روايةاحتل قلبي
الفصل السادس
بقلم دنيا
فهد: اه ي ساااتر من ال اسمها مها دي ....
"تاني يوم وفهد مرحش الشركه وفضل معها وساندي راحتلها
اتطمنت عليها وبعدين مشت ع الجامعه ومجده ومني راحولها "
مجده: طب ي فهد روح ارتاح ف البيت شويه عرفاك مبتعرفش ترتاح غير ف سريرك
فهد: لا عادي والله انا مرتاح كده
مجده: طب روح خد شاور وغير هدومك وهتلاقي نفسك هتنام ع طول يلا وابقي تعالا تاني "فهد مشي وروح ع البيت ودخل اخد شاور وطالع من الحمام ولابس شورت ولقي مها
قعدالو ع السرير واتكسفت جدا لما شافته كده وعدلت وشها بعيد وهو اخد تيشرت بسرعه ولبس وقرب منها "
______
يحيى: صديق الطفولة ل فهد وشغال معاه ف الشركه وبيعتمد عليه ف كل حاجه بس كان واخد اجازه لانه اتجوز وراح قضي شهر العسل ورجع " فهد جوه
السكرتيره: لا هو حضرتو مجاش النهردا حتي ف مواعيد كتير عنده مش عارفه اعمل فيها اي
يحيي: تمام هشوفو انا وارد عليكي
____
فهد :قرب منها ومسك ايدها ووقفها قباله " اي ال جايبك ع اوضتي
مها : كنت جايا اجيبلك فطار
فهد: طلبته منك ??
مها: لا بس مامتك هي ال قالتلي احضرلك
فهد: متسمعيش كلامها تاني بعد كده يلا روحي اوضتك "ساب ايدها وهي مسكته "
مها: عضلاتك شكلها حلو اوي تسمحلي ان اشوفها مره تانيه
فهد: بصلها باستغراب " بتهزري
مها : لا والله بجد
فهد : عايزاني اقلع التيشرت واحنا مع بعض ف اوضه واحده، لا ولوحدنا ف البيت كله كمان
هو مش انتي بزات نفسك كنتي معترضه ان ابات مع اختك واسمه ف مكان عام ورنيتي ع باباكي، خلاص احنا نرن ع الحج وناخد رايه ف حوار عضلاتي ده
"مها اتعصبت ومشت وهو تف ف الارض وراح غير التيشرت ولبس بدله ويحيي رن عليه " اي ي باشا
يحيي: وحشنيييي والله روحتلك ع الشركه ملقتكش امال فينك
فهد: مش جاي انهردا، وحشني اكتر ولينا قعده سوا ي برنس
يحيي: طب تعالا بس اسلم عليك وشوف مواعيدك وبعدين امشي
فهد: خلاص تمام جاي "طلع من اوضته ومشي ع الشركه وقابل يحيي وشاف مواعيده واتأخر ومرحش عند ندي تاني، كتبولها ع خروج وحسن كان معاها وروحها ، فهد رجع البيت ع الساعه 2 وكان مقضيها هو ويحيي وصحابهم البنات، امه وقفت قباله "
مجده: كنت فين
فهد: مع يحيي
مجده: يحيي ولا بنات
فهد: الاتنين
مجده: هو يحيي ده مش اتجوز وارتحنا منه راجع ليه لسكه البنات
فهد: عادي الرجاله عنيها زايغه، زي بابا كده بس دلوقت متجوزش عليه الا الرحمه، مهو ساب واحده جميله زيك وكان بيخونها ويعرف عليها نسوان
مجده: اه تروح انت تطلع زيو
فهد : انا لسه متجوزتش وبعدين الراجل ليه احتياجاته بقا
مجد: عندك بنت عمك اتجوزها انهردا قبل بكره
فهد: حاضر والله ي ست الكل
مجده: بدل متمشي مع يحيي ف الغلط انصحه وخليك صاحب صالح ي فهد بلاش يقضيها مع بنات وهو متجوز خليه يصون مراته عشان تصونه
فهد: لي وهي الست ممكن تخون دي تبقا عايزة القتل "وطلع ع اوضته ومجده اادايقت جدا ان فهد طالع زي ابوه ونفسها من كل قلبها انو يتغير للاحسن وبتتمنا البت ال يتجوزها تعرف تحكم عليه وتغيرو للاحسن وتبعدة عن سكه البنات خالص ، راحت اوضتها وهو غير هدومه وقرر ينزل يتطمن ع ندي ، نزل وراح عند ندي وفتح الباب وهي كانت نايمه، قرب منها وحط ايده ع وشها وشفايفها "
فهد; قال لنفسه " شفت كتير وقليل بنات حلوة وجميله بس للاسف كانو رخاص كانو بيبعو نفسهم ب اقل سعر، بس انتي قد اي جميله ونفسك غاليه عليكي ودي احلي حاجه، مش عارف ازاي اتشديت ليكي ودخلتي قلبي بسرعه دي ي ندي انتي عملتي ف قلبي ااي بس ازاي بقيت عايزك بالطريقه دي "شد الغطا من عليها وبص ع جسمها والبيجامه الديقه ال لابساها ، حط ايده ع وسطها وبيرفع التيشرت وهي فتحت وكانت هتصرخ رح حط ايده ع بوقها "
فهد: بحبكك ي نديي
ندي: بعدت ايده ع بوقها " نا مش بحبك ي فهد والله م بحبك ولا عمري حبيتك ولا عايزاك ف حياتي، ايوة يمكن اكون كنت بتشد ليك بس خلاص خلاص كده
فهد: متحلفيش لان انا عارف ال فيها وعارف انك بتحبيني
ندي: والله مبحبك
فهد: بطلي عناد مع نفسك بقاا بطلي، متبقيش تقيله للدرجه دي عرفت يستي انك تقيه ، انا اعترفت اهو هو انتي مش مستنياها مني اهو اديني قولتها
ندي ; اتعدلت وقامت من ع السرير " صدقني مكنتش مستنيه منك حاجه ي فهد
فهد: ي ندي بطلي عند بقا
ندي : مش عند، دي حقيقه
فهد: طب انتي زعلانه مني صح
ندي: لا مش زعلانه ي فهد
فهد: امال خايفه وواقفه بعيد لي
ندي : عادي ي فهد اصل انا مش عايزاك عشان اقرب منك، ركز تاني عشان تعرف مين هي ال بتحبك كويس
بس ركز
فهد: حتي لو ف حد تاني بيحبني بس انا قلبي اختارك انتي "قرب منها وهي لزقت ف الحيطه " والله عايزك انتي واول م ايدك تخف وباباكي يرجع هنا انا هطلبك منه ي ندي، انا ابن عمك مش غريب يعني لو ضريت بنات الناس كلها اوعي تفكري اني ممكن اأذي واحده من لحمي ودمي متفكريش كده ابدا اكيد حبي ليكي مش لعبه او تسليه وقربي ليكي مش ضحك عليكي،او اي حاجه من حركات الشباب دي "حط ايده ع وشها" متكسرنيش ولا تكسري قلبي ي ندي
ندي: فكرت ف مها وغمضت عنيها وزعلت جدا ومكنش نفسها ده يحصل ولا كان نفسها فهد يحبها هي "ع غفله وفهد لف ايديه حوالين وسطها ورفعها ليه وبقت قباله بالظبط وحطت ايدها ع كتفه وباسها بوسه صغيره ونزلها "
فهد: تصبحي ع خير ي قمري انتي "وابتسملها ومشي وهي قعدت ف الارض تبكي "
ندي: اي النصيب ده بس ازااي انا اكسر قلب اختي ال مش بتتمنا حاجه من الدنيا غيره هو، ده حلمها وانها نفسها تتجوز فهد، ازاي فهد يطلع بيحبني انااا لا وكمان هيتقدملي، مها مستحيل تتقبل الفكره دي واكيد هتزعل موت، حتي لو انا رفضتو عشانها هي هتزعل ان فهد فكر فيا من البدايه، لي ي فهد كدا ااتصرف ازااي ااعمل اي دلوقت، اقولو الحقيقة وان مها بتحبه ولا اعمل اي يااارب رسيني، المشكله ان حتي هو نا مش عايزة اكسره انا مش عايزة قلب حد يتوجع بسبببي
________
'الصبح وندي راحت عند مها "
مها: اهلا، ايديكي،راقت
ندي: ايد واحده بس ال خفت منتي عارفه والتانيه اهي يموسهل، وشكرا انك رتبتيلي اوضتيي ومسحتي الدم
مها: لا عادي ي هبله
ندي: مسكت ايد مها " تحبي ابلغ فهد انك بتحبيه
مها: انا مضمنكيش ي ندي، انتي ممكن تروحي تقولي كلام وحش عليااا عشان تاخديه ليكي
ندي: انتي لي مفكراني كده
مها: ده ال شيفاه
ندي: انتي اتغيرتي اوي من ساعه م جينا هنا
مها: لما الموضوع يتعلق ع الشخص ال بنيت حياتي عليه يبقا لازم اتغير واخاف، انتي عارفه انو حلم عمري وال نفسي فيه
ندي: بس انتي بنيتي حياتك ع حلم مش ع حقيقة ، مكنش بينكم قصه حب مثلا هو ميعرفش انك بتحبيه كل الحب ده كله ومتعرفيش لو هو عرف هيقبل بحبك ليه ول لا متعرفيش يمكن هو اصلا مرتبط وسبق وقولتلك انو بتاع بنات ومفيش واحده تقبلها ع نفسها انها تتجوز واحد يعرف بنات غيرها
مها: سيبك من حوار البنات انا هعرف اغيرو واخلي مش محتاج حاجه منهم، بعدين انسي فكره انك تكلمي فهد من ورايه ع حواري انا لانه هيقول لامه وامه هتقولي ف بلاش تتصرفي من ورايا
ندي: بس احنا لازم نعرفو
مها: انا قولت لمامته وهي ال هتبلغه وفهد مش هيكون لحد غيري
ندي: هي قالتلو ول لسه
مها: معرفش
ندي : تمام
مها: اقولك
ندي: قولي
مها: عايزاكي تكرهي فهد فيكي
ندي: اعملها ازاي دي
مها: عايزاكي تتعرفي ع شباب ف الجامعه
ندي: شباب! ! لا انتي عايزني اكرهه فيا مش اسوء سمعتي
مها: يعني حتي لو الحاجه دي هتسعد اختك ??
ندي: بصت بعيد " ماشي ي ندي انا هتعرف ع واحد بس مش شباب كتير حاضر هعمل ال انتي عايزاه
مها : بحبك اوي ي ندي
ندي: وانا كمان "وراحت ع اوضتها " فهد كان بيقولي ان انا ال بحبه ونا مقولتش ليه اي حاجه، هي امه قالتله اي بالظبط امه قالتله مين فينا ال بتحبه ياااربي بقا انا تعبت
__________
ساندي: خبطت ودخلت ل ندي " صباحو فل
ندي: صباحو
ساندي: اي القمر مش بيضحك لي
ندي: مليش نفس والله
ساندي: لما تركبي مع فهد هتضحكي ده هلس اصلا ومسخره السنين ومبيحبش يشوف الناس الغاليه عنده مكشره
ندي: بس انا مش خارجه انهردا عشان اركب مع فهد
ساندي: هتخرجي بالليل
ندي ; مع مين
ساندي: فهد
ندي: ومين ال اخد القرار ده
ساندي: فهد
ندي: والله بيستهبل هو بيحدد هيخرج امت ويروح فين ومعايا من غير م يبلغني هو بيحطني ف الامر الواقع
ساندي: ندي بقولك الخروجه بليل مش الصبح فين الامر الواقع بقا
ندي: يعني انا ينفع اقول لا
ساندي: الصراحه لا لان ده امر مش طلب بعدين انا خارجه معاكو
ندي: والخروجه دي بمناسبه اي
ساندي: احنا متعودين ع الخروج مش لازم مناسبه وحبينا ناخدك معانا، بصي هنبقا كابلز يعني نا طاالعه مع فارس ويحيي وانجي مراته وانتي وفهد
ندي: بس ي ساندي انا معرفش خطيبك ده ولا اعرف مين يحيي وانجي مراته مبحبش اكون مع ناس معرفهاش هبق مكسوفه اوي ،بعدين ي ساندي انتي هتكوني مع خطيبك وواحد ومراته انا وفهد بقا مفيش بنا حاجه
ساندي:بس هيبقا فيه ي ندي
ندي: انا مش موافقه بصراحة
ساندي: خلاص بقا متحبكهاش ، هاتي اغيرلك ع الجرح، قوليلي صح فين تلفونك
ندي: مش معايا
ساندي: اخلصي بقا
ندي: والله م معايا هو بابا جايب فون واحد ليا نا واختي ال هو زراير ده
ساندي: ي مصبتي ي انا، ماشي ي ندي "غيرتلها ع الجرح وبعدها طلعت ع الشركه ودخلت لفهد " رايح ع فين
فهد: صاله الاجتماعات عندي اجتماع مهم اوي
ساندي: اجتماع دلوقت
فهد: اه ، حد قالك تجي الصبح
ساندي: طب اعمل اي انا معرفش
فهد: يحيي جاي ابق اقعدي معه
ساندي: لا يشيخ اقعد مع يحيي
فهد: جاي معاه فارس
ساندي : يحزني فارس جاي، انا مستأذنتش منه
فهد: وفيها اي
ساندي: هيزعق
فهد: طب يبق يتكلم وانا اقطع رقبته المهم خليكي هخلص واجيلكم