روايةاحتل قلبي
الفصل العشرون
بقلم دنيا
ندي: متقلقش ... المهم مها هقولها تفشكل خطوبتها مع خالد ، وروح اتجوزها انت خلال الاسبوع ده
فهد: نعممممممم
ندي: ال سمعته ي فهد، متتعبنيش اكتر منا تعبانه و والله العظيم م حمل مناهده
فهد: كت افتكره طلب صعب، بس طلع طلب مستحيل
مش هعمل كده
ندي: عششااااني انااا، عشان خاطري لو بتحبني اتجوزهااا يسيدي، ده هيريحها وهيرحناا يبقا اتجوزها وابعد عني انا وصلت لل انا فيه ده بسببها
فهد: هي ال عملت كده??
ندي: لااا ي فهد مش هي بس ربنا بيخلص زنبي، انا اخدتك منها وربنا بيخلصو فيااا ، انا من ساعه محبيتك وحاجات كتير
بتحصلي وحشه ربنا مش راضي عن حبنا ده ، لحد ال حصلي يوم فرحي وهنهي الموضوع هنهي الحب ده مش عايزاه
خلاص، الحب ال بيأزيني بلاش منه، تعال جرب اقعد مكاني 5 دقايق، ولا اقولك جرب احساسي لما كنت لابسه فستان
فرحي ال هو فرررررحي يعني ياخي جايا من كلمه فرحه وسعاده بقا اسود يوم ف عمري تخيل الفستان ال كنت بعد
مهقلعه هيبقالي حياه جديده ومختلفه معاك هتبقا حياه سعيده مع حبيب عمري بس الفستان ده اتسبب ف حزني
وصريخ وعياط ووجع والم وكسره قلب ونفس انااا اتدمرت انت فاهم ااانت مستوعب انت شفتني صح كنت عماله اتحرك
عشااان ابعد عن النار بس كانت محوطاني من كل ناحيه، انت النار دي ي فهد ولما ابعد عنك مش هتحرق ولا هتوجع اكيد
هعيش ف سلام من غيرك، سبني ي فهد وروووح ل مها هي ال حبتك ووهبت حياتها كلها ليك هي ال تستاهلك هي حبتك
طول عمرها ونا جيت اخدت قلبك ف غمضه عين قد اي انا حقيره
مش عايزة اسمع مبررات ولا عايزة اسمع كلمه لا ولو فعلا قلبك ده بيحس وبيتمنالي الراحه ابعد عني، المرادي طلعت من
وسط النار باعجوبه المره الجايا هتقضي عليااا. خالص
فهد:بحزن شديد وصعبت عليه نفسه" انا مقدر ال انتي فيه، بس اناا حبيتكك واا ...
ندي : محدش قلك حبني، انا مش مسؤله ع قلبك ولا عن مشااعرك مش مسؤله، القلب ده زي مهو بيعيشنا اجمل قصه
حب ف اوقات كتير اوي بيختار الشخص الغلط وهو اختار شخص غلط مش هينفع نكمل لان احنا من الاساس مش لبعض
امشي ي فهد واكتب كتابك ع مهااا هي هتعرف تسعدك وتحببك فيها
فهد: اخر كلام عندك ??
ندي: اه
فهد: حاضر ي حبيبه قلبي هنفز كلامك وهتجوز مها بس لما تخفي عشان تبقي وسطنا ف المناسبه السعيده دي "ومشي
بغيظ وهي فضلت تبكي كتير بعد فتره وساندي دخلت لفهد وكان قاعد ف اوضته وحكالها الكلام ال ندي قالتهولو"
ساندي: اي واحده مكانها هتقول كده اوعا تقبل ولا تتجوز العقربه ال اسمها مها
فهد: لا هتجوزها، هتجوزها عند ف ندي ، قسماا بالله لاعلمهم هم الاتنين درس عمرهم مهينسووو ساندي: استغربت جدا من طريقه كلام فهد " قصدك ااي !!
فهد: قصدي اني مش لعبه، مش انا الكوره بتاعتهم ال هيرموها لبعض شويه ابق معاها وشويه ترميني لاختها ، انا
خلاص كده هفضي نفسي ل مها بقا ولا هشغل بالي بالشركه ولا بالحب ولا بصله القرابه ولا اي زفت ع دماغها غير انتقامي
منها، انا ان مدخلتها السجن مبقاش فهد الوزان، انا هعرفه ازاي تلعب معايا انا او تجي عليا او تخسرني حاجه اناااا كنت
هموت عليهاااا وديني لاوريهااا وهفضل وراها لحد ما اثبت ليهم ان هي سبب ف كل حاجه لان الكلام مش كفايه انا
هجيب دلايل وهخليها تعترف بنفسها والحاجه ال معرفتش اثبتها الايام ال فاتت بسبب عدم اهتمامي هثبتها الايام ال
جايااا وهندمها ندم شديد ع ال عملتو وهخليها تحرم تتجرء ترفع عينها فيا نا او ندي وجوازي منها هيبقا عشان الانتقام
وبس امااا ندي بقا، ف انا هعرفها ازاي تضحي بحبي ليهااا وبحبهااا ليا ال انا متأكد منه، هعرفها ان مش بالساهل الواحده
تضحي بالحب وانها لو ضحت بيه عمرها مهتلاقيه قدامها تاني، هعرفها ازاي تسبني ، ، انا حبيت بجد ولاول مره
ومكنتش استاهل ان يحصل فيا كده، انا هندمهم ع كل حاجه عملوها معايا وهوريهم لما بحط حد ف دماغي هعمل فيه اي،
هعرفهم ازاي يجو عليا. هعرفهم قيمتهم ونا لم اكره حد يبقا هو فتح باب جهنم قدامه ....
"ساندي مشت وراحت ل ندي وشافت عيونها ال محمره زي الدم من كتر البكا "
ساندي: اي ال انتي عملتيه ف نفسك وف فهد ده
ندي : فكراها سهله عليااا ي ساندي صح، سبيني بس لان انتي مش عارفه الوجع ال ف قلبي
مش عارفه اانا حاسه ب اي وعمرك مهتحسي بياا
ساندي: انتي لي اخدتي قرار زي ده ي ندي
ندي: بيني،وبينك لان الكلام ال هقولو ليكي ده مش هينفع يتقال لحد
ساندي: كلام اي
ندي:ال عملت فيا كده، تبقا اختي مها ي ساندي
ساندي; عرفتي ازاي
ندي: بكت" وسط النار ال كانت ماسكه فياا ي ساندي لمحتها واقفه تضحك وسط شجر كتير ، تخيلي جحود قلبهااا وهي شايفاني كده وواقفه تتفرج مهنتش عليها ولو ثانيه واحده، ده الواحد لم بيشوف لقطه مؤثره ف فيلم بيبكي عليه واسمه تمثيل ، الواحد لو شاف حد غريب ف ازمه بيروح ينقزو مبااالك بقا اان ال تعمل فيااا كده تبقااا اختي ال من لحمي ودمي ي ساااندي كل ده عشان فهد، لازم اضحي واسبهولها طالما الكره ال ف قلبها من نحيتي وصل للدرجه دي يبقا لازم اسيبو لانها عمرها مهتسبني ف حالي، انا متدمره من كل ناحيه نفسيا وجسدياااا وتعبانه ومجروحه وف الم ف قلبي محدش يعلم بيه غير ربنااا ي ساندي
ساندي: الكلام ده لازم يوصل لفهد ومها الزبالهةدي لازم تتعاقب ي ندي
ندي ; مش هو ده الحل. ، الحل الوحيد ان ابعد عن فهد وهتشوفي انها عمرها مهتعمل حركه وحشه تاني
ساندي: القرار ال انتي اخدتيه غلط، انتي هتدمري حياتك وحياه فهد وحيات مها، انتي واختك خسرانين من القرار ال انتي اخدتيه ده ي ندي انتي حره، دافعي عنها كويس، دافعي عن واحده كانت هتموتك اعملي ما بدالك بس ف الاخر متلوميش الا نفسك ...
"بعد شهر ف المستشفي والحروق ال ف ايدين ورجلين ندي بدأت تمشي واتحسنت شويه، حمدي كان معترض ع جواز فهد من بنته التانيه بس فهد ومها فضلو يزنه عليه واقنعوه لحد م قبل ، فهد شرط ع مها ان جوازهم هيكون سكيتي ومش هيعملو فرح يدوب هيكتبو الكتاب وياخدو كام صورة بفستان الفرح والبدله ينزلوها ع السوشيال وخلاص وهي قبلت طبعا ... يوم كتب كتاب فهد ومها وقاعدين ف البيت متجمعين ، اهلهم وصحابهم وفهد قاعد جنب مها ومستنين المأذون "
ندي: ف اوضتها " يااارب المأذون يمووووت يااارب ونبي ياااارب
ساندي: وقفالها ع الباب " لا بجد
ندي: اي
ساندي: ازاي بتدعي ع المأذون هو نتي مش عايزة فرح اختك حبيبتك يتم ع خير ول اي "ندي بصت بعيد " خايفه ل الروج بتاعي يكون وحش
ساندي: حوري حوري، المهم متظبطه ع الاخر تعالي "وطلعو ووقفو مع يحيي وانجي "
ساندي: ماشفتش فارس
يحيي: لا والله
انجي: بصت ل ندي" هتحضري فرح اختك وال كان هيبقا جوزك، ههههه ادي جزات ال تسرق حييب اختها
ندي: انااا مسرقتش حد من حد خلصنااا بقاا وقفلي كلام معاياااا
ساندي: انجي خفي بقا هي معملتش حاجه فهد هو ال حبهااا هي ملهاش زنب
"ندي مشت وراحت قعدت لوحدها ومش قادره ترفع عيونها ع فهد ومها، وصل المأذون وكتب كتابهم واتصورو ف جنينه الڤيلا وبعدها طلعو ع شقتهم .. "
_______________
"الصبح وندي راحت تمتحن وكانت خايفه جدا وابوها كان معاها ودخلت الامتحان وعقلها مشغول ب فهد ومكنتش مركزه ومعرفتش تحل وفضلت لاخر الوقت وطلعت وقالت انها حلت كويس عشان تنهي اي نقاش، رجعو ع البيت ف الضهر ولمحت مجده بتقول ل ساميه تطلع الفطار للعرسان راحت ندي قابلت. ساميه"
ندي: بعد ازنك انا ال هطلع الفطار ليهم "وخدت الاكل وطلعت عشان نفسها تشوفهم عملو اي، خبطت ع الباب ومها قامت تفتح وبصت الاول ف العين السحريه عشان تشوف مين ولقيتها ندي، جريت ع الاوضه غيرت بيجامتها ولبست بورنس ستان قصير جدا وبهدلت شعرها وحطت روج خفيف ومسحته ع شفايفها وبرا شفايفها وطلعت تفتح ، ندي بصت عليها وزعلت جدا "
مها: تعاالي، جايبه الفطار بنفسك ، حطي ع الترابيزة ومعلش اتأخرت شويه لان لسه صحيا ولبست وكده
ندي: مبروك ليكي
مها: حبيبتي تسلمي بجد كانت احلي ليله امبارح، اكتشفت انه بيعشقني
ندي: ربنا يهنيكي
مها ; ثواني هقوم اغير واجيلك
ندي: بصت ع الشقه بحصره ووجع قلب وافتكرت لما كانو مع بعض بيختارو الالوان وعمالين يتخانقو بسبب اختلافهم ف الاختيار والديكور والزينه كل واحد مختار حاجه ، عيونها دمعت وغمضت عنيها " لي ياربي كده ...
__
"مها دخلت الاوضه ولقيت فهد صاحي وماسك الفون "
مها: انت صحيت
فهد:بيتكلم وهو باصص لفونه" اه، خلي ساميه تدخل بالفطار
مها: مش ساميه ال جابته
فهد: امال مين
مها: ندي
فهد: ههه ندي "وبص ل مها " اي ال مبهدلك بالطريقه دي
مها: نومتي ع الكنبه بهدلتني
فهد : نومتك ع الكنبه بهدلت شعرك ماشي طب وشفايفك اي كنتي بتبوسي الكنبه ، مفيش رد يعني، طيب غوري غيري
واطلعي بشكل احسن قدام اختك وقدام اي حد ونا هطلع اسلم عليها .....