_العشق القاتل 🌸
بقلمي هاجر محمد 🌺 حبيبة 🌺
_الفصل 🌸 التاسع 🌸
_حووووور . استيقظ من نومه وهو يصرخ باسمها ويأخذ في نفسه بصعوبة بالغة اقترب منها يتحسس وجهها بخوف وبعدها وضع رأسه علي صدرها ليطمئن علي نبضات قلبها
ويري أنفاسها وما إن رآها مستقره حتي عاد برأسه إلى الوراء وهو يأخذ نفسا طويلا براحه وأخذ يحدث نفسه بهمس / إنت شكلك اتجننت ياصقر خلاص وأغمض عينيه
_همهمات بسيطه جعلته يعتدل مسرعاً من مكانه وهو يقترب منها / حور حور فوقي بقي كفايا
_فتحت حور عيونها وبعدها اعتدلت جالسه بفزع وخوف وأخذت تجر بنفسها إلى الوراء وتنكمش في نفسها
_أغمض عينيه بألم و/ حور ما تخافيش أنا مش هأذيكي تاني فبلاش الخوف ده
_لم يغير كلامه شيئا من وضعها
اقترب منها ووضع يده علي رأسها وهو ينظر في عيونها / أنا عارف إن كلمة أسف ما تنفعش وما تكفيش بس عاوزك تدني فرصه أثبت لك فيها إني ندمان والله العظيم كان غصب عني أنا شفت موت أمي وذل أبويا وموته بالبطيئ وعجز جدي وقاعده علي الكرسي الملعون ده وكل ده بسبب اتنين بس رأفت الغياط وسهي مراته بس كنتش قادر أعمل حاجه او ما كنتش فاهم إنها بتقتل أبويا بمساعدتي أنا إنتي متخيله إن
واحد يرفض الاكل والشرب وبس ما يرضاش ياخد غير من إيد إبنه واللي إبنه بيدهوله كان فيه سم بيموته بالبطيئ يعني أنا اللي قتلته بس من غير ما أعرف ولما عرفت كنت أنا وجدي بنخرج من أملاكنا مطرودين بعد ما دفنا أبويا بعدها أخدت عهد علي نفسي إني أدمر أي جنس بشري بينتمي لرأفت الغياط وسهي وفضل الحلم ده يكبر جوايا لحد ما بقيت
مهووس بيه أنام واصحى بفكر فيه لحد ما إنتي وقعتي في طريقي أو بمعنى أصح رأفت رماكي في طريقي حسيت إني بطفي ناري وأنا بوجعك بس أنا اللي موجوع أوي دلوقتي مش علشان عرفت إنك بنت عمتي لا علشان
*قاطعته حور بدهشه وصدمه / بنت إيه؟؟
_صقر بتأكيد أيوه ياحور جدي اتصل بيا وقالي إنك مش بنت رأفت قالي إنك بنت عمتي سعاد الله يرحمها لسه ما اتأكدتش بس سواء صح أو غلط خلاص ما بقاش يفرق معايا
_ما يفرقش معاك... وأنا اللي بقول إيه الحنيه دي ده مش صقر اللي أنا عرفاه بس إزاي إزاي بنت عمتك
_والله العظيم لحد دلوقتي ده اللي عرفته بس لسه ما أعرفش تفاصيل
تذكرت حور كلام رحيم ودعوه وهم ينهروها علي سذاجتها وبرائتها الزائده عن الحد وأنها يجب أن تتغير وبالأخص أمام صقر لتستطيع مواجهته فنظرت إليه بقوه غير معهوده علي حور حتى أنها لم تتخيل أن تستطيع التلفظ بكل ذلك أمام سطوته وجبروته المعتادة منه عليهم /_أقولك أنا علي التفاصيل ياصقر بيه. أنا طلعت بنت عمتك زي ما انت بتقول علشان كده حاسس بالندم بس مش علشاني ولا علشان حنية
قلبك لأ ده علشان كده إنت ما عرفتش توصل لهدفك يعني كده رأفت الغياط هو اللي هيبقي إداك إنت وجدك الضربه التانيه بس أنا كان إيه ذنبي في ده كله وأنا طول عمري بقول أنا ليه بيعملني بالطريقه دي أقول ما فيش أب يقول لبنته أنا مش أبوكي ولا أم تبص في وش بنتها بقرف عارف أنا شفت
ذل قد إيه 😢😢 أنا شفت الموت مرات وأنا بتكوي بالولعه علشان بقرب من لعب ساندي وشفت الذل علشان طلبت أتعلم وأبقى زيهم 😢😢😢 دموعي وأنا بنام من غير عشا ذلي وانا محبوسه علشان فيه حفله ساندي تلبس فيها لبس مش مسموح ليا حتي إني أبص عليه كبرت وأنا ببني حياتي علي
الأحلام أحمد دايماً يقولي ياحور اتغيري بس حور مش عارفه لحد ما جت لحور ضربه قاضيه واللي مفكراه أخويا يدخل يتهجم عليا وهو سكران طينه ولما أصرخ أستنجد بأهل البيت أنا اللي أضرب واتحبس
ولما جه يبيع باعني أنا باعني ليك علشان تكمل عليا وانت قمت بالواجب وزياده ياصقر بيه بس أقولك إنت عملت فيا معروف مش هنساه أبدا عارف إنك خليت حور الخرسه تنطق وزي ما قال رحيم حور هتبقي قويه علشان تحافظ علي حور الجديده وتاخد حق حور القديمه
_كانت حور تتحدث ودموعها تحكي ألمها معها أما عن صقر فكان يقف يستمع لها وقلبه يتألم لمنظرها ولم يحاول أن يقطعها كان يريد أن يسمعها ويعرف عنها ما جهل به لكن ليته ما علم فقد زاد حقده علي رأفت أضعاف مضاعفة
_العشق القاتل. هاجر محمد. حبيبة
_أنا كنت مفكر إن رأفت انتهى والحوت بدأ بس شكله كده كان لسه بس أنا كده سيبته بزياده كفايا عليه... امسك كتفها وهو ينظر إليها بانكسار وندم :- حور أنا عارف إني غلطان بس عاوز منك فرصه أرجع فيها حق حور القديمه وساعد فيها حور الجديده وأكون جنبها
_حور بدموع :-وهتعرف ترجع حق حور منك ياصقر هتعرف
_اللي إنتي عوزاه هعمله
_تمشيني من هنا وتسيبني في حالي مش عاوزه أشوف وشك تانى
_هيسيبك تهدي ياحور دلوقتي لأني عارف إنك تعبانه دلوقتي
_صرخت حور في وجهه و/ هو إنت مش بتفهم أنا بقولك مش طايقاك بكرهك سيبني في حالي بقي
_ أمسكها صقر من ذراعها بقوه و / صوتك ده ما يعلاش تاني عليا إنتي فاهمه مش صقر سليم اللي تتكلمي معاه كده أنا ساكت لأني مقدر حالتك وعارف إنك تعبانه بس تتكرر تاني ياحور صدقيني هتصرف تصرف يضايقك فاهمه
_دب الخوف في أوصال حور مره أخري ونظرت إليه نظره ارتجف لها قلب صقر / مشيني من هنا ياصقر مشيني رجعني تاني عند جدو
_لم يرد صقر عليها بالكلام وإنما جذبها إلي صدره وطوقها بذراعيه وأخذ يمسد علي رأسها / حاضر ياحور بس علشان خاطري حاولي تديني فرصه تانيه مش عاوز أشوف نظرة الخوف دي في عنيكي أنا مش عارف إزاي كنت بالغباء ده
_ظل صقر يحدثها وهي لم تتحرك من مكانها وإنما ظلت ساكنه بين أحضانه فقط تتنفس بسرعه عاليه طال الوقت ولم تتحرك ولم تعلق على أي حديث لصقر
_توقف عن الكلام حينما لاحظ سكونها فهزها بيده بلطف و/ حووور
_اممممممم
_صقر بابتسامه خفيفه / شكلك مرتاحه وعاجبك الوضع صح
_حور بتلقائيه وعدم تركيز ردت نفس الإجابة / امممم (☺️☺️☺️☺️☺️☺️)
اتسعت ابتسامت صقر وهو يشدد من احتضانه لتلك البلهاء التي نسيت بسرعه تلك المحاضره القاسيه التي القتها منذ قليل وكانت فيها تشبه النمر الشرس والأن هي بين يديه كالقطه الهادئه
🤗🤗🤗🤗🤗🤗🤗🤗🤗🤗🤗🤗🤗
.................................................... ........................
_بعد رحيل دعوه بتلك الطريقه التي لفتت انتباه الجميع
رحيم /هي مالها وإيه الهبل اللي بتقوله ده أنا هطلع أشوفها
_منعه الجد و:- لا سيبها دلوقتي يارحيم أنا هتكلم معاها الصبح
_ياجدي دي شكلها بتعيط
_قولت لك سيبها دلوقتي ويلا نام علشان تسافر بكره على مصر تشوف شغلك كفايا قعده كده
_أسافر وشغل طب والفرح ياجدو
_لما نلاقي العريس والعروسه الأول يلا يابني روح نام
_منك لله ياصقر منك لله تصبحوا على خير
_رحمه والجد / وانت بخير
_رحمه / الفرح هيتعمل إمتي صحيح ياحج البلد كلها عامله حسابها إنه في اليومين دول
_لا ما أنا قولت لمرات رمضان إننا اجلنا الفرح شهرين وزمان البلد بحالها عرفت دلوقتي
_طب هتعمل إيه مع دعوه
_هجوزها رحيم
_رحمه بصدمه / رحييييم
_أيوه رحيم أنا مش هسيب دعوه تخرج مننا بره وكمان هي دلوقتي فكرت إنها غريبه وإن إهتممنا بيها هيقل بوجود حور بس أنا دعوه دى روحي يارحمه بنتي اللي مخلفتهاش وجاتني علي كبر وكمان رحيم مش هيلاقي بنت زيها
_العشق القاتل. هاجر محمد. حبيبة
_ولو حد فيهم رفض ياحاج
_اللي ما يوافقش برضاه يارحمه يوافق غصب عنه
_غصب ياحج
_أيوه يا رحمه غصب لأني عارف مصلحتهم واللي مش هيوافق هيشوف مني وش تاني حتي لو دعوه مع إني عمري ما رفضت ليها طلب أو أجبرتها علي حاجه بس المره دي لأ
================================
_في غرفة دعوه كانت تبكي بحزن وهي تمسك بصورة أمها وتتحدث معها و/ أنا مش عارفه أنا ليه عملت كده أكيد جدو زعلان مني دلوقتي بس أنا حسيت إني غريبه أو إني خلاص ياماما ما بقاش من حقي أفضل هنا حور حفيدة البيت الحقيقية ومرات صقر وأنا
_قاطعها صوت رحيم الذي كان يقف متكأ علي باب غرفتها و/ وإنتي بنت البيت وروحه وأختنا الصغيره
_نظرت إليه دعوه وهي تمسح دموعها و/ رحيم إنت بتعمل إيه هنا
_دخل رحيم وجلس بجوارها و/ جيت اشوف القمر بتاع البيت زعلان ليه.. من قدر وزعل الدعوه المستجابه بتاعتنا
_نظر له بعينيها 😏😏/ إنت جاي تستظرف ولا إيه إطلع بره يلا
_هههههههههه حتي وإنتي زعلانه لسانك طويل احترمي نفسك شويه
_دعوه بحنق :- جاى ليه يارحيم
_رحيم بطريقه جديه /عايز اعرف إيه اللي حصلك مره واحده كده من ساعة ما عرفتي صلة حور بينا وإنتي غريبه
_صح يارحيم أنا غريبه معاك حق أنا غريبه وهي بنت عمتك وأنا خلاص يارحيم مش قاعده هنا تاني علشان اريحكم كلكم من الحمل اللي إنتم شايلينوا من زمان متشكره أوي لحد كده
_لا ده إنتي أكيد اتجننتي رسمي بقي إيه التخريف اللي بتقوليه ده إنتي عمرك ما كنتي ولا هتكوني غريبه مننا
_طب قولي يارحيم بيه أنا إيه بالنسبه ليك؟؟؟؟
_أختي الصغيره اللي بحبها وبخاف عليها وما قدرتش أنام وأنا حاسس إنها زعلانه
دعوه بصوت مرتفع /بس أنا مش أختك يارحيم ولا إنت عمرك كنت أخويا طول عمري وأنا مش بشوفك غير ح.... أدركت نفسها في تلك اللحظه فضغطت على اسنانها بقوه وهي تلعن غبائها
_رحيم وهو ينظر لها بتركيز / طول عمرك بتشوفيني إيه يادعوه كملي سكتي ليه
_دعوه بتوتر واضح / ب ب ب بشوفك حد م مغرور و و د ديما ب بتبقي عاوز تضايقني وتتريق عليه
* كانت تتحدث وعيونها تدور في المكان حتي تبتعد عن عيون رحيم
_كدابه يادعوه مش ده اللي كنتي هتقوليه
_حاولت دعوه الهروب من الكلام و/ رحيم لو سمحت إطلع بره وسيبني أنا عاوزه أنام
_أنا خارج يادعوه بس أنا عارف كنتي عاوزه تقولي إيه بس أنا يادعوه رحيم أخوكي وعمري ما شوفتك ولا هشوفك بشكل تاني... ورحل وتركها
_أما هي فنظرت إلى أثره بألم وهي تبكي و/ عارفه يارحيم بس غصب عني مش بمزاجي والله 😢😢😢😢😢😢😢😢😢😢😢😢😢😢
================================
في صباح اليوم التالي استيقظت حور وظلت تدور بعينها في المكان / هو أنا فين؟؟؟
_لحظات وتذكرت أنها بغرفت الصقر الذي رفض مساء الليلة الماضيه أن يخرج أي منهما من الغرفه وهددها إن خرجت ستطول مدة وجودها معه ولن تعود إلى جدها كما رفض الحديث معها في أي شيء يخص صلة القرابة التى جمعت بينهما علي الرغم من الحاحها ولكنه رفض معللا بذلك أنه لا يعرف التفاصيل
_نهضت حور من مكانها وهي تبحث بعينها عنه ولكن لم تجده ولكن وجدت العديد من الثياب معلقه ومكتوب عليها (صباح الخير 💕💕💕 أسف ياحور أسف أسف سامحيني زوجك صقر)
_نظرت بابتسامه وأخذت تقلب فيهم إلا أن جذب انتباهها أحدهم وكان عباره عن ( جيبه قصيره بعد الركبه بقليل وعليها بلوزه بأكمام طويله) فأخذته ودخلت إلى المرحاض وبعد قليل خرجت كالاميره نظرت إلي نفسها في المرأه وقامت بفك رابطة شعرها وفرده ليغطي ظهرها الطويل
_هبطت حور وهي ترسم ابتسامه مشرقه علي وجهها متناسيه كل ما حدث لها وكأن شيئا لم يكن
_دلال /صباح الخير ياست هانم وألف مبروك مع إنها متأخره بس يعني في كتب الكتاب كان الوضع يعني
_قاطعتها حور بابتسامة :- أنا حور مش ست هانم ياريت ما تقوليهاش تاني
_ أومال أقولك ياست هانم
_هانم تاني أنا حور وبس ماشي
_بس صقر بيه لو سمعني بقول لك كده
_قطعتها حور و/ أنا ماليش دعوه بصقر قوليلي بقي دلوقتي أخرج للجنينه منين
_أشارت لها علي باب الخروج لتقفز حور وهي تصفق بسعاده كالأطفال وتجري بسرعه وسط زهول كل من بالقصر هل من المعقول أن هذه الطفلة زوجة الحوت صقر سليم
_خرجت حور وظلت تجري وتلعب وتركض هنا وهناك وهي تضحك بصوت انتبه له كل من هو موجود بابتسامه إلى تلك الملاك المحلق أمامهم
================================
_كان صقر يجلس في مكتبه يفكر هل ما أحضره لها أعحبها أم لا هل بالفعل قبلت أسفه أم لا ومره واحده خبط علي راسه و / إيه الغباء ده انا نسيت ان حور مش بتعرف تقرأ يعني أكيد مش هتفهم الرساله و
_قاطعه دخول مصطفي وهو يقول بسرعه /مصيبة ياصقر مصيبه مصيبه مصيبه
_مصيبه إيه يامصطفي الله يحرقك ده أنا لسه داخل بدل حمد الله علي السلامة
_أنا بتكلم بجد ياصقر فيه مصيبه كبيره حصلت
_فيه إيه يامصطفي إتكلم إخلص
_العشق القاتل. هاجر محمد. حبيبة
_في حد دخل على إيميل الشركه ولغي الصفقه اللي مع العميل الامريكاني وبلغه إننا موافقين علي دفع الشرط الجزائي
_انتفض صقر من مكانه و / ينهار أسود إنتم إجننتم ولا إيه مين اللي يقدر يعمل حاجه زي دي
_مش عارف ياصقر أنا هتجنن من ساعة ما عرفت و هتجنن أكتر لما تعرف مين اللي خد العقد معاه مكنَّا
_ضغط صقر علي شفتيه بغضب و:- محمد وعمر
_أيوه هم عرفت إزاي
_صقر وهو يتحرك من مكانه بسرعه /تعالي معايا
_علي فين
_علي مكتب رحيم
_إنت اتجننت ياصقر ولا إيه رحيم استحاله يعمل كده
_صقر بعصبيه / أومال مين اللي ممكن يعملها مين ما فيش حد يعرف بيدخل علي الايميل ده إلا أنا وإنت ورحيم يبقي مين يا إنت يارحيم
_إنت بتشك فيا ياصقر فيا أنا ورحيم أنا مش مصدق نفسي
_أنا ما قولتش إني شاكك في حد فيكم بس أنا بحاول أعرف أبدأ منين يامصطفي
_طب والعمل إيه دلوقتي الشرط الجزائي مش قليل ده غير إن ده أهم عميل بنتعامل معاه وده خساره كبيره لينا
_ما تقلقش أنا هتصرف تعالي معايا علي مكتب رحيم بس دلوقتي
_دخل صقر ومصطفي علي مكتب مصطفي وأمسك بالاب توب الخاص برحيم وأخذ يفحص فيه عن عدة أشياء
_بالعقل كده لو رحيم اللي عملها هيسيب أي دليل على اللاب بتاعه وهو أكيد عارف إنك هتدور فيه
_أصبر يامصطفي
_بعد قليل ابتعد صقر عنه ورجع برأسه إلى الوراء و/ هو ده اللي كنت عاوزه ماشي ياعم عمر إنت ومحمد شكلكم كده لسه ما اتعلمتوش من الدرس اللي فات بس أنا كنت ساكت بمزاجي إتصل برحيم وخليه يرجع النهاردة
_أنا كلمته إمبارح وهو قالي إنه جاي النهارده وزمانه كمان قرب يوصل لأنه كان بيقول انه هيتحرك قبل الفجر
_طب كويس أوي أنا ماشي ولما يجي إبقي عرفني
_هو إيه اللي ماشي ياصقر طب والمصيبه اللي إحنا فيها دي
_صقر وهو يجلب هاتفه من علي المكتب ويرحل /سلام يامصطفي
_سلام يامصطفي مش مطمن لك ياصقر
================================
_إزاي مشي من غير ما يقولي أو يسلم عليه حتي قبل ما يمشي
_دعوه وهي تنظر أرضاً / مش عارفه ياجدو بس أنا شفته وهو ماشي بالعربيه الفجر
_ماشي يارحيم نفدت مني بس أنا هنفذ اللي في دماغي
_عاوز مني حاجه تاني ياجدو
_لا ياحبيبتي روحي إنتي دلوقتي
================================
_عمر بيه صقر سليم بره وعاوز يقابلك
_اقتحم صقر المكان و:- هو أنا لسه هتأذن اطلعي بره
_أشار عمر إلى السكرتيره أن تخرج وتتركهم ثم نظر إلي صقر سليم و/ الحوت بنفسه عندنا ده إيه المفجأه دي
_ولسه المفجأه الأكبر و / ولكمه لكمه قويه دي البدايه ياعمر ولسه وإنت اللي بدأت إنت وأخوك بس خليك فاكر إنك لعبت في عداد عمرك لما فكرت تقف بس قدام صقر سليم الحوت فاهم الحوووت وتركه وخرج دون أن ينتظر تعليقه أو رده
_عمر بغل و/ والله هقتلك ياصقر هقتلك ويا أنا يا إنت يابن عمي