الفصل الثاني عش
بقلم منه محمد
منال: مى قولي انك بتكدبي
مى : فيه حد يكذب في الموت بقولك فارس هو اللي مات مش جدي
منال بصدمه : لا مش مصدقه بقي العجوز الخرفان مايموتش والي يموت فارس لالالالالا قولي كلام يتصدق
مى بعصبيه : استغفر الله العضيم ليه الموت بيفرق بين كبير وصغير ده يومه اللي ربنا كاتبهوله
منال بصرخه هزت جدران البيت : لااااااااااا مستحيل اصدق ان فارس مات
حنان دخلت مفزوعه ونفاسها طالع نازل من الجري: منال مالك ليه بتصرخي؟؟
منال بقهره رمت الفون من ايدها : فارس مااااااااااااااات
حنان بدون اي تعبير: لا اكيد اللي مات جدك مش فارس
منال وهي تبكي : لالالا العجوز الخرفان لسه عايش والي مات فارس
حنان بعصبيه : بجد انا ماعرفتش اربيك يعني لو جدك الي مات ولا كنتي هتبكي عليه ولا تنزلي دمعه
ولما قالولك ان الي مات فارس موتي نفسك من العياط مالك انت فارس يعيش ولا يموت
منال : يووووووووووووه الكلام مع الناس الي هنا بجد منتهي انا غايره
حنان بعصبيه : غوري علي اوضتك وخروج من البيت مافيش
منال بصرخه :رايحه اشوف جدي ولا كمان بتمنعيني
حنان : من شوي كان الخرفان ودلوقت عرفتي الواجب ورايحه تشوفيه
منال : اه عرفته بس الظاهر فيه ناس بتتكلم عنه وهي ماتعرفهوش
حنان بتعجب :تقصدي ايه ؟؟؟
منال بسخريه ورفعت حاجب: لا بس اظن من الواجب انك لما سمعتي ان جدي مات تروحي مع جوزك بدال العزايم والحفلات اللي اخده كل اهتماماتك
ومره واحده طرررررررررررررررررراخ
حنان بعصبيه لان القلم ولا برد قلبها : غوري من قدامي لاقتلك وحسابك معايا لما يجي طارق
راحت منال لغرفتها وهي تبكي من القهر فوق انها اتحرمت من فارس ضربتها امها وهددتها بطارق
(طارق الرعب الحقيقي في بيت حامد لانه عصبي وولا مره اتفاهم غير بالضرب واللي يقع تحت ايده يبقي الله يرحمه )
كانت حزينه ومصدومه بموت فارس لكن مش بالشكل اللي تخيلته كل اللي فكرت فيه هل معقول بانها تلاقي زوج بنفس مواصفات فارس او لا.. وزاد حقدها اضعاف على غاليه لانها كانت زوجته ومات وهي مازالات زوجته وهتورث كل الغنيمه
************غاليه***********
وصل وليد للمستشفى ووقف عند الاستعلامات وهو مش عارف يروح فين وهيثم مش بيرد علي الموبيل اللي اتصل منه فأيقن انه اكيد رجعه لصاحبه
اخير اتشجع انه يسأل وهو بيدعي ربنا في صمت
وليد : لو سمحت جيت اسال عن مريض اسمه فارس المحمدي.... عندكم
الموظف : لحظه اشوفلك الاسم!!
كان وليد عمال يبص لوش الموظف اللي بيبحث بجهازه عن فارس عاوز يعرف من تعابير وشه هل الخبر حيكون سار او سيئ
الموظف : فعلا هو وصل بحادث للاسعاف وقبل قليل نقلوه لغرفة 207
وليد بفرح زي المهبول: يعني حي فارس حي ماماتش
الموظف ارتبك من صرخته : لا مش متسجل عندي انه مات بس تقدر تقابل الدكتور وهو بيفيدك اكثر
وليد : فين اوضه 207
الموظف : اطلع في الاسانسير للدور الاول وهناك فيه كاونتر ممرضات وهما هيدلوك على الاوضه
طلع وليد للدور الاول واول مافتح الباب شاف هيثم واقف عند الكاونتر سحب رجليه سحب علشان يوصله خايف من اللي ممكن يسمعه
هيثم اول ماشاف وليد : اهلا يا وليد
وليد : هيثم فارس عايش صح
هيثم بستغراب : الناس تسلم وانت تقول فارس عايش
وليد بعصبيه : هيثم انا بجد مش ناقصك قولي فارس كويس وبخير وحي يرزق ولا لأ
هيثم : لا عايش وزي الفل بس انت ازاي عرفت؟؟!!
وليد : الاول فينه ؟
هيثم : في اوضته بس ماقلتليش ازاي عرفت؟؟!!
وليد نفخ : خدني له وبعدين تعرف
هيثم : طيب خليني اقولك ليه طلبتك تيجي
وليد زعقله : هيثم خدني له وبعدين قول اللي نفسك فيه يا سيدي
استسلم هيثم واخده لغرفة فارس .. وليد كان كل همه انه يشوف فارس بعيونه ويتأكد انه حي يرزق وبخير اول ماوصل للغرفه اتردد وبعدها اتشجع وفتح الباب لقي الميت بيزعق
فارس بعصبيه : ليكم ثلاث ساعات حبسني من فحص لاشعه خلاص طالما معنديش نزيف داخلي ليه افضل هنا
الدكتور : يافارس الكلام اللي بتقوله مايدخلش العقل انت اتعرضت لحادث خطير ولولا رحمة ربنا ثم ان جسمك رياضي وعضلك قوي ربنا وحده العالم ايه كانت حتكون حالتك
فارس كان هيرد بس انتبه على وليد اللي واقف عند مدخل الغرفه وهادي عكس عادته
فارس بسخريه : هيثم ليه حاسس انك ناشر الحادثه فالاخبار
هيثم ابتسم : ماقلتش الا لـ وليد قلت يمكن يقدر يعقلك
وليد بعد فترة صمت انفجر بنوبة ضحك هستيريه والكل بصله بستغراب كان عمال يضحك لدرجة ان
دموعه نزلت .. الكل اعتقد ان الدموع من كتر الضحك لكن وليد كان بيبكي ويضحك بنفس الوقت يبكي من الفرحه ان ربنا سبحانه رحيم ماحرمه من صديقه ويضحك على الغبي هيثم اللي يقوله محدش عرف وربما اهله عاملين مناحه وعزاء
الدكتور : اتمنى بعد ماتنتهي نوبة الضحك اللي عندك تنصح اخوك ان الخروج فيه خطر على صحته واذا مُصر على رايه انا في مكتبي بس حيكون خروج ضد النصيحه الطبيه يعني على مسؤليته الخاصه
طلع الدكتور من الغرفه ووليد بيحاول يتمالك نفسه ويمسح دموعه وفارس متنح لـ وليد منتظر منه شرح للي حصل
هيثم : فارس اهدي وافضل هنا كم يوم فالمستشفى ماسمعتش الدكتور قال لو طلعت حيكون خطر عليك
وليد : وانا برضو راي طالما حاسس انه مش تعبان فالافضل انه يخرج
هيثم: انا جايبك عون ولا فرعون ده بدال ماتعقله
فارس : هيثم انا ادرى بصحتي وطالما قلت هخرج معناها اني مش حاسس بحاجه
هيثم بنفعال : كذاب اول مافوقت من الاغماء وعمال تقول ان حتى النفس بيتعبك والدكتور قال ان صدره اتعرض لضربه قويه جدا
وليد : هيثم ده بعيد عنك طيع منيل مرض مزمن وخليه يخرج اول ايام العزاء احسن من انه يخرج بعد مايخلص العزاء
خلص كلامه ورجع لنوبة الضحك من اول وجديد
فارس بخوف : اي عزاء هيثم المهبول ده بيقول ايه؟؟!!!
هيثم : علمي علمك ....هيييييييييييييييييييييه وليد يا اهبل بطل ضحك وقولنا قصدك ايه
وليد : هههههههههههههههههههههه
هيثم ضرب كف بالتاني: لا ده نوع الحشيش شكله منتهي الصلاحيه وعامل دماغ بايظه
فارس بغل : وليد اتكلم والا والله احدفك بالكوميدينو
وليد : هههههههههههههه اعوذ بالله من الشيطان الرجيم اللهم اجعله خير من بعد كل الحزن
والعياط ماتوقعتش اني هعرف الضحكه بعدها
فارس بخوف : وليد اتكلم جدي فيه حاجه
وليد : جدك عايش وزي الفل المشكله ان انت اللي مت
هيثم كشر : فال الله ولا فالك انت هتفول علي الراجل
وليد :والله ده كلام كريم وان الخبر منتشر بينهم وحتى لما انت كلمتني كنت عند بيت فارس
والكل كان متجمع بحاله تقطع القلب
هيثم : وايه الي خلاهم يقولوا كدا
فارس بصدمه وخوف على جده : وجدي وصله الخبر
وليد : والله معرفش بس اظن وصل
قام فارس من سريره بسرعه وهو ضاغط على اسنانه من شدة الالم اللي حس فيه بصدره
فارس : هيثم روح خلص اوراق الخروج بسرعه على ماالبس
هيثم : يعني مصمم تخرج
فارس بسخريه عليه : ايه رايك افضل هنا وانا مشعارف جدي حالته ايه؟؟
خرج هيثم يخلص الاوراق وفارس بدل لبسه ... اول ماخلصو اتفقو ان وليد يوصل فارس للبيت
على ماهيثم يدور علي عربيته لانه مش عارف وقفها فين ساعه ما وصل وبعدين يلحقهم
************غاليه*********
قامت غاليه وهي حاسه ان اللي حصل مجرد حلم مخيف مش حقيقه لكن اثر الابره اللي بأيدهاا والممرضه اللي ااعده جنبها اكدو لها ان اللي حصل واقع مرير ومش حلم
الممرضه وهي تقرب منها : حاسه بحاجه
غاليه : ممكن تسبيني شوي عاوزه اقوم اصلي
الممرضه : اوكي ان هقعد بره لو احتاجتي حاجه ناديني
طلعت الممرضه وأأعدت في الصاله اللي في الجناح وغاليه قامت واتوضت وبدئت بصلاتها
**************غاليه*******
في الصاله تحت
كانت سندس على نفس حالتها رافضه تكلم حد دموعها فقط على خدها .. وفاطمه انهارت كل القوه اللي حاولت تتصنعها وحالها نفس حال سندس
غاده كانت تبكي بصمت ماعارفه تبكي على فارس ولا على حال اختها ولا على حالة جدها اللي حابس نفسه بغرفته من ساعه الخبر
ورانيا بقلبها الطيب كانت تبكي وتنعي فارس ابن العم الي يادوب عرفته .. بعكس امها واختها مى اللي أأعدين وموزعين نظراتهم لندي ندى ولولا الحياء كان انفجرو من الضحك
ندى كانت في عالم ثاني من الحزن وولا كانت منتبهه لنظرات كل الي عدو عليها
اول ماوصل وليد لبيت فارس رن موبيله
وليد : صبرك عليا حسابك هيكون عسير
كريم ماهتمش لكلام وليد (وبفرحه): وليد فارس عايش ماماتش انا كنت في المستشفى وقالولي انه بخير وطلع
وليد : عارف يا خويا انا بنفسي موصله لبيته وتعال انت للبيت عاوزك في حكايه كدا
كريم : ههههههههههههههه قلبي بيقولي ان الحكايه واعره جوي يابوي
وليد : انت بس تعال ويحصل كل خير
كريم : خلاص هتصل بخالد واطمنه وجاي انا وهو
فارس بعد ماشاف وليد خلص مكالمته: وليد انا داخل اشوف جدي وانت اتحنط في الملحق انت مش غريب البيت بيتك
وليد : مع ان ودي انت تدخل الاول اصلي نفسي اشوف وشوش عمامك لما يشفوك
فارس بدون اهتمام : الاهم جدي وبعدين خلي الخبر يجيلهم بالتدريج الخوف لو شافوني فجاءه تجيلهم سكته من القهر
راح وليد للملحق وفارس دخل ووقف عند المدخل واتنحنح
فضلت مي ورانيا قاعدين اما غاده فكرته هيثم احتارت تقوم ولا تفضل واخيرآ قررت تقوم خافت تفضل قاعده تقتله لو شافته والوضع مايسمحش وبصت لـ ندي بحزن اللي ولا داريا عن الدنيا
جيهان توقعت ان هيثم الي داخل : اتفضل يابني تعال
دخل فارس وهو كل همه يشوف جده ويتطمن عليه بس شكل امه فاطمه بجد وجع قلبه
ارتبك فارس وخاف من اشكالهم والصدمه الي على ملامحهم واتمني بس يعرف مين الي طلع عليه الاشاعه علشان يقتله ويشرب من دمه .. اول من كسر الصمت صرخة ندى :فاااااارس
بصلها برعب مش من صرختها الا من شكلها والالوان اللي عليها ولو الوضع يسمح كان
خلاها مسخره .. لكنه ابتسم في وشها وقرب من امه سندس الـ منهاره من البكاء وباسها على
راسها : انا بخير يا حبيبتي ليه الدموع يا قلبي
لكن ماكانش فيه رد غير الدموع من الكل .. حاول يهدي فيهم لكن بدون فايده ولما تعب منهم
فارس زعق بكوميديه: انتم هتسكتو ولا اروح اموت نفسي علشان متبقوش استهلكتم دموعكم على الفاضي
سندس حضنته : بعيد الشر يجعل يومي قبل يومك
فاطمه عيطت بحرقه : ربنا ما يدوقني حزنك كفايه اللي شفته اليوم كله
فارس باس ايدها :ربنا يحفظكم ليا ولايحرمني منكم الا فينه جدي
ندى : واقف وراك من خمس دقايق
(الجد طلع من غرفته اول ماسمع الصوت ولما شاف فارس ماحبش يتكلم لحد ما يقدر يتمالك نفسه)
التفت فارس لجده واستغرب من شكله معقوله مااتأثر من الخبر.. لكن كلمة الجد جاوبت على
استغرابه
الجد : كان قلبي حاسس انك عايش وبخير يابني
فارس عيونه لئلئت بالدموع : حبيبي
الجد: مطول وانت واقف انا مش بمشي ومستنيك تجيلي
طار فارس علي جده وقرب منه يسلم عليه لكن الجد سحبه لصدره وضمه والدموع
اللي كان متحكم فيها خانته ونزلت على خد احتلته التجاعيد من الايام ومن المرض
الجد من بين دموعه : مش كفايه انحرمت من ابوك...
فارس برغم الم صدره لكن ماتحملش يبعد عن جده.. هزته دموع جده ونزلت حتى دموعه هو الدموع اللي حلف انها ماتنزل من بعد ضرب عمه له وهو طفل عمره 9 سنين
الجد وهو يبعد فارس عنه ويمسح دموعه :ممكن تفهمني ايه الي حصل؟؟!!
فارس قرب جده منه وقعد قريب منه : ابدا كنت بكلم هيثم ومانتبهت للعربيه اللي
قاطعه الاشاره ودخلت عليا بسرعه جنونيه .. صحيت لقيت نفسي فالمستشفى واللي صدمني نفسه هو اللي اسعفني جزاه الله كل خير
ندى بقهر : صادمك وتقول الله يجازيه خير
فارس : اه ربنا يجازيه بالخير لو واحد غيره كان استغل فرصة ان الشارع بعيد وفاضي وهرب وسابني
الجد : ربنا يكرمه بالخير كمل
فارس : بس ياحبيبي فوقت لقيت هيثم فوق راسي حالته مايعلم بيها الا ربنا وعملولي فحوصات واشعات كانوا خايفين لايكون فيه نزيف داخلي بس الحمدلله ربك ستر وبعدها جه وليد وقالي انكم فكرتوني ميت بس اللي نفسي اعرفه مين اللي طلع عليا الاشاعه
فاطمه والدموع خانقتها : انا يابني بس والله ماقلت الكلام غير من شكل هيثم وصريخه وهو بيقول فارس مات
جيهان بعصبيه : مش الاول لازم تأكدي بدال ماتطلعي اشاعات على الناس
غاده بحده:طنط فاطمه مالهاش ذنب يا ماما عاوزاها تتوقع ايه غير ده وابنها منهار وبيصرخ ويقول فارس مات ومستعده احلف انه لو بأيدها كانت تفدي فارس بعمرها !!!
(صحيح غاده بتكره هيثم كره العمى بس امه مالهاش ذنب وحبتها من طيبة قلبها وكان لازم تدافع عنها وتقول الحق)
فارس ماردش على غاده هو خلقه بيكرها ويتمنى يقتلها بص لفاطمه: مضيقيش نفسك انا كلي ملكك واذا على هيثم انا هعرف اتفاهم معاه
الجد: حصل خير وحمدلله على سلامتك
فارس : الحمدلله .. الا بالحق يا ندي ايه الوش المرعب ده وليك عين تبكي عليا وانتي صابغه وشك بكل الوان العالم!!!!! ده انتي وشك ولا افشل فنان في العالم لو عطينا طفل يلون كانت طلعت النتيجه افضل من كدا
ندي على بشاعة اللي كانت عملاه في وشها زادته الدموع بشاعه الالوان كلها سايحه ومتداخله مع بعض
ندى ببراءه : والله ماحطيت نقطة مكياج ياظالم
فارس : بس ما تحلفيش وقومي شوفي وشك الاول
قامت ندى تجري على المرايه اللي في المدخل وهي ناسيه لعبها مع ورده
لااااااااااااااااااااااااااااااااااااااا
سندس : ليه كدا يا فارس كنت جهزتها للصدمه الاول
الجد : انا مش عارف امتى هتعقل بنتك دي يا سندس وقعت قلبي لما دخلت عليا الاوضه بس مرضتش ابين لها وانا شايفها بتعيط
فارس : كنت بينت عادي دي خاليه من اي احساس
غاده بحده : لو كنت خلصت تريقه خد بالك فيه واحده منهاره فوق علشانك و مخدرينها بالمهدئات
فارس انقلب لونه كان ناسي نهائيآ غاليه والغريب ان اللي تفكره بيها هي غاده اكتر واحده بتكره غاليه
الجد بص لغاده بـ بأعجاب بيحب البنت لشجاعتها وقوتها عارف انها اكتر واحده بعد فارس اخدت من شخصيته وصفاته اي نعم مش عاطفيه كتير بس حقانيه وماترضاش بالظلم كان
بيحب غاده لـ قوتها وندى لـ هبالها وخفه دمها ورانيا لـ طيبة قلبها وصدقها وبيحب غاليه لــ انها اكتر واحده بتحبه ولانها تمتلك قلب قليل لما نلاقيه في الدنيا دي
وبيحبها لــ سر دفين بقلبه ومن كتر ماهو معذبه ماندمش عليه وطالب السماح والمغفره من رب العالمين على اللي عمله
قام فارس وراح للسلم لكن قبل ما يطلع لقي فاطمه طالعه معاه فوق
فارس : خير يا حبيتي حاسس من بدري ان عندك كلام
فاطمه بحرج : يابني انا مش بحب اتدخل في حياتكم لكن كلام غاليه اليوم وهي منهاره وانت لازم تعرفه
فارس بخوف لايسمع شي مايسره : قالت ايه؟
فاطمه : كان كلامها ملخبط وما يتفهم من عياطها بس من كلامها اللي فهمته كانت بتقول قوليله يرجع انا بحبه بس خايفه منه . هو يرجع بس مش علشاني علشان جدي المهم يرجع .. انا
عارفه انه مش عاوز يرجع علشاني بس قوليله انا همشي وبعدها فضلت تعيط وتقول بس اروح فين .فارس يابني الست ماتقولش الكلام ده غير اذا حست انها مش مرغوبه من جوزها او انها مفروضه عليه انسى ان جدك اجبرك على الجوازه والله لو تلف الدنيا كلها ما هتلاقي ست زيها انا زي امك انا وسندس الي مربينك من صغرك اتماسكنا وتقبلنا امر الله وهي المسكينه اللي مالهاش كام يوم عندك تقريبا حوالي اسبوع كنت خايفه عليها لا تتجنن لدرجة ان جدك جاب لها دكتور يديها ابر تهديها
فارس هنا حس بسكاكين تطعن قلبه مع كل كلمه بتقولها فاطمه كل ده وهو الي ناسيها والي فكرته غاده
فارس : ماما عاوزك تتأكدي ان لو انعرضو عليا نساء الدنيا كلها مفيش في عيوني غير غاليه صحيح قسيت عليها كتير بس خلاص كله بيتغير ومن دلوقت
فاطمه : ربنا يطمن قلبك يابني
*********غاليه**********
خليك جنبي......احضن هوا قلبي........محتاج أنا حضنك......خليك على وعدك.......
لو تقدر تعيش من غيري.....لو تقدر تكمل وحدك........أنا مقدرش أعيش لو ثانية....في الدنيا يا عمري في بعدك
دخل فارس الجناح بهدوء وشاف الممرضه اللي قاعده بالصاله شاورلها تطلع ودخل الغرفه فكرها نايمه لانهم قالوله انها اخدت مهدى بس اللي شافه غير
كانت مازالت على سجادتها عماله تدعي ربها بلسانها وقلبها ودموعها وتردد الدعاء مرار وتكرار.. اللهم يامن اجاب نوحا حين ناداه .يامن كشف الضر عن ايوب فى بلواه.يامن سمع يعقوب فى شكواه
واستجاب له ورد عليه يوسف واخاه.احفظ لي فارس من كل مكروه . يارب ماتوريني فيه مكروه
وقف فارس ينتظرها تنتهي من دعائها وتلتفت له لكنها طولت اخيرآ اتكلم عاوز ينبها له
فارس بحنيه : غاليه
غاليه سمعت صوته وزادت دموعها (يارب مايكون حلم يارب يكون حقيقه ان فارس هو اللي بيناديني اعاهدك يارب اقوله كل الكلام اللي في قلبي وافرحه بس مايكونش اللي سمعته وهم وخيال) استجمعت
شجاعتها والتفتت له وفعلآ كان فارس واقف يبصلها بكل حنيه وشوق
وقفت وهي نفسها تقوله اللي بقلبها قبل ماتخونها شجاعتها
راحتله جري ورمت نفسها جوه حضنه وهي مش مشعارفه بتضم خيال ولا حقيقه لكن ايدين فارس اللي ضمتها اكدت لها انه حقيقه مش خيال
غاليه بصوت خانقه الدموع : فارس والله العظيم بحبك بس كنت خايفه منك خايفه تجرحني وقلبي مبقاش قادر يتحمل جراح بعدي عنك كان خوف من جرح جديد يقتل اللي باقي فيا انا عارفه انك مش عاوزني وجدي هو اللي
اجبرك تتجوزني وانا زيك بس الفرق اني حبيتك فارس بلاش تحرمني منك اي نعم انا كنت في الاول راضيه بحبك بس دلوقت كفايه اني اشوفك انت وجدي بخير واذا ربنا كاتب انك تحبني جاي اليوم وانا مش هستعجلك ويكفيني وجودك في حياتي
كانت تتكلم بسرعه خايفه لاتفقد شجاعتها وماتقولش اللي في بقلبها
فارس تحامل على كل ألم حس بيه وكتم انفاسه ضمها له بقوه ولو بأيده كان دخلها لصدره وخلاها تشوف مكانها بقلبه
فارس بحنيه وبحب : عمري والله بحبك ومستحيل اتخيل اني احب انسانه اكتر ماحبيتك واذا فينا حد بيترجي التاني فهو انا .....غاليتي ارجوك حبيني وماتتخليش عني غاليه انتي وجدي اهم شئ عندي اي نعم بحب امي سندس وفاطمه وهيثم
لكن كل واحد منهم شئ مهم في حياتي بس انتي وجدي انتم كل حياتي ومش عاوزك تكتفي تشوفيني او وجودي فقط لا محتاج حبك ياغاليه ومايرضينيش غيره
كانت غاليه في قمة سعادتها معقول الدنيا اكتفت من جراحها وقررت تبتسم لها ..... : وانا بحبك فارس
فارس : عيونه وقلبه وروحه
غاليه : ليه قالولي انك مـ.. (خنقتها الدموع قبل ماتكمل الكلمه)
فارس باسها على خدها ويبعدها عن صدره : أأعدي واقولك كل حاجه حياتي
************غاليه********
كانت الصدمه واضحه على وشوشهم لما عرفو الحكايه من وليد وهيثم لكن ماحدش فيهم علق ماعدا ابراهيم اللي قال حمدلله على سلامته كان الوضع بينه وبين كريم متوتر جدا جدا والكل كان ملاحظ بس من غير ما يعرفه الاسباب
هيثم بهمس لوليد : تصدق وقعت من عيني اتاري دمعتك مافيش اسرع منها
وليد : اسكت يابو دمعه شايف العزاء والحزن اللي حصل كله من صريخك وعياطك يا طفل
هيثم : هههههههههههه انا طفل ياللي ماتختشي وعلى سيره اللي حصل اروح اشوف امي واطمن حصلها ايه
وليد : اقراء التشهد علي روحك قبل ماتروح لها
هيثم بتعجب : ليه؟؟
وليد : كل الي حصل من تحت راسك وتقولي ليه .. امشي روح لها واعتذر لها وقولها وليد بيسلم عليك وبيقولك ادبحيني
هيثم : وليه امي تدبحني طب ما انا ادبحك غالي والطلب رخيص(ومسكه من رقبته)
وليد ضحك وفك ايده: انا كنت شاكك انك غبي بس حاليا اتأكدت
قام هيثم وراح لــ امه
هيثم : اهلا يا ست الخير كله
فاطمه: مشكلة قلبي مايطاوعني عليك والا كنت قتلتك
هيثم : ليه يا حبيبتي
قالت له فاطمه كل حاجه حصلت معاها من اول ما نزلت من العربيه
هيثم انفجر يضحك : هههههههههههههههههههه الله يهديك يا ماما كله من تحت راسك
فاطمه بعصبيه : قول من تحت راسك انت والله خليتني مسوي تعريفه قدام فارس لولا غاده ربنا يكرمها وقفت ودافعت عني
هيثم بحقد : ليه قالت ايه
فاطمه : ردت على امها وقالت طنط مش ذنبها اللي حصل ردت فعلها طبيعيه للي شافته قدامها ولو بأيدها كانت فدت فارس بروحها .. والله ياهيثم حمدت ربنا ان البنت دي مراتك وكل يوم تكبر في نظري
هيثم : هي فين؟؟!!
فاطمه: كانت لسه هنا
هيثم: طيب ممكن تندهالي
فاطمه : عاوز منها ايه دلوقت
هيثم : مراتي يعني هعوز منها ايه بسلم عليها
فاطمه بصرامه: مراتك عاوز تشوفها روح لبيت ابوها شوفها فيه مش هنا
هيثم : ماما هي بقي حبكت معايا اشوفها بتنادينها ولا والله لا اقوم اناديها انا
فاطمه ابنها متسرع و اذا حط شئ في راسه مافييش امل يتنازل عنه .. راحت تنادي له غاده
غاده: نعم ياطنط
فاطمه : هيثم عاوزك يابنتي عاوز يشوفك هو قاعد في الصالون
غاده انصدمت من وقاحته : طنط الوضع مايسمحش اشوفه وبعدين مش مستعده للمقابله
فاطمه: والله يابنتي قلت له لكن هو اصر على رايه وقال ان مانديتيهاش لا اناديها انا وعرفاه مهبول ويعملها
شدت غاده على اسنانها بقهر وراحت له بدون حتى ماتفكر تبص في المرايا تطمن على شكلها
دخلت زي الهجامين وبعصبيه وصوت عالي : خيرررررررر
هيثم بكل برود : فين الخير ده وانا شايف وشك
غاده بعصبيه : والله انت اللي مقوم الدنيا علىشان تشوف الوش ده
هيثم قرب منهاوبسخريه لاذعه : اصلي شفت ان جرعة النكد اللي اخدتها اليوم ماكفتنيش قلت اناديك واكمل يوم النكد بنكد
غاده بقهر :عارف انك حقير
هيثم مسك فكها بايده وفضل يضغط عليه : وانتي قذره .. واسمعي ياحوثاله لو شفتك رافعه صوتك هقطع لسانك وبيت فارس تنسينه وماتحلميش تدخليه بعد النهارده
غاده بتجاهد تبعد ايده اللي ضاغطه على فكها : مش انت اللي تمنعني عن زيارة جدي واختي فاهم واذا فيها حد قذر وحقير وحوثاله فهو انت سامع
هيثم عمال يزيد بضغطه على فكها لدرجة انه استغرب انها مابكت من الالم : جهزي نفسك ياكلبه بعد بكره هتكوني في بيتي واستعدي للحظه هعرفك مين الحقير والحثاله
غاده كانت تحارب دمعتها بكل قوتها من شدة الالم ومن كلامه اللي زي السم : في احلامك (وهي تشدد على الكلمه) ياكلب
هيثم زقها بكل قوته : امشي من قدامي لا اقتلك واقسم بالله لو قلتي كلمه واحده لااقتلك وادفنك هنا
وقعت غاده على الارض من قوه دفعته بصلها بحتقار وهي على الارض وبعدها طلع وسابهاا.. كانت الدمعه تحرق عيونها بس اجبرت نفسها انها ماتنزلش غير وهي بغرفتها وبعيد عن اي شخص
بعد مافقدو الامل في ان فارس ينزل لهم كل واحد اخد اهله ورجع على بيته حتي سندس وندى
*********غاليه********
في عربيه سندس
ندى بقهر : ماميتو ليه ماخليتينيش اطلع لهم
سندس : راحمتك من الكسفه وحرقه الدم ومن تعليقات فارس على شكلك واحنا ماصدقنا طلعناك من الحمام من بعد الصدمه
(ندى بعد ماشافت شكلها حبست نفسها فالحمام من الكسفه وبعد نص ساعه من محاولات امها وغاده قدرو يطلعوها)
ندى : اسكتي متفكرنيش والله كنت عاوزه انتحر لما شفت شكلي
سندس: ماعليك لوم وعتاب بس مالقيتيش غير الحمام تعيطي فيه يلبسك جن
ندى : لا اطمني الجن هو اللي خاف وهرب لدخل فيه
سندس: بسم الله منك
ندى : نرجع لمحور حديثنا ليه ماخليتينيش اطلع اطمن ان ليلتهم حتكون حمره
سندس بعصبيه : ولاحمره ولا خضره مش شغلك ياللي منزوع برقع الحياء من قاموس حياتك
******غاليه********
فارس بعد مااخد له شور وبمعاناه اتمدد على السرير
كانت غاليه على نفس عادتها نايمه على طرف السرير وتداري دموعها اللي نزلت بدون سبب
فارس مد ايده ليها زي كل ليله : مازالت الدعوه مفتوحه بس المره طلب مش دعوه
غاليه بأحراج : فارس نام انت تعبان
فارس : حد قالك اني هلعب جمباز كل اللي عاوزه تحطي راسك على صدري وتنامي صعبه عليك للدرجه
غاليه سكوت تام :................(
فارس : اذا عندك سبب قوليه واذا خجل بسحبك بالقوه
غاليه (ياربي الراجل ده مش مفهوم له احيانآ يكون بقمة الرومانسيه واحيانآ رومانسيته تكون شرسه وبالقوه)
مسك فارس ايدها وقربها منه وهي استجابت له
نامت على صدره واستسلمت لكل مشاعرها البريئه وكانت اجمل ليله بالنسبه لها وله برغم انها ماكانتش ليله حمره زي ماظنتها ندى
فارس : منه انا سكت لك كتير من بداية الروايه وانتي مدوقاني الويل واخرتها موتيني ونصبتي عزاي وخليتي المتابعين يتقهرو عليا
منه : جري ايه ده بدال ما تحمد ربنا اني ما موتكش وصحيتك تاني تكمل معانا
فارس : والله لو عليك كنتي قتلتيني بس كله خوف من معجباتي
منه : اسكت لاتسمعك غاليه بتقول معجباتي هي اللي تقتلك<<<الاعضاء منتظرين على جمر وانا برغي معاك