ارهقني_النصيب
الفصل الاول والثاني
#بقلم_اميره_عادل
قالت بترجي:ي بابا لو سمحت أنا مش عايزه اتجوز دلوقتي أنا
لسه صغيره وكمان لسه ف تالته ثانوي
الأب بحنان: ومين قال أنك هتتجوزي دلوقتي هي مجرد
خطوبه ارتاحتي معاه يبقي خير وبركه مش ارتاحتي معاه
يبقي كل شئ نصيب وبعدين ي بنتي ده ف كليه الطب كمان
سنه ويتخرج هتلاقي أحسن من كدا اي وبعدين باين عليه
شريكي وانا ي بنتي بقيت راجل كبير والمرض مسيطر عليا
ونفسي افرح بيكي قبل م اموت
لترد هي سريعا:بعد الشر عليك ي حبيبي خلاص ال أنت شايفه
صح أنا موافقه عليه بس لو مش ارتحت معاه مش هكمل توعدني بكدا! !
الاب:وعد ي ستي
لترد:ماشي ي حبيبي هروح الدرس بقا كلها كام شهر والامتحانات تبدأ
الاب:ربنا معاكي ي بنتي ربنا يستر طريقك ويحبب فيكي خلقه
استوووب
اعرفكم بنفسي أنا رونزي ف تالته ثانوي مستوايا الدراسي متوسط أنا البنت الوحيده عايشه مع بابا وماما محجبه عندي18سنه بابا اسمه عماد ومامتي اسمها ناديه وال بنتكلم عليه ده عريس اسمه ساهر ف كليه طب و والده متوفي وعايش مع مامته اسمها ثريا ست حربايه. ..نرجع
ف جهه أخري عند ساهر
ثريا :أنا مش موافقه ع الجوازه دي
ساهر :لي بس ي أمي
ثريا:البت دي مش مستوانا ولا هي ولا عيلتها انا عايزه واحده تكون من مستوانا
ساهر :ي امي ي حبيبتي البنت كويسه ومحترمه وده أهم حاجه و جميله كمان ومش تنسي هي ف تالته ثانوي وممكن تجيب طب وتكون دكتوره زي انا سامع أن مستواها حلو بس جايز عشان اهلها ع قدها مش بتاخد الدروس اللازمه
ثريا بضجر:لا هو ده ال ناقص نصرف ع سعادتها كمان
ساهر بهدوء:ي أمي أنا بحبها من زمان وانتي عارفه كدا بس كنت مستني ع م أقرب أخلص الكليه بتاعتي وبعدين انتي مش عايزه تشوفيني مبسوط واعيش مرتاح
ثريا:طبعا ي حبيبي بس ف بنات تانيه كتير و
ساهر بترجي:عشان خاطري ي أمي وافقي مقدرش اعمل حاجه من غير موافقت وافقي وأن شاء الله تطلع دكتوره باذن الله ادعيلي انتي بس
ثريا :اعمل ال يريحك
وف نفسها :ماشي ي بنت ناديه أما طلعت عينك وخليتك تقولي حقي برقبتي مكونش اسمي ثريا والله لوريكي النجوم ف عز الضهر ي بنت ناديه الشحاته
...................................................................
عند رنا صحبت رونزي
رنا:مالك ي رونزي زعلانه لي
رونزي بتنهيده:ساهر ابن طنط ثريا متقدم ليا
رنا:لولولولولولوي أخيرا ي ولاه هنلبس سواريه طيب مهو خبر يفرح أهو اومال زعلانه لي بس ي وش الفقر
رونزي بصت لها
رنا فهمت
استوووب اعرفكم ع رنا (هي صحبت رونزي المقربه يعرفوا عن بعض كل حاجه وف نفس مستوي الدراسي بتاع رونزي بس حالتها الماديه احسن من رونزي)
رنا:رونزي انتي لسه بتفكري فيه
رونزي:قصدك مين
رنا :رونزززي مش تستعبطي عليا انت فاهمه بقول اي
رونزي بتنهيده:ايوا
رنا:انتي مجنونه ي رونزي بتفكري ف واحد الله أعلم عايش ف مصر ولا برا عايش ولا ميت
رونزي:اعمل أي بس ي رنا مش قادره انساه
رنا بحنان وبتطبط ع كتف رونزي:بصي ي رونزي انا عارفه أن كأن صعب عليكي ال حصل بس هو مشي ومحدش عارف له طريق ولو زي م انتي مفكره
أنكم تكونوا لبعض طيب هو فين لو كان فاكرك كان جه من زمان وشافك الموضوع عدي عليه 13سنه ومش تنسي ان ده كله كان كلام أطفال مش تعلقي نفسك بحاجه الله أعلم هي فين دلوقتي ممكن يكون اتجوز وخلف وهو ماشي وهو كبير
يعني مكنش صغير ان هو مش يفتكر طريق الرجوع اي ال مش خلاه يرجع غير إذا كان مات او اتجوز او نسيك أصلا شوفي مستقبلك و ساهر مش وحش إنسان وسيم ومعاه كليه طب يعني حاجه كويسه وكمان وحيد مش عايش معاه غير مامته
مش شايفه فيه عيب الصراحه وكمان عرفين أن هو بيحبك من زمان وده كان يظهر لما كان يشوفك صدفه كان يتلغبط
ولا لما كنتي تطلبي طلب منه كان ينفذه ف وقتها عايزه اي تاني تسيبي الواقع وتمشي ورا الوهم انتي لازم تفوقي
نزلت دموع رونزي
رونزي ببكاء:معاكي حق بس غصب عني والله مش قادره انساه كل يوم افتكره وافتكر آخر يوم عدي علينا فيه كأنه امبارح
Flash Back
من 13سنه
ناديه: رونزي رونزي
رونزي:حاضر ي ماما
تميم:رونزي مش تمشي وتسبيني لو سبتي أيدي دلوقتي همشي ومش هرجع تاني
رونزي بضيق طفولي:تميم ماما بتنادي ولازم أروح لها ي تميم عشان خاطري هروح أشوف عايزه مني اي واجيلك مش هتاخر وعد
تميم:انا قلت وهنفذ كلامي ي رونزي
ناديه جت وشافتهم
ناديه بتوبيخ :هو انا مش بنادي عليكي ي رونزي مش بتردي عليا لي
وزقت ايد تميم جامد من ع رونزي
ووجهت كلامها لتميم:وأنت ماسك ايديها كدا لي ها !!
أنت زهقتني أمتي هخلص منك ومن قرفك
وشدت رونزي ودخلت بيها البيت وسابت تميم برا
Back
رونزي ببكاء:
من وقتها مش شوفته ي رنا لو كنت اعرف مكنتش سبته ولا دخلت مع ماما وكنت دخلتوه معايا وحشني قوووي
رنا حضنتها
رنا:بس ي رونزي مش تعملي ف نفسك كدا ي حبيبتي وبعدين هو مكنش صغير وأهلك دوروا عليه كتير ومش لقيوه هنعمل اي بس الله أعلم هو فين
دلوقتي فوقي كدا لمستقبلك ي حبيبتي وإن شاء الله ربنا يعمل ال فيه الخير لينا كلنا
رنا:قومي غسلي وشك يالا عشان نروح الدرس عشان المستر مش يطردنا
رونزي قامت غسلت وشها ونزلوا راحو درس الفيزياء
استوووب اعرفكم ب تميم (ابن عم رونزي أكبر منها ب 6سنين كان حب طفوله رونزي أبوه ميت وأمه سايبه ومتحوزه ومسافره اختفي فجاءه ومش عارفين لحد دلوقتي هو عايش ولا ميت )
___________________________________
خلصوا الدرس وكل واحده روحت ع بيتها
ف بيت رونزي
رونزي: السلام عليكم ي بابا وسلمت ع بابها وسابت مامتها
عماد (أبو رونزي ): مش تسلمي ع ماما ي حبيبتي
رونزي:معلش ي بابا مخدتش بالي ازيك ي ماما
ناديه:لسه زعلانه مني ي رونزي مش ناويه تسامحيني انا مكنتش اعرف أن هو هيزعل ويمشي
رونزي:خلاص ي ماما الموضوع مات بقاله سنين وكل واحد اخد نصيبه
عماد بحنان :ي حبيبتي ماما مكنتش تقصد تزعله وهو فهم غلط وبعدين م علطول كنا بنقول لكم انتوا الاتنين نفس الكلام اشمعنا اللحظه دي
رونزي وبتحاول تسيطر ع زعلها :خلاص ي بابا
عماد:روحي بوسي ماما واتصالحوا مش ليكم غير بعض
رونزي:حاضر ي بابا
وقامت رونزي حضنت أمها وباستها
عماد:يالا ي حبيبتي خشي ريحيلك شويه عشان الناس هتيجي بالليل
رونزي:حاضر ي بابا
دخلت رونزي اوضتها غيرت هدومها وصلت وقراءت قرآن وقعدت ع السرير
وطلعت من الكتاب بتاعها صوره لها هي وتميم
وبصت عليها بحزن ودموعها نزلت ع الصوره ونامت مش حست بحاجه غير ومامتها بتصحيها عشان تقوم تجهز نفسها...........
الفصل الثاني
بقلم اميرة عادل
ناديه دخلت تصحي رونزي لاقتها نايمه وع وشها إثر للدموع
وحاضنه صوره جت تسحبها منها وتشوفها
رونزي صحيت
رونزي بخضه وخبت الصوره
رونزي:ف حاجه ي ماما
ناديه :لا ي حبيبتي كنت بصحيكي عشان تقومي تجهزي نفسك الناس زمانهم ع وصول
اتنهدت رونزي وافتكرت أن متقدم لها عريس
رونزي:حاضر ي ماما هقوم ألبس
ناديه مشيت ووقفت عند الباب ولفت رونزي لقتها ماسكه الصوره وبتشوفها بحزن
ناديه:لسه منستهوش
رونزي بحزن:ولا عمري هنساه
ناديه:ربنا يهديكي
وسابتها ومشيت
رونزي مسكت الصوره وبصت عليها بحزن واتكلمت
رونزي بدموع:شايف ي تميم كلهم بيقولوا ليا انسيه خلاص مش بقي موجود ..ب.بس
انا لسه عندي أمل ترجع ...ياتري انت كمان لسه فاكرني انا مش قادره أنساك ي تميم
رونزي خبت الصوره ف كتابها تاني
وقامت عشان تجهز نفسها
لبست درس فوشيه وعليه طرحه زهري
وبصت لنفسها ف المرايا واتنهدت بحزن
شويه و الجرس رن
عرفت أن العريس جه
شويه وامها دخلت لها
ناديه:يالا ي حبيبتي العريس وصل وابتسمي كدا
رونزي:حاضر ي ماما
وراحوا ع المطبخ
ورونزي شالت صنيه العصير وامها مشيت قدامها ودخلوا قدمت العصير للعريس وأمه
رونزي بتقدم العصير ل ثريا
ثريا بتناكه:لا حبيبتي شكرا مبشربوش عشان السكر
روزنزي حست بحرج
ساهر عشان يخفف الجو
قام وخد الصنيه من ايد رونزي وحطها ع التربيزه
رونزي اتحرجت وراحت قعدت جنب باباها و منزله رأسها ف الأرض مش من الخجل لا هي أصل مش حاسه بال حواليها هي سرحانه ف حب طفولتها تميم
ثريا موجهه كلامها لرونزي :أن شاء الله ي حبيبتي تجيبي كليه طب وتكوني دكتوره زي ابني متجبيش اي كليه والسلام
رونزي اضايقت من كلامها وحست أنها بتعايرها
رونزي بهدوء:ان شاء الله ي طنط بس حابه أوضح لحضرتك حاجه مافيش كليه اسمها
قمه وكليه اي حاجه وخلاص كل الكليات تحترم وكل كليه ليها هدف وليها فايده ف المجتمع هو الطب والكليات ال زيه
عشان بياخد من نسب عاليه ف احنا بنطلق عليه كلمه قمه أما كليه
حقوق وغيرها عشان نسبهم قليله ف احنا بنقول كليه والسلام بس احب أشرح لحضرتك حاجه مهمه اووي أن لو كان
العكس يعني طب مجموعه قليل وحقوق وغيرها نسبه عاليه كنا قلنا علي حقوق قمه وطب كليه عاديه المشكله مش ف الكليه
المشكله ف عقليه الناس مع ان ممكن دكتور جايب99% يغلط غلطه بدون قصد ويتسجن بسببها ف يجي المحامي ابو 60% يدافع عنه ويثبت أن هو برئ
ف بالتالي نسب الدكتور العاليه منفعتهوش بل العكس نسبت المحامي ال قليله هي ال نفعته
انا مبقللش من كليه ع حساب كليه بس كلنا بنكمل بعض وكل كليه وليها مجالها واحترامها اهم حاجه كل واحد يبدع ف مجاله
ثريا وهي هتموت من الغيظ والابتسامة مصتنعه :الله ينور عليكي ي حبيبتي كنت بشوف مدي تفكيرك عامل اي
وف سرها:بتتفذلكي عليا ي بنت ناديه ماااشي أما وريتك مبقاش انا ثريا ي انا ي انتي ي جربوعه
ساهر كان مبسوط من كلام رونزي
وأبو رونزي ومامتها كانوا فخورين ببنتهم
قعدوا يتكلموا ف حاجات ورونزي مكنتش مركزه معاهم
فاقت ع صوتهم وهما بيقولوا:طيب نسيب العرسان مع بعض شويه
وخرجوا
ساهر قام من مكانه وراح قعد بالقرب من رونزي
رونزي اتوترت واتكسفت وفضلت باصه للأرض
ساهر:عجباكي السجاده
رونزي:ها!!
ساهر :عامله اي
رونزي :تمام الحمد لله
ساهر بابتسامه:انا ساهر طبعا انتي عرفاني وعارفه إني ف كليه طب
رونزي ابتسمت ابتسامه خفيفه وشالتها
وكمل ساهر :و انا كنت معجب بيكي من فتره كبيره بس كنت مستني الوقت المناسب اي رأيك
رونزي اتكسفت
رونزي حست ببعض اللغبطه من كلامه بس قلبها بيقول لها تميم هيرجع ارفضي وف نفس الوقت عشان بابها ميزعلش
رونزي:خير أن شاء الله هبعت لك الرد مع والدي
ساهر ابتسم : ع خير أن شاء الله
ومد ايده يسلم ع رونزي
رونزي:اسفه مبسلمش ع رجاله
ساهر اتحرج وشال ايده
ساهر بابتسامه باهته :تمام
وخرج
ساهر:يالا ي ماما
ثريا :يالا ي ابني
ومشيوا
ورونزي طلعت
عماد:ها ي بنتي اي رأيك
رونزي بخفوت :ال تشوفه ي بابا
ناديه :لولولولولولولولوي مبروك ي روحي
رونزي بصت لها بحزن:آلله يبارك فيكي بعد اذنكم هدخل اذاكر
رونزي دخلت الاوضه وقفلتها ع نفسها
وقعدت تعيط وقامت غسلت وشها
انا لازم افوق لمستقبلي واجيب كليه كويسه عشان مكنش ضعت من الناحيتين ساهر باين عليه كويس ولازم اديله فرصه مافيهاش حاجه يعني
وبدأت ف المذاكره
ف بيت ساهر
ثريا وهي بتعوج بوقها:ها قال مافيش فرق بين الكليه تلاقيها فاشلها ومش هتقدر تجيب طب عشان كدا بتبرر لنفسها
ساهر:ع فكره معها حق ي أمي يعني لو كنت انا دخلت كليه عاديه كان زمانك بتمجدي فيها عشان تبيني للناس أنها كليه كويسه وعليها القيمه
ثريا وهي بتبرق وبتضرب صدرها بايديها :يلهووي هي من أول قاعده وخلتك تدافع عنها اومال بقا لما تتجوزها هتعمل اي هتضربني !!
ساهر بصدمه:اي ي أمي التفكير ده
ثريا:ولا تفكير ولا حاجه روح نام يالا انا دماغي وجعاني وعايزه ارتاح يمكن ميحصلش نصيب ونرتاح
ساهر اتنفس بضيق
ساهر :ماشي انا طالع
ودخل اوضته وفكر ف رونزي شويه ونام
ف مكان تاني تحديدا القاهره ف احدي الفيلال
شاب قاعد وماسك ف ايده سلسله بها نص قلب محفور عليه حرف R
وبيتامله
وفجاءه بيدخل عليه شخص
....:انت لسه منمتش
..^^^..:لسه ي بابا مش جاي لي نوم
.....:لي
.^^^....:وحشوني
.....:طيب روح لهم