رواية عشق الجاسر الفصل الثالث3 الرابع4 بقلم مروة عبد الجواد
دنيا : بدموع وصوت مبحوح ، الحقني يا جاسر ، الحقني .
جاسر : بخضه ، في ايه مالك ، ايه اللي حصل .
دنيا : هموت ، الحقني الحقني بسرعه .
ذهب بسرعه إليها فوجد انوار الجناح كامل مضاءة ، وهي تجلس على الأرض في ركن بالغرفه وتبكي .
جاسر : بخضه في ايه مالك ، ايه اللي حصل ، اتكلمي .
دنيا : بدموع ، اص .. اصل قلقت من النوم .
ثم مسكت منديلا ونفت به بصوت مرتفع .
جاسر : بقلق ، ها كملي .
دنيا : اشارت بيدها ، صحيت من النوم فجأه لقيت الدنيا مضلمه .
جاسر : وبعدين ايه اللي حصل .
دنيا : بدموع ، وهي تنف بصوت عالي ، ما هو دا اللي حصل .
جاسر : يهز راسه ببلاهه ، مش فاهم .
دنيا : عااااا ، اصل انا بخاف من الضلمه ، وارتمت بحضنه .
جاسر : اغمض عينيه وعض علي شفتيه بضيق ، الله يخرب عقلك ياشيخه خضتيني عليكي .
وابعدها عنه بضيق .
دنيا : تنف بصوت مرتفع .
جاسر : بطلي قرف بقي نف نف ايه ارحمي امي .
دنيا : ببكاء ، هي طنط جت .
جاسر : اووف ، يعني جيباني علي ملا وشي علشان كده .
دنيا : وهي تنف بصوت عالي ، من وانا صغيره وانا بخاف من الضلمه معرفش ليه عااااااا .
ثم ارتمت بحضنه وهو بجوارها ، صعبت عليه فطبطب عليها وهي بحضنه وحاول ان يهديها .
جاسر : طيب اهدي شويه وبطلى عياط .
دنيا : ابتعدت براسها ، مش انا قلتلك متطفيش النور قبل ما تمشي هاا مش انا قلتلك كده .
جاسر : انا اسف انا اللي نسيت و طفيته حقك عليا .
ثم وقف وحاول أن يسندها وحملها على السرير .
دنيا : وهو شايلها ، الله المرجيحه دى حلوه خليني شويا كده .
جاسر : علي فكره انتي مش خفيفه ، ووضعها على السرير
دنيا : ايه دا قصدك اني تخينه دا انا ٦٥ كيلو بس .
جاسر : ضحك باستهزاء ، اه مانا عارف .
دنيا : اه والله انت مش مصدق .
جاسر : غطاها يلا عشان تنامي .
دنيا : انت هتسيبنى تاني .
جاسر : مسح الدمعة من عينيها وهي نائمه ، لا هفضل جمبك وجلس جمبها .
دنيا : بابتسامه ، طيب احكيلي حدوته .
جاسر : احنا هنهزر حدوته ايه .
دنيا : الشاطر حسن .
جاسر : والله .
دنيا : اه .
جاسر : لا معرفهاش .
دنيا : طيب حدوته الكتاكيت الثلاثة كوكو وكاكي وكوكي .
جاسر : ايه مين دول .. لا معرفش حواديت .
دنيا : عااااا كده مش هعرف انام تاني .
جاسر : طيب اسكتي ، اسكتي هحكيلك حدوته .
دنيا : بفرحه ، حدوته ايه .
جاسر : حدوته الشاطر جاسر .
دنيا : ايه ده ، لا وحشة .
جاسر : لا حلوه .
دنيا : غطت وجهها بالغطاء ، لا خلاص هنام لوحدي .
جاسر : بضحك ، مجنونه . له حق عمي يخاف عليها .
دنيا : شالت الغطا من على وشها ، بتقول حاجه .
جاسر : غطاها بهزار ، لا مبقلش نامي .
نامت دنيا ، وهو نام بجوارها ولم يشعر الا بضربة كف على وجه وهو نائم .
جاسر : بخضه ويد دنيا علي وجهه ، اه يابنت المجنونه .
دنيا : بصوت نائم ، الفطار ياداده والايس كريم .
جاسر : خبطها على كتفها ضربه خفيفه ، ايس كريم على الصبح يا مفتريه .
دنيا : فتحت عينها فوجدته بجوارها ، وضعت يدها علي صدرها بخضه ووقفت علي السرير ، يا لهوي انت ايه اللي جابك هنا ، والله لقول لبابا انك نايم جنبي على السرير ، انت كنت بتعمل ايه ، وبصوت عالي ، الحقني يا باباااااااااا .
وقف جاسر على الأرض وتناول الفوطه من علي الكرسي .
-- هبله والله .
وتركها ودخل الى التواليت .
دنيا : ضربت يدها على راسها ، ايه دا هو مكنش حلم ، عاااااااا انا عايزه اروح بيتنا ، بعياط مصطتنع ،انتي فين يا دادا زينب .
جاسر : اخذ شاور وخرج بجسمه المبلل وعضلاته البارزه يغطي وسطه التحتاني فقط .
دنيا : يخربيتك ايه دا هي دي عضلات بجد ، انت هيرو ولا ايه .
جاسر : ضحك ، أصل بشيل حديد .
دنيا : لوت فمها بسخريه ، بتشيل حديد ، اه ما انا عارفه ، بإمارة مكنتش قادر تشيلني امبارح .
جاسر : بصلها بضيق ، انا مش عارف أشيلك .
ثم ذهب وحملها .
دنيا : بتعمل ايه يامجنون .
جاسر : بوريكي اقدر اشيلك ولا لا .
حاولت ان تبعده عنها فوقعت علي السرير وهو فوقها ، نظر الي عينيها فشيء غريب بهما جذبه إليها .وجذبها اليه نظروا لبعض للحظات .
جاسر : همس لها ، ها اقدر اشيك ولا لا .
دنيا : ها ..
جاسر : ابتعد عنها بابتسامة ، وارتدى ملابسه .
دنيا : عضت على شفايفها ، يخربيت حلاوتك .
جاسر : سمعتك علي فكره .
دنيا : دخلت على التواليت بسرعه لشعورها بالكسوف .
جاسر : بصوت عالي وهو يزرر قميصه ، انا رايح الشركه .
دنيا : خرجت بسرعه ، طيب وانا .
جاسر : وهو يزرر قميصه ، انتي ايه هتفضلي هنا لحد لما اجي ، هخليهم يطلعولك الفطار ، ولو احتاجتى حاجه تطلبيها تجيلك لحد هنا.
دنيا : ليه يعني هو انا عايشه في سجن ، انت عايزني افضل طول اليوم هنا ، لحد لما جنابك تيجي ، انا عايز اروح الجامعه .
جاسر : بضيق ، لا .
دنيا : بضيق ، ايه ده انت صدقت نفسك انك جوزي ولا ايه ، بتتأمر عليا بقي وكده .
جاسر : اقترب منها بتحذير ، الكلمة اللى بيقولها مبكررهاش تانى سامعه ولا لا .
دنيا : ابتعدت عنه وطلعت فوق السرير ، لا يا بابا مش معايا الكلام دا ، دا عند الموظفين اللي بشتغلوا عندك .
جاسر طلع قصادها علي السرير ،فنزلت هي بخوف وابتعدت فنزل هو وراها حتى وقفت في آخر الجناح .
دنيا : بخوف ، هتعمل ايه .
جاسر : اقترب منها بتحذير ، انا كلامي يمشي عليكي قبل الموظفين ، سامعه ولا لا .
دنيا : وضعت يدها على جانب رأسها بتعظيم ، اوامرك تتنفذ ياباشا ، حاضر .
جاسر : ايوه كده ، التفت للخروج .
دنيا : بتصنع ، بس والله حرام كده طول اليوم أفضل بين اربع حيطان وحيده حزينه مكسوره لوحدي ، طيب انزل الاوتيل تحت شويه .
جاسر : ابتسم ثم لف لها ، مفيش مانع لكن خروج برا الاوتيل لا .
دنيا : حاضر .
......
تركها جاسر وذهب الي الشركه ومر علي سكرتيرته نهى .
جاسر : خلي معتز الخولي يجيلي حالا .
نهى : حاضر يا فندم .
.........
رن جرس هاتف دنيا وكان المتصل ياسمين .
دنيا : ازيك يا سمسمه .
فارس : اهلا بالعروسه .
دنيا : بتعجب ، فارس ايه ده مش دا موبايل ياسمين ولا انا بيتهيألي .
فارس : اه بتصل من تليفونها عشان اباركلك لاحسن عريسك يشوف رقمي .
دنيا : لا هو انا مقولتلكش ، ما انا مسحت رقمك .
فارس : لا والله .
دنيا : لا لا متفهمش غلط .
فارس : فهميني انتي الصح .
دنيا : اصل جاسر طلع عصبي اوي فأنا خفت ومسحت الرقم .
فارس : خايفه على مشاعر عريسك اوي ياعروسه .
دنيا : عريس ايه بس .
فارس : ليه مش كتب كتابك كان امبارح .
دنيا : اه اتجوزنا ، بس انا مبحبهوش يافارس ما انت عارف .
فارس : والبيه جمبك ولا فين بتتكلمي بقلب جامد يعني .
دنيا : لا نزل شغله .
فارس : بسخريه ، نزل الشغل ليه مش عريس وفرحان بعروسته .
دنيا : لا احنا متجوزين على الورق بس عشان خاطر بابا .
فارس : يا سلام يعني ملمسكيش لحد دلوقتي ولا انت بتضحكي عليا .
دنيا : ابدا والله ، ولا يقدر .
فارس : طيب عايز اشوفك .
دنيا : لا مينفعش .
فارس : ليه بقى .
دنيا : جاسر لو عرف ممكن يبهدل الدنيا .
فارس : انتي خايفه عليه وعلى زعله ولا ايه .
دنيا : لا طبعا بس مش دلوقتي ، انا مش عايزه مشاكل معاه في الوقت دا .
فارس : ماشي يا دنيا لما اشوف اخرتها معاكي .
اغلق الهاتف وابتسم إلى ياسمين صديقتها .
فارس : قال ملمسهاش قال فاكرني عبيط .
ياسمين : وبعدين يا فارس كده خطتنا باظت على الاخر بعد ما اتجوزت .
فارس : مفيش حاجه هتبوظ متقلقيش .
.........
في منزل منار العادلي مع صديقتها ساره وتعمل معها ايضا بالشركة .
منار : بدموع ، شوفتي يا ساره الكذاب الغشاش ضحك عليا خمس سنين ، خمس سنين من عمري وحياتي وفي الاخر يقولي بكل سهوله انه اتجوز وامتا قبل فرحنا باسبوعين .
ساره : مش معقول يا منار اكيد في سبب خلاه يعمل كده ، جاسر بحبك .
دنيا : سبب .. سبب يتجوز قبل فرحنا با اسبوعين ، انا هموت يا ساره مش مصدقه ، بعد ما اخترت الفيلا والديكورات والالوان والفرش وكل حاجه حتى القاعه حجزناها سوا ، اكيد انا في كابوس .. كابوس ياسمين وعايزه اصحى منه .
ساره : طيب اكلمه افهم منه ايه الحكايه وايه اللي حصل .
منار : اوعي ، اوعي تكلميه ليفتكر اني انا اللي بعتاكي .
ساره : لا طبعا ، انا هقوله انا اللي جتله علشان اعرف عمل كده ليه .
منار : لا انا كرامتي متسمحش بكده مبقاش فضلي غيرها ، بس ورحمه ابويا لازم اندمه على كسره قلبي ..
............
دنيا تنظر من البراندا فشاهدت حمام السباحه بالاسفل .
-- الله منظر المياه تجنن ، انا هنزل أفطر وانزل الميه شويه ، اهو افك عن نفسي شويه بدل الخنقه دى .
.........
ذهب معتز الخولي الى مكتب جاسر الحديدي و
معتز : مبروك يا عريس .
جاسر : مبروك على ايه بس ، انا تعبان يا معتز ومش عارف اعمل ايه ، انا تعبان جدا بين قلبي وبين عمي نفسي اروح لمنار دلوقتي حالا مش قادر اسيبها بالشكل دا .
معتز : بيني وبينك خالد بيه برضو عنده حق في اللي عمله بنته وخايف عليها ، لكن لو كنت لسه عايز منار كنت حاول ترفض بشياكه .
جاسر : أرفض ازاي ، عمي اللي وقف جنبي وجنب اهلي ومحرمنيش من حاجه حتى حبه وحنينه ومستخسر هوش فيا ، بعد اللي عمله معايا كل السنين دي اول ما يطلب مني طلب عايزني اقوله لا يا عمي مقدرش .
معتز : مش عارف اقولك ايه ، معاك حق في اللي عملته ولا في منار اللي اتظلمت .
جاسر : وانا متظلمتش لما فرحه عمري تتسرق قدام مني وارتبط بواحده كل علاقتي بها انها بتقولي يا آبيه جاسر ، لما ادوس على قلبي بالجزمة وامشي عليه ومبينش لحد ، ودنيا متظلمتش إنها عاشت مع واحد طول عمرها بتعتبره زي اخوها ، كلنا مظلومين يا معتز لكن في حد بيقدر يعيش ويكمل ، وفي حد بيموت في الدقيقة مليون مره .
معتز : خلاص اقعد مع منار وافهمها انت عملت كده ليه وايه السبب ، وانه غصب عنك .
جاسر : بحزن ، دي محاولتش حتى تسمعني وسابتني وجريت وانا لسه بشرحلها وبكلمها .
معتز : أي واحدة مكانها كانت هتعمل نفس اللي هي عملته .
جاسر : بضيق ، اي واحده مكانها بتحب بجد كانت تحاول تلاقي لحبيبها اي عذر علشان تسامحه ، انت ناسي لما شفتها قبل كده راكبه العربيه مع ابن
السيوفي ، و قررت اقطع علاقتي بيها ، لكن هي اول لما كلمتني و فهمتني انا سمعتلها ، لما قالتلي عربيتها عطلت وانه شافها وعرض عليها يوصلها ، سامحتها بعد لما اتاكدت من كلامها .
معتز : اتصل عليها كلمها .
جاسر : اتصلت كذا مره لكن هي مبتردش زي ما تكون ماصدقت .
معتز : هما البنات كده مشاعرهم سبقاهم مبيفكروش .
جاسر : دي بقالها تلات سنين ماسكه شركة والدها بعد ما توفي ، يعني عقلها كبير وفاهمه وناضجه .
معتز : مش عارف اقولك ايه ، سيبها شوية لما تهدا وحاول تكلمها تاني وتفهمها اللي حصل .
جاسر : وتفتكر ده هيغير حاجة من اللي حصلت بالنسبالها .
معتز : على الاقل متخدش فكره وحشه عنك وانك غدرت بيها .
جاسر : انا برضوا بفكر في كده لازم اكلمها ، المهم خلي بالك اليومين دول من الشغل علشان هبقى مشغول شويه .
معتز : ليه في حاجه .
جاسر : عمي اللي مسافر عايز اكلم الدكتور وافهم ايه النظام بره والعملية ، ودنيا لسه عايز اشوفلها فيلا علشان تعيش فيها .
معتز : بدهشه ، وفلتك فين .
جاسر : بحزن ، الفيلا دي بتاعه منار هي اللي اختارت كل حاجه فيها مقدرش اعيش فيها من غيرها ، ولا ادخل واحده تانيه غيرها فيها .
معتز : امال انت و الدنيا فين دلوقتي ، عند عمك .
جاسر : لا رحنا اوتيل وحجزت فيه كام يوم ، أنا همش علشان متاخرش عليها ، خصوصا ان عمي شبه طردها علشان تيجي معايا .
معتز : طيب ، ماشي .
........
ذهب جاسر الي الاوتيل وصعد لجناحه وهو يبحث عن دنيا فلم يجدها ، اتصل عليها فلم ترد .
-- راحت فين دي ، اه صح تلاقيها تحت .
ذهب إلى أسفل وبحث عنها في المطعم فلم يجدها ثم ذهب الى حمام السباحه ونظر حوله فلم يجدها .
دنيا : شاهدته وهي في حمام السباحة فشاورت له ، آبيه جااسر .. آبيه جااسر انا هنا .
جاسر : شاهدها فوجدها بالمايوه البكيني تسبح ونظرات الشباب عليها ، يخربيتك .
دنيا : تعالا خدلك غطس الميه تجنن .
جاسر : بعصبيه جري عليها وقرب وهو بيقلع جاكيت البدلة وبصوت عالي ، اطلعي بسرعه .. اااااااطلعي
دنيا : لا انا مبسوطه هنا سبني شوية .
جاسر : بعصبيه اطلعي يخربيت ابوكي ، سامحني ياعمي ، ااااااطلعي .
خرجت دنيا من المياه وجسمها مبلل وهي ترتدي البكيني لفتت أنظار كل من حولها فجسدها مثير حقا بشعرها المبلل لبعد اخر خصرها .
دنيا : بخضه وهي تخرج ، في ايه مالك .
جاسر لبسها الجاكيت بسرعه .
دنيا : بدهشه ، ايه دا انت بتعمل ايه ، بتلبسني الجاكيت بتاعك ليه .
تناول جاسر الفوطه ولف وسطها من تحت ليغطيها ويداريها عن عيون الناس .
دنيا : ايه اللي بتعمله ده الناس بتبص عليا وبتضحك .
جاسر : اغلق الجاكيت عليها بإحكام ، تضحك عليكي احسن ما يضحكوا عليا .
ثم سحبها بسرعه الي الاسانسير وذهب الي غرفتهم .
دنيا : خلعت الجاكيت والفوطة ، ووضعت يدها على وسطها ، ممكن اعرف ايه اللي انت عملته ده .
جاسر : عندما شاهدها امامه هكذا بالبكيني وضع يده على رأسه ، يانهار اسود .. يا نهار اسود انتي نزلتي تحت كده بالبكيني يادنيااا .
دنيا : باستهزاء ، امال عايزني انزل البول بايه .
جاسر : بضيق ، وانتي لازم تقلعي علشان تنزلي البول ، وتخلي اللي يسوي واللي ميسواش يشوفك كده .
دنيا : والله انا متعوده علي كده مش حاجه جديده يعني .
جاسر : لا دا كان زمان يا ماما .
دنيا : والله دي حياتي وانا حرة فيها .
جاسر : بعصبيه ، طول ما اسمك جنب اسم جاسر الحديدي ، مسمعش كلمة حرة دي تاني .
دنيا : ليه يعني انت كنت ملكتني ولا ملكتني .
جاسر : يابت متجننيش ، محدش بينزل كده .
دنيا : انا هنزل كده .
جاسر : اقترب منها بضيق ، طيب اه يادنيا انا ملكتك وانتي بتاعتي .
دنيا : بخوف ، رجعت لورا حتى التصقت بالحائط ، لا انا حره ملكش دعوه بيا .
جاسر : بتحد وضع يده حول خصرها بأحكام ، انت ملكي انا ملك جاسر الحديدي فاهمه . $$$$$$
دنيا : تحاول إبعاده ، لا مش فاهمه ، ابعد عني .
جاسر : اقترب منها وقبلها قبلة عنيفة .
دنيا : لا لا حتى استسلمت لقبلته .
استلذ جاسر بقبلتها ولكنه حاول منع نفسه فاابتعد عنها قليلا .
دنيا : بعدما أفاقت بتوتر ، انت عملت ايه يامتوحش .
فضربته بركبتها في أسفل بطنه .
جاسر : بتألم ، اه اه فابتعد عنها .
دنيا : ضحكت بصوت عالي باستهزاء ، قال جاسر الحديدي قال ، طب ما انا دنيا الحديدي .
عض جاسر علي شفتيه بضيق فجرى عليها ، فجريت دنيا .
دنيا : يالهوي هتعمل ايه يامجنون .
دخلت التواليت واغلقت على نفسها من الداخل .
-- ضحكت باستهزاء مش هتعرف تمسكني .
جاسر : والله انك عيله رسمي .
دنيا : بسخريه رسمي فهمي نظمي ههههههه .
جاسر : بقي كده ، ماشي .
اغلق الباب عليها من الخارج .
جاسر : ابقى باتي بقى في التواليت ، ان نازل اتغدى .
دنيا : لا يا آبيه جاسر متهزرش ، وخبطت على الباب .
جاسر : دلوقتي بقيت آبيه ، طب سلام ياقطه .
وتركها وذهب .
دنيا : خبطت على الباب بشدة ، افتح متهزرش علشان خاطري افتح .
ولكن جاسر كان ذهب ليتناول غداءه وهو يتمتم ،
-- هو انا كنت ناقص شغل عيال .
ثم تالم من الضربه ، اه دي بتوجع قوي ، ماشي يادنيا نازله بالبكيني فضحتيني .
دنيا حاولت ان تهدئ من نفسها فهي عندها فوبيا الأماكن المغلقة وتسبب لها الاختناق .
دنيا : اهدي .. اهدي يا دنيا دول عشر دقايق وهيطلع يفتحلك تكوني اخذتي شاور لحد ما يطلع .
اخذت شاور وغنت لكي لا تشعر بالوقت وبصوت عال اندال اندال اندال ليه مصر انك تخسرني هو انا زعلتك يا ابني ( تقطع الاغنيه بتصنع لا والله مزعلتوش عاااااااا ثم تكمل ) عمال تكحتني فى ضهرى وتبصلي يا ابو الرجال ( قال جاسر الحديدي قال وكمان بيبوسني المتوحش ) وانا اقولهم اخويا براكودا ابن ابويا مع اني انا عارفك قلبك اسود يلا مدهون بالبويا ، اكرهني ياصاحبي براحتك برضو انت ادرى بمصلحتك .
-- اووف انا زهقت .
خرجت ونشفت جسدها وشعرها ، يووه الهدوم بره ، ثم لفت جسدها بالفوطه .
-- بضيق ، ايه ده اتاخر قوي كده ليه ، ثم بدات تشعر بالاختناق حتى اغمي عليها عليه في ارضيه التواليت .
انهي جاسر غداؤه وطلب لها غدا ، ثم ذهب لها وفتح باب الجناح وخبط علي باب التواليت وهو يفتح لها
جاسر : اجهزي يلا عشان الغدا طالع .
ولكن دنيا لم ترد فكرر كلامه مرة اخرى ولكنها لم ترد ، فشعر بالقلق دخل فوجدها مغمي عليها وجسدها مبلل أثر البخار وملفوفه بالفوطه ، حملها بسرعة ووضعها على السرير وجلس بجوارها .
جاسر : ضربها على وجهها ضرب خفيف لافاقتها ، دنيا فوقي مالك .
دنيا : فتحت عينها .
جاسر : اجيبلك دكتور ايه اللي حصلك .
دنيا : كنت هموت .
جاسر : بلهفه ، بعد الشر .
دنيا : بدموع انا عايزه اروح عند بابا ، انا بيحصل معايا كده ليه .
جاسر : ايه اللي حصل .
دنيا : عدلت نفسها وبحزن ، انا بيحصل معايا ليه كده ، ماما ماتت من وانا لسه في اللفه ، ملحقتش اشوفها واحبها وتحبني وتهتم بيا و تراعيني زي اي ام مع بنته ، اتيتمت من وانا صغير من امي ، وبابا دلوقتي عايز ييتمني منه وهو لسه عايش .
جاسر : معلش يا دنيا اوقات القدر بيحكم علينا بحاجات لازم نتقبلها .
دنيا : يعني القدر يحكم عليا كمان اني اتجوز واحد مبحبوش ، دا ايه الظلم دا .
صمت جاسر ولم يرد حتى خبط الباب وكان الجرسون ، أخذ جاسر منه الطعام و أتي بالطعام إلى دنيا علي السرير
جاسر : يله علشان تتغدى .
دنيا : لا مش عايزه ماليش نفس .
جاسر : ازاي ملكيش نفس ، انتي مفطرتيش
دنيا : بدهشه ، انت عرفت ازاي اني مفطرتش .
جاسر : انا تحت سالتهم قالولي إنك طلبتي الفطار يجيلك بعد ما تطلعي من البول ، وانا طبعا جيت وخدتك ومفطرتيش .
دنيا : هزت راسها رافضه بزعل ، لا مليش نفسي اكل .
جاسر : جلس بجوارها ، مفيش حاجه اسمها مليش نفس .
مسك الشوكة واخذ قطعه من اللحم وادخلها بفمها ، فابعدته بيدها .
دنيا : قلتلك مليش نفس هو انا هاكل عافيه كمان .
جاسر : وضع قطعة اللحم بفمها غصب عنها .
دنيا : الله دي حلوه قوي .
جاسر : بابتسامه ، حلوه عجبتك .
دنيا : بعند ، لا .
جاسر : ابتسم واخذ قطعه اخرى من اللحم ، طيب فين الاسد اللي هياكل حته اللحمه دي ، هتدخل في بوق مين ها مين .
دنيا : فتحت فمها وهي تلتهمها ، فهي رائعه جدا وهي لم تاكل منذ امس ، هم هم دخلت في بوق الاسد .
جاسر : شطوره الاسد ده ، باين عليه جعان قوي .
دنيا : هزت رأسها بالتأكيد : قوي .. قوى ..
جاسر : اخذ قطعه من المكرونه طيب المكرونه دي هتروح لمين ، للغزاله افتحي بقك بسرعه ياغزال .
دنيا : بسعادة شاورت على نفسها بيدها ، انا الغزاله هم هم .
جاسر : بسخريه ، لا دي الغزال هتاكلني في الاخر كده .
دنيا : أشارت بعينيها على الصوص ، الغزالة عايزة صوص .
جاسر وضع الشوكه وأخذ المعلقة ليضعها في الصوص
دنيا : لا مبحبهاش بالمعلقه بصباعك ، عايزه اكل الصوص بصباعك .
جاسر : صباعي ايه القرف ده ، انت هتكليي بجد ولا ايه وكمان هتبتدي بصباعي .
دنيا : وهي تضحك ، انا مبحبهاش غير وانا بلحسها .
جاسر : لا انا بقول انتي تاكلي بنفسك بقي .
دنيا : عااااا ، الغزالة عايزة صوص .. الغزاله عايزة صوص .
جاسر : خلاص استني اروح اغسل ايدي .
دنيا : بسرعه الغزاله جعانه قوي .
جاسر : بتمتمه ، انا اللي جبته لنفسي والله عيله ، له حق عمي يخاف عليها .
غسل جاسر يده بسرعه وذهب لها .
جاسر : مد احد اصباعه في الصوص ، اوعي تاكلي ايدي .
دنيا : بابتسامه ، متخافش الغزالة مبتعضش ، بس لو اكلت الأسد هيعضك .
جاسر : لا وعلى ايه خلينا في الغزالة احسن ، الصوص رايح فين رايح فين .
دنيا : رايح للغزاله هم هم ، طعمه جميل قوي .
جاسر : الله يقرفك يا شيخه .
دنيا : بضحك ، عايزه صوص تاني .
جاسر : بقرف ، تاني .
دنيا : اه ، اه .
جاسر : اه اه ، ماشي ياختي .
دنيا : لا انا الغزالة .
جاسر مد احد اصبعه في الصوص وهو يضعه في فمها ، نظرت له برومانسية وهي تاكل الصوص بهدوء منه حتى انسجم معها للحظات وهي أمامه بالفوطه وشعرها مسترسل على جسدها ، قبل أن تخرج فمها ، عضته هي .
جاسر : اه ، ايدي يا مجنونه ، ايدي، وابتعد عنها
دنيا : ضحكت بصوت مرتفع ، أصل الأسد مكلش وكان جعان .
جاسر : بضيق ، والله بقى كده ، شوفي مين بقي اللي هياكلك .
دنيا :جلست على السرير بركبتها وبتوصل مصطنع ، لا لا عشان خاطري يا آبيه اكلني تاني ، مش هعرف اكل لوحدي ، اكلني ، اكلني .
جاسر : والله وبقينا نتريق كمان .
دنيا : مسكت الشوكه وبدأت تاكل بسرعه ، وضعت اصبعها بالصوص ولحسته ، الاكل طعمه حلو قوي .
جاسر : يضحك يامجنونه .
دنيا : تعالا كل معايا .
جاسر : لا كلت .
دنيا : تعالا بس ، ثم وضعت اصبعها في الصوص وذهبت له وهي تريد وضع صباعها في فمه .، خد دا طعمه حلو .
جاسر : حاول ابعادها عنها ، الله يقرفك انتي عيزاني الحس صباعك .
دنيا : تضع يدها في فمه ، والنعمه صباعي طعمه حلو ، دا حتي بطعم الصوص ، دوق بس .
جاسر أوقعها على الاريكه بدون قصد فمسكته هي من قميصه فوقع فوقها .
دنيا : وهي تنظر لعينيه ، وتضع يدها بفمه ، دوق .
جاسر : سرح في عنيها و فتح فمه ، واكل الصوص من اصبعها .
دنيا : حلو .
جاسر : اه حلو قوي .
#عشق_الجاسر
بقلم مروة عبد الجواد
دنيا :جلست على السرير بركبتها وبتوصل مصطنع ، لا لا
عشان خاطري يا آبيه اكلني تاني ، مش هعرف اكل لوحدي ، اكلني ، اكلني .
جاسر : رفع حاجبه ، بتتريقي والله .
دنيا : مسكت الشوكه وبدأت تاكل بسرعه ، وضعت اصبعها
بالصوص ولحسته ، الاكل طعمه حلو قوي .
جاسر : يضحك يامجنونه .
دنيا : تعالا كل معايا .
جاسر : لا كلت .
دنيا : تعالا بس ، ثم وضعت اصبعها في الصوص وذهبت له
وهي تريد وضع صباعها في فمه .، خد دا طعمه حلو .
جاسر : حاول ابعادها عنها ، الله يقرفك انتي عيزاني الحس صباعك .
دنيا : تضع يدها في فمه ، والنعمه صباعي طعمه حلو ، دا حتي بطعم الصوص ، دوق بس .
جاسر وهو ببعدها وقعها على الاريكه بدون قصد فمسكته هي
من قميصه فوقع فوقها .
دنيا : وهي تنظر لعينيه ، وتضع يدها بفمه ، دوووق .
جاسر : سرح في عنيها و فتح فمه ، واكل الصوص من اصبعها .
دنيا : حلو .
جاسر : اه حلو قوي .
دنيا : عاااااااا ، ضحكت عليك وخليتك تاكله .
جاسر : يخربيتك فصلان ، وقف وبعد عنها ، انا ايه اللي حصلي .
دنيا : تضحك ، انا دنيا الحديدي .
جاسر : ضحك ، مجنونه والله وهتجننيني معاكي .
دنيا : وضعت صباعها قدامه ، تقدر علي التحدي .
جاسر : زق ايدها وهو بيضحك ، لا مقدرش ..
دنيا : yes .
............
ذهب خالد الحديدي الى امينه والده جاسر .
خالد : ازيك يا امينه عامله ايه ، مشفتكيش من زمان .
امينه : الحمد لله على كل حال ، ازيك انت وازى صحتك .
خالد : رايح اعمل عمليه يوم الخميس ، واحتمال مرجعش يا امينه .
امينه : بخضه ، بعدشر عليك متقلش كده .
خالد : لسه بتخافي عليا يامينه .
فلاش باك
( كانت أمينة فتاة عشرينية ، تحب خالد الحديدي وهو ايضا
يحبها ، ولكنه سافر ليعمل بالخارج حتى يبدأ مشواره ويجمع
الأموال ويأتي للزواج منها ، احمد اخوه طلب منه أموالا
للزواج فأعطاه خالد ليساعده في استقامة طريقه ، ولكن أحمد
أخذ الأموال وتقدم بها لامينه وهو يعلم انهم يحبوا بعض ،
وفعل ذلك لانه كان بيغير من خالد اخوه لانه متفوق عنه منذ
الصغر في الدراسة وفي العمل أيضا ، ضغط اهل امينه عليها
للزواج من احمد وتزوجته وهي لا تعلم إلا يوم كتب كتبه انه
اخو خالد حبيبها ، تفاجأ خالد بزواج اخوه من امينه عندما بعث احمد الي خالد صور فرحة لكي يقهر خالد وانه انتصر عليه .
باااااك .
امينه : بزعل ، اللي فات راح ياخالد ، وملوش لازمه الكلام دا ، جاي بعد السنين دي كلها تسال .
خالد : معاكي حق ، طب رايك ايه في جواز جاسر من دنيا .
امينه : هو اللي اتعمل فيك زمان ، جاي تعمله وتعيشوا لابني دلوقتي .
خالد : ليه بتقولي كده .
امينه : علشان اخوك زمان خذنى منك وانا وانت عارفين يعني ايه اتنين بيحبوا بعض وفي الاخر ميبقوش من نصيب بعض ، جوزت بنتك لابني وانت عارف انه بحب خطيبته .
خالد : زمان احنا اتلعب علينا والله يسامحه احمد ، وبعدين جاسر ده ابني اللي غلاوته متقلتش عن غلاوه دنيا بنتي ، دا كفايه انه من رحتك يا امينه .
امينه : علشان كده سبتني لاخوك .
خالد : احمد لعبها صح واتجوزك بسرعه وانا ملحقتش انزل من السفر ، وبعدين بعد لما احمد مات انا طلبت ايدك ونلم الشمل بس انتي موافقتيش .
امينه : خلاص اللي حصل حصل ، بس لما جاسر زي ابنك عملت فيه كده ليه .
خالد : علشان ده ابني اللي بخاف عليه ، ودنيا بنتي برضه اللي بخاف عليها ، الإمبراطورية اللي انت شايفاها دي اللي انا ابتديت بيها وجاسر كملها ، عايزه ده كله يضيع واسم الحديدي يضيع ، ودنيا نضيعه وتضيع معاه .
امينه : يعني علشان تحافظ على مالك وبنتك تحطم قلب ابني .
خالد : دايما مشاعرك سبقاكي كدا ، رفضتيني زمان علشان كنتي زعلانه ولسه زعلانه مني حتى بعد ما كبرنا وعجزنا .
امينه : لا انت اللي عجزت لوحدك .
خالد : يضحك ، وانتي زي ما انتي زي القمر .
امينه : يوه ياخالد بطل معاكسه ياراجل .
خالد : مفيش واحده ياخلوده زي بتاعت زمان .
امينه : اتهد ياراجل .
خالد : اتهديت والله مبقاش فيا الا لسان .
امينه : تضحك .
خالد : افهميني يا امينه ، ده كله هيكون في ايد جاسر الشركه والفلوس وبنتي ، انا حطيت كل حاجه بين ايد جاسر الحديدي ، وعملت كده عشان هو تربيتك يا امينه وحته منك .
امينه : بس صعبان عليا قلبه ومشاعره ياخالد ولا خلاص مبقتش تحس بالمشاعر والاحاسيس اللي كنت بتحسها زمان .
خالد : فتره وهتعدي يا امينه متخفيش عليه وبعدين كله بيتغير .
امينه : يعني انت اتغيرت .
خالد : اللي يحبك لا يمكن يتغير يا منمن ، بس الزمن هو اللي اتغير .
امينه : منمن ، انت لسه فاكر .
خالد : وانا من امتى نسيت ، لسه بتحبيني يا امينه زي زمان .
امينه : بكسوف ربنا يخليلنا عيالنا .
خالد : وصيتك دنيا يا امينه .
امينه : من غير وصية دنيا دي زي بنتي ، بس ربنا يقوي ابني على الاختبار الصعب ده .
خالد : متقلقيش يا امينه جاسر قدها وقدود .
.......
تجلس منار الصواف على كرسي مكتبها وامامها السكرتيره . منار : عايزاكي تجمعيلي كل معلومة عن صفقة قطع غيار عربيات اللامبرجيني .
السكرتيره : لكن دي شركه الحديدي المعتمداها وبتاخدها كل مرة .
منار: اسمعي اللي بقولك عليه ، وتنفذيه .
السكرتيره : حاضر يا منار هانم .
خرجت السكرتيره ورفعت منار الهاتف واتصلت على طارق الرويعي .
( طارق الرويعي ثلاثيني العمر كان معجب بمنار قبل ذلك ولكنه يعلم انها تحب جاسر وهو غريم جاسر اللدود )
منار : ازيك يا طارق ، انا منار الصواف .
طارق : مش معقول منار الصواف ، بنفسها بتتصل انا مش مصدق ودانى .
منار : لا صدق يا طارق ، كنا عايزين نشتغل سوا ايه رايك .
طارق : غريبه يعني .
منار : ايه الغريب .
طارق : بخبث ، انتي عارفه اني انا وخطيبك جاسر الحديدي مبنرتحش لبعض .
منار : قصدك اللي كان خطيبي .
طارق : ايه ده ، مش معقول انتوا سبتوا بعض .
منار : تحب نشتغل سوا ولا ..
طارق : ولا ايه ، احب طبعا .
منار : تمام هخلي السكرتيره تحدد ميعاد ونتقابل .
طارق : تمام قوي.
.......
انتهت دنيا من طعامها وذهبت الى ارتداء ملابسها عبارة عن هوت شورت وبدي حمالة ، وفارده شعرها الطويل لدرجة ان شعرها اطول من الهوت شورت ، ثم ذهبت إلى جاسر فى البراندا .
دنيا : يلا بقى علشان نروح لبابا .
جاسر : كان يتصفح هاتفه بصلها ، ماشي غيري وانا جاهز .
دنيا : اغير ايه ما انا لابسه اهو .
جاسر : هو فين اللبس ، هو انتي كده لابسه .
دنيا : بابتسامه ، اه ايه رايك .
جاسر : قام قصادها ، زفت ، ايه دا يا ماما .
دنيا : ايه التيشرت مش لايق علي الهوت شورت .
جاسر : هوت شورت يانهار اسود .. يانهار اسود
دنيا : ايه في ايه ، بتسود النهار ليه .
جاسر : وانتي عايزه تطلعي بره كده .
دنيا : اه ، عادي يعني .
جاسر : عادي ايه ، دا انتي لو لابسه قميص نوم مش هيبقى بالشكل ده .
دنيا : قميص نوم ايه ، عيب على فكره لو سمحت .
جاسر : عيب ايه و اللي انتي لبساه دا مش عيب ، هو الصبح بكيني وبالليل هوت شورت ، صبرني يارب .
دنيا : علي فكره دا لبسي من زمان مش حاجه جديده يعني .
جاسر : لا طبعا مفيش بنت محترمه بتلبس كده .
دنيا : والله انت مش بابايا علشان تتحكم فيا وفي لبسي .
جاسر : بضيق ، انا فعلا مش باباكي انا جوزك ولازم تسمعي كلامي ، وروحي غيري هدومك يلا .
دنيا : بتحد ، لا مش هغير ، وانت مش جوزي احنا متجوزين على الورق بس ، علشان خاطر بابا وانا مش هسمع كلامك .
جاسر : رفع حاجبه ، تمام يا دنيا يبقى جوازنا لازم يكون مش على الورق وبس ، واقترب منها .
دنيا : وهي تجري بعيد عنه ، هتعمل ايه مجنون .
جاسر : وهو بقرب منها ، هخلي جوازنا يبقى رسمي .
دنيا : جريت وهو بيجري وراها ، انت اتجننت يالهوووي والله اصوت والم عليك الاوتيل كله .
جاسر : قرب منها وهي لازقه في الحيطه وهو قدامها ، ما تصوتي ساكته ليه .
دنيا : بصوت واطي ، ابعد يا جاسر ربنا يهديك .
جاسر : موطيه صوتك ليه .
دنيا : علش .... علشان انت ابن عمي ومش عايزه افضحك .
جاسر : تفضحيني ، انتي عبيطه يابت .
دنيا : انا عبيطه ، طب والله لصوت والم عليك الناس .
جاسر : متنسيش وانت بتصوتي تقوليلهم ده جوزي و عاوز حقوقه الشرعية .
دنيا : يا لهوي هي وصلت لحقوقه الشرعية ، علت صوتها ، يالهوي الحقوووووووووني
جاسر : اول لما علت صوتها ، يا بنت المجنونه وقبلها من شفتيها بسرعه وعنف علشان تسكت .
دنيا : حاولت ابعاده ولكنه كان متحكم بها جدا ، فتعمق جاسر بقبلته بها ، فحقا ملابسها مثيره وتظهر مفاتن جسدها ، فلم يتمالك نفسه ، ثم ابتعد بسرعه عنها قبل أن يفقد سيطرته .
دنيا : ايه دا انت اتجننت ، هو انت كل شويه بوس بوس ما تحترم نفسك ايه قله الادب دي انت ماصدقت .
جاسر : مش عايزه تصوتي وتلمي الناس تستاهلي ، ثم الكلمه الي اقولها متتكررش تاني انت متجوزه جاسر الحديدي ، وامشي من قدامي بلبسك دا ، وبصوت واطي يخربيت حلاوتك ياشيخه .
دنيا : بضيق ، عااااااا ، يامتوحش وتمد يدها وتمسح شفايفها مكان قبلته ، والله لوريك ياجاسر ، وفتحت دولابها لتختار ملابسها .
جاسر : ضحك ، ومسك الهاتف الموجود بالغرفه واتصل وطلب فنجان قهوة وعصير برتقال فريش .
دنيا : مش عايزه عصير .
جاسر : غلق الهاتف ، لا هتشربي علشان صحتك انتي طول النهار ايس كريم وشيبسي .
دنيا : عضت على شفايفها بضيق ، ماشي .
جاسر : طلعي لبس كويس ومحتشم .
وذهب الي البرانده .
دنيا : بصت عليه لقيته ماسك الموبايل ، مسكت هاتف الفندق واتصلت وبصوت واطي ، لو سمحت احنا طلبنا قهوه وعصير برتقال .
-- اه يا فندم عايزه حاجه ثانيه .
دنيا : اه كنت عايزاك تحط علي القهوه خمس .. لا عشر نقط ولا اقولك عشرين نقطة ملين ، اصل البيه معدته تعبانه شويا .
-- حاضر يافندم .
دنيا : اغلقت الهاتف ، ماشي يا جاسر والله لوريك .
اخذت ملابسها ذهبت وغيرت ملابسها ولبست بنطلون مقطع ابيض وتيشرت بيبي بلو مفتوح من الصدر ، وكالعاده يبرز مفاتن جسدها .
دخلت إلى جاسر فى البراندا .
دنيا : ها كده كويس .
جاسر : بسخرية ، مين اللي قطعلك البنطلون كده .
دنيا : مقطوع ايه ، دي الموضه .
جاسر : طيب لمى التيشرت من على صدرك شويه ، بدل مااهو طالع بره كده .
دنيا : هو ايه دا اللي طالع بره ، متحترم نفسك ، ثم رفعت التيشرت .
طرق الباب .
دنيا : دا اكيد الجرسون جاب القهوه ، هروح افتحله .
جاسر : استني .
دنيا : بقلق خوفا من ان يفتضح امرها ، ايه .
جاسر : خليكي انا اللي هفتح .
دنيا : ضربت يدها علي وجهها يالهوي ليقوله .
جاسر فتح وأخذ صينيه القهوه والعصير وجلس .
دنيا : وضعت يدها على صدرها ، الحمدلله مقلوش .
جاسر جلس وبدا يشرب القهوه ودنيا بتبص عليه .
جاسر : شرق ، كح .. كح ،ثم بصلها ، ما تيجي تشربي العصير بدل ما انتي بصالي في القهوة بتاعتي كده ، ولا عايزاها .
دنيا : تضحك بخبث ، تؤتؤ مبحبهاش ، ثم اخذت كوب العصير وبدات تشربه بتلذذ وهي تضحك علي جاسر .
لكن سرعان ما بدأت بطنها تفرك .
دنيا : ايه ده بطني بتوجعني ليه كده ، اه .. اه بتالم . .
ثم ذهبت للتواليت وخرجت وماسكه بطنها.
جاسر : مالك .
دنيا : بطني بتوجعني ، آه ثم نظرت له ، هو انت بطنك مبتوجعكش .
جاسر : لا .
دنيا : اه يابطني .
جاسر : حاسه بايه .
دنيا : ماسكه بطنها ، حاسه إني عايزه ادخل الحمام .
جاسر : بيضحك وكاتم الضحك ، طب ماتقومي .
دنيا : ذهبت للتواليت وخرجت ، هو انت بطنك مبتوجعكش ، مش عايز تدخل الحمام .
جاسر : وهو يضحك ، لا مش عايز .
دنيا : طب اقوم ادخل انا ، وبصوت واطي هو الغبي دا حط الملين فين بالظبط .
جاسر : في العصير .
دنيا : ايه .
جاسر : بضحكه مكتومه ، بقول العصير .. العصير يمكن مكنش فريش .
دنيا : اه ، وبتالم اه يابطني وجريت علي الحمام .
جاسر : كده مش هنروح لعمي ولا ايه .
دنيا : وهي في التواليت ، لا مش قادره بطني وجعاني قوي .
فلاش باك .
جاسر وهو فى البراندا حس انه غلط في دنيا ، فراح يعتذر لها سمعها وهي بتتكلم في التلفون وبتقول يحط ملين في القهوه ، بعد ماقفلت ودخلت تغير في التواليت ، اتصل هو على الجرسون وقاله الملين يحطه في العصير .
وحاوريني ياكيكااااا 😅😅
باااك
جاسر : بصوت عالي ، اجبلك حبيتين انتينال .
دنيا : وهي في الحمام ، انتينال هو انا اتكشفت ولا ايه .....