رواية رحم بديل (كامله جميع الفصول) بقلم زينب سعيد

 رواية اسيرة قلبي 

الفصل الثالث  😊

كانو يجلسون امام التفاز جميعا الا ان استئذن ادم للذهاب الي 

غرفته لينام بسبب عمله المبكر ، نظرت ميان وهند لبعضهم 

بمكر يبدو ان خطتهم تنجح ، دلف ادم الي غرفته بأرهاق ، 

ابدل ملابسه وارتدي بنطال قطني فقط وارتمي علي فراشه ، 

ليشم رائحه غريبه ، يبدو انها رائحه حريق

ما ان انهي تفكيره حتي اصدرت الصورايخ صوت عال من 

تحت وسادته لينهض فازعا ويرتدي حذاءه الخفيف(الشبشب) 

ويمشي ليسقط ارضا نظر للحذاء ليجده مثبت بالأرض بفعل الصمغ

ادم بصراخ..

_هند

دلف الجميع اثر كل هذه الأصوات الغريبه ، اخرج ادم من تحت وسادته صاروخ

ادم بغضب..

_ايه دا

هند بخوف..

_ولله انا مليش دعوه معملتش حاجه

ادم..

_اومال مين يعني

هند بكذب..

_معرفش

عمار..

_مش دي صواريخك ، تلاقيك حطتها تحت مخدتك بالغلط

ادم..

_يعني انا هحط صورايخ تحت مخدتي ، هفرقع في نفسي يعني ، وبعدين دي صواريخ ضغط ، يعني اما اضغط عليها تفرقع

دلفت ميان الي الغرفه لينظر لها ادم قليلا

ادم..

_انتي حطيتي الصوريخ تحت مخدتي

ميان..

_سوري كنت بهزر معاك

ضحك عمار من قلبه وقال..

_مش علمتها ، البس

ادم بغضب..

_انتي ، وانا الي قولت عليكي ملاك برئ ، طلعتي سوسه

ميان بسماجه..

_من بعض ما عندكم

ادم بغضب جامح..

_خمس دقايق تكوني نضفتي السرير ، ماشي يا هند

وذهب من الغرفه لينظر هند وميان لبعضهم

عمار بضحك..

_ياحرااام

ميان..

_ياتري زعل ليه ياخالو

عمار..

_مش عارفه ليه يا سوسه ، انا داخل انام ، تصبحو علي خير

وذهب وذهبت وراءه لوسي ، نظفت ميان وهند الغرفه سريعا

_________

(بعد عده ايام)

ميان..

_انا عملتلك كل الأكل الي انت بتحبه مخصوص اتمنا متكونش لسه زعلان مني

ادم بابتسامه..

_لا خالص ، انا نسيت اصلا الي حصل

ميان..

_طب كويس يلا بقا روح علي السفره

ادم..

_تمام

وذهب الي السفره ، وجلس علي كرسيه ، لتتنفس ميان بعمق وتنظر لهند الذي تنظر لها وهيا تحاول عدم الضحك ، شدت ميان الخيط الموجود بجانب الباب ، الموصل الي ذلك الرف الذي وضعته فوق كرسي ادم ، لتسقط المياه عليه نظر لميان شرزا ليجدها تضحك بخفه ، لينهض من كرسيه بعنف ولكنه يتفاجأ بصوت مزق شئ ما لينظر للكرسي ليجد قطعه من بنطاله الذي يرتديه

ميان بسخافه..

_ايه دا شكلي نسيت الصمغ علي الكرسي بتاعك ، سوري ادم

لم يتحدث لم يصرخ دلف الي غرفته بهدوء ، حكت ميان في رأسها وهي تقول..

_اظن اننا زودنها المره دي يا هند

هند..

_مش عارفه ، بس صراحه صعب عليا

لوسي..

_عايزين الصراحه ، شكله كان تحفه وهو مبلول

عمار..

_بس يا لوسي ، بصي هو يستاهل انا فرحان فيه دا كان بيعمل فيا مقالب كانت بتخرج من عيني

ميان..

_انا بقول كفايه كده عليه ، مش هيغتت عليا تاني

عمار بضحك..

_دا يخاف علي نفسه منك يا سوسه انتي

وضحك الجميع

 

_______

شعر بالجوع الشديد الساعه اصبحت 12 منتصف الليل والجو هادئ ، خرج ادم وهو ينظر حوله ليجد الظلام يحيط المنزل فتح ضوء الصاله وذهب الي المطبخ اخذ صينيه طعام وسكب لنفسه بعض الطعام ليجد ظل ما امامه نظر امامه بفزع ليجدها هيا

ادم..

_افندم تاني ، جعان ممكن اكل ولا اغور انام

ميان..

_ايه اغور دي ، وبعدين ايه طريقتك دي انا كنت بهزر معاك

ادم..

_شكرا يا ستي خلاص عرفت ان هزاري كان رخم ممكن تمشي بقا

ميان..

_طيب ممكن تقعد عقبال ما اسخنلك الأكل ، مينفعش تاكله بارد

ادم..

_هسخنه انا

ميان..

_متبقاش عنيد كده

امسكت يده واجلسته عنوه عنه ، ومدت يدها له ، اعطها الصحن الذي بيده بحنق لتبدء بتسخين الطعام

ميان..

_متوقعتش انك هتزعل كده علي فكره ، دي رخامه

ادم بتأكيد..

_ماشي انا رخم

ميان..

_بطل بقا يا أدم رخامه ، بس تعرف عندك حق تنبسط وانت بتعمل مقالب

ادم..

_ليه بقا يا ام العريف

ميان..

_لما عملت فيك مقالب حسيت بأنشكاح كده ، احساس حلو وانت بتعمل مقالب في حد بتحبه

أدم..

_يا شيخه وانتي بقا بتحبيني

شردت ميان وابتسمت تلقائيا ، لينهض ادم ويقف بجانبها وينظر لها وهي شارده مبتسمه هكذا ، ضربها بخفه علي جبينها ، لتفيق من شرودها وتنظر له

ميان..

_هاا كنت بتقول حاجه

ادم..

_انا بقالي نص ساعه بتكلم ، سرحتي في ايه

ميان..

_هاا ولا حاجه

ادم بغلاسه..

_الي يشوفك كده يقول بتحبي

نظرت له ميان ودق قلبها بعنف ، نظرت له نظره ذو معان كثيره قاطعها صوتها وهيا تقول..

_الأكل سخن اغرف لنفسك قبل ما يبرد تاني

وذهبت الي الفراندا

________

دلف الي الفراندا بعدما انتهي من طعامه ليجدها تجلس بهدوء تنظر للا شئ

ادم..

_بقولك ايه عايز اتكلم معاكي شويه

ميان بأبتسامه..

_اتفضل

ادم..

_انتي توعديني دلوقتي تبطلي تعملي مقالب فيا ، انا بقيت خايف انام في الأوضه

ميان..

_وانت كمان توعدني تبطل تعمل مقالب فيا

ادم وهو يمد لها يده..

_وعد

لتصافحه ميان بأبتسامه واسعه ، ترك يدها ونظر لها قليلا ثم قال..

_هو انتي ليه كنتي بتعيطي قبل ما اجي

ميان بتوتر..

_انا لا خالص دا تلاقي حاجه دخلت في عيني

 

ادم..

_كدابه يا سوسو

ميان..

_نعم !!

ادم..

_قولي الحقيقه ايه مزعلك ، ياستي اعتبريني صاحبك 5 دقايق وفضفضي لي

ميان بحسره..

_مهو دا الي منزعلني

ادم..

_مش فاهم

ميان بحزن..

_ان انا معنديش صحاب عشان اعتبرك واحد صاحبي ، انا مصاحبتش ولا مره ولا حبيت ولا عمر كان ليا حتي صحاب بنات

ادم..

_دا ليه كل دا

ميان ببكاء..

_عشان ماما ، كل دا بسبب ماما كانت فاكره انها بتحافظ عليا وبتحميني بس طلعتني ضعيفه ومعنديش شخصيه ، مبقاش عندي صحاب بنات عشان كل واحده اصاحبها ماما كانت بتفضل ورايا لحد ما تخليني اقاطعها بحجه انها خايفه عليا من اصحاب السوء ، مبقاش عندي صحاب ، حتي لما فكرت احب ، قعدت تزعق لي وخاصمتني ولما جيت قاطعت الولد الي كنت بكلمه ، اتريق عليا قودام الجامعه كلها وقال انه ارتبط بيا شفقه واني وحشه ومستاهلش افكر في واحد زيه ، هو انا وحشه يا أدم

اقترب منها أدم وجلس علي المقعد الذي بجانبها وامسك يدها بحنو بالغ وقال..

_انتي اجمل بنت شوفتها يا ميان صدقيني

ميان ببكاء شديد..

_دا مش حقيقي ، كلهم بيجاملوني حتي انت ، انا وحشه وسمرا وعيني مش ملونه ومفيش فيا اي حاجه مميزه انا وحشه

ادم..

_صدقيني لاا ، مش انا دبش بس عمري ما شوفتك وحشه ابدا ، انتي اجمل بنت شافتها عنيا

ميان..

_يعني انا حلوه

ادم وهو بيتسم بصدق..

_جداا ، تعالي

واخذها ادم بجانبه علي المقعده ولف يده حولها وربت علي زراعها قليلا

ادم..

_انتي عمرك ما كنتي وحشه ابدا انتي جميله جدا ، بقا كل دا يطلع منك يا ميمو

________

بعد عده ايام

تقربو ادم وميان كثيرا ، واصبحوا اصدقاء او شئ اخر تحت مسمي الصداقه ، هند تنظر لهم بأعجاب انهم ثنائي ممتاز ، لكن للأسف لا يمكن ان يكتمل .

دلف ادم الي المنزل ليجد ميان في الفراندا امامه ليدلف لها دون استئذان ويقبل اعلي رأسها

ادم..

_ايه يا نكديه ، بتعيطي ولا ايه

ميان بأبتسامه..

_لا خالص انا كنت مستنياك

ادم..

_اممم طيب وانا جيت ، عامله ايه

ميان بمشاغبه..

_احسن منك

ادم بمكر..

_يارب دايما يا كتكوته تكوني احسن مني

ميان..

_يلا روح غير هدومك بسرعه عشان الغدا انهارده مش بيستنا حد

ادم..

_ليه عاملين اكل ايه

ميان..

_حمام محشي ، ومحشي ورق عنب وكوسه وحاجات غريبه كده بيقولو انك بتحبها

ادم بدهشه..

_والدتك الي عامله كده

ميان..

_اه

ادم بتاكيد..

_عامله محشي

ميان..

_ايوه

ادم..

_وحمام

 

ميان..

_ايوه يابني مالك

ادم..

_وبتطلبي مني اغير هدومي كده عادي ، دا انا هروح اكله وهو في المطبخ مش هستني اما يتحط علي السفره

ميان..

_هو حلو

ادم..

_يا بنتي روحي اسألي اي مصري ، ماذا يعني المحشي بالنسبه لك

ميان..

_هو حلو اوي كده

ادم..

_دا من كتر حلاوته بيجري في دمي

وذهب ادم سريعا الي المطبخ غير مكثر بحديث ميان عن تبديله لملابسه او الأنتظار حتي تضع الطعام علي المائده

________

(علي مائده الطعام)

عمار..

_الحمد لله انكم لحقتو الاكل من تحت ايده والا مكنش حد كل مننا

ادم..

_انت بتقول فيها مكنتش هسيب لحد حاجه ، دا محشي ، وعمتي نفسها في الأكل حلو ما شاء الله ، تسلم ايدك يا عمتو

لوسي..

_تسلملي حبيبي

عمار..

_كويس انك لسه فاكره حاجه من اكل الحجه الله يرحمها

لوسي..

_الحمد لله ، هند كمان ساعدتني كتير

ادم لميان..

_وانتي معملتيش معاهم حاجه

ميان بخجل..

_لا انا معرفش هما بيعملو ازاي الحاجات دي

ادم..

_فعلا

لوسي..

_ايوه فعلا هيا اول مره تدوق الحاجات دي مكنتش بعملها في امريكا

عمار..

_بقولكم ايه ، ايه رأيكم نروح المزرعه الخميس الجاي

لوسي..

_انت عندك مزرعه

عمار..

_اه ايه رأيك نروح فيها

لوسي..

_فكره حلوه

ادم..

_كويس هاخد اجازه من الشغل بكره ، ونروح

هند..

_الله اهي تبقا فتره نقاهه احسن انا الأمتحانات جابت اجلي

عمار..

_لا شدي حيلك معانا ، لسه في ترم تاني

هند..

_كلو يهون عشان خاطر العربيه ، بس عارف يابابا لو نجحت ومجبتليش العربيه

عمار..

_متقلقيش يا لمضه ، افلحي انت بس وانا هجبلك الي انتي عايزاه

لوسي..

_هيا فين المزرعه دي

عمار..

_في المنصوره ، بس ايه تحفه متاكد انها هتعجبك ، ايه رأيك يا ميان موافقه

ميان..

_معنديش مشكله

عمار..

_تمام يبقا اتفقنا ، ابقا كلم اهل خطيبتك يا أدم اعزمهم بالمره عشان يروحو معانا

                        الفصل الرابع من هنا

لقراة باقي الفصول اضغط هنا

تعديل المقال