الفصل الثالث
احمد... مراد دا مهما كان عمك وطبيعى كان هيجيله يوم وينزل نهائى
مراد.. ايوه بس عياله لا يمكن يطاقوا
الجد... مراد راعى انك بتتكلم عن عمك وعياله يعنى احفادى زيكم بالظبط
مراد... اسف ياجدى مش قاصدى بس انت عارف تربيتهم يعنى
الجد ... خلاص قفل ع الموضوع دا
وينتهى اليوم #مروه السيد
فى الصباح يذهب مراد وفرح وندى فى عربيه مراد للاسكندريه بعد ما اتفقوا مع مراد أنه يوصلهم لحازم
حازم بيتكلم فى التليفون ..ازاى بس تسيبها تيجى لحد هنا انا كنت عايزها تعترف بحبها بس مش تسافر لوحدها
جده عبد الرحيم ...يا حازم هى مش لوحدها معاها مراد وندى واكيد عملت كدا عشان
تعترف ليك انت والكلام دا مش هينفع تقوله فى التليفون وهما قالوا إنها رحله بس انا حسيت أن دى خطه عشان تجيلك انا بلغتك
عشان يبقى عندك علم لو جاتلك. واعمل حسابك أن عمك وعياله هيوصلوا النهارده يعنى لازم ترجعوا كلكم النهارده عشان تسلموا عليهم
حازم .... يييييي جايين ليه إجازتهم لسه بدرى عليها #مروه السيد
الجد... ايه الكلام دا يا حازم مهما كان دا عمك مينفعش تقول كدا
حازم.. اسف ياجدى بس شاهيناز وماهر طبعهم وحش جدا ولبسهم كمان بيخلى الناس تتكلم عليهم
عبد الرحيم.. خلاص مش وقت الكلام دا يلا سلام دالوقت
حازم.. سلام
عند عبد الرحيم
سعاد.. ايه دا ياعمى معقول مراد والبنات مش فى رحله تبع الكليه ازاى يكدبوا علينا اول مره يعملوا كدا
الجد... انا عارف كل حاجه ومظبط كمان مع حازم واه على فكره حازم كان مسافر لشغل وراجع تانى مفيش فروع للشركه هتتفتح كانت خطه عشان فرح بتحبه وبتعاند
سهير ...هههههههه حازم مطلعش سهل خالص مش هيستسلم لرفض فرح
سعاد ... بيحبها ومتربيه قدام عينه متزعليش منى ياسهير على كلامى امبارح
سهير.. انتى اختى مش سلفتى ومفيش زعل بين الاخوات
عبد الرحيم ... هما دول مرتات ولادى اللى اعرفهم يلا شوفوا الاكل قبل ما يوصل اسماعيل
سعاد وسهير مع بعض .... حاضر ياجدى ربنا يعدى اليومين اللى جايينهم على خير
عبد الرحيم ... اسماعيل كويس بس تفكيره اللى غلط من صغره وعياله اتربوا بره عشان كدا عيشتهم مختلفه يلا شوفوا اللى وراكوا
سعاد وسهير ..حاضر ياعمى
عند مراد وصلوا قدام الفندق اللى فيه حازم مراد .. هو دا الفندق اللى فيه حازم هنعمل ايه بقا #مروه السيد
ندى ...ولا حاجه فرح انزلى اعملى اللى اتفقنا عليه ولما تخلصى رنى عليا هنجيلك
فرح... انتى هتسبينى لوحدى
مراد ...متخافيش مش هياكلك
فرح ..بس يارخم انت وبجد بقا تعالو معايا
ندى ...لا هتفسح انا ومراد على ماتخلصى يلا انزلى بقا تدخل فرح الفندق وهى متردده وتسأل على حازم وتلاقيه فى المطعم بعد مابتشوفه بتلف عشان تمشى شافها حازم وقام لها
حازم... فرح بتعمل ايه هنا
فرح ...بتفكر هتقوله ايه وازاى تعترف بحبها
حازم ..فرح بكلمك
فرح..هه معلش سرحت شويه طيب هنتكلم واحنا واقفين كدا
حازم... لا طبعا تعالى ويقعدوا مع بعض ها فطرتى ولا لسه
فرح... لا لسه ممكن نفطر سوا
حازم ... طبعا تاكلى ايه
فرح... اللى هتاكله
حازم ... تمام ويطلبو الاكل
حازم... ها بقا مش هتقولى جيتى ليه وازاى
فرح.. انت فعلا طفشت منى
حازم... طفشت ويضحك
فرح... بتضحك عليا ايوه هما قالوا ليا انك مشيت بسببى وأنك كمان هتقعد هنا على طول
حازم.. ودا يخليكى تيجى هنا لوحدك
فرح ... اولا انا مش لوحدى مراد وصلنى لحد هنا واخد ندى وراحوا يتفسحوا ثانيا بقا ودا الأهم طنط سعاد زعلانه اوى عشانك وزعلت منى جامد لما عرفت اللى حصل
حازم ... وهو ايه اللى حصل
فرح... حازم ماتستهبلش انت عارف كويس انا قاصدى ايه
حازم.... انتى بتشتمى كمان
فرح.... بخوف انا اسفه مش قاصدى
حازم.... فرح انتى بتخافى منى ؟جاوبى بصراحه ومتخافيش
فرح ساكته
حازم.. يبقى بتخافى صح بتبص له وساكته
طيب ليه يافرح كدا. انا بغير عليكى عشان كدا بتعصب لمابشوف حد بيكلمك ولما بقرب من الشخص اللى بيحاول يكلمك أو يعاكسك بلاقيكى بدافعى عنه بتعصب لأن بتحسسينى انك فرحانه بكدا
فرح ... لا والله مش بكون فرحانه بس مش بحب المشاكل وبخاف عليك لما بتتخانق مع حد
حازم... بتخافى عليا يبقى بتحبينى صح اعترفى بسرعه #مروه السيد
فرح... تبتسم بس ومش بترد
حازم.. ايه اعتبر الابتسامه دى موافقه
فرح ...اه بحبك وتسيبه وتمشى حازم يمسكها رايحه.. فين هتصل بندى عشان يرجعوا ياخدونى اتفسح معاهم قبل ما نرجع المنصوره
حازم... وانا هوا يعنى انا هفسحك بس لما نشوف الكروته اللى حصلت دى
فرح ...كروته ايه انا عايزه اتفسح هتفسحنى ولا اتصل بمراد
حازم... ماشى ماشى هعديها لما نشوف اخرتها ايه معاكى يلا بينا هخليكى تقضى يوم عمره مايتنسى بس بشرط تقولى بحبك كدا تانى
فرح...امممم مبحبش شروط انا مش من اولها مش كفايه انى قبلت اتجوزك يا استاذ
حازم... وجايه على نفسك ليه كدا يلا عشان نلحق يومنا من أوله لأن لازم نرجع النهارده عشان عمك وبعد كدا نشوف الكلام دا
فرح.... يووووووه مش بحبهم واللى اسمه ماهر دا كمان بعد آخر مره
حازم.... ماهر
الفصل الرابع
بقلم مروه السيد
حازم .. ماهر عمل ايه اخر مره قوليلى بدل ما اموته
فرح... مش هتبطل تتحول بسرعه وتخوفنى منك حازم لو سمحت بلاش تهور خليك هادى شويه بقا
حازم... انا مقدرش اخوفك لما سمعت انك بتخافى منى قلبى وجعنى
فرح... سمعت منين اكيد ندى ما انا مقولتش لحد غيرها ماشى لما اشوفها
حازم... لا مش ندى صدقينى حد تانى سمعكم وانتم بتتكلموا وقالى #مروه السيد
فرح.. مين اللى سمعنا
حازم .. مش مهم دالوقت المهم استنى هنا 5 دقائق مش هتاخر هجيب حاجتى من الاوضه واقفل حسابى فى الفندق ونمشى على طول ولينا كلام فى موضوع ماهر عشان حاسس انك مخبيه حاجه
فرح تمام
فرح تتصل بندى ندوش حبيبتى بحبك اوى
ندى ....امممم ندوش وبحبك انتى قاصدك بتحبى اخويا صح كدا شكل الامور تمام صح
فرح ... طبعا بحب اخوكى وبحبك برضو يعنى والامور تمام جدا بيقفل حسابه فى الفندق عشان هنتفسح وبعد كدا نقابلكم ونرجع كلنا سوا
ندى ... ايوااا بقا هو دا الكلام عقبااااالى بقا
فرح ... انتى بتقولى كدا ومراد جمبك
ندى.. لا طبعابيجيب حلابسه
فرح .. قولتيلى عشان كدا قلبك جامد يلا هقفل بقا عشان حازم جاى باى
ندى ... ماشى ياعم الله يسهلو باى
عند عبد الرحيم
عبد الرحيم ..هى منال اخدت عيالها ورجعت بيتها برضو
احمد ..ايوه يابابا انت عارف مابتكلمش اسماعيل ورافضه تجتمع معاه نهائى
عبد الرحيم يعنى جوزها مسافر هتقعد لوحدها ازاى بس
امجد .. معاها عيالها يابابا مش لوحدها
سعاد ... بس عيالها صغيرين لسه
سهير .. اكيد هنروح لها على طول مش هنسيبها لوحدها
عبد الرحيم ..لازم تتكلموا معاها وانا هكلم اسماعيل يروح يصالحها بس يعدى النهارده على خير قلقان من رجوعهم المفاجئ دا
الجرس يرن
سعاد .. شكلهم وصلوا يروحوا كلهم يستقبلوا اسماعيل عند فرح وحازم
كنت بتكلم مين
حازم.. دى ماما بتقولى أن عمى وصل وبتسلم عليكى
فرح.. ازاى محدش يعرف
حازم يقاطعها .. جدى كان حاسس وقالهم عشان كدا وافق ها مش هنتغدى بقا انا جوعت اوى #مروه السيد
فرح... جدو حبيبى اللى بيفهمنا دايما دا يلا نأكل انا كمان جوعت اوى
يعدى اليوم وياتى الليل عليهم يوصلوا كلهم اسكندريه اول ما يدخلوا الفيلا يقابلهم ماهر
ماهر ( رابعه سياحه وفنادق عنده 26 سنه فاشل فى دراسته دخل الكليه واسطه ولد طايش وعايش حياته سهر وخروج وبس ) ... اهلا اهلا بنت عمى الجميله فرح وحشتينا
حازم...ماااااهر مفيش غير فرح ولا ايه
ماهر... معلش يا حازم ما اخدش بالى أصل فرح دايما بتخطف الأنظار
حازم.... لا خد بالك ومالكش دعوه بفرح تانى واه بالمناسبه هتحضروا الخطوبه ولا الاجازه قصيره
اسماعيل ...لا الاجازه دائمه مش هنرجع تانى هنحضر بس خطوبه مين لاول
عبد الرحيم.. خطوبه فرح وحازم الاسبوع الجاى
فرح..... امتى انا هلحق اجهز نفسى فى المده القصيره دى
حازم... تجهزى ايه الفستان من بكره يكون عندك احلى فستان و باقى تجهيزات الخطوبه عليا متشغليش بالك انتى #مروه السيد
فرح... بس بدرى اوى كدا
احمد ... مفيش بس كل حاجه متظبطه متقلقيش مش مستاهله تأجيل
شاهيناز(4تجاره لبسها ملفت جدا دايما تتريق على فرح وندى لأنهم محجبات ولبسهم مختلف تماما عنها ابوها متفق معاها أنها تحاول توقع حازم فى حبها علشان الورث اكبر نصيب يكون ليهم ) .. فرح صح لسه بدرى مستعجلين ليه
فرح ...( لا تطيق شاهيناز ) لا انا اكتشفت انى غلط انا موافقه على المعاد ولو عايزين قبل كدا كمان موافقه
حازم... فاهم أن فرح بتعاند شاهيناز بصلها وابتسم لها
عبد الرحيم ... يبقى الخطوبه يوم الجمعه الجايه
الكل يبارك لفرح وحازم بس فى تلاته متغاظين وكل واحد فيهم بيفكر يبوظ الجوازه دى ازاى شاهيناز وأبوها علشان مخططهم وماهر عجباه فرح وعايز يتسلى معاها وخطوبتها من حازم هتبوظ مخططه كله