رواية مخدوعتى
بقلم منار عصام
الفصل الرابع
- بتكلم مين ي مالك؟!!
= آآآ مش بكلم حد ي حبيبتى..قصدك دكتور مايكل، دا الدكتور اللي هيعملك العملية ادخلي انتي ارتاحي ياحبيبتي عشان عندنا بكرا يوم طويل..
*عملت نفسي مسمعتش حاجة وحاولت اتماسك..دخلت جوه واتطمنت انه مشي،وساعتها انهرت..فضلت اعيط بحرقة،الشخص اللي فضلت احبه بيني وبين نفسي تلت سنين
وماصدقت جه الوقت اللي بقى ملكي..جوزي وحبيبي،يطلع تاجر اعضاء،طب ازاى..وليه كل الوقت دا يضيعه..في مليون سؤال وسؤال ف دماغي بدأت اصرخ واتكلم بعلو صوتي *
- ياارب..يارب انا هنا لوحدي مليش غيرك،معرفش هيعمل فيا اي ولا اروح فين واتكلم مع مين..طب انا عملت اي لكل دا..انا عشت عمري كله بحاول ارضيك،بحاول مغلطش عشان مش اد
عذابك..انت قلت رحمتي وسعت كل شئ ،بس انا مش شئ انا عبدة من عبادك..انا عبدة فقيرة محتاجة لرحمتك فارحمني..ارحمني من مرضى ومن نفسي ومن الشخص
الوحيد اللى اديته قلبي،طب دلني اعمل اى اروح فين واهرب لمين..اهرب!!!!!! انا لازم اهرب لازم امشي قبل ميرجع..*قمت ولميت هدومي بسرعة وخدت الفيزا والموبايل وشوية فلوس
كان سايبهم ولسه بفتح الباب لاقيته!! واقف ساند ع الباب وع وشه ابتسامة اول مرة اشوفها..حتى نظرته مش النظرة اللي طمنتني قبل كدا،نظرته رعبتني..فضلت واقفة مكاني كإن حد دلق جردل تلج عليا واحنا ف عز البرد *
= راحه فين ياعروسة، دا حتى النهاردة الصبحية..*بص ع شنطتي* وإيه الشنطة دي كمان..ناوية تهربي تؤتؤتؤ وتسيبي جوزك حبيبك لوحده مش جدعنة دي خالص..
- مالك بالله عليك انا معملتلكش حاجة غير اني حبيتك..حبيتك من كل قلبي واديتك مسؤولية آماني وحمايتي..سيبنب أمشي،أنا عارفة إني كدا كدا ميتة بس اهلي
مش هيستحملوا يشوفوا بنتهم فاضية..يدفنو هيكل من غير أعضاء هتبقى حسرة كبيرة اوي وانا والدتب مريضة قلب مڜ هتستحمل،سيبني أمشي بالله عليك..
*وسع ليا مكان وقالي امشى مطمنتش لكلامه بس ماباليد حيلة سيبته ونفدت بجلدي خرجت برة الفندق وشاورت
لاقرب عربية وبما اني كنت دارسة فرنساوى قبل كدا فكان سهل اتعامل معاه طلبت منه يوصلني للمطار..فات نص ساعة وهو ماشى ف طريق مهجور فكلمته بلغتة الأم *
- إلى أين أنت ذاهب هذا ليس طريق العودة..سبق وأن قلت لك أود الذهاب للمطار..*مردش عليا وفضل مكمل لسه هتكلم لقيت نور عربيات كتير ضربت ف وشى،وناس خرجت منها
غطوا عنيا وحطو لزق ع بوقي،فقت بعد شوية ولقيت ناس كتير واقفة من ضمنهم مالك مبقتش عارفة اعمل ايه ومفيش قدامي طريقة غير اني اتوسلهم*
-مالك،انا وعد مراتك فرحنا كان من تلت ايام انت قلتلي انك بتحبني صح،خليهم يفكوني بالله عليك..انا معرفهمش بس اعرفك،انت جوزي وحبيبي..مشوني ومش عاوزة اعمل العملية انا راضية باللى ربنا كتبه و..
= ششششش بس صدعتينا،مالك مالك مالك..
مالك مجرد واحد شغال عندى..مش كفاية انه ضيع تلت سنين عشان يعرف يوقعك ومصدقنا الصنارة غمزت وهنفضيكي تجيلنا بورم لا وفين ف اهم عضو..انتى عارفة ضيعتي علينا وقت وفلوس اد اي..
~ بس متنساش يابص ف خلال التلت سنين دول جبتلك خمس بنات واستفدت منهم..
= ميجراش حاجة يبقو ستة..
_ يعنى انا مش اول واحدة تبيعني،مش اول واحده تغدر بيهاا
*وطى نحيتني وبص ف عينى وقال*
~ انتي يمكن مش اول واحده ابيعها بس صدقيني انتى اول واحده احبهاا واتعلق بيها،وانا مينفعش اتعلق بحد..خلصوا
*قال كلامه وسابني ومشي هو والشخص التاني ومن الواضح انه زعيم العصابة..بعد ما مشيوا حد خدرني بحقنة ف دراعي فضلت نايمة معرفش اد ايه..صحيت لقيت نفسي ف اوضة
بيضا وشكلها جميل ع الطراز الكلاسيكي الاوروبي..نزلت من ع السرير وفضلت الف ف الاوضة بصيت من الشباك واضح اننا
مش ف فرنسا لان الجو هنا برد اوي ومفيش بيوت حوالينا ومش شايفة حاجة لان كل حاجة التلج مغطيهاا..شوية ودخل شاب طويل ملامحة هادية وجذابة ف نفس الوقت..شعره
عادي واسود بس محلية وغمازته اللي باينة من ابسط ابتسامة وعنية الزرقا اللى مركزتش ف غيرهم حط الصنية اللى ف ايديه وجه وقف قدامي*
- ها اخبار القمر اية؟!..لسه حاسة بصداع..
= قمر والنبى انت اللي قمر..اقصد انت مين وايه اللي جابني هنا و..اعضائي،انا مموتش صح..
*ضحك ضحكة جميلة اوي وبصلي وقال*
- لا مموتيش،انتي هنا ف سويسرا..اعرفك بنفسي انا دكتور محمد مصرى زيك وانا كمان اللى انقذتك من العصابة وجبتك هنا..
- سويسرا!!!!!