رواية احتل قلبي
الفصل السادس عشر
بقلم دنيا
"ف الفجر وفهد مكنش عارف ينام "
فهد: مكنش لازم اقول اني مش هصالحها وانها تخبط راسها ف الحيط بس لازم افهمها كده هروح ابعتلها رساله ع الفون
"كتب ليها " انا اسف بس انفعلت شويه
ندي: كانت صاحيه وشافت الرساله وكتبتله " عادي كده كده كلامك مش هيفرق معايا
فهد : ااه ي جزمه "ونزل تحت عندها وخبط ع الباب بهدوء وهي عارفه انو فهد وقامت فتحت الباب ووقفت برا اوضتها"
ندي: خير
فهد: تعال ندخل الاوضه
ندي: تؤتؤ تعال نقعد ف الجنينه لان نفسي ف الجو الهادي
ده
فهد : يلا طيب "ومسك ايدها وطلعو وكانو بيتمشو جنب حمام السباحه وكانت باصه للقمر " اه القمر جميل اوي انهردا ومكتمل
ندي: تعرف انك اجمل من القمر
فهد: ال انا سمعته ده كان منك انتي
ندي: اه
فهد: احلفي
ندي: والله
فهد: لالا مش مصدق انتي مستحيل تكوني رومنسيه بعد ال نا شفته امبارح
ندي: خفت ولاول مره اخاف
فهد: خفتي من اي
ندي: بصتله " لتبعد عني، خفت لتمل مني ومن نكدي وتبعد، قلبي اتعلق بيك ومش هستحمل بعادك والله
فهد. : حبيبتي ي ندي والله عارف ان قلبك مفيش اطيب منه رغم كل ال بتعمليه، ي قلبي انتي انا عمري ما ابعد عنك اصلا
اعملي وسوي فيا زي منتي عايزة، بس انا امبارح اديقت لما انتي زعلتي بسبب ال انا عملته ف اختك انتي مش قولتي انك مش هتسبيني ليها
ندي: يعني انا دلوقت جايا اقولك هسيبك ي غبي ده نا بقولك مش هبعد عنك، انا مطلبتش منك تعاملها حلو او تقرب منها بس بردو مش معني كده انك تعملها بطريقه وحشه اكيد ف حل وسط
فهد : حاضر ي ندي مش هتعامل معها خالص ولا حلو ولا وحش، انتي بس تؤمري وكلامك كلو يمشي "وحط ايده ع وسطها راحت زقته وهو رجع لورا ووقع ف الميه " ي بت الجزمه
ندي: ضحكت " اقسم بالله ي فهد مكنت ااقصد
"مجده كانت قايمه تصلي الفجر وسمعت صوتهم وراحت وقفت ف بلكونه اوضتها تتفرج عليهم وع جمالهم، مها اول
م سمعت صوت فهد جريت ووقفت ع باب الجنينه "
فهد : طلعيني طيب هاااتي اايدك
ندي: قديمه اوي الحركه دي هتروح تشدني وتوقعني صح ونا مش هعرف اعوم ع فكره
فهد: والله م هشدك اسمعي مني
ندي: انت حلفت
فهد: خليكي واثقه
ندي: تمام "ومدت ايدها وطلعته " والله كنت مرعوبه لتكون بتضحك عليا وتشدني توقعني ف الميه
فهد: منا حلفت وانتي قولتي انها حركه قديمه ف حبيت اوريكي الجديد وراح زقها ع غفله ونزل وراها بسرعه "
ندي: اللحقنيييي
فهد: لف ايده حوالين وسطها ولزقها فيه "فتحي عينك بقا خلاص
ندي: فهد ازاي احنا مش غرقنا
فهد: منا ماسكك
ندي: وازاي واقفين ف نص الميه ورجلينا مش لامسه الارض ازاي عايمين كده
فهد: شطاره دي
ندي: بترجع شعره لورا " بس انت ضحكت عليا
فهد: لا مضحكتش انا بنفز ال ف دماغي وبس
ندي: طب ابعد عني
فهد: لو بعدت عنك هتغرقي لتحت
ندي: طب طلعني
فهد: في شرط واحد هيتنفز واول ميتنفز هطلعك لو متنفزش هسيبك
ندي: اي هو ده
فهد: تبوسيني
ندي: من عيوني "وباسته ف خده
فهد: بوسات كتيره بقا ووزعيهم مش ف حته واحده
ندي : باسته ف خدوده ودماغه
فهد: اي ال بتعمليه ده بتبوسيني ف دماغي هو نا ابوكي
ندي: امال انت عايز اي
فهد: عايز واحده ف بوقي و واحده ف رقبتي و تفتحيلي القميص وتبوسيني لاما انا ال هعمل كده
ندي: مستحيل اعمل كده ومستحيل اسيبك تعمل كده، سبني انا عايزة اغرق واموت كمان
فهد: خلاص اصل متهونيش علياا تعالي هطلعك
مجده: ابتسمت وقالت لنفسها" عايزة اعرض ع حمدي فكره ان فهد يكتب كتابه ع ندي ف الايام دي قبل الفرح انا مضمنش اي ال ممكن يحصل بينهم، هبلغ فهد الاول "ونزلت ولقيت مها واقفه والدموع ماليه عيونها "
مجده: حطت ايدها ع كتفها " حبيبتي "مها بصتلها بحزن " النصيب ي مها ، واثقه ف ربنا ان خالد هيحبك وتحبيه اكتر،من فهد هو شخص كويس، انتي زي بنتي ي مها انا مرضاش لساندي انها ترمي نفسها ع واحد هو مش عايزها ولا تروح لواحد وهي عارفه انو بيحب غيرها، كرامتك بالدنيا وال فيها وانك تاخدي واحد بيحبك ده الاهم، ال بيحبك هو ال هيعرف يسعدك، زي م بتمنا لفهد السعادة وقد اي كنت مبسوطه لما شيفاه بيضحك وبيهزر ومبسوط، اكيد بتمنالك السعاده انتي كمان، تعرفي لو انتي ال كنت مخطوبه لفهد دلوقت، ولا كنت هشوفو سعيد ولا كنت هشوفك انتي كمان سعيده لانه عمره مهيعاملك بالحب ده كله، ركزي مع خالد ي حبيبتي والله هتلاقيه بيعشقك
مها: حاضر ي مرات عمي "وضمتها وبعدين مشت ع اوضتها ومجده طالعه ليهم وفهد عمال يجري ورا ندي "
فهد: مش هسيبك
ندي: لو مسكتني هعورك بضوافري والله
فهد: وشدها من هدومها لزقها فيه " اهدي بقا
ندي: هعورك
فهد: عورينييي "وعدلها ليه وفتح اول زراير من قميصه "
ندي: فهد بتعمل اي
فهد: عوريني "ومسك ايدها وقرب من قلبه " بضوافرك ال زي السكينه اعملي حرف N هنا ع قلبي ي حته من قلبي
ندي: سيب ايدي ي فهد انا مش هعمل كده والله مهعمل كده ابدااا "باسته وبعدت عنه "
فهد: قعد ف الارض " يخراااابي ع الجمااال
ندي: ضحكت ' يارب يتمر "وراحت حطت راسها ع رجله ونامت ف الارض وبتبصله " عيونك دي ياد ولا عدسات لاصقه
فهد: ي سلام ع خفه الدم هموت م ااضحك
ندي: بتتريق ي جزمه
فهد: بهزر معاكي ي شبشب ، معندكيش توكه امك مكنتش بتجبلك ول اي
ندي: وانت امك مكنتش بتجبلك توك نلملك بيها شعرك ده
فهد: تعرفي انك جزمه جزمه يعني قومي ي بت
ندي : والله معايا توكه اهي ثواني "وقعدت ولمت شعره لورا وحطتله التوكه وضحكت وقامت تجري وهو قام وراها لحد موقفو قصاد مجده "
مجده : صحيتو الناس النايمه ع فكره، كده ي ندي كنت فاكره ان ابني عاقل
ندي: خافت جدا وبصت لفهد " انا ااسفه اا
مجده: بتتأسفي ع اي ي هبله، روحي ع اوضتك. وغيري هدومك لتاخدي برد ونامي
ندي: حاضر، تصبحو ع خير
مجده ; وانتي من اهله
فهد: ف حاجه ول اي ??
مجده: بصتله وضحكت " شيل ال ف راسك ده بس ، ينيلك ي ندي
فهد: شال التوكه " جنتني والله
مجده: شفتكم من بدري وكنت مبسوطه بيكم ، كنت عيزاك تكلم حمدي وتتفقو وتكتب كتابك ع ندي لان مش هقدر اكلمه انا
فهد: بتتكلمي بجد
مجده :اه وربي بجد
فهد: ربنا يخليكي ليا ي احلي ام ف الدنيا "وجاي يحضنها بس منعته "
مجده: هدومك المبلوله دي هتغرقني ي جزمه روح اوضتك يلا وغير قبل متنام
فهد: مش عارفه اي حكايه الجزم معاكم انهردا بس تمام ماشي مش عايزه تحضنيني انتي الخسرانه مش هتطوليه تاني
الحضن ده لانه هيبق ملك لمراتي "ومشي وهي قعدت تضحك "
_________
"الصبح وفهد قعد مع حمدي وعرض عليه الفكره "
حمدي: بصراحه ي فهد انا معترض
فهد: لي بس
حمدي: بص ي ابني انت دلوقت عايش مع ندي ف نفس البيت اكلكم وشربكم وكل حاجه مع بعض يعني كتب الكتاب ده
بيعني حاجه واحده انت عايز تحلل الحاجه ال لو اتعملت قبل الجواز تبقا حرام، ونا مش هسمحلك انك تلمس بنتي قبل الفرح
فهد: بس هي هتكون مراتي عادي
حمدي: الجواز اصلو اشهار الفرح ده عشان الجواز يبقا ف العلن مش ف السر ي فهد، بجد انا مش هسمحلك ، بنتي هتبقا ملكك بعد يوم الفرح قبل كده لا
فهد: ادايق جدا ومشي ع شغله " لي بس ي عمي كده يعني انا هسيبهاا ده اي ده بس ياربي .......