رواية مخدوعتي الفصل السادس6 بقلم منار عصام

رواية " مخدوعتى "

بقلم منار عصام

الفصل السادس

*مش عارفة أعمل إيه..بقالى هنا أسبوعين وف حاجة غريبة،محمد بيظهر فجأة ويختفى فجأة ومش عارفة آخد منه لاحق ولا باطل..والدوا اللى بيدهونى مخلينى نايمة طول الوقت لدرجة انى بنام بالأيام،مش فاهمة إيه اللى بيحصل..مش عارفة أثق فية ولا أخونه،بس هو لو كان هيإيذينى كان أنقذنى ليه من الأول..ف حاجة مش مفهومة *

- صباح الخير الجميل عامل إيه النهاردة.. 

= تمام الحمدلله.. هو حضرتك بتختفى فجأة وتظهر فجأة ليه؟! هو فى حاجة؟! 

- لا أبداً بس انتى دواكى اللى بيخليكى تهلوسى شوية.. بمناسبة الدوا يلا كلى عشان تاخديه.. 

- مش جعانة معلش يادكتور انا عاوزة امشى.. عدى اسبوعين ودلوقتى نسيوا..

= مينفعش، الرجالة اللى بتراقبهم بيقولوا انهم لسه بيدوروا عليكى.. 

- رجالة مين؟!  مش مهم كل دا انا ممكن اروح تركيا ومن هناك اروح مصر واكيد مش هيدوروا ف كل خطوط الطيران.. 

= صدقينى ياعزيزتى لو كان ينفع كنت عملتها.. يلا بقا كلى عشان دواكى.. 

*حاسة ان فى حاجة غلط فى حلقة مفقودة مش حاسة بارتياح لكلامه والدوا اللى بيدهونى..الدوا!!!انا لازم ابطل اخد الدوا واشوف ايه اللى هيحصل*

- كدا بقا بعد ما أكلتى تقدرى تاخدى دواكى.. 

= اآأا حضرتك تقدر تشوف باقى شغلك وانا هاخد الدوا متشتغلش بالك.. 

- تمام خديه انتى وانا هروح اشوف ايه اقرب وقت تقدرى تسافرى فيه.. 

= ماشى يادكتور.. 

*بعد ما مشى اخدت البرشام وخبيتة وشربت المية وكأنى خدت الدوا..استنيت للوقت اللى بنام فيه وعملت نفسى نايمة حسيته فتح الباب واطمن انى نمت فقفلة وخرج..اتسحبت براحة ومشيت وراه لقيته واقف قدام باب اوضة بيكلم حد انا مش شايفاه عرفت انه راجل من خيالة*

- مش هقدر اماطل معاها اكتر من كدا.. انت لازم تجبلى الورق ف اسرع وقت عشان اقدر اتحرك.. 

=......... 

- أنا عارف إن الوضع متأزم عليك خاصة بعد هروبها بس لازم نلاقى حل بسرعة، فى ارواح ناس بتضيع يوم بعد يوم.. 

-........ 

= خلاص تقدر تروح انت وانا هخلى بالى من الوضع هنا، بس حاول تخلص ف اقرب وقت.. 

*محمد خلص كلامه ومشى وخيال الشخص اختفى جريت علاوضة ادور عليه بس ملقتش حد بس الشباك كان مفتوح روحت اشوف حد برا لقيت شخص ماشى لابس بلطو اسود وايس كاب ومش باين ملامحة*

- انتى بتعملى ايه هنا؟!! 

= ان انا انا صحيت من النوم مفزوعة فقلت اتمشى شوية.. 

- طيب تعالى عشان تنامى الوقت اتأخر ودا مش حلو ع صحتك. 

*مشيت معاه وروحت الاوضة وممشاش الا لما اطمن انى نمت..بس انا مش مرتاحة،انا لازم اهرب والمرة دى ههرب صح ومش هتمسك..

" ف مصر ف بيت وعد "

- ياعمى مينفعش وجودكو هناك خطر عليكوا وعليهاا

= يابنى وعد لما تعرف هتترعب، لازم اكون جمبها عشان اطمنها.. 

~ ايوا يابنى.. لازم نكون جمبها مينفعش نسيبهاا.. 

- خلاص ياجماعة حضروا شنطكو عبال ماحجز التذاكر ونسافر كلنا.. 

*دخلت ام وعد فابو وعد مسك ايدة*

- انت متأكد يابنى ان اللى بتعملة دا مش هيإذى وعد.. 

= صدقنى ياعمى انا آخر واحد ممكن أئذيهاا.. 

              الفصل الاخير من هنا

لقراءة باقي الفصل من هنا