روايةاحتل قلبي
الفصل التاسع عشر
بقلم دنيا
"فهد ادايق جدا ووقف الزفه والطبل والزغاريت وسمع صوت صريخهاا وجري ورا الصوت وهم جريو وراه لحد م شاف النار
وهي محوطاها من كل حته وامها فضلت تصرخ وحمدي بص جنبه ولقي طفايه حريق وبدأ يطفي النار من حواليها وهي
وقعت من طولها ونفسها اتكتم، فهد الدموع اتحبست جوه عيونه ويحيي طلب الاسعاف بسرعه، حمدي ومني خدوها ف
حضنهم وفهد واقف مكانو وامه ماسكه ايده وبتبكي و ساندي بتبكي ف حضن فارس"
مني: بتصرخ " لي كده ي بنتي، كنتي اول ولا اخر واحده تتجوز عشان يحصل فيكيييي كده لييييي ي ندي حظك
وحش للدرجه دي ليييييي .....
_____________
"ف المستشفي وكانو قلقانين عليها جدا ، الدكتور بلغهم ان الحروق ال ف رجلها وف ايدها مش عميقه اوي هتمشي
بالعلاج بس نفسها اتخنق من الدخان والخوف سيطر ع اعصابها واحنا عطناها بنج كامل ومهدء والاحسن انها متوفقش دلوقت عشان نفسيتها وعطو حمدي الدهب ال كانت لابساه "
يحيي: وصل وقرب من فهد " اي اخبارها، انا اتكلمت مع اداره القاعه واجلت الفرح بس محطتش معاد
حمدي: اجلتو !!
يحيي: ايوة لحد م بنت حضرتك تتحسن
حمدي: الغي الفرح ده من الاساس، بنتي مش هتتجوز انتو
سامعين ، عرفنا انك مش خير ليها ي فهد خلاص سبها ف حالها "حط الدهب ع الكرسي " وده دهبك ال جبته شكرااا لحد كده
فهد : بيحاول يستوعب ال بيحصل " عمي ال بيحصل ده مش اشارات من ربنا، ده حد مستقصد يعمل فيناا كده
حمدي: يبقا بردو بلاش منها طلاما وجودك جنب بنتي مدايق ناس تانيه يبقا خلاااص فكك منها، ف الاول. فستان خطوبتها اتقطع وجات سليمه، دهبها اتسرق وهي لابساه وجات سليمه ،
لكن المرااادي فستان فرحها اتحرق وهي لابساااه وكااانت هتموت محروقه لو ملحقنهاش ، واهي يمكن جات سليمه، عايز المره الجااايا اخد بنتي من المشرحه، مستحيل الجوازه دي تتم ي فهد
"مجده مسكت ايد فهد ومشت بيه بعيد "
مجده: فهد
فهد: فهد اتدمرت ي امي، اي الحقد والكره والازي ال ف الناس ده، ازاي جالهم قلب يعملو كده ف واحده يوم فرحها، ازاي
ينكدو علينا بالشكل ده ويحرمونا من فرحتنا، في كره ف الدنيا يوصل للدرجه دي
مجده : والله ي ابني معارفه اقولك اي بس،ولاد الحرام كتير واحنا مش هنسكت ع ال حصل
فهد: كنت فاكر ان مفيش حد هيقدر،يمس شعره من اهل بيتي ولو حتي حد فكر كنت هعرف اجيبو بس مطلعش فيه الكلام ده خالص، عملت اي وحش ف حياتي عشان يحصل فيا وف حبيبتي كده، موجوع ي ااامي، قلبي وجعني قوي وهموت وابكي ولا اصرخ بس مش قادر،
البكاا محبوووس جوه هناا ي ااامي "وحط ايد ع قلبه" قلبي تعبنيييي ونفسي ابكي يمكن ااارتاح شويه من الوجع ، بس الصدمه كانت اااقوي من اااي شئ
كنت فاكر ان خلاص هتجوزها وجه الفرح وبتاع ومفيش مشاكل حصلت تاني من ساعه فرح ساندي وفرحت اوي، يروح يحصل كده يوم فرحي وكمان كان يدوب بالظبط نص ساعه واكتب كتابي عليهاا
عروووستي ال كانت زي القمر ي امي اقسملك بالله مشفت ف جمالها وجمال فستانها ال جارر وراها وعيونها وملامحها وشعرها وجسمها وواقفه بفستان فرحها والنار ماسكه فيهاا وهي بتصرخ وبتستنجد بياا اااااااااااه ياا ابويااااا اااه "مجده بكت وحضنته وساندي ويحيي قربو منهم وساندي الدموع كانت ماليه عنيها "
يحيي : ي فهد هي عدت مرحله الخطر يعني احنا نحمد ربنا انها عايشه، اصابتها كبيرة او صغيره بس عاايشه وده الاهم والاصابات هتداوي بالعلاج، وبنسبه لكلام ابوها ف ده مجرد كلام من حرقه قلبه ع بنته واكيد اي حد هيقول الكلام ده "بص لساندي " انتي كمان بتبكي، بتفولي ع بنت عمك يعني
ساندي: المنظر ال نا شفته مش قادره انساااه ، بتمنا محدش يتحط مكانهااا ابدا والله ي يحيي
يحيي: خلاص اهدي بقا ي ساندي وادعيلها، فهد يلا خد امك وارجع ع البيت او رجعها وتعالا انت ونا هبقا معاك
فهد: ماشي ي يحيي ، روحي لجوزك ي بت "ساندي مشت وقربت من فارس ويحيي عيونه متشالتش من عليها وفارس مسح ليها دموعها "
ساندي: هنروح
فارس: روحي عند بيت ابوكي انهردا
ساندي: هتبات هنا مع فهد
فارس: وهبات لي هو فهد ال تعبان، ده مراته ونا ماليش دعوة بمراته
ساندي : امال انت هتبات فين
فارس: عند صحبي انهردا هنشرب سوا
ساندي: وده وقته
فارس: اهو دماغي طالبه كده
ساندي: والله معندك ريحه الدم اصلا انسان مبتحسش
فارس: سبت الاحساس ليكي يروحمك
انجي: قربت منهم " ف حاجه ول اي
ساندي : مفيش
انجي: امال اي
ساندي: ول اي حاجه والله انا ماشيا ، فين فهد وماماا وحسن
يحيي: نزلو وزمانهم ركبو. ، مش هتروحي مع فارس ول اي
ساندي: لا
يحيي ; خلاص هروحك انتي وانجي يلا بينا "وخدهم ف العربيه وانجي كانت واخده ساندي ف حضنها لحد م نامت ويحيي وصل ع بيته "
يحيي: نيميها بهدوء ع الكنبه ويلا اطلعي ع الشقه
انجي: حاضر، خلي بالك من نفسك " وطلعت وهو مشي بالعربيه ورايح ع بيت فهد وبص ف المرايا وساندي كانت هتقع راح وقف العربيه ونزل وحط ايديه ع وسطها وضمها ليه وعدلها، جاي يبعد عنها ولقاها لافه ايده حوالين وسطه "
يحيي: اااه ي حبيبه قلبي ي حته مني ي ساااندي، الود ودي مبعدش عنك بس عارف انتي اكيد تفتكريني فارس "بعد ايدهها ببطء وبصلها من فوق لتحت وبص ع فستانها ال مبين دراعاتها ومفتوح من قدام، قرب منها وباسها وبعدين بعد، ااي ال حصلك ي يحيي، دي مبقتش ساندي اخت صحبك وصديقه طفولتك مبقتش البنت ال انت اتمنيت تتجوزها واتمنيت انها تبقا مراتك، دي دلوقت مرات صحبك فارس وانا مش هينفع اخون صحبي ابدااا .. "ركب العربيه وفضل يستغفر ربنا ويزكر ربنا عشان ربنا يبعدو عن اي حاجه حرام، ووصلها البيت وفهد طلع شالها ودخلها ف الاوضه وطلعو هم الاتنين ع المستشفي وفهد قعد برا الاوضه ال فيها ندي ومش قادر يشوفها وهي ف الحاله دي والمحاليل المتركبه وجهاز التنفس، قعد ف الارض وسند ضهرو ع الحيطه ويحيي قعد جنبه، مها طلعت من اوضهةندي وميلت ع فهد "
مها: سيب اختي ف حالها بقا مش ملاحظ ان الدنيا مش عايزاكم مع بعض ابعد عنها بقا
فهد: بعصبيه ومسك رقبتها وكان بيخنقها وهي صرخت ويحيي بيحاول يبعده " ااانتي السبب ي زباله انتي السبب ف كل حاجه، انتي ال مش عايزانا نكون مع بعض انتي انانيه ووسخه ومش بتحبي الخير لغيرك ااابعدي عن حياتي انتي جيتي تخربيلنا حياااتنا وبس ، مهمتك انك تبوظيلي حياتي
"حمدي طلع ع صوتها هو ومني وبعدو فهد عنها وحمدي زق فهد "
حمدي: ااابعد عن بنتي ي فهد اااانت اتجنيت ول ااااي
فهد: بنتك هي السبب هي ال عايزة تبعدني عن ندييي
حمدي: بطل تتهم مها بحاجات غلط انا بحزرك
فهد: والله لوريكي ي مها ....
"بعد 3 ايام وندي فاقت واهلها اطمنو عليها وكل يوم كانو بيغيرولها ع الحروق بس لسه مخفتش اوي يعني، فهد دخل ل ندي وطلب يقعد معها لوحدها حتي هي كانت محتاجه انها تتكلم معاه ع انفراد، الكل خرج وفهد جاب كرسي وقعد جنبها وحاطت ايدهةع وشها "
فهد: قلبي رجع يدق بانتظام من تاني لما الدكتور قال انك فوقتي ، كده تبعدي عني 3 اياام بلياليهم ي ندي، كده تقلقيني عليكي
ندي: اااسفه ي فهد، كنت عايزة اطلب منك طلب
فهد: اطلبي ي قلبي
ندي: بس توعدني انك تنفزهولي
فهد: من امتا طلبتي حاجه ونا قولتلك لا عليها او مجبتهاش
ندي: بقولك اوعدني
فهد: اوعدكك ي ندي
ندي: خليك فاكر انك وعدتني
فهد: قلقتيني ع فكره
ندي: متقلقش ... المهم ...............