رواية العشق القاتل الفصل العاشر10 بقلم هاجر محمد

_العشق القاتل.

   هاجر محمد 🌸 حبيبة 🌸 

 _الفصل 🌸 العاشر 🌸

_كان صقر  يمشي وسط رجاله إلى أن لاحظ قدوم محمد  ظل الاثنين يمشيان في اتجاه بعضهما بنظرات حاده

_وقف صقر أمام محمد بكل شموخ وثقته المعتاده

_محمد وهو ينظر له بغل وشموخ واضح / إيه جاي تترجى... ولا إيه العميل الأمريكي طار

_صقر بابتسامه متعمداً فيها استفذاذ محمد /  إنت مش صغير علشان أديك بالقلم زي اللي جوه بس برده مش كبير علي الحوت إنه يفرمك   والعميل الأمريكي حلال عليكم بس ما

 ترجعش تصوت زي الستات  لما أرد لك الضربه لأني مش بسيب حقي  فبقولك أهو إنت وأخوك علشان أنا مش زيكم  جبان  خافوا علي نفسكم

_محمد بغل من بين أسنانه / قول الكلمه دي لنفسك ياصقر  أنا مش هيسيبك زي كل مره وهقتلك ياصقر بس بعد ما أعلمك

 الأدب الأول وإن كنت إنت الحوت فأنا بقولك أهو أنا اللي هصطادك ياصقر  وهجيبك تحت رجلي تترجاني أرحمك وأنا هدوس عليك بالجزمه وهفعصك تحت رجلي

_ضحك صقر بصوت عالي  وظل يضحك لفتره ثم نظر إليه بقوه وهو يمسكه من لياقته و / هنشوف مين اللي هيفعص التاني تحت رجله يامحمد صحيح بس خد بالك كويس لاني

 مش هعمل حساب قرابه ولا غيره  أسيبك أنا دلوقتي بقي تخطط بس قبل ما أمشي أحب أحذرك مره أخيره ما تقفش قدام الحوت أحسن لك يامحمد سلام

================================

_ااااه براحه شويه ياشهنده 

_أعمل إيه يارأفت معلشي ياحبيبي خلاص قربت أخلص أهو بس عاوزه أعرف إيه اللي عمل فيك كده

_ مجاهد سليم ابن الكلب وحياة أمي لدفعه التمن 

_مجاهد سليم مين؟؟ وليه عمل فيك كده 

_خلصي الأول خليني أمشي وهقولك بعدين  

_هو إيه اللي بعدين يارأفت ما تخلص يعني متصل ومصحيني من الفجر علشان تجبني وتمشي إنت فيه 

_ما تنسيش ياحبيبتي إننا في الشركة  وممكن أي حد يدخل علينا المكتب في أي وقت 

_طب يارأفت أنا خلصت وخارجه  أتت لتخرج ولكنها عادت إليه مره أخري و /صحيح يارأفت الورق بتاع الشركه اليابانية

 لسه ما وقعتش عليه وهم بعته أكتر من مره ولو اتاخرنا أكتر من كده هيلغوا التعاقد وطبعا بتنفيذ الشرط الجزائي  اللي موجود في العقد 

_رأفت وهو يتألم و /أاااااااه  هاتيه دلوقتي ياشهنده أوقع عليه قبل ما أمشي الحكايه مش ناقصه كفايا الفلوس اللي راحت 

_شاهنده / فلوس إيه 

_مش وقته ياشهنده هاتي الورق الأول اخلصي خليني أمشي 

================================

_ظلت تلعب  وتجري في المكان مع نفسها بسعاده بالغه إلى أن تعبت لتركض مره أخري وتجلس أمام المسبح  وتضع قدمها بداخله وتحركها بسعاده وهي تضحك 

_في داخل القصر

                                            - - - - - - - - - - 

_صقر لدلال / هى حور هانم لسه ما نزلتش من فوق 

_دلال بابتسامه / لا يابيه دي نزلت بعدك علي طول  ومن ساعتها وهي إسم النبي حارسها عماله تلعب في الجنينه (اتسعت إبتسامتها وهي تقول) زي الأطفال الصغيرة وفي

 الآخر تقريباً تعبت فنزلت رجليها في المايه بتاعت حمام السباحه وقاعده بتلعب فيه حتي ما رضيتش تفطر ولا تاخذ العلاج زي ما سيادتك قولت وقالت أنا كويسه ومش تعبانه 

_صقر وهو يبتسم بشده / طب جهزي الفطار وأخرجيه بره  وما تقوليش ليها إني جيت أنا هغير ونازل 

_تحت أمرك ياصقر البيه 

*طلع صقر وغير لبسه بعد ما شافها من شباك الاوضه وشاف فرحتها وطريقتها اللي فعلاً زي الأطفال بعد ما فضل فتره يتابعها نزل عندها براحه لحد ما قعد جنبها وهي مش حاسه بيه خالص 

_اقترب صقر منها وهمس بجوار أذنها و / طب إيه رأيك لو نزلنا في قلبه هيبقي أحلي بكتير 

_شهقت حور بخضه وهي تتراجع بجلستها إلى الخلف فحاوطها بيده  فنظرت إليه و / إن إن إنت جيت 

_من بدري بقالي ساعه قاعد جانبك 

_ما حسيتش بيك خالص

_كنتي مشغوله بالميه  بتحبيها أوي كده

_حور بابتسامه أخذت بعقل صقر  وجعلته يتيه في ملامحها البريئه / أوي أوي طول عمر ببص عليه من بعيد وكتير أوي اتمنيت إني أنزل فيه أو بس أنزل رجلي فيه كده

_عمرك ما نزلتيه قبل كده

_هزت حور رأسها بالنفي و / لا عمري بس ده أحلي من التاني كمان المرجيحه دي كان نفسي أقعد عليها ب ب بس  كانت لساندي و وما قصدي وسهي هانم بس

صقر بعصبيه وغل بسيط /سهى دي مش هانم ياحور دي خدامه بقت هانم بالسرقة والنصب  إنتي اللي ست الهوانم كلهم

_حور بابتسامه واسعه وهي تشير علي نفسها / أنا ست هانم 

_أعاد صقر خصلة من شعرها خلف اذنها و:- أمممم ست الهوانم كلهم كمان 

_حور بوجه عابث / بس أنا حور  وبس مش ست هانم أنا مش بحب دي ست هانم دي كلها غرور وتكبر  وبتخلي البني آدم يحس نفسه فوق الناس

قاطعهم دخول دلال  وهي تضع الإفطار وترحل سريعاً بدون كلام 

_يلا نفطر 

_أنا مش جعانه 

_بس لازم تاكلي 

_لازم ليه 

_حور مش هنلعب قومي يلا اخلصي 

_حور بتحدي /بس أنا مش هاكل هو غصب

_قام صقر من مكانه وهو يحملها و / أيوه غصب

_حور بعصبيه / صقر نزلني دلوقتي

_وضعها علي الكرسي و / كده كويس أقعدي بقي

_وأنا مش

_صقر بنظره صارمه / حووور أنا مش هكرر كلامي تاني أقعدي وافطري والاكل اللي قدامك ده يخلص أنا مش بدادي طفله بسرعه اخلصي

_جلست حور وهي تنفخ بعصبيه و تهمهم بصوت منخفض / كتك القرف  وجاي يضحك عليا الأول بكلمتين مفكر إني هبله 

_صقر وهو يرفع حاجبه / بتقولي حاجه

_لللللا مش بقول

_صقر بصوت مرتفع قليلاً أخافها / طب خلصي وكلي

_ح ح ح حاضر باكل أهو

_تناولو الإفطار بصمت وأجبرها صقر علي أخذ العلاج أيضاً

* تجلس صامته وترفض الحديث معه أو الرد عليه 

_حور  حووووور

_ننننننننععععععم فيه إيه تاني

_ده إنتي زعلانه بقي

_أيوه زعلانه

_طب لما أقوم اصالحك بقي ما أقدرش أسيبك زعلانه

_قام من مكانه ووقف بالقرب منها وبدأ بنزع ملابسه

_نظرت إليه حور بخوف وهي تبلع ريقها لتذكرها بتلك الليله / إ إنت ه ه هتعمل إيه بلاش والنبي ياصقر خلاص انا مش زعلانه  وهعمل كل اللي إنت عاوزه بس بلاش بلاش ياصقر

_نظر إليها صقر في بادئ الأمر بتعجب ولكن ما إن وصل إلى تفكيرها حتي أغمض عينيه وهو يلعن نفسه  / حور أنا مش هعملك حاجه ما تخافيش أنا وعدتك أنا بس كنت هنزلك المايه

_تنزلني المايه

_أيوه

_يعني هننزل في قلبه خالص

_أيوه أومال هنتفرج من بعيد مثلاً

_صرخت حور و / لالالالا مستحيل مش عاوزه مش عاوزه

_إنتي خايفه ولا إيه مش كنتي بتحبيه

_أيوه بحب أتفرج عليه أنزل رجلي فيه إنما أنزل مستحيل

_سحبها صقر من يدها مقربا إياها منه /ما تخافيش أنا معاكي 

_نظرت إليه حور بتوتر و / ب ب بس

_خلاص ما فيش بس استني. وأشار إلى جميع الحراسة الموجوده في المكان أن ترحل وبعدها حملها بين يديه و /بما إن ما فيش عندك لبس السباحه هنا فهتنزلي كده زي ما إنتي

_ظلت حور تصرخ بخوف وتمسك بصقر الذي يضحك بشده عليها  و /حور اهدي ياحبيبتي مش كده الموضوع سهل جدا حاولي بس تنسي إنك خايفه

_لا لا لا خرجني من هنا

_يعني إنتي خايفه وأنا معاكي ما تخافيش عمر ما فيه حاجه ممكن تحصلك وانتي معايا

_حور وهي تبتعد عنه وتنظر الي وجهه /بجد ياصقر

_صقر مؤكدًا بابتسامه / بجد ياعيون صقر سيبي نفسك وحاولي تحبي المايه ما تخافيش منها ماشي

_هزت رأسها له بالموافقه وبدأت بالفعل بالتعود عليها وبدأ صقر يعلمها بعض الأمور البدائيه في السباحة ظلوا وقتاً

 طويلاً  مع بعضهم حتي أتي اتصال لصقر من مصطفي وأخبره أن رحيم قد وصل إلى الشركه فذهب بعد أن وعد حور بتكرار ذلك مرات أخري متعددة

================================

_وصل صقر للشركة مره ثانيه وما إن وصل حتي اتجه إلى مكتب رحيم الذي تفاجأ بدخوله هو ومصطفي  وتفاجأ أكثر بصقر وهو يجذبه من ثيابه

_بقي إنت يارحيم تعمل فيا كده ثم أخذ يلكمه لكمه وراء الاخري  ليه يارحيم لييه

_رحيم بألم وهو يمسح الدماء التي خرجت من فمه و / فيه إيه ياصقر

_صقر وهو يضربه مره أخري / فيه إنك خسيس وخاين وما كانش لازم أوثق فيك كان لازم أفهم إنك أخو عمر ومحمد  وأكيد زيهم

_مصطفي وهو يحاول إبعاد صقر / ابعد ياصقر وإدي له فرصه يدافع عن نفسه

_تجمع الموظفين أمام مكتب رحيم ودخل عمار وأحمد بسرعة يحاولون إبعاد صقر عن رحيم

_عمار /فيه إيه ياصقر بتضرب رحيم كده ليه

_صقر وهو ينظر إلى رحيم بغضب / علشان البيه خاين جاي يضحك عليا ويشتغل لحساب إخواته بس إنت نسيت أنا مين يارحيم

_رحيم وهو يحاول الدفاع عن نفسه / لا ياصقر أكيد فيه سوء تفاهم  انا عمري ما أعمل فيك كده

_أنا مش عاوز أسمع حاجه منك ودلوقتي إطلع بره قبل ما أقتلك في إيدي

_صقر اديني فرصة أفهم منك فيه إيه وبرر لنفسي

_بره يارحيم بدل ما نادي الأمن يرموك بره أخرج

مصطفي / معلشي يارحيم امشي دلوقتي لحد ما صقر بس يهدي وأكيد هنتكلم تاني

_نظر رحيم إلى صقر بحزن و /ماشي ياصقر ماشي ياخويا وأبويا وصاحبي انا هخرج من الشركه بس خليك عارف إن رحيم اتربي معاك إنت مش مع إخواته  ورحل وتركه وسط نظرات جميع الموظفين

_أحمد وهو يصرخ في العمال / كل واحد يشوف شغله بتتفرجه على إيه وأغلق الباب في وجههم

_عمار / صقر ممكن تهدي بقي وتعرفنا إيه اللي حصل من شويه ده وليه عملت في رحيم كده

_صقر وهو يغادر /  مش عاوز كلام في الموضوع ده  وإنت يا أحمد بما إنك هندسه زيه من النهارده تسيب مكانك وتتنقل مكانه هنا وإنت ياعمار تنزل إعلان إننا عاوزين حد يمسك مكان أحمد تحت

================================

نزل رحيم وهو يشعر بخنجرا يمزقه من أعماق قلبه فكيف لصقر أن يفعل به ذلك كيف استطاع أن يفكر حتي مجرد التفكير به أنه يمكن أن يخونه ولحساب من عمر ومحمد  وهو يعرف جيداً طبيعة العلاقه بينهم

_فاق من شروده علي قبضه من يد قويه تجذبه إلى سياره تقف في الاتجاه الخلفي للشركه ولم يدرك نفسه إلى وهو يجلس وسط مجموعة رجال  وأحدهم يقول / اطلع يلا بسرعه

===============================

_مر حوالي أسبوع علي أبطالنا دون أي جديد فقط كل ما حدث هو تغير تغيرت علاقة حور بصقر تعلقت به حور بشده وأصبحت هي ملاذ صقر الوحيد الذي يخرج الإبتسامه منه  كان يحاول بكل الطرق أن يثبت لها أنها الأمان بالنسبه له وبالفعل نجح في ذلك 

*اجتمع محمد وعمر ورأفت  يخططون  ويدبرون في مكائد لصقر بعد أن تأكدوا من ابتعاد رحيم عنه

================================

_في صباح يوم جديد وبعد الفجر بالتحديد استيقظ الجد وأمر رحمه ودعوه أن يحهزوا نفسهم للسفر إلى مصر لأن صقر قد طال في غيابه ودائماً يتعلل بكثرة العمل كما أنه شعر بشئ مريب بشأن رحيم الذي لا يستطيع الوصول إليه رفضت دعوه الذهاب معه لكنه أصر عليها وبالفعل غدر الجميع متجهين الي مصر

================================

_استيقظ صقر مبكراً   وذهب إلى الشركه  بعد أن قبل حور من ح

جبينها كما اعتاد وهي نائمه في غرفه منفصلة عنه ورحل 

_مر عدة ساعات حتي وصل الجد ورحمه ودعوه إلى القصر وسط ترحيب الخدم بهم

_دلال /حمد الله على السلامه ياست رحمه وحشتينا أوي والله القصر ما كان له حس من غيرك

رحمه /الله يسلمك يادلال وكلكم كمان وحشتوني أوي 

الجد مجاهد / فين حور وصقر يادلال 

_صقر بيه نزل علي الشركه من بدري والست حور نايمه وحاولت اصحيها كتير بس مش راضيه وتقول عاوزه أنام ولا راضيه تاكل ولا تشرب 

_الجد / هي بنتام فين يادلال 

_في الاوضه اللي قدام أوضة صقر بيه

_طب روحي إنتي ودعوه هتطلع تشوفها 

_تحت أمرك هروح أحضر لكم الغدا ورحلت 

الجد لدعوه / روحي شوفي حور يادعوه 

_حاضر ياجدو 

_دعوه 

_التفتت إليه دعوه بابتسامه و / خلاص ياجدو دي كانت ساعة هبل ما تخافش ولا إنت مش عارف دعوه 

_الجد وهو يبادلها الابتسامه /لا يابنتي أنا عارف دعوه أكتر من نفسي يلا روحي 

_رحمه وهي تنظر إلي الجد / دعوه ما فيش أطيب من قلبها ياحج بس أنا حاسه فيها بحاجه غريبة 

_علشان رحيم يارحمه 

_رحيم!!! ماله رحيم ياحج؟؟ 

_لما صقر يجي هنعرف بس أنا متأكد إن دعوه بتحب رحيم أنا سمعتها بنفسي يارحمه 

_معقول دول عاملين زي ناقر ونقير ديما ولا القط والفار 

_ما هو ده حب الجيل ده يارحمه 

================================

_عند دعوه وحور 

                                             - - - - - - - - - 

_حور حووووور 

_حور وهي نايمه / أيوه مين جايه أهو 

_البت اتهبلت ولا إيه 🤨 🤨 حووووور قومي أنا دعوه جدو تحت عاوزك 

_فتحت حور عينيها بتثاقل شديد و/  مين دعوه إنتي جيتي امتى 

_جيت إمتي ده بدل حمد الله على السلامه وحشتيني هو صقر بهت عليكي ولا إيه 

_حور بابتسامه وهي مغمضه عينيها / حمد الله على السلامه وحشتيني 

_والله هو إيه البرود اللي إنتي فيه ده  مش مهم قومي يلا علشان جدو وخالتو رحمه تحت إيه مش عاوزه تشوفيهم 

_قامت حور بكسل شديد و / لا طبعاً عاوزه بس مش عارفه دايخه أوي كده ليه 

_من كتر النوم ياختي قومي ادخلي علي الحمام خدي دش سريع وهتبقي زي الفل 

_أزاحت حور الغطاء عنها لتظهر ثيابها التي أثارة إعجاب دعوه فاطلقت صفيره / واااو ده شكل صقر مدلعك علي الآخر  إيه التغير الجامد ده لينا قعده مع بعض بس مش دلوقتي

اتجهت حور إلى الحمام وهي تجر في قدمها وبعد لحظات صرخت دعوه عندما سمعت صوت شئ ما بالحمام فذهبت بسرعه لترى حور ملقاه علي الارض وهي غائبه عن الوعي صرخت بسرعه وجرت إلى أسفل 

_جدو جدو جدو جدو 

_فيه إيه يادعوه مالك 

_حور ياجدو أغم عليها في الحمام 

_رحمه بخضه /ياساتر يارب  انا هكلم الدكتور صفوت بسرعه

_إيه اللي حصلها يابنتي روحي بسرعه يادلال نادي على حد من اللي بره يبجي يطلعني فوق 

_رحمه و الدكتور جاي حالا تعالي معايا يادعوه لما نخرجها وهم هيطلعوا جدك 

_الجد /أيوه يابنتي اطلعوا بسرعه 

================================

_لحد إمتي يامصطفي هتفضل سايب رحيم كده 

_هو رحيم ده عيل صغير ولا انا خلفته ونسيته مثلاً 

_صقر بقولك رحيم بقاله كذا يوم مش باين تقريبا من ساعة اللي حصل 

_مصطفي ما تصدعش دماغي أكيد سافر أو راح أي حته زي عادته انا مالي 

_قاطعهم رنين هاتف صقر

_الو

_أيوه ياصقر بيه

صقر بخوف وقلق ولم يأتي بباله الا حور /دلال فيه إيه حور فيها حاجه 

_أيوه ياصقر بيه الست حور أغم عليها و

_لم تكمل كلامها لأنه أغلق الهاتف وخرج مسرعاً من المكتبة ومن الشركة كلها  واتجه إلى القصر 

================================

_خير ياصفوت يابني مالها حور 

_ما تخافش ياجدي كويسه بس المره دي بقي لازم تهتموا بيها بزياده  غير كل مره بقولكم فيها 

_دعوه بنفاذ صبر و /ما تخلص ياصفوت هي فزوره 

_ياساتر حاضر ياختي هقول بس فين صقر الأول 

رحمه /فيه إيه ياصفوت يابني قلقتنا 

_دعوه / لا لازم يستفسر الأول ما تقول فيه إيه وخلصنا 

_لو بس تبطلي كلامك الدبش ده وتطلبي بزوق شويه 

_مجاهد / سيبك منها ياصفوت وقولي أنا يابني 

_من عيوني ياجدي ثم نظر إلي دعوه التي تنظر له بنفاذ صبر و /شفتي الأسلوب المدام حور حامل ياجدي مبروك هيبقي عندكم بيبي صغير في البيت 

_نطق صفوت بهذه الكلمه مع دخول صقر الذي وقف علي الباب في صدمه بين نظرات الجميع له ونظرات جده بالتحديد التي جعلته لا يستطيع التحرك من مكانه 

                    الفصل الحادى عشر من هنا

لقراة باقي الفصول اضغط هنا