{ #قارئة_الفنجان } 🧕🏻☕
الحلقة التاسعة عشر والعشرون
{ 19 } 🔮
نديم : وطي صوتك 😐
لين ب صوت اهدى : ي نديم حرام عليك مستقبلك
نديم : عمر م هيكونلي مستقبل معاهم ي لين .. انا بخلص ل خالي مصالحه وبلم ورا ابنه مصايبه هو دة الي انا بعمله 💁🏻♂️
لين : خلاص ي نديم الي انت شايفه صح اعمله بس فكر الاول عشان متبقاش خسرت كل حاجة 😒
( يسكتوا ، تحس امنة بالزنب ، تدخل تكمل القهوة ، يرن فون لين ، تاخده وتطلع برة ، يقوم نديم يدخل المطبخ ، يقعد ع الترابيزة )
امنة وهي بتحط القهوة جنبه : قهوتك ☕
نديم : تسلم ايدك 🤍
امنة وهي ماسكة ماج نيسكافيه : نديم
نديم وهو بيشرب القهوة : امممم ؟
امنة ب تردد : لين عندها حق 😕
( ينتبهلها )
امنة ب ضعف باين ع صوتها : حرام تخسر شغلك ب قعدتك جنبي 😟
( يتنهد نديم ويضير وشه )
امنة وهي حابسة دموعها : كفاية كدة .. انت ترجع ل شغلك ول حياتك .. وانا كمان هرجع ل حياتي .. انا مش اخر بنت ف العالم .. عمر اكيد هينساني 😅
نديم : عمر مبينساش ي امنة
( تبص امنة ل ماج النيسكافيه الي ف ايدها )
امنة : طيب .. ارجع ل شغلك حتى 😕
نديم : مش هرجع .. انا مش هسيبك
( يسكتوا )
امنة : ممكن اسألك سؤال وترد عليا بصراحة ؟
نديم وهو بيشرب القهوة : اسألي ☕
امنة : الي حصل بينا .. وقت م كنا بنرقص .. حصل ليه .. كان فعلاً غلطة منك .. ولا كان بجد ؟؟؟
( يبص نديم ل فنجان القهوة الي ف ايده وبعدين يحطه ع الترابيزة جنبه ويبصلها )
نديم : هتفرق معاكي ف حاجة ؟
امنة : اه .. هتفرق 😟
نديم : مكانش غلطة
( تفرح امنة من جواها )
نديم : ولا كنت قاصد 😒
( تستغربه )
نديم : مش عارف ليه وازاي عملت كدة بس ...........
( يسكت )
امنة : ايه ؟؟
( ميردش ، يمسك فنجان القهوة ويشرب )
نديم : حلوة القهوة .. بس مُرة 🤍
امنة : بس ايه ي نديم ؟؟
( يبص ل فنجان القهوة وبعدين يبصلها )
نديم : يمكن اي حد مكاني وقتها كان هيعمل كدة
امنة ب ضيق : كنت سهلة اوي للدرجة !!!!!!
نديم : لا طبعاً مش قصدي !
امنة وهي بتحط ماج النيسكافيه ع الترابيزة : اومال ايه ؟؟
لين وهي بتدخل : شباب انا لازم امشي جالي فون شغل
نديم وهو بيقوم : طب اوك استني
( تمشي ويروح وراها ، تضايق امنة مش وقتها خالص ، يوصلها نديم للعربية )
لين وهي بتفتح باب العربية : فكر هاااا
نديم ب تنهيدة : ماشي 🙄
( تركب وتشغل العربية )
لين : باي
نديم : طمنيني اما توصلي
لين : اوك
( تمشي لين ، امنة ف المطبخ واقفة بتفكر ف كلام نديم )
امنة ف سرها : اي حد كان هيعمل كدة .. للدرجة دي انا رخيصة .. يعني مكانتش طالعة ب حب زي م كنتي حاسة .. كانت عشان اي حد كان هيعمل كدة 💔
( تنزل دمعة منها ، تمسحها ، يدخل نديم )
امنة : مشيت ؟
نديم وهو بيقعد : اه
( يسكتوا ، تاخد امنة ماج النيسكافيه تحطه ف الحوض ويكمل نديم القهوة ، تقرب عليه )
امنة : خلصتها ؟
نديم : اه
امنة وهي بتقلب الفنجان : م تخليني اقراهولك ☕
نديم : لأ
امنة : ليه بس !!!!
نديم : قلتلك قبل كدة مبحبش الحاجات دي ولا بأمن بيها
امنة : ولا انا بأمن بيها ولا المفروض حد يأمن بيها دي تخاريف بس من باب التسلية 🤷🏻♀️
نديم ب اصرار : لأ بردوا ☝️
امنة وهي بتشيل الفنجان ع الرخامة : اوك 😒
نديم : مش هتنامي ؟
امنة : لا .. مش جايلي نوم
نديم : طب تعالي نقعد ف الفراندة
امنة : اوك هحصلك
( يطلع نديم ، تقرب امنة ع الحوض تغسل الماج وبعدين تقرب ع فنجان القهوة ، لسة هتغسله تتردد ، تمسكه وتقراه ، يبان ع وشها ملامح الزعل والخضة ، تغسله وبعدين تطلع يقعدوا ف الفرندا ع مخدات ف الارض ، يقوم نديم يشغل اغاني ويهدي الصوت )
امنة وهي باصة للبحر : ي بخت لين بالمكان دة ♥️
نديم : رايقة اوي
امنة : ليه مش قاعدة فيه ؟!
نديم : شغلها بعيد عنه وساعات بتسهر هناك ف مينفعش تسوق كل المسافة دي بالليل لوحدها
امنة : هي بتشتغل ايه ؟
نديم : مهندسة ديكور
امنة : اهااا
( تشتغل اغنية *لولاك حبيبي* يقوم نديم يقف ، تبصله ، يمدلها ايده )
امنة وهي بتمسك ايده : طولنا اوك 🙄👋
( تقوم ولسة هتمشي هيشدها تبقا ايده ف وسطها والتانية ماسك ايدها ، تتخض ، يبدأ يحركها ع نغمة الاغنية وعيونهم ف عيون بعض )
"( احبك تاني ايه اكتر م الحب دة كله ايه ، خلصت انا فيك الحب كله ، لولاك حبيبي لولاك معايا والله مكانش ليا انا اصلاً حياة ، لولاك حبيبي لولاك معايا والله كان عمري راح حبيبي وانت جنبي .. 🤍✨ )*
نديم وهو بيضمها اكتر : لمستك دي .. عيونك .. نظرتك .. كل تفصيلة فيكي .. حتى ريحتك .. حركة نفسك لما تركزي .. تتليجة ايدك لما تتكسفي .. فركة صوابعك لما تتوتري
( يحط ايدها الي ماسكها ع قلبه )
نديم : كل دة لما يكون بيني وبينه خطوة .........
امنة ودموعها بتنزل : انا بحبك ♥️
نديم : من اول يوم عيني وقعت عليكي فيه .. كدبت نفسي وقلت ل قلبي لأ ملحقتش .. بس هو كسفني .. بقا بيشتاق لما بتمشي .. بقا بيخاف لما بتبعدي .. وبقا بيغير كل م يقربلك عمر .. وبردوا كدبته 💔
امنة ودموعها بتنزل : يعني كل حاجة حسيتها منك مكانتش كدب 😥
نديم وهو بيمسح دموعها : لأ 🙂
امنة ب عياط : ايوة انا كنت متأكدة .. كنت متأكدة ان كل دة مش كدب انا مصدقتكش لما قلت ان دة كان غلطة دة مكانش غلطة لأ مكانش غلطة 😣
( يحضنها ، تحضنه وتعيط )
نديم : بحبك 🤍
( تبتسم ب فرحة وتحضنه اكتر ، يمسح دموعها )
نديم : هاخدك ونبعد عن كل الناس
امنة : واهلي ؟
نديم : هنشتغل سوا ومش هنخليهم محتاجين حاجة
( تشاورله ب اه وتفضل ف حضنه )
*( مو على كيف الزمان ولا على كيف الظروف ، لعن أبو حي الظروف اللي بتوقف بيننا ، كلنا قبل نتلاقى حالنا حال الظروف ، كلنا كنا ترانا تايهين في ليلنا ، في دخولك في حياتي إنت سويت معروف ، خلينا نحيا حياة تليق في شخصيننا .. ♥️✨ )*
( يفضلوا سهرانين ع الشط لحد م تنام ف حضنه ، يطلع الصبح ، يصحى نديم ، يبعدها عنه ب هدوء وبعدين يقوم ويشيلها يطلعها اوضتها يحطها ع السرير ويغطيها ، يعدي الوقت ، تدق الساعة 4 العصر ، امنة لسة نايمة ، نديم قاعد نص قاعدة قصادها ف الارض ، يمشي صوباعه ع خدها براحة ، تفتح عيونها ، تشوفه تبتسم )
نديم : كل دة نوم 🙂
امنة : طولت ؟
نديم : الساعة 4 العصر
امنة : لا بجد !!!
نديم : والله
امنة : يمكن عشان نمت امبارح من غير م افكر
نديم : كنتي بتفكري ف ايه ؟
امنة : فيك .. 💔
نديم : بطلتي دلوقتي ؟
امنة : لا عمري م هبطل .. بس ع الاقل نايمة مرتاحة ♥️
نديم وهو بيقف : طيب قومي البسي دة 👈
( تلاقي فستان ع السرير )
امنة ب استغراب : ايه دة ؟!!
نديم : قومي بس البسيه ومتتأخريش .. هستناكي تحت
امنة : اوك 😕
( يمشي نديم ، تقوم امنة تتفرج ع الفستان ، سواريه لونه احمر ب ديل طويل وبكم مقفول من قدام ومفتوح الضهر كله ، تبتسم 🙂 تاخد دش وتطلع تلبس الفستان وتعمل ميكب بسيط وتفرد شعرها وتطلع من اوضتها ، تقرب ع السلم ولسة هتنزل تلاقيه كله مفروش بالورد الاحمر ، تتفاجئ ان البيت كله كدة وواقف نديم ل اخر السلم باصصلها ، تجري ع السلم والورد بيتجرجر وراها ب فستانها )
الحلقة العشرون { 20 } 🔮
امنة : ايه الحلاوة دي 😍
نديم وهو بيبوس ايدها : مش احلى منك 🙂♥️
امنة ب حب : تسلملي ♥️
نديم : يلا المأذون مستني من بدري
امنة ب خضة : مأذون !!!!!!!!
نديم : ايوة مأذون .. بعد دقايق هتكوني مراتي
امنة ب فرحة : بجد والنبي 🥺🤍
نديم وهو بيمدلها ايده : والله يلا 👋
( تمسك ايده ويدخلوا الفراندة فيها قاعد المأذون واتنين شباب الي هما الشهود ولين وام امنة واخواتها )
امنة ب اندهاش : ماماااا 😮
( تجري عليها تحضنها )
الام : نديم اتصل عليا امبارح وقالي
امنة : انا فرحانة اوي انك هنا 🧡
الان : مبروك ي حببتي الف مبروك 🤍
( يقرب نديم يقعد جنبهم )
امنة : شكراً بجد ي نديم 😟❤️
( يبتسملها ، يبدأ المأذون يكتب الكتاب )
المأذون : بارك الله لكما وبارك عليكما وجمع بينكما في خير 😊
لين وهي بتحضن امنة ب فرحة : مبرووووووك 😍
امنة : الله يبارك فيكي 😅♥️
( نديم يوصل المأذون والشهود ويطلب اوبر ل ام امنة ويرجع )
لين : مبروك ي نودييييي 😃
نديم : عقبال م نخلص منك انتي كمان 🤷🏻♂️
لين : ههههه لا انا قاعدة ع قلبكم ☝️
نديم : كلها كام يوم ونسيبلك البلد كلها
لين : هتسافروا ؟؟
نديم : اه هصفي كل حاجة ونطير ع استراليا
لين وهي بتقوم : والله جدعين مهي امنة مش هتفضل ع طول مستخبية 🤷🏻♀️
نديم : اكيد لأ
لين : اسيبكوا انا بقا
نديم : رايحة فين !!
امنة : اصبري هنتغدى سوا
لين : لا مش هينفع والله ورايا شغل انا بس مكانش ينفع افوت كتب كتاب اخواتي .. مبروك ي قلبي 🤍
( تحضن امنة )
امنة : الله يبارك فيكي ♥️
( تقرب ع نديم )
لين وهي بتحضنه : مبروك ي بيبي 🤍
( تبصلها امنة ب ضيق )
نديم : الله يبارك فيكي 💚
لين : يلا باي
نديم : باي
( تمشي لين ، يقرب نديم ع امنة )
امنة : بص بقا لا تقولي صاحبتي ولا زي اختي انا الكلام دة مياكلش معايا 🙅🏻♀️
نديم ب استغراب : ايه دة في ايه 🤨
امنة : تحضنك بتاع ايه دي هي ليه هتكرهني فيها وبيبي ايه دة انا لسة مقلتلكش ي بيبي !!!!
نديم وهو بيقرب عليها اكتر : امممم .. غيرانة ؟
امنة ب توتر : اااا لا بس .........
( يحط ايده ف وسطها ويقربها عليه )
نديم : اهو بالصدفة جربتي انا كنت بحس ب ايه كل يوم وانتي مع عمر 🙂💔
امنة : مش اسوء من احساس انك تبقا مع حد وقلبك ف حتة تانية 💔
نديم وهو بيقربها اكتر : كان فين ؟
امنة ب كسوف : بلاش رخامة 😅
نديم وهو بيبعد عنها : لا دة احنا ندور عليه بقا 🤷🏻♂️
( يشيلها ، تبتسم وتداري وشها ف حضنه )
نديم : الفستان هياكل منك حتة ♥️
امنة : زوقك حلو 💚
نديم : دايماً 😎
امنة : ههههه 😅🤍
( تاني يوم ، يصحى نديم ويدخل ياخد دش ، امنة نايمة ، جوة حلمها بتجري ف ارض كلها طين وحد بيجري وراها بس مش ظاهر وشه ، وفجأة ، تقع من مكان عالي ، تصحى بتصرخ )
نديم وهو طالع م التواليت : في ايه في ايه ؟!!!!!!
( يقرب عليها ، تنزل دموعها )
امنة ب عياط : كابوس 😣
نديم وهو بياخدها ف حضنه : طب اهدي مفيش حاجة انتي كويسة 😕
( تشاورله ب اه )
نديم وهو بيطبطب عليها : حد يحلم ب كوابيس يوم صباحيته انا شرير اوي كدة !!!!
امنة : نديم
نديم : نعم ؟
امنة : انا قريت فنجالك ☕
نديم ب استغراب : فنجالي !!!
امنة : ايوة .. قريته 😟
نديم : انا مش قلتلك متعمليش كدة ؟!
امنة : غصب عني كان قدامي
نديم ب تنهيدة : ماشي ي امنة .. ياريت متكررهاش 😒
امنة ودموعها بتنزل : انا شفت فيه موتي
( يتخض نديم من جواه )
نديم ب انفعال وهو بيقوم : بلا موتك بلا زفت احنا قلنا دي تخارف ووالله ي امنة لو كررتي حوار القراية دة تاني هيكون الي بيني وبينك ☝️
( يدخل التواليت ، يقف عند الحوض ويفتح الحنفية ويحط دماغه تحتها ، تقف امنة عند باب التواليت )
امنة وهي بتناوله الفوطة : كدة هتبرد .. من ماية سخنة ل ساقعة 😕
نديم وهو بياخدها منها : بحاول استوعب الي نكدتي عليا بيه 😒
( ينشف شعره )
امنة : انا اسفة
( يبصلها )
امنة ودموعها يتنزل : انا بس من وقتها وانا خايفة 😟
نديم : عشان قلتلك متقريهوش استفدتي ايه كدة !!!!
( تمسح دموعها )
نديم وهو بيحط ايده ع خدها : محدش يعرف الي هيحصل بعد دقيقة غير ربنا .. لا تقوليلي بقا فنجان ولا كف ولا الهري دة كله ماشي 👋
امنة وهي بتمسك ايده : ماشي .. متزعلش مني ♥️
نديم : مش زعلان .. انا هلبس وامشي عشان اشوف حوار الشركة واخد بطاقتك عشان اعملك الباسبور
امنة : اوك
نديم : ع 9 كدة هكون هنا اجهزي هنتعشى برة
امنة : اشطاا 😊
نديم : افطري اوك
امنة : قولي اتغدى دة احنا المغرب 🤷🏻♀️
نديم وهو بيغمزلها : عروسة بقا 😉
امنة : هههه ماشي 😅
( يبوس دماغها ويروح يلبس وبعدين يمشي ، تنزل امنة المطبخ تاكل ، يعدي الوقت ، امنة ف اوضتها ، تلبس بنطلون چينز تلجي وبادي كشمير ب كم مفتوح بسيط من قدام وتلبس كوتشي ابيض وشنطة كروس بيضة وترفع شعرها وتحط ميكب بسيط ، يرن جرس الباب ، تفرح وتنزل جري ع تحت ، تفتح )
عمر وهو بيصفر ب اعجاب : كل يوم بتذيدي حلاوة 😉
( تتخض امنة وتقفل الباب بسرعة يزقه عليها تقع ع الارض )
عمر ب صوت عالي : بالزمة دي مقابلة بتقفلي الباب ف وشي ي نونة 🤷🏻♂️
امنة وهي بتقوم : انت عرفت مكاني ازاي ؟!!!!
عمر : الي يسأل ميتوهش
امنة : سيبني ف حالي بقا عاوز ايه 😟
عمر وهو بيقرب عليها : وحشتيني 🙂
امنة وهي بترجع ل ورا : امشي ي عمر .. امشي احسنلك
( هو يقرب وهي تبعد ، يرن فونها فوق ، يسمعوه ، وفجأة ، تجري امنة ع فوق يجيبها من شعرها )
امنة ب وجع : اااااه 😨
عمر ب غيظ : ع فين 😠👋
( تزق ايده وتضربه بوكس ف وشه ، يتخض )
عمر : الله .. دة بقينا بنعرف ندافع اهو 😃
امنة وهي بتاخد وضع البوكس ب خوف : قلتلك امشي احسنلك 😟
عمر : لا امشي ايه .. مش قبل م اختبر قدراتك بقا 💁🏻♂️
( يقرب عليها وهي تبعد ، يضربها بوكس تتفاداه ، تحمسه اكتر ، يضربها تاني ، تتفاداه تاني )
عمر وهو بيقرب : رجع يدربك هاا .. بس انتي مازالتي ضعيفة .. باين ع رعشة ايدك 🤔
امنة وهي بتحاول تتمالك اعصابها : مش ضعيفة 😟
( يفضل يقرب وهي تبعد لحد م يبقا وراها حيطة ، يحط ايده ع الحيطة جنبها )
عمر وهو بيهمسلها ف ودنها : او ع الاقل قصادي 🙂
( تفتكر امنة كلام عمر *القوة من هنا ، ف انك تأمني من جواكي انك قوية وتقدري ع اي حاجة ، وقتها هتقدري فعلاً* )
( وفجأة ، تضربه امنة بوكس والتاني والتالت ورا بعض )
امنة ب غيظ وانفعال : انا . مش . ضعيفااااااا 😡
( تضربه شلوت وفجأة يمسك رجليها ، تتخض ، يلفها مرة واحدة تقع ع الارض ، يقرب عمر ويضرب فيها بالشلاليط ب غيظ ف بطنها )
امنة ب وجع : اااااه 😣
( يقرب عليها ف الارض )
عمر وهو بيمسكها من شعرها وبيقرب عليها اوي : متعافريش .. كل م هتعافري هدمرك اكتر 🙂
الحلقة الحادية والعشرون من هنا