الفصل الاول والثاني
بقلم سما محمد
من حبي فيك يا جااري.. يا جاااري من زمااان
ترن ترن
_استنى يا اللي علي الباب الدنيا مش هتطير هي اصتبر
فتحت الباب ولقيت خير اللهم ما اجعله خير كده حتة قمر اه والله يجماعه زي ما بقولكوا كده
=لو سمحتي يا ان...
هوباا رزعت الباب في وشه ما هو مكنش ينفع افتح الباب بمنظري ده دخلت جبت عبايه وطرحه ولبستهم وفتحت الباب تاني كان لسه يقلب امه بيستوعب اللي حصل
"انا زينه عندي 19 سنه بنت عاديه جدا عايشه لوحدي ماما اتوفت من سنه وبابا معرفش عنه اي حاجه من ساعة ما اتولدت، في سنه اولى كليه آلسن"
_قولت بتوتر: ا انا اسفه علي اللي حصل ده... خير حضرتك عايز حاجه
=لا ولا يهمك بس انا لسه جاي الشقه دي جديد انا و والدي ينفع بس تدينا كرسي عشان العفش لسه مجاش ومش هيقدر يقف
_طب خليه يتفضل عندي لحد ما العفش يجي
=مش عايزين نتعبك بس
قولت بإبتسامه: مفيش تعب ولا حاجه ده الجيران لبعضها
دخل عمو عندي كان راجل بشوش وقمر اووي ملامحه كلها حنيه وحمدت ربنا اني نضفت الصالون الاول"
*ههههه كملي وبعدين ايه اللي حصل
_بس يا عمو المدرسين شالوني من علي البت دي وودوني عند المديره وخدت فصل اسبوع ومقولكش بقا علي اللي عملته ماما لما لقت جواب الفصل من المدرسه
*ههه اومال هي فين صح
_قولت بحزن مغلف نبرة صوتي ودموع خفيفه: الله يرحمها
*انا اسف يا بنتي ربنا يرحمها يارب
_يارب.. مقولتليش بقا ايه رأيك اقرالك الفنجان
*انتي بتعرفي؟
_طبعا اومال
*خلاص ماشي يا ستي
لسه هقوم اعمل القهوه لقيت الباب بيخبط روحت عشان افتح
=لو سمحتي ممكن تنادي بابا بقا
_هو العفش جه
=اه جه وشكراً جداً ليكي
_علي ايه مفيش حاجه
*ايه يا زين العفش جه
=اه يا بابا يلا بقا
*يلا يا بني
_ايه ده هو انت اسمك زين؟
=رد بإبتسامه سرقت قلبي: اه
_قولت بإبتسامه: وانا زينه
=تشرفت بيكي
"خرج الحليوه هو وباباه ورجعت تاني لوحدتي اللي كنت هنساها لو قعدت مع عمو نص ساعه زياده"
بالليل
خرجت اقف في البلكون كَ عادتي كل يوم وفي ايدي فنجان قهوه وروايه علي الفون وبدأت اقرء فيها لحد ما لقيت حد بيقولي
=بتعملي ايه
_ابتسمت لما اكتشفت ان ده زين الشاب الحليوه ايوه: زي ما انت شايف بشرب قهوه وبقرء روايه
=اممم ماشي... بابا حبك اووي
_وانا كمان والله
سرحت وكملت كلام: من اول ما دخل البيت و انا حبيته، حبيت حنيته اللي في نبرة صوته رغم اني معرفوش، حسيت بحنان الأب اللي عمري ما شوفته ولا حسيته... ربنا يخليهولك يا زين
=هو انتي باباكي فين؟
_عن اذنك انا هنام بقا
=ماشي تصبحي علي خير
"هو انا قولت حاجه تزعلها انا سألتها عن باباها بس... مش يمكن متوفي.. وانا شاغل نفسي بيها ليه نام يعم نام"
تاني يوم
كالعاده النهارده معنديش جامعه ف بنزل اشتري طلبات للبيت وبعدين بروح المكتبه وانا خارجه من البيت لقيته في وشي
=صباح الخير
_صباح النور
=زينه انا بعتذر علي تطفلي امبارح
_ابتسمت: لا محصلش حاجه... صح عمو اخباره ايه
=الحمدلله بيسلم عليكي
_وصله سلامي بقا
=لا مليش دعوه
_كشرت: ازاي بقا
=وصليله انتي سلامك بنفسك انا خارج
_خلاص هفوت عليه وانا راجعه
"نزلت وروحت المكتبه قضيت يومي وبيكون الطف يوم في الاسبوع لما اقضيه وسط الكتب وريحتها رجعت علي البيت بس قبل ما ادخل خبطت علي عمو اسماعيل" بابا زين" وسلمت عليه ودخلت بيتي غيرت هدومي ولسه هنام سمعت صوت بره اخدت عصايه في ايدي و خرجت بخوف وانا بقدم خطوه وبرجعها تاني لقيت شخص واقف بضهره
_زينه بخوف: ا انت مين
Part 2
_زينه بخوف: ا اانت مين
لقيته لف بسرعه بس مكنش باين وشه مكنش باين اللي عنيه كنت خايفه لا مرعوبه انا هنا لوحدي لو حصلي حاجه محدش هيحس بيا لقيته كتم صوتي وقال: لو صوتك طلع يبقي الله يرحمك يا زينه
استغربت هو عارف اسمي ازاي وانا اصلا هموت من الرعب وبدعي ربنا يبعتلي اي معجزه تنقذني من ايد الشخص ده لقيت الباب بيخبط
_الحرامي: روحي افتحي بس لو حد عرف ان في حد هنا انتي حره
هزيت راسي وسط دموعي اللي مش راضيه تسكت وروحت فتحت الباب
_زين: زينه انت كويسه
رديت وسط دموعي اللي مش بتقف بردو: ا ايوه انا كويسه
_زين: لا شكلك ماله وبعدين بتعييطي ليه
بصيت جنبي مكان ما المجهول ده واقف مستخبي وقولت: زين الحقني
لقيت المجهول ده شدني وقفل الباب لكن زين كسر الباب ودخل وقعدو يضربوا في بعض لحد ما اغمى عليا
**********
صحيت في مكان معرفوش لدرجه انب شكيت ان الشخص ده أخدني معاه بس اكتشفت اني في مستشفي من الاجهزه اللي محوطاني في الاوضه والمحاليل اللي متعلقه في ايدي "ربنا يحميني علي ذكائي والله "
شويه ولقيت الحليوه داخل وهو قلقان كده: انتي كويسه
_زينه بإبتسامه: اه الحمدلله... هو ايه اللي جابني هنا
_زين: اغمى عليكي امبارح لما...
_زينه بمقاطعه: اع افتكرت.. هو مين ده
_زين: تلاقيه حرامي انا اخدته القسم وهيحققوا معاه
_زينه: ممكن فعلا يكون حرامي... انا عايزه امشي من هنا يا زين لو سمحت
_زين: تمام هروح اشوف اجراءات الخروج واجيلك تاني
مشي شويه ووقفه صوتي لما ناديته
_زينه: زين!
_زين بإبتسامه: ايوه يا زينه
_زينه:شكراً
ابتسم كده ابو غمازات قمر ده وراح ماشي
بعد شويه لقيته جيه واخدني وخرجنا من المستشفى دي
_زينه بخوف: طب يعني الحرامي ده مش هيجي تاني
_زين بطمأنينه: متقلقيش انا معاكي
قد ايه الكلمه هديتني وطمنتني بطريقه غريبه معقول كلمه بسيطه قادره تطمن كده ولا يمكن عشان الكلمه دي من شخص بنحبه.. بنحبه؟ ايه الهبل ده يا زينه نفضي الافكار دي من دماغك
"روحنا البيت وطبعاً مروحتش الجامعه النهارده بسبب اللي حصل لقيت ملك بتكلمني: الوو مجتيش ليه يابت النهارده ها بقا انا اقعد استناكي في الكافتيريا وتضيع عليا المحاضره وفي الآخر متجيش
_زينه بضحك: يبت افهمي هحكيلك اللي حصل...
بعد ما حكيتلها اللي حصل قالت
_ملك: طب هو حليوه اووي يعني
وااات دقيقه يجماعه هو مش المفروض تطمن عليا وتقولي انتي. كويسه كده يعني لكن بتسألني علي الحليوه حسبي الله في الصحوبيه الواطيه دي خلصنا كلام والباب خبط كنت خايفه جداً لأول مره اخاف كده بس لقيته زين
_زين بإبتسامه: عامله ايه دلوقتي
_زينه: الحمدلله يا زين احسن
_زين: انا كنت عايز اقولك ان بابا عايز يزورك
_زينه بفرحه: طبعاً يتفضل في اي وقت
_زين: احمم وكمان كنت عايز رقم تليفونك
_زينه: نعممم؟!
_زين: قصدي علشان لو حصل اي حاجه تكلميني
_زينه: اه تمام
اديته الرقم وقفلت معرفش اديتهوله ليه بس انا محتاجه حد جنبي خصوصاً بعد اللي حصلي ده
**********
في مكان آخر تحديداً الصعيد
_مجهول 1:انت خايب كيف يعني معرفتش تچيبها معاك
_مجهول2:يا بوي كان في شاب دخل وضربني وسلمني للشرطه لولا بس انهم ملجيوش عليا حاچه ما كنت هخرچ منها واصل
_مجهول1:حسابك كبر جوي يابت سلمي
***********
" نرجع تاني لزينه"
_زينه: منور يا عمو والله
_اسماعيل "والد زين": بنورك يا بنتي.... لما زين قالي اللي حصل قلقت عليكي جداً
_زينه: حصل خير الحمدلله ان زين جيه في الوقت المناسب مش عارفه لولاه كان هيحصل فيا ايه
_اسماعيل: متقلقيش يا بنتي احنا جنبك ومعاكي
_زينه: ده انا علي كده محظوظه بقا.. معايا القمر كله
_اسماعيل بضحك: يلا يا بكاشه
_زينه: لا والله يا عمو انت قمر جدا تحس كمان ان زين شبهك جداً بس النسخه المصغره
_اسماعيل: زين فعلاً شبهي بس كله حنية مامته الله يرحمها واخد كل طباعها
_زينه: كنت بتحبها؟
_اسماعيل: طبعاً.. ست أصيله كانت معايا علي المره قبل الحلوه لما نتخانق مكانش يجي تاني يوم الا لما نكون متصالحين وصافيين... كانت تقولي مفيش وقت نزعل فيه العمر لحظه ليه نضيعها في الخصام
_زينه: ربنا يرحمها
قاطعم خبط علي الباب زينه قامت بسرعه تشوف مين
_اسماعيل: ايه يا زين بتخبط جامد كده ليه
_زين بتوتر: زينه في حاجه لازم تعرفيها
_زينه بخوف: ايه في ايه
_زين: الواد اللي كان هنا امبارح ده
_زينه: ا ااه ماله
_زين: يبقي......
_زينه بصدمه: اييه؟؟