روايةاحتل قلبي
الفصل الحادي والعشرون
بقلم دنيا
ندي: طلعت ع البلكونه وبصت ع زهريات الورود الموجوده فيها وافتكرت كلامهم وهم بيجبوهم "
*فلاش باك*
ندي: انا لازم اجيب ورد ع بيتنا وهنزقيه كل يوم وهنهتم بيه ومش هنخليه يدبل ابدااا
فهد: لالا انسي مش هنجيب ورد اي حاجه بتتعبك مش هجبها
ندي: واي حاجه انت بتحبها انا هجبها ملكش دعوة بقا
فهد: انا بحبك انتي اكتر من الورد
ندي: ونا بحبك بس الورود ريحتها تحفه ونا عايزة حاجه حلوة نعملها سوا انا ونت ونزقي الورد ده واحنا مع بعض بترجاااك
فهد: امري لله هجبلك جونتي وقبل متقربي من الورد تلبسيه بصي عشان انتي مبتسمعيش الكلام، البلكونه ال هيتحط
فيها الورد مش هتدخليها غير معايا عشان انا ال ههتم بيكي وابعد عنك اي حاجه تأزيكي سامعه
ندي: سامعه ي حبيبي
*باك*
"بصت ع الورد وهي بتضحك بكسره نفس ودورت ع جونتي ولقيته محطوط ع البخاخه، لبستو ومسكت البخاخه ولسه
هترش ع الورد وفهد وقف وراها وحط ايده ع ايدها ورشوه سوا ، خلصو وخد منها البخاخه واتعدلت ليه "
فهد : معلش يعني ان دخلت بس خفت من جنانك لتروحي تلمسي الورد بايدك
ندي: باصه ف الارض" عادي مش هتفرق كتير
فهد: انتي بس ال شايفه ان الحوار مش هيفرق، تعرفي ان كل حاجه عملناها ف الشقه هي هي متغيرتش ، بيكي من غيرك الحاجه زي مهي تعالي حتي اوريكي اني مغيرتش حاجه "مسك ايدها وشدها وبيلف بيها الشقه "
فهد: ادي مطبخنا فاكره لما كنا بنتخانق ع لونه بني ولا كافيه لحد م عملنا اللونين، فاكره التلاجه لما احترت اللون السليڤر وانتي اخترتي الاسود وقولتلك كلمتي ال هتمشي بس التلاجه اهي لونها اسود "فتح درج المعالق " مش هكلمك عن كل حاجه بس حتي اصغر حاجه كنا مختارينها مع بعض، فاكره فاكره الاطباق فاكره السجاد والنجف والابجورات، انتي اتغيرتي وبقت كل حاجه زي م هي "ندي واقفه بتبكي وهو شد ايدها وحطها ع قلبه " بس ال ف قلبي متغيرش هو كمان ، تعرفي ان كل حاجه ف البيت دي اصيله حتي قلبي اصيل، الشخص الوحيد ال. طلع قليل الاصل هو انتي "ندي شدت ايدها بعيد وهتمشي راح قرب منها ومسك وشها ورفعه " مبسوطه كده مبسوطه بال عملتيه فيا انتي مش خايفه لاكرهك وازلك
ندي: حاولت تتمالك اعصابها " اعمل فيا ما بدالك انا استاهل، اكرهني وزلني بس خليك مع مها، فرحتلك ع فكره لما قضيت ليله امبارح معاها، اهو ليلتين تلاته تاني وهتحبها، بعد ازنك "ومشيت وفهد راح ع اوضه نومه ومسك ايد مها ولواها وهي صرخت "
فهد: انتي قولتي ل ندي اي ال حصل م بينااا
مها: ااه ي فهد ااابعد بطل غباء بقا انت اي ال بتعمله ده
فهد: ولا ااااه فهمت ، انتي كنتي مبهدله نفسك عشان هي تفهم كده متعرفش ان انا نمت ع السرير ورميتك ع الكنبه صح "زقها ف الارض" طب اعرفك بقا ي حلوة ي بتاعت الالعيب والكذب والتأليف انتي
ال انتي عملتيه ف نفسك ده مش بيحصل مفيش جواز بالبهدله دي ده انا كده ابقا اغتصبتك ع ال انا شفتك عملاه، وانتي عارفه طبعا ان انتي مش متجوزاني غصب عنك لا ده غصب عني انا يعني المفروض انا ال ابهدل نفسي مش العكس ، المرادي هحزرك المره الجايا متعرفيش ممكن اعمل اي
حاولي تلمي نفسك وتبقي محترمه، انا عارف انها صعبه بس حاولي عشان انا لو علمتك الادب والاحترام ههينك جامد قدام اهل البيت متتعديش حدودك ي مها ....."
________________
"تاني يوم الصبح وفهد دخل الحمام اخد شاور وطلع ومها كانت مجهزاله اللبس "
مها: حبيبي اخترتلك البدله دي انهردا
فهد: هااتي ثواني هاتي
لو سمحتي متمسكيش هدومي تاني، اخاف ع هدومي لتتوسخ "ورما البدله ف الدولاب واختار واحده غيرها ولبس"
مها: لي ي فهد كده، لي حتي مش عايز تدي نفسك فرصه وتقرب مني وتشوف حبي ليك
فهد : ده مش حب، دي انانيه، ال انتي عملتيه مش قليل ولا ينفع يتغفرله حتي لو ندي بزات نفسها سامحتك انا مش هسامح وهشوفك اسوء بنت قابلتها ف حياتي ، ندي كان لسانها طويل بس عندها قلب ، اما انتي القلب بتاعك متشال منك انتي مبتحسيش معندكيش رحمه
مها: اااانا عملت اااي ي فهد
فهد: لا ي ملاك ي طاهر معملتيش حاجه خالص انا ال عملت وسويت وخطتت وحرقت واتسببت ف تدمير واحده وتدمير علاقه وخلتي اختك تفهم ان دي اشارات من ربنا مع ان انتي ال بتعملي كده
مها: انااا معملتش حاجه
فهد : حقك تقولي اكتر من كده طلاما مش سايبه وراكي اي دليل، بس انا مش هسيبك ابدا لحد م اخد كل الادله ال بتثبت كلامي ال انا متأكد منه وان انتي ورا الحريق ال حصل "مشي ونزل لامه " عايز اكل
مجده: مفيش اكل روح كل عند مراتك
فهد: لا مفيش الكلام ده "سمع صوت ندي ف الجنينه راح طلع ولقاها بتلعب مع حسن وكانو بيلعبو القطه العاميه وهي رابطه شريطه ع عيونها وبتجري ورا ، قال ف سره " انا مبقتش فاهم حاجه للحلوفه دي ولا عارف بتحس ولا مبتحسش ، قاعده تلعب هنا وسايباني نا قلبي محروق وسيباااني نايم ف شقه مع العقربه ال خايف لتجي وتلدعني وتموتني وهي هنااا مبسوطه ، ماشي ي ندي "وقرب منها من ضهرها ومسك ايدها وضمها ليه "
ندي: اااوعااا ، سيب ااايدي ي حيواااان وابعد عني
فهد: نا مش حسن
ندي: منا عااارفه هو حسن يستجرأ يعمل كده
فهد: وبتقوليلي حيوان
ندي: اايوة ابعد بقا ربنا يهديك وسبني وشيل البتاعه من ع عيني
فهد: هسيبك "وسابها وراح زقها ف الميه "
ندي: فهد لاااا ، مبحبش كده طلعني هغرق والله العظيم "قرب منها ومسك ايدها وفضلت متشعلقه ف ايدو " طلعني بترجاك انا مش هعرف اطلع لوحدي طلعني ي فهد
فهد: بس ي بت بلا اطلعك خليكي هنا انتي تستاهلي كل خير اصلا
ندي ; واالله العظيم لو مطلعتنيش مهسامحك طول حياتي
فهد: وبتحلفي كمان ، لا مبياكلش معايا الحلفان بتاعك ، وبعدين واثق انك هتسامحيني متقلقيش
ندي: اي ال مخليك واثق الثقه دي كلها
فهد: ال خلاكي سمحتي اختك ال رمتك ف النار لا وكمان هدتيها حبيبك مش هتسامحيني انا ، ع الاقل نا رميكي ف ميه مش هتأذي جسمك
يلا باي
ندي: قولتلك اختي ملهاش دعوة ب الحوار
فهد: اثبتي ع مبدءك ي قلبي خليكي "وقام وقف وهي مسكت ف رجله "
ندي: لااااا ي فهد متسبنيش
فهد: اعترفي وقولي ان مها هي السبب
ندي: مش هيا
فهد: ماشي "وجاي يمشي راحت شدته من رجله وقلبته ف الميه وهي نزلت لتحت راح مسك ايدها " وحيات امك ع الحركه دي لوريكي عشان انا كنت غاير الشغل دلوقت ، يلا خليكي بقا "ومشي بعيد عنها وطلع من ع السلم وهي حاطه ايدها ع طرف حمام السباحه "
ندي: ضحكت عليه وهو بيطلع الفلوس من جيبه والفون ومليانين ميه " والله فرحانه فيك
فهد: بصلها بغيظ ومشي ومجده شافته وضحكت " اي بقاا
مجده: تعرف انك تستاهل ، طلعت ليها لي بقا هي كانت بتلعب ف امان الله ونت كنت رايح شغلك ، عاجبك البهدله والميه دي ال غرقتلي بيها بيتي ، شكلك عايز تضرب زي م كنت بضربك ونت صغير
فهد: ابتسم وضمها " اضربيني عادي يست الكل
مجده: زقته " انت قاصد تغرقني مش بيحلالك الحضن غير ونت هدومك مبلوله
ندي : جات من وراه "بتعمل فيا كده
فهد: مش باصصلها " انتي طلعتي ازاي اصلا
ندي: حسن طلعني ، شوف بقاا "وكانت ماسكه علبه الشطرنج القزاز ورمتها ف الارض اتشدشت وهو عدل وشه ليها بصدمه وامه حطت ايدها ع وشها "
فهد: اللعبه المفضله بتاعتي ااااه ي بت ال "وجري وراها وراحت طلعت تجري ع الجنينه، مها كانت باصه عليهم من فوق وكانت زعلانه جدا " وحيات امك مهسيبك
ندي: خلااااص ي فهد انت ال ابتديت والله اعملك اي يعني "وجريو بعيد وطلعو عند باب الڤيلا الرئيسي وكان البواب بيزقي النجيله وكانت متغرقه " فهد حاااسب حاسب اوعا تقع
فهد: خدعه صح ، مبتخدعش انا ي حلوة "وجري وراها واتزحلق ووقع وهدومه كلها اتملت طين وندي وقعت ع نفسها من الضحك "
البواب: فهد بيه ااانا اسف والله العظيم مكنت اقصد "جاي يقومه راح فهد زقه "
فهد: غووور بقا من وشي يلعن ابو كده
ندي: ي مرات عمي تعالي اتفرجي "مجده طلعت هي وحسن وفضلو يضحكو، حمدي ومني طلعو وحسن راح قومه "
حمدي: اي ال حصلك ي فهد مش تاخد بالك
ندي: يستاهل ي بابا
فهد: ادي اخره الجري ورا العيال
ندي: لا اعترف وقول انا ال وقعتك بقا
حمدي: بزعيق فاجأهم كلهم وراح ضرب ندي بالقلم " خفي بقا حركاتك دي
مجده: لي ي حمدي كده
فهد: مشي وبعد حمدي عن ندي" عميي خلااااص
ندي: زعلان عليه ومش فارق معاك لما تضربني قدامهم ، ماشي ي بابا "ومسكت خرطوم الميه ووجهته ع فهد واندفاع الميه كان شديد جداا وحمدي راح قفل الحنفيه وفهد كان هيقع من طولو ع البهدله ال اتبهدلها ف اليوم ده ، بصلها بقرف ومشي ع شقته وهي راحت ع اوضتها ، غير هدومه وطلع راح ع الشغل وكان نايم ع المكتب طول الوقت وجاله دور برد "
يحيي: دخل عنده" مندوب الشركه وصل ، ادخلو ول لا
فهد: لا
يحيي: لي ونايم لي
فهد: تعبان
يحيي: مالك بس
فهد: اطفي التكييف
يحيي: الجو حر يا ابني
فهد: انا بردان ااوي اطفي ي عم
يحيي: انت سخن ول اي ، اخدت دور برد شكلك
فهد: باين كده
يحيي: طب هلغي مواعيد انهردا وهخدك ونروح لدكتور وبعدين هرجعك ع البيت
فهد: تمام "راح كشف وبعدها رجع ع البيت وطلع ع شقته ، فضل يومين مبيكلمش ندي ولا بتشوفه غير صدفه ومن الشغل ل شقته ومن شقته للشغل مبيقعدش معاهم، حمدي ومني سافرو البلد عشان ف مشاكل وسابو ندي مع مرات عمها .. ندي قاعده ف اوضتها بتتفرج ع صورو "
ندي: انا اي ال عملتو ف نفسي ده ، كنت فاكره ان فهد هيرجعلي وان جوازو من مها هو مش هيتقبلو عشاني بس طلع عكس ال كان ف بالي ، خلاص كده حكايتي مع فهد خلصت وهو اتجوز غيري وانتهت الحكايه ، معقول مش هقعد معاه تاني ولا هنخرج ولا هناكل سوا ولا نضحك ولا نهزر ولا نتفسح ، خلاص اتحرمت من حضنه ، وهو معايا وجنبي مكنتش حاسه بيه لكن لما بعد ، مش قادره استحمل ، انا عايزة اشوفو ب اي طريقه عايزة اترمي ف حضنه واحس بضمته ليااا، انا بعلن استسلامي والله مش هقدر ااابعد ، ونا اسفه لاختي "لبست وطلعت ع الشركه ودخلت مكتبه "
ندي: فهد ، اي اخبارك
فهد: الحمد لله
ندي: انت وحشتني ااوي ي فهد
فهد: مش ملكك انا دلوقت ع فكره
ندي : قربت منه ومسكت ايده ووقفته " بس انت وحشتني
ااوي اوي انا مش قادره استحمل مش لاقيه حد يهون علياا مش عارفه حتي اعيش مبسوطه ي فهد، اانا بحبكك اوي
وندمت ع ال عملتو والله ندمت "وضمته لحضنها ، مها دخلت وبعصبيه راحت شدت ندي وقعتها ف الارض "
مها: يعني انا اسيبك نص ساعه ي فهد اجي الاقيها عندك ، وانتي معندكيش دم ولا كرامه ، ؟هتفضلي وسخه كده لحد
امتي هتفضلي تعملي حركاتك دي لحد امتي ، انتي مش ملاحظه انو خلاص بقا متجوز .....