رواية _العشق القاتل
هاجر محمد 🌸 حبيبة 🌸
_الفصل 🌸 الثالث 🌸 عشر 🌸
_مين ده اللي خطفني وليه بيقول إنه هياخد بحق اللي إنت عملته فيها مين دى ياصقر وإنت عملت فيها إيه
_وقف صقر بهدوء وبداخل عقله يمر شريط أسود من الذكريات والمواجع الأليمه التي أعادتها حور بسؤالها وظل ينظر لها بشرود
_فيه إيه ياصقر قولي
_ما فيش ياحور ارتاحي إنتي دلوقتى
_حور بإلحاح :- لا فيه ياصقر شكلك باين
_صقر بعصبيه :- حور ده شئ ما يخصكيش وياريت ما تزنيش كتير وتلحي بعد إذنك أنا خارج
_استني ياصقر هو قالي إنه مش هيسيبك ومش هيسيبني لأني بقيت بتاعته
_أمسكها صقر بعصبيه وضغط علي كتفها بقوه :- إنتي بتاعتي أنا أنا وبس وما فيش مخلوق على وش الأرض يقدر يقرب منك فاهمه
_حور بألم :- فيه إيه ياصقر براحه أنا بقولك علي اللي هو قاله أنا عاوزه أعرف ليه عمل كده ومين دي اللي بياخد حق اللي إنت عملته فيها
_العشق القاتل. هاجر محمد. حبيبة
_ترك صقر كتفها و / دي حكايه قديمه أوي ياحور وياريت ما تسأليش فيها تاني وتركها وخرج مسرعا
===============================
_إيه رأيك بقي كده
_أنا مش مصدق نفسي ياشاهنده مش مصدق معقول أهو المشروع ده بقي اللي هينقلني لسابع سما وساعتها بس أقدر ارجع تاني أقف على رجلي وأكتر من الاول تاني وأخليهم يندموا ويعرفوا هم وقفوا قصاد مين
_هم مين دول ياحبيبي
_صقر سليم
_قصدك علي الحوت
_هرجعه بلده شحات زي ما رجعته هو وجده زمان
_طب المهم بقي إن الشركه اليابانيه عوزاك تمضي علي ضمانات تانيه
_ضمانات إيه تاني
_فيه إيه يارأفت ما إنت شايف المشروع ماشي زي الفل أهو وبسرعه جامده يعني في ظرف كام شهر بس هيكون جاهز وهم من حقهم انهم يضمنوا حقهم
_فين الورق ياشهنده خلصيني
_مش معايا ياحبيبي إحنا هنروح عند الوكيل بتاعهم اللي هنا
_طب يلا بينا نروح
================================
_ صقر صقر صقر صقر صقر
_فيه إيه يادعوه عاوزه إيه
_إنت خارج
_لا بس رايح صالة التدريب عاوزه حاجة
_صالة التدريب يبقي متضايق قولي مين اللي منكد عليك مستحيل تكون حور أصل إنت تنكد علي مليون منها
_هتقولي عاوزه إيه يازفته ولا أمشي
_لالالا خلاص هقول عاوزه حاجتين
_قولي إيه الحاجتين وخلصيني
_الأول إن أسماء بنت خالتك أم عادل جايه تقعد معانا هنا كام يوم علشان إنت عارف إنها قدمت معايا فى الجامعه والدراسه خلاص فاضل عليها يومين وعادل لسه مالقاش مكان مناسب ليهم وقاعد مع صاحبه وطبعاً مش هينفع تفضل معاه
_تنور ياستي البيت طويل عريض ويكفي مليون
_ربنا يخليك يأحسن صقر فى الدنيا
_إيه الحاجه التانيه
_دعوه وهى تلف يدها حول رقبته / التانيه بقي إني عاوزه صقور حبيبي يجي معايا علشان
_قاطعها صقر وهو يقرصها من خدها و / لا يادعوه مش فاضي أروح أشتري معاكي لبس ده غير إنى حرمت من أخر مره خدي الخاله رحمه معاكي أنا مش هاجي معاكى
_علشان خاطري علشان خاطري علشان خاطري ياصقر
_بطلي زن والله مش هروح خلاص حلفت
_دعوه وهي تضرب بقدمها في الأرض / ماشى ياصقر ياغلس خلاص هستني لما أسماء بكره تيجي ونروح مع بعض
_طيب يكون أحسن بس لو هتاخديها معاكى تشتري ليها زي ما هتجيبي ليكي
_أنا أصلاً كنت هعمل كده
_طيب يلا بقى سيبيني أخرج
*وما إن تحرك عدة خطوات حتى نادت عليه مره أخرى / صقر
_التفت إليها وهو ينفخ / عاوز إيه تاني يادعوه
_دعوه بتوتر وهى تفرك في يديها / ك ك ك كنت ع ع ع عاوزه كنت عاوزه أسألك على رحيم من ساعة ما جينا وأنا ما شوفتوش
_العشق القاتل. هاجر محمد حبيبة
_عنده شغل يادعوه كام يوم بس كمان وهتلاقيه بينط لك تانى زي العفريت فيه حاجة تانى
_لا خلاص مافيش امشي
_الحمد لله وخرج إلى صالة التدريب التى دائماً مآ يخرج فيها غضبه لأنها هى الوحيده التى تتحمله دون شكوى
================================
_تنزل ركضا من علي السلالم وهي تصرخ بإسمه بسعادة وتتعلق برقبته / وحشتني أوي أوي أوي
ضمها هو الآخر بحب و /وإنتي كمان وحشتيني أوي ياحبيبتي عامله إيه ياسندي
ابتعدت عنه وما زالت الإبتسامه لا تكفي وجهها / أنا كويسه أوي وإنت عامل إيه تعالي تعالي لما نقعد ده إنت واحشني أووي
_مش هينفع دلوقتي ولا هينفع أقعد هنا أصلاً أنا جاي علشان أطمن عليكي وعلي حور عرفتوا عنها حاجه
_ أيوه سمعت بابي وهو كان بيتكلم مع مامي وبيقول لها إنها موجوده عند واحد إسمه إسمه مش فاكره إسمه
_لا علشان خاطري ياسندي حاولي تفتكري بس بسرعه قبل ما سهى هانم ترجع والواحد مش ناقص قرف
_إيه ده إنت مش هتقعد معايا
_لا هقابلك بره إنتي مش بتنزلي تدريبات وكورسات في الجامعه وكمان الدراسه هتبدأ فممكن نتقابل كتير بس بعيد عن هنا
_ليه بس ياأحمد
_إنتي عارفه ياسندي المهم دلوقتي تفتكري إسم الشخص اللي عنده حور
_اسمه 🤔🤔🤔🤔 أيوه افتكرت إسمه صقر سليم
_صقر سليم ده أوصله إزاي ده
_مش عارفه ياأحمد بس بابي كان بيقول إنه حد معروف أوي ممكن نقدر نوصله من علي الانترنت استني وأنا هجرب
_طب بسرعه ياسندي
_ما تقلقش مامي في النادي ومش هترجع دلوقتي خالص
_طب كويس بس برده يلا علشان انا قلقان أوي عليها وعاوز أطمن عليها
_إيه ياأحمد هو أنا كمان مش أختك ولا إيه
_لا ياسندي ياحبيبتي أختي وحبيبتي كمان بس إنتي عارفه ظروف حور
_ماشي ياأحمد..... وأخذت تبحث على الإنترنت وبالفعل حصلت عليه بسهوله
_أهو ياأحمد بس ما فيش غير عنوان الشركات بتاعته واللي من حسن حظنا إن الفرع الرئيسي ليهم هنا
_طب كويس اوي هاتي لما أنقله بسرعه علشان أروح حالا
_طب هقابلك تاني إزاي
_أنا هتصل بيكي سلام دلوقتي بقي وخرج بسرعه ولكنه صدم بشخص يبغضه بشده
_نظر إليه بنظرة علو وتكبر لا تليق به أبدا / إنت إنت إيه اللي رجعك تاني ما صدقت أخلص منك وإيه اللي جابك هنا
_أحمد بأسلوب راقي يليق به وبأخلاقه / أنا مش هقولك إن ده بيتي زي ما هو بيتك لأن ما يشرفنيش أنسب نفسي للمكان ده بس هقولك إنك لسه إنسان مريض زي ما انت والغيره والحقد مالي قلبك إنت وأمك زي ما انتم وتركه وغادر
_اتجه بغضب ناحية ساندي وأمسكها من شعرها و:- بيعمل إيه هنا ده أكيد إنتي اللي خلتيه يجي
_تاوهت بألم وهي تمسك بيده و:- أاااااااه سيب شعري يارامي يامتخلف
_ضغط عليه أكثر و:- مش هسيبه إلا لما تقولي إيه اللي جاب الحيوان ده هنا
ساندي ببكاء / ك ك كان جاي يسأل علي حور سيبيني بقي
_تركها رامي و / هو إنتي عارفه هي فين
_وإنت مالك بتسأل ليه
_بت انتي اتكلمي وإلا هقلع لك شعرك في إيدي
_لا لا لا لا خلاص هقولك
_إبتسم ابتسامه خبيثه / أيوه كده قولي هي فين
ظل صقر طوال اليوم يتدرب ويتذكر تلك الذكري المشؤومه التي حولت علاقته بعمر من صداقه وأخوه إلى عداوه لا متناهيه
_فلاش باك
- - - - - - -
_ياعمر افهمني ساره صغيرة أوي عليك ده غير إنها فعلاً مش بتحبك
_هتحبني ياصقر هتحبني غصب عنها بس إنت تعمل اللي قولت لك عليه
_إنت اتجننت ياعمر ولا إيه أنا مستحيل أعمل كده مستحيل
_أنا مش هسيبها ياصقر أنا هتجوزها هتجوزها
_هو بالغصب يا أخي البنت مش عوزاك
_بس أنا عاوزها وحتى لو ما رضيتش أنا هعمل اللي فى دماغي
_هب صقر واقفاً من مكانه بعصبيه و/ وأنا مش هيسيبك تعملها يا عمر إنت فاهم علي جثتي ياعمر وتركه وغادر
_بعد مرور أسبوع علي هذه المحادثه في يوم مشؤوم لا يتذكر فيه صقر أي شيئ سوي انه استيقظ بألم يكاد يفتك برأسه وهو عاري وبجواره ساره تصرخ بصوت مرتفع والدماء تغرقها
وعمر واقف أمامهم يتربص بهم كالوحش وبعد لحظات كانت ساره تقفز من علي نافذه موجوده في المكان وتسقط فاقده حياتها وأخذت معها الحب الذي كان بين عمر وصقر وتحوله إلى عداوه لا متناهيه
*عوده إلى الوقت الحالي
- - - - - - - - - - - - - -
_يفيق صقر من شروده علي تلك اليد التي تلتف حوله ونفسها الذي يظهر عليه التعب فالتفت إليها بسرعه و / حور إنتي إيه اللي نزلك إنتي عارفه إن غلط إنك تتحركي من مكانك تقومي تنزلي السلالم وتيجي لحد هنا
_حور بتعب واضح وهي تلهث بشده / قلقت أوي أوي ولما سألت دعوه وقالت لي إنك هنا من بدري وكمان قالت لي إنك مش بتفضل هنا غير لما تكون متضايق أوي قلقت عليك أكتر
_أجلسها صقر وجلس بجوارها / الله يحرقك يادعوه مش بيجي من وراها غير المصايب
_يعني أنا مصيبه ياصقر
_قبل صقر رأسها / إنتي أحلي حاجه في حياة صقر كلها
_طب أنا بقي جعانه أوي أوي دلوقتي وإنت السبب
_العشق القاتل. هاجر محمد. حبيبة
_حبيبة قلبي حالا أحلي أكل لأجمل حوريه يكون قدامك بس قومي لما أطلعك الاوضه بتاعتك الأول
_لا ياصقر علشان خاطري أنا زهقت من النوم ومن القاعده في الاوضه خلينا نفضل في الجنينه بره شويه
_بس الدكتور قايل إنك لازم تفضلي راقده علطول ياحور
_علشان خاطري ياصقر أنا زهقت بجد أوي
_طيب ياستي بس هتاكلي وتطلعي علطول وما فيش نزول تاني لحد ما أخليهم يحضرولك اوضه تحت
_هزت رأسها بابتسامه و / حاضر.... وأتت أن تقوم إلا أنه أسرع قبلها و / استني استني استني إنتي هتعملي إيه
_إيه ياصقر هقوم علشان نخرج
_حملها بين يديه وهمس بجوار أذنها بحب /لا ياروح وقلب وعقل صقر رجليكي دي ما ينفعش تدوس علي الأرض وأنا موجود فهمتي
_لا ما فهمتش نزلني ياصقر عاوزه أمشي
_نزلني ياصقر عاوزه أمشي.. تصدقي أنا غلطان يلعن أبو اللي عاوز يبقي رومانسي ياشيخه انزلي
_لفت يدها بسرعه حول رقبته و / لالالالا خلاص خليك شايلني
_لا خلاص فصلتيني انزلي
_تمسكت به أكثر و/ لللا مش نزله إمشي بقي
_دي منظر واحدة هتبقي أم بعد كام شهر
_حور تنظرله بحزن / إيه ياصقر هبقي أم وحشه
_يالهووووي هو فيه أم تبقي بالجمال ده أحلي أم وأحلى حور وأحلى حاجه في دنية صقر كلها
================================
_لو سمحت عاوز أقابل صقر بيه
_نقوله مين
_قوله أحمد رأفت الغياط
_الحارس بدهشه / بتقول مين
_بقولك أحمد رأفت الغياط فيه حاجه
_لا لا ما فيش ثواني هبلغه بس
*دخل الحارس وكانت حور جالسه بمفردها
حور / عاوز حاجه
_أيوه ياهانم في واحد بره عاوز يقابل صقر بيه
_طب خليه يدخل هو بيجيب بس حاجه من جوه وجاي علي طول
_تحت أمرك
*خرج الحارس وسمح له بالدخول
_كانت حور تجلس علي أرجوحه وهي تتأمل المكان بسعاده وابتسامه بسيطه حتي سمعت صوته التي اشتاقت له كثير
_حووووور
_التفت حور علي الصوت وما إن رأته حتى هتفت بسعاده و / أحمد
_أسرع أحمد بالجلوس بجوارها وهو يضمها باشتياق فتلك هي حبيته المفضله من ضمن أخوته منذ صغره من أول مره حملها بين يديه وهو ابن الست سنوات
_حور وهي تبكي وتضمه بشده / وحشتني أوي ياأحمد أنا مش مصدقه إنك قدامي دلوقتي
_إنتي وحشتني أكتر ياحور من ساعة ما روحت وأنا بجهز لك علشان أجي وأخدك معايا
ابتعدت عنه حور و / بقالك أكتر من سنه ياأحمد كل ده بتجهز
_معلشي ياحبيبتي بس والله كان غصب عني بس خلاص هاخدك معايا ومش هيسيبك تاني أبدا
_ده انا اللي مش هيسيبك وهطلع روحك في إيدي دلوقتى 😡😡😡😡😡😡..... صقر
================================
_عملها تاني أكيد هو السبب ما فيش غيره
_فيه إيه ياعمر إنت بتكلم نفسك ولا إيه
_تعالي شوف المصيبة اللي نزلت علي دماغنا
_فيه إيه تاني أوعي تقولي لي إن فيه مصيبه جديده منه تاني
_دي مش مصيبه بعقل العميل الأمريكي رجع في كلامه وتعاقد مع الزفت تاني
_ينهار إسود إزاي ده كده روحنا في داهيه إحنا عملنا كذا عقد على حس التعاقد ده إزاي
_في إيه ياعمر إنت ومحمد صوتكم عالي ليه
محمد / مصيبه ياماما مصيبه
_مصيبة إيه دي
_بعد ما أخدنا العميل الأمريكي من صقر وخلاص من المفروض إنه يبعت حد أخر الأسبوع ده علشان نمضي العقد وعلي
الأساس ده ماضينا عقود مع عملاء مهمين من جوه مصر العميل الأمريكي رجع في كلامه ورجع تاني لصقر إحنا كده هنخسر ملايين
_هو أنتم كده هتفضله أغبيه قولت لكم كام مره خلصوا عليه واقتلوه ساعتها هتستفيدوا من جميع الجهات ما فيش ورثه غيركم وكمان السوق هيفضي ليكم
_وقف من بعيد يصفق لها وهو يبتسم بتحسر / برافو عليكي تفكير شيطاني ممتاز زي ما فكرتي لأبويا زمان
التفت الجميع إليه بتوتر و / رحيم
_أيوه رحيم يا ألفت هانم رحيم اللي علشان وساختكم وواساخة ولادك اللي اتربوا عليها منك طلع خاين لابن عمه واتهزق واتهان وده كله بسبب مين إخواته
محمد / إ إ إ إحنا ما عملناش حاجه هو اللي الغدر والخيانه في دمه ولما استغني عنك حب يجيب السبب فينا
_تصدق معاك حق بس قولي بقي أكيد هيرضي عليه تاني علشان رجعت له العميل الأمريكي وخسرتكم ملايين
_عمر وهو يضغط على أسنانه بغل / يعني إنت السبب
_أيوه أنا السبب ولو كنت أطول إني أعمل أكتر من كده كنت عملت إنتم اص
_وقبل أن يكمل كلامه كان عمر ينقض عليه ويضربه بكل ما أوتي من غباء و /ماشي يارحيم زي ما العميل الأمريكي طار
بسببك هيرجع برده بسببك.... ونادي علي رجاله بصوت مرتفع و /خدوه من قدامي واحبسوه لحد ما أشوف صقر بيه بيحبه هو كمان قد إيه
الفصل الرابع عشر
صرخ علي رجاله بصوت مرتفع و /خدوه من قدامي واحبسوه لحد ما أشوف صقر بيه بيحبه هو كمان قد إيه
_وقبل أن تمس يدهم رحيم كان هو أسرع منهم بأن أطاحهم أرضاً بخفه ومهاره عاليه ونظر إلي أمه وإخواته و / رجالتكم مالهومش لازمه زيكم أنا لو سيبتك تضربني فده علشان إنت
الكبير. بس انا ما اتربتش علي إيد ألفت أنا اتربيت على إيد مجاهد سليم وصقر سليم فاهمين وأنا بقولكم أهو لو فكرتوا بس إنكم تقربوا من صقر أنا أول واحد هكون واقف في وشكم
_ألفت بعصبيه :- إنت غبي صقر بيضحك عليك أنا وإخواتك عاوزين مصلحتك
_رحيم بسخريه :- كتر خيرك يا ألفت هانم كفايا عليه المصالح اللي أنا أخدتها منكم
_عمر بشر :- اسمعني يارحيم قسماً برب العزه لهقتل صقر لو أخر حاجه هعملها في حياتي فاهم
_رحيم بتحذير :- بلاش إسم ربنا يجي علي لسانك الوسخ ده وصقر أنا أفديه بروحي وقبل ما تفكر تقرب منه أنا اللي هكون قتلك وهنسي إنك أخويا ياعمر فاهم فاهمين كلكم اشار بسبابته لهم :- صقر لأ.... وتركهم ورحل
_ألفت بجنون /صقر صقر صقر أنا مش عارفه عامله إيه
محمد /إبنك اللي بيشمشم وراه زي الكلب وبيقف قصادنا علشانه
_ألفت :- إنتم أغبيه ومش فاهمين حاجه رحيم له في الثروة ه دي زيكم بالظبط في الشركة في الفلل في الأراضي وفي كل حاجه تملكوها يعني ببساطه ممكن صقر يضحك عليه وياخدهم منه
_محمد / كويس إنك نبهتينا علي الحته دي بس إنتي عارفه ده لو حصل إبنك هيبقي جنب صقر في قبر واحد
👿👿👿👿👿👿👿👿👿👿👿👿👿
_نظر أحمد وحور إلي ذلك الصقر الواقف أمامهم وشكله كافي ليجعل الدماء تهرب من الإثنين
_حور بتوتر / ص ص صقر د د ده أحمد
_صقر بسخريه / والله أحمد أهلا وسهلا يا أستاذ أحمد ثم ارتفع صوته بشده مما جعل حور تنتفض من مكانها و / وبيعمل إيه هنا زفت ده
_قام أحمد من جوار حور وهو يطمئنها بعيونه و / أنا أحمد رأفت الغياط أخو حور وجاي أخدها من هنا بالزوق ومن غير شوشره
_بتقول إيه تاخد مين حضرتك
حور / أحمد أنا
قاطعها بإشارة من يده و / اسكتي إنتي ياحور أنا راجع علشان أخدك ومش هرجع في كلامي ومش همشي من غيرك ثم نظر إلي صقر و / فلو سمحت ياصقر بيه أنا عاوز أخد أختي وبس
صقر ببرود وهو يجلس بجوار حور ويلف يده حول كتفها / ومين قالك ان حور تبقي أختك
_نعم يعني إيه مش فاهم تحب أطلع لك البطاقه علشان تتأكد إني إبن رأفت الغياط
_لالالالا خالص بس حور مش بنت رأفت الغياط ولا ليها علاقة بيه
_أنا مش فاهم حاجه فيه إيه ياحور قصده إيه ده
_أيوه يا أحمد أنا مش بنت رأفت أنا إسمي حور عزيز الصوالحي
_إيه الكلام اللي إنتي بتقوليه ده
_بص يابن رأفت إنت حور ما لهاش علاقه بيكم سواء قبلت أو رفضت ده غير إنها مراتي يعني ما تقدرش تتحرك معاك خطوه واحده من هنا
_نظر أحمد إلى حور بحنان أخوي صادق فهو يحبها بشده / حور أنا ما يهمنيش إذا كنتي بنت رأفت أو غيره إنتي أختي وده المهم عندي وكل اللي أنا عوزه سعادتك وبس ولو إنتي بجد مبسوطه هنا فخليكي
_وقفت حور من مكانها بتعب وأثناء ذلك خرج منها تأوها بسيطاً فجري إليها الإثنين أحمد وصقر لكن أحمد كان الأقرب إليها فأمسكها بيديه بقلق و / حور إنتي كويسه
_حور بابتسامه واضح عليها التعب / أيوه ياسيدي تعبانه
_محمد بخوف / تعبانه فيكي إيه قولي ياحور إيه اللي تعبك
_براحه شويه يا أحمد كل ده ياسيدي علشان تبقى خالو يعني أنا أتعب وأشوف الذل وإنت وهو وأشارت إلى صقر ورحيم / تبقوا بابا وخالو علي الجاهز
_أحمد وهو يبتسم بسعاده كبيرة / حور إنتي حامل بجد
_حور وهي تهز رأسها ☺️☺️/ أيوه يا أحمد حامل
_حملها أحمد بتلقائيه وضمها وهو يدور بها / ألف ألف مبروووك ياحبيبتي هتبقي أحلي أم في الدنيا كلها وك
_وقبل أن يكمل كلمته كانت حور تصرخ بشده وأحمد ملقى على الأرض وفمه ينزف من لكمة 🥊 صقر القويه التي جعلته يطيح علي الارض
_حور / ص ص صقر إنت ليه عملت كده
_صقر وهو يمسك يدها بعصبيه / دي بتاعتي اللي يفكر يقرب منها يبقي لعب في عداد عمره
_صقر ده أخويا
_مش أخوكي إحنا هنفضل نعيده كتير ده إبن رأفت الغياط وإنتي ما فيش ليكي علاقه بيه
_حور بتحدي لصقر / لا ياصقر إلا أحمد فاهم كله إلا أحمد أحمد ده كان سندي في الوقت اللي ما كانش فيه حد جانبي
_صقر بعصبيه / حووووور ادخلي جوه دلوقتي حالا
_لللللللا مش هدخل ياصقر
_ادخلي ياحور وسيبني أتكلم مع صقر شويه
_أنا مش هدخل يا أحمد أنا تعبت وما صدقت أخد حريتي ومش هرجع تاني أمشي وراء كلام حد أنا تعبت من دنيتي
_جذبها صقر من ذراعها بقوه و / حووووور أنا قولت إيه ما تخلينيش أضطر إني أخلي الحوت يطلع قدامك تاني
_حور وهي تجذب ذراعها منه / وأنا ما بقيتش أخاف من الحوت ولا من غيره
_صقر وهو يضغط على أسنانه بقوه / يعني ما بقيتش تخافي مني ماشي ياحور أنا هعرفك تاني مين هو صقر الحوت وقام بحملها بين ذراعيه و نظر إلي رجاله و / ارموا الواد ده بره
_أحمد / إنت بني أدم مجنون مش طبيعي أنا لا يمكن أسيبها معاك
_حور بتعب / صقر سيبني أنا تعبانه أاااااااه
_نظر صقر إلى أحمد و / إنت غلطت في الحوت وده تمنه غالي أوووي استضيفوه عندكم يا رجاله لحد ما أرجع بس عاوز كم تقوموا معاه بالواجب
_أوامرك ياباشا قدامي يلا
_وأخذ حور التي تتأوه وتصرخ باسم أحمد ورحل بها
_-_-_-_-_-_-_-_-_-_-_-_-_-_-_-_-_-_-_
_دخل صقر بحور وهي تصرخ بشده
_قامت رحمه بفزع من مكانها و/ مالها حور ياصقر
_ما فيش ياخاله بس أنا هطلعها ترتاح فوق
_حور وهي تتألم / ج ج جدو الحق أحمد ياجدو الحقه ياجدو
_استني ياصقر
_نعم ياجدي
_أحمد مين اللي حور بتقول عليه
_ أحمد أخويا ياجدو علشان خاطري حد يساعده
_يعني دلوقتي مش تعبانه أنا عارف إنك بتلوي دراعي بس بحكاية تعبك أنا بقي ما بيضحكش عليه ياحور والواد ده والله لاعلمه الأدب وأخليه يحرم يبص لك مش يحضنك وأنا واقف كده وإنتي ولا همك
_أخويا ياصقر أخويا ثم نظرت إلي جدها و / الحقه ياجدو ابوس إيدك
_الجد بصوت مرتفع / أقف ياصقر ونزل حور
_حاضر ياجدي هطلعها وأنزل لحضرتك علي طول وصعد بحور التي ظلت تصرخ بالجد بأن يساعد أحمد وينقذه من بين يدي رجال صقر
*صعد صقر بحور ووضعها على السرير وهم أن يغادر إلا أنها تحدثت إليه بضعف و / ص صقر ع علشان خاطري بلاش أحمد لو بتحبني زي ما انت قولت ياصقر سيب أحمد سيبه ياصقر
_عاد إليها صقر بسرعه واقترب منها كثيراً و / لييه ياحور ليه متمسكه بيه أوي كده حتي بعد ما عرفتي إنه مش أخوكي إيه اللي بينك وبينه
_أحمد أخويا ياصقر إنت ليه مش عاوز تفهم
_إنتي هتجنني ماشي ياحور أنا دلوقتى هخليه يحرم ينطق حرف من حروف اسمك حتى وتركها وغادر
_لا لا ياصقر بلاش أحمد علشان خاطري ياصقر وظلت تكررها حتي دخلت عليها دعوه ورحمه
أسرعت إليها دعوه بسرعه وضمتها و / حور اهدي ياحبيبتي اهدي وما تخافيش
_ال الح الحقيه ياحور ما تخليهوش ت تخ
وفي ذلك الوقت أصاب حور ألم رهيب أسفل بطنها فصرخت بصوت عالي ارتج له جدران القصر و / اااااااااااااااااااااااااااااااااااااااااااااااااااااه
_كان صقر ينزل من علي درجات السلم وما إن سمع صراخها وكأن الشلل قد أصابه توقف مكانه ولم يستطع التحرك خطوه واحده
===============================
_يحاول أحمد التخلص من بين يدهم إلى أن الكثرة في الغالب ما تغلب الشجاعه وهم يمتلكون الاثنين الكثرة والقوه بالفعل كما أمرهم صقر ( عملوا الواجب وزياده 👊👊👊👊👊 👊 👊 👊 👊 👊 👊 👊 👊 👊 👊)
*في ذلك الوقت دخل رحيم بسيارته ورحب به الحارس الموجود علي الباب وما إن دخل حتي لفت انتباهه تجمع عدد من رجال صقر وذلك الذي يحاول أن يتحرر منهم
_أشار إلى الحارس بيديه و / فيه إيه هناك كده ومين ده اللي بيضربوه
_ده واحد جه من شويه ياسعادة البيه وقال إن إسمه...... أحمد رأفت الغياط ويبقي أخو الهانم مرات صقر بيه
_رحيم بتفكير وهو يتذكر كلام حور عنه وأنه كان أمانها وملاذها الوحيد بين أفراد عائلة الغياط / يا نهار اسود ده أكيد هو الله يخربييييييييتك ياصقر ونزل مسرعاً من إليهم
_وسعوا وسعوا ابعدوا كده يالهووووي إنتم عملتوا فيه إيه
_مافيش يارحيم بيه بس دي أوامر صقر بيه
_الله يخربيتك علي بيت صقر امشوا من قدامي دلوقتي
_بس صقر بيه قال لنا نستضيفه عندنا شويه
_نظر إليه رحيم بنفاذ صبر و / لا وانتم ما شاء الله عندكم إكرام الضيف بزياده ثم تكلم بجديه وصوت مرتفع / امشوا من وشي دلوقتي
ثم نظر إلي أحمد و / قوم معايا قوم
_قام أحمد معه وهو لا يستطيع أن يقف حتي علي قدمه سنده رحيم إلى أن دخل إلى داخل القصر وما إن دخل به حتي لاحظ حركه غريبه في القصر وبعدها بدقائق معدوده كان يدخل إلى القصر فريق كامل من الأطباء والممرضين
_إيه ده هو فيه إيه هنا
_أحمد هو يتحدث بصعوبة بعد الضرب المبرح الذي أكله / ح ح حور حور فيها حاجه
_قام رحيم من مكانه بفزع و حور فيها إيه
_ينزل صقر بسرعه ليستقبل الطبيب المعالج لها و / دكتور بسرعه الحق حور
_الطبيب بعصبيه / أنا حذرتكم بس إنتم اللي
_صقر وهو يجره من ملابسه / إنت لسه هتتكلم اطلع قدامي إخلص
كان رحيم يقف ويشاهد ذلك كالذي يشاهد فيلما أو شيئاً مثيراً في شاشه
_رحيم رحييييييم
_هاااا د دعوه
_أيوه دعوه إنت بتعمل إيه هنا ق قصدي جيت إمتي ونظرت إلى أحمد المسطح علي الاريكه و / يا مامااا مين القتيل اللي إنت جايبه معاك ده
_ده مش قتيل ياختي ده من صقر بس فيه إيه وإيه كل الدكاتره دي
_ده أحمد أخو حور أو قريب حور
_أيوه هو فيه إيه وحور ما لها
_سيبك من حور دلوقتي معاها فوق كتير المهم خلينا نساعد المقتول ده انقله في الاوضه بتاعت جدو هنا تحت وأنا هحيب شوية إسعافات وجايه بسرعه خلص وجرت من أمامه بسرعه لتحضرها
________________________________
عند حور كانت تصرخ بألم شديد وهي تستنجد بالطبيب أن يرحمها من ذلك الألم وتمسك بيد صقر بقوه الذي رفض الخروج رغماً عن الطبيب
_صقر بعصبيه للطبيب / ما تعمل أي حاجه تخليها تهدي
_حاضر ياصقر بيه بنحضر الابره ثم أشار إلى أحد الممرضات الموجودة معه و / أديها الابره دلوقتى بسرعه
_حاضر يادكتور وبالفعل أعطتها لها وبعدها تركت حور يد صقر وهي لا تنطق سوي كلمه و / أحمد لا ياصقر أحمد لأ
ترك صقر يدها ودثرها بالغطاء جيداً وخرج وراء الطبيب بعد أن قبل رأسها بأسف علي غبائه اللا متناهي معها
*في الخارج كان الجميع يقف في حاله شديدة من القلق وما إن خرج الطبيب حتي أسرعت إليه رحمه و / خير يادكتور طمنا عليها
_نظر الطبيب إلى صقر و / أنا حظرتك قبل كده إن الحمل خارج الرحم وده لو ما نزلش بيبقى له معامله خاصه وسيادتك صممت إنك تخليه بس اللي أنا شايفه إنكم مش عارفين تتعاملوا معاه وده هيخلي الخطر علي الجنين وعلي الأم كمان
صقر / وهي هتفضل طول فترة الحمل تعيش الوجع ده
_والله هو بيبقي صعب في أول 3 شهور بس برده بيتوقف علي رعاية الأم وحالتها النفسيه والعلاج اللي قولنا عليه قبل كده وكل الإرشادات دي
_يعني حور دلوقتي حالتها مستقره
_حالياً أيوه بس أنا بقولكم للمره الاخيره تانى لو مش هتقدروا علي رعايتها رعايه كامله يبقي ننزل الطفل أو نخلي المدام تفضل طول ال 3 شهور في المستشفى تحت الرعايه
_صقر / تقدر حضرتك توفر لها كل اللي هي محتجاه هنا لو عاوز تقلب القصر مستشفى براحتك
_زي ما تحب أنا هبعت لها دكتوره شاطره أوي عندي تفضل معاها ديما وكمان الممرضه اللي معاها جوه إسمها حنين ودي برضه أكفأ واحدة عندي هخلي الاتنين مقيمين معاها هنا
_طيب وأنا هعمل حساب مفتوح للمستشفي تقدروا تاخدوا اللي إنتم عاوزينه بس عاوز نتيجه
_الطبيب وهو يرحل من أمام صقر / إحنا بيشغلنا ضميرنا قبل الفلوس ياصقر بيه بعد إذن حضرتك
رحل الطبيب ومن معه ولم يبقي سوي الممرضه حنين فقط مع حور أتي صقر أن يدخل إليها مره أخري إلا أن صوت جده أعاده مره أخرى
الجد مجاهد / استني ياصقر
_عاد إليه صقر مره أخري و / نعم ياجدي
_روح بسرعه خليهم يسيبوا أحمد اللي حور كانت بتقول عليه وخليه يجيلي هنا
_حاضر ياجدي بس هدخل أشوف حور الأول
_لا حور دلوقتي نايمه روح الحقه هو الأول إنت عارف رجالتك عاملين زي الديابه ما بتصدق تلاقي فريسه بسرعه
_حاضر ياجدي حاضر
_نزل صقر وسأل رجاله عليه و أخبروه أن رحيم أخذه من بين يديهم فتركهم ودخل ليجد دعوه ورحيم يخرجون من غرفة الجد
_صقر / هو فين يارحيم
_عاوز منه إيه تاني ياصقر حرام عليك إنت إيه دايما كده هيفضل دراعك سابق مخك
_رحيم اخلص إنت ما تعرفش حاجه ولا تعرف مين ده ولا تعرف عمل إيه
_لا ياسيدي عارف مين ده ده أحمد أخو حور أخوها وأمانها في الوقت اللي كانت ضعيفة وما فيش ليها لا ضهر ولا سند ولا أمان أخوها اللي كانت بتتمني يرجع علشان ينقذها منك أخوها
اللي راجع عشانها من أخر الدنيا علشان بس عرف إنها سابت البيت ورجع علشان يطمن عليها هتقولي حور مش بنت رأفت هقولك أخته زي دعوه عارف دعوه اللي مش بتطيق حد بس
يبص ليها بصه وحشه أهو ده كده وأكتر إنت بقي عملت لها إيه جانبه قولي عملتلها إيه عذبتها وهنتها واغتصبتها وكملت بحملها اللي بيهدد حياتها وبعد ده كله كسبت قلبها وياريتك ندمان ده إنت بتعك أكتر ارحمها بقي شويه حرام عليك وتركه ورحل من أمامه
_نظر صقر الي دعوه التي تقف أمامه وتنظر إليه بلوم وعتاب علي أخطائه المتكرره في حق تلك المسكينه دائماً و / إيه عاوزه تقولي حاجه إنتي كمان
_هزت رأسها بالنفي و / لا مش عاوزه كفايا صرخة أااااه بس اللي طلعت من حور والألم اللي هي حسه بيه ومع ذلك متمسكه بالبيبي لو حتي فيه خطر علي حياتها وإنت مستخسر فيها أخ ارحمها ياصقر وحبها زي ما هي بتحبك وبلاش تعيشها في حزن تاني كفايا عليها حور بتحبك أوي ياصقر ياريت تقدر ده.... وتركته ورحلت هي الأخرى
* دخل صقر إلى أحمد واطمأن عليه وبعدها صعد مره أخري إلى حور وأمر الممرضه أن تتركهم ودلها علي غرفه أخري لتظل بها وجلس بجوار حور يحدثها بكل ما لذ وطاب من حبه وعشقه وأسفه وندمه وكرهه للغياط وكل ما يكنه له في قلبه من كره وأضعاف مضاعفة من الحب بل العشق الذي يكنه لها وظل هكذا حتى غفى بجوارها
_في اليوم التالي في حوالي الساعة العاشره صباحاً كان الجميع يجلس في ساحة القصر يرحبون بتلك الآيه التي أتت لتظل في بيتهم كضيفه
_عادل / أنا أسف والله ياجدي بس أنا كان نفسي أسماء تفضل في البلد لحد ما الشقه اللي اشتريتها تجهز بس المشكله في الدراسه بتاعتها فاضل عليها يوم وبس
_عيب عليك ياعادل يعني إنت بتقولي ياجدي وبعدين تقول الكلام ده البيت بيتكم يابني وكمان مافيش داعي تبهدل أمك وتجيبها هنا وتخليها تسيب بيتها وأرضها أسماء هتفضل هنا مع دعوه وإنت ركز في شغلك بقي عاوزين نشوفلك عروسه
_ربنا يخليك لينا ياحج وما يحرمناش منك أبداً بس أنا مش ناوي أتجوز غير لما أطمن علي أسماء الأول
_ما لكش دعوه إنت بأسماء دي ملزومه مني يلا اتكل على شغلك وما تشيلش هم أسماء هي هنا في بيتها ووسط أهلها
_أنا مش عارف هرد جمايلكم دي إزاي
_الجد بمزاح / امشي ياعادل بدل ما أقوم أضربك
_ابتسم عادل له ونظر إلي أسماء وأشار لها أن تقترب منه
_خدي يا أسماء دول خليهم معاكي
_أسماء بصوت منخفض / أمك مدياني فلوس كتير ياعادل مش محتاجه
_لا برده خدي دول معاكي أنتي ناسيه إنك هتروحي تجيبي لبس جديد للكليه ولا إيه
_بس دول كتير أوي ياعادل هعمل بيهم إيه وبعدين إنت لسه جايب لي موبايل غالي أوي كفايا كده
_خدي ياأسماء خلصي اتأخرت علي الشغل
_أخذتهم أسماء و / ربنا يخليك ليا وما يحرمنيش منك أبداً
_قبلها عادل من جبينها و / ولا منك ياغاليه أنا همشي وهبقي أجيلك في الجامعه علشان ما أجيش هنا تاني
_هزت رأسها له وبعدها رحل
_دعوه وهي تقف ورأها وتلف يدها حول كتفها / يلا نفطر بقي علشان في ورانا لف كتييير
الجد / طب استني لما ترتاح شويه من السفر
_دعوه وهي تلكز أسماء / لا ياجدو هي مش تعبانه مش كده يا أسماء افطري بسرعه لحد ما أطلع أطمن علي حور وانزل علي طول وجرت من أمامها بسرعه دون أن تعطيها فرصه للرد
_الجد / هههههه ربنا يهديكي يادعوه أقعدي يابنتي افطري
أسماء بابتسامه جميله / لا ياجدي أنا فطرت مع عادل قبل ما أجي
_أسماء يابنتي زي ما قولت لعادل ده بيتك أوعي تحسي إنك غريبه أو تتكسفي
_لا والله ياجدي بس فعلاً فطرت مع عماد
_طيب يابنتي بالف هنا وشفا
_خرج رحيم من الغرفه التي بها أحمد وهو يحمل في يده صينيه طعام و / خدي يادلال دخلي دي جوه
_أخذت دلال منه الصينيه
رحيم وهو ينظر إلى أسماء / الله أسماء إنتي بتعملي إيه هنا
_أسماء جايه تقعد معانا هنا فترة الدراسه
_تنور إنتي دخلتي هندسه زي عماد برده صح
_أيوه ومع دعوه
_ربنا يوفقك
_متشكره يارحيم بيه
_رحيم بيه مين رحيم بيه ده ده تقولي له ياض يارحيم
_نظر رحيم إلى دعوه و / لسانك عاوز قطعه ثم نظر إلي أسماء و / بس معاها حق قولي لي رحيم وبس إحنا إخوات
_الجد /حور عامله إيه يادعوه؟؟
_لسه نايمه ياجدوا أنا هروح أنا وأسماء بقى نجيب اللبس ولما أرجع أطمن عليها
_مجاهد /هتروحوا لوحدكم
_أيوه خالتوا رحمه مش هينفع تيجي معانا وصقر قالي أخد من الدواليب اللي بره دول معايا
_طيب أخدتي فلوس معاكي كفايا
_صقر إداني ال Credit card بتاعته
_طيب يلا روحوا بس ما تتأخروش
_ دعوه وهي تجذب أسماء من يدها /حاضر يلا يا أسماء وجرت بها بسرعه
رحيم / مش هتعقل أبداً
_الجد بابتسامة وهو ينظر إلى رحيم / بكره ربنا يبعت لها اللي يعقلها مع إنه مجنون أكتر منها
_تقصد إيه أو بالادق مين ياجدي
_مش قصدي المهم طمني علي أحمد ابن الغياط
_والله ياجدي ده بني أدم محترم جدا ولما يصحى وتتكلم معاه هتحس إنه شبه حور أوي
_يصحي هو نام تاني
_أيوه نام وأنا كمان هنام شويه لاني مش قادر
_طب ياحبيبي روح نام
_-_--_-_-_-_-_-_-_-_-_-__-_-_-_-_-_
_بعد فترة بسيطه وصلت دعوه وأسماء إلى المول وبدأ كل منهم في اختيار ما يناسبه
كانت هناك إمرأة غريبة الشكل تتعمد الاقتراب من أسماء بشكل مريب
_أسماء بخوف / لو سمحتي ممكن تبعدي
_ننننعم ياختي هو أنا كنت كلمتك إنتي هتستهبلي يابت ولا إيه
_دعوه / إنتي اللي شكلك كده مش طبيعي عاوزه إيه
_ خلاص يادعوه وإنتي والله مش قصدي حاجه أنا بس
_أاااااااه الحقوني... صرخت تلك المرأة وهي تمسك بوجهها الذي ينزل منه الدماء فتجمع الناس حولها وأتى الأمن ومعهم ضابط
_ فيه إيه إيه اللي بيحصل هنا
_البت دي ياباشا هي واللي معاها هم اللي عملوا فيا كده
_أتت أخري من عدم وهي تهتف / أيوه ياباشا هم اللي عملوا فيها كده وأنا شوفتهم
_دعوه / إنتي كدابه دي هي اللي
_لو سمحتوا اتفضلوا معايا
كانت أسماء تقف وهي تكاد تفقد وعيها من الخوف علي عكس دعوه تماما و / إنت مجنون إنت كمان ولا إيه إنت مش عارف إحنا مين
_لو سمحتي يا أنسه اتفضلي معايا من سكات بعد إذنك ونظر إلي بعض رجال الأمن و /وهاتوهم
_أمسك بهم رجال الأمن واتوا أن يأخذوهم
_استني عندك إنت وهو
_نظر إليه الضابط و / ومين سيادتك إنت كمان معاهم في الليلة إنت كمان ولا إيه
_نظر إليه نظرة جعلت ذلك الضابط يتنفس
بصعوبة بعد أن سمع منه / الرائد آسر سعودي أمن دوله
================================
_بدأت حور تستعيد وعيها ببطئ وما إن فتحت عينها لم يكن أمامها سوي صقر
_حور حمد الله علي السلامه
_لحظات واستردت وعيها بالكامل وبعدها نظرت إليه مطولا و / إطلع بره ياصقر
_حور أنا أنا
_بره ياصقر برررره سيبني بقي أنا تعبت أخرج مش عاوزه أشوفك أخرج