« انت حلمي»
البارت السادس
بقلم اية علي
اسد: ايوة يا مازن فيه ايه
مازن: اسد باشا فيه مصيبة حصلت
اسد: ما تخلص تقول حصل ايه هو انا بشحت منك الكلام
مازن: ادهم هرب من المخزن
اسد بعصبية: انت بتقول اييييييه وهرب ازاي اقفل وانا جاي
قفل اسد الخط في وش مازن وجاي يخرج
محمد: فيه يا اسد ومين اللي هرب
اسد وهو بيخرج: بعدين يا خالي بعدين
وخرج اسد من العمارة وركب عربيتو وراح على المخزن اللي في ستة اكتوبر عشان يعرف ادهم هرب ازاي وصل اسد للمخزن ونزل من العربية ودخل المخزن شاف مازن وباقي رجالتو
اسد لمازن: انا عايز اعرف هو هرب ازاي وانتو كنتو فيييين
مازن بخوف: يا باشا انا كنت في..... ورجعت لقيت الحراس مضروبين وهو هرب
اسد بنرفزة: ما انا مشغل شوية تيران معايا روحو دوروا عليه وهاتوه يلاااااا
ذهب حراس اسد بخوف منه لكي يبحثو عن ادهم
اسد ل مازن: عملت ايه
مازن بجديه: العملية هتتم بعد تلات ايام في.... الساعة واحدة باليل
اسد: تمام بص بقا عشان محدش يشك في حاجة الخطة هتكون..................... تمام؟
مازن: تمام يا فندم
اسد: مش عايز اي غلطة عايزين نقبض عليه متلبس هو ورجالتو مفهوم
مازن: مفهوم يا باشا
اسد بتزكر: صح عملتو ايه مع الكلب التاني
مازن: متلقح جوة يا باشا ومتوضب ع الاخر
اسد بتحذير: ياريت تاخد بالك انت والرجالة وميهربش زي التاني ولا هتشوفو وش عمركم ما شفتوه
مازن بخوف: متقلقش يا فندم كلو هيبقى تمام
خرج اسد من المخزن وركب عربيتو وراح فيلتو وهو بيفكر في الخطة اللي حطها عشان يقبض على العصابة
في مكان بعيد عن مخزن ستة اكتوبر بيجري ادهم ب ألم وتعب من الضرب في
نفس الوقت اللي كان بيجري فيه كان فيه بنت راكبة عربية وسايقة بسرعة وهوووووب خبطت ادهم وادهم اغمى عليه
البنت ببكاء و لطم: يالهوووووووي مكنش يومك يا موكا شاكر هياخد مني العربية هتحبس يا اختااااي
ايه ده ثواني اتحبس ازاي وانا حظابط مليكة هاه محدش يقدر هااااار اسوووح انا قاعدة برغي والراجل سايح في دمو حسبي الله ونعم فيكي يا بت شاكر
نزلت مليكة من العربية بسرعة وراحت تشوف ادهم
مليكة بحيرة: طب ده هطلعو ازاي في العربية وهو ضخم كدا اعمل ايه اعمل ايه
لمحت مليكة عربية جاية ف راحت وقفت قدام العربية عشان تقف نزل منها راجل ومراتو
مليكة: لو سمحت ممكن تساعدني اركب الجدع العربية عشان اوديه المستشفي
الراجل: حاضر يا انسة
ساعدها الراجل عشان يركب ادهم العربية
مليكة: شكرا شكرا نخدمك في مصيبة ان شاء الله بعد اذنكم
ركبت مليكة العربية وساقت بسرعة وبعد ربع ساعة وصلت المستشفى نزلت بسرعة ودخلت المستشفىوهي بتصرخ: ترووولي بسررررعة
جري الممرضين معاها ب الترولي وراحو اخدو ادهم ودخلوه اوضة العمليات بعدها ب دقيقتين خرجت ممرضة وادتها تليفون ادهم وكان مقفول
مليكة بتفكير: اممممم انا افتحو واحاول اوصل لحد من عيلتو
فتحت التليفون بس معرفتش الباسوورد بتاعو
وبعد دقيقتين تليفون مليكة رن وكان اللي بيتصل ابوها ففتحت عليه
مليكة: الو
ابوها: انتي فين يا بنتي اتأخرتي ليه
مليكة: انا في المستشفى
ابوها بقلق: مستشفى ليه انتي تعبانة فيكي حاجة
مليكة: اهدى يا بابا كل الحكاية ان........... وحكت اللي حصل
ابوها: طيب انا جايلك دلوقتي سلام
وبعد نص ساعة جه ابو مليكة
مراد ابوها: انتي كويسة جرالك حاجة
مليكة: انا كويسة يا بابا متقلقش
مراد: طب واللي خبطيه
مليكة: مش عارفهيا بابا محدش خرج لحد دلوقتي
مراد: خير إن شاء الله
خرجت الممرضة من اوضة العمليات فجريت عليها مليكة ومراد
الممرضة: المريض فقد دم كتير وفصيلة دمو نادرة ومش متوفرة في المستشفى
مليكة: هو فصيلة دمو ايه
الممرضة:..........( لما اعرف الاسم هبقى اقولكم 😂)
مليكة بسرعة: دي نفس فصيلتي انا هتبرعلو
الممرضة: طب تعالي معايا بسرعة
راحت مليكة مع الممرضة وسحبت دم كتيير
الممرضة: ارتاحي شوية عشان انتي اتسجب منك دم كتير وممكن تتعبي
خرجت الممرضة وسابت مليكة ترتاح شوية
وبعد فترة خرجت مليكة ورجعت وقفت قدام اوضة العمليات
مليكة بإرهاق: هما لسة مخرجوش
الاب: لسة يا بنتي
في اللحظة دي تليفون ادهم رن وكان المتصل اخوه الكبير ( لؤي) فتحت مليكة بسرعة
لؤي بخوف وعتاب: انت فين يا ادهم كل ده وقافل تليفونك ليه
مليكة: احم انا مش ادهم
لؤي بخوف اكتر: امال ادهم فين
مليكة بتوتر: صاحب الفون ده عمل حادثة وهو دلوقتي في مستشفى..........
لؤي: اييييييه طب انا جاي بسرعة
قفل لؤي مع عائشةوفي خلال ربع ساعة كان وصل المستشفى
لؤي لمليكة: ادهم فين اخوياااا فيييييين
مليكة بخوف: اهدى حضرتك هو في العمليات دلوقتي
جلس لؤي على احد المقاعد امام غرفة العمليات في انتظار ان يخرج احد ويطمئنهم على اخيه
وبعد نص ساعة خرج الدكتور وهو يتنهد بإرهاق قام لؤي وراحلو بسرعة
لؤي بلهفة: طمني يا دكتور ادهم كويس صح
الدكتور بعملية: اطمن حضرتك هو دلوقتيعدى مرحلة الخطر وفي خلال ٢٤ ساعة هيفوق بس....
لؤي بقلق: بس ايه يا دكتور
الدكتور: احتمال كبيييير انو يفقد الذاكرة لأن الخبطة اثرت على دماغو عن اذنكم
ومشي الدكتور والممرضين خرجو ادهم ودخلوه العناية المركزة
لؤي لمليكة: انا عايز اعرف ايه اللي حصلو بالظبط مفهوووووم
مليكة بخوف: حاضر حاضر..... انا انا ( انا انا انا ابريق الشاي ايدي كدا وبوزي كدا اصب الشاي وارجع كدا 😂😂 معلش الكلمتين كانو واقفين في زوري احم احم نرجع 😉) انا ك كك كنت ماشية ب ب بالعربية بت بت بتاعتي و و وهو وهو طلع قدامي فجأة و و وخبطو ممممم من غير ما اقصد والله😢
لؤي بإشفاق على حالتها: خلاص خلاص اهدي حصل خير اهم حاجة دلوقتي انو كويس ( يخرم جيبك ده لو انا مكانك كنت عملت محضر بس يلا المسامح كريم 😂😉)
ابو مليكة: انا مستعد اعمل اي حاجة انتو عاوزينها كتعويض
لؤي: ولا اي حاجة حضرتك بس اتفضلو روحو كفاية اللي عملتوه معانا شكرا ( طب يا ابني اتكلم بطريقة احسن من كدا عييييب)
ابو مليكة: طيب يا ابني بس اكيد هنيجي بكرة نطمن على ادهم يلا سلام عليكم
لؤي: وعليكم السلام
ومشيت مليكة هي وباباها ولؤي كلم ابوه وقالو اللي حصل .
في اليوم التاني ( عارفة انكم اتعودتو على ذهب الليل وطلع الفجر بس انا قولت اغير شوية 😂)
صحيت عائشة من النوم اخدت دوش واتوضت ولبست ( دريس بيبي بلو وخمار اوڤ وايت وكوتشي ابيض) وصلت الضحى وخرجت عشان تفطر قبل ما تروح الشغل
عائشة: صبااااااحووووووو فل
ابوها وامها: صباح الورد
قعدت عائشة تفطر
سهير: انتي رايحة فين
عائشةبمرح:ايه يا سوسو انتي جالك زاهيمر ولا ايه رايحة الشغل
سهير بغضب: بت انتي اتلمي يا جزمة قال زاهيمر قال
عائشة بضحك: خلاص يا سوسو انتي بقيتي افوشة اوي كدا ليه 😂
محمد الاب: هو انتو عطول كدا مفيش يوم يعدي الا لما تتناقرو مع بعض اهدو بقا
عائشة: طب انا خلصت يلا سلام عليكم هروح اغلس على زين واخليه يوصلني نيهاهاهاهاهااااي 😂
خرجت عائشة وقعدت تطبل على باب شقة اهل زين
عائشة وهو بتطبل ع الباب: احمد احمد احمد يا اعز الحبايب احمممد افتتتتتح
فتح احمد ابو زين الباب بإنزعاج: يابت انتي مش هتبطلي حركات العيال دي
عائشة وهي تدخل: جرا ايه يا ابو حمييد ما انت عارف اني طفلة ايه الجديد يعني
زينب مرات ابو زين بضحك: ادخلي يا بلوة تعالي هههه
عائشة وهي تحضن زينب: زوزااااااا والله وحشااني
زينب بضحك وهي تضربها على دماغها: يلا يا بكاشة
عائشة: اومال الواد زين فين
زين من وراها: عايزة ايه يا عملي الاسود 🙄
عائشة: زيزو حبيبي
زين: انجزي وقولي عايزة ايه عشان مش فاضيلك
عائشة: طبعا انت رايح المستشفى صح؟
زين: اه انجزي عايزة ايه
عائشة: خودني وصلني في طريقك
زين: انسي مش هشتغل سواق انا
عائشة: يازين يلا متبقاش رخم طب يارب ما تتجوز مريم لو ما وصلتني
زين: طب عشان الدعوة دي انا مش هوصلك وبعدين ما تجيبي عربية
عائشة: لا هو انت فاكر ان بعد حوار امبارح الحج محمد ولا سوسو هيخلوني اسوق عربيات تاني ههه ده انت طيب اوي يا جدع
زين: تصدقي فعلا طب يلا يا اختي عشان مش اتأخر
خرج زين وعائشة وركبو العربية ووصلها وين شغلها وبعدين راح على شغلو دخل زين المستشفى لقا مريم في وشو زين بقلق: فيه يا دكتورة مريم في حاجة حصلت
مريم: دكتور زين حمدلله على سلامتك
زين: الله يسلمك
مريم: معلش يا دكتور بس فيه مريض لازم يتعملو عملية فورا
زين: طب يلا بسرعة دخلوه العمليات وانا جاي حالا
ودخل زين ومريم يعملو العملية للمريض
🍉🍉🍉🍉🍉🍉🍉🍉🍉
عند عائشة دخلت الشركة وراحت لفريدة
عائشة: ديدااا ازيك يا قمر حاملة ايه
فريدة بمرح: حاملة محشي وبانيه هقهقهقه
عائشة: ها فيه شغل النهارده ولا مفيش
فريدة وهي تعطيها ملف: استاذ اسد بيقولك الملف ده عايز يتراجع كويس
عائشة وهي تأخذ الملف: اشطا هخلصو واجيلك نشرب قهوة مع بعض
وراحت عائشة عشان تشوف شغلها
🍉🍉🍉🍉🍉🍉🍉🍉
عند مليكة راحت هي و ابوها عشان يطمنو على ادهم وصلو المستشفى وسألو عن
الاوضة اللي موجود فيها ادهم وراحو كان ابو ادهم و والدتو و كمان لؤي موجودين
مليكة وباباها: السلام عليكم ورحمة الله وبركاته
الجميع: وعليكم السلام ورحمة الله وبركاته
والدة ادهم ولؤي: انتو مين
مليكة بتوتر: أ أ أ انا اللي خبط استاذ ادهم بالعربية امبارح
الام بغضب: هو انتي وكمان ليكي عين تيجي هنا بعد اللي عملتيه امشي اطلعي براااااا
لؤي: اهدي يا ماما هي مكنتش تقصد وكمان كويس انها طلعت بنت ناس وجابتو هنا
وكمان اتبرعتلو بالدم لولاها كان ادهم ضاع مننا
الام ببكاء: انا اسفة يا بنتي بس والله من خوفي على ادهم
مليكة: ولا يهمك يا طنط انا اللي اسفة
والد مليكة: طب هو ادهم عامل ايه دلوقتي
والد ادهم : فاق والدكتور عندو جوة بيفحصو
خرج الدكتور من عند ادهم والكل جري عليه
لؤي: طمنا يا دكتور
الدكتور بعملية: ذي ما توقعت الضربة اثرت على دماغو ف عملتلو.......
مليكة: يعني ايه
الدكتور: يعني فقدان جزئي في الذاكرة وهو حاليا بيتعامل كأنو طفل عندو خمس سنين
صدمة احتلت وجوه الجميع ولكن اللي صدمهم اكتر هو
ادهم وهو يحتضن مليكة ويبكي: مم ماما مش تسيبيني تاني اهئ اهئ ( ابغى اضحك بس استحي 😂😂😂)
مليكة بصدمة 😳 : مم ماما مين ( يا عيني ده انصدم 😂🤭)
ادهم ببراءة: انتي ماما اوعي تسيبيني تاني يا ماما انا بحبك اوي
مليكة وهي ما زالت مصدومة: ببب بس انا مش ماما
ماما هناك اهي: وهي بتشاور على والدة ادهم الي مصدومة هي كمان
ادهم بغضب وبكاء: لا دي مش ماما انتي ماما اوعي تسيبيني يا ماما اهئ اهئ
الدكتور لمليكة: هو حضرتك تقربيلو
مليكة بنفي: لا يا دكتور انا خبطو بس بالعربية بس هو ليه بيقولي انا يا ماما؟؟
الدكتور: لأنك اخر حد شافو قبل ما يغمى عليه ف الطبيعي انو يكون فاكرك
لؤي: طب والعمل يا دكتور
الدكتور: مفيش غير حل واحد....
نسيبهم ونروح عند زين ومريم
وبعد ساعتين خرجو زين ومريم من اوضة العمليات وهما بيتنهدو بإرهاق
زين: دكتورة مريم ياريت تبلغي والد حضرتك اني جاي انا واهلي نشرب معاكو شاي
مريم بغباء: ايوة بس احنا مش بنشرب شاي
زين: قوليلو اني جاي اطلب ايدك
مريم: برضو مش فاهمة هتعمل ايه ب إيدي ( البت دي غبية اوي 😒)
زين بزهق: هتجوزك يا مريم افهمي بقا وبطلي غباء
وسابها ومش
مريم بصدمة وفرح: هو قال انو هيتجوزني صح اه والله صح
هيييييه و هتجوز هتجوز هتجوز هتجوز 😍😂
سيبكم م البت الهبلة دي 😂😂
عند عائشة خلصت الملف وراحت لفريدة
عائشة: ديدا انا خلصت الملف
فريدة: طب روحي اديه ل مستر اسد وشوفيه عشان كان عايزك
عائشة: طب تمام هروح وارجعلك بسرعة
دخلت عائشة عند اسد بعد ما خبطت ع الباب
عائشة: اتفضل حضرتك ده الملف
اسد: تمام حطيه هنا وخودي دي
عائشة: ايه دي
اسد: دي دعوة لخطوبتي انا و فيروز بعد يومين
عائشة:........
الفصل السابع من هنا