رواية غاليه
✿ بقلم منه محمد ✿
الفصل الرابع والعشرون
عند هيثم بعد ما غاده خرجت من المشفي وقدرت تتعافي بسيط لكن استمر الحال بينها وبينه لمرحله سد منيع غاده رافضه تتقبله في حياتها
هيثم خبط الباب مسحوب معاها نبره رجاء :غاده افتحي البااب انا لازم اكلمك ...
غاده بصوت مبحوح : خلاص انت عملت فيا كل الي عاوزه عاوز مني ايه تاني... كفايه اهااااانتك ليا كفااايه ..
هيثم اتنهد : غاده افتحي الباب عاوز اتكلم معاك مجرد كلام و اذا ما عجبكيش مش لازم يتنفذ
فتحت غاده الباب وعيونها منتفخة من كتر البكاء : افندم عاوز مني ايه؟
هيثم بحنان: كل خير حبيت اطمن عليك
غاده: لا اطمن انا موجوده معاك بس عايشه لوحدي في العتمه
هيثم: غلطانه يا غاده انا الي عايش من غيرك جوه العتمه انا الي من غير وجودك بدئت اخاف
غاده بكت بقوه: منا اهو لسه في العتمه
هيثم: حتي لو عاوز افضل معاك فيها ويبقي ده اقل عقاب ليا لخسرتك
غاده بزعيق: جرب الخساره عشان تعرف تحافظ علي المكسب ده لو بقي فيه مكسب
هيثم بحزن: حتي لو قولتلك تجربه شعور خسرتك مرعب بالنسبه لي
غاده: ما انت خسرتني لما كسرتني هتخسر ايه تاني؟؟!!!
هيثم بدموع:وانا كل ما بحس الاحاسس ده اغضب من نفسي صدقيني لو كنت اقدر أأذي الناس الي خلتني اعمل فيك كدا مش هتردد ثانيه وقرب منها
غاده بصريخ: اوعي تقرب فاهم
هيثم رجع كام خطوه لوري : حاضر لاني عارف ان عندك حق وان كان عليا مجرد اني افضل معاك حتي لو هنفضل في حاله صمت كفايه
غاده: ممكن تقولي انت ليه اتجوزتني من البدايه
هيثم ابتسم بحزن: لسبب بسيط اظن كل الناس بتتجوز
غاده بحده: اه بس مش الناس بتعذب الناس زي ما انت عملت
هيثم رد بانكسار : غاده انا اسف على كل حاجه عملتهالك مرراا ااسف و بعتذر من هنا لحد نهاية الكون و انا هفضل اقول اسف بس طالب منك تسمحيني !!
غاده حاولت تقف قصاده تداري ضعفها : طيب ممكن اعرف سبب كرهك ليا من بداية الجواز مع ان ما كانش فيه علاقه بيني و بينك ؟
هيثم : غاده صدقيني مش من مصلحتك انك تعرفي والله ما من مصلحتك
غاده بصرااخ من الحقد والغضب: الاول قبل ما تطلب مني السماح تعرفني ايه هو الذنب الي ارتكبته في حقك
هيثم جاهد يهديها : خلاص ارجوكي اهدي
غاده بكت بنحيب: انا عايزه اموت فاهم عايزه اموت
هيثم بكا لدموعها: بس انا مش عاوزك تموتي غاده انا اهون عندي تعيشي وتكرهيني علي انك تموتي وتسبيني
وكمل بنبره كلها ندم: عارف اني جرحتك وغلطت بحقك بس خلينا ننسي الي فات ونكمل حياتنا مسك ايدها)غاده انا والله بحبك وندمان محتاج تسامحيني عشان احس براحه انا تعبان ومحتاجلك والله ياغاده محتاجلك
غاده الدموع اتجمعت في عينها بس كبريائها منعها تنزل:انت كسرتني وانت مش محتاجلي
هيثم نطق بحزن ودمعته بسرعه نزلت:ارجوكي سامحيني وخليني اصلح الي كسرته
غاده مسكت تمثال على التربيزه : زي التحفه دي ورمتها بالارض وانكسرت !!
وبدموع: تقدرتصلح التحفه دي اكيد لا وحتى لو صلحتها هتكون مشوهه وانا حتى لو رجعت لك مستحيل اكون زي الاول لانك جرحتني وياريت
تطلقني خلاص الي بينا انتهى ولو ماطلقتنيش بمزاجك هرفع عليك قضيه وبتطلقني غصب عنك
وقامت راحت لغرفتها وفضلت تبكي
هيثم اتنهد بقهر لان كلامها اخترق صميم قلبه قام غسل وشه وقام يغير ويخرج
_____________غاليه__________
.....................غاليه.........
الجد بنفعال وذله لسان: افهم لان غاليه مش بنت ابراهيم دي بنتي انا !!!!!!!
فارس بصله بدهشة : مش فاهم
الجد: سكت
فارس: ريحني وقولي تقصد ايه بكلامك؟
الجد : ساكت
فارس:طيب احكيلي الي معرفوش
الجد مازال ساكت
فارس قرب منه وبعصبيه وصوت عالي:سكوتك بيقول انها
الجد قطعه بكامل عصبيته: اخرس غاليه امها اشرف ست في الدنيا
فارس ضحك بسخريه لاذعه: قصدك امها جيهان اشرف ست
الجد بصله: غاليه امها مش جيهان
فارس بصدمه: امال غاليه امها مين؟؟؟؟؟؟!!!!!!
الجد: ساكت
فارس برجاء: ابوس ايدك اتكلم
الجد بصله: امها كانت بنت فقيره مالهاش حد غير امها المريضه عرفتها لما رجعت بعد موت جدتك من المانيا طلبت من السواق يشوفلي واحده بنت حلال تاخد بالها مني وتخدمني جابلي رحمه وكانت فعلا
رحمه بنت حلال طلبت منها تدير امور البيت وكانت بسم الله ماشاء الله ادب واخلاق وجمال ولما طلبت منها تيجي تعيش في الملحق هي وامها واتكفل بيهم رفضت لانها حستها شفقه وفضلت كل شويه تروح
تطل علي امها لحد ما في يوم امها ماتت وجات عاشت معايا في الملحق بعد عذاب وفي يوم دخلت عليا منهاره لما مفحومه ولما سألتها فيه ايه قالت لي
انها كانت راجعه من فرح واحده صحبتها وطلع عليها شيطان رجيم مسكها من ظهرها وخدرها وجرجرها للمزارع واعتدي عليها ومتعرفش هو مين
فارس ضحك بستهزاء: وانت صدقتها
الجد بنرفزه: ايوه صدقتها البنت دي عاشت معايا وعرفت اخلاقها كويس وبعد شهرين اكتشفت انها حامل جات وقالت لي هتجهضه بس انا خفت عليها
لانها صغيره وضعيفه .....وغير كدا حرام ....جيهان مرات عمك كانت حامل بعدها علي طول فكرت استرها لانها شابه لسه في اول عمرها وحرام تتبهدل بالعيل الي هتولده وهيبقي في نظر الناس ابن حرام مجهول .....
فارس بدهشه : انا مش فاهم حاجه
الجد: انا مقدر عدم استيعابك بس هتفهم لما اكملك
فارس بصله منتظر يكمل ويحكيله الي ميعرفوش!!!
الجد بغصه ومراره: الشيطان ده يبقي ابني
فارس عيونه وسعت وطلعت من محجرها: عمي ابراهيم..!!!!!
الجد بمراره: ابراهيم هو الي اعتدي عليها لانه ندل وخسيس وجه هنا واعترفلي لما قلت اني هتجوزها علي الورق واكتب العيل الي هتولده بأسمي وقتها هاجمني بجنون وانا عارف عمامك مكنوش هسيبوها
في حالها المهم بعد يومين لقيته جاي يعترف لي انه بيحبها وعمل كدا من الشيطان واترجاني استره ومخربش بيته سكت كنت ممكن ابلغ عنه لكن فكرت فيها اني مش هدمره هو لوحده لا هدمر ولاده وكمان
بدل ما هحمي رحمه وابنها لقتني حدمر الكل سكت لانه وعدني اول ما تولد يتجوزها في السر ويكتب العيل بأسمه وبعديها اخدها واسافر المانيا تعيش حياتها وبنتها متبقاش مجهوله
فارس: وايه الي قلب الحال
الجد رغرغت عيونه بالدموع: يوم الولاده رحمه ماتت بعد ماولدت غاليه بساعات بسبب مضاعفات جاني عمك هنا واتفق معايا علي خطه تانيه و اننا نكتب البنت بأسمه من غير شوشره وفضايح وبيته يتخرب
فارس: وايه هي الخطه
الجد: دخلنا فيها جيهان بالعربي اشترتها بالفلوس لانها كانت حامل وقربت تولد ونقول وقتها للبلد انها ولدت تؤام ولانها بتعشق القرش وافقت تكتب البنت باسمها من غير ما تعرف الحقيقه ان غاليه بنت
ابراهيم من رحمه وبعدها بأيام ولدت جيهان اخدوه غاليه وسجلوها وعاشت معاهم علي انها تؤام غاده في وجودي عملوها اميره لكن في غيابي عملوها علي
انها خدامه او اقل وكأنهم بينتقموه مني فيها لانهم عارفين اني بحبها اكتر منهم وانها حته مني
فارس: وليه خبيت عن غاليه الحقيقه؟؟!!
الجد بلع ريقه: لان ساعات الحقيقه بتبقي قاتله يابني
فارس بذهول: مش قادر اصدق الي بتقوله ده ده كابوس ..(مسح شعره بعنف كذا مره بجنون)الكلام ده كدب ده جنان
الجد بعصبيه: فارس انتبه لكلامك
فارس: جدي انا مش قصدي بسـ
الجد قطعه: انا مقدر عدم استيعابك لكن ده ميدكش الحق تكلمني بالشكل ده ولو كنت كدبت فكدبت عشان احميها من العالم الحقير الظالم
فارس بنفعال : بس علي الاقل كانت لازم تعرف
الجد بنهيار: مفكر انها سهله اقولهاان ابوكي اغتصب امك ...سهله اقولها انتي بنت زنا
فارس: لا الله الا الله وسهله تزور في أوراق رسميه
الجد بكا بضعف نزل راسه بحزن : مقدرتش يابني مقدرتش ولاقدرت اقولها حقيقتها واخليها تعيش مجهوله وسط عالم ما بيرحمش (وبكا) مقدرتش اعمل كدا مقدرتش!!
فارس خف نبره صوته: وحد تاني عارف ان غاليه مش بنت جيهان ؟؟!!
الجد : لا محدش يعرف حاجه غيرنا و عمتك سندس وده اتفاق تم بيني وبينهم!!!!
فارس ضرب ايده ببعض بقهر : ولحد امتي كنت ناوي تخفي الحقيقه دي عن غاليه
الجد: افهم يابني انا خبيت عشان احميها وانا عارف لو حكيت لغاليه هتفهم وتقدر غاليه عاقله وواعيه
فارس اخد نفس عميق. :بس انت غلطت لما خبيت
الجد بندم :مظبوط انا غلطت في حقها غلطت غلطه كبيره كان لازم غاليه تعرف بس خلاص انت عرفت كل حاجه
الجد كأن حاجه كتمت علي انفاسه : وهحاول اصلح الوضع حقول الحقيقه يابني هحاول اصلح الاخطاء وامحي كل الذنوب وربنا يسامحني علي الذنب الكبير الي ارتكبته
فارس لما شاف حاله جده الي سائت وعيونه الي اتملت دموع بالقهر والمرارة محبش يزودها عليه كفايه الندم الي هو فيه...راحله ضمه بقوة محتاج يخفف عليه النار اللي مشعلله جوفه: خلاص ياجدي خلاص متشيلش هم فوق طاقتك
.......غاليه.........
رجعت رمت نفسها على السرير بتفكر هتفضل لغايه امتي عايشه مستسلمه لقدرها المحتوم ... هي مااخطأتش في حاجة غير انها مش عارف هو ايه ذنبها في العايله دي قامت وواتوضت وصلت صلاتها بكل خشوع وناجت ربها يفك كربها الشديد وهي
بتناجي المولي بقلب خاشع ودعاء متكرر بألحاح: يارب خد لي حقي من اللي ظلموني بعد ما خلصت ظبطت نفسها ودارت دموعها وكتمت وجعها ونزلت لتحت لكن سمعت الي ميقدرش بشر يتحمله
قربت غاليه ودقات قلبها تعلي وتعلي وخايفه من الي ممكن تسمعه وقفت مصدومه
واتنفست بصعوبه الصدمه سكتتها ومن غير شعور بدئت دموعها تنزل زي المطر اه ياما اتحملت وكانت زي الجبل ما يهزه ريح لكن الجبل اتهز ومره واحده الدنيا اسودت قدام عيونها و اتهاوى جسمها علي الارض!!!
الاتنين التفتوا عليها في نفس الوقت وباختلاف النظرات
صرخ الجد :غاااااليه
فارس جري عليها بسرعة جنونية ونخ علي ركبه ورفع غاليه وضربها على خدها:غاليه غاليه فوقي
الجد بصوت ينتحب لانه مش قادر يطلعلها: هاتلي بنتي هنا يافارس
فارس قام وهو شايلها ونزل بيها جري علي السلم ودخلها اول غرفه
وبص في وشها المصفر وشفايفها اللي خف احمرارها و مال للون الأبيض ... ودمعة على رموشها الكثيفة
الجد حرك الكرسي ودخل وراه وقرب واخد دماغها في حضنه :حبيبتي قومي وانا هفهمك وتعرفي انا ليه عملت كدا!!!!
فارس جاب منديل ورش عليه برفان وشممهولها : غاليه قومي ماتخوفينيش عليك
غاليه فجأة اتحركت زي التايهه فتحت عيونها بالبطيئ
فتحت عيونها وبصتلهم
فارس اخد نفس واتنهد :الحمد الله فاقت
الجد وعيونه كلها دموع:غاليه حبيبتي
غاليه بصتله وهي ترتعش وبصوت ضعيف : نعم
الجد بكا: ياروح جدك انت سامحيني يا بنتي بس انا عملت كدا غصب عني والله غصب عني
غاليه اكتفت تحرك دماغها واتجمعت الدموع جوه عيونها مشعارفه هل لانها اكتشفت السر ولا عشان مطلعتش بنت الست الي قلبها اتنزع منه الرحمه ولا عشان فارس قرر يطلقها مش عارفه توصف حالتها في اللحظه دي
الجد: غاليه اعملي اي حاجه يابنتي صرخي اغضبني اضربيني حتي
غاليه : جدي انت بتقول ايه
الجد مسك وشها بين كفوفه بحنان الابوه : انا السبب يا بنتي انا السبب
غاليه أنهارت منها دموع عميقة دموع سَاخنة : لا ياجدي متقولش كدا ده عشان ربنا بيحبني ابتلاني وحب يختبر قوه صبري وتحملي
الجد مسح دموعها الي سقطت علي ايده : اه يا غاليه ياريت كل الناس عندهم قلب زي قلبك(وبكا بضعف) سامحيني يابنتي
غاليه بصتله وضمته وعيطت: مسمحاك لانك اكتر واحد اتحملت عشاني كتير ومسمحاك لاني محظوظه اني اتربيت في حضن جد عظيم زيك علمني العفو
عند المقدره وبحمد ربنا انك كل يوم كنت في حياتي الي لو انا فيها من غيرك مسواش حاجه وارتحت لما فهمت ليه جيهان كانت بتعاملني كدا ..!!!!!!!
الجد زود الضمه وبكى معاها: وانا مبسوط ان ربنا رزقني بيك وبقي عندي اجمل واعقل بنت في الدنيا والحمد لله انك مش بنت الست دي يا اصيله يا بنت الاصيله
غاليه قربت وحطت راسها على كتفه وااعدت تبكي
الجد مسح على ظهر ها وهي فضلت تبكي بكل الالم الي جواها
فارس واقف يبصلها بسبب قوتها الغريبه معقول لا ثارت ولا غضبت معقوله تضحي بنفسها لاجل سعاده الاخرين معقوله فيه انسانه بكل الطيبه والتسامح ده كله
بس مش جديد عليها دايما تسامح لان مافيش في قاموسها شئ اسمه كره وربنا نزعه من قلبها هي بكل طيبتها عطته دروس كتير متعلمهاش في مدارس الدنيا
غاليه هي الشجرة الي لا يمكن تحجب ظلها حتى عن الحطاب.
....................
بعد ما تم القبض علي منال ومي وشمعه الشقه بالشمع الاحمر قاعده في ركن تبكي ندم وحسره وفي ايديها الكلبشات لحد ما فاقت والعسكري بيسحبها لغرفه التحقيق
دخلت علي نادر كأنها بقايا .. وشها أصفــر ... عينها مش قادره تفتحهم من كتر العياط وملامحها كأنها ميته ..
نادر بصلها وطلبها تقعد
نادر: انتم شبكه وانتي الزعيمه
مي بنفعال للموقف: ايه لا والله انا مش كدا
نادربسخريه: امال كنتي رايحه هناك تعملي ايه ولا هتقوليلي كان غصب عني زي المره الي فاتت
مي: ده فعلا الي حصل بس انا كنت رايحه عشان اصلح جريمتك بحقي ياحضره الظابط كنت رايحه اعمل عمليه ترقيع عشان اقدر اكمل حياتي
نادربذدراء: جريمتي انا الي حفظت عليك الليله اياها انا مالمستكيش انا بعدت عنك الوحوش الي كانوا هناك
مي بنهيار من الصدمه: يعني ايه لما انت شريف ونضيف ليه كنت هناك وليه وهمتني انك هتلمسني
نادر خبط علي سطح المكتب بنفعال: لان كنت هناك زيك بالظبط اتخدعت واتفجأت بيكم طابين علينا وعشان احميكي مثلت اني زيهم ولسوء بختك دي اولي قضيه ليا بعد التخرج
وشوفي عشان اكون معاك دوغري هتقوليلي الحقيقه هعتبرك شاهد في القضيه هتروغي وتكدبي هوديكي وري الشمس اما لو طلعتي زي ما بتقولي عذراء ده هيسهل الدفاع عنك
مي غمضت عيونها بألم وبغصة : حاضر هقول كل حاجه
نادر ضرب الجرس وطلب من كاتب النيابه يدخل ويفتح التحقيق!!
نادر طلع سيجاره وحطها بين شفايفه: اسمك وسنك وعنوانك
مي نطقت بالعافيه والدمعه متحجره جوه عيونها
نادر حنن نبره صوته كفايه عليها تأنيب الضمير اللي قاتلها
حكت كل حاجه وازاي دمرت اخواتها الثلاثه واهو ربنا بيعاقبها اشد العقاب حتي لو طلعت براءه سجن الشارع والمجتمع ونظراته كفيله تنزل تجلدها زي الكرباج
شويه ودخلت منال بكل قوه وبصتله بكل صرامه وكأنها هتلتهمه رغم ان كل جزء فيها بيتفض ازاي هتواجهه الفضيحه ازاي حتقدر تواجهه اهلها والمجتمع
نادر اتجاهل النظره وبدء بالسؤال: اسمك وسنك وكنتي بتعملي ايه في شقه الدعاره
منال: اسمع يا بشا انا بنت محترمه جدا
نادر بستهزاء من بجاحتها لانه بنفسه شافها طالعه مع ياسر: ممكن تهدي نفسك وكل ما هتبقي صريحه معايا انا حطلع معاك جدع اوي
منال بنرفزه: اهدي نفسي ازاي بعد كل الي حصل فينا؟؟
نادر: جري ايه يابت انتي هتعملي عليا شريفه انطقي كنتي بتعملي ايه في المخروبه
وقبل ما تردي بلاش مراوغه لاني ممكن استخدم معاك اسَاليب تانيه متحبهاش انا جايلك بالذوق ..كنتي في الشقه بتعملي ايه؟؟!!
منال: حكون بعمل ايه روحت مع بنت عمي عشان نقابل دكتوره تعملها عمليه
نادر: اممم عمليه ومكنتيش تعرفي ان الشقه الي فيها الدكتوره انها شقه بتدار للدعاره
منال: دعاره والله ده حرام ظلم
نادر : انتي جاوبي علي اد السؤال
منال: انا قولتلك ايه السبب
نادر: طيب وازايز الخمره والحشيش ده غير الشباب الي كانوا معاكم
منال: معرفش عنهم اي حاجه؟؟
نادر: مين الي عرفك علي الشقه؟؟
منال: سحر صحبتي منها لله والله العظيم يا بيه انا اول مره ادخل الشقه دي حتي هاتو سحر واسألوها
نادرضم شفايفه لجوه وهز دماغه : للاسف سحر سافرت علي برا وحتي لو موجوده مفيش شئ يدينها بالمره ...ده غير فيه اعتراف من واحد منهم انك كنتي صحبته وكان ليك مرتب شهري منه
منال بغضب: كداب والله العظيم كداب
نادر: اخرسي بقي احنا يابت مَر علينا من عينتك دي كتير تعالي امضي علي اقوالك(وضرب الجرس دخل العسكري) خد الزباله دي عندك لحد ما اطلبها وبص لمنال يله غوري في داهيه لحد ما تتعرضي علي الطب الشرعي
دخلت منال للحبس لقت مي قاعده بتعيط بحرقه قعدت جنبها
منال الكره لوحه في عيونها: اهي زفته اختك سبب كل المصايب الي احنا فيها
مي: غاليه دي افضل مني ومنك
منال بتريقه:ايوه وعشان نضيفه اختها الوسخه قدمتهالي بكل سهوله
مي:مكنتش تعرف ان ليها اخت بكل القذاره والسودويه دي
منال: نخرج بس من هنا وانا هطربق الدنيا فوق نفوخها
مي: نخرج ماكفايه بقي كفايه الي عملناه
منال بملامح جامده: عملنا ايه
مي بكت بحرقه: عملنا فيها جريمه يتكسف منها الشيطان
منال: و مين الي ساعدني وانا بخطط مع الشيطان مش انتي برضو
مي بندم: ايوه ساعدتك لكن لسه ربنا فكرني وطلعت بنت بنوت ونادر ملمسنيش حماني منهم اااه يارب
منال بصتلها ومره واحده وقفت وجسمها كله انتفض: ازاي بنت ازاي وانا اعمل ايه اعمل ايه ده انا عملت المستحيل عشان اتجوز فارس لا مستحيل تكوني عذراء
مي ضربتها في صدرها: ماكفايه بقي كفايه انتي الي حطيتي عينك علي حاجه مش ليك انتي انسانه مليانه شر كفااايه
منال بغضب لفت عليها ومسكت دماغها في قلب الدكه الموجوده :انا شريره يااا بنت الكللللب انتي مش هتلحقي تخرجي من هنا
مسكت دماغها وفضلت تهبد فيها بقـوه لدرجه إن الدم انتاثر حتي علي الجدران
مي بتعافر للحياه صـرخت بقــوه و صوتها راح :خلااااااص كفااايه
منال فضلت تضربها لحد ماسمعتها بـ تتنفس بصعوبة
منال بهستريا:مي قومي مي
المساجين وقفوا كلهم مصدوميـن وحصل حاله هرج ومرج دخل نادر لقي مي مرميه والدم مغطي كل وشها وبتلفظ انفاسها الاخيره نادر واقف يبصلها مصدوم
نادر:مين الي عمل فيها كدا
بص شاف منال كل ايديها ماليانه دم
وصرخ:اتصلو بالاسعاف بسرعه
العسكري:امرك يبشا وراح يتصل بالاسعاف
نادر نزل لمستوى مي ورفع راسها
مي بالم وصوت متقطع :ااااه
نادر: خلاص متتكلميش وحط ايده وراه راسها علشان يشيلها شاف دم من راسها
سجينه بخوف :يبشا مترفعهاش احنا مانعرفش حجم الالم والضربات اللي فيها
نادر:مي اتمسكي حالا حنوديك المستشفي
مي بصتله ونزلت دموعها :انا خلاص بموت
نادر:لالالا ما تقوليش كدا
بس هي شاورتله واتكلمت بصعوبه: روح لفااارس قوله الحقيقه وخالي غاليه وغاده وكريم يسمحوني وشويه ووصلو الاسعاف
لكن مي كانت غمضت عيونها للابد في لحظه انتهى كل شئ خلاص لا مي ولا عارها اما منال واقفه ايدها كلها دم مقدرتش تقف ووقعت على الارض!!!!!!!!!!
الخبر كان زي النار في الهشيم البنات دخلوا في حاله بكاء هستيري والشباب حاولوا يهدوه نفسهم ويتماسكوا عشان جدهم الي قرب يلفظ انفاسه!!! وطلعوا علي المشفي