحاسبه ومشى ودخل هو الفيلا طلع اوضت النوم وفتح الباب وهو متعصب
مها :- اول ما شافته اتصدمت وقالت ا.ا.اسر ا.ا.انت رجعت بدرى ليه
اسر :- وهو متعصب ايه مكنتيش متوقعه أن انا اللى اجى دلوقتى
مها :- ها ل.ل لا م.م.مش قصدى وكانت بتبص على الباب وهى متوتره
اسر :- انتى مستنيه حد ولا ايه
مها :- ل.ل.لا ه.ه.هستنا م.م.مين ي.ي.يعنى
اسر :- مش عارف ومتوتره ومش على بعضك
مها :- وهى متوتره عادى يعنى
اسر :- ممكن تكونى مستنيه ده يعنى وحدف فى وشها البرشام
مها:- اتصدمت وقالت ج.ج.جبته منين
اسر :- مسكها من شعرها وقال أراد ربنا أن هو يكشفك وتليفونك فصل علشان الدكتور يتصل بالرقم البديل اللى هو بتاعى انا انتى ايه شيطانه عايزه تكفرى بنعمة ربنا ده رزق ربنا بعته لينا فى غيرنا بيتمنو ضوفر عيل ومش عارفين يجيبوه الواضح كده أن علشان بحبك دلعتك وخليتك تعملى اللى فى دماغك من غير ما تفكرى فى غيرك
مها :- بدموع من وجع راسها اااااااه شعرى يا اسر ا.ا.انا قولتلك هنزله
اسر :- بعصبيه وهو بيشد على شعرها اكتر وانا قولتلك لا متنزلهوش صح لكن صممتى تنزليه برضه
مها :- اااااااه يا اسر
اسر :- رفع أيده وضربها بالقلم على وشها وقال الواضح كده أن دلعتك وعايزه تتعدلى من اول وجديد
مها :- اتصدمت من القلم وقالت ا.ا انت بتمد ايدك عليا يا اسر
اسر :- واكسر رقبتك كمان انا قولتلك لو فكرتى تعملى كده تلزمى بيت اهلك اجهزى علشان هوديكى
مها :- لالالا يا اسر ا.ا انا غلطانه بلاش بالله عليك تمشينى
اسر :- من غير ما يبصلها اخلصى بدل ما اخدك باللى عليكى
وخرج وسبها فى الاوضه
مها :- اترمت على السرير وقعدت تعيط وشويه سمعت صوت اسر بينادى عليها قامت لبست هدومها وحضرت شنتطها ونزلت وهى دموعها على خدها
اسر :- بصلها ولسه هيمشى
مها :- بدموع مسكت دراع اسر وقالت انا اسفه يا اسر بلاش تعمل كده اهون عليك ده انا ميمو حبيبتك حب عمرك سامحنى بالله عليك
اسر :- شد دراعه منها وقال امشى مفيش وقت وسبها شايله الشنطه وركب العربيه
مها :- حطت الشنطه فى العربيه وقعدت جنبه فى العربيه ودموعها نازله منها
اسر :- شغل العربيه ومشى بيها على شقة امها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت عبدالرحمن
وصلت مليكه وهى دموعها على خدها وخبطت على الباب فتحت ليها فايزه
فايزه :- اول ما شفتها اتخضت
مليكه :- اترمت فى حضن امها وقعدت تعيط
فايزه :- بخضه مالك يا مليكه حد حصله حاجه
مليكه :- بدموع محدش حصله حاجه قلبى هو اللى حصله
فايزه :- انتى متخانقه مع فهد
مليكه :- بدموع انا عايزه أطلق منه يا ماما
فايزه :- بصدمه ايه اللى انتى بتقوليه ده
مليكه :- بنأدم غشاش ومقدرش اعيش معاه تانى وسبتها ودخلت الاوضه وقفلت الباب عليها
فايزه :- يابنتى فهمينى بس ايه اللى حصل ولسه هتقفل باب الشقه
اسر :- استنى يا مرات عمى
فايزه :- اسر تعال يا ابنى
مها :- اول ما شافت امها طلعت تجرى عليها واترمت فى حضنها وقعدت تعيط
فايزه :- بأستغراب ومالك انتى كمان
مها :- اسر ضربنى ومش عايزينى تانى
فايزه :- ازاى يعنى وبصت لأسر
اسر :- ايوه يا مرات عمى مها خلاص متلزمنيش تانى اهى عندك
فايزه :- بصدمه ليه كده يا ابنى
اسر :- الهانم حامل وكانت عايزه تنزل اللى فى بطنها من ورايا
فايزه :- استغفر الله العظيم بصت بغيظ لمها وقالت انتى كنتى عايزه تعملى كده بجد
مها :- بصت فى الارض ومردتش عليها
فايزه :- ضربت مها بالقلم وقالت من امته وانتى طايشه فى تصرفاتك كده بتكفرى بنعمة ربنا بدل ما تحمدى ربنا على النعمه اللى ادهالك فى غيرك بيتمناها
مها :- بصت بصدمه لامها وحطت ايديها على وشها وقالت انتى بتضربينى يا ماما انتى عمرك ما عملتيها معايه
فايزه :- بعصبيه واكسر رقبتك كمان لما الاقيكى بتعملى الغلط وبصت لأسر وقالت من حقك يا ابنى مقدرش اقولك حاجه بنتى هى اللى غلطانه
اسر :- عن اذنك يا مرات عمى والعيال انا هجبهم ليها من المدرسه
فايزه :- طب ادخل يا ابنى
اسر :- معلش يا مرات عمى انا هروح الفيلا وسبهم ومشى
مها :- بصت لامها وعنيها كلها دموع ودخلت تجرى على اوضتها
فايزه :- ايه اللى بيحصل لبناتى ده بس يارب الطف بينا من عندك وقفلت الباب ودخلت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة مى ومازن
وصل مازن من الشغل وكانت مى خلصت الاكل واخدت شاور ولبست هدوم مغريه
مازن :- اول ما دخل اتفاجئ بمنظر مى بصلها من غير ما يديها اي اهتمام قال عملتى الاكل
مى :- عملت ليك كل الاكل اللى بتحبه
مازن :- بأستغراب ايه جد يعنى
مى :- وهى بتقرب عليه بدلع جوزى حبيبى بلاش ادلعه
مازن :- قام وقف وقال روحى البسى حاجه مقفوله بدل ما بنتك تيجى تشوفك بالمنظر ده
مى :- اتصدمت من كلام مازن وقالت يعنى انا لبسه كده لمين مش ليك وانت اللى عايز كده
مازن :- انتى معندكيش مخ تفكرى بى واللى يلبس كده يلبسه قدام العيال ولا فى اوضت النوم واحده غبيه وسبها ودخل يغير هدومه
مى :- دموعها نزلت منها وحست أن اللى بيحصل ده فوق احتمالها مسحت دموعها ودخلت فتحت الباب بعصبيه وقالت بصوت عالى انت ايه يا اخى شايف نفسك على ايه ذل واهانه
منعتنى اكمل تعليمى قعدينى فى البيت شبه الخدامين عيشتينى اسود ايام حياتى كرهتنى فى نفسى وفى العيشه خلتنى اتمنى الموت الف مره حاولت كام مره اغيرك حاولت
اكلمك وافهمك أن انا بقايه عليك كل ده ومش عاجب عايشه بأقل القليل وراضيه وساكته تقدر تقولى اخر مره جبت ليا طقم خروج البسه امته تقدر تقولى اخر مره فكرت فينا انا
وبناتك احنا اخر همك بنتك كرهتك بسبب قلة اهتمامك بيها انت واحد انانى عايز تاخد ومتديش انا خلاص تعبت وطفح الكيل منك مش قادره استحمل العيشه معاك وسكتت شويه وقالت طلقنى يا مازن
مازن :- بصلها بقلة اهتمام وقال روحى حضرى الاكل يا مى
مى :- ولاول مره من جوازها تقول ليه لا
مازن :- يعنى
مى :- يعنى خلاص انا مش هعمل ليك حاجه تانى وهاخد بناتى وهروح عند امى وياريت تبعت ليا ورقة طلاقى لان بجد مبقتش طيقاك ولا طيقه العيشه معاك
مازن :- يعنى ده اخر كلام عندك
مى :- بتحدى ايوه يا مازن
مازن :- اعملى حسابك لو خرجتى من باب البيت ده مش راجعه تانى
مى :- مش عايزه ارجع يعنى هرجع للجنه يا اخى ده جحيم
مازن :- انتى فى ايه النهارده ايه حصلك ونمردك عليا كده
مى :- فى أن انا مليت وزهقت من العيشه معاك كرهتك وكرهت فرعنتك عليا انت خلتنى اضعف مخلوقه على الأرض رسمت ليا احلام ورديه اول الجواز وصحيت على كابوس معاك
انا عايشه معاك فى جحيم فاهم جحيم وفتحت الدولاب وحضرت شنتطها ولبست العبايه وحطت الطرحه وشالت الشنطه كل ده تحت نظرات مازن ليها ولسه هتمشى
مازن :- اخر كلام عندك
مى :- ايوه
مازن :- انتى طالق يا مى
مى :- دموعها خنتها ونزلت منها وقالت احسن حاجه عملتها من يوم ما عرفتك ومشيت شالت بنتها الصغيره وكانت وصلت تيلا اخدتهم ونزلت وقفت تاكسى وركبته وراحت على شقة امها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
دخل فهد وهو متعصب وكانت ناديه قاعده فى الجنينه
ناديه :- بأستغراب مالك يا فهد
فهد :- مفيش
ناديه :- فين مليكه مش ظاهره ليه النهارده هى تعبانه ولا حاجه
فهد :- لا هتقعد عند امها يومين
ناديه :- بأستغراب ازاى دى عمرها ما عملتها من يوم ما اتجوزته
فهد :- بعصبيه اهو ده اللى حصل بقى مش تحقيق هو وسبها ودخل الاوضه بتاعتهم وبص على هدوم مليكه ومسكها وقال ليه تتسرع وتشكى فيا يا مليكه كنتى سمعتينى الاول ليه ليه وشد هدومها قطعها ورمها فى الارض ونزل تانى ركب العربيه ومشى بيها بسرعه كبيره
قعد يلف فى شوارع اسكندريه شويه وبعدين راح على بيت مليكه ونزل من عربيته وطلع رن الجرس
فايزه :- فتحت الباب وقالت فهد تعال يا ابنى عماله ارن عليك التليفون مش بترد
فهد :- دخل وقعد على الكنبه وقال فين مليكه
فايزه :- من ساعة ما جت وهى قافله على نفسها باب اوضتها ومش عايزه تكلم حد
فهد :- قام وراح خبط على باب اوضتها وقال افتحى يا مليكه
مليكه :- ................
فهد :- بعصبيه افتحى علشان ما اكسرش الباب عليكى
مليكه :- فتحت الباب وقالت عايز ايه جاى ورايا ليه مش مكسوف من نفسك تورينى وشك ده انت بنأدم وقح بجد
فهد :- لمى لسانك علشان مقطعهوش ليكى وبعدين انا معملتش حاجه غلط علشان اتكسف واخبى نفسى عن الناس
مليكه :- بعصبيه ياراجل انت بنأدم خاين وواطى وزباله
فهد :- مسكها من دراعها بعصبيه وقال قولتلك لمى لسانك علشان مفقدش اعصابى وأمد ايدى عليكى وحاولى تهدى علشان تفهمى الحقيقه
مليكه :- شدت دراعها من ايد فهد وقالت بعصبيه افهم ايه انت واعى لكلامك واحد مع واحده فى الشقه اللي بدأنا فيها حياتنا وعريان ايه كانت بتكشف عليك مثلا ولا كانت بتعمل ليك وشم
زى ما بنشوف فى الافلام انت مفكرنى عبيطه وتقدر تضحك عليا بكلمتين لا فوق انا مليكه عبدالرحمن مظهر اول واحده تمد ايديها عليك وترفضك وتقف قصادك ومستعده اعمل كده مره واتنين وتلاته
فهد :- يا مليكه لاخر مره بقولك أهدى وافهمى علشان متقوليش كلام تندمى عليه بعد كده وتخسرينى علطول
مليكه :- بعصبيه لا حوش هموت عليك وعايزه اعيش مع واحد خاين زيك لاخر مره اقولك طلقنى يا فهد
بس قبل ما تكمل كلامها كانت ايد فايزه هتنزل على وشها لكن ايد فهد مسكتها وقال
فهد :- لا يا حماتى بلاش تمد ايدك عليها وانا واقف وبص لمليكه وقال انا هطلقك بس لما تعرفى الحقيقه بس خليكى عارفه لو عيونك نزلت دم بدل الدموع مش هرجعك تانى انا
فعلا كنت فى شقه مع واحده وكمان سمعتها كانت مش حلوه وكانت بتيجى تنام معايه قبل ما اتجوزك بس بعد ما اتجوزتك بفتره جت ليا سحر وهى مضروبه من جوزها علشان كانت عايزه تتوب للربنا وهو عايزها تكمل فى اللى كانت بتعمله
طلبت حمايتى وقفت جنبها وساعدها على التوبه وقعدها فى الشقه والتزمت بمصروفها ومصاريف اولادها وبشترى ليهم كل اللى بيحتاجه وانهارده اتصلت بيا وقالت إن جوزها عرف
مكانها ورجع يتعرض ليها تانى وعايزها تنزل تشتغل الشغل القديم وكانت بتعيط وعدها أن انا هحميها قولت ليها هخلص شغل وهروح ليها على الشقه وروحت ليها وانتى جيتى ونزلت وراكى وسبتها
مليكه :- انت مفكرنى عبيطه وكنت قالع ليه الجو حر مثلا
فهد :- لا يا مليكه بس اول ما روحت حطت ليا عصير وابنها شاط الكوره والكوبايه وقعت على القميص قلعته وكنت هلبس غيره
مليكه :- صقفت ليه وقالت لا برافو عليك مؤلف عظيم تنفع والله تألف فى السينما مفكرنى هصدق القصه الخايبه دى
فهد :- والله انا قولت الحقيقه عايزه تصدقى صدقى مش عايزه براحتك بس انتى اللى علمتينى لو واحد محتاج تساعده على التوبه امد أيده واخده ليها وهى أول ما جت وطلبت منى
اساعدها على التوبه افتكرت كلامك علشان كده ساعدها من غير تفكير وعمومآ انا هنفذ وعدى ليكى انا عرفتك الحقيقه ودلوقتى انتى طالق يا مليكه وسبها ومشى
مليكه :- اول ما سمعت كلمة طالق انهارت وقعدت تعيط واترمت فى حضن امها
فايزه :- ليه عملتى كده فى نفسك يا مليكه مع أن واضح صدق كلام جوزك
مليكه :- اى واحده مكانى وشافت وضع جوزها كده كانت هتعمل زى واكتر
فايزه :- طب انتى بتعيطى ليه علشان بتحبيه وعايزاه ولا علشان مش قادره تصدقيه
مليكه :- ايوه يا ماما بحبه وكلمة طالق لما قالها كأنه ضربنى بسكينه فى قلبى وجعتنى اوى يا ماما وقلبى بينزف من جوه انا بحب فهد اوى ومن غيره اموت
فايزه :- طبطبت عليها وقالت وهو بيحبك يهدا شويه وربنا يصلح الأمور من عنده ادخلى اوضك ريحى
مليكه :- دخلت اوضتها واترمت على السرير وقعدت تعيط
فايزه :- لسه هتدخل اوضتها جرس الباب رن قالت خير يارب هو فى ايه النهارده وفتحت الباب
مى :- اترمت فى حضن امها وعيطت
فايزه :- بصدمه اوعى تقولى انك انتى متخانقه مع جوزك
مى :- بدموع أطلقت من مازن يا ماما
فايزه :- هو فى ايه اللى بيحصل بالظبط انتو التلاته وفى يوم واحد اللهم لا أسألك رد القضاء ولكن أسألك اللطف بى وطبطبت على مى وقالت ادخلى اوضك وريحى ولما تهدى ابقى احكى ايه اللى حصل
مى :- اخدت بناتها ودخلت الاوضه وقفلت وراها الباب
فايزه :- ايه اللى حصل ليكم يا بنات عبدالرحمن يارب اصلح حالهم واهديهم واسعدهم يارب ودخلت اوضتها واتوضت وصلت راكعتين وقعدت تقراه فى المصحف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا عز
وصل فارس بعربيته ونزل منها
وطلب يقابل عز وداخل قعد فى الصالون وبعد شويه دخل ليه عز
عز :- اذيك يا ابنى عامل ايه
فارس :- الحمدالله أذى حضرتك
عز :- نحمده خير يا ابنى
فارس :- بص حضرتك ومن غير مقدمات انا جاى اطلب ايد الانسه جومانه
وفى الوقت ده نزلت جومانه
وسمعت كلام فارس واتصدمت
عز :- شاف جومانه على الباب قال تعالى يا جومانه الموضوع يخصك
جومانه :- دخلت وهى متوتره وقعدت
عز :- انتى سمعتى اللى قاله استاذ فارس
جومانه :- وهى مكسوفه هزت راسها بمعنى ايوه
عز :- هسيبكم وشويه وهرجع ليكم وخرج عز من الاوضه وساب جومانه مع فارس
فارس :- بص ليها بأستفزاز وقال لا يابت كيوت اوى وهاديه
جومانه :- رفعت راسها وبصت ليه وقالت نعم
فارس :- ده انتى طلعتى بتتكسفى زى البنات العاديه يعنى
جومانه :- زى امال انا ايه
فارس :- لا انتى برعى عبده لكن جومانه دى استحاله
جومانه :- اتعصبت وقالت ولما انت شايفنى كده جيت ليه هنا تطلب ايدى
فارس :- قام وقعد جنبها وقال انتى اللى بدأتى التحدى معايه وجيت اعرفك انا ابقى مين واعرفك بتتحدى مين
جومانه :- يعنى جوازك منى تحدى
فارس :- امال انتى مفكره ايه واقع فى جمال عيونك مثلا
جومانه :- اعتبر نفسك مرفوض مش موافقه يا استاذ فارس
فارس :- بأستفزاز طق طق طق انتى طلعتى ضعيفه اوى وخفتى من اول جوله وانسحبتى
جومانه :- بغيظ لا مش ضعيفه
فارس :- وعامله نفسك سبع رجاله فى بعض وانتى محصلتيش حتى فار
جومانه :- كده ماشى يا فارس فتحت الباب وقالت بابا بابا
عز :- جه وقال ايوه يا جومانه
جومانه :- انا موافقه على الجواز من فارس
فارس :- بص ليها بأنتصار
جومانه :- بصت ليه بتحدى
عز :- تمام يا ابنى شوف هتيجى امته انت واهلك تنورونا
فارس :- اكيد هبلغهم وارد عليك فى التليفون
عز :- أن شاءالله يا ابنى نورتنا
فارس :- بنورك عن اذنك وراح يسلم على جومانه وقرب من ودنها وقال جهزى نفسك يا عروسه
جومانه :- قربت ليه واتكلمت بنفس لهجته وقالت انا جاهزه جهز نفسك انت يا عريس
فارس :- ضحك ليها ضحكت استفزاز
جومانه :- ردت ليه نفس الضحكه وربعت ايديها قصاد صدرها
فارس :- مشى وركب عربيته وهو بيستحلف ليها أن هو هيندمها على اللحظه اللى فكرت فيها أن هى تتحداه ومشى بالعربيه وراح الفيلا عنده
لقراءة الجزء الاول جميع الفصول كاملة من هنا