رواية غاليه
✿بقلم منه محمد ✿
الفصل التاسع عشر
في شقة هيثم بلندن
دخل للشقه اللي مكونه من صالون كبيره ومطبخ ومكتب وغرفتين نوم و غرفة نوم رئيسيه ملحق بيها حمام وبلكونه كبيره والتانيه صغيره بحمام خارجي
حط شُناط غاده بالغرفه الرئيسيه واخد شَنطة هدومه وحطها بالغرفه الصغيره مسك فونه واتصل بالمستشفى اللي بلغوته ان غاده مازالت نايمه ومافيش اي جديد بحالتها قفل معاهم واتصل على العامله المسؤله عن تنظيف شقته واللي كانت تيجي له يومين في الاسبوع بس وطلب منها تيجي عشان تجهز الشقه لغاده ووعدته انها هتكون بالشقه بعد نص ساعه
دخل مكتبه وشغل نفسه بأمور شركته وصفقاتها بذهن شارد وقلب مهموم لحد ماوصلت العامله كبيره نوعآ ما في السن
طلب منها تبدء بغرفة النوم الرئيسيه بدون ماتلمس اي حاجه من الشُنط وانتظرها لحد ما خلصت من ترتيبها وطلب منها ترتب باقي الشقه وعطاها فلوس عشان تشتري طلبات للمطبخ
دخل للغرفه وفتح شُناط غاده وفضل هو يرتب لبسها فالدولاب خلص منها وجهز لها شَنطه صغيره بالاشياء اللي ممكن تحتاجها بالمستشفى لو اتحجزت فيها اكتر من يوم
طلع للمستشفى اللي تبعد عن شقته بحوالي ساعه .. عدا في طريقه على محل ورد ووقف قدامه واشتري باقة ورد كبيره
كان عارف بقرارة نفسه ان غاده وصلت لمرحله بكرهه من الصعب انها ترجع تحبه بعدها لكنه عزم مش هيفرط فيها بسهوله هيعمل المستحيل عشان تتجاوز صدمتها والحاله اللي هي فيها
وصل للمستشفى وقبل مايدخل غرفتها طلبت منه الممرضه يروح لمكتب الدكتور لانه عاوز يقابله بموضوع خاص بزوجته
دخل هيثم لمكتب الدكتور وعرف بنفسه
الدكتور : اهلا سيد هيثم ممكن تتفضل
هيثم بعد مائعد : فيه اخبار جديده بحالة غاده
الدكتور :مدام غاده فاقت قبل ساعه وبما ان الحاله اللي هي فيها نفسيه وليست عضويه انا استدعيت دكتور ويليام استشاري الامراض النفسيه عشان يشرف على حالتها وهو اللي طلب مقابلتك
هيثم : فين مكتب دكتور ويليام
الدكتور : حاليآ هو عند غاده بس يخرج تبلغه الممرضه بوجودك دقايق ويكون هنا
استأذن هيثم من الدكتور وطلع على اساس ينتظر لحد ما يخرج من غرفة غاده
لكن هيثم مااكتفي انه ينتظر عند باب غرفتها وقرر يدخل ويتطمن عليها بنفسه
اول مادخل شاف نظراتها التايهه والي استقرت عليه لثواني وبعدها رجعت لنفس هدوئها
كمل دخوله وقرب منها حط شَنطتها على الارض جنب السرير وحط باقة الورد على الكومودينو
الدكتور : ممكن تتفضل معايا
هز هيثم راسه بالاجابه وانتظر لحد ما يخرج الدكتور قرب من غاده وباس جبينها وهمس لها : دقايق وراجع
وطلع بعدها يقابل الدكتور
الدكتور : انت زوجها مظبوط!؟
هيثم : ايوه يا يادكتور معاك هيثم ممكن تطمني عنها
الدكتور : حسب ماهو مكتوب عندي انها كانت في البيت لوحدها واتعرضت لعملية سطو ولقتها في البدروم متخبيه في الضلمه وري مجموعة صناديق والكلام الوحيد اللي قالته كان بخصوص العنكبوت فيه شئ أأمر ماعرفوش
هيثم : ايوه يا دكتور وعلى حسب شهود عيان ان الحرامي خرج الساعه 8 من البيت وانا لقتها قرابة الساعه واحده بالليل
الدكتور : معناها أأعدت بنفس مكانها حوالي الخمس ساعات برغم ان الحرامي ساب البيت
هيثم : فعلا يا يادكتور
الدكتور : طيب هي قبل عملية السطو كنت بتلاحظ عليها خوفها من الاماكن المغلقه او الضلمه او الحشرات عموما
هيثم بحيره : للاسف مقدرش افيدك بحكم اا احنا لسه متجوزين وماكنتش اعرف عنها حاجه قبل الجواز
الدكتور : بس المعلومات دي مهمه عشان نقدر نشخص الحاله ونعرف نتعامل معاها
هيثم : هسأل عن التفاصيل وهيبقي عندي معلومات ابلغك بيها بس حاليا ممكن تطمني على حالتها
الدكتور : مبدائيآ هي في حالة صدمه حاده ناتجه عن الخوف حاولت اني اسالها على امل انها تتجاوب معايا وتوصف لحظة الرعب اللي عدت عليها لان ده بيساعدها كتير تخطي الصدمه لكن للاسف هي عايشه بحاله من ردود الفعل السلبية والانسحاب التام
بس اللي لاحظته عليها قبل دخولك توتورها ونظراتها التايهه في كل مكان من الغرفه كأنها عاوزه تبحث عن مكان للهروب وبمجرد دخولك هديت بشكل ملحوظ واستقرت نظراتها مما يعني انك تشكل لها جانب الامان في المكان
هيثم : وامتى ممكن تقدر تتخطى الصدمه
الدكتور : للاسف معنديش اجابه على سؤالك لكن بحكم خبرتي ومن الحالات اللي مرت عليا فأنا افضل ان الاشخاص اللي اتعرضو لصدمه ناتجه عن الخوف وانعدام الامان انهم يخضعو للعلاج لكن مش بالمستشفى بل في جو اسري يشعرهم بالامان
هيثم : يعني تفضل اني اخرجها من المستشفى
الدكتور : تخرجها من المستشفى بشرط توفير الجو الاسري المناسب وتوفير كل الوسائل الممكنه اللي تحسسها بالامان بدون التطرق لحالة الرعب اللي مرت عليها لان دي هتكون
مهمتي وبالاسبوع الاول افضل اشوفها كل يوم واي شئ غريب يظهر على تصرفاتها تجيبها لي للعياده او تاخدها للمستشفى
هيثم : زي ايه التصرفات الغريبه مثلا اللي ممكن تجد عليها
الدكتور : حاليآ هي في حاله من الشرود الذهني وعدم القدرة على التركيز والانتباه وبتكون معتمده اعتماد كلي على اللي حواليها وبعد ماتخرج من الحاله شئ متوقع انها حتعاني من اضطرابات في النوم ده غير هطاردها الأحلام المزعجة والكوابيس ودي كلها امور متوقعه لكن اي تصرف غريب خلافها لازم تجيبها فورآ
كتب الدكتور له الادويه اللي ها تحتاجها غاده وعطاه رقمه الشخصي وعنوان عيادته في وسط لندن وعطاه ارشادات ونصايح للتعامل مع غاده عشان يقدر يساعدها تخطي حالتها
طلع من عند الدكتور وصرف لها الادويه وخلص اجراءات خروجها من المستشفى وبعدها دخل غرفة غاده عشان يساعدها تبدل هدومها وياخدها للشقه
هو بحنيه بعد ماااعد على طرف سريرها : غاده الدكتور سمح لك بالخروج
غاده : ........
هيثم : طيب مش عاوزه تعرفي هنسكن فين
ونفس النتيجه مافيش اي ردة فعل منها حتى نظراتها ماكانتش مركزه على هيثم ولا على اي شئ كأنها عايشه بعالم تاني ومش شاعره بأي حاجه حواليها!!!!!!
هيثم اتنهد وكمل : هنسكن يا ستي بشقتي الصغيره اللي في وسط لندن ومتأكده انها هتعجبك (وبحنيه) يله حبيبتي قومي عشان تغيري هدومك واذا محتاجه مني اساعدك انا حاضر
هيثم لما شاف ان مافيش منها اي استجابه قام وطلعلها لبس من الشنطه وقفل عليهم الستاره عشان لو حد فتح الباب مايشوفهاش وبدل لها لبسها وهي بتتحرك معاه زي الدميه بين ايديه
لبسها وحاس بالطرحه لحد ما بالاخير قدر يلفها على راسها بأحكام ومسك ايدها وبالايد التانيه شال كيس العلاج وشنطتها وخرج معاها من الغرفه
كانت ماشيه جنبه بكل هدوء ماعدا نظرتها التايهه والمتوتره اللي مركزه فيها بكل شخص يمر في الممر
وصل للاسانسير ودخل فيه وهي معاه وماكانش فيه غير شخص واحد اول ماقفل الاسانسير لاحظ خوفها لما شدت علي ايديه وبتحاول انها تتخبى وراه
فك ايده من ايدها وحطها على كتافها وضمها له عشان تحس بالامان هدت شوي لكن ملامح الخوف كانت مازالت مرسومه على ملامحها ومارجعتش هدت تمامآ الا بعد ماركبو العربيه
********غاليه******
دخل هو وغاده للشقه واستقبلتهم العامله بأبتسامه ورحبت بغاده
لكن غاده ماردتش او بالاصح مازالت عايشه بعالم تاني ونظراتها تتفحص بتوهان كل زاويه بالشقه
رد هيثم الابتسامه للعامله اللي كانت تعتني بشقته طول الخمس سنين اللي فاتو واعتذر منها بالنيابه عن غاده وقالها انها مريضه وتعبانه شوي
العامله اتأثرت جدا بحاله غاده وعرضت على هيثم طالما هيسكن بصفه مستمره بالشقه انها تيجي تنظف يوميآ طول فترة تواجده
لكن هو شكرها وقالها انه كفايه تيجي يوم بعد يوم وتنظفها
استأذنت وطلعت بعد ماقالت لهيثم انها حضرت له اكل وان صينية الفراخ بالفرن ولازم يطلعها بعد ربع ساعه
هيثم : ها يا حبي ازاي شفتي الشقه وياتري عجبتك او نص نص!!؟
لكن كانت على نفس الحاله بدون اي استجابه منها اخدها من ايدها وفضل يلف بيها في الشقه ولا المرشد السياحي ويقولها ده الصالون وهنا مكتبي وده المطبخ وهنا حمام صغير ودي اوضتي انا ولما وصل لغرفتها )ودي اوضتك انتي حبيبتي وفيها حمام داخلي عشان تاخدي راحتك اكتر
وقفت تتأمل بالغرفه وللحظه اتغيرت ملامح وشها من حالة الجمود للحزن واتجمعت الدموع بعيونها لكنها كانت مجرد ثواني وبعدها رجعت لنفس جمودها
اما هو فكان محتار مش عارف فيها ايه اتمنى يدفع عمره بس يعرف سر طيف الحزن اللي اترسم على ملامحها وسر الدموع اللي اتجمعت بعيونها لثواني
هيثم : عمري حابه ترتاحي على مااجهز الاكل واناديك ولا تيجي معايا
لكنها ماردتش عليه غير بمسكه ايدها له كأنه بتقوله خدني معاك مش حابه افضل لوحدي
فرح هيثم بــ الاستجابه البسيطه واخدها معاه للمطبخ .. وقعدها على كرسي السفره وفضل يحط الاكل اللي جهزته العامله من سلطه وشوربة الشعريه الذيذه والبطاطس المطبوخه واخر حاجه صينية الدجاج اللي طلعها من الفرن
هيثم قعد : يله حبي سمي بسم الله وكلي
لكنها مامدتش ايدها ولا اكلت اي حاجه
اخد هيثم الملعقه وفضل يشربها من الشوربه لكن بعد كام ملعقه رفضت تفتح بؤها حاول يديها اي صنف تاني غير الشوربه لكنها رفضت بستماته
قرب منها ومسك وشها بين ايديه وبرجاء : غاده مش هقولك عشان خاطري كولي لاني عارف انك بتكرهيني لكن عشان خاطر اللي انتي بتحبيهم ارجوك كولي
لكنها استمرت على رفضها عرض عليها عصير لكنها رفضت واخر حاجه حاول يشربها ميه واللي استغربه انها مسكت الكأس مع ايده وشربت كل الميه الي فيه
خرجها هيثم من المطبخ وأأعدها بالصالون وفضل يفتش في الدي في دي اللي عنده وبما انه ماينفعش ليها فلم رعب ولا اكشن ولا حتى رومانسي استقر رايه على فيلم كوميدي لسماعيل ياسين ابن حميدو (((انا اصلا كمنه بعشقه ماتسبكو من غاده وهيثم واكتبلكم قصه حياتي خلاص سكت وهكمل يباي معرفش اهزر معاكم جروب حزوئه بصحيح) شغله وقعد جنبها على نفس الكنبه
عدت نص ساعه من الفيلم وهيثم يتمني يشوف لو طيف ابتسامه على شفايفها لكن الواضح انها ولا شايفه اي حاجه ولا مركزه من الاساس
ـــــــــــــــــــ غاليه ـــــــــــــــــــ
في الشركه
فارس : انا عاوز افهم لحد امتي هتفضل قالب خلقتك ده انت لو مراتي ماكنت فضلت اراضي فيها كدا ياجدع
وليد : كول تراب وامسك
فارس بص بالكارت اللي ماده له وليد : ايه ده؟؟؟
وليد : اقري وانت تعرف
اخد فارس الكارت وقراه الي فيه وانفجر في الضحك
كان كارت دعوه للزواج ومكتوب فيه (يسرنا دعوتكم لتشريفنا زواج ابننا الشاب وليد محمد ... على نونهار بنت ابوها وبين قوسين مكتوب (ان عرفنا ننطق اسم ابوها نبقي نحطهلكم )
وذالك يوم الاربعاء الموافق .... في قاعة مكتب السيد فارس المحمدي
وبحضوركم سوف يتم لنا الفرح والسرور ... الداعي وليد محمد .... & سفير دولة سيريلنكا في القاهره)
فارس انفجر في الضحك : لا والله ليه هو انت مفكر السفير ممكن يحضر فرحك
وليد : لا بس قلت احسس العروسه ان وراها اهل وعزوه
فارس خلاص فصل من الضحك : مالقيتش غير السيريلنكيه ليه ماااتجوزتش الشغاله احسن
وليد : امي نصحتني وقالتلي يا واد يا وليد سيبك من بنات بلدك وخد انتاج اخر(بنفعال) وبعدين انت مالك كل اللي مطلوب منك توقع على اجازتي وبس!!
فارس اخد نفس من الضحك : لا طالما هتتأهل وتتجوز والفرح هيبقي في مكتبي ليا حق اسأل واعزم اللي عاوزه يحضر كمان!!!!
وليد قلب شفايفه: منفسكش بالمره تدخل عليها
فارس بقرف : لا اخيه اعمل بيها ايه؟؟!!!
واستمرو بمزحهم لحد ما قلبو المكتب لحلبة مصارعه حره
ـــــــــــــــ .. غاليه .. ـــــــــــــــ
طفى هيثم الفيلم بعد ميأس انه يلفت انتباها وبص لها وهو بالموت قادر يفتح عيونه لانه بقاله اكتر من 24 ساعه مواصل بدون نوم
هيثم : قومي ياعمري ارتاحي في اوضتك
قامت معاه ودخلها لغرفتها ئعدها على السرير وافتكر انه دخل وقت العصر وماصلاه
هيثم :غاده تقومي تصلي حياتي فات وقت صلاة العصر
ولما ماشافش منها اي استجابه ضاقت الدنيا عليه قام ودخل الحمام عشان يتوضى للصلاه واول ماخلص وفتح الباب شافها واقفه عند الباب وشاده على ايديها ونظرات الخوف بعيونها
ضمها لصدره وباس دماغها واخدها للسرير واعدها عليه من جديد وفرش سجادته وصلى قدامها
خلص صلاته وقفل الستاير والنور وعم الظلام الغرفه اتجه للاباجوره وشغلها كانت هي قاعده وضامه ركبها على صدرها وتترعش بقوه من الخوف كان خوفها غريب واول مره هيثم يشوفه حتى لما لقاها بالبدروم ماكانتش خايفه نفس خوفها ده
جري بسرعه للنور وشغله وراحلها كانت مغمضه عيونها بقوه وتتنفض وتتنفس بسرعه
هيثم رفع وشها :غاده بوصيلي انا هيثم وخلاص شغلت النور (وبحنيه اكتر) عمري افتحي عيونك وشوفيني
لكنها استمرت على حالها ضمها على صدره وفضل يقراء عليها قرآن بصوت مسموع لحد ما حس انها هديت
بعدها عنه وبص بعيونها بصتله اوي لفتره وبعدها ركزت بنظراتها على الباب
عدل هيثم من وضعها على السرير عشان تنام لكن فجاءه وقف مصدوم مكانه من اللي شافه (كانت غاده متبوله لا ايرادي على نفسها) تدارك هيثم نفسه لما حس انه ممكن اي تصرف مش محسوب منه يأثر على حالتها
قومها معاه بكل حنيه واخد لها البرونس للحمام
وبعد ماخلص لها الشور ولبسها بيجامة النوم ومشط لها شعرها أأعدها على الكرسي وغير الغطا ومفارش السرير((تستاهل عملت عربجي قولي ايه اللي نابك من الفتونه قولي غير الاهات
عطاها الدواء اللي صرفهولها الدكتور عشان تنام وضمها على صدره وفضل يمسح على شعرها وشغل علي فونه قرآن لحد ما نامت علي صوته
لما حس انها نامت انسحب بهدوء من الغرفه وساب الباب مفتوح وراح للصالون
مسك فونه واتصل بالدكتور وشرح له الحاله اللي مرت بيها لما طفى النور وتبولها الا ايرادي
الدكتور : انا قلت لك انها في حالة شرود ذهني وانسحاب تام وحتكون معتمده على الي حواليها اعتماد كلي بكل امورها وعشان اوضحلك اكتر للتعامل مع شخص مصاب بالاكتئاب اول حاجه لازم نفكر فيها هي مشاعره واول خطوه الاهتمام
ده بيساعده يتجاوز الخطوه العصيبه الي بيمر بيها المريض واكتر شئ محتاجه المكتئب هي الرفقه في الليل لانه غاليا بيشعر بالخوف لما يهجم عليه الليل بيشعروا بالاستياء وبيعاني من
الارق والخوف فلازم تراقب جميع تصرفاتها هتلاقيها مش مرتاحه خصوصا فتره الليل فــ اذا كان الموضوع ده صعب عليكم مافيش مشكله ممكن ندخلها المصحه لحد ما تتحسن حالتها
هيثم بأندفاع : لا يا دكتور الا المصحه حتى لو فضلت العمر كله لاسمح الله وهي كدا
الدكتور : مش عاوزين نسبق الاحداث وبلغني اول بأول بأي شئ يجد على حالتها واتجنب انها تكون في مكان ظلمه او تسيبها لوحدها
هيثم غمض عيونه بندم: ان شاء الله يادكتور
قفل معاه وراح لغرفة غاده الي مازالت في حاله جمود...قرب و ضمها لصدره فضل يدعي ان ربنا يسامحه على عمله فيها
ـــــــــــــــــــــ .. غاليه .. ـــــــــــــــــــــ
في بيت فارس
على دخلت مى للبيت كان التلفون الارضي عمال يرن بشكل مستمر
رفعت غاليه السماعه وهي مستعجله
غاليه : الوو
فارس : اهلا بحبي كويس اللي رديتي
غاليه : معلش ياعمري عندي ضيوف ومشغوله ليه كنت عاوز حاجه؟؟!!!
فارس : لا بس وحشتيني وموبيلك على طول مشغول والبيت مابتردوش عليه
غاليه وهي محروجه لانها لحد الان مااستقبلتش مى ولا سلمت عليها : حبي انت رايق وانا مشغوله اسيبك دلوقت باي
فارس كشر : ايه الطرده الرخمه دي طيب حبي انا جاي انا ووليد كمان شويه جهزو لنا العشي
غاليه : اهلا بيكم يله حبي باي
قفلت معاه وسلمت على مى اللي اخدتها بالاحضان وبينت انها مشتاقه لها جدا
مى : ساحرلك فارس ونساك حتى اهلك
غاليه ببتسامه : الدنيا كلها ماتنسينيش اهلي لكن عاوزاني اعمل ايه اذا اهلي نفسهم باعوني
مى :غاليه فيه كلام كتير حقلهولك بس مش قبل ماتضيفيني ونقعد مع منال شوي قبل ما تدبحنا
منال : كويس والله انكم عارفين اني مازلت موجوده
غاليه : ههههههههههه والله لما شوفتها نسيت كل حاجه عن اذنكم دقايق اقولهم يجبوا حاجه تشربوها ويجهزوا العشي لفارس وضيفه
مى : غاليه امتي جوزك جاي؟؟!!
غاليه : بعد ساعه بس ليه بتسألي
مى : كسفه نقعد وهو موجود عشان كدا قبل ما يجي نمشي احنا
غاليه بأصرار: والله ما يحصل تمشو قبل ما نتعشا كلنا مع بعض ونسهر وبعدين فارس غريب ده ابن عمكم وياستي اطمني هعشيهم لوحدهم وبعدين فارس لما بيكون قاعد مع وليد بيكون مشغول معاه
منال : اذا كدا خلاص احسبي حسابنا في العشي
غاليه باست منال على خدها : ايوه كدا اموت في الحلوين اللي يجبروا بخاطري مش اختي اللي بتدور علي الهروب
مي عملت نفسها زعلانه : دلوقت انا اللي طلعت وحشه وبدور علي الهرب عشان عاوزاك تاخدي راحتك مع حبيب القلب ومش حابه نشغلك عنه
غاليه تضم مى : اه يامي لو تحسي بفرحتي اني شوفتك ووقعدت معاك كنتي من نفسك رحمتي حالي وما مشتييش من عندي (وهي تبعد عن مى وتحضن وش اختها بين ايديها
الاتنين)والله السعاده اللي حاسه بيها لو وزعتها على كل العالم ما كفتهم وفاضت بس لو امي وابويا يسامحوني ويحننو قلبهم عليا كنت بقيت اسعد مخلوقه على وجه الارض
مى وهي تحضن اختها بصدق وحب لاول مره : غاليه انتي ما غلطيش بحقهم عشان يسامحوك انتي اللي سامحيهم وسامحيني
غاليه ودموعها على خدها : ربنا يشهد يامى انكم لو تقطعو وترموا لحمي للكلاب مسامحاكم دنيا واخره
منال الوضع مش عاجبها وقلقت منه اتكلمت تقطع عليهم اللحظه : غاليه فين واجب ضيافتك وبسبوستك بعدين اغير رأيي واقول عنك بخيله
غاليه بضحكه وهي تمسح دموعها : هههههههه دقايق وتكون عندكم احلى ضيافه واحلى بسبوسه لــ احلى اخت وبنت عم
قامت غاليه من جنبهم واول ماختفت عن انظارهم
منال شدت مي من دراعها بعصبيه : قلبي بيقول ان اللي حصل قدامي بجد ومش تمثيل
مى بخوف : منال اختي وجعت قلبي خلاص شيليهم من دماغك
منال زقتها في دماغها بالسبابه: انتي فاهمه الكلام الي بتقوليه رايح علي فين
مي: ايوه عارفه كلامي رايح علي فين لكن الي بتعمليه انتي مش عارفه هيودينا لفين خلاص شيلي فارس واعرفي انه مش من نصيبك
منال والشرار طالع من عيونها : كدا بكل بساطه تقوليها وعاوزاني كمان اتقبلها امال لو قلت لك ان خالد هو كمان مش حيكون من نصيبك هتعملي ايه
مى بكذب بس عشان تبعد منال عن غاليه : هقول ربنا يهنيه مع اللي يختارها لو ربنا كاتبه من نصيبي مش هياخد غيري ولو ربنا كاتبه من نصيب غيري مافيش قوه تخليه يكون من نصيبي
منال بتهديد : براحتك بس ماتنسيش اني قلت لك قبلها ياتكوني معايا او تكوني ضدي وكمان ما تنسيش صورك والشرايط اللي عندي مازلت محتفظه بيهم واقدر اعمل بيهم شئ ولايخطر حتى في بالك
مى بخوف حقيقي لانها عارفه مدى حقارة منال : وانا قلتها لك قبل كدا انا معاك على طول وبدون ماتهددي بس اعمل ايه وجعت قلبي
منال : طالما معايا نفذي الي اقولك عليه وسيبك بقي من التفاهات والا قسمن بالله يامى لا اقلب الدنيا عليها واطيها وعليا وعلى اعدائي
مى تغير الموضوع : انتي اهدي وهيحصل الي انتي عاوزاه بس مش خايفه تشوف الرقم والرسايل وتتصرف قبل مايشوفها فارس
منال بسخريه : اختك دي ياحبيبتي من العصر الحجري وما بتعترفش بختراع اسمه موبيل تصدقي من ساعه ما جيت وانا اخده فونها وعامله مكالمه مع سمير وهي ولا عارفه فين
الموبيل بس صراحه خفت لما اتصل فارس على البيت قلت اكيد هيسألها وتنتبه بس انتي جيتي في الوقت المناسب وانشغلت معاك
مى : بس مازال فيه احتمال وكبير كمان انه مايفتش موبيلها او ان غاليه تشوفها قبل منه
منال : حاطه الاحتمال في دماغي وعشان كد ا قلت لك تيجي واظبطت الوضع مع سمير
مى : ازاي
منال : بعدين افهمك على كل حاجه بس عاوزه منك اول ما تيجي غاليه وتقعد شوي تقوللها انك عاوزاها بموضوع وخليها تاخدك لـ اوضتها على اساس عاوزاها لوحدكم ولما تطلعي
اوضتها كملي المسرحيه السخيفه اللي عملتيها من شوي وماتنسيش تنزليلك كم دمعه عشان تظبط الدور وخلي موبيلك على وضع الهزاز عشان لما اديك رنه تقوليلها تنزلوا عندي وانتي بس تهدي وتنزلي وراها
مى بستغراب : وليه كل ده
منال : اول ما تسيبك وتنزل حطي الصوره دي (وطلعت الصوره من شنطتها) في دولابها تحت هدومها وبعدها روحي اقفي عند شباك جناحها الي من جهه البوابه الرئيسيه هتشوفي عربيه بيضه صغيره واقفه قريب منها ماتتحركيش لحد ما تمشي العربيه البيضه الاول واول ما تختفي تعالي جري علي هنا
مى خايفه بجد من المخطط : طيب فهميني حنستفيد ايه من كل ده وايه حكايه العربيه
منال : هقولك بعدين على كل حاجه انتي بس نفذي اللي بقوله بالحرف ودلوقت روحي راقبي الوضع ان شفتي العله جايه اديني اشاره لاني هكلم سمير
قامت مى وراحت لغاليه في المطبخ ومنال طلعت موبيلها التاني واتصلت بسمير
منال : سمير انت فين؟؟!!
سمير: ايه الاسراف ده كله طالما الخط التاني مفتوح ليه ماكلمتينيش منه
منال : ياقلبي الموبيل التاني مااقدرش اطلعه قلقانه يشوفوه معايا المهم انت فين
سميربضيق : فين يعني قاعد اتأمل القصر الي شكلك بتورطيني مع اهله
منال : سمير بطل غباء ايه اورطك دي بيت جدي وبعدين انت ايه الي مخوفك طالما الشريحه مجهوله وبدون اسم وحتى العربيه مش بأسمك
سمير بزهق : طيب صاحب البانوراما السوده امتى جاي حضرته
منال : تقريبآ بعد ساعه لكن خلي صاحبك يراقب كويس
سمير : اطمني موقفه على اول الشارع وبس يشوف عربيته بيتصل لكن اعملي حسابك اخد مني 5 الاف عشان الخدمه
منال وهي عارفه انه كداب : مش مهم بس نطلع من هنا اديك اللي انت عاوزه لو نفذت كلامي بالحرف
سمير : عيب عليك قلت لك اعتمدي انا سمير مش سوسو
منال : اوكي انا هقفل دلوقت بس اياك تنسي تنهي المكالمه اللي على الموبيل التاني اول ماتشوف فارس وتمشي من قدام البيت
سمير : حصل ياقمر
قفلت معاه وطلعت موبيل غاليه تشوف الخط مازال مفتوح مع سمير او لا اطمنت ورجعت الفون تحت مخدة الكنبه
اما فارس فكان كل شويه يتصل ويلاقي الموبيل مشغول لان الكارثه منال لغت خاصية الانتظار استغرب انه طول الوقت مشغول لان مش من عادة غاليه تتكلم كتير لكنه ماهتمش
ــــــــــــــــــــ ..غاليه .. ـــــــــــــــــــــ
صحى من نومه وشافها مازالت بحضنه وهاديه جدا لكن كانت بصاله بطريقه غريبه
حس ان النظرات فيها لوم وعتاب وحزن مالوش آخر على كتر ماتعبته النظرات لكنه فرح بيها توقع ان غاده رجعت له واتعافت
هيثم بلهفه : غاده حبيبتي عامله ايه دلوقت؟؟!!!!
لكن هي زي ماهي لحد ما النظرات اللي لمحها هيثم اختفت وحل محلها الجمود
هيثم بحزن : غاده ارجوكي لوميني عاتبيني اعملي فيا اللي انتي عاوزاه لو موتي هيريحك اقتليني بس ارجعي غاده القويه ارجعي غاده اللي اعرفها
ضمها على صدره مش عاوزها تشوف دموعه اللي خانته ونزلت وهي كانت زي ماهي جسد بدون روح زي الدميه بيحركها بين ايديه
هيثم من اشد الناس كرهآ للظلم لانه اتأثر بالظلم من الي حصل لفارس من عمامه وانزرعت الصفه دي بنفسه من صغره كره عمام فارس برغم انهم عمرهم ما أأذوه بس لانهم ظلمو فارس
وعيشوه بمعاناه من صغره كرهم من ظلمهم لدرجة انه لما استلم شركات ابوه كان كل مايصحى الصبح يدعي يكون مظلوم ولا يكون ظالم
استغفر وقام عشان يتوضى ويصلي اللي فاته لكن قبل ما يدخل الحمام رجع بص لغاده الي كانت تحرك عيونها بــ ارجاء الغرفه بخوف راحلها وقعد جنبها على السرير
و مسح على شعرها : حبي انا داخل اتوضا عشان الصلاه وهسيب الباب مفتوح
لكن كلامه مازال الخوف اللي جواها ومسكت ايد هيثم دلاله على رفضها
احتار مش عارف يعمل ايه صعب يستمر الوضع كدا ولازم يكلم العامله عشان تيجي تسكن ولو بشكل مؤقت لحد ماتتعافى غاده
اخدها هيثم معاه للحمام واتوضا للصلاه وطلع يصلي وهي وراه زي ظله
خلص من صلاته واخدها معاه للصاله وكلم كاميليا العامله و شرح لها الوضع وطلب منها تيجي تبات معاهم كام يوم لحد ما تتحسن غاده لانه صعب يسيبها لوحدها لو ثواني
كان هو واثق ان كاميليا مش هترفض لانه عارف هي اد ايه حنونه ومستحيل ترفض له طلب وفعلآ ده الي حصل ووعدته انها تجهز نفسها وخلال ساعتين تكون عنده
اخد غاده معاه للمطبخ عشان يحضر لها لقمه تأكلها لانها طول اليوم مااكلتش غير كام ملعقه من الشوربه
وبحكم انه مايعرفش يطبخ اكتفى بأنه يعمل سندويتشات مرتديلا وجبنه ويفرغ لها كاس عصير لكنها رفضت تأكل واكتفت بأنها تشرب ميه وهو عمل زيها لان مش هاين عليه ياكل وهي رافضه الاكل
افتكر سؤال الدكتور له اذا هي بطبيعتها من الاشخاص اللي بيخافو من الظلمه او الحشرات وانه وعد الدكتور يسأل ويرد عليه
لكن احتار مشعارف يسأل مين لانه مش عاوزحد يعرف عن حالة غاده وخطر في باله فارس وانه ممكن يتصرف ويجيب له اجابه عن السؤال بدون مايثير شكوك حد لكنه أأجل اتصاله بفارس لحد ما تيجي كاميليا وتقعد مع غاده لانه مش حابب يكلم فارس وهي تسمع
اخدها معاه للبلكونه اللي كان الجو فيها خيال برغم البروده أأعد على الكرسي وقعد غاده على رجليه ضمها لصدره بايد والايد التانيه حركها علي شعرها ...اتمنى يدفع عمره بس يعيش نفس اللحظه مع غاده وهي متعافيه لانه كان متأكد ان
استسلامها له ورضاها بكل اللي بيعمله نابع من حالة الضعف الي فيها ولانها مش مدركه لاي حاجه حواليها والا لو كانت بوعيها مستحيل تسمح له حتى انه يقرب منها فما بالك بأنه يلمسها او يضمها
ـــــــــــــــ .. غاليه .. ــــــــــــــــــــ
استأذنت مى من منال انها عاوزه غاليه بموضوع خاص واتظاهرت انها هتقوم عشان تسيب لهم المجال لكن مى اتكلمت على طول
مى : لا والله ماتقومي انا هطلع انا وغاليه فوق وانتي خليك مرتاحه
انحرجت غاليه من منال لكنها كانت متلهفه تسمع الشئ الخاص اللي بتقولولها اختها
غاليه بحرج : منال لاتكوني زعلتي ياقلبي
منال : ايه الي يزعلني حبيبتي ولو بتعامليني كــ ضيفه هقوم امشي
مى : خلاص خليك هنا لحد ما نيجيلك (ومسكت ايد غاليه وتقومها) بالاسلوب ده عمرها ماهتحس نفسها ضيفه
منال : ربنا رحمك ان غاليه فيها لكن مصيري انفرد بيك واطلع الكلمه من حباب عيونك
مي سحبت غاليه : كويس نبهتيني عشان ارفض اقابلك الا وغاليه معايا
عرضت عليها غاليه انهم يروحو للصالون لكنها رفضت واتحججت انها عاوزه تتشوف جناح غاليه لانها ولا مره شافته
طلعو للجناح وااعدو
مى بأهتمام حقيقي : غاليه طمنيني عن غاده متعرفيش حاجه عن اخبارها
غاليه بتعجب واندهاش: ليه هي مش بتكلمكم
مى : لا ياغاليه غاده زعلانه من بابا وماما لانهم جوزوها لهيثم بالقوه بس انا ايه ذنبي تقاطعني معاهم
غاليه بصدمه : ازاي جوزوها بالقوه انا سألتها لما كنا فالساحل وقالتلي انها مبسوطه وراضيه ان الجواز و تم بسرعه لانها مقدره ظروف هيثم وانشغاله
مى : كدبت عليك غاده ماتجوزتش هيثم الا بعد ما بابا قطع جسمها من الضرب وحبسها في اوضتها من غير لا اكل ولا شرب
غاليه حست ان كل السعاده اللي كانت فيها اتبعثرت ومابقاش ليها مكان غير الهم : وليه بابا عمل كدا وانتم كنتو فين ليه مارفضتوش؟؟!!
مى دموعها نزلت : يعني متعرفيش ابوكي مقابل الفلوس يبعنا كلنا واظن مش محتاجه اقولك عنه اعتقد انتي اكتر واحده عارفاه كفايه
غاليه والدموع والحرقه خانقتها : الله يسامحك يابابا .. تعرفي حتى انا ماسمعتش صوتها من اخر ليله كنا فيها في الساحل
مى : توقعت انها بتكلمك لانها رافضه تكلمنا لكن طالما حتى انتي ماتتصلش بيك فــ معناها ان هيثم هو اللي مانعها
غاليه : لا هيثم شخص طيب ومايعملهاش وانا امبارح قلت لفارس اني عاوزه اكلمها ووعدني يتصل بهيثم ويجيب لي رقمها منه
مى : ارجوك ياغاليه سلميلي عليها اذا كلمتيها وقوليلها اني بحبها مهما اختلفنا والله ياغاليه ماحسيت بقيمتكم الا لما بعدتو عني (وبدموع حقيقيه) من صغر عقلي كنت بغير منكم لانكم احلى مني
غاليه وهي تضمها :ياعبيطه انتي ومين المجنون اللي قالك ان احنا احلى منك مى ياقلبي كل انسان ميزه ربنا بشئ ممكن يكون الشخص جميل جدا بس مايكونش فيه جاذبيه او تكون
فيه صفات تنفر الناس منه والعكس يكون الشخص مافيش شئ من الجمال ومع كدا بتكون فيه جاذبيه او صفات تحبب كل الناس فيه وانتي يامى حلوه وجذابه ومجنون اللي يقول غير كدا
مى : ايوه كلي بعقلي حلاوه
غاليه : لا والله انا بقول الحقيقه وعشان اكون صادقه معاك اكتر انتي تمتلكي ملامح تسحر بس محتاجه تعملي شويه رجيم عشان تنزلي كام كيلو وبعدها هيكون جسمك خيال
مى تضحك من بين دموعها : ومين قالك اني ما عملتش حولت بس جسمي حالف ماينزلش ولا كيلو لحد ما اتحطمت (وحست بأهتزاز الموبيل) سيبك مني ومن وزني وانزلي لمنال قبل ما تزعل وانا دقايق بس اهدى نفسي واحصلك
غاليه : لا مش هسيبك وانتي كدا
مى وهي بتدعي بنفسها على منال وان ربنا ينقذ اختها من شرها وينقذها هي من تهديد منال ليها قالت: لا يا حبي دي بت مجنونه وممكن تزعل وتمشي انزلي لها ودقيقتين واكون عندكم
غاليه : اوكي حبي بس دقيقتين ولو مانزلتيش حطلع لك ووعديني مااشوف الدموع في عيونك مره تانيه لانها بجد بتعذبني
مى : اوعدك ياقلبي بس الحقي المجنونه قبل ما تزعل
خرجت غاليه من جناحها ومى راحت لشباك غرفة النوم لانه بيطل على البوابه الرئيسيه وشافت العربيه البيضا بس بسبب بعد المسافه ماقدرتش تشوف الشخص اللي فيها مع انها كانت
متأكده انه سمير اتمنت انها متعملش كدا بس عارفه انها لو ما نفذتش سمير هيقول لمنال وساعتها مين ينجدهاا منها لكن بخصوص الصوره عقدت العزم على انها ماتحطها في دولاب غاليه وبتكذب على منال وتقول انها حطتها
&&&&&&&& غاليه&&&&&&&&
كان فارس بعربيته وقرب من البيت وهو طول الوقت يتصل على غاليه موبيلها مشغول لفت انتباهه عربيه بيضه صغيره واقفه عند البوابه وواقف جنبها شاب بيتكلم بالموبيل ويبص
لفوق بس ماقدرش يشوف وشه لانه عاطيه جنبه وقف فارس عربيته يشوف ايه حكايه الشاب ده لكن الشاب واضح انه انتبهله لانه بصله ولف وشه بسرعه وركب عربيته وانطلق
بيها....فارس ماكانش مستوعب اللي حصل بحلق في العربيه اللي اتحركت ورفع عيونه فوق يشوف ده كان بيبص لمين وانصدم لما شاف ضل شخص واقف على شباك غرفة نومه وبسرعه اختفى الضل
راح يجري للبوابه وهو ينادي الحارس عشان يسأله عن صاحب العربيه
الحارس : ايوا ياباشا
فارس : عربيه مين اللي كانت واقفه هنا؟؟!!!
الحارس: والله ماعرفه ياباشا
فارس بعصبيه :وطالما ماتعرفوش ليه سامح له يوقف هنا امال ايه فايدتك
الحارس بخوف : والله يافندم ان سألته وقالي انه منتظر الاستاذ فارس وعرضت عليه ينتظرك في الملحق جوا بس هو رفض وقالي حــ ينتظرك هنا
فارس والغضب ظاهر من عيونه : تاني مره اذا حد قالك انه منتظرني او حتي من طرف فارس او اي زفت تتصل تسألني مش تسيبه واقف يعمل الي عاوزه وانت تكبر دماغك
الحارس وهو مستغرب من معاملة فارس لانه برغم هيبته وصرامته كان بيعاملهم بكل أحترام : امرك ياباشا
فارس حاول يتحكم بأعصابه : بقاله اد ايه واقف هنا
الحارس : انا شوفته لف مرتين من نفس الشارع قبل نص ساعه وبعدها وقف هنا من 10 دقايق تقريبآ
فارس بشده : لو شفته جه مره تانيه هنا تمسكه انت والسواقين وماتخليهوش يتحرك وتتصل بيا فاهم
الحارس : فاهم يافندم فاهم
فارس : دخل العربيه الجراج وبعد مايجي وليد اقفل البوابه
سابه فارس وكمل مشي على رجليه لمدخل البيت وهو بيفكر باالشاب وبضل الشخص اللي كان واقف عند شباك غرفته طلع موبيله من جيبه واتصل بغاليه واستغرب انه رن ومش مشغول كانت غاليه سامعه نغمه الموبيل بس مش لاقياه! قامت تدور علي مصدر الصوت
منال : من شوي شفته جنبك وانتي قاعده ه على الكنبه
رفعت غاليه المخدات الصغيره اللي على الكنبه وشافته تحتها اخدته وردت على طول بدون ماتشوف الرقم
غاليه : الوو
فارس : اطلعيلي عند المدخل (وقفل)
استغربت غاليه من اسلوبه بس على طول طلعت له وشافته واقف عند المدخل
فارس : عندك حد
غاليه : ايوه مى ومنال في الصالون
فارس مش عاوز يشوف حد : هاتي موبيلك وادخلي قوليلهم يدخلوا في الصالون الداخلي او يرحوا للصالون التاني لاني طالع اوضتي
غاليه بخوف : فارس مالك وليه طالع اوضتك مش قلت ان وليد جاي معاك وبعدين مش المفروض تدخل وتسلم عليهم!!!
فارس وهو لحد الان ماسك نفسه ويحارب الشك اللي بدء يكبر جواه : غاليه هاتي موبيلك ونفذي اللي قلت لك عليه وبس!
غاليه برفض : مش قبل ماتقولي مالك فيك ايه؟؟؟
قرب منها ومسك ايدها اللي فيها الموبيل وحرره منها : انا كويس بس طالع اخد لي اوراق مهمه سايبها فوق
سابته غاليه وهي مش مصدقه العذر لكن ماقدامهاش غير تنفذ رغبته وراحت للبنات وطلبت منهم يدخلو للصالون التاني لان فارس طالع فوق
منال تتصنع الاحراج : اوه كسوف مش انتي قلتي جاي معاه صاحبه
غاليه بحرج منهم : لا احراج ولا حاجه فارس ابن عمكم ومش غريب وهو بس طالع فوق عشان ياخد له اوراق مهمه وبعدها ينزل يسلم عليكم
منال وقريب بيكون جوزي : امانه ياغاليه اذا كان مضايق قولي لنا عشان نمشي
غاليه :بطلي هبل تمشي فين خليني اروح اشوفه دقايق وراجعه لكم
سابتهم وراحت لفارس لكنها انصدمت من شكله كان قاعد مكانهم على الكرسي ومنزل راسه وساند على ايد والايد التانيه كان فيها موبيلها اللي شوي وينكسر في ايده من كتر ما هو شاددها بكل قوته عليه
قربت منه وأأعد جنبه وبخوف مسكت ايده : فارس مالك اهلي فيهم حاجه غاده حصلها حاجه
قام فارس بسرعه وهو مش متحمل قربها منه لكنه عاهد نفسه قبل ما يظلمها يسمحلها بفرصه انها تدافع عن نفسها وتثبت براءتها
فارس : تعالي معايا فوق
سابها وطلع للغرفه وهي مشت وراا ه ومش عارفه سبب التغير
دخلت الغرفه وقفلت الباب وهي تترعش وتدعي ربها انه يسلم لها اهلها واختها
غاليه ودموعها بدءت تنزل : فارس لو سمحت اتكلم وقولي فيه ايه؟؟؟
فارس لف عليها : كنتي بتكلمي مين وليه موبيلك كان مشغول طول الوقت
غاليه بأستغراب : ماكلمتش حد اصلآ مامسكتش موبيلي غير لما انت اتصلت بيا وقلتلي تعالي للمدخل
فارس وهو يرفع حاجبه : متأكده ؟
غاليه : ايوه متأكده وليه بتقولها كدا كأنك مش مصدقني
فارس : لا مين قالي اني مش مصدقك .. طيب ماشفتيش رسالتي اللي بعتهالك
غاليه : لا ماشفتهاش بقولك مامسكتش موبيلي الا لما انت اتصلت
فارس : بس اللي واضح عندي ان الرساله مفتوحه معناها انك شفتيها
غاليه : بقولك والله ماشفتها وبعدين فيها ايه الرساله فارس بلاش تخوفني وقولي مالك
فارس :فيا اني مت وانا عمال ارن عليك وموبيلك مشغول وحتى لما اتصلت على البيت وسالتك ليه موبيلك مشغول طنشتيني وقلتي انك مشغوله ومش فاضيه سؤالي ليك عاوز اعرف مين الشخص اللي كنتي بتكلميه طول الوقت
غاليه بصدمه : والله العظيم ماكلمت حد وماكنتش مركزه وانت بتكلمني على الارضي لان مى كانت لسه داخله وبستقبلها عشان كدا قلت لك اني مشغوله
فارس قرب منها وحط الفون قدام عيونها : ومين ده اللي مسمياه حبيب عمري وكان موبيلك طول الوقت مشغوله معاه
غاليه وهي مش مصدقه اللي بتشوفه ولا اللي بتسمعه
فارس لما شافها ماردتش فتح على الرسايل المرسله وحطها قدامها عشان تقراءها : تعرفي تقري ولا اقرها لك ؟
قرت غاليه الرسايل اللي كان فتحها فارس قدامها سوا المرسله او المستلمه وفتح قدامها السجل عشان تشوف مدة المكالمات
وهي الصدمه شلت عقلها وعجزتها عن النطق
فارس بصوت مهزوز وبمراره : ودي رسالة الغبي فارس اللي عاوزه تغفليه
أحبك وأعشقك وأخاف أن تقسيك الدنيا وتبعدك وتنسيك. كل شئ أنساه إلا حبك، ومن عَمري ينتهي كلّ شيء ويبقى حبك.
قرتها غاليه بعيون غرقانه بالدموع ومشت بكل هدوء للحمام دخلته وسابت الباب مفتوح واتوضت وضوئها للصلاه وفارس شافها خرجت واخدت جلباب الصلاه واتحجبت بيه
فارس بصرخه : كفاااايه تمثيل ياغاليه كفاااايه