رواية غاليه
✿ بقلم منه محمد
الفصل الخامس والعشرون
في ليـل مظلم دَامس عمــه السواد وصل الخبر للكل عاشوا ساعات عصيبه اكتر شخصين نزل عليهم الخبر زي البرق لما يشق السما وزي الرعد لما يهز صوته البشر فارس وغاليه الي هزت براسها بنفي الحقيقة المره وبكل الم ومعاني القهر صرخت صرخة كلها حزن تخلي كل خليه في الجسم تقف صرخة توقف القلب من كتر الألم غمضت عينها وانهارت على الأرض و صرخت من كل اعماقها والألم مزق قلبها ..الصراخه مش بس علي فراق اختها لا علي زمن الغدر من اقرب الناس
قشعر بدن فارس والجد لمنظرها والي مش عارف يروح يضمها لانه عاجز جري فارس بسرعة وضمها لصدره وحاول انه يحتويها رغم هو محتاج للي يحتويه ...اما باقي العايله كل واحد فيهم حاول يواسي التاني لكن لسه ناس الصدمه مأثرتش فيهم
.....غاليه........
كلهم راحوا للمستشفى الكل خايف ومترقب دقايق والدكتور خرج
ابراهيم قرب للدكتور وبلع ريقه ومنتظر انه يتكلم
الدكتور:البقاء لله عملنا الي علينا بس مقدرناش نوقف النزيف
مشي الدكتور وكل امل عندهم انقطع وماتت مي
جيهان صرخت باعلى صوتها : لاااااااااااااااااااااااااااااااااا
حاولت تدخل الدكاتره منعوها واغلقوا الباب
الكل صابتهم حاله صدمه كريم واقف ماصدرش منه اي ردت فعل
ابراهيم وقع على الكرسي وهو بيعيط
كلهم واقفوا يبصوا لبعض ولا كأنهم مصدقين
نادر راح ناحيتهم وقرب
نادر بصوت رخيم حزين: السلام عليكم
ماجد : و عليكم الســلام
نادر: انا الظابط نادر واسف جدا علي الكلام الي حقوله
ماجد: اتفضل
نادر: اولا البقاء لله بس فين الاستاذ فارس؟؟!!!
ماجد بندهاش: للاسف فارس مقدريش يجي لان حاله جده صعبه جدا بس انا ابن عمته فيه حاجه بخصوصه؟؟!!
نادرحمحم: اسف بس المرحومه موصياني علي كلامه له هو شخصيأ
كريم بصله بهتمام : ممكن اعرف عاوز ايه من فارس انا اخو مي ؟
نادر اتجه ناحيته : انت كريم اخو مي؟؟!!
كريم: ايوه ايه الكلام الي كان عندي اختي( نطقها بصعوبه جدا
نادربأسف: اولا البقاء لله شد حيلك والله ما عارف اقولك ايه
كريم بترقب :لا قول
نادر اخده علي جنب وحكاله بختصار لان الكلام صعب جدا
كريم دمعت عينــه وجسمه اهتز وسند علي الجدار : مستحيــل
بعد دقايق شافو مي مغطينـها بملايا بيضا ومخرجنها للمشرحه
جيهان جريت علي بنتها وقربت ورفعت الغطا من عليها وفضلت تحركها:مي فتحي عيونك يله يامي فتحي مي فوقي اعملوا حاجه لالا شيلوا الغطا عن بنتي
وترفعها لحضنها وتبكي )كفااايه قومي مي مش انتي اتقدملك عريس وانتي كنتي موافقه لالالا انتي الي بقيالي اخواتك مشوا وسابوني لالالا يا بنتي ابوس ايدك ما تكتبيش عليا
الوحده والعذاب وحطت راسها عليها وانهارت في العويل
اصعب حاجه في الدنيا الموقف ده ربناا يكون فى عوون كل واحد مر عليه!!!
كريم في حاله صدمه وعيونه حمر ومنفخه من كتر العياط
ماجد فضله شويه وينهار
ابراهيم بضياع : لاحول ولا قوة الا بالله
*******غاليه********
عند هيثم الي قاعد يفكر ازاي هتجيله الجرأه يقولها المصيبه الي حلت عليهم وممكن لو عرفت تنهار وتوصل لحاله ميؤس منها قطع تفكيره
نغمه موبيله الي صدعت المكان مسكه واتنهد ورد علي امه
هيثم: ازيك يا ست الكل
فاطمه بصوت حزين :ازيك انت يابني عامل ايه انت وغاده
هيثم اتنهد: انا مش بخير يا امي مش بخير
فاطمه: حكتلها يابني؟
هيثم نزلت دموعه:ابدآآآ يا امي مش قادر اقولها
فاطمه: لازم تعرف يابني و الموت علينا حق وده يومها!!!!
هيثم: اااه يا امي فيه حاجات بتبقي صعب علينا نقولها
فاطمه: مسيرها تعرف يابني
هيثم: والله يا امي بجاهد متعرفش حاليا
فاطمه بدموع: هيثم هات غاده وارجع يا ضنايا و خليها تعرف وسط اهلها يمكن الصدمه تكون خفيفه وهينه لما تبقي وسطيهم
هيثم بضيق: حاضر يا حبيبتي لازم نرجع فعلا كفايه لحد كدا؟؟
فاطمه: هي فين؟؟؟!!!!!
هيثم بكدب: اه خرجت هي وكاميليا
فاطمه: سلملي عليها يابني
هيثم: حاضر تأمريني بحاجه
فاطمه:لاسلامتك بس تعال قبل يوم الخميس عشان خالد ورانيا قرروا يهاجروا بعد المصيبه دي اهو تشوفهم وتسلم عليهم
هيثم:ان شاء الله يا امي
فاطمه:يله ربنا يحفظكم انتبه لنفسك
هيثم :ان شاء الله
هيثم قفل مع فاطمه وراح قرب من باب غاده اخد نفس عميق شايل الهم ازاي يقولها الكلام صعب جدا
هيثم خبط الباب بخفه:غاده حبيبتي افتحي الباب!!خلينا نتكلم
غاده بصراخ: وانا مش عاوزه اتكلم سبني لوحدي
قربت كاميليا :مستر هيثم تسمح لي (وخبطت علي الباب)غاده يا قلبي افتحي عملتلك الشوربه الي بتحبيها وحياتي عندك ما تعمليش في نفسك كدا لازم تكلي لقمه عشان تقدري تقفي علي رجلك يله حبيبتي افتحي الباب...
غاده مفيش صوت نهائي
هيثم هزلها دماغه بمعني مفيش فايده ومشت كاميليا نزل نخ علي ركبه وقعد وسند ظهره للباب وبدء يتكلم:غاده الله يخليك إنا محتاج اتكلم افتحيلي الباب خمس دقايق بس...
غاده قامت وراحت نخت علي الارض وسندت ظهرها علي الباب علت صوتها وردت عليه وكأنها مغصوبه :انت ليه مش محترم رغبتي ليه مش عاوز تحترم اني محتاجه افضل لوحدي
هيثم بندم: غاده انا محتاج تسامحيني
غاده بنحيب يقطع نياض القلب:اسامحك انت عارف عملت فيا ايه خلتني يأست من كل حاجه!
هيثم غمض عيونه بالم :الا من رحمه ربنا ...غاده سامحيني ووعد عليا مهما حصل هفضل ماسك ايدك وانا مؤمن بقدراتك انك قويه وهتتجاوزي المحنه بس وانتي معايا (وبكا)
غاده :انت جرفتني للقاع وجاي تطلب مني القوه
هيثم مسح علي شعره ونفخ بقهر:انا بتمني كتير اقدر احذف ذكرياتك المؤلمه معايا لكن المشاعر صعب احذفها في كل مره بقول خلاص سيبها بلاقيني متمسك بيك اكتر
غاده انفجرت تبكي: انت ظلمتني
هيثم بندم: عارف بس صدقيني ظلمت نفسي اكتر
غاده :ليه مرجعتنيش لـ اهلي ليه ربطت نفسك بيا؟؟!
هيثم الصدمة هزت جسمه من تفكيرها هي فكرته انه قصده انه اتظلم معاها رد بسرعه: لان انتي الشخص الي حابب دايما اشوفه قصادي واليوم الي اتعافيتي فيه كنت متأكد اني هشوف غاده الي منتظرها البنت الصامده الي بحترم عقلها والي مستنيها تقوم وتفوق وترجع لحياتها
غاده مفيش اي رد
هيثم قام وقف: هسيبك تهدي بس محتاج جوابك عشان نرسم طرقنا سوي لاني مش هعرف امشي خطوه من غيرك
غاده نزلت الدموع من عينها ومسحتها برقه وقامت تنام
*******غاليه*******
دخل ابراهيم بعد الدفن يبكي بكاء مرير: اه يابنتي ليه عملتي فينا كدا ليه عملنا ايه عشان نوصل للحال ده يارب
جيهان: عملنا كتير
ابراهيم بدهشه: انتي بتخرفي تقولي ايه ؟؟
جيهان بملامح جامده و نظراتها للفراغ: بقول احنا بنعيش الي نستحقه
ابراهيم: قصدك ايه؟؟!!!
جيهان: انت فاهم كويس اوي انا اقصد ايه انت السبب
ابراهيم: انا السبب عشان ربتها علي الحريه والدلع ابقي مذنب دلوقت
جيهان :لا انا كمان مذنبه لكن عمري ما تخيلت ينتهي بينا الحال النهايه دي اني افقد بنتي
ابراهيم:بنتك دمرتنا كلنا دمرت نفسها ودمرت العايله احنا مش قادرين نرفع وشنا في وشوش الناس....وانا كان كل همي اجمع الفلوس لكن وانا بجمعها عملت اكبر اساءه في حقهم احنا مكناش ننفع نبقي اب وام لاني فاشل وكل الي نجحت فيه هو اني ابقي انسان جشع وبجداره
جيهان :وغاليه نسيت الاساءه الي اسائتها لينا
ابراهيم: غاليه عمرها ما اسائت لينا ولا ظلمتنا احنا الي اسائنا ليها وظلمناها
جيهان:اسائنا ليها صح انت صح لان انت الي موت بنتي
ابراهيم بنرفزه: انتي اتهبلتي يا جيهان انا موت بنتي؟؟!!
جيهان: اسمعني كويس يا ابراهيم اوعي تفكر لحظه اني معرفش انت ليه اخترت غاليه وليه وافقت تربيها وسط ولادي لا كان علشان الفلوس الي ابوك زغلل عينك بيها لا ده كان عشان كنت بتحب رحمه امها وشفت غاليه فيها
ابراهيم: انتي يظهر عقلك طار
جيهان بصراخ: ايوه طار والي حصل في بنتي هتتحاسبوا عليه يا ابراهيم
ابراهيم مسكها من دراعها بقوه: انتي ليه عاوزه تنكشي في الماضي ليه؟!!
جيهان صرخت: لان الماضي مرتبط بالحاضر!!!!
ابراهيم: جيهان متخلنيش افقد صوابي عليك
جيهان صرخت فيه بجنون: افقد صوابك وهفضل اقول الحقيقه
ابراهيم: هي ايه بقي الحقيقه
جيهان: لو عندك شجاعه قولها انت بلسانك
ابراهيم: هي ايه دي الي اقولها ؟؟!!!
جيهان: الحقيقه الي بدئت من يوم ما شوفت رحمه في بيت ابوك وعينك مكنتش بتترفع من عليها ...
ابراهيم صرخ بغضب :ايه التخريف الي بتقوليه ده؟؟
جيهان: انا مش بقول تخريف انا الي روحت وقلت لـ ابوك وخليته يقطع رجلك من بيته ويبعدك عنه ......وجيت واقنعتك ان ابوك بيفضل فارس علي ولادكم ......حتي حنان وحامد زينت في دماغهم وكان سهل عليا استغل كرههم لـ ابوك وفارس ونجحت حتي يوم ما ماتت رحمه وهي محرومه من حضن بنتها وراحت تحت التراب من غير ما اقتلها ولا المسها وافقت اخدها واربيها وسط ولادي ولما كبرت شويه عملتها خدامه وانتقمت منها في امها
ابراهيم بقهره: ياااه انتي عملتي كل ده
جيهان بحقد : ولسه غاليه ورحمه هيدفعوا ثمن موت بنتي
ابراهيم بنفعال: رحمه ماتت وغاليه مظلمتش حد بنتك هي الي ظلمتها لما كدبت هي ومنال علي فارس
جيهان بحقد :لا ذنبها كبير اوي وشوف انا هعمل فيها ايه هخليها تتمني الموت من الحقيقه الي حكشفها هنتقم منها عديمه النسب هخليها متقدرش تقوم من الارض
ابراهيم بتحذير: اوعي تعملي كدا
جيهان بستهزاء واحتقار: ليه خايف تنكشف قصاد الكل ان عينك زايغه وزاغت علي خدامه اقل من المستوي!!!
ابراهيم وملامح القسوه ظهرت علي وشه: احترمي نفسك واسكتي بدل ما اقطع لك لسانك فاهمه
جيهان بغضب واندفاع: لا مش فاهمه مش فاهمه انا خسرت ولادي التلاته بسبب بنت الحرام غاليه ....بنتي ماتت وبنتي اتجوزت واحد عذبها ....وكريم الي رفض يرجع البيت
ابراهيم: انا اب زيك وحاسس بنفس وجعك
جيهان صرخت بهستريا: لا انت مش زي ولا حاسس بوجعي والي خسرته غاليه هتتحاسب عليه
ابراهيم: قصدك ايه
جيهان بقسوه : هتعرف لما اروحلها
ابراهيم اتعصب جدا: مش هتقدري تعملي كدا؟؟!!
جيهان: بلاش تثتئل بيا يا ابراهيم حتي انت هتدفع تمن دم بنتي وغالي اوي
ابراهيم بعنف: مدخلناش في مشاكل احنا في غني عنها ابويا مش هيرحمك ولا هيرحمني ميبقاش موت وخراب ديار
شدت ايده وجريت ناحيه الباب
جري وراها وشدها من ايدها: اسمعي الكلام والا تبقي طالق بالتلاته
جيهان دفعته بغل: طلقني وبرضو مش هسكت علي حق بنتي !!
ومشت من قدامه بكل عصبيه وابراهيم اتعصب ولطم علي وشه وقعد علي الارض يبكي بنهيار
................ منه محمد.......................
الجد وفارس رجعو البيت بعد الجنازه
اول ما صلو ا وكان واضح عليهم الحزن قاعدوا في الصاله وغاليه طلعت لغرفتها تنعي الخيانه من اقرب الناس ليها فيها طاقه حزن لو اتوزعت علي العالم لدمرته الاشخاص الي تهموها في شرفها وكانو ناوين يدمره حياتها وكلام مؤلم للاسف بنت عمها واختها مي اكتر شخص وجعها جلدها بكل قسوه .....كانت عاوزه تبعدها عن فارس هي الي بحقدها واتفاقها مع الشيطان بعدت عن العالم كله !!!!!!
اما الجد بكا بكاء يبكي القلوب
فارس قرب من جده بيحاول يخفف ببعض الكلام الي يخف عنه الصدمه
فارس :جدي عشان خاطري متعملش في نفسك كدا ده قدر ربنا هو الي كاتبه خلاص الزعل مش هيفدنا احنا ندعي ربنا يسترها معانا
الجد بكا :والله ما قادر احبس دموعي يافارس اتنين يروحو مني كدا واحده مقتوله والتانيه قاتله البلد كلها مالهاش سيره غير الي حصل
واثناء كلامهم سمعوا صوت صريخ وعويل جامد
فارس قام شاف جيهان داخله عليهم بغضب اسود وقف قدامها يمنعها زقت ايده بعنف: حاسب
ودخلت
الجد : انتي ايه الي جابك هنا ؟؟!!!
جيهان: جايه اخد حقي منك
فارس: حق ايه الي بتطلبي بيه
جيهان بحده: الي حصل لبنتي انا بنتي ماتت بنتي الطيبه ماتت فاهمين وبسبب بنت الحرام
الجد بصلها وساكت
جيهان بعصبيه:ايه مش سامع بقولك بنتي مااااااااااااااااااااااااااااااااااتت
الجد :بنتك ماتت بسبب سوء تربيتك
جيهان: لا بنتي ماتت بسبب البلوه الي رمتها علينا وبسببها وولادي بعدوا عني
بصلها الجد وبعصبيه: بنتك ماتت لانها اتخلقت من ضلع اعوج من ابني الي معرفش يختار صح ولا عرف يربي بس انا حرجعك لقمتك وكلمه واحد اطلعي برا
جيهان زعقت: بتطردني بتطردني من بيتك عشان بنت الحرام
الجد بصلها بنظره ارعبتها : متعليش صوتك وكلمه كمان عن غاليه هطلع روحك فاااهمه
جيهان: بس قبل ماتطلع روحي انا الي حطلع من هنا علي كل الجرايد والمجلات اقولهم ان غاليه مش بنتي وانك زورت في الاورق وهسجنك يا عبد الرحمن
فارس: جري ايه انتي ازاي تكلمي جدي بالطريقه دي وغاليه محدش يقدر يأذيها طول ما أنا عايش
وكمل بحسم)واتفضلي من هنا اتفضلي!!!!!!!!
جيهان: لا مش متحركه من هنا غير لما اخد حق بنتي منكم كلكم
الجد بثقه: سيبها يافارس يظهر موت بنتك لحس نفوخك روحي واعملي اقصي حاجه عندك لانك مش هتقدري تثبتي التزوير واقسم بالله لو عملتي كدا لسحب منكم كل مليم اخدته مني من عشرين سنه وهرجعك حافيه زي ما جابك المحروس ابني والمجلات و الجرايد الي هتروحلها هحشرها في زورك
جيهان اتغيرت ملامحها من تهديده : اه الفلوس تمن اني ربيت بنت الحرام وأأوتها في بيتي
الجد :مش انتي الي وافقتي تاخديها
جيهان: اه اخدتها عشان اعذبها بس هي خدت عمر بنتي قصادها
الجد بصوت حاد صارم: بنتك الي دمرت نفسها ودمرتنا معاها وكله بسببك انتي لانك متنفعيش تكوني ام انت نموذج سئ للامومه طول عمرك مابيهمكيش غير للفلوس وبس!!!
جيهان: برضو هخرج من هنا واسم عبد الرحمن حينتهي بالمحروسه غاليه
فارس صرخ فيها : لا انتي اتجننتي رسمي امشي اطلعي برااااااااا
الجد ضغط علي سنانه: اقسم بالله لو جرحتي بنتيي بكلمه
جيهان قطعته بكل سخريه لانه عاجز: ايه هتضربني
الجد: لا مش انا الي امد ايدي علي واحده ضعيفه زيك لان الامر ده اكبر من قدراتك وزي ما عملتك بفلوسي هدمرك برضو بفلوسي ومتنسيش اصلك وفصلك
وكمل بكل ثقه: واسمي مش هينتهي غير لما اموت انا مفيش قوه في العالم تهزه واطلعي برا براااااا
جيهان جرت نفسها جر تبكي بحرررقه ربنا عاقبها وانحرق قلبها وقفت تصرخ وتلطم خدها ولادها التلاته رفضوا يرجعولها وجوزها طلقها خلاص حتعيش وحيده مالهاش مكان والفلوس الي سعت ليها هتتسحب منها خلاص مكانها بين الضلمه والعتمه
جيهان بحرقه علي غاليه وجدها:منكم لله دمرتوني يارب اموت وارتاح يارب
..........
قاعد علي قبرها يبكي وهو مش حاسس بنفسه من التعب والندم!!!!
قربت منه وحطت ايدها علي كتفه بحنان لف وشافها مسح دموعه بسرعه
خالد: نجلاء انتي ايه الي جابك هنا؟؟!!!
نجلاء: جيت اشوفك يا خالد بعتلك رسايل كتير علي الفيس مردتش عليا
خالد: امشي يانجلاء مفيش داعي تدوري عليا
نجلاء: خالد انا جيت لانك وحشتني
خالد من كلامها حس بخنجر دخل قلبه وعيوونه اتملت دموووع: امشي
نجلاء بصوت خنقته الدموع: لا مش همشي بصلي انت مش خالد مش حبي وانت مش مضطر تخسرني لانك خسرت اختك ولا انا من حقي اخسرك
خالد صرخ فيها: كفايه كفايه
نجلاء: لا مش كفايه مش كفايه خالد اه هما ماتوا من حياتنا لكن احنا لسه عايشين
خالد: مين قالك ان احنا كدا عايشين انتي مش حاسه ولا عارفه حاجه
نجلاء: لا عارفه وحاسه انا كمان جربت الفقدان وعرفت طعمه
خالد مسح دموعه: انا الي مسؤال عن الي حصلهم
نجلاء:انت مش مسؤال عن اي حاجه حصلت
خالد: لو كنت اخدت بالي ان مي بتحبني يمكن كنت فكرت فيها لو كنت اخدت بالي من اختي ودخولها وخروجها يمكن كنت انقذت العايله
خالد فضل يبكي ويصرخ: انا تعبان اوي تعبان اوي انا تعبت والله العظيم مبقتش متحمل خالص انا بموت من تأنيب الضمير واحساسي بالذنب مش مخليني عارف اعيش واكمل في طريقي (ويضرب علي صدره) هنا فيه وجع كبير لان الي عندي مش موجود عند غيري
نجلاء حاضنته وقعدت تبكي: مين قال عارف يعني ايه لما تبقي نايم في حضن امك وحاسس بكل الامان وتغمض عيونك ولما تفتح تتقلب حياتك لـ الاسوء والابشع وتفقد امك عشان كدا قوي نفسك ياخالد انا زيك ويمكن اكتر كلنا بنمر بنفس الحاله ومش بقولك كدا مجرد كلام عشان احمسك بيا عشان تقوم وتكمل بس واحده واحده الالم حيزول وانا معاك
خالد بصلها :انا مستقبلي مخيف
نجلاء: وانا معاك هنقدر نتخطاه الصعب لازم نعيش حياتنا سواء بمرها او حلوها لازم نعيشها
خالد: بقولك ابعدي عني وشوفي الواقع وانسيني وعيشي حياتك
نجلاء زعقت فيه بصوت عالي: ابعد لا كتر خيرك بقي انا جايه اقولك بحبك ومستعده اقف جنبك وانت في منتهي السهوله تقولي ابعد اه حاولت ابعد بس مقدرتش غصب عني لقتني بقرب اكتر (حطيت ايدها علي قلبه) اسال قلبك اساله لسه بيدق بأسمي لسه عاوزني ورغبني اني اكمل معاك للنهايه
خالد: انا اكتر واحد فضلت اتمني حبك وكان الي مصبرني الامل واهو ضاع الامل وضاع خالد وخايف اكون بحلم
قربت منه بخفه وباست خده: كدا بتحلم
خالد: يمكن اكتر من الاول
نجلاء بمزح: تحب اضربك افتحلك دماغك نصين عشان تصدق
خالد: نجلاء ممكن نتكلم بعدين
نجلاء: لا انا وانت هنحسم حكايتنا الليله بس اوعي تقول كلمه ننفصل (مسكت ايده) خالد افهم انا بحبك افهم المعني ياخالد دي مش مجرد كلمه تنطقها بس الشفايف دي عواطف متبادله
خالد: انا حسافر مقدرش كل يوم اصحا اوجهه العالم
نجلاء : وماله اسافر معاك
خالد بدهشه: وتسيبي بيتك وحياتك
نجلاء: بيتي وحياتي مكان ما حبيبي يكون فيه
خالد: مش هينفع نكمل انا مبقتش انفع لحد...انا حياتي اتهدمت
نجلاء بدموع وضيقه: و انا مش حفرض نفسي عليك اكتر من كدا!!!! بس لا هروبك ولا وقفتك هنا هترجع الي راح ولفت تمشي
خالد من غير ما يحس بنفسه قربها منه وحضنهاوكأنه بيقولها اوعي تسبيني
خالد زاد من ضمها بتملك: نجلاء انا بحبك
نجلاء ضمته :وانا كمان بحبك ونفسي اعيش معاك لـ اخر حياتي
...............غاليه............... منه محمد.......................
في غرفه غاليه وفارس
كان محتاج يروح ويتطمن عليها بعد اللي سمعته من جيهان ده غير الي عمله فيها لكن خوفه من اللي ممكن يشوفه ويسمعه منها خلاه متردد في مكانه هو بينه وبين نفسه مقتنع انه جرحها و ظلمها بعد تردد وحيره لف يرجع لكن وقف تاني وفكر مش يمكن تكون مستنياه يدخلها ويقولها انا اسف حتي لو هترفضه ماهو ميقدرش يعيش بدون غفرانها ووجودها في حد ذاته جوه حياته كفيل يحسسه انه مازال انسان .. اخرتها استعان بالله
دخل وبلع ريقه لما شافها فرشه سجاده الصلاه وقاعده تضرع بخضوع وذل وابتهال لله وقف مش عارف المفروض يتصرف يقول ايه او يعمل ايه وقف يسترجع كل ذكرياته معاها وقد ايه ظلمها ياتري لو اعتذر الالف المرات علي عدم ثقته بيها هتقبل اي حاجه منه وتسامحه ولا ممكن اي شئ يغتفر الا ان الراجل يتهم الست في شرفها واكتر من مره اااه اد ايه اهانها قهرها دمرها بس ولا مره فكر في الانفصال عنها كان مجرد قرار نابع في وقت هو مجروح فيه
غاليه خلصت صلاتها ولفت بصتله بدون اي تعابير
فارس بتوتر : مستني تخلصي صلاتك واتطمن عليك
شاف الحزن بعيونها كان الود وده يضمها لصدره ويحتويها يدعمها حتي لو هتفرغ كل غضبها منه هو قابل وراضي
انحنى على ركبه قدامها بندم بحسره بتعب لانه ميستحقش الانسانه الي حبته لقاها منزله راسها اتكلم بحنان: غاليه بوصيلي
غاليه بصوت مبحوح: معلش ممكن تسبني لوحدي
فارس: لا انا مش هسيبك وانتي في الحاله دي (سكتت فكمل) رجاء اسمحيلي ابقي جنبك علي الاقل الليله دي
غاليه ساكته ودموع بتعبر عن كم الالم ومره واحده جسمها انتفض بقهره مش منه لا عليه لان هو كمان زيه زيها مجروح مظلوم وضحيه للمطامع الدنياويه
فارس ماتحملش منظرها سحبها لحضنه وهي اطلقت العنان لدموعها وصوتها بيعبر عن كل الوجع وقالت:الكل بينهش فيا وعاوزين يدفعوني ذنب ماليش يد فيه بس والله ما بقيت قادره اسدد اكتر من كدا
فارس ضمها: خلاص من اللحظه دي محدش هيدفعك حاجه ولو حد حاول هيلاقيني انا واقف قصاده
غاليه بغصه وتوهان : فكرت كتير اهرب لمكان ومرجعش خالص لكن اهرب اروح فين ؟
فارس بدموع وغصه: غاليه انتي مينفعش تسبينا احنا منسواش حاجه من غيرك انا مقدرش اعيش من غيرك ابدا انتي مراتي وحبعمري
غاليه بصرخت وجع: بس انا نقمه علي الكل
فارس نبره كلها الم: لا انتي اكتر واحده مظلومه من الكل !!!
غاليه: لو مكنتش اتجوزتك وطلعت منال بتحبك واستغلت كره مي سلاح ضدي مكنش حصـ
(غاليه لما ذكرت اسم مي( هي مي فين هي مي فعلا ماتت ( وبعدم تصديق) لااااااااااا لااااا مي اختي ماتت خلاص مش هشوفها تاني ليه موتتها دي كانت بتحبها ليه تموتها انا كنت راضيه انها تظلمني وتعذبني وتخليني في نظرك واحده ملوثه في شرفها بس كانت عاشت
فارس شدها لحضنه بيحاول يهديها : ابوس ايدك كفايه
غاليه ببكاء هستري : اختي ماتت ماتت وانا السبب واختي غاده اتظلمت وكريم انطرد وكله بسببي انا ....(وبمراره) وانا الي عشت مع الانسانه الي كرهت امي الست الي اعتبرتها امي حبيتها زي امي عشت معاها تحت سقف واحد كبرت واتربيت علي ايدها وعمري ما حسيت انها امي كنت طول الوقت بسال ليه بتكرهني كدا دونا عن اخواتي ودايما باعده ابويا عني ودلوقت جايه تقتلني ليه هي هتقتلني كام مره انا كل يوم كنت بموت من القهر كنت لما اجي انام افضل ادعي اني مقومش تاني عشان انا لعنه نقمه
فارس حواجبه معقوده بألم :لا لا يا غاليه متقوليش كدا انتي اكتر واحده مظلومه في الحكايه ومحدش ظلمك ادي
غاليه بصوت موجوع:انا مهما قولتلك عشت قهر اد ايه مش هتحسه انا رغم القسوه والحرمان الي كنت بشوفهم كنت من الوجع مبقدرش اخد النفس من كتر القهره لكن كنت كل يوم بكمل وبقول اكيد كل البواقي الحلوه الي جوايا هي الي لسه مخلياني واقفه و قادره اكمل
فارس : ده عشان انتي نضيفه من جوه ربنا وقف معاك
غاليه بعيون ماليانه دموع: ليه الحياه مخيفه اوي كدا ليه الناس بتتظلم وبيتحملوا طول عمرهم مسؤليه حاجه مالهمش ذنب فيها عارف لاول مره بشتهي الموت
فارس بسرعه: لا بعيد الشر انشاء الله انا يارتني انا الي موت قبل ما اصدق فيك الي قالوه اااه ياريت كنت اقدر ارجع بالزمن لوري صدقيني والله العظيم انا ندمان اديني فرصه اعتذرلك
غاليه بصتله وطالت بينهم النظرات لكن في عيونها شئ غريب
فارس اتنهد بحرقه: والله ما بقيت قادر علي النظره الي بشوفها في عيونك بتموتني بالبطيئ بس اديني فرصه اكفر بيها عن ذنبي حتي لو هتصرخي مش هنطق بكلمه واحده....لاني فعلا محتاج اكون معاك مش عاوز احس اني ضيعت جوهره من ايدي معرفتش افرقها بين الاصلي و الفلصوه انا بجد اسف وحقك عليا اسف ...ايه الي يرضيكي وانا اعمله بس سامحيني
غاليه اتنهدت بتعب: انا من اول ما وعيت علي الدنيا وانا بسامح
فارس برجاء: امنتك بالله تقوليها محتاج اسمعها منك
غاليه: مسمحاك يافارس وعمري ما شلت منك
فارس يمسح دموعه : اه ياغاليه بتصعبيها اوي عليا بطيبتك دي
غاليه مسحت دموعها بعنف: وانا بسهلها علي نفسي لان محدش بياخد كل حاجه كل واحد فينا عنده ابتلاء كل واحد عنده الي معذبه بس بشكل مختلف والانسان المؤمن عارف ان الدنيا دار ابتلاء والاخرة دار جزاء الا من يأس من رحمه الله
فارس سحب ايدها وباسهم : غاليه انت احلي هديه من ربنا بشوف الدنيا بعيونها وبتعلم قوه التحمل منها واسف علي الحاجات الي من المفروض كنت اعملها ومعملتهاش
غاليه بصتله: عارف انا من زمان بغرق ولما لقيتك اعتبرتك طوق نجاه وعافرت اوصله عشان ينجدني عشان كدا انا عاوزه اكمل واعافر بكل الي في وسعي واتعايش معاه واتغلب علي مصيبتي ومحتاجه منك طلب
فارس مسح دموعها بكل عطف وحنان: ايه هو وصدقيني انا هعمل كل الي اقدر عليه لو طلبتي روحي فداكي
غاليه مسحت دموعها: ممكن تبدء تسامح نفسك عشان انا اقدر اسامحك
فارس حس بألم بصدره من انسانيتها : انا عارف انك في صراع بتحاولي تبعدي الذنب عني وعارف وفاهم انك شيفاني شخص زيك مظلوم وضحيه للعبه قذره بس حتي لو سمحتيني مستحيل انسي اني ظلمتك زي زيهم
غاليه: فارس تعال نقف من اول ما بدئنا من اول مره شوفتني فيها محتجالك تقف جنبي تقويني علي كل الي انا فيه...!!!!محتاج اكون معاك استمد القوه منك
فارس : تعالي هنا وخطفها جوه حضنه) انا امانك وسندك وامك وابوكي لان انتي الحاجه الحلوه الي وهبهالي القدر يله ياعمري (وبحنان)قومي ارتاحي كفايه علينا الي عشناه اليومين الي فاتوا وانتي تعبتي اوي النهارده
غاليه هزت راسها برفض: لا محتاجه افضل شويه مع ربي لانه الملجئ والمنفذ الوحيد يعني ويقويني علي الابتلاء الي انا فيه
غاليه كان عندها يقين بالله انه حيهون عليها مصيبتها برغم انها واقفه علي ارض هشه لكن مع الله هتبقي ارض صلبه مرنه رغم خشونتها
فارس باس جبينها بعمق: وانا هشاركك في الابتلاء ومش هسيبك تناجيه لوحدك هناجيه مع بعض ونتخطا كل الظروف وكل الصعاب ووعد عليا ما زعلكيش مره تانيه ولا اسيبك ولا لحظه غاليه صدقيني انا فعلا حبيتك لدرجه مستعد ادمر العالم عشانك بس خلاص اوعدك وعد مفيش حاجه من النهارده حضيقنا وقام يتجهز للوقف بين ايدين المولي يناجيه يقويهم علي الزمن الي طغت في الشهوات والماديات، والفتن والملذات وانه قادر يخف عنهم الالم تدريجي