💗عناد الحب والكبرياء💗
الفصل الثلاثون والاخيره
فى بيت عبدالرحمن
فايزه :- صوتت وقالت بنتتتتتتتتتى
الكل بص على مى لاقها واقعه على الأرض اغمى عليها
باسم :- طلع يجرى عليها وخبط على وشها وقال بدموع مى مى قومى علشان خاطرى لو حصلك حاجه انا هموت وراكى
مازن :- اوعى كده يا اخ متلمسهاش
باسم :- ابعدوه عنى بدل ما اقسم بالله اقوم اموته
فهد :- مازن اهدا دلوقتى انت مش شايف مى مش بترد على حد ازاى
باسم :- بصوت عالى هاتو اى برفان بسرعه
فايزه :- طلعت تجرى وجابت البرفان وهى دموعها على خدها وفى الوقت ده جت مليكه
مليكه :- قعدت جنب مى وقالت مالها مى يا باسم
باسم :- وهو بيحاول يفوقها مش عارف يا مليكه مى علشان خاطرى ردى عليا
فهد :- مش هينفع كده ومسك تليفونه وطلب الإسعاف
باسم :- لالالا انا مش هستنا الإسعاف لما تيجى وشال مى
مازن :- نزل مراتى بقولك
باسم :- ضربه بالراس فى مناخيره واخد مى ونزل والكل نزل وراه
مازن :- مناخيره نزفت ونزلت دم مسح الدم اللى نازل منها وقال ماشى يا باسم الكلب لو مكنتش ادفعك تمن اللى عملته ده غالى مبقاش انا ونزل يجرى وراهم
عند باسم
نزل حط مى فى العربيه ومستناش حد يركب معاه ومشى بسرعه على المستشفى
وفهد ومليكه وفايزه ركبو العربيه ونزل مازن وركب معاهم
فهد :- بص لمازن بغيظ ومشى بالعربيه على المستشفى
وصل باسم المستشفى ونزل منها بسرعه وشال مى ودخل يجرى بيها وزعق وقال حد يلحقها بسرعه من الدكاتره
الممرضه :- دخلها بسرعه الاوضه دى على ما ابلغ الدكتور
باسم :- دخل مى الاوضه وقال بدموع خليكى معايه يا مى متسبنيش مقدرش اعيش من غيرك انتى كل الحياه
وفى الوقت ده دخل الدكتور
الدكتور :- اتفضل حضرتك بره
باسم :- انا مش خارج من هنا اكشف عليها وانا موجود
الدكتور :- انت تقرب ليها ايه
باسم :- خ خ.خطيبها
الدكتور :- يبقى مينفعش تكون موجود ساعة الكشف اتفضل بعد اذنك بره الاوضه علشان اعرف اكشف عليها
باسم :- خرج وهو متغاظ أن سيبها فى الاوضه مع الدكتور لوحديهم
وفى الوقت ده وصل فهد واللى معاه
مليكه :- مى عامله ايه يا باسم
باسم :- لسه الدكتور بيكشف عليها جوه
مازن :- حسابى معاك بعدين هعرفك ازاى تمد ايدك عليا
باسم :- مسك فيه وقال انت ايه اللى جابك ها كل اللى بيحصل لمى ده بسببك عارف لو حصل ليها حاجه ودينى لامحيك من على الارض
مازن :- زقه وقال مى هتقوم وهترجع معايه البيت وهتعيش معايه انا
فهد :- ادخل ما بينهم وقال مينفعش كده يا جماعه احنا فى مستشفى مش فى شارع يعنى لازم تهدو بدل ما الأمن يطلعكم بره المستشفى
باسم :- بص لمازن وقال اصبر عليا حسابنا بره مش هنا
مازن :- لما نشوف
وفى الوقت ده خرج الدكتور من الاوضه والكل جرى عليه
فهد :- خير يا دكتور
الدكتور :- احمدو ربنا انكم لحقتوها الضغط عالى عليها وكان ممكن تروح فيها
باسم :- خبط بأيده على الحيطه
مليكه :- طيب ودلوقتى يا دكتور هى عامله ايه
الدكتور :- طبعآ عملنا ليها الاسعافات الاوليه وادتها حقنه تنزل الضغط وان شاءالله شويه وهتفوق بس هتلاقو لسانها تقيل شويه متخافوش ده بس من الضغط العالى ومجرد ما يبقى طبيعى لسانها هيرجع طبيعى
فهد :- شكرآ يا دكتور
الدكتور :- العفو عن اذنكم وسابهم ومشى
فايزه :- عينى عليكى يا بنتى لسه صغيره على كل ده
مليكه :- الحمدالله أن لحقنها لو مكنش باسم اخدها ونزلى يجرى بيها كان ممكن تروح مننا
فايزه :- بصت لمازن وقالت منك لله انت السبب فى اللى حصل لبنتى حسبى الله ونعم الوكيل فيك يتحكم فيك ربنا زى ما كسرت بنتى ووجعتها ووصلتها للحاله اللى هى فيها دى
مازن :- وانا عملت ايه برجع مراتى وام بناتى
مليكه :- ولما انت بتحبها اوى كده ضيعتها ليه من ايدك من الاول ليه كسرتها وذلتها وهى معاك ليه كرهتها فى نفسها وفى الدنيا ليه كسرت ليه ضحكتها انت مستحيل تكون بنأدم وعايز تقنعنا انك اتغيرت وعايز ترجعها ليك بس الحقيقه مش كده انت عايز ترجع مى المنكسره اللى كانت كل حاجه حاضر ونعم كانت تتقبل الاهانه منك وتسكت الخدامه اللى كانت شغاله طول النهار مش بتريح وفى اخر اليوم تاخد حقك منها وترميها رميت الكلاب لاء يا مازن انا اللى مش هقبل ارجع اختى ليك فاهم
مازن :- لاء هترجع ليا يا اما كده هاخد البنات منها
فهد :- اتغاظ ومسكه من هدومه وقال انا من بدرى ساكت ليك علشان مكبرش الموضوع لكن انت بجد بنأدم مستفز ومش همك حد وانا بقى اللى هقف ليك وورينى تقدر تقرب من مى ولا من بناتها ازاى
مازن :- وهو بيحاول يخلص نفسه من ايد فهد قال انا هوريكم كلكم مين مازن وهدفعكم تمن كل كلمه قولتوها
فهد :- اعلى ما فى خيلك اركبه واكيد انت عارف مين فهد المنشاوى وعارف اقدر اعمل فيك ايه فا زى الشاطر كده خد نفسك وامشى من هنا ومتحاولش تقرب من مى وبناتها وسابه
مازن :- متفكروش أن دى اخر الحكايه بكره كلكم هتندمو وسابهم ومشى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
كانت جومانه نايمه فى حضن فارس
فارس :- مش قادر اصدق نفسى انك خلاص بقيتى مراتى راسمى ونايمه فى حضنى حاسس أن انا بحلم
جومانه :- لاء حقيقه وانا فعلا مراتك وفى حضنك وهفضل معاك لحد ما العمر ينتهى
فارس :- ربنا يخليكى ليا وميحرمنيش منك ابدآ
جومانه :- ولا منك يا عمرى
فارس :- انا بجد مهما اعمل مش هقدر ارد ربع جميل مليكه ليا يكفى أن رجعتك ليا رغم أن انا مزعلها منى وجرحها
جومانه:-مليكه قلبها ابيض اوى ومش بتعرف تزعل من حد انت عارف انا اول مره اشوف فيها مليكه حبيتها اوى حسيت انها واحده مختلفه مش بتعرف الغش ولا الخداع بنأدمه قلبها ابيض واللى فى قلبها على لسانها انا من زمان كنت بتمنى يكون ليا اخت ولما شوفتها حسيت ربنا بعتها ليا علشان تكون اختى
فارس :- عايزك تيجى معايه بكره اصالحها واتأسف ليها على اللى قولته فى حقها
جومانه :- حاضر ولسه هتقوم
فارس :- رايحه فين كده
جومانه :- هقوم اخد شاور وانزل علشان اسخن الاكل اللى برد ده
فارس :- انسى يا ماما ده انا ما صدقت انك بقيتى فى حضنى مجنون انا علشان اسيبك تقومى من جنبى
جومانه :- قصدك ايه يعنى
فارس :- قصدى هطلع على عينك كل اللى عملتيه فيا قبل كده
جومانه :- لا والله على أساس انك حمل وضيع صح
فارس :- انا عندك اهو طلعى فيا كل القديم انا موافق وغمز ليها
جومانه :- تصدق انك قليل الادب اوعى كده خلينى اقوم
فارس :- هههههههه بتحلمى وقرب منها و(سكتت شهرزاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى
بدأت مى تفوق وتفتح عينيها وتقفلها علشان تتعود على ضوء المستشفى وفى الاخر الرؤيه وضحت عندها وبصت حواليها واستغربت المكان
مى :- بتعب ونطق تقيل قالت ا.ا.انا ف.ف.فين
مليكه :- راحت عندها وقالت مى الحمدالله انك فؤقتى عامله ايه دلوقتى
مى :- ك.ك.كويسه ا.ا.انا ف.ف.فين
مليكه :- انتى فى المستشفى اغمى عليكى وباسم شالك وجابك هنا
مى :- افتكرت اللى حصل وقالت ب.ب.بناتى ي.ي.يا م.م.مليكه ف.ف فين
مليكه :- متخفيش فى البيت عند ماما قافلين عليهم الباب
مى :- ب.ب بالله عليكى ه ه هاتيهم ه.ه.هنا ج.ج.جنبى
مليكه :- يا بنتى والله ما تخافى طيب ما انا سايبه فريد مع تيلا واختها
مى :- ر.ر ريحنى ي.ي.يا م.م.مليكه
مليكه :- حاضر هخلى فهد يروح يجيبهم
مى :- حطت ايديها على بؤقها
مليكه :- مالك
مى :- ل.ل.لسانى ت.ت تقيل ا.ا اوى
مليكه :- معلش الدكتور قال طبيعى وهيروح اول ما الضغط ينزل علشان عالى عندك جدآ
وفى الوقت ده خبط الباب راحت مليكه فتحت الباب
فهد :- مى عامله ايه دلوقتى فاقت
مليكه :- اه تعالو فاقت
ودخلو التلاته باسم وفهد وفايزه
فايزه :- بدموع بعد الشر عنك يا بنتى انشالله انا وانتى لاء يا روحى
مى :- ب.ب بعد ا.ا.الشر ع.ع.عنك ي ي يا م.م.ماما
فهد :- اجمدى كده يا مى ده انتى حتى اخت مليكه لازم تكونى قويه زيها كده
مى :- ا.ا الحمدالله
باسم :- حمدالله على سلامتك يا مى
مى :- ا.ا.الله ي.ي.يسلمك ي.ي.يا باسم
مليكه :- فهد مى عايزه البنات تكون جنبها ممكن تروح تجبهم هما وفريد من شقة ماما
فهد:- ماشى هروح بالعربيه بسرعه وهاجى
مليكه :- خد المفتاح اهو
فهد :- ماشى واخد المفتاح ومشى
باسم :- بالله عليكى يا مى ما توجعى قلبى عليكى تانى ده انا كنت هموت لما شوفتك كده
مليكه:- ماما تعالى بره عايزه اقولك على حاجه
فايزه :- ماشى تعالى
وخرجت مليكه وفايزه من الاوضه وسابو باسم مع مى وقفلو الباب وراهم
باسم :- قعد على الكرسى اللى قصاد مى وقال اياكى اشوفك ضعيفه تانى يا مى خلينى انا قوتك وقت ضعفك خليكى واثقه فيا أن مش هسمح لحد يمس شعره منك او من البنات انا افديكم بعمرى كله علشان انتو تعيشو
مى :- ص ص صدقنى ا.ا اصعب ح.ح.حاجه ع.ع.على ا.ا.اى ا.ا.ام ا.ا انها ت.ت تحس ا.ا أن ض ض.ضنها ه.ه.هيروح م.م.منها
باسم :- وانا مش هسمح ليه ان ياخد البنات منك واصلا البنات فى السن ده مش من حق ابوهم يفضلو معاكى لحد ما تتجوزى ومدام امك عايشه هى اللى تاخدهم وتربيهم ويبقى من حقها الحضانه
مى :- ب.ب بجد ي.ي يا ب.ب.باسم
باسم :- ايوه والله مش هضحك عليكى مى بناتك زى بناتى بالظبط ومش هعمل حاجه تضروهم ابدآ وهحميهم من اى حد عايز يأذيهم
مى :- ش ش.شكرآ
باسم :- اهم حاجه عندى راحتك يا مى علشان خاطرى حافظى على صحتك علشان لو بتحسى بوجع انا بحسه زيك واكتر كمان
مى :- ح.ح.حاضر
باسم :- مى احنا هنخرج من هنا على المأذون هتجوزك وهاخدك معايه على الفيلا وهاخد البنات معانا
مى :- ب.ب.باسم م.م.مش ه.ه.ه
باسم :- قطعها وقال لاء هينفع يا مى انا مستحيل هأمن انك تعيشى بعيد عنى تانى
مى :- ب.ب بس
باسم :- مفيش بس انا بحبك وانتى بتحبينى يبقى ليه نعذب بعض بالبعد
مى :- سكتت
باسم:- السكوت علامة الرضا صح
مى :- ل.ل.لسه ع.ع عايزه ا ا اهيأ ت.ت.تيلا ل.ل لموضوع د.د.ده
باسم :- سيبى تيلا ليا انا هقنعها بالموضوع ده
مى :- ب.ب.بلاش ا.ا انت خ.خ.خلى ح.ح.حتى م.م.مليكه
باسم :- حاضر يا ستى اللى انتى عايزاه
وفى الوقت ده الباب خبط ودخلت مليكه وفايزه
باسم :- كويس انكم جيتو انا ومى اتفقنا هنطلع من هنا على المأذون وهنتجوز
مليكه :- بفرحه بجد والله العظيم احسن خبر سمعته بجد انتو الاتنين تستاهلو بعض كل واحد فيكم شاف كتير فى حياته وهتقدرو تعوضو بعض عن كل ده
فايزه :- ربنا يسعدكم ويهنيكم يارب ويريح قلبك يا مى يا بنتى ويجعل ايامك كلها فرح ويعوض صبرك خير يارب
مى:- ر.ر ربنا ي.ي يخليكى ي.ي.ياماما
باسم :- بس طالب منك طلب يا مليكه
مليكه :- قول يا باسم
باسم :- محتاجين تكلمى تيلا وتعرفيها بالموضوع ده
مليكه :- اطمنو سيبو تيلا عليا
وفى الوقت ده دخل فهد ومعاه البنات وفريد
تيلا :- طلعت تجرى على امها وقالت ماما ماما انتى كويسه انا بكره بابا اوى علشان هو السبب فى اللى حصلك ده
مى :- م.م.مين ق.ق.قلك ك.ك.كده ي.ي.يا ح.ح.حبيبتى
تيلا :- انا شوفته وهو اخدك ووقعتى فى الارض انا مش بحبه ده طلع وحش اوى اوى يا ماما
الكل بص لبعض
مليكه :- راحت اخدتها فى حضنها وقالت طيب ايه رأيك يكون عندك بابا جديد طيب وبيحبك ويجيب ليكى العاب كتيره اوى ويخليكى تروحى المدرسه اللى فيها يوسف
تيلا :- لاء مش عايزه بابا تانى انا عايزه ماما وبس ومش عايزه لعب ولا عايزه مدرسه حلوه
مليكه :- بصت ليهم وبعد كده بصت لتيلا وقالت مش انتى بتحبى ماما اوى
تيلا :- اه اوى اوى
مليكه :- طيب لو قولتلك أن ماما هتبقى مبسوطه وفرحانه وبتضحك كتير مع بابا الجديد هتوافقى
تيلا :- لاء هيخليها تعيط زى بابا ما كان بيعمل معاها
مى :- دموعها نزلت منها وقالت خ.خ.خلاص ي.ي.يا ج.ج.جماعه م.م.محدش ي.ي.يضغط ع.ع.عليها ك.ك.كفايه ع.ع.عليها ا.ا.اللى ع.ع.عاشته و.و.وشافته و.و.وهى ل ل لسه ط.ط.طفله
تيلا :- راحت مسحت دموعها وقالت انتى زعلتى يا ماما علشان قولت على بابا الجديد وحش طيب خلاص بلاش تزعلى ولا تعيطى بابا الجديد حلو
مليكه :- بجد يا تيلا موافقه يكون ليكى بابا جديد
تيلا :- لو ماما مش هتعيط بسببه ماشى
باسم :- راح عندها وقال بس انا بحب ماما وعمرى ما اقدر ازعلها ولا اخليها تعيط
تيلا :- انت بابا الجديد
باسم :- ايوه ايه رأيك انفع
تيلا :- اممممم مش بطال
الكل ضحك على كلمة تيلا
باسم :- انا هخليكم اسعد ما فى الارض هعمل كل ما بوسعى علشان اعوضكم كل اللى فات
تيلا :- انا مش فاهمه بتقول ايه
باسم :- يعنى هخليكى تروحى مدرسه حلوه اوى وعندى اوضه كبيرررررره فيها لعب كتير اوى تلعبى فيها علطول وهخلى ماما تروح مدرسه زيكم بالظبط
تيلا :- هههههههههههه انت عبيط يا عمو ماما كبيره مينفعش تدخل مدرسه زى الصغيرين
باسم :- هههههه يابت يا ام لسان طويل فى مدرسه للكبار ماما كانت فيها زمان وخرجت منها انا بقى هرجعها ليها تانى تكمل تعليمها ايه رأيك
تيلا :- هههههههه يعنى ماما هتبقى زى فى مدرسه وتلعب مع اصحابها زى
الكل ضحك على كلام تيلا
مى :- كانت مبسوطه اوى بقرب باسم من تيلا وان هو قدر يكسب ثقتها
فايزه :- ربنا يفرحكم تملى يارب ويجعل ايامكم سعاده وهنا علطول
فهد :- بما أن انا جيت و المشهد فى آخره مش فاهم حاجه مين هيتجوز مين
مليكه :- باسم ومى هيتجوز
فهد :- ده امته ده
مليكه :- هيطلعو من المستشفى على المأذون
فهد :- والله ده ايه عصر السرعه ده
باسم :- سرعة ايه يا عم دى جت متأخر واوى كمان
فهد :- عمومآ فرحتلك يا صاحبى وفرحة لمى انتو الاتنين طيبين وتستاهلو بعض هتكملو بعض
باسم :- ربنا يخليك يا فهد
مليكه:- طيب يلا بره عايزين ننام شويه
فهد :- لا والله بنتطرد على اخر الزمن
باسم :- للاسف دى اخرتنا
مليكه :- اقعدو بره بس اوعو تبصو كده ولا كده الممرضين هنا مزز وياخدو العقل
فهد :- طب شكرآ ليكى انك عرفتينى يلا يا باسم بلاش نضيع وقت
مليكه :- فهد لم الدور
فهد :- مش انتى اللى بتقولى
مليكه :- كده طيب مفيش خروج من الاوضه
فهد :- ليه كده انا عايز اقعد بره
مليكه:- لاء يا فهد
فهد :- غمز لباسم وقال يلا بقى ملناش فى الطيب نصيب يا صاحبى
مليكه :- عااااااااا غلس وراحت ضربته على كتفه
فهد:- اااااه بس يا مجنونه بهزر والله
الكل ضحك عليهم هما الاتنين
وقعد فهد على الكنبه ونيم مليكه فى حضنه ومى اخدت البنات فى حضنها ونامت وفايزه اخدت فريد فى حضنها ونامت على الكرسى وباسم قعد يبص شويه على مى وهى نايمه وفتح الباب براحه وخرج من الاوضه وقفل الباب وقعد فى الاستراحه بره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشرقت شمس صباح يوم جديد بنورها الساطع فى سماء الاسكندريه ليبدء الجميع بالاستيقاظ
فى فيلا فارس المنشاوى
صحيت جومانه من نومها وهى فى حضن فارس بصت على فارس وهو نايم ومشت ايديها على وشه وقربت منه وباسته فى خده
فارس :- صحى من نومه على حركة جومانه وحس بيها وهى بتبوسه فتح عينه وشدها فى حضنه وباسها بوسه طويله على شفايفها وبعد وقت طويل بعد عنها وقال البوسه بتبقى كده
جومانه :- اتكسفت ووشها احمر وقالت ص ص صباح الخير
فارس :- صباح الخدود الحمرا والعيون الحلوين
جومانه :- انت صاحى من بدرى
فارس :- من ساعة ما اتحركتى
جومانه :- احم م.م.ماشى
فارس :- هههههههههه عسل بخدودك الطماطميه دى
جومانه :- اوعى كده غلس
فارس :- طب بقولك ايه ما بلاش شغل النهارده وخلينا هنا فى الاوضه
جومانه :- لا والله قوم اخلص بلاش دلع
فارس :- حرام والله يعنى افضل محروم من الدلع ده ولما اطوله تقوليلى بلاش دلع منك لله يا بعيده
جومانه :- هههههههههه حبيب قلبى والله
فارس :- وانتى روحى وعمرى ودنيتى كلها ولسه هيقرب منها
جومانه :- قامت تجرى وقالت لاء مفيش تانى دلوقتى فى شغل هننزلو دلوقتى
فارس :- طيب بوسه
جومانه :- لاء وسابته ودخلت الحمام
فارس :- يوه بقى كل حاجه شغل شغل حرام والله
وبعد وقت خرجت جومانه من الحمام ودخل فارس اخد شاور وجومانه لبست هدومها وأدت فرضها وخرج فارس لبس هدومه واده فرضه ونزلو هما الاتنين
فارس وجومانه :- صباح الخير
سهير :- صباح النور شكلكم مبسوطين اوى يعنى النهارده
فارس :- بص لجومانه وضحكوه
سهير :- ايه قولت حاجه تضحك وانا معرفش
فارس :- احم لاء يا ماما بس عادى زى كل يوم
سهير :- امممم ما هو واضح
جومانه :- احنا بس مبسوطين بوجودك معانا بس
سهير :- والله
جومانه :- امممم ما ليكى عليا حلفان يا ماما ده انا قلبى بيرقص من جوه كل ما يشوفك
سهير :- جايز
فارس :- تعالى يلا يا جومانه
جومانه :- طيب انا جعانه ناكل الاول
فارس :- تعالى معايه ومش هتندمى
جومانه :- حرام عليك يا فارس انا عصافير بطنى بتصوص من امبارح مانع عنى الاكل
فارس :- معلش استحملى شويه ومسك ايديها وقال عايزه حاجه ياماما
سهير :- لاء شكرآ يا اخويه
ومشى فارس وجومانه
سهير :- الا ما حتى افتكرو يسألونى اكلت ولا لاء سحبها فى أيده وطلع يجرى يلا كله عند ربنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى
صحيت مى من نومها وبصت على باسم فى الاوضه ملقتهوش قامت براحه من على السرير وخرجت من الاوضه تبص على باسم لاقته نايم وهو قاعد على الكرسى راحت قعدت جنبه وبصت عليه شويه وبعدين قالت
مى :- احم باسم باسم
باسم :- امممم
مى :- اصحه
باسم :- فتح عينه وقال احلى صباح ده ولا ايه علشان فتحت عينى على وشك الجميل وضحكتك الرقيقه
مى :- اتكسفت وقالت صباح الخير
باسم :- صباح السعاده والهنا على احلى واحده فى الدنيا دى بحالها
مى :- باسم احنا فى المستشفى
باسم :- حتى لو فين عمرى ما هبطل أظهر ليكى حبى ومشاعرى ليكى قدام العالم كله انتى عشقى الوحيد يا مى
مى :- اتكسفت وبصت فى الارض
باسم :- رفع ليه وشها وقال مش عايزك تبعدى عينك عن عنيا ابدآ عايزك علطول كده بصه ليا
مى :- احم م.م.ماشى
باسم :- عامله ايه دلوقتى
مى :- الحمدالله احسن
باسم :- طب الحمدالله يعنى احتمال النهارده تكونى مراتى حلالى وتبقى فى حضنى
مى :- م.م.معرفش الدكتور هيقول ايه لسه
باسم :- انا اه هموت عليكى ونفسى تبقى فى حضنى دلوقتى قبل شويه بس برضه صحتك اهم عندى ومش هستعجل اخرجك من هنا لحد ما اتأكد انك بقيتى كويسه ميه فى الميه
مى :- ربنا يخليك
باسم :- ويخليكى ليا وتملى عليا حياتى ودنيتى
فهد :- يخربيتك انزل من على ودن البت شويه
باسم :- ايه جابك انت دلوقتى
فهد :- شوفت جوزين عصافير قعدين قولت اجى أصبح عليهم
باسم :- وصبحت
فهد :- ايوه
باسم :- طيب ورينا عرض كتافك كده
فهد :- والله طيب امشى قدامى يا مى مفيش قعاد مع راجل غريب لواحدكم انا جوز اختها وفى مقام اخوها
مى :- هههههههههههههه
باسم :- لا والله ده على جثتى حد يبعدها عنى تانى وبص لمى وقال وانتى عجبك كلامه وبتضحكى
مى :- فهد فى مقام اخويه الكبير ولازم اسمع كلامه
فهد :- يااااااه على الكبسه يعنى انا لو منك ما قعدش ثانيه واحده هنا
باسم :- كده يا مى بتبعينى علشانه
مى :- مقدرش استغنا عنكم انتو الاتنين انتو الاتنين غالين عليا
باسم :- بفرحه بجد يا مى يعنى انا غالى عليكى
مى :- بصت فى الارض وهزت راسها بمعنى ايوه
فهد :- ايوه يا عم الله يسهلو وغمز لباسم وقال لاء انا كده همشى واروح اشوف مزتى زمانها صحيت
باسم :- مع السلامه والقلب داعيلك
فهد مشى وساب باسم ومى مع بعض
باسم :- بجد يا مى انتى شيفانى حاجه غاليه عليكى
مى :- احم ايوه
باسم :- انتى عارفه نفسى فى ايه
مى :- ايه
باسم :- نفسى احضنك والف بيكى واصرخ بعلو صوتى واسمع الدنيا كلها أن انا بحبك
مى :- ضحكة بكسوف وقالت مجنون
باسم :- فعلا انا مجنون و سبب جنانى حبى ليكى يا مى بحبك اوى بحبك حب عمرى ما اقدر اوصفه بالكلام انا معاكى حبيت الحب علشان ليكى
مى :- احم هدخل الاوضه زمان البنات صحيت وبدور عليا
باسم :- هههههههه ماشى انا هسيبك براحتك دلوقتى بس اول ما يتقفل علينا باب اوضه واحده مش هسيبك غير لما اسمعها منك
مى :- قامت تجرى على الاوضه ودخلت نامت على السرير وحضنت بناتها وضحكت وكانت فرحانه اوى بحب باسم ليها
وبعد وقت طويل جه الدكتور كشف على مى وكتب ليها خروج من المستشفى وخرجت مى والبنات وركبو مع باسم العربيه ومليكه وفايزه ركبو عربية فهد وراحو عند المأذون وكتب
كتاب مى وباسم بعد ما طلب المأذون قسيمة الطلاق وراح فهد جابها من شقة عبدالرحمن وجه وباسم اخد مى وراح على الفيلا وفهد اخد مليكه وراحو على الشركه بعد ما وصل فايزه والبنات وفريد للشقه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى العربيه عند فارس
جومانه :- ايه ده يا فارس الطريق ده مش بتاع الشركه احنا رايحين فين
فارس :- رايحين شهر العسل
جومانه :- قصدك ايه
فارس :- قصدى أن انا اتصلت بفهد وقولتلو أن انا مش هروح الشركه اليومين دول وهو وافق
جومانه :- وربنا مجنون
فارس :- انا عايز اقضى يومين أنسا نفسى فيهم
جومانه :- وماما
فارس :- فهد هيروح ياخدها ويرجعها الفيلا معاه
جومانه :- استنا هنا انت مجنون طيب هنقعد ازاى واحنا مش معانا هدوم
فارس :- مين قالك انا حضرت الشنط ونزلتها العربيه وانتى فى الحمام وبعدين يا جوجو احنا مش محتاجين هدوم فى حاجه وغمز ليها
جومانه :- والله انت قليل الادب
فارس :- حرام عليكى عايش معاكى بقالى قد ايه ومحترم سبينى اخد فرصتى بقى وابقى منحرف معاكى
جومانه :- ههههههههه طيب هنروح فين
فارس :- اول مكان اتولد فيه حبنا وعرفت انك بتحبينى
جومانه :- اللى هو فين
فارس :- شرم ونفس الاوضه كمان
جومانه :- هههههههه ومش خايف يحصل معاك زى اللى حصل قبل كده فى العربيه
فارس :- ياريت والله ده انا لو حصل زى اللى حصل معانا هشوف ليله لوز اللوز وغمز ليها
جومانه :- افتكرت اللى حصل منها ووشها احمر وبصت من الشباك
فارس :- روحتى فين
جومانه :- ها م.م.معاك
فارس :- اوعى تكونى بتفكرى فى الليله إياها ها
جومانه :- فارس اتلم وبعدين انا جعانه وانتى مانع عنى الاكل حرام عليك
فارس :- لو تصبرى شويه على رزقك
جومانه :- قصدك ايه
فارس :- هأكلك فى احسن مكان بيعمل كباب وكفته انا عارف انك بتحبيهم
جومانه :- بفرحه بجد يا فارس انا بحبك اوى
فارس :- وانا بموت فيكى يا عمر فارس كله
ونزلو المطعم اكلو وحاسب فارس ورجعو ركبو العربيه وراحو على شرم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
كانت مها بتكلم امها فى التليفون
مها :- بفرحه بجد يا ماما يعنى مى دلوقتى اتجوزت باسم
فايزه :- ايوه يا بنتى ربنا يهنيهم باسم شكله طيب وابن حلال وهيعوض اختك اللى شافته مع اللى اسمه مازن ده
مها :- واو بجد انا فرحانه اوى اوى يا ماما باسم بجد كويس وطيب اوى وشكله كده كان بيحب مى من زمان علشان اتجوزها بالسرعه دى بعد موت نورهان مراته
فايزه :- ايوه يا بنتى ده عيط بالدموع لما مى كانت هتتجوز مازن ولما وقعت شالها وطلع يجرى بيها على المستشفى مستناش حد مننا ولو مكنش عمل كده كان ممكن اختك حصل ليها حاجه
مها :- ربنا يسعدها يارب مى شافت كتير فى حياتها واتعذبت والمفروض تفرح بقى وتعيش حياتها اللى كانت بتتمناها وهى بنت
فايزه :- يارب يا مها المهم انتى عامله ايه دلوقتى فى الحمل
مها :- اهو يا ماما شويه وشويه بس زهقت اوى من النومه على السرير واسر مطبق عليا كلام الدكتور بالحرف
فايزه :- هههههههه معلش من خوفه عليكى يا حبيبتى اسر بيحبك وبيخاف عليكى من نسمة الهوا
مها :- عارفه يا ماما وانا بحبه اوى ومقدرش اعيش من غيره ربنا يخليه ليا يارب
فايزه :- يارب يا حبيبتى هقفل معاكى انا علشان اشوف عيال اخواتك
مها :- ماشى يا ماما ربنا معاكى
وقفلت مها مع امها واتصلت على اسر وانتظرت الرد
اسر :- الو ازيك يا قلبى عامله ايه
مها :- كويسه يا حبى
اسر :- فيكى حاجه او تعبانه
مها :- لالالا انا كويسه بس كنت بطمن عليك
اسر :- ربنا يخليكى ليا يا عمرى طول ما انتى بخير هكون انا كويس
مها :- بقولك عرفت اخر الاخبار
اسر:- اخبار ايه
مها :- مش باسم اتجوز مى
اسر :- باسم مين واتجوز مى مين
مها :- اسر ركز معايا باسم جوز نورهان الله يرحمها اللى شغال مع فهد اتجوز مى اختى
اسر :- لا والله ده امته وازاى
مها :- حكت ليه اللى حصل
اسر :- بغيظ ابن ال ودينى لو شوفته هطلع روحه بأيديه دول وازاى مرات عمى متتصلش بيا وتقولى
مها :- مكنش فى وقت كل حصل وراه بعضه
اسر :- بس احسن حاجه حصلت أن باسم اتجوز مى هيقدر يحميها منه ويعوضها اللى شافته مع زفت الطين مازن
مها :- انا فرحة اوى ليهم ربنا يهنيهم ويسعدهم يارب
اسر :- يارب سيبك انتى بس احلى حاجه حصلت أن سمعت صوتك الجميل ده
مها :- هههههههههه بدلع بجد
اسر :- وحياة اغلى حاجه فى حياتى اللى هو انتى بجد
مها :- بمووووت فيك اوى يا اسو
اسر :- وانا بعشقك يا روح اسو
مها :- متتأخرش عليا بقى
اسر :- اخلص الشغل وهكون عندك علطول
مها :- بدلع مستنياك على نار
اسر:- الله يحرقك ارحمى امى يا بت
مها :- هههههههههه سلام
اسر :- مع السلامه يا قلبى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الفيلا عند باسم
دخل باسم الفيلا ومعاه مى وكانت مى متوتره جدآ اول ما باسم قفل الباب انتفضت من مكانها
باسم :- نورتى بيتك يا عمرى
مى :- بتوتر ش.ش.شكرآ
باسم :- مالك يا قلبى متوتره ليه
مى :- لاء ع.ع عادى
باسم :- مسك ايديها وقال مى عايزك تنسى اى حاجه حصلت قبل كده وركزى على عمرنا الجاى وانا بوعدك هعيشك اسعد
ايام عمرك ولا عمرى هزعلك ولا هجرحك بكلمه هعيشك العيشه اللى تستحقيها هعيشك ملكه على عرش قلبى وقبل ما تطلبى الحاجه هتكون عندك على طبق من الماظ ولو طلبتى عمرى كله مش هبخل عليكى بيه
مى :- ربنا يقدرنى واقدر اسعدك
باسم :- سعادى بوجوك جنبى بس مش اكتر مش محتاج اكتر من كده
مى :- احم ربنا يخليك ليا
باسم :- وميحرمنيش منك ابدآ وبعدين شدها وقال تعالى
مى :- ع.ع.على فين
باسم :- تعالى بس ودخل اوضت النوم وقال دى مملكتك يا مى ولو حابه اغيرها ليكى من بكره اغيرها
مى :- انبهرت بجمال الاوضه وقالت الله دى جميله اوى لاء متغيرهاش بجد تحفه
باسم :- جميله علشان عيونك بس اللي شيفاها لكن مفيش فى الدنيا دى بحالها حد فى جمالك ولا حلاوتك بحبك اوى يا مى فوق ما تتخيلى
مى :- بصت على الارض وهى مكسوفه
باسم :- رفع ليها وشها وبص فى عينيها وقال فرحى قلبى وقوليها
مى :- احم ب.ب.باسم
باسم :- مى انا دلوقتى جوزك يعنى مش حد غريب مفيش داعى للكسوف قوليها علشان خاطرى
مى :- ب.ب.بحبك
باسم :- ايه مش سامع بتقولى ايه
مى :- بحبك
باسم :- على صوتك شويه مش سامع
مى :- بصوت عالى بحبك
باسم :- ضمها ليه وشالها ولف بيها وقال وانا بموووووت فيك بحبك بحبك بحبك ونزلها وبص على شفايفها وقرب منها وفتح ليها زارير البلوزه وبسها من شفايفها وبعد وقت طويل بعد عنها وحط راسها على راسها وبص فى عينيها وقال انا اول مره ادوق الشهد اللى الناس بتقول عليه شفايفك عليهم طعم اطعم من اى حاجه حلوه موجوده فى الدنيا مش قادره اوصفلك جمالهم
مى :- كانت مكسوفه ومردتش عليه
باسم :- قرب منها تانى وشالها وحطها على السرير وبسها و(سكتت شهرزاد عن الكلام الغير مباح 😉😉
النهاية