رواية غاليه
الفصل الاول والثاني
بقلم منه محمد
في بيت ابراهيم بيت عادي بسيط بغاليه الي واقفه تمسح وتكنس كأنها الشغاله مش من صحاب البيت دخلت اختها الكبيره وبهنجيه وكبر
مي اختها : غاليه يا غاليه يا زفته يعني مش سامعه
غاليه استائت من صوتها العالي: بطلي صريخ وقولي الي عندك
مي بتعالي وكبر: ابدا ماما بتقولك جهزي صنيه بسبوسه وعصير فرش
لان شلتها جاين يزروها بعد المغرب
غاليه كشرت : مي حرام عليكم ارحميني شوي وتعالي ساعديني والله تعبت لوحدي
مى : والله لو تموتي ما اساعدك انا رايحه استعد منال حتعدي عليا بعد المغرب
غاليه : وغاده رايحه معاكم؟
مى : لاطبعآ مش رايحه بس ليه بتسألي ؟
غاليه : بسأل عادي المهم ياعسليه اقدر اطلب منك حاجات تشتريها لي في سكتك اصلي محتاجها ضروري
مى بغرور وكبر: لا يا قلبي شكلي عطيتك مساحه زياده واخدتك عليا
طلعت مى السلم وطنشتها
غاليه لنفسها : ( ياربي اللي يشوفها ميقولش اني اختها مالهم بيا بس
مفيش غيري يحطو غلهم فيا غاليه سوي غاليه جيبي غاليه نظفي والله العظيم قهر)
**********غاليه***********
في نفس اللحظه لكن في مكان بعيد وبالتحديد في ألمانيا (فرايبورغ)
الجد : شايف إن كلامي مش عاجبك ياسي فارس؟
فارس : ياجدي الله يرضى عليك والله العظيم حاسس اني كرهت البنت من كتر ما عمال تمدح لي فيها
الجد : ياابني انا اعرف اكتر منك باللي تناسبك وتقدر تتفهمك
فارس : جدي ارجوك ارجوك كفايه كلام في الموضوع ده وعشان اريحك الموضوع ده بالذات عندي منتهي وجواز مش هتجوز
الجد بصرامه : دي قيمه كلمتي عندك يافارس لكن انا الغلطان مش انت اطلع برااا ومش عاوز اشوف خلقتك نهائي وابعتلي امين مش قاعد ولا يوم واحد في المستشفي
امين (المرافق الشخصي له وكاتم اسراره)
فارس اتنهد : ياجدي ربنا يطول في عمرك انت بس اهدى وحاضر هريحك
الجد بحمقه : شايفني عيل صغير حتسكته بكلمتين (وبصرخه) قلت لك اطلع برا
وابعتلي امين
فارس قرب من جده وباس دماغه : ياجدي والله ثم والله ثم والله هتجوزها لو ربنا كاتب وانا حلفت لك بدال المره ثلاثه وانت عارف فارس اذا وعد عمره ما يخلف وانا وعدتك وحلفتلك خلاص اهدى يا حبيبي اهم حاجه عندي هو رضاك وانا متأكد انك عاوزلي الخير
الجد عبدالرحمن زعق : ايوه لان غاليه زينه البنات كلهم
فارس بزهق ضغط علي اسنانه :مين قال غير كدا غاليه زينه البنات ولاتزعل
الجد شخصيه قويه جدآ وقياديه عنيده واللي في دماغه لازم يعمله
رغم قسوته الا ان فيه طيبه وخصوصآ للاشخاص اللي بيحبهم
بقاله اربع سنين بيتعالج في المانيا اما فارس يتيم ابوه وامه ماتوا في حادثه سير وربته عمته سندس مع ولادها هو وسيم جدآ.....راجل
بكل ماتعنيه الكلمه شخصيه غامضه عنيد خطواته كلها مدروسه _
عيبه انه صارم ونادرآ لمايبتسم مع ان ابتسامته تضيف لوسامته شئ كبير
...................
في بيت عائله غاليه فالمطبخ واقفه تغني اغنيه يخربيت فخمتي
.............. : غاليه ياست هانم انطرشتي
غاليه لفت وبصتلها: لا معلش كنت مندمجه بس
جيهان كشرت:ها خلصتي ضيوفي خلاص على وصول
غاليه ببتسامه : لا يا ست الكل ثواني ويكون كل شئ حاضر و جاهز
جيهان امها: ماشي متطوليش وبعدها اغسلي الهدوم
غاليه : ماما بجد حرام والله تعبت من الصبح ماارتحتش وفيه شغاله في البيت الرحمه حلوه والله
جيهان بغضب : اقطع السان الي عمال يرد عليا فالكلام وبعدين الشغاله تعبانه شكلها عندها كرونا ايه اموت البيت عشان حضرتك تستريحي ولا ايه
غاليه : لا يا ماما ماعاش الي يرد عليك الكلام ومن عيوني حاضر دلوقت اشغل الغساله
جيهان: الغساله باظت ومصلحنهاش اغسلي علي ايدك (وبستفزاز) وخلى عيونك ليك واخلصي بسرعه
وطلعت وسابتها فالمطبخ
غاليه عيونها لئلئت دموع : (اموت واعرف ليه امي وابويا مش بيعملوني زي اخواتي ليييه)
(مسحت دموعها)لا بعيد الشر عليا مش عاوزه اموت خلاص رجعت في كلامي مش عايزه اعرف)
واخدت صواني الحلويات والعصير للصالون
جيهان : غسلتي الهدوم؟
غاليه بمشاكسه : لا يا ماما اصل قريني عامل اضراب ورافض يغسلهم
جيهان : (بعصبيه ) بتستهبلي ؟
غاليه : امي اسفه سامحيني بس شيفاني لسه يادوب مخلصه واجب الضيافه لجيرانك امتى الحق اروح اغسلهم
جيهان : اتحركي وروحي اغسليهم وقولي لغاده ومى يلبسو وينزلو يستقبلو معايا الضيوف
غاليه: مى خرجت مع منال وحالا اقول لغاده تنزل (ابتسمت) وانا يا ست الكل منزلش استقبلهم معاكم
جيهان بحده : والهدوم مين يغسلهم قرينك اسم الله عليه
غاليه بمزح : لا انا رحمت قريني من التعب كفايه انا
جيهان بقلق : قصدك ايه ناويه تشتكيني لجدك مش انتي برضو دلوعته
غاليه : والله مقصد حاجه يا ماما وجدي ربنا يشفيه ويرجعه لينا سالم ومش انا اللي اشكي عند حد
عن اذنك وطلعت من المكان وراحت فوق لغرفة غاده
..............
في غرفة غاده تؤام غاليه عمرها 19 سنه صحيح تؤام بس مافيش أي شبه بينهم
غاليه : غاده ماما بتقولك قومي البسي وانزلي استقبلي معاها الضيوف
غاده بتعجب: مين الضيوف ؟
غاليه مدت شفايفها لقدام : مين يعني جاراتها وصاحباتها
غاده : انزلي انتي استقبليهم معاهاا انا مش فاضيه للكراكيب المتصابين دول بكلم صحابي شات
غاليه : لا انا رايحه اغسل الغسيل
غاده: هههههههههههه ليه الشغالين انقرضو ولا هربو هروب جماعي من تحكمات جيهان خانوم
غاليه: لا ياختي بس البت سعديه تعبت وانا جيت بدالها
غاده: سعديه مالها مقصوفه الرقبه
غاليه: ماما بتقول عندها عذر وتعبانه
غاده بألش: ههههههه هههههههههههه بس تعرفي لايق عليك الشغل
غاليه والدموع اتجمعت بعيونها وبصوت فيه البكاء :ماتنسيش تنزلي
غاده قامت من سريرها زقت الاب توب على جنب : غلغوله مالك ليه الدموع
غاليه عيطت بحرقه : عشان مقهوره يا غاده نفسي اعرف ليه امي بتعاملني غيركم نفسي اخرج والبس واتفسح واعزم صحباتي واكلمهم ويبقي حالي حالكم نفسي لما اناديها ترد علي نفس ما بترد عليكم مش خير ؟ نعم ؟ هاه ؟ عندك ايه انطقي ؟
غاده: ياقلبي انتي انا مش كفايه عليك بعاملك كويس مش انتي تؤامي وبحبك وبحس بيك
غاليه بفرحه زي الاطفال : بجد يا غاده بتحسي بيا والي في نفسي؟
غاده بتأكيد : اكيد بحس بيك وبعرف اذا كنتي متضايقه او لا بس مش زي ما بسمع من صديقاتي
اللي عندهم تؤام بيقولو انهم بيحسو ببعض واذا اتألمت واحده الثانيه تتألم معاها
بس انا وانتي تؤام غريب مختلفين في كل شئ حتى الشكل مافيش أي تشابه بينا
انتي حتى مش شبهه حد من اهلنا
غاليه : جدي بيقول اني شبهه امه بالملي
غاده : ماعلينا علشان كدا جدي بيحبك اكتر من الكل
غاليه : لا متظلميش جدي هو بيحب الكل... المهم ماتنسيش تنزلي وانا هروح اشوف
قريني غسل الغسيل ولا قاعد مستنيني
غاده عقدت حواجبها : ايه قرينك ؟ مش فاهمه
غاليه : كل انسان له قرين من الجن وانا قلت يمكن قريني رحمني ويغسل الهدوم عني
غاده بخوف : يمه بسم الله حرام عليك خوفتيني
غاليه : وليه الخوف حافظي على فرضك وما تهجريش قرآنك
وحصني نفسك بالاذكار ومحدش يقدر يضرك بأذن الله
غاده: ست حفيظه وريني عرض كتافك وانصرفي خليني ألبس
غاليه : ههههههههه بيقولو النصيحه بجمل
غاده : ماعندناش غير بقره واقفه قدامي قلبت معدتي بقرينها ؟
غاليه مثلت نفسها متعصبه : انا بقره يا معزه
وقامت بينهم حرب بالمخدات مافكش الاشتباك غير صريخ امهم وهي شايطه من حركتهم
......................
في بيت عمتهم الوحيده
ندى بتزعق : ماما ماماتي ماميتو ميمو
سندس وهي جايه من الصاله
سندس : ميمو في عينك ياللي ما تختشي ايه شايفاني قطه تناديني ميمو
ندى بنص عين: والله يعني من سوء حظي ماسمعتيش كل اسامي الدلع اللي ناديتك بيها غير ميمو
سندس بحزم: اخلصي عايزه ايه وبعدين ايه الصريخ ده ايه اتحررت فلسطين
ندى : لا
سندس : ماتو اليهود؟
ندى : لا
سندس : دبحو قليلة الحياء نانسي شخلع ؟
ندى وهي تمسك ضحكتها : لا يا ماما بس اتوقع تنتحر من نفسها اذا سمعت انك غيرتي اسمها
بس يا ماما ماقلتيليش كم مقاسها هههههههههههه ؟
سندس : بتتريقي عليا اخلصي ؟
ندى : ابدا بس وحشتنيني فينك يا سندس اصل بالعاده بتترصدي لكل تحركاتي
سندس : كنت قاعده مع ابن خالك كريم
ندى بألش : كريم عندنا يامرحبا يامرحبا
سندس : يله روحي غلسي عليه هو كمان؟
ندى : اغلس مغلسش ليه انا عارفه انك ديموقراطيه ومن مناصرين الحريه الشخصيه
سندس : ياقلية الحياء بجد شكلي ماعرفتش اربيك
ندى : ماما وانتي على طول تصدقي بهزر اصلا انا بكرهه
تحبي اروح اقتله علشان تقتنعي ؟
سندس : والله انا اللي فاضلي تكه واشنقك
ندى : اه صح نسيت انه حبيب القلب رقم ثلاثه
سندس: ومرقماهم كمان ؟
ندى : يس افكورس فارس رقم واحد وماجد رقم اثنين وكريم رقم ثلاثه
وانا واقعه في نظرك كأني بنت البطه السوداء مش بنتك
ضربتها امها بنظره ولا ردت عليها
ندى تتصنع الجديه : تصدقي يا ماما النهارده كنت بتابع برنامج عن الاشاعات
وتأثيرها على المجتمع اتكلمو عن الاشاعه اللي بتقول ان فارس ابتسم واللي انكرتها كل وسائل الاعلام الـمـ
قطعت كلامها لما شافت امها بصلها بنظرات ناريه وناويه عليها
قامت تجري واخدت السلم جري بس ماسلمتش من علبة الكلنكس اللي جت بظهرها
ندى وهي تحك مكان الضربه ووقفت تكلم نفسها : بيقولو القناص المحترف اتعلم من امي
********في الكافيه اتحدي الشر وخطوات الشيطان*******
منال ماشيه تدلع بمشيتها بفستانها المخصر الضيق ومكياجها الصارخ والي ولا يليق بحجابها المبهرج
منال : مي تصدقي سمعت من بابا ان فارس راجع بعد يومين
مى : انتي لسه لحد الآن عندك امل انه يتجوزك؟ يابنتي فوقي فارس بيكرهه ابوكي وابويا
كره العمى ازي بقي يناسبهم
منال : مى حرام عليك ليه تحطميني خليه يكرهم براحته الاهم يتجوزني
انا بحبه فاهمه المعنى بحبه ومستحيل اتجوز غيره
مى بتكشيره: منال مش كل ما تشوفي خلقتي تقرفيني بسيرته اصحي يا ماما فوقي يا منال فوقي من الاوهام لتغرقك يا ضنايا
منال بعصبيه: بحبه افهمي بقي بحبه
مي: انتي بتوهمي نفسك انك بتحبيه انتي بتحبي فلوسه شكله مركزه الاجتماعي
صح لكن انك بتحبيه لشخصه فلا اصلأ امتى عمرك شفتيه علشان تحبيه
غير مره او مرتين في بيت عمتي سندس ومن غير ماحتي يشوفك
منال بعصبيه : كيفي بحبه وبحب كل اللي قلتيه ومتقلبيش عليا اظن اخويا خالد الف واحده غيرك تتمناه
مى خافت من زعلها وانها ممكن تضيع عليها حب حياتها اخوها خالد
مى : منال انتي عارفه اني بحبك ومتمناش حد يتجوز فارس غيرك
انا بس كنت حابه اناقشك واوضح لك ...
منال تقاطعها : لاتناقشيني ولا اناقشك تعالي خلينا نشرب اي عصير وندهت الجارسون ..........................
الساعه 10 في غرفة غاده
غاده عماله تحط من كل الالوان على وشها وترجع تمسح لانها بتحب تجرب بالميك اب
رن موبيلها انصدمت لما شافت ان المتصل جدها عمره ما عملها
غاده : الوو (وسكتت )
الجد : ماتعرفيش السلام عليكم ماعندكيش غير الالوو دي
غاده اترعبت من حدته في الكلام
غاده بلعت ريقها وردت : اهلا يا جدي السلام عليكم طمني عنك يارب تكون بخير
الجد : هو انتي ماعندكيش حل وسط ياالوو وتسكتي يا ترصي كل الكلام اللى
انتي حافظاه مره واحده
غاده هتعيط: جدي بلاش تتعصب قولي عاوزني اقولك ايه وانا اقوله
الجد ضحك : هههههههه لسه عيوطه ودمعتك دايما جاهزه
غاده سكتت: .......
الجد : غاده اسمعيني هطلب منك طلب
غاده: اتفضل يا جدي أأمرني
الجد : عاوزك تاخدي تلفونك وتروحي عند غاليه عاوز اكلمها بس من غير ما حد يعرف
بالموضوع فاهمه!!!!
غاده بفضول جننها : ليه يا جدي ؟
الجد : من غير ليه نفذي وانتي ساكته
غاده :حاضر يا جدي خليك معايا ثواني
طلعت غاده من غرفتها وماشافتش حد راحت على طول لغرفة غاليه وخبطت علي الباب ومحدش رد
فتحت الباب ولقت غاليه نايمه
غاده قربت بهدوء : غاليه قومي عاوزاك ضروري
غاليه بصوت رايح في النوم : غاده حرام عليك خليني انام لسه يادوب حاطه راسي من قرف البيت طول النهار
غاده: غاليه جدي عاوزك على الموبيل
غاليه قامت بسرعه وخايفه ليكون جدها سمعها
غاليه بعد مااخدت الفون : الوو اهلا ياجدي
الجد سمع كلامها من شوي وزي ماكان متوقع لما يغيب عنها يعاملوها بقسوه
والشئ ده زاده اصرار ينفذ اللي قرره
الجد : اهلابيك يا بنتي عامله ايه؟؟؟؟
غاليه : الحمدلله ياجدي انا بخير مش ناقصني غير اني اشوفك
الجد : غاده عندك ؟ واذا عندك خليها تطلع عاوز اتكلم معاك لوحدنا
غاليه وهي محروجه من غاده : غاده ياقلبي ممكن شوي بس
غاده : بدئت الاسرار اوكي ياقلبي لما تخلصوا انا في اوضتي
طلعت غاده وقفلت الباب
غاليه : اتفضل يا جدي خلاص طلعت المهم طمني عنك وامتي راجع؟
الجد : انا تعبان ياغاليه وعاوز اشوفك قبل ما اموت
غاليه بدئت تبكي : بعيد الشر عنك ياجدي تموت وتسبني لمين
ابوس ايدك قول انك بتكذب عليا قول انك بخير وراجع قريب
الجد : بنتي حبيتي اوعي تعيطي ولا تبكي لو بتحبيني تيجي وتزوريني ان شاء الله
غاليه بضعف: جدي ازاي اجيلك حتى لو قولت لبابا هو هيجيلك لكن هيرفض ياخدني اشوفك
الجد : ابوك وعمك ولا يهمهم اذا مت او لا كل همهم هسبلهم كام من الثروه
اسمعيني يابنتي انا هطلب منك طلب ان وافقتي ونفذتيه هتيجي وتشوفيني
واذا رفضتي طلبي هستعوض الله فيك زي مااستعوضته في عيالي
غاليه وهي بحيره من كلام جدها : أأمرني ياغالي واوعدك اعمل كل اللي اقدر عليه
الجد : تقدري عليه ان شاء الله بس عاوزك الاول تفهمي شئ واحد
ان جدك عمره ما يرخص بيك ولولا حبي ليك وخوفي عليك ماكانت خيرتك
بين الموافقه او تنسي أن ليك جد
غاليه بدء القلق يتسرب لكل حواسها من الي ممكن تسمعه : بسمعك يا جدي
الجد : اسمعي بكره هيجي فارس ابن عمك يكتب عليك واذا على ابوك
حيكون موافق وبعدها بيومين نعملكم حفله عائليه وياخدك وتجيني انت وهو هنا
غاليه مصدومه من الكلام اللي بتسمعه ومش عارفه بأيه ترد
الجد بعد فترة صمت : ليه ساكته يابنتي افهم من سكوتك انك موافقه
غاليه لاتعليق
الجد كمل: كنت عارف ان بنتي مستحيل ترفض طلبي ولا تعصي كلامي
غاليه وهي مازالت مصدومه ومذهوله من كلام جدها ومالقتش عذر تقوله غير
غاليه: بس ياجدي ازاي اتجوز واختي مى اكبر مني لسه متجوزتش
الجد بنفعال: تتجوز ولا تتنيل براحتها هي مش اكبر همي اذا ربنا كاتب لها نصيبها هيجلها
المهم انتي ومش عاوز حد يعرف بأي حاجه لحد ما تكتبو الكتاب فاهمه
غاليه بستسلام : حاضر
الجد : ربنا يريحك يابنتي ويفرحك زي مافرحتيني يله ياغاليه مع السلامه وانتبهي لنفسك
غاليه : مع السلامه ياجدي ربنا يحفظك ليا من كل مكروه
قفلت مع جدها وهي الى الآن مصدومه من اللي سمعته وانها ماعارضتهوش كلمت نفسها زي المجانين: الامر ده مستحيل يتم معقوله اتجوز كدا فين احلامي بفارس الاحلام والحب واحلامي بأيام الخطوبه
وأيام كتب الكتاب والفرح الاسطوري وشهر العسل كل ده اتبخر
واتجمع في يوم واحد معقول اتجوز من شخص معرفوش الا من اسمه فارس
ويكون ابن عمي لا واكبر مني بعشر سنين واللي بسمعه من ندى
انه يخوف حتى الابتسامه عمره ماابتسمها )
الله يسامحك ياجدي خيرتني بين امرين احلاهم مر
.......................
مر ساعتين على غاليه وهي مش قادره تاخد قرار هل توافق على كلام جدها او لا ولما تعبت من كتر التفكير قررت تستخير
قامت واتوضت وصلة الاستخاره بس ماحستش بأي حاجه انتبهت انها نست ترجع لغاده موبيلها اخدته واتصلت بـ ندى
اول ما رن التلفون ردت ندى بدون ماتديها فرصه تقول الوو
ندى : غاده طالعه الشمس منين اليوم قصدي من فين غاربه ياتري ايه سر الاتصال الغريب
غاليه : ندى انا غاليه مش غاده
ندى :غاليه سندريلا بيت خالي مانمتيش الى الآن ليه ياعمري عفوا عنك اخيرآ من قومه الفجر وتنظيف البيت قبل مايصحو اسيادك ؟
غاليه نفخت بضيق : خلصتي السخريه ولا لسه ؟
ندى : لاياعمري ماخلصتش بس اخلصها لعيونك
غاليه : ندى اسمعيني وحكتلها كل حاجه ) وبعدين قمت و استخرت وماحسيتش بحاجه ايه المعني ؟
ندى : طيب يا حبيبتي أناهسألك وانتي جاوبيني بـ لأ او اوكي
غاليه : ياخطيره والله وبقيتي تعرفي يله اوكي
ندى : انتي قررتي ترجعي في كلامك ؟
غاليه بستغراب : لا
ندى : طيب قررتي تقتلي حد ؟
غاليه بعصبيه : لا وبعدين انا بكلمك جد
ندى : وانا كمان بكلمك جد يله جاوبي قررتي تعملي اضراب وماتشتغليش ؟
غاليه: مع اني مش عارفه ليه كل الاسئله بس لا
ندى : خلاص مافيش غيرها اكيد قررتي تشتركي بمسابقة ملكة جمال العالم ؟
غاليه وهي ضاغطه على سنانها من القهر : الحق مش عليك انا الي بسأل واحده هبله زيك
ندى : الله طيب لما كل اجاباتك لا على ايه بقي أستخرتي ؟
غاليه : شئ خاص .....عندك جواب قوليه او غوري
ندى :لا طالما الحكايه فيها تعصيب وسهرانه للساعه واحده اكيد بتحبي ... يا نهار بحلقي ليكون عدتك سعديه وبقيتي تحبي السواق والا سواق الجيران ؟
غاليه من قهرها رزعت التلفون في وش ندى ورمت نفسها على سريرها اتصلت ندى اكثر من مره بس ماردتش عليها بعد شوي وصلت رساله اترددت غاليه تفتحها او لا خايفه تكون غاده وبعد تفكير فتحتها اكيد من ندى وفعلا طلعت الرساله من ندى
بتقول فيها ( ياقلبي اللي اعرفه انه مش شرط تحسي بشئ على طول وبعد مده يومين او ثلاثه اذا ماحسيتيش براحه الا العكس صلي مره تانيه ) مسحت غاليه الرساله واخدت الموبيل وحطته بغرفة غاده
..................
اليوم الثاني العصر
فارس خارج من المطار وصل القاهره تعبان ومهدود حيله مانامش طول الليل راح على طول لبيته ودخل غرفته واخد شور ورمى نفسه على السرير ونام وهي بيدعي على غاليه وحاقد عليها من كل قلبه
.................
في غرفة منال
منال بتكلم مي على التلفون : انا لازم اشوفه يامى بس المشكله انه مش بيجي بيتنا ابدا مش بيروح غير للقرشانه عمتك
مي : انتي قلتيها ازاي بقي حتقدري تشوفيه ؟
منال : لقيتها .. بابا امبارح قال انه جاي بعد يومين يعني بكره صح ؟
مي : ها وبعدين
منال : اتصل على العله ندى واعزم نفسي عندها ما هو اكيد لازم يزور عمته وووقتها ادور علي طريقه اشوفه بيها
مى : ياغبيه انتي مش عارفه امتى هيوصل بكره يمكن متأخر واكيد مش هيروح لبيت عمتك على طول اكيد هيروح يرتاح في بيته واليوم اللي بعده يروح يزور عمته
منال : صح معاك حق خلاص أأجل زيارتي ليهم بعد بكره وان شاء الله اشوفه .. اسمعى انا رايحه اشترلي لبس حلو علشان اروح بيه ها افوت عليك
مي : اكيد طبعا مستنياك باي
منال : باي
رواية غاليه
الفصل الثانى
بقلم منه محمد
صحى فارس من النوم الساعه 8 اخد له شور وصلى اللي فاته واتصل على صديقه وليد
(فارس ماعندهوش اصدقاء ماعدا هيثم ابن خاله الوحيد ووليد صديقه واقرب له من روحه)
وليد : اهلا بنسيبي
فارس : اللي يسمعك يقول عندك اخوات ومتبهدل بيهم ده كل الحكايه عندك اختين ومتجوزين
وليد بخبث : مين عارف مش يمكن انا اللي اناسبك
فارس : لما ابقي خاطبه هبلغك تقدم ملفك
وليد : حلو وانا جاهز ومستني
فارس : وليد انا عفاريت الدنيا بتتنطط في وشي سيبك من الهزار بقي وقولي اقابلك فين؟؟!!!
وليد بقلق : سلامتك يافارس مالك؟؟
فارس : لما اشوفك حقولك
وليد : طيب انا عازمك على العشي نتقابل في مطعم ***
فارس : لا بيبقي زحمه على طول وازعاج نتقابل في مطعم***
وليد : خلاص ماشي
قفل فارس مع وليد واتصل بالمطعم علشان الحجز
وطلع من بيته وهو بيفكر بجده والقرار اللي اجبره عليه!!!!!
بعد ساعه في المطعم
وليد : مالك ايه الي مضيقك بالشكل ده ؟
فارس اتنهد : جدي ياوليد
وليد: ليه ماله تعب اكتر؟
فارس : لا حالته زي ماهي بس قرر يجوزني
وليد :ياشيخ وانا الي فكرت فيه مصيبه حصلت
وليه بقي مش عاوز تتجوز خلاص فضلك سنه وتوصل سن الثلاثين قولي ناوي تتجوز امتي ع الستين؟
فارس بزهق : المشكله مش اني اتجوز المشكله فالبنت اللي حتجوزها
وليد بأستغراب : ليه مالها؟
فارس : فيها انها بنت عمي تعرف ايه معنى اني اناسب واحد من اعمامي
وليد : يافارس بلاش تظلم البنت يمكن تختلف عن ابوها ... الا هي بنت مين فيهم؟
فارس : بنت عمي ابراهيم
وليد : على الاقل اهون من عمك حامد
فارس بقرفه : كلهم نفس بعض ده اسوء من ده
وليد : طيب انت شوفها بفترة الخطوبه يمكن تغير رايك فالبنت وتكتشف انها غير ابوها
فارس : ههههههههههههههه ضحكتني قال خطوبه ياوليد كتب كتابي عليها بكره وبعدها يومين لازم اجهز جواز سفرها واخدها ونسافر ألمانيا عند جدي
وليد بصدمه : كتب كتابك بكره وامتى خطبت وامتى شاورو البنت كل ده حصل بدون معرف ؟
فارس ابتسم بقهر : انت الوحيد اللي عارف لحد الآن
(وقاله فارس كل الحكايه)
وليد بتعجب : والله غريبه وايه سبب اصرار جدك واستعجاله ؟؟
وايه معنى البنت دي بالذات مع انه فيه اللي اكبر منها ؟؟
فارس : ماتسألنيش كل اللي اعرفه ان بكره العصر كتب كتابي وبس
آآآ ه ياوليد بعد كل ده اناسب عمامي اللي من اول ما وعيت على الدنيا
ماشفت منهم غير الكره والعداوه
وليد : مستحيل يكونو بيكرهوك يا فارس انت ابن اخوهم بس يحز في نفسهم
انك تمتلك اكتر من النص في شركة ابوهم
فارس : ياوليد انت عارف ان مالهمش حاجه عندي والخير اللي عندي ورثي من ابويا وامي
وليد : يافارس انا عارف كل ده بس هما مش مقتنعين ..مقتنعين ان ابوهم عطاك اكتر من حقك
فارس : لا قول انهم طماعين ومايملاش عينهم غير التراب وكفايه اوي اني ساكت عن بلاويهم
عمى حامد بعد ماشبع من اختلاساته فتح له شركه خاصه وخلصت منه هو وابنه طارق
بقي يحاول يسرق مناقصاتنا وعمي ابراهيم ماشي على نفس خطاه كل يوم اختلاس وقرف
وساكت لهم بمزاجي كله علشان انهم عمامي وعلشان مزودش تعب جدي
وليد : يافارس انا عارف كل ده وربنا يهديهم بس المهم ماقلتليش برضو ليه البنت دي بالذات؟؟
فارس : علمي علمك بيقول انها هي اللي تناسبني وتقدر تفهمني
وليد : جدك بيحبها والا نفس البقيه ؟
فارس بسخريه : ههههههههه قال بيحبها ده انا احيانا بشك انه بيحبها اكتر مني ومن امي سندس
وليد : خلاص يافارس ليه مضايق نفسك طالما بيحبها كل الحب ده معناها البنت تختلف عنهم
وتستاهل انك تتجوزها واياك تنسى ان جدك ذكي وكاشف عمامك
فارس : بفكر في كل ده بس مايمنعش اني رافض الجوازه دي وحاسس اني مغصوب عليه
وليد : فارس انت مش بنت علشان تنغصب
فارس بنفعال بسيط : بس جدي خيرني بين رضاه وبين حريتي
المهم اقفل على الموضوع وخلينا نتعشى ومتقفلش نفسي
..............
الساعه 10 في غرفة غاليه
خلصت غاليه من صلاة الاستخاره للمره الثانيه وحطت راسها على مخدتها ونامت
حست ب ايد بتهزها وتحاول تقومها
فتحت عيونها لقت غاده مسكاها
غاده :غاليه مالك ايه الحلم ده الي خلاكي تصرخي وتنادي علي جدو
كانت غاليه ساكته وجسمها كله يرجف من الحلم اللي شافته وحاسه بالالم في كل جسمها
ماكانتش عاوزه تقول الموضوع لغاده وقالت: لا بس كنت بحلم بجدي يمكن من كتر تفكيري فيه وشوقي له .. الساعه كام؟
غاده : الساعه 2
غاليه : صحيتك من نومك؟
غاده بحنان : لا ياعمري ماكنتش نايمه وحسيت بجوع ولما جيت انزل تحت سمعت صوت صريخك
غاليه : طيب ياقلبي روحي كلي بالهنا وانا حقوم اصلي لي ركعتين وارجع انام
غاده : اوكي ياقلبي ولو عوزتي اي حاجه ناديني
وطلعت وقفلت الباب وراها
غاليه قعدت تفكر بالحلم اللي شافته وياتري ايه تفسيره
حلمت انها في مكان مهجور بس مش مرعب وانه مش غريب عليها
سمعت صوت جدها بيكلمها بس بدون ماتشوفه كان بيوصيها على نفسها
ويقولها مهما قالو فيك ومهما عملو اوعي تضعفي كوني دايما قويه
خليك عارفه اني حاولت ااحميكي منهم وجه دورك تحمي نفسك
فضلت تدور عليه بس اللي لقتهم اهلها مش جدها كانت وششهم غريبه
عليها حاولت تهرب وتدور على جدها سمعت نباح كلاب وكل مادا الصوت يقرب
وفجاءه هجمو عليها كل ماهجم واحد نهش من لحمها جزء كانت بتصرخ وتنادي
على جدها وتبص لـ اهلها بس كانو واقفين ويتفرجو عليها
قامت من سريرها واتوضت وصلت ركعتين وأأعدت تقراء قرأن لعلها ترتاح
وهي كلها اصرار انها تنفذ كلام جدها
........................غاليه............
في بيت فارس صحى من نومه الساعه 8 الصح اخد شور ولبس واتجهه للشركه
رغم انه يوم الخميس بس مايمنعش انه يروح يشوف شغله
دخل الشركه شاف اغلب الموظفين مداومين طلع فوق لمكتبه
شاف طارق وخالد ولاد عمه حامد مداومين
لما شافهم افتكر معارضته لجده في انهم يشتغلوا في الشركه
بس طلع خالد غير ماتوقع اي نعم عمره ما استلطف خالد
لانه مغرور وشايف نفسه
بس اثبت انه مخلص ونشيط في شغله
فارس كلم نفسه ( ربنا يحفظك ياجدي كل مره تثبت لي ان قراراتك حكيمه
بس ان شاء الله يكون قرارك بجوزاي من غاليه صحيح
وماتكونش نقمه عليا وغلطة الشاطر بألف وانا الي ادفعها)
..............................!!
الـســــاعه 10
قامت غاليه من نومها نشيطه اخدت شور ولبست ونزلت تحت كان وشها صافي ومشرق
يمكن لانها المره الوحيده اللي تنام فيها للوقت ده كله بالعاده تصحى من الفجر
شافت امها قاعده تفطر
غااليه : صباح الخير ياست الكل
جيهان : صباح النور شيفاكي زي الحصان امال ليه غاده قالت انك تعبانه
غاليه : سلامتك ياست الكل بس امبارح تعبت شوي ودلوقت الحمدلله بخير
جيهان بعجرفه : طالما بخير خلصي فطارك وقومي شوفي شغلك
غاليه : حاضر
خلصت فطارها واستلمت شغل البيت كالعاده
الـســـاعه 3 ونص اتجمع الكل على الغداء
ابراهيم ابو غاليه : ها طمني الشغل كان ايه اليوم ؟
كريم : الحمد لله وعلى فكره فارس راح النهارده الشركه
(ارتجفت غاليه وهي ماسكه المعلقه و نزلتها بسرعه قبل ماحد يحس)
ابراهيم : وده ايه الي جايبه النهارده عمك قال انه مش جاي غير الجمعه او السبت؟
كريم : والله علمي علمك
اراهيم : عمك عرف انه كان موجود؟
كريم: مشعارف والله بس اكيد طارق هيقوله
ابراهيم : كويس .. انا قايم انام ومحدش يزعجني
طلع ابراهيم لغرفته اول مادخل غرفته الا موبيله رن
ابراهيم بص للموبيل (ربنا يستر ياتري عنده ايه بيرن ليكون العله فارس اكتشف حاجه وقاله)
ابراهيم رد : اهلا يا حاج
الجد: اهلا بيك فينك دلوقت ؟
ابراهيم قلق من السؤال ورد: في البيت المهم طمني عليك؟
الجد : ليه يهمك اوي؟
ابراهيم: ازاي مايهمنيش انت عارف انك غالي بس مش عارف مين الي مغيرك عليا ؟؟
الجد بحده: عارف اني غالي عندك وانا زي منا حد جنبك ؟؟
ابراهيم برتباك: لا انا في اوضتي فيه حاجه حصلت؟؟!!
الجد: لا .. اسمعني ونفذ اللي هقولك عليه بالحرف ومش عاوز مخلوق يعرف بالحكايه غير لما تتم
ابراهيم : امرك
الجد: فارس خطب مني غاليه وانا وافقت وقلت له انك موافق وجايلك النهارده بعد المغرب ومعاه المأذون والشهود
ابراهيم بعصبيه : ايه ليه انا ماليش كلمه وبعدين مي اكبر منها ومتجوزتش
الجد : مى اذا ربنا كاتب لها هيجيلها نصيبها
ابراهيم بنرفزه : طالما بتخطب له ليه طيب ما خطبتلوش واحده من بناتي مي او غاده يعني مالقتش غير غاليه
الجد بعصبيه : وغاليه بنتك كمان وبلاش تتحداني ياابراهيم على شئ انا مش عاوزه والا وديني اقسم كل ثروتي بيع وشراه بين فارس وسندس وغاليه ومسبتش لا ليك ولا لـ اخوك مليم واحد
ابراهيم بقهر : ياحاج فهمني لحد امتي هتفضل يعني تتحكم في حياتي مش كفايه اللي فرضته علينا!!!!!!
الجد : عمري مااتحكمت في حياتك ياابراهيم غير مره واحده واخدت مقابلها كتير
وحتى المره دي مش هبخل عليك وهكلم المحامي بعد مايتم كل شئ زي منا عاوز يحول في حسابك 20مليون وهسجل الارض اللي في الفيوم بأسمك
كل اللي طالبه منك تتصل بفارس حالا وتقوله انك منتظره بعد المغرب ويجيب معاه المأذون والشهود
ابراهيم بقهر : حاضر بس لحد امتي مش عاوز حد يعرف بالموضوع
الجد : بعد ما يتم كتب الكتاب اعمل عشا كبير واعزمهم عليه واذا سالوك عن المناسبه قولهم بمناسبة كتب كتاب فارس من غاليه
ابراهيم : حاضر
قفل ابراهيم مع ابوه وهو في قمه عصبيته بس اللي مهون عليه المبلغ و قيمة الارض على الفلوس اللي عنده بتدخله شريك بالنص في شركة اخوه
اخد موبيله واتصل بفارس واتفق معاه
........................
بعد صلاة المغرب في بيت عائله غاليه
ابراهيم : جهزو القهوه والشاي فيه ضيوف جاين
جيهان : مين ضيوفك دول
ابراهيم : بعدين اقولك اخلصو جهزو اللي قلت عليه اكيد الضيوف على وصول
مشي ابراهيم للصالون وفعلآ بعد 10 دقايق وصل فارس ومعاه وليد والمأذون والشهود
...........
في المطبخ
أأعدت غاليه بعد مابعتت القهوه والشاي مع سعديه
ياتري الضيوف اللي عند بابا معقوله يكون فارس
لا اكيد مش هو بابا لحد اللحظه ماقالش لي أي حاجه ولا حتى امي تعرف مين ضيوفه
سمعت صوت ابوها بيناديها .... قامت وطلعت له بالصاله
غاليه : نعم يابابا ناديتني
ابراهيم : تعالي معايا
اخدها معاه ووقفها جنب الباب ودخل للرجاله
وبعد دقيقتين رجع لها ومعاه دفتر
ابراهيم : يله وقعي
غاليه بستغراب: ايه ده واوقع ع ايه ؟
ابراهيم بحده : كتب كتابك علي فارس اخلصي وقعي
غاليه بصدمه : ازاي اوقع يابابا وانت حتي ماشاورتنيش ولا حتى قلت
ابراهيم قاطعها بصرخه : اديني قلت لك ويله وقعي
غاليه سمت بسم الله ووقعت بقلب مقبوض وايد ترتجف
سابها ابوها وراح لعند الرجاله وهي مازالت واقفه ومصدومه من تصرف ابوها
فوق ما فقدت حقها كأي بنت في انه يقولها ويشاورها وفي ان اللحظه تكون اجمل لحظه بعمرها
مشي من قدامها حتى كلمه مبروك ماقالها لها
نزلت دموعها قهر وحزن عمرها ما عصت له كلمه ولاعمرها رفعت صوتها بحضوره
كانت طول عمرها البنت الباره له حتى طلبات زي اخواتها عمرها ماطلبت علشان ماتزعلهوش
والفلوس اللي كان يدهالها جدها فالسر كانت تاخدها وتديها لـا ابوها على امل انها تشوف منه ابتسامه او ريق حلو
او تسمع كلمه حلوه لكن كل ده ولا غير اي شئ وكأن هو وامها بيعامللو الخدامه افضل من معاملتهم ليها بكتير
وجود جدها هو الشئ الوحيد اللي يخليهم يحسنوا معاملتهم معاها فقط
....................
عند الرجاله طلعو الرجاله ومفيش غير فارس وعمه
فارس قام وقف : أستأذن انا وبخصوص العشي انا اتكفلت بكل حاجه وساعه وجاين يجهزو
بس انت قولهم فين يحطوا البوفيه
ابراهيم في سره كريم اوي عمال بيبعزق من مال غيره) رد بختصار: ان شاء الله
..............................
في غرفة منال
منال بتكلم مى بالتلفون
منال بفرحه : مي فارس جه سمعت خالد وهو بيقول لبابا انه كان في الشركه النهارده !!وطالما جه يبقي اكيد هيروح لعمتي القرشانه النهارده
مى : عرفت سمعت كريم وهو بيقول ....ها قررتي تروحي؟
منال : ايوا وحتصل بندى بعد ساعه واقولها اني زهقانه وجايه اسلم عليها وعلى عمتي
ها ايه رايك تروحي معايا يمكن احتاجلك؟
مى : خلاص اقول لماما وعدي عليا
منال : اوكي سي يو
..............
خرج فارس من بيت عمه وحاسس ان كل هموم الدنيا اتلمت فوق دماغه
اتصل بجده علشان يقوله ان كل شئ حصل زي ما عاوز
فارس : الووووو ايوه يا جدي
الجد : اهلا يا ابني مبروك ياحبيبي
فارس بضيقه : الله يبارك فيك هاه ارتحت دلوقت؟؟
الجد : طول عمرك مريحني الله يرضى عليك ويرحم ابوك اللي عمره ما عصى لي كلمه
فارس : الله يرحمه ويغفرله
الجد : وامتى راجعين؟
فارس: اخدت جوازها من ابوها بس الفيزا بتاخد وقت لكن ان شاء الله اقدر
اخلصها في يومين او ثلاثه وبعدها نجيلك
الجد : على خير ان شاء الله ومتنساش تفتح لها حساب وتحط مهرها فيه
فارس : امرك
الجد: اشتريت لها شبكه وهديه تقدمهالها الليله؟
فارس : لا نسيت
الجد : يابني مينفعش دي بنت من حقها تفرح زي باقي البنات كفايه اوي مفرحتش بليله خطوبتها حتي فرح مش هتعملها
فارس نفخ بضيق : والله ياجدي اظن انت المستعجل
الجد : عاوز أتطمن عليها قبل ما اموت الواحد مش عارف امتي ساعته
فارس: ربنا يطولنا بعمرك ويحفظك لينا حاضر حالا اروح اكبر محل مجوهرات واشتريلها اغلي شبكه
الجد : الله يرضى عليك يله في حفظ الرحمن وطمني عليك
فارس : ان شاء الله بحفظ الكريم
...................
في بيت عائله غاليه
ابراهيم : جيهان.... جيهااااان
جيهان نازله السلم : خيررررر مالك عمال تزعق كدا
ابراهيم :الليله فيه عشا كبير وانا اتصلت بحامد وسندس وعزمتهم شوفي لوهتعزمي حد غيرهم
جيهان بنفعال :انت بتهزر؟؟ جاي دلوقت تقولي عندنا عشا امتى اجهز لكل ده امتي
ابراهيم: كل اللي مطلوب منك انتي وبناتك تجهزو وتقولي فين نحط البوفيه وكل حاجه حتكون جاهزه
جيهان :ان كدا ماشي والبوفيه حطه في الجنينه اللي وراه عشان كبيره
ابراهيم: طيب وبخصوص غاليه خليها تلبس وتجهز زي البنات
جيهان : افندم ليه
ابراهيم : بعدين اقولك ليه وايه سبب العزومه انا دلوقت مستعجل عندي شغل
وسابها ومشي!!!!
جيهان : غالييييه غالييييه طرشه
كانت غاليه في المطبخ عماله تعيط سمعت صوت امها قامت غسلت وشها وراحت لها
غاليه : نعم يا ماما
جيهان : نادي مي وغاده وانزلي معاهم
طلعت نادتهم ونزلو لامهم
جيهان : الليله عندنا عشا وعمكم حامد وولاده جاين وكمان عمتكم وبعض معارفنا
مى : وايه سبب العزومه المفاجـأه ؟
جيهان :معرفش طلعت في دماغ ابوك وبعدين انا رايحه الاتيليه اذا فيه حد يحب يروح معايا
مى : يس ماما انا هروح
غاده : لا انا عندي فساتين كتير مش رايحه
غاليه : خلاص انا اروح
جيهان بحده : طالما غاده مش رايحه تروحي فين خليك في البيت لو عاوزه حاجه تعمليها مع العمال
سكتت غاليه وماحبتش تعارض امها وطلعت مع غاده فوق والدموع بعيونها
غاده : ياقلبي ولاتزعلي واذا علشان الاتيليه اوعدك ياقلبي اخليك ملكة جمال(وبغمزه)
ناسيه ان اختك خبيره في الميك آب والشعر واللبس!
غاليه : ربنا ما يحرمني منك وانا عادي هلبس نفسي ما تشغليش نفسك بيا
غاده : قال اشغل نفسي ياغبيه دي موهبه يعني انا المستفيده وبعدين فين حلاقي احلى منك اتفنن فيها بالميك آب
غاليه : ههههههه اوكي اذا على كدا انا من ايدك دي للتانيه
غاده بصت لشعر غاليه : انا رايحه لصيدليه القريبه من البيت على ماتخلصي شور اكون جيت
غاليه : ليه طيب
غاده : نفذي اللي بقولك عليه ومش عايزه أي معارضه
سابتها وراحت تلبس وتخرج
بعد ربع ساعه في غرفة غاده
دخلت غاده الغرفه وفي ايدها كيس ومعاها مقص
غاليه : ليه ااشترتيه ايه ناويه تقصيني؟
غاده : هههههههههه ناويه اغلفك عندك مانع ؟ ويله خلينا نبدء قبل مايخلص الوقت علينا واحنا معملناش حاجه
غاليه ضحكت : حقول ايه غير ربنا يستر
اخدت غاده المقص وبدئت تقص شعرغاليه تدريجي
................
في بيت عائله منال
منال بتزعق : شوف يامازن مش كل مره تفتحلي نفس الموضوع خروج معاك مستحيل ومتخلنيش اتعصب عليك وانت الي ترجع تندم
مازن: طيب منا بخرج معاك في كل حته انتي وصحابك هي فرقت لو خرجنا لوحدنا؟
منال : اديك قلتها مع صحابي يعني انت بس منظر ديكور قدامهم وماتطمحش فيا اكتر من كدا
مازن : والله وحشاني ونفسي اشوفك اظن مش ذنبي اني حبيتك
منال : ههههههههههههه ضحكتني هتلعب علي مين يا بابا انت عارف اني مش بحبك وانت كمان مش بتحبني
اللي جمع بينا المصلحه انتي محتاج الفلوس والعز وانا محتاجه واحد حلو اتفشخر بيه قدام البنات بس
(مازن شاب وسيم وجسمه رياضي وبيحب المظاهر والفشخره الكدابه بس وضعه المادي مايساعدش ومنال وفرت له احتياجاته العربيه الشياكه واللبس الماركه والمصروف والاكل في افضل المطاعم مقابل انه ينفذ كل طلباتها )
مازن: كل مره اكلمك فيها لازم تجرحيني يامنال وتحسسيني بالنقص
منال : بقينا نقول كلام كبير شوف لا اجرحك ولا انقصك اللي بينا بيزنس تو بيزنس
ويله باي حقوم البس ورايا خروجه مهمه
(لبست وطلعت تقابل صحابها لانها كنسلت تروح لبيت عمتها بعد ماعرفت من امها عن عزومه عمها ابراهيم وان عمتها حتكون موجوده فيها)
......................
في بيت سندس
طلعت ندى من غرفتها بتجري لغرفة امها وتصرخ : مامتي مامتي الحقي
مالقتهاش بغرفتها جت تنزل تحت الا امها طالعه السلم جري على قدر ماتقدر
سندس بخوف : مالك حصلك حاجه؟؟
ندى : مامتي الحقي بيت خالو ابراهيم عندهم عزومه يله خلينا نروح
سندس حاولت تمسك نفسها لاتدبح بنتها : حسبي الله ونعم الوكيل فيك يابنتي يعني انتي هترتاحي لما احصل ابوك
ندى ببراءه : بعيد الشر عليك يا مامتي ليه بس؟؟
سندس مسكت شعر بنتها وتشده بغيظ : كل الصريخ ده اللي وقف قلبي واخرتها علشان العزومه وانا اللي فكرت فيه مصيبه
ندى وهي تتألم : أي مامتي سيبي شعري يعني لسه معرفتيش طبعي اذا صارخت اعرفي ان ماعنديش غير الهيافه واذا شفتيني لابده وساكته اعرفي ان ورايا مصيبه
سندس انتبهت ان الموبيل بأيدها وافتكرت انها كانت بتكلم فارس قبل صريخ المهبوله بنتها
سندس: فارس حبيبي معلش يابني سامحني
فارس بخوف :ماما سندس فيه ايه ؟
سندس : مفيش حاجه يابني بس دي اختك المهبوله السلك الوحيد اللي في مخها فصل
فارس : هههههههههههههههههههه هي البت دي مش ناويه تعقل
سندس: اه انت اضحك وانا قلبي هيقف اليومين دول
ندى فتحت بؤها :شوفتي انا بنفسي ضحكت فارس بجلاله قدره
سندس : ليه هو ابني مبيضحكش
ندى سحبت الموبيل من امها
ندى : فارس
فارس : يعني انتي امتى تعقلي وترحمي امي من افعالك
ندى : ايوه ده فارس اللي اعرفه ... فارس هسألك بالله من شوي ضحكت؟
فارس : اه ضحكت ليه ؟
ندى بجديه : فارس انت فين؟؟ وجنبك حد ؟؟
فارس : في البيت وومعنديش حد ليه ؟؟
ندى بفرحه : يااااااااااااااااي ماتقولش لحد انك ضحكت بعدين يطير مني السبق الصحفي
فارس بحده : الظاهر الكدمات اللي في ايدك خفو ومشتاقه لغيرها؟
ندى بخوف : لا بقي ده انا ماصدقت انهم راحو انت اللي يهزر معاك لازم الاول يكتب وصيته
خد امي .. ورمت الموبيل لـ امها
سندس : فارس انت قولتلها ايه خلاها خافت
فارس : لا بس فكرتهاا بالكدمات
سندس : ههههههههههههههههه كدا اعذرها لانها خافت
فارس : والله حرام عليكم عملتوني دراكولا
سندس : والله معرفش مين دراكولا ده لكن اعرف الراجل الاخضر وانت نسخه منه ههههه
فارس : ههههههههههههههه يعني ملقتيش غير الراجل الاخضر تشبهيني بيه
سندس : اعملك ايه ما انت الي عمال تشيل حديد ارحم نفسك يابني
فارس : حاضر ححاول يله اسيبك ورايا شغل اروح اخلصه ومتتاخروش سلام
سندس: مع السلامه يابني
ندى : مامتي يله خلينا نروح حالا لبيت خالي ابراهيم عاوزه غاده تعملي ميك آب
سندس بغيظ :مفيش مرواح غير بعد شويه وبعدين ما تعملي مكياج بسيط لنفسك
ندى : مامتي يعني لازم تحرجيني وانتي عارفه اني مش بعرف اعمل مكياج وبعدين البت غاده حريفه في الميك اب بتعمله روعه
سندس :غاده ماشاء الله عليها مش انتي ماتعرفيش غير البلايستيشن و الكوره وخلاص ماتصدعيش نفوخي نروح كمان ساعه ....
وبالفعل لبسو وراحو بيت ابراهيم
فتحت ندى غرفة غاده وهي مقطوع نفسها من الجري على السلم
غاده : خير مالك كدا طايره؟
ندى : اتخري من قدامي لحسن اشفطك
غاده ابتسمت : طيب اقعدي وخدي نفس لاتشفطينا انتي ناسيه ان عندك الربو
ندى : اه تخيلي انكتم واشفطكم و مقدرش اتنفس ويغمى عليا (ورمت نفسها على السرير غمضت عيونها) ويجي فارس احلامي وينقذني بقبلة الحياه ويشيلني بين ايديه
في نفس اللحظه طلعت غاليه من غرفة اللبس وسمعت كلامها
غاليه بمزحه: غاده بسرعه اكتميها بمخده او أي حاجه كبيره دي وصلت للقبله ربنا يستر من الباقي
ندى وهي بتقوم من السرير: اعملكم ايه اذا تفكيركم دايما غلــ.....
قطعت كلامها لما شافت غاليه وقعدت تبصلها وهي فاتحه بؤها
غاليه بخوف: ندى اقفلي بؤقك وقوليلي شيفاني ازاي يعني شكلي كويس ولا غلط اصل المجرمه دي رافضه توريني نفسي في المرايا
ندى مصدومه : مين اللي عمل فيك كدا؟؟؟؟؟؟