رواية مهمة سرية
بقلم اسراء الخطيب
الفصل الرابع
صباح يوم جديد في المستشفي
فؤاد باشا لبنته سما
(سما بنوتة جميلة لم تكمل العشرين من عمرها بعد رقيقة جدا اسلوب حياتها مختلف تماما عن أسلوب بابا و مامتها ملتزمة
دينيا و اخلاقيا وبتحب الكتب والرؤيات وكمان الرياضة )
ينفع كدة يا سما تخضيني عليكي يا حبيبتي
سما متقلقش عليا يا بابا انا كويسة
فؤاد طيب اي اللي حصل احكيلي
سما مش عارفه والله يا بابا كل اللي فكراه بعد ما خرجت من النادي دوخت شوية وانا راكبة العربية فجأة ظهرت قدامي عربية مقدرتش اسيطر ع الفرامل و بسكدة
فؤاد طيب انتي تعرفي الولد اللي وصلك هنا
سما باستغراب ولد مين
فؤاد ولد باين عليه جنتل مان جابك المستشفى لما كنتي تعبانة قال شافك لما العربية خبطتك قولت اتاكد منك تعرفيه ولا لا
سما لا يا بابا معرفهوش واللي كان سايق العربية واحدة ست مش راجل
فؤاد طيب يا قلب بابا اسيبك ترتاحي شوية وانا رايح الشغل
سما ب ابتسامة اوكي يا بابا سلام
فؤاد سلام
سما بعد مغادرة فؤاد ربنا يهديك يا بابا وتبعد عن السكة الحرام دي
في المكتب اذيك يا آنسة آلاء
الاء تمام يا فندم الحمدلله على سلامتك
فؤاد بنظرة خبيثة الله يسلمك
عندي اي مقابلات النهاردة
آلاء جمال باشا بعد ساعتين
وشاب اتصل قال ان حضرتك اديته كارت وطلب مني معاد بناءة علي رغبة حضرتك وجاي كمان نص ساعة
فؤاد طيب تمام اطلبيلي فنجان قهوة مظبوط
آلاء تحت امرك يا فندم
في خلال دقائق معدودة كانت اعدت آلاء فنجان القهوة بناءة علي رغبة مديرها العام بماكينة خاصة بالقهوة لم يلاحظها فؤاد باشا استأذنت للدخول فسمح لها فؤاد باشا بالدخول ثم وضعت القهوة ع المكتب وخرجت ع الفور
بعد ربع ساعة اتي الشاب بمجرد أن رأته الاء لم تتفوه باي كلمة وسريعا رفعت سماعة الهاتف الخاصة بهم محدثة إياه
الشاب وصل يا فندم
وتنظر إليه مستفهمة إذا كانت علي صواب أو لا فاؤما اليها بالايجاب وافق علي الفور فؤاد باشا واستاذن الشاب ليدخل
وبالفعل دخل الشاب وقام فؤاد باشا من مكتبه مرحبا به ويخرج من ثلاجته الخاصة علبة عصير ويقوم بسكبها داخل كوب من الزجاج ويضعه أمامه
فؤاد ضيفي ولازم أرحب بيك
عرفني ع نفسك
الشاب الف شكر يا فندم ع العصير انا اسمي معاذ عندي ٢٧ سنة خريج تجارة انجلش
فؤاد برافو اكيد بتشتغل في وظيفة محترمة
معاذ ابدا والله يا باشا بدور ع شغل ومش لاقي وعلشان اشتغل ف بنك لازم ادفع مبلغ محترم والشركات طالبة شهادة خبرة هجيب منين الخبرة وانا مش شغال
فؤاد اممممم تمام طيب تعالا بكرة وهاتلي ورقك وانا هشوفلك وظيفة كويسة ودي هتكون مكافئة علي إنقاذ حياة بنتي تكون عندي الساعة العاشرة صباحا
معاذ بفرحة شكرا جدا جدا لحضرتك استاذن انا
فؤاد اتفضل
ثم يخرج معاذ لينظر الي آلاء بضحكة كاد أن يسمعها فؤاد والاء تستشيط منه غضبا منوعدة له ويخرج ع الفور قبل أن تفقد آلاء السيطرة علي أعصابها
ما أن خرج معاذ من الشركة حتة اخرج هاتفه وقام بمكالمة تلفونية
اذيك يا قمري يا وش السعد خطتك نجحت يا اروبة وشكلي كدة داخل ع منعطف تاريخي
القمر بتاعه 😂 طبعا لازم خطتي تنجح ده انا سوسو ام دماغ مكلفة لكن مش هوصيك سلام
معاذ سلام يا قمر
نكمل بكرة وأما نشوف اخرتها مع آلاء ومعاذ اللي طلع لينا ف البخت هو والقمر بتاعته