روايةاحتل قلبي
الفصل العاشر
بقلم دنيا
"ف الجامعه "
نهي: ازيك ي ندي
ندي: اهلا .. مين ??
نهي: مش انتي خطيبه فهد الوزان
ندي: لا خالص مش انا
نهي: اي ده امال ال كان بياخدلك المحاضرات يبقالك اي
ندي :ااه فهد ابن عمي بس مفيش بنا حاجه، هو كان بياخدها منك
نهي: اه
ندي: اها
نهي: بس فرحتيني انو مفيش بينكم حاجه والله اصل من ساعه مشفته وانا هموت عليه، ممكن تعرفيني عليه ي ندي
ندي: غارت جدا جدا ونفسها تمسكها تخنقها عشان جايبه سيره فهد وحبت تغير الحوار" حاضر هبقا اعرفك انا احتمال اروح
البيت لان بمشي ع طول ف الضهر،وكده مبستحملش حراره الجو "وبتبص لقيت الفون بيرن "
فهد : الضهر ازن، قاعده ولا ماشيا
ندي: ماشيه
فهد: طب اتأخري نص ساعه بس شان بخلص ورق وبعدين تعاليلي نروح ناكل سوا
ندي: هفكر
فهد: بغيظ " فكري وانتي وراحتك ، سلام
"ندي استنته وبعدها راحت ع الشركه "
ندي: مهو مينفعش فهد يطلب مني حاجه ونا معملهاش
فهد : ي قلب فهد انتي تعالي نروح ناكل "وراحو ع مطعم وكان بيأكلها وهي تأكله وكانو مبسوطين جدا مع بعض وفرحانين
من قلبهم .. خلصو ورجعو ع البيت سوا ومها شافتهم وكانت هتموت م الغيظ .. تاني يوم وفهد لبس وطلع بدري وركب
عربيته ، ندي قامت وكانت راحه ل مها وسمعتها بتتكلم فون ووقفت تتصنت "
مها : عملت ال اتفقنا عليه ، اها عربيته السودا الضخمه دي اه هي هي صح كده ، بس انا عيزا فهد يتأذي وبس اوعا يموت
ي فتحي، يعني اي هو وشطارته متقلقنيش عليه ونبي ....."
ندي: اتصدمت صدمه عمرها وازاي هي جالها قلب تبعت
ناس عشان تأذي فهد ، جريت ع اوضتها ومسكت الفون ورنت عليه " فهد انت وصلت للشركه ول لا
فهد: لا لسه ف الطريق ، بس سيبك انتي وحشتيني
ندي: فهد غير طريقك ابوس ايدك متروحش ع الشركه ف حاجه وحشه هتحصلك ااابعد عن طريقك ده غير المسار
بترجاك ومتتناقش معايا دلوقت هفهمك كل حاجه بعدين
فهد: حاضر بس اروح فين، انا غيرت المسار اهو
ندي: ف اااي حته بعيد عن الشركه والبيت
فهد: ماشي ي ندي ، خلاص وصلت عند قهوة ، وهنزل اركن ف جراش لان مفيش مكان ف الشارع
ندي: تمام ، خليك معايا ع الفون لحد م اتطمن عليك
فهد: ماشي ي قلب قلبي ، بس لي الخوف ده كله ، انا عارف ان ليا اعداء كتير وناس تبع الشغل بتكرهني بس مبخفش ولا
يهزني ، ندي الفرامل ي نديييي ، فرامل العربيه مقطوعه "ندي قلبها اتقبض وايدها بتترعش وهو كمان كان خايف واول مره
تحصل معاه كده ، فضل يلف ف الجراش ومش عارف يوقفها لحد م طلع برا الجراش وخبط ف عربيه كانت معديه قدام
الجراش وعربيته اتتبقط من قدام والفون وقع واتقفل ، الناس اتلمت عليه باقصي سرعه وطلعه قبل م العربيه تنفجر ،
طلبو الاسعاف وجات اخدته ودخل العنايه المركزه ، ندي صرخت وطلعت تبكي ومجده وحسن وساندي ومني اتلمو
عليها وعرفو ان فهد عمل حدثه ، قعدو ف البيت مش لاقيين حل ولا طريقه يوصلو بيها لفهد وحسن راح يدور ف
المستشفي لحد م بلغوه انه موجود وهو بلغ اهله
" الكل راح ع المستشفي ومني بلغت حمدي وجاي ف الطريق. ، مني كانت قاعده جنب مجده وبتهديها وندي قاعده بعيد تبكي وتقرالو قرءان ، مها كانت بتبكي، دموع تماسيح قدامهم بس طبعا،
"بالليل و حمدي وصل وكان قاعد معهم وبيصلي وبيدعيله ان يقوم بالسلامه ، بعد يومين وفهد فاق واهله واصحابو دخلو يطمنو عليه ، كان ف خدش ف دراعه ووشه ودماغه مربوطه"
يحيي: كده تقلقنا عليك ي صحبي
فهد: اعمل اي بس مش عارف مين ال عمل فيا كده وقطع فرامل العربيه
حمدي: احنا لازم نبلغ البوليس
ندي: لالا ي بابا مش لازم اكيد كان ف عطل ف عربيته ، فاكر لما قولتلي ي فهد ان عربيتك بتعطل دايما وكل متجي تدوس فرامل بتعلق وانك عايز توديها الصيانه
فهد : باصصلها باستغراب وهو مقلش حاجه زي كده ومش قادر يفهم هي مش عايزة تبلغ لي، بتبصله وهو قرر يأكد كلامها لحد ميعرف منها الحقيقه " اه حصل
فارس: وبروحمك لما العربيه عايزة تروح الصيانه سايبها لي لحد دلوقت مغورتش لي وديتها
فهد: قله فضي والله
يحيي: قصدو قله ادب
انجي: !بس ي يحيي ، اهم حاجه انكم اتطمنتو عليه وانو قام بالسلامه
مجده: تسلمولي كلكم ع وقفتكم جنب ابني
مني: اي ال بتقوليه ده، لو احنا موقفناش مين هيقف يعني
فارس: فعلا ، فهد ده اخونا كلنا هنا
"بالليل ورجع ع البيت وف نص الليل ندي راحتلو "
ندي: انا عارفه انك عايز تعرف الحقيقه واحنا ليه كدبنا عليهم ومرضتش اخلي بابا يبلغ
فهد: بترجاكي فهميني
ندي: عشان ي فهد ال عملت فيك كده بتكون مها اختي
فهد : مهااااا ، ااااه ي بت الكلب
ندي: اقسملك بالله قلبها طيب وعملت كده عن جهل بس الغيره بتعمل اكتر من كده ويمكن هي ارتاحت شويه لم عملت كده ، مش عايزين نجي عليها ونعاند معاها بدل متأذيك تاني ي فهد ، ومتقولش مش هتقدر لا هي هتقدر لم يكون معاها حد ببساعدها وينفزلها اوامرها وال معاها شديد ، ده واحد من بلدنا مجرم خطير يعني هنسامحها المرادي وان شاء الله مش هيكون ف مره تانيه
فهد: وافرضن كان ف مره تاني ي ندي
ندي: مش هيكون هي خلاص عملت ال عايزاه وعرفت تأذيك
فهد: هسامحها بسسس عشانك انتي وعشان انتي ال طلبتي مني كده. ، بس قسما عظما لو كان ف مره تاني وانا اتكتبلي اني اعيش ف مش هرحمها هي وال معاها
ندي: تسلملي ي فهد "وقربت باسته ف خده "
فهد: مطلبتهاااش منك
ندي: انت متعصب لي عليا
فهد: وانتي مااالك بقااا
ندي: عدلت وشها بعيد واتجهت ناحيه الباب وبعدها وقفت ورجعتله وباسته ف خده"
فهد : بتعيديها تاني
ندي: ايوة
فهد: ندي انا مبقتش فاهم اي حاجه ، مبقتش عارف انتي عايزاني ولا عايزة تديني لاختك ولا اي ف دماغك بظبط ، بدافعي عنها بطريقه غبيه رعم انها غلطانه وازتني وانتي بتبرري موقفها ، هتحطي ليها كام مبرر ولحد امتي ي ندي
انتي بتحبيني بجد ول لا
ندي: كلو عارف ان انا بحبك بس انا عمري ما روح اقول "وضحكو وشدها لحضنه " والله بحبك ي فهد بس مش عايزة اكسر قلب حد ومستعده اجي ع نفسي عشان مكسرش اختي
فهد: انتي مش بس هتكسري قلبك انتي لو سبتيني هتكسريني وهتدمريني ي ندي ، حياتي معاكي انتي مش مع غيرك ابداا ، ندي بعدت عن حضنه "
ندي: ربنا يقدرني ومكسرش قلبك ابدا
فهد: هو انتي ممكن تسبيني للعقربه دي عشان تأذيني تاني
ندي: مش هسيبك ليها متقلقش
فهد: بجد
ندي: اه بجد "وباسته ومشيت، الصبح وحمدي راح يتطمن ع فهد"
حمدي: عامل اي انهردا
فهد: اهو بخير وزي الفل
حمدي: طب الحمد لله، يلا شد حيلك كده عشان تروح الشغل لان يحيي شايلها ع كتفه بقالو يومين
فهد: هروح ان شاء الله من بكره
حمدي: ماشي بس ابقا كلمه لان قال ان ف حاجه اسمها فاكس باين مبعوته والمفروض كان يرد عليهم ف وقتها بس هو اجلها
فهد : حاضر ي عمي
حمدي: كنت عايز اسئلك سؤال
فهد : اتفضل
حمدي: انت قولتلي ان جاي عرسان لبناتي الاتنين، ف انا امبارح بسأل مني قالتلي لا ده عريس جاي ل مها بس ، اوع تكون قولتلو حاجه من ال قولتو ليك ي فهد والعريس طفش
فهد: ضحك " لا مطفش اهو قاعدلها وع فكره انا سمعته كلامك كله عشان نبقا ع بر ميجيش يقولنا انتو مقولتوش ان البت دي لسانها طويل
حمدي: سمعتو، اه يبقا طفش فعلا
فهد : تعرف ي عمي ان انت فاهم بناتك غلط خالص، ندي ال لسانها طويل قلبها مفيش اطيب منه ، ومها ال قلبها طيب ، فيها كميه كره وحقد غريبه ، موقف واحد بين كل ده ي عمي
حمدي: مفيش الكلام ده ي فهد
فهد: عادي بقا المهم ال انا شفته
عريس ندي هو انا، انا بطلب ايد ندي منك ي عمي
حمدي: انت ي فهد
فهد: ايوة انا، اي مشبهش ول اي
حمدي: ي حبيبي ي ابن اخويا "وضمه وفرح جدا من قلبو ....."
"تاني يوم والعريس التاني اتقدم رسمي ل مها وقعدو قعده تعارف ع اخر اليوم وندي راحت ل مها اوضتها "
ندي: هتوافقي ول لا ي مها
مها: بصت لها بغيظ " هوافق
ندي: انا كنت جايا ابلغك انك لازم توافقي بس سهلتي عليا الموضوع والله ي قلبي
مها: انتي متقدريش تجبريني ع حاجه ي ندي خليكي فاهمه كده كويس
ندي: لا هقدر ، هقدر اخد فهد وانتي تبقي مجبره انك تاخدي خالد ، اصل مش عايزة اشوف الحقد ال ف عيونك لما انا اتخطب وانتي لا
اكيد مش هتتمنيلي السعاده ابدا
مها : وانتي فاكره ان انا هتمنالك السعاده بعد م اخدتي مني فهد
ندي: اولا انا ما اخدتهوش منك هو ال جالي لان الطيور ع
اشكالها تقع ي مها ، وعمري م هسيب فهد عشانك انتي حتي لو عملتي فيا اي ، ربنا عشان بيحب فهد بعدو عن واحده مؤذيه
زيك، حبك لفهد مكنش صادق كان حب امتلام ال هو انا عايزة الشخص ده يعني عايزه الشخص ده ومش هسمح لحد غيري
ان ياخدو لكن مكنتيش هتعرفي تهتمي ب اقل تفصيله ف حياتو مكنتيش هتعرفي تبادليه حب ومشاعر مكنتيش هتعرفي تعملي كده
مها: وانتي ال هتعرفي تعملي كده، ومين قالك اني محبتوش بصدق
ندي: الدليل ع كلامي هو ازيتك ليه
مها: انا مأذتوش
ندي ; أذتيه ي مها وانا ال دفعت عنك ومخلتش حد يبلغ
البولييس، سمعت بوداني محدش قلي حاجه، ببساطه ي مها ال بيحب حد بجد من قلبه وباخلاص عمره م يفكر ف ازيته ولو للحظه، ازاي الشخص ال كنتي بتتمنيه تروحي فغمضه
عين وبحركه متهوره منك كنتي ممكن تضيعه حياته ال هو نفسه يدخله قوليلي كان هيبقا احساسك اي لو فهد ماااات قوليلي، لكن انا عشان حبيته بصدق وبادلته نفس الحب ف
كنت مستعده اضحي بمشاعري دي عشان سعادته هو ، ايوة انا مستعده ابعد عنه لو لقيته بيحبك وعايزك ف هسيبه ليكي
وهتمنالكم السعادة وكفايه عليا ان اشوف ضحكته
انتي لو فعلا حبتيه ي مها كنتي هتشوفي فهد عايز اي
وهتعملهولو مش هتغصبيه ع حاجه مش هتغصبيه عليكي ولا ع حبه ليكي لان مفيش حد بيغصب ع قلب حد ولا يتحكم
ف قلب حد ازا كان الواحد مبيقدرش يتحكم ف مشاعر نفسه هيروح يتحكم ف مشاعر غيرو، نهايه الموضوع انا دورت ع سعاده فهد وعرفت ان سعادته معاياا انا ، ف انا هبقا جنبه
ومش هسيبه ولا هبعد عنه ي مها وانتي لازم تتقبلي الفكرة دي ، انا مش هكون ل فهد عشان اغيظك او عشان هيكون معايا واحد شكلو حلو وعربيه وشركه ولا اي حاجه من ال ممكن تدور ف دماغك
انا هفضل معاه عشان انا بحبه بجد وبحب اشوفو مبسوط
ومهمتي اني اسعده سواء معايا او مع غيري، طالما قلبي حبه، عمري م هأذيه "وطلعت برا الاوضه وراحت اوضتها"
مها: فضلت تكسر ف اوضتها من الغيظ " وربي مهسيبكم تتهنو يوم واحد وربي مهسيبكم، فاكره ان تضحيتي بحبي
لفهد دي كانت بسهوله، ده انا هوريكم مين هي مها ال انتو الاتنين جيتو واستقويتو عليها ......