رواية غاليه
البارت الثالث عشر
بقلم منه محمد
خرجت من بين ايديه بخفه علشان مايصحاش دخلت غرفة تبديل اللبس واخدت لها لبس وقبل ماتطلع اخدت معاها روج وماسكرا وبلشر وبرفن .. راحت لغرفتها الخاصه بيها اخدت شور ولبست واتبرفنت وحطت ميك آب خفيف .. ونزلت تحت
دارين ببتسامه: صباح الخيرات مدام
غاليه ردت الابتسامه بأجمل: صباح الورد .. جدي صاحي
دارين : لا كان فايق من بدري ورجع نام.. اجهز لك الفطار
غاليه : لا انا هدخل احضر الفطار بنفسي
دارين : وليه تغلبي نفسك
غاليه بدئت تحمر من الاحراج : حابه اجهز الفطار لفارس واطلعهوله بنفسي
دارين حست براحه لان الامور اتحسنت بينهم فارس بالنسبه لها زي الابن وتهمها مصلحته وكانت عارفه باللي بيدور حواليها لكن ماتقدرش تدخل بالاضافه انها حبت غاليه من قلبها الطيب وكانت تتمنى لها كل خير
دارين ببتسامه : حبيبة قلبي ده بيتك انتي الامره الناهيه فيه واحنا هنا في خدمتك
غاليه : دارين ماتعرفيش فارس بيحب ايه علي الفطار
دارين تبتسم : لو متعصب قهوه ساده واذا مروق ومبسوط بياكل اي حاجه
راحت غاليه للمطبخ وفضلت حوالي ساعه كامله تتفنن له بالفطور
اخدت الفطار وطلعت فوق وقبل ماتدخل للجناح فاتت علي غرفتها القديمه رتبت شكلها واتبرفنت واخدت بعدها الفطار ودخلت للجناح ماكانش فيه اي صوت رتبت الورد وكاسات العصير والصحون على التربيزه بطريقه حلوه منظمه بفن .. اول ماخلصت سمعت صوت
باب اتفتح التفت وبثواني رجعت نزلت راسها للارض
منظر فارس وهو طالع من الحمام ماعليه الا المنشفه الملفوفه على وسطه احرجها وعيشها بتناقض مابين عقلها اللي فكرها بقسوة الذكرى القديمه ومابين قلبها الي بيشدها تدخل بين احضانه
فهم فارس من منظرها انه رجع لها ذكريات قديمه يتمنى لو يمحيها من ذاكرتها .. قرب منها ووقف قدامها وبكل حنيه : غاليه ارفعي راسك وبوصيلي
حاولت تستجمع شجاعتها وتبصله قبل ماتوصل لمستوى نظره شدها الكدمات اللي منتشره بصدره نست خجلها وذكرياتها المؤلمه مقابل خوفها عليه
مدت صوابعها المرتجفه وبكل نعومه وخفه ملست على الكدمات اللي بصدره وهي بتلوم نفسها ازاي بتقول انها بتحبه ومالاحظت المه ووجعه
حينما أراك سيدتي....تغريني كل تفاصيل العشق.....لأخوض معك قصة حب
فارس كان بعالم ثاني صحيح انها مراته وحلاله لكنه عاهد نفسه انه مايلمسهاش الا بعد ماتوثق فيه وينسيها كل جرح سببه ليها اي نعم اعترفت انها بتحبه بس مازالت نظرة الخوف بعيونها .. لكن اللي بتعمل فيه حاليا اكتر من قدرته على الاحتمال وبدون شعور قال : شيلي ايدك
اتصدمت من كلمته وبصتله بعيون كلها اسئله محتاجه قصادها اجوبه ياتري اللي غيره معقوله بيكرر الموقف المؤالم من اول وجديد ليه كل ماحاولت تقرب منه يبعدها عنه ايه الي عملته علشان يتضايق منها
فارس فهم كل اللي بيدور في بالها ابتسم لها ابتسامه تدوب القلب من حلاوتها ورفع ايده وحركها على خدها بكل حنان قرب خده من خدها الثاني وبهمس :بحبك لمستك جننتني(وبخبث) بس خلينا عاقلين لا يضيع تعبك بالفطار
ختم كلامه ببوسه على خدها وسابهاوراح يلبس .. اخدت مده وعقلها عمال يترجم الكلام اللي سمعته منه واول مااستوعبت قصده
اتمنت انها لو كانت لابسه طاقية الاخفاء مالقتش قدامها غير الحمام دخلته وقفلت الباب عليها كان تنفسها مضطرب وجسمها كله يترعش قربت من الحوض وسندت ايديها عليا وبصت لـ نفسها في المرايا كان وشها احمر وكأن نار مشعلله فيه من حرارته( ياربي انا دايما بسمع يقول فلان وقع بشر اعماله وانا كل مره اقع بشر غبائي مش اعمالي ايه الي هفني
وخلاني المسه يقول عني ايه بس .. لا ومن زياده غبائي مافهمتش الا كمان بطلب تفسير لكلمته ياريته مافسرها وخلاني ماافهم انه اتغير ولا افهم اللي قاله .. ياربي ازاي اوجهه دلوقت لا انا أأقعد في الحمام لحد ما يتوكل علي الله وينزل
فارس من وراء الباب : حبيبتي مطوله جوه الفطار برد (كمل وهو يبتسم بخبث) لو كنت عارف انه اخرتها هيبرد كنت استغليت الوضع من شوي!!
كانت غاليه تتمنى لو معاها قنبله وتفجرها فيها (منك لله ياغاليه اطلع ازاي بس دلوقت هما ليه كل الرجاله بايعين الحياء
فارس كان عارف باللي بيحصل فيها جوا ولو مش هيثم قايله ان فيه رجاله جاين يزروه بعد شوي كان كمل عليها بستمتاع
اتكلم بشوية جديه : غاليه اطلعي خلينا نفطر معيش وقت الا اذا كان يرضيك انزل للرجاله من غير فطار
حاولت تتمالك نفسها يعني هتحبس نفسها لحد امتي بللت ايديها بميه بارده وحركتها على وشها محاوله تخفف من احمراره وحرارته ..
اخدت نفس بعمق اكتر من مره وطلعت وهي معاهده نفسها لو رجع يقول نفس كلامه من شوي لتقتله بدون ماتتردد ثانيه واحده
اول ماشافها طالعه زعل لان وشها احمر جدا راح وااعد يفطر محبش يزيد عليها
فارس : جدي صاحي ولا نايم لسه
غاليه حاولت تبان انها طبيعيه : لما نزلت كان نايم بس دارين قالت انه كان فايق من بدري
فارس مدلها ظرفين : ادي الظرف اللي عليه اسم دارين ليها والظرف الثاني وزعي اللي فيه بالتساوي علي الجنايني والسواق وباقي الشغالين
غاليه بستغراب : وليه ماتوزعهم انت بنفسك ومرتب دارين ادهولها؟
فارس : دارين اوردي مرتبها شهريآ بينزل بحسابها ودول هديه بمناسبه رجوعي ليكم بالسلامه
غاليه واستغرابها زاد لان الظرف ماشاء الله عالي جدا : بس الفلوس دي كتير جدا
فارس قام بعد ما خلص فطار : ياستي طالما الخير كتير نفك كرب الناس
بصتله بكل حب واحترام بس اللي استغربت منه انه كان محروج (الكل معتقد ان فارس شخص قاسي وصارم ومابيرحمش وهو كان حريص ياخده عنه
الانطباع ده لانه دايما خايف انهم يكتشفوا الجانب الانساني من شخصيته وهو حنانه ورحمته وطيبة قلبه .. فضلت تدعي
ربها انه يديم السعاده بينهم ولا يحرمها منه وكل تفكريها انحصر علي بحبها لفارس اللي كل يوم يزيد ويكبر )
رجع بعد ماغسل ايديه ولبس الجاكت
فارس مد ليها ايده: يله ياقلبي خلينا ننزل تحت
غاليه دورت علي حجه للهروب : انزل انت انا هشيل الاكل
ماردش عليها ورفع السماعه وطلب من دارين تبعت اي واحده تاخد الاكل من الجناح .. ورجع مد ايده ليها .. استسلمت وحطت ايدها في دراعه انكجيه بخجل ونزلت معاه لتحت
اول مانزلو شافو جدهم أأعد على كرسيه المتحرك بالصاله ويقراء جريده قربو منه وكل واحد منهم باس راسه .. وقعد فارس على الكنبه وسحب غاليه وأأعدها جنبه
الجد ببتسامه : عامل ايه النهارده يارب تكون بخير
فارس : الحمدلله انا زي الفل
غاليه بدون تفكير : لا ياجدي ماتصدقهوش ده كداب صدره كله كدمات .. (ماحستش على غلطتها الا لما شافت نظرة جدها الغريبه وابتسامة فارس الخبيثه وهو ينقل نظراته مابينها ومابين جده) احمر وشها والدموع بدئت تلمع بعيونها من الاحراج حاولت تقوم بس فارس مسكها وثبتها مكانها
الجد بقلق : مدا م حالتك كدا ليه ماتروحش المستشفى؟؟!!
فارس : الله يهديك ياجدي ماتكبرش الحكايه مجرد كدمات عاديه بسبب الضربه اللي اكلتها على صدري حتى انا ماشفتهاش غير النهارده وانا باخد شور!!!
الجد : انت مش صغير وعارف مصلحتك اذا حسيت انك تعبان روح للمستشفى
فارس : ان شاء الله انت بس ماتشلش الهم
الجد : انا كلمت امين وقلتله يجهز الشاليهات في الساحل علشان عزومه بكره وعزمت عمامك وامك سندس وهيثم وامه اعزم انت وليد واللي تحبهم
فارس بدهشه : وايه مناسبة العزومه وانت بالحاله دي بس؟
الجد بحده : مالها حالتي انا بخير والعزومه بمناسبة قومتك لينا بالسلامه ولا ناوي تعارضني
فارس : لا اعارضك ولا حاجه ياحبيبي بس شايف مالهاش داعي
الجد ينهي الموضوع : انا اللي اقرر ايه الي له داعي وايه الي مالهوش .. وبعدين مين الناس الي هيثم بيقوله جاين يزروك
فارس : جاي زين والظاهر ابوه جاي كمان
الجد : مين زين؟؟؟
فارس ضحك : الشاب اللي ضربني
الجد : فيهم الخير اسبقني استقبلهم على مااغير هدومي واحصلك
فارس : اللي يريحك .. قام فارس بساعد جده بس هو رفض وقاله يسبقه واخدته دارين لجناحه علشان تساعده غاليه فالبس
فارس التفت لغاليه بعد ماراح جده : بقي انا كذاب هاا
غاليه باحراج : مين قال ؟
فارس : الحلوه اللي قدامي هي اللي قالت
غاليه تتوه الموضوع : فارس حبيبي قوم لا تتاخر على ضيوفك وانا اتأخر علي جدك
فارس بشغف : آآآآآه ياقلبي عيديها ياعمري ماسمعتش كويس
غاليه بستغراب لانها مانتبهت انها قالت حبيبي : قلت قوم لا تتاخر على ضيوفك
فارس بقهر : لا الكلمتين اللي قبلها وخصوصآ التانيه حبيبي
غاليه باحراج لما افتكرت كلمتها : الظاهر الصدمه اثرت على عقلك امتى قلتها ؟
ثبت ايديها بأيد واحده والثانيه مسك فيها فكها بخفه : يعني مصره اني كداب وانك ماقلتيش فارس حبيبي
عضت على شفايفها وحركة راسها بمعني اه .. اغرته بعنادها ومنظرها الطفولي وهي متكه على شفايفها سرق منهم بوسه سريعه وقام
غاليه برقت مصدومه من حركته هي بتموت من الخجل لما باسها على خدها امال بوسه علي الشفايف فضلت تتلفت حواليها بأحراج ليكون حد شافهم .. انتبه فارس على شكلها وضحك برقه : مش لو اعترفتي بالحقيقه كنتي رحمتي نفسك من العقاب
ومشي وسابها طايره زي سنبله في مهب الريح
احتاجك كما تحتاج الأرض << المطر ..!!
احتاجك كما الفراشات << للزهــر ..!!
احتاجك كما في عتمة السماء << كقمر ..!!
***********غاليه************
في بيت سندس
ندى (وهي تسحب اه من اعماق صدرها) : آآآآآه دي اه العانس
سندس : ليه هي العانس ليها اه مختلفه
ندى بقهر : ماما خلي الاه ليك وجوزيني واكسبي فيا اجر وثواب ..
سندس: احنا هنبدء نفس الموال علي الريق
ندى : طبعا مايحسش بالنار الا الي كبشها .. انا قررت ارفع قضيتي لديوان المظالم وجمعية حقوق الانسان وللكونجرس وللبيت الابيض كمان
سندس: ده اللي ناقص علشان تجيلي كندره رايس تقولي ما تجوزي بنتك وبعدها بيومين يجيلي بوش
ندى :وابقي مشهوره اااه عارفه الاجانب على اتفه الامور بيعملو مظاهره ويلفو الشوارع ويرفعو لافتات ويهتفوا جوزو ندى لا للظلم جوزو ندى .. ويتدخل الملك علشان يهدي الناس ويمكن اتجوز من الاسره الحاكمه مين عارف
سندس حطت ايدها على راسها : دماغي يا ناس كل ده عشان تتجوزي
ندى بثقه: طبعا
سندس : مش هقول غير كلمه واحده ارد بيها علي هبلك منه له
ندى : يعني لازم كل مره تكسري مجاديفي ... اقوم العب سله افضل من التحطيم
سندس برررعب : لاااااااااا كريم جاي دلوقت ايه ناويه على مصيبه جديده
ندى اول ماستوعبت كلمة امها انطلقت صاروخ لغرفتها بدون ماتعلق بحرف دخلت غرفتها وطلعت لها اشيك فستان لبست وحطت ميك آب وفردت شعرها وسرحته واتبرفنت .. بعد ماتطمنت من شكلها دورت علي اي كتاب بس مالقتش .. راحت لغرفة ماجد
واخدت كتاب عن الشعر في العصر الجاهلي ونزلت تحت
سندس فتحت بوئها من شكل ندى بس ماعلقتش عاوزه الي ناويه ناويه عليه المهبوله
دخلت ندى المطبخ واخدت كاس عصير وطلعت للجنينه قطفت ورده وثبتتها بشعرها بعد معاناه وأأعدت على التربيزه وفتحت الكتاب وحطت رجل علي التانيه بكل تناكه
سندس بستغراب : ندي انت عيانه؟
ندى : هههههههههه لا بس قلت مره من نفسه يشوفني شيك وانيقه
سندس : طيب الشياكه والالطه وفهمناها بس ليه العصير والكتاب؟
ندى : لزوم البرستيج علشان يظن اني عاقله ومثقفه
سندس شوحت بأيديها: لأ كبرتي ومخططه كمان يشوفك
ندى بخوف : لا بس بقول يمكن ربنا يكتب اني اشوفه
انقذ صوت الجرس ندى من امها اللي راحت علشان تستقبل بنفسها كريم
***********غاليه********
مجلس الرجاله في بيت فارس
بعد ماانتهى التعارف والسلام
ابو زين : حمدلله على سلامتك يابني واعتبرني في مقام ابوك واطلب اي عوض
فارس :طبعا واكتر والله بس عوض ايه كفايه مجيتك
الجد:عوضنا بسلامة ابننا وزين راجل عمل الي عليه والحادث ربنا كاتبه هي مش غلطته ولا هو متعمد
ابو زين : والله انتم الي نعمه الناس وبشكر الظروف اللي جمعتني بيك من تاني رغم ظروف مش حلوه اوي
الجد : الله يبارك في عمرك .. الا ماقلتليش يابو زين ماتعرفش عن محمد و اخباره
(الجد جمعته بـ ابو زين مصالح مشتركه من قبل كام سنه بس كانت علاقتهم ماتتجاوز الاحترام المتبادل والمصالح المشتركه)
ابو زين : والله من ساعه ما خلص المشروع ونقل شغله لدبي بعدها اخباره انقطعت معرفش حاجه عنه ..
الجد : ربنا يوفقه ويسهل دربه .. المهم يابو زين انت معزوم انت والاسره الكريمه بكره انشاء الرحمن لسلامه فارس
ابو زين : دايما بخير بس اعذرني اظن عارف الشغل والظروف ماتسمحش
الجد ابتسم : الشغل ملحوق عليه والعزومه هتحضرها خلاص ده قرار
(بعد محاولات اقتنع ابو زين بالعزومه .. وعطى فارس زين وصف المكان ... وبعدها ودعو بعض على امل اللقاء لـ بكره)
ابو زين زوجته متوفيه من سنتين وعنده زين ونجلاء
زين متزوج وعنده ولد وعمره 3 سنين
ونجلاء عمرها 20 سنه لسه بكر بتدرس ثانيه جامعه تملك قدر لايستهان بها من الجمال رشيقه كانت قبل وفاة امها شخصيه مرحه جدآ والدنيا عندها ضحك واستهبال بس اتغيرت بعد
فراق امها بقت حزينه وهاديه جدآ برغم محاولات مرات اخوها المستميته انها ترجعها نجلاء الاولى لكن فراق الام صعب بتقف عنده الحياه ومهما استمرت بيفضل الحزن جوه قلوبنا صدق الله سبحانه لما قال الجنه تحت اقدام الامهات
**************غاليه******
في بيت سندس
سندس بعد ماودعت كريم وراحت لندى في الجنينه: والله ده لو امتحان ما كنت هشوفك ماسكه الكتاب
ندى رمت الكتاب على التربيزه بغيظ: قسمن قسمات راحوا عيوني وانا بحاول اركز هاا فرحيني طلع تعبي بنتيجه
سندس : الحمد لله جه ومشي من غير مايشوفك ولا يسمع صوتك
ندى بقهر وهتعيط :لاااااااااااا لما اكون شيك مايشوفنيش ولما اكون مبهدله فشر ولاد الشوارع يشوفني ياربي ايه الحظ ده
سندس: زي حظك كدا بالعريس
ندى باحباط وقهر : الله يبشرك بالخير انتي مش هترتاحي لحد ما تجلطيني
سندس كشرت : بطلي تهريج وجهزي نفسك رايحين الساحل من الصبح بدري وخدي معاك هدوم تكفيك اربع ايام
ندى : واااااااااااااااااو يعني هنعكسر في الساحل اربع ايام
سندس : لا يا حظي الغامق من الدنيا يوم واحد وثلاثه ايام هنقعد في بيت اخوكي فارس
ندى بستغراب : ليه الاحباط ده ...وليه هنقتحم بيت فارس؟
سندس عطتهاا ظهرها : مش شغلك ومن غير ليه
ندي: محمد عبد الوهاب تعال هنا كلمني
*************غاليه********
في بيت عائله غاليه
ابراهيم : والله يابني انا شايف انك تاخدها كدا بدون فرح وليله مش حلوه لا بحقي ولا بحق البنت
هيثم طلع شيك من جيبه : ياعمي انا مامنعنيش غير الظروف اللي بنمر بيها وده شيك بقيمة تكاليف الفرح وغيره خليها تستثمره احسنلها من الهبد والازعاج اللي انا شايف ماليها داعي!!!!!!!!!!
ابراهيم لما شاف المبلغ اللي مكتوب بالشيك نسى حكايه الفرح والليله كلها واحلى مافي الموضوع ان الشيك بأسمه هو مش بأسم غاده
ابراهيم: الحكايه مش مسأله تكاليف بس وحشه قدام الناس
هيثم : ياعمي حضرتك متعرفش انا لحد اللحظه ما اسقريتش وعندي سفريه بعد اقل من اسبوع لـ لندن فقلت مافهاش حاجه لو اخدتها منه شهر عسل ومنه اخلص اموري المتعلقه بالشغل والناس مالهاش حاجه عندنا غير اني اتفقت مع جدي والد حضرتك
ان الحفله اللي بكره تكون بمناسبة سلامة فارس وبمناسبة جوزنا
ابراهيم : والله طالما الحكايه كدا انا عن نفسي ماعنديش مانع بس معرفش راي البنت اكيد حترفض وتقول لسه ماجهزتش
هيثم مثل المسكنه : هي رافضتني فاكيد هترفض الفكره لكن انت شوف ردها وبعدها يحصل كل خير (اتعمد هيثم يقول الكلام ده علشان يكسب عطف ابراهيم وينضم لصفه ويجبر غاده)
ابراهيم باحراج : ليه هي هتلاقي احسن منك توكل على الله وانا زي ابوك وليك الي يرضيك
خرج هيثم من بيت حماه بعد مااتفق معاه على كل حاجه ركب عربيته واتصل بغاده
الي شافت الرقم بس طنشت لانه رقم غريب وماليها خلق ترد كل تفكيرها بالسبب اللي جاي علشانه هيثم الطاغوت
سمعت صوت مسج وفتحت الرساله واستغربت لان مكتوب فيها غاده ردي ضروري (واضح ان المتصل عرفها بس الرقم غريب )
ردت بعد مارجع يتصل ثاني مره : الووو
هيثم : اوحش الوو سمعتها بحياتي
غاده بعصبيه : خيرررر ليه متصل وبعدين منين جبت رقمي
هيثم بحده : ليكون على بالك هجاوب على اسئلتك
غاده : ايه المانع انك تجاوب
هيثم بحتقار : لان مش من حقك تسألي ... لانك ولا شئ ذو قيمه فحياتي ... لانك نكره .. تكفيك الاسباب دي ولا محتاجه اازيدك؟
غاده بعصبيه وقهر : اسمع ياسافل يامنحط ياحقيــ...
هيثم قاطعها بصرخه : اسمعي انتي يازباله تلمي هدومك وتودعي بيت اهلك الليله اخر ليله ليك فيه فاهمه
غاده صرخت بصوتها كله : لااااااااااااا مش فاهمه ولما تبقي ابويا تعال اديني اوامر
هيثم بسخريه : نسيت اقولك اني اشتريت موافقة ابوكي بمبلغ وقدره مع ان التعريفه خساره فيك
غاده الكلام صدمها نزلت دموعها تحرق خدها دموع قهر وظلم كان اسلم حل انها تقفل في وشه التلفون لانها لو اتكلمت هيحس بضعفها وبكائها والشئ ده بالنسبه لها مستحيل تسمح بيه لو على موتها
اما هيثم عرف ان غلقها الخط محاوله منها انها تحافظ على قوتها ندم انه قالها الكلام لكن هي دايما مصممه تقهره وتستفزه كان يتمنى ان قوتها دي تكون على حق مش على باطل ....غاده بالنسبه له جمعت كل الصفات اللي كان يتمناها بزوجته وشريكة حياته لكن للاسف تمتلك قلب اسود.....انسانه قذره اللي فكرت تأذي اختها تؤامها مش صعب عليها تأذي اي حد
************غاليه*************
في غرفة منال اتجمع فريق الشر ومعاهم الشيطان عمال يزين لهم اعمالهم ويخدم عليها
منال بعصبيه : لحد امتي هتفضلي تقوليلي اهدي واصبري خلاص مليت مابقاش عندي صبر
مى : هنعمل ايه يعني نروح نقتلها لك ونجوزك منه بالقوه
منال بحقد : ياريت تموت واخلص منها
سحر : منال اهدي واسمعي كلامي صدقيني عصبيتك دي عمرها ما هتفيدك
منال بصريخ : صدقتك كتير ولاشفت فايده انا هتصل على سمير وانفذ اللي في دماغي انا
سحر بعصبيه : اسمعيني ياغبيه العيل الصغيرما هيصدق الحركه ...امبارح كانت البنت منهاره ومغمى عليها من خوفها عليه واليوم تخونه مين الغبي الي بيصدق
منال بقهر : طيب اعمل ايه والله خلاص حاسه اني هتجنن من كتر التفكير
سحر : اسمعيني وخليك معايا اول خطوه عملتيهاانك خليتي فارس يعرف انك غير اهلك وده نقطه في صالحك وهو اللي لازم نركز عليه حاليا بكره فالساحل اظهري الحب لجدك حتى لو قابلك بالصد وبيني انك البنت العاقله والمحترمه
مى بسخريه : هههههههههههههههههههههه فين العاقله والمحترمه والهدوم اللي مجهزاهم علشان يشوفها فارس عليها كلها فوق الركبه وطالع
منال بقهر : ليه وانا غبيه علشان يعرف اني حابه استعرض قدامه انا حخليه يشوفني بالصدفه كأنه غصب عني مش بأيدي
سحر : والله ماحد غبي غيرك الراجل مهما كان حتى لو كان زير نساء ولعبي مايحبش غير البنت المحافظه الملتزمه وحتى لو كنتي طلعتي قدامه بالصدفه لازم يكون لبسك محترم وحشمه
مى : بجد بستغرب انك عارفه الكلام ورغم كدا ولا بتطبقيه؟
سحر بحقد : مي اللي بيته من ازاز مايحدفش الناس بالطوب ومتخلنيش احطك في دماغي والله لا اخليكي تتمني الموت على الحياه اللي بتعيشها
مى حاولت تخفي خوفها : بقيتي تعرفي تهددي بس مش انتي اللي ماسكه عليا ذله حتى انا ماسكه عليك بلاوي
سحر : حبيبتي انا ولا تفرق معايا ولا بيهمني حد بس انتي فيه اللي بيقتلك لو عرفوا جزء واحد من بلاويك
******غاليه*******
الساعه 10 في جناح فارس وغاليه
دخل بعد مااخد شور وقرب ومسك خصله من شعرها يبعدها عنها غاليه حسيت بكهربا صعقت جسمها غمض عيونه واتنهد من قلبه
وحضنها من وري وهمس في ودنها : عمري جهزتي الشنط علشان بكره
غاليه بحرج : ايوه انا طلعت كل الهدوم اللي بنحتاجها ودارين رتبتها بالشنط
فارس سابها و راح رقد على السرير : طيب ياقلبي مش ناويه تغيري البيجامه اللي حفظتها عن ظهر قلب وتيجي علشان ننام ورانا مشوار من الفجر
(غاليه كل ليله تلبس نفس البيجامه بتاعه غاده لانها استر حاجه وماعندهاش الجراءه تلبس اي شئ من الشنطه الملغومه اللي اهدتهالها غاده)
بدون ماترد عليه لانها محروجه ومش عارفه تقوله ايه مشت بهدوء ونامت على حرف السرير كالعاده
فارس : غلاوتي مش كل ليله هكرر نفس الكلام المفروض تعرفي ان مالكيش نومه الا على صدري
غاليه محروجه جدا ..........
فارس : يعني كل مره لازم اجيبك بالقوه (مسكها من ايدها علشان يقربها منه)
غاليه بخوف : لا يافارس انت مش شايف صدرك عامل ازاي
فارس حط راسها على صدره غصب عنها : بالعكس هيخف(وبخبث) ولو تبوسي الكدمات اضمن لك انها تختفي
غاليه لاتعليق شكلها ماتت
فارس بجديه : غلاوتي ممكن اسئلك سؤال
غاليه : اتفضل
فارس : علاقتك بغاده عامله ازاي؟
غاليه بحب وبصدق : غاده اختي وتؤامي وحبيبتي وصديقتي
فارس : وهي بتبادلك نفس الشعور
غاليه بحزن : يمكن اكتر تعرف يافارس احيانآ بلحظات ضعفي اقول يارب انا عملت ايه علشان امي وابويا يعاملوني كدا والله مش مدح في نفسي بس طول عمري حريصه اني مااغضب ربنا فيهم واكون البنت الباره ليهم ومفتكرش اني اذيت انسان او غلطت بحق حد
ليه يحصل معايا كدا بس لما افتكر حب جدي ليا وحب غاده وخوفها عليا وكريم وطيبة قلبه وعمتى سندس اللي بتحبني اكتر من ولادها بعرف ان ربنا عوضني فيهم عن حب امي وابوي وقسوتهم عليا...... اه حرمني من حاجات بس عوضني بغيرها والانسان مش بياخد كل حاجه!!
فارس حس انها بتقول كلامها ده عن اقتناع بس دموعها الحاره اللي نزلت على صدره اكبر دليل ان كل اللي قالته ماعوضها عن حب امها وابوها
فارس: ذكرتي حبهم كلهم ليك بس نسيتي تذكري حبي .. غاليه لسه عندك شك بحبي ناحيتك ؟
غاليه بخجل : لا
فارس ضمها على صدره : عمري والله العظيم بحبك ومابكدب عليك لو قلت اني حبيتك من يوم كتب الكتاب واللي حصل كان بجد غصب عني انسي ياعمري وخلينا نعيش حياه كلها حب لاني مااقدرش اعيش من غير حبك
رفعت راسها عن صدره وطبعت بوسه خجوله على خده كانت بتحاول توصله بالبوسه اللي عجزت توصلهوله بلسانها
فارس : آآآآآآآآآآه ياقلبي
غاليه اتصنعت الجديه علشان تخفي خجلها : يله ورانا مشوار من الفجر وانت سهرتنا خلينا ننام
فارس ضحك بعذوبه : هههههههههههههههههههه حاضر يا ابله بس حطي راسك بس خدي بالك الليله هي اخر صبري
الحل الاسلم كان عند غاليه انها تتصنع النوم علشان تعفي نفسها من الاحراج لما حست بدقات قلبه المتسارعة
***********غاليه*******
الصبح كان اول الواصلين للساحل الي عباره عن مجموعه شاليهات جنب بعضها وصل فارس وجده وغاليه ودارين وعلى اساس هيثم يحصلهم بعد ساعه هو وامه والعربيه الثانيه اللي فيها السواق والخدم والممرض
نزلت غاليه من العربيه مبهوره باللي شافته بس الوقت ماكانش يسمح لازم تطمن على دخول جدها لغرفته الاول وانه لازم يرتاح بعد مشوار دام اكتر من ساعتين بالعربيه
دخلت هي وفارس شايل جده بين ايديه للشاليه الكبير اللي على شكل قصر تراثي صغير ومن الداخل كان منظم بطريقه روعه جمع بين
التراث القديم والحديث .. نزل فارس جده في سريره وعطته غاليه ادويته وطلعو وسابوه ينام
فارس : ها عجبتك الساحل
غاليه بنجذاب : روعه خيال مكنتش متخيلاها كدا
فارس بمزح : يانصابه ازاي تقولي روعه وانتي لسه ما شفتيهاش
غاليه : اللي شفته كفايه اني احكم عليه
فارس ضم كتفها: لا مش كفايه وتعالي افرجك علي شاليهنا الخاص بينا قبل ما يوصل حد
غاليه بفرح :لحظه البس حجابي
فارس : وليه تلبسيه حياتي ده شاطئ خاص وان كان علي العمال انا محذرهم ومديهم اوامر ميطلعوش من اوضهم غير لما اقولهم
طلعو من الشاليه واخدها فارس يلف بيها بالعربيه المكشوفه
غاليه : لا فارس خلينا نمشي احلى وناخد شط البحر من اوله لـ اخره
فارس ابتسم : حبي الشط طويل جدا والشمس قادحه وهنتفرهد وبعدين انتي ناسيه مفطرناش (وكمل وهو بيركبها العربيه) اوعدك نفطر وناخدها جري مش مشي
مشو بالعربيه بالبطئ يتفرجوا علي منظر البحر ومكان الحفلات والمراجيح والجناين
غاليه بذهول : لو حد فرجني صورها كنت كدبته انها هنا في مصر
فارس قهقه : ليه ياقلبي الفلوس تعمل العجب بس ما تدكيش لا السعاده ولا الصحه
غاليه بصتله وابتسمت : معاك حق ياعمري
فارس صرخ : ياويل قلبك يافارس ياريتني اتفلسفت من زمان علشان اسمع كلمة ياعمري باداء فدوه
غاليه باحراج : شكل الجوع اثر علي نفوخك وجبلك تهيوات
فارس بخبث : شكلك مشتاقه لعقاب امبارح وغمز
غاليه بخوف وهي حاطه ايدها على شفايفها : فارس خليك عاقل وخلينا نروح نفطر
فارس ابتسم بخبث ودفن راسها في حضنه : هههههههههههههههههههه بس ما تنسيش اني قلت اخر صبري كان امبارح لكن ولا يهمك بمد صبري لحد ما يهجم الليل
غاليه وشها احمر جدا بخدودها والتزمت الصمت
فطرو ودخلو شالهم اللي كان كبير ومعزول عن البقيه
فارس : يله ياعمري تعالي ننام ساعه
غاليه : لا انا هدخل اخد شور والبس وانتظرهم
فارس شدها : نامي دلوقت ولما تصحي خدي شور والبسي هتلحقي لان هيثم هيتاخر هيعدي على الفندق يحجز وامي وندي اللي هيجبهم كريم على الساعه عشر والباقي مفتكرش يجوا قبل الساعه 11 او 12
غاليه رقدت على السرير : وهيثم ليه حجز بالفندق فيه حاجه ضيقته من القعده عندنا
فارس : لا ياغاليه بس لانه اليوم قرر ياخد مراته وبما ان بيته لسه ما جهزش بيحجز بالفندق ويبنزل فيه كام يوم قبل ما يسافر
غاليه بدهشه : هيثم اتجوز؟؟
فارس بذهول : ليه هو انتي متعرفيش انه اتجوز غاده
غاليه قامت بفزعه : ايييييييييييييييه
فارس قعد : هيثم اتجوز غاده ايه الي مش مفهوم في كلامي
غاليه بصدمه : ازاي اتجوز وامتى ازاي وانا اختها اخر من يعلم
فارس بيحاول يهديها : ياقلبي كله تم بسكات حتى انا معرفتش الا بعد ما كل حاجه تمت وبعدها حصلت لي الحادثه فما كانش فيه مجال انك تعرفي والحفله الي هتتعمل بمناسبة جوازهم وسلامتي لان هيثم مستعجل عاوز يسافر يخلص اموره المتعلقه بلندن
غاليه ودموعها على خدها : وهي موافقه والا بابا اجبرها انا متاكده ان كل شي حصل بالغصب مستحيل غاده توافق تتجوز بالسرعه دي (وبكاها يزيد ) ليه يافارس ابوي يحرمنا نفرح بجوزنا زي كل البنات طيب سيبك مني انا ظروف جدي هي اللي حكمت بس غاده ليه يحرمها انها تعيش فرحة وحلم كل بنت بفتره خطوبه وبعدين جواز وفرح كبير ليه
فارس اخدها بحضنه : قلبي انتي مش دايما تقولي بأن غاده شخصيتها قويه وتقدر تفرض كلمتها اكيد محدش اجبرها ووافقت برضاها تقدير منها لظروف هيثم وبخصوصك انا عارف انك انحرمتي من حقك كااي بنت بفرح وشهر عسل و..
رفعت غاليه ايدها وحطت صوابعها على شفايفه تمنعه انه يكمل : ماتكملش فارس حياتي معاك والسعاده اللي انا عايشه فيها هي كل اللي حلمت بيها واذا بتمنى حاجه هو ان السعاده تدوم ولا انحرم منها ولا منك
فارس باس صوابعها : ولا يحرمني منك وان شاء الله تدوم لــ اخر العمر (كمل بخبث) وبعدين نامي بلاش تختبري صبري بعدين تندمي
***************غاليه********
في بيت سندس
سندس: والله لو يوم فرحك كنتي زمانك خلصتي
ندى وهي تحط المسات الاخيره من الميك آب : خلاص هانت كلها دقيقه
سندس: انا نازله كريم بقاله ساعه وهو مستني عنك ماجيتي ولحوسي في نفسك لحد بكره وخلي الجن يهبل معاك
ندى بخوف ورتباك : لا ماميتو خلاص خلصت اسنديني ونزليني معاك حاسه جسمي مش شايلني وركبي بتخبط او بتزيق
سندس بخوف : مالك ياندي انا كنت بهزر
ندى : خايفه من الشخص الي هركب معاه
سندس: ليه عفريت تخافي منه اخلصي بقي والا والله اسيبك وامشي
نزلت ندى مع امها تحت وقبل مايطلعوا من باب البيت مسكت ايد امها
ندى : ماميتو اقوله ايه؟؟
سندس بهمس : قوليله قصة حياتك واهم حاجه اوعي تنسيها معاناتك مع العنوسه
ندى : طيب اسئله لو حابب يحضر خطوبتي لو تمت ولا اطنشه
سندس : لا طنشي مالوش داعي تحرجي نفسك (وبعصبيه ) اخلصي سلمي وبعدها كلي سد الحنك لحد ما نوصل حتي النفس ميطلعش اكتميه لحد ما نوصل
ركبت سندس قدام جنب كريم وركبت ندى وراء وهي مكسوفه وجسمها يترعش
ندى برتباك : السنام عليكم ... (شوي واستوعبت هي قالت ايه لاااااااااااااااااااااااااااااااااااااااا .. ياربي مايكون سمعني يارب يا منصف المهابيل مايكون سمعها ) لكن رد كريم كان محطم لكل توسولاتها ودعائها
كريم ماسك ضحكته بالعافيه : عليكِم السنام ورحمه الله
سندي بأحراج جامد : كح كح كح
كريم وهو كاشفها : صحه يا عمتي تشربي ميه ولا ملوش لزوم
سندس : لا مش محتاجه بس يله امشي لا نتأخر
كملو طريقهم وندى مايعلم بحالتها غير رب العالمين اللهم لا شماته انواع الدموع والشهتفه بصمت
***************غاليه*********
مى : يووو يا منال اهدي لحد يسمعك
منال بحقد وعصبيه : قوليلي ازاي اهدي وكل العز اللي انا شيفاه ملكها وهتتهنى بيه لوحدها
ندى من وراهاحبت تكيدها بزياده : ده وانتي ماشفتيش فلتيه اللي في ألمانيا ولا بيته اللي في ضواحي لندن ولا شقته اللي في باريس ولا انسى شاليه الي في الغردقه (وبتهديد وعصبيه ) قولي ماشاء الله ياحسوده لا تنشي اخويا عين
منال تحاول تخفي ارتباكها : حيلك حيلك ياهبله مين جاب سيره اخوك
ندى شدتها بعنف من بلوزتها: ما هبله غيرك انتي مفكراني معرفش حكايتك ولا شامه ريحتك اللي فايحه فالجامعه لا فوقي ياماما انا ندى مش خالي ولا اخواتك المغفلين (وبعصبيه اكتر ) وحالا قولي مشاء الله لا اديك بوكس اطيرلك بيه نص وشك العكر ودماغك السم
مى بخوف: مشاء الله وربنا ياستي يزيده من خيره واحنا مكناش بنتكلم عنه وبعدين عيب ياندى الكلام المهين ده!!!!!
ندى سابت منال ونفضت ايدها بحركة احتقار : العيب هو اللي بتعمله يابنت خالي
منال زعقت بحده : احترمي نفسك واذا سكت لك المره مش معناها بسكت لك كل مره
ندى بستهزاء : يمه خوفتيني حبيبتي اللي بيته من ازاز ميزقلش الناس بالطوب (وبجديه ) نصيحه لوجه الله حياة البنت سمعتها وشرفها واذا ضاعو ضاعت معاها حياتها وبقت مجرد حشره الكل عاوز يخلص منها
خلصت كلامها وعطتهم ظهرها ومش