رواية غاليه
الفصل الرابع
بقلم منه محمد
وقفنا لحد ما مي بثت سمها في دماغ امها والشيطان استحوذ عليهم بعدها خرجت جيهان من غرفه مي ونزلت لتحت وكل ما شافت غاليه تسمعها كلام يفتت الصخر من قسوته
...................
في بيت عائله ندي
سندس بعصبيه: قرب يموت الاهبل ناوليه اسعافات بسرعه
(ندى بتلعب وامها بتشجعها تخلص مهمتها وتنبه ندى علشان تديلو اسعافات)
سندس بعصبيه: اتجمعو عليه قتلوه ..(بعد مامات) انا بقالي ساعه بصرخ وبقولك هيموتوه وانتي ما بتفهميش
ندى رمت دراع البلايستيشن: يا مامتي ماعنديش اسعافات اجبله منين وانا خلاص مليت من اللعبه تعالي نروح الجنينه عاوزه العب سله
سندس كشرت : بس بدون مااشجع
ندى كشرت : انتي عمرك شفتي لاعب بدون جمهور ومشجعين
سندس : امال اضيع صوتي لحد ما يوجعني وبعدين انا صرخت علي المسكين الي مات ومعنديش استعداد اصوت تاني بس هشجعك بطرقتي!!!
.................
الساعه 11 في بيت عائله غاليه
نزلت مى وراحت للمطبخ شافت غاليه حايسه في المطبخ والشغل كله على راسها من الصبح بعد ماعطت امها الشغاله اليوم راحه للمزيد من انتقام غاليه
طلعت مى فوق ودخلت غرفة غاليه اخدت موبيل غاليه وبعتت رساله لكريم وبعدها سجلت رقم فارس علي تلفونها
وانتظرت شوي تشوف اذا كريم بيتصل و الا لكن مااتصلش اطمنت ولما جات تخرج الا بغاده داخله الاوضه
غاده بشك : مي فيه ايه ؟؟
مي: هيكون فيه ايه ومالك كدا مستغربه
غاده: لا اصلك غريبه اول مره تدخلي اوضه غاليه ؟
مى بارتباك : هاه .. ولا حاجه بس كنت بدور علي غاليه
غاده بشك: ومالك كدا خايفه كئنك عامله جريمه!!!
مى بنرفزه: لاخايفه ولا حاجه والاوضه اهي عندك اشبعي بيها ... وسابتها وخرجت
طنشت غاده اسلوبها وراحت تفتح دولاب غاليه تشوف فيه لبس يستاهل انها تجهزه ليها او لا ... اخدت بعض الهدوم البسيطه اللي حست انها حلوه وخرجت
...................
في غرفة مى
مى بتكلم منال بالتلفون : خلاص قلت لك عملت كل اللي طلبتو مستنيه بس كريم يوصل
منال : اوكي شاطره ياقلبي وقوليلي ايه الي حيحصل اول بأول
مى : اوكي باي
الساعه واحده بعد نص الليل
دخلت غاليه غرفتها وهي مش شايفه من قمه التعب اخدت شور واتمددت على سريرها بصت في موبيلها لقت ثلاث مكالمات من فارس ورساله بيطلب فيها تطمنه عليها علي طول اتصلت
فارس رد بلهفه وقلق:غاليه
غاليه : ازيك
فارس : فينك طول اليوم عمال ارن عليك ومابترديش
غاليه بتعب :كنت مشغوله ولسه يادوب مخلصه شغلي ...فارس
فارس : عيون فارس وروحه
غاليه خلاص دموعها هتنزل: امتى هتاخدني بكره
فارس :غاليه لو مش عاوزه تيجي معايا عادي اهم حاجه عندي راحتك
غاليه بكت : لا عاوزه اروح معاك بس بسأل اي وقت هتفوت تاخدني علشان اكون جاهزه
(صحيح صعب عليها تقول كدا لكن بعد اللي شافته اليوم خلاص مش قادره تتحمل دقيقه واحده)
فارس : بعد العصر ان شاء الله اكون عندك
غاليه : اوكي مستنياك... فارس اقدر اقفل دلوقت لاني تعبانه ونفسي انام
فارس : متضيقيش نفسك وفكري في بكره وبس .. نوم العوافي
قفلت مع فارس واستسلمت لنوبة بكاء تغسل بيها همومها وكلام امها اللي زي السكاكين عماله تقطع في قلبها
خرج كريم من عند صحابه في النادي وبص في موبيله شاف مسج من غاليه تطلب منه اول ما يوصل البيت يروح اوضتها لانها محتاجاه ضروري
كان بيتصل بس كنسل وقرر انه يروح للبيت ويتطمن بنفسه
اول ماوصل للبيت راح اوضته على طول اخد له شور سريع لانه كله تراب من لعب الكوره لبس وراح لغرفة غاليه
قرب يدق الباب سمع صوت بكاها وفتح الباب على طول شافها ااعده في سريرها ومنظرها يقطع القلب
قرب منها وقعد على طرف السرير: مالها حبيبة اخوها تبكي مين مزعلها؟؟!!
مى اول ماشافت كريم دخل غرفة غاليه اتصلت بـ امها
مى :ماما روحي اتأكدي بنفسك
قفلت جيهان بدون ماترد عليها
ابراهيم شاف عصبيتها : فيه ايه اتكلمي
جيهان بعصبيه : اقولك ايه اقولك ايه ربنا يسود وشه
ابراهيم بتوتر : انتي هتتكلمي ولا ايه
جيهان مقدرتش تقوله كل كلام مى لكنها وصلت له الخلاصه
.........فز ابراهيم من مكانه وجنون الدنيا اتجمعت كلها في ملامحه ودفع جيهان من قدامه وراح لغرفة غاليه
غاليه بكت علي صدركريم : كريم انا عملت ايه في دنيتي علشان يكرهوني كل الكره ده
كريم ضمها بحنان في نفس اللحظه دخل ابراهيم
للغرفه زي الصاعقه واول ماشاف كريم حضنها دليل اثبات للشكوك اللي اتزرعت في دماغه
ابراهيك شد كريم بعنف : اتفوووو عليك يا بن الكلب يا نجس ...طرااااااااااااااااااخ
كريم وقف مصدوم وحط ايده على خده ومش فاهم ايه سبب تصرفات ابوه الهمجيه: بابا فيه ايه؟؟
كان ابراهيم عمال يسحب كريم لبرا ويصريخ: ماتقولش بابا من النهارده انت لا ابني ولا عاوز اعرفك ولا اشوف وشك طول ماانا حي
جيهان بتحاول تسلك بينهم وتبكي : لا يابراهيم الا ابني ادخل اقتل اللي متخافش ربنا السافله بس ابني لا يا ابراهيم ابني لا
ابراهيم دفعها بعيد عنه ويضرب في كريم ويسحبه براا : بقولك اخرج من بيتي انا متبري منك ليوم الدين يا مجرم
كريم اللي سامعه من ابوه كانت اكبر صدمه له كان يتمنى يعرف هو عمل ايه ومين دي السافله وامه بتطلب من ابوه يقتلها بس ما كان قدامه الا يطلع وينفذ كلام ابوه لحد ما
يعرف سبب ثورته العارمه عليه بص لـ بأمه اللي بتعيط وغاليه اللي قاعده تبكي بهستيريا والصدمه على وشها من اللي بيحصل قدامها . مشى لباب الغرفه وشاف غاده والخوف
واضح عليها ومى اللي واقفه تبكي بصمت وعيونها فيها نظره ماعرفش يحدد معناها جر رجليه وخرج من بيت اهله وكل اللي بيدور في عقله ياتري ايه الذنب اللي عمله علشان اابوه يتبرى منه ويطرده في نص الليل وبالمنظر ده!!!!!
اما ابراهيم اول ماطلع كريم لف لغاليه وبكل مافيه من غضب وكأن اتنزعت منه كل معاني الرحمه انهال عليها ضرب كان بيضربها بوحشيه وماكانش على لسانه غير يابنت الحرام يا
زانيا انا ماعرفتش اربيك .. غاليه استسلمت لضرب ابوها وكلامه اللي بيقتلها اكتر من الضرب اذا كريم اللي بيحبه مارحمهوش يبقي هي حريحمها وهي فحياتها ماحست ان ليها اي قيمه عند امها وابوها ولا ليها اي محبه في قلوبهم
بعد مامارس عليها وحشيته وقسوته طلع وسابها وراه مرميه على الارض مش عارف اذا كانت حيه او ميته قفل باب الاوضه بالمفتاح وراح اوضته ولا كأنه قتل انسانه
اول ماغاده شافت ابوها دخل اوضته قربت من باب غاليه تناديها بصوت واطي عاوزه تطمن عليها لكنها مالقتش من
غاليه اي رد نخت وأأعدت قدام باب اختها وهي بتحاول تفك طلاسم الغضب المفاجئ وتصرف ابوها الغريب افتكرت مي وخوفها وارتباكها لما دخلت اوضه غاليه وشافتها فيها قامت بسرعه وراحت لغرفة مى
وبدون ما تخبط دخلت على طول لقتها ااعده في سريرها وتبكي بصمت
غاده بعصبيه : حالا تقوليلي بابا ليه عمل كدا وايه الي حصل؟؟
مى بخوف : ماعرفش علمي علمك
غاده بصتلها بشك : انا ليه مش مصدقاك؟
مى وخوفها عمال يزيد : وليه مش مصدقاني بقي؟؟
غاده بصوت عالي : شوفي يا مى والله العظيم لو عرفت ان ليك يد في الي حصل ده مفيش حد حيقف في وشك غيري انا فاهمه ولا لآ
وطلعت تعيط وأأعدت تاني قدام باب اوضه غاليه لعلها تسمع اي صوت يطمنها على اختها
اما مى كان الندم قتلها على اللي عملته بس خلاص ماتقدرش تتراجع لانه لو عرفو بكذبتها مش بعيد يقتلوها مسكت موبيلها وكتبت رساله لمنال تقول فيها كل اللي حصل!!!
كريم طلع مطرود عمال يلف الشوارع بعربيته مش عارف يروح فين ولا قادر يفهم ليه انضرب كدا مالقاش قدامه غير اعز اصدقائه ماجد بس للاسف الشديد ماجد بعيد عنه جدا.. مسك موبيله واتصل بماجد لكن ماردش عليه اكيد في شغله لفرق التوقيت!!!!!!
.............................
في غرفة منال بتكلم سحر علي الفون
منال : طيب بعد كدا ناويه تعملي ايه ؟
سحر : لا ماتسأليش هعمل ايه انتي ماعليك غير تعرفي بالنتايج والباقي سبيه عليا
منال بتمني : اه امتى اسمع خبر يبرد قلبي
سحر : هتسمعي ياقلبي مش انا وعدتك هما يومين ويكون فارس المغوار مطلقها
منال :عارفه لو حصل الي بتمناه ياسحر اطلبي عمري مايغلاش عليك
********غاليه********
يوم جديد الساعه 2 الظهر
طلع فارس من الشركه وهو تعبان من الشغل راح للبيت وطول الطريق وهو بيفكر في غاليه حمد ربنا انه سمع كلام جده اي نعم لحد اللحظه ميعرفهاش كويس بس الي شافه منها في
يومين كلها طيبه وتواضع ده غير جمالها حرام ملاك زيها تعيش في بيت عمه ....عمه اللي ما بيهمه غير الفلوس ممكن يبيع عياله علشان القرش ده الحزن اللي شافه بعيون غاليه كان سبب انه يستعجل انه ياخدها
وصل للبيت طلع لغرفته اخد شور يستعيد بيه نشاطه وبعدها فرد نفسه على سريره حاول ينام لو ساعه وبعدها يروح ياخدها
اول ماغمض عيونه الا موبيله رن ابتسم توقع ان اللي متصله غاليه بس لما شاف الرقم استغرب لانه رقم غريب قرر انه
مايردش بس الاتصال اتكرر ولما ماردش للمرده الثانيه وصل له مسج (ارجو الاتصال او الرد ضروري جدآ استاذ فارس ) اول ماجه يتصل الا الموبيل رن وبنفس الرقم رد على طول
فارس : الووو
... : السلام عليكم ورحمة الله
فارس استغرب مين دي اللي متصله اكيد مش واحده بتلعب صوتها وابتدائها بالسلام بيقوله كدا : وعليكم السلام نعم مين معاي
...(وبصوت جد وخالي من اي دلع ) : اولا اسمحلي انت فارس المحمدي
فارس بحيره : ايوه انا بشحمه فارس المحمدي خير
.... : استاذ فارس الموضوع اللي هقوللهولك خطير واتمنى تسمعني للاخر وربنا شاهد انه صعب اني اقلهولك لكن الساكت عن الشر شيطان اخرس ويعلم ربنا اني ماكلمتكش الا برجاء انك تقدر باصلاح ماعجزت انا عن اصلاحه
فارس والحيره عماله تزيد جواه من الكلام اللي بيسمعه : قولي بسرعه لو سمحتي وان شاء الله اساعدك باللي اقدر عليه
.... : احنا مجموعة بنات اي نعم متربطناش رابطه الدم ولكن ربطنا الاخوه والحب في الله انضمت لنا اخت ..
فارس قاطعها : عفوآ بس انا ايه علاقتي بالكلام اللي بتقوليه
.... : اظن يا استاذ انا طلبت انك تسمعني للاخر واكيد ليك علاقه لان الانسانه دي
مصلحتها تهمك
فارس اول ماخطر في باله ندى لانها قبل فتره انضمت للحلقات الدينيه : كملي يا انسه سمعك
.... : ارجو منك ماتقاطعنيش .. زي ماقلت لك انضمت لينا اخت في الله كانت جواها كميه كره لاهلها وللمجتمع كانت بتعمل حاجات غلط وتجاهر بيها مفيش داعي لذكرها ولما اكتشفو اهلها تصرفاتها حرموها من كل حاجه ماعدا الجامعه
كنا بنقابلها فالجامعه ونسمع لها ومانلومهاش ونحاول نصحح اخطائها ونقدم لها النصيحه بطريقه هاديه ومقنعه علشان ماتنفرش مننا اتصلت بيا امبارح من رقم غريب وهي طايره من الفرحه وبتقول انها تزوجت والرقم ده جايبه لها زوجها واتكلمت عنه كتير بس بعدها فضلت تبكي وتشكي من معاملة اهلها وانها هتحرق قلوبهم زي ماحرقو عليها فرحتها
فارس فهم انها بتتكلم عن غاليه : الرقم اللي اتصلت عليك منه رقمه ايه
.... : لحظه اشوفه .. اه اهو هو اخره055*******
فارس هنا اتأكد من صدق البنت لان غاليه قالت له انها ماعطتش الرقم غير لكريم وغاده حتي ندي لحد الان متعرفه : كملي سمعك
.... : والنهارده الصبح اتصلت بيا وكلمتني بصوت تعبان ولما سالتها مالك قالتلي ان ابوها ضربها لكن مش مهم المهم اني حرقت قلبه هو وامها حاولت استدرجها واعرف عملت ايه اعترفت لي انها استدرجت اخوها كريم واغوته والعياذو بالله ولما عرف ابوها بالامر اتبرى من ابنه وطرده من بيته
فارس هنا عقله فصل ووقف مقدرش يستوعب وبعصبيه: انتي ازاي قدرتي تقولي الكلام الكبير ده
.... : لانها الحقيقه للاسف الانسانه الشاذه دي اعترفت لنا بأخطاء كتير لكن غلطتنا الوحيده اننا اكتفينا بالنصيحه وسترنا
عليها لان من ستر على مسلم ستر الله عليه لكن بعد اللي حصل ندمت اني مانبهتش ابوها على بنته وتصرفاتها لو كنت عملت كدا مستحيل كانت توصل الامور لزنا المحارم
فارس اتمني الموت قبل ما يعرف بالي عرفه وبقهره: وليه بتقوليلي انا ورقمي جبتيه منين ؟؟؟
.... : بخصوص رقمك هي قالتلي انها اتجوزت فارس ابن عمها ولان عايلتكم ماشاء الله معروفه اتصلت بصديقه ليا شغاله في شركه اتصالات وقدرت تجيب لي رقمك .. اما ليه بقولك لانه
من تصرف ابوها اللي اكتفى بضربها بس حسيت ان ماقداميش غيرك ....الانسانه دي طالما وصل تفكيرها للقذاره دي فهي انسانه مريضه ولازم تتعالج وما تتسبتش كدا لانه خطر على نفسها وعلى اللي حواليها
قفل فارس وهو حتي مش قادر يصدق اللي سمعه واتمنى يرجع الزمن وراه ولا يرد على المكالمه كان جواه صوت بيصرخ بيستغيث من الي سمعه يكون كله كدب او كابوس مزعج
وهيروح لحاله وبعصبيه اخد موبيله واتصل بكريم وهو مش عارف لو رد عليه هيقوله ايه بس كريم ماردش رجع اتصل تاني وتالت ورابع وبرضو ماردش افتكر ان كريم مجاش للشركه النهارده وهو مش من عادته يغيب اتصل بعمه
ابراهيم رد (بعصبيه ) : نـــــعــــم
فارس علي مضض : ازيك ياعمي
ابراهيم : بخير عاوز حاجه يافارس؟؟
فارس حاول يتحمل اسلوب عمه الفظ محتاج يعرف صدق الكلام اللي سمعه : لا بس حبيت اسال عن كريم اصله مجاش النهارده للشغل وبتصل بيه محتاجه في شغل بس مابيردش
ابراهيم بنفس عصبيته : معرفش فينه ومش عاوز حد يسألني عنه
فارس حاول يتماسك لان اسلوب عمه وطريقته يثبت صحه كلام البنت : ليه ياعمى خير
ابراهيم بقله ادب : من غير ليه عاوز حاجه تاني
فارس اتنهد: ايوه يا عمي اقدر اجي اشوف غاليه
ابراهيم بعصبيه : براحتك انت وهي ،هي مش خلاص بقت مراتك ليه ماتجيش تاخدها مستني ايه؟؟؟
فارس : انا جاي اشوفها حالا وبعدين يحصل كل خير
قفل مع عمه ولبس هدومه وطلع
اما ابراهيم قفل معاه وبص لجيهان واتكلم بعصبيه
ابراهيم : امتى هتوقفي المناحه اللي عملاها ؟
جيهان بدموع : كفايه يا ابراهيم ما تحرمنيش من ابني
ابراهيم بغلظه : انسي ان ليك ابن ولا اسمعك جايبه سيرته او والله ماليكي قعاد في البيت مفهوم
لما ماسمعش رد منها دخل ايده في جيبه ورمى عليها مفتاح غرفة غاليه
ابراهيم :انا خارج برا وده مفتاح اوضة بنت الحرام لما يجي العله خليها تطلعله ويارب ارجع القيه ما اخدهاش علشان اقلتها بأيدي
خلص كلامه وطلع اما في غرفه غاليه
حاولت تقاوم بس الالم كان فظيع بس تجاهلت المها وعيونها كلها دموع جرت نفسها للحمام وغسلت وشها وصلت الفروض اللي فاتتها بعد ماخلصت حاولت تغير هدومها المقطعه كان كل
جسمها كدمات وحتي ما متحمله تلمسه حطيت ايدها على راسها بضعف...كانت حاسه بشعور فظيع...يدمي قلبها طلعت لها قميص قطن خفيف تحت الركبه لبسته بصعوبه وبقت
عندها المهمه الاصعب تمشط شعرها الي اتنكش كل ما حطت الفرشه بشعرها كانت تضغط على سنانها من الالم وكأن فروة راسها انتزعت من مكانها من كتر ماشدها ابوها منه ماقدرتش تلم شعرها ذيل حصان كالعاده من الالم فسابته مفرود
وصل فارس لبيت عمه مالقاش قدامه غير الشغاله وواضح ان لاعمه ولا كريم موجودين
الشغاله : اتفضل يا فارس بيه
فارس :فين عمي او كريم
الشغاله : البيه خرج من شويه (وبرتباك ) واستاذ كريم مش هنا
فارس : طيب ممكن تنادي لي غاليه
الشغاله : أأمرك يا بيه
مشت الشغاله بعد ما دخلت فارس الصالون الي بيدعي من كل قلبه ان غاليه تيجي ويتأكد من كل الي سمعه انه كدب
جيهان فتحت الباب وبصتلها بنظراات كلها وعيد وتهديد...واضحه حتى للأعمي: قومي ياحقيره ربنا ياخدك ويريحنا منك ومن وسختك قومي فزي انزلي لجوزك تحت وغوري معاه وريحينا منك
غاليه عيطت بحرقه من كلام امها القاسي واتمنت تعرف ايه الذنب الي عملته لكن خلاص فقدت الامل في ان امها تحن
عليها في يوم كان كل املها في فارس انه يعوضها عن كل اللي شافته طلعت من غرفتها ونزلت تحت وهي بتجر نفسها جر من الالام اللي نهشت فيها
دخلت على فارس والدموع بتعبر وتتكلم كانت عباره عن كارثه بتعرج على رجولها مقدرتش تقف اكثر وأأعدت على الارض بكت واتكلمت بتوسل : فارس خدني معاك مش عاوزه افضل هنا
فارس كان مصدوم من اللي شافه وشها متورم جدا وفيه كدمه كبيره وشفتها مجروحه مستحيل ان أب يضرب بنته بالوحشيه دي الا اذا فعلآ الكلام اللي سمعه حقيقي جاي يخرج من الغرفه وقبل ما يطلع مسكتة غاليه من ايده وهي لسه على الارض
غاليه ببكاء يقطع القلب ورجاء :فارس رايح فين ابوس ايدك خدني معاك ماتسبنيش
فارس الي خلاص مش قادر يتحمل يبصلها قرفان من ماسكه ايدها لانها في نظره نجسه قذره
شئ وسخ وهتوسخه سحب ايده منها بقسوه وطلع من بيت عمه وهو مش متحمل يستني بكره عشان يروح للمأذون ويرمي عليها ورقة طلاقها
غاليه الصدمه لجمتها بتحاول تستوعب اللي حصل جات في بالها فكره خوفتها معقوله فارس راح يتخانق مع ابوها على
اللي عمله فيها لااااااا مش عاوزه اكون سبب بزيادة المشاكل اللي بينهم سحبت نفسها وحاولت تطلع فوق بأسرع قوه يقدر عليها جسمها
المنهك دخلت غرفتها ومسكت موبيلها تتصل بفارس وتحاول تلتقط انفاسها بعد المجهود الجبار اللي بذلته علشان تطلع لغرفتها
واول مااتفتح الخط اتكلمت بلهفه : فارس ابوس ايدك ماتروحش لابويا ارجوك عشان خاطري مش عاوزه المشاكل تكبر ...
فارس قاطعها وبكل احتقار : ما تنطقيش اسمي على لسانك القذر ياقذره وكل اللي بيني وبين عمي كان ممكن اغفرهوله
مقابل انه يقتلك انتي حرام تعيشي على الارض وتتنفسي الهواء اللي احنا نتنفسه
غاليه كانت الصدمه اكبر منها ومن تفكيرها حتى الدموع اتحجرت بعيونها
فارس لما ماسمعش منها اي رد كمل : اسمعي ياحقيره انسي اسمي وانسي اني كنت جوزك ورقمي اياك تتصلي عليه تاني فاهمه
غاليه كأن مسلوبه منها الحياه : وانا اروح فين ؟
فارس بنبره كلها احتقار : انتي خليك في زبالتك يازباله
وقع الموبيل من ايدها اكيد العيب فيها مش في اهلها وفارس عرفته ....طيب ايه هو العيب اللي انا معرفهوش طيب اروح فين اهلي رفضني وفارس مش عاوزني(وبصريخ هستيري ) اروووووح فيين قولولي اروح فين