رواية غاليه الفصل الثامن8 بقلم منه محمد

رواية غاليه

الفصل الثامن

بقلم  منه محمد 

غاليه ببكاء : غاده جدي تعبان و مُصر انه يرجع

غاده :ياعمري ليه العياط طيب جدي وعارفين من زمان انه مريض ومفيش بأيدينا له غير الدعاء ان ربنا يشفيه

غاليه بصوت مخنوق: غاده انتي متعرفيش جدي ايه بالنسبه لي هو حياتي كلها كل ليله بفضل ادعي له وادعي ان موتي يبقي قبل موته لان الموت اهون عندي من اني افارقه

غاده : غاليه لو خيروكي بين بابا وجدي هتختاري مين؟؟؟؟

غاليه بنفعال : مجنونه انتي ازاي يخيروني بين ابويا وجدي لو حد خيرك بين واحده من عيونك هتختاري انهي فيهم

غاده : لا مستحيل اتنازل عن واحده منهم

غاليه : بابا وجدي هما عيوني ازاي تخيريني بين واحده منهم

غاده  بتعجب: رغم كل القسوه اللي شفتيها من ماما وبابا لسه بتحبيهم

غاليه : انتي قلتيها ماما وبابا ومهما قسوى عليا لو سمحت لنفسي ان مكانتهم تتهز جوايا لو شعره هعتبره عقوق ليهم احنا كل الي علينا نفضل ندعيلهم نقول ربي ارحمهما كما ربياني صغير يعني كفايه تربيتهم ليا تغفر لهم كل قسوه شفتها منهم

فارس سمع كل الكلام اللي قالته غاليه من غير ما تعرف انه اتسمع كان محتاج يعرف الانسانه دي بتتصرف نفس تصرفتها بحضوره... وهي هي نفس التصرفات بغيابه ولا بتنزع قناع الطيبه لكن اللي سمعه بالفعل صدمه وخلاه يشكك بصحة كلام البنت اللي نقلت له افعالها السيئه

انتظر شوي وبعدها خبط علي الباب ودخل

غاليه بعد ما شافته داخل بصوتها المبحوح : غاده سلميلي على الكل وهرجع اكلمك بعدين

غاده : اوكي ياقلبي وماتزعليش نفسك عشان خاطري

غاليه : ان شاء الله يله في حفظ الرحمن

خلصت مكالمه وبصتله : ايوه فيه حاجه؟

فارس بهدوء : لا بس جاي اشوفك حابه تروحي لجدي

قامت غاليه بسرعه : اكيد ثواني بس البس واكون تحت

بعد نص ساعه بغرفة الجد

الجد : اخبار ندي ايه يارب تكون وصلت للون عيونك ؟

غاليه ابتسمت : عذبتني ياجدي مره تطلعني في عز الظهر مُصره عاوزه تشوف لون عيوني ومره تسحبني للسطح بنص الليل تقولي يمكن تكتشفهم على ضوء القمر واخر محاولاتها طفت انوار الاوضه وسلطت لعيوني كشاف والحمدلله لحقني فارس قبل ما انعمي من محاولاتها الفاشله

الجد : ياخوفي فارس يكمل تجارب ندي

فارس: ههههههههههههههههههههه اجرب في عيوني بس مجربش فيها

(رن موبيل فارس )

فارس رد بفرحه ظهرت علي ملامحه : اهلا بروحي وحبيبتي وعمري وحياتي

(غاليه برغم جرحه وقسوته بس حست بالغيره تنهشها مين دي الي عمره وحبيبته الي ليها الكلام الحلو وهي يسقيها العلقم )

فارس :ياحياتي والله ما اد شوقي ابدا

فارس : ايوه عنده خديه معاك ياغاليه بس اوعي تعاكسيه بغير عليك

الجد بعد ماعطاه فارس الموبيل :اهلا يابنتي

سندس: اهلا بيك يا حبيبي طمني عنك

الجد : بخير ونعمه مش ناقصني غير اني اشوفك انتي وبنتك الهبله فرحيني وقوليلي عقلت

سندس: لو دخل ابليس الجنه هتشوف بنتي عاقله قبل كدا مستحيل

الجد ضحك : جوزيها يمكن تعقل

سندس: وابلي عيال الناس بيها ويفضلوا يدعو عليا لا مستحيل المهم ياحبيبي مش حابه اطول عليك المهم سمعت صوتك واتطمنت عليك

الجد : الله يطمنك بالايمان وطاعة الرحمن خدي فارس معاك وفي امان الله يابنتي

اخد فارس الموبيل من جده وطلع برا الغرفه كان حاسس من صوتها انها متضايقه ومهمومه

فارس : ماما مالك صوتك ما عجبنيش

سندس : انا زي الفل يابني انت بس خالي عيونك على جدك وغاليه وسيبك مني

فارس : ربنا يقبض روحي ان معرفتش مالك

سندس شهقت: بعيد الشر عليك يا ضنايا

فارس : ماما هتقوليلي مالك ولا قسم بالله اخد اول رحله حالا واجيلك

سندس :ربنا يهديك دايما متسرع كدا .. انا بخير بس مضيقه علي كريم

فارس بحقد : ماله كريم

(وقالت له كل اللي قاله كريم )

فارس بهجوم عنيف : كذااااااااب هو عارف عامل ايه

سندس بعصبيه: لا يافاارس كريم مش كذاب انا مش عيله ينضحك عليها وبفهم كويس مين الي بيكذب ومين بيقول الحقيقه وماتنساش ان كريم انا ربيته زي ما ربيتك وبعرف الي جواكم قبل ما تقوله وعارفه مين صادق ومين كداب وياما كشفت انك

بتكدب عليا يا فارس بس عشان بحبك مش بحب اجرحك او احرجك

فارس عقد حواجبه: كدبت عليك في ايه

سندس:مفكرني مفهمتش لما بتغير نظرتك لغاليه يوم كتب كتابكم كنت حاسه انك مش حابب تفارقها ولما جتلكم في بيتكم كنت بتعاملها احقر معامله وتشبيهك ليها بالخدامه مامشيتش عليا كنت عارفه انك تقصدها واستمريت معاك بكذبتك لاني عاوزه اعرف ايه سبب التغيرالمفاجئ ده من ناحيتها

فارس بتهكم : لحقت تشكيلك؟؟

سندس: لا والله اعدم نظري البنت ماتكلمتش ولا اشتكت منك .. قلت لك فهمت من كلامك وتلميحاتك ولما رديت عليك وقولتلك اطردها كنت قاصده انك تطلقها لكن عرفت ان بابا

السبب اللي مانعك ... ولما قلت لك ربنا يكفيك شرها كنت عاوزه اعرف منك ايه الذنب اللي عملته .. لكن اسمعها مني كلمه يافارس انت شخص عاقل والشوره من عقلك

الظلم ظلمات وان كان علي غاليه انا مستعده احلف انها بريئه بدون معرف ايه جرمها وهي بريئه يابني ده الاعمى الي اسمه اعمى يشوف براءتها

قفل فارس مع سندس وحس ان تفكيره كله مشتت معقوله يكون ظالمها ليه في كل مره يكون معاها يحس بحزنها وبراءتها كلامها لاختها يدل

على انها انسانه ماعرفتش الحقد ليوم .. انهيارها ودخولها المستشفى من مجرد كلام قالته .. ترجيها له في كل مره انها متعرفش ايه هو الذنب الي ارتكبته

ده ان دل يدل على صدقها وصدق كريم حتى كريم ميعرفش ذنبه لانه لو كان عامل الذنب الي يهز السبع سموات مستحيل كان راح يشتكي لعمته ويفضح نفسه بنفسه طالما ابوه ستر عليه .. طيب والبنت اللي كلمته ومعرفتها بكل شئ حتى رقم غاليه

عقله دخل في صراع بيخنقه اتصل وليد

وليد : زعلان واوعي تكلمني

فارس : اول مره اشوف واحد يرد ويقول زعلان واوعي تكلمني طالما زعلان ليه بترد؟؟

وليد : عملي سحر حتى لو زعلان تتحرك ايدي لاشعوريآ وارد عليك

فارس ابتسم : اراضيك باللي تعوزه بس بعد ماتعملي خدمه

وليد : مش عاوز منك حاجه بس عند خدمتك مقدرش اردك ولا اصدك

فارس : كدا صدقت اني ساحرلك.... المهم عاوزك تكلم صديقك اللي شغال في شركه الاتصالات شوف من فيهم موجود وممكن يشوف لي فاتوره وارجع كلمني

وليد : وليه الاستعجال ماينفعش نخليها بكره

فارس : لا لو تهمك راحتي وسعادتي دقيقتين ومنتظرك تتصل بيا و تقولي مين موجود عشان امليك الرقم

وليد : حاضر دقيقه وارد عليك

بعد خمس دقايق رن عليه وليد

فارس بلهفه : هاا قول

وليد : محمد مداوم وهو معايا على التلفون بس متعملش مشكله تورط الراجل

فارس : اي مشكله الله يهديك الرقم ليا يله ادهوله ******

وليد : يله اقفل وارن عليك لما اخد منه المعلومات

فارس برفض : لا خاليني معاك

وليد : مش قايلك حاجه لحد ما تيجي وتقولي الحكايه تمام

فارس بسخريه : والله وكبرت وبقيت تهدد .. صحبك معاك على التلفون

وليد : يس وفاتح سبيكر علشان لما يتكلم اسمعه اللي يشوفني يقول ايه البني ادم الي مقطع نفسه بالمعاكسه مع موزتين في نفــ

(قطع كلامه لان محمد رجع يكلمه)

وليد : فارس الرقم متصلش الا على رقمين الاول رقمك والتاني رقم****** وباعت منه رساله واحده

فارس : خاليه يشوف لي الرقم بأسم مين؟

وليد بعد ماقال لمحمد : الله يصبرني عليك هيطردو الراجل ويرجع يدعي عليا

فارس : لو طردوه هو الكسبان والله لا اشغله بضعف مرتبه

وليد : كدا هقوله من بكره يقدم استقالته

فارس : لا انا اشترطت الطرد بس يستاهل وشغله عندي يالله مش خساره فيه

وليد : بقولك الرقم طلع بأسم غاده ابراهيم المحمدي

فارس بفرحه : وليد لما ارجع القاهره فكرني تطلب مني اي حاجه حتي ولو فيها موتي

وليد :كدا انا من اللحظه من هنام هسهر افكر ازاي استثمر الطلب

قفل فارس مع وليد وهو متأكد من براءة غاليه بس معقوله ان عمه ورى الخطه القذره دي علشان ينتقم منه لانه اتجوزها غصب بس مش

معقول يعمل كدا اكيد فيه حد ورا الموضوع وبعد دقايق اجهده التفكير رجع لغرفة جده

فارس ببتسامه جميله رايقه : بتعملوا ايه اكيد قطعته فروتي

غاليه بتكشيره : مش مستهله نقطع عارفين طلعت تعاكس

فارس بنص عين : شامم ريحة غيره

الجد ابتسم علي بسيط: لا انا مش شامم بس حسيت

غاليه لوت شفيفها : جدي حتى انت ضدي

الجد : ودي فيها لو غيرتي جوزك ومن حقك تغيري عليه

فارس : جدي انا طالع اعشي الحلوه وانت نام وارتاح ومن الصبح بدري حنكون عندك ان شاء الله

غاليه مسكت ايدين جدها وباستهم: لا انا عايزه افضل مع جدي

الجد : وجدك هينام ياعيونه وانتم روحو اتعشو وارتاحو .. الا نسيت اسالك يافارس امتى حجزت؟؟

فارس : اقرب رحله بعد يومين واخدت عليها التكت

الجد : ممتاز واتصل بهيثم ابن خالك وقوله جدي بيسلم عليك وطالب يشوفك اول مايوصل القاهره

فارس : حاضر بس ليه؟؟!!

الجد : بعدين تعرف يله امشوا انتم استمتعو بالليلتكم

مسك فارس ايد غاليه وسلمو على جدهم وطلعو وكل تفكير فارس ازاي هتسامحه علي كل الي عمله فيها ياتري ممكن تسامحه علي تشبيهه ليها كابنات الليل والحرام والاعظم منهم هل بتغفر له حركته اللي عملها قبل مايسافروا لانه حطم ثقتها وكبريائها كأنثى بأبشع الطرق

اول ماخرجت هي من الغرفه سحبت ايدها من ايده

فارس : ليه سحبتيها كارهه لمستي

غاليه : انتهى المشهد وطلعنا من عند جدي مالهوش داعي نكمل تمثيل

فارس كتف ايده علي صدره : وان قلت لك اني عاوزه نكمله

غاليه مطت شفايفها لقدام : مفيش اي حاجه فالدنيا تجبرني على اني امثل واكذب بمشاعري غير سعادة جدي

مسك ايديها الاتنين واجبرها تقف كامواجهه له وتبصله :غاليه انا مااعرفش اترجى بس لو طلبته منك يكون حقيقي مش تمثيل توافقي؟؟؟

غاليه ببرود : حاسس ان المكان مناسب للكلام ده .. وبعدين اتمنى تسيب ايدي بعدين توسخ نفسك بقذارتي

فارس بفرسه : معاك حق المكان مش مناسب (وساب ايد واحده ومسك التانيه )

غاليه اتأفأفت: طيب ممكن تسيب ايدي وتاخدني على البيت

فارس بأصرار : لاهنروح للمطعم ونتعشى الاول

غاليه : بس انا مش عاوزه اروح للمطعم ممكن تاخدني على البيت

فارس حرك حواجبه بمشكسه : من عيوني اي اوامر تانيه

غاليه الحزن اترسم علي وشها ..وبصوت كله حزن : لا

هو حس بحزنها بس مش عاوز يقول كلمه الا لما يروحو للبيت مشى للعربيه وهو لسه ماسك ايدها

غاليه : نسيت تسيب ايدي؟؟!!!

فارس : سألتك اي اوامر تانيه وقلتي لا

سكتت وماحبتش تجادله انه يسيبها هو من نفسه لما يركب العربيه هيضطر يسيبها لانه ازاي حيسوق

وصلو للعربيه وكل تفكيره منصب هل ممكن تسامحه او صعب .. فتح لها باب العربيه وبعد ماركبت ركب ومشى لكن عيونه مركزه معاها

غاليه بصتله :خلي عينك على الطريق لنلبس في حيط  

فارس ابتسم وركز عينه على الطريق 

اما هي كانت سرحانه بافكارها ياتري ايه اللي غيره في لحظه و يقصد ايه بأنه عاوز يحول التمثيل لحقيقه بعد كل القسوه الي شافتها منه ليه جالها بعد ايه بعد ماقتل فيها كل شعورجميل ... نزلت دمعه خاينه على خدها رفعت ايدها تمسحها لكن كانت ايده هو كانت اسرع تمسح دمعتها اسرع منها

فارس بعد مامسح دمعتها سحب ايدها ورفعها لشفايفه وباسها وهو بيقول: سامحيني

ماسمعش منها رد غير شهقات مكتومه .. كانت منزله راسها وضاغطه بأيدها على بؤها بتحاول تحبس شهقاتها.. بوسته ليلة كتب كتابهم كانت كمان وعود بسعاده انه هيغسل احزانها وشافت بعدها غيرجروح قتلت اللي كان باقي منها .. لكن ياتري البوسه ومع الرقه اي جرح هتجر وراها من اهانه واحزان....ليه مش قادره  تتكلم و دموعها هي الي نزلت

  بكائها ودموعها سابوا فارس محتار مش عارف ازاي يهديها وهو سبب جراحها اتمنى انه كان مات قبل ما يجرح الانسانه الجميله الي قدامه .. ياما انظلم من عمامه وفي حياته ماظلمش حد ولما ظلم.. ماظلمش غير انسانه عاشت طول عمرها مظلومه .. وظلم نفسه لانه ضيع عليه حب غاليه

.*******************غاليه**********

في بيت سندس

ندى : يامامايتو والله هعقل ومهعمل اي كوارث ولا بلاوي بس متزعليش مني كدا

سندس ماكانتش زعلانه من ندى عارفه جننها ومتقبلها بعيوبها بس اللي خنقها موضوع كريم والمسكينه غاليه اللي بتتعاقب على ذنب هي متأكده انها مارتكبته

سندس بضيق : خلاص سامحتك

ندى باست دماغ امها: لا لسه حاسه انك متضايقه

سندس اتنهدت : حسبي الله يا بنتي صدعتي دماغي من كتر ما قلتلك خلاص والله ما زعلانه منك

ندى : طيب ليه مضيقه ومكشره

سندس عارفه ان الشعنونه دي مش هتحل عن نفوخها غير لما تعرف ردت: مضايقه لان كريم خطبك مني وقلت له لما يجي اخوكي ماجد يخطبك منه بس كمان لما شاف هبلك الظاهر رجع في كلامه

ندى بخوف: متاكده انه غير رايه ولا بس احساسك؟

سندس: لا متاكده

ندى : مامتي فين القبله؟

سندس :القبله قدامك بس اوعي تنسي تتشهدي

ندى : كويس اني مستقبله القبله عضمي كله مكسر (وبحزن اشد) ماما كان عليا يومين من رمضان صوميهم بالنيابه عني وفيه جالكسي بدرج الكوميدينو اللي علي الشمال من سريري ماتنسيش تأكليه قبل ما تنتهي صلاحيته وفيه علبة كولا بالفريزر طلعوها قبل ماتنفجر وتحوس و....

سندس تقاطعها : خلاص حتكليلي قصة حياتك ده بدال ماتطلبي مني السماح والرضى

ندى : لسه قيلالك سامحيني هو كل شوي حقولها .. هاا اتشهد؟

سندس : ايوه ا تشهدي وخلصيني

ندى :يعني مافيش امل تقولي انك بتهزري

سندس : يؤسفني اقولك صدرالحكم و انه بجد مش هزار

ندى : يؤسفني !!وصدز ..عليك تجميعات غريبه .. ماعلينا اصلآ حتى لو صمم ماكنتش هوافق عليه

سندس بردح: وليه ياروح امك مش موافقه؟

ندى : شافني وانا بلعب بالصابون يعني حبيت العب علي الهادي يقوم يجي ويشوفني كدا علي الهواء واخد برد وشعري مش مستشور

سندس مسكت دماغها : يانهاري عليا الله يعينك علي المهلبيه الي ف دماغك

ندى ضحكت : لا والانيل وكان عليه رغوة صابون لا وازيدك من الشعر بيت التي شيرت اللي لبساه كان مشقوق نصين!!!

سندس بسخريه:لا ملكيش حق كنتي روحتي للكوفيره ولبستي فستان وبعدين لعبتي

ندى عرفت ان امها تتريق عليها : لا كوفيره ايه بس فستان اصعب العب بيه بس ما تشليش هم ليكي عليا المره الجايه مايشوفنيش الا وانا اخر شياكه (خلصت كلامها وجريت بسرعه قبل ما امها تخبطها بأي حاجه في دماغها))

سندس بتهديد : هتروحي فين مرجوعك ليا واطلعها من عيونك وبغل(عيب حقوق الانسان سيبنها تخلص عليا اااه

*********غاليه*********

كانت غرقانه بدموعها وحزنها لدرجه ولا حست انها وصلت للبيت غير لما فتح فارس بابها

فارس بحنيه : انزلي ياقلبي وصلنا

نزلت وراحت جري لباب البيت اتمنت يكون معاها مفتاح علشان ماتنتظره وتروح لغرفتها وسجادتها وتقف بين ايدين الرحمن الرحيم تشكي حزنها وهمومها

وصل فارس للباب وعارف نيتها وحس بيها بس مش عاوز يديهاا فرصه معندوش صبر محتاج يعتذر لها ويقولها كل الي في قلبه مسك ايدها غصب عنها وفتح الباب

دخلو وهي بتحاول تسحب ايدها منه بس كان اقوى منها

غاليه بصوت كله حزن وبكاء يقطع القلب : ابوس ايدك سبني

فارس بنبره كلها رجاء وتوسل : انا اللي ابوس ايدك اديني فرصه واسمعيني

غاليه : مش عاوزه اسمع حاجه ارحمني يرحمك ربنا

فارس : غاليه اسمعيني اذا مش عشاني علشان تعرفي الذنب اللي عملتيه مش ده اللي كنتي تترجيني دايما اقولهولك

غاليه بصريخ: كنت .. كنت عاوزه اعرف افهم بس خلاص مبقتش تفرق عندي عرفت او لأ

ماقدرش فارس يشوفها وهي عماله تتعذب قدامه من ظلمه وقسوته سحبها بقوه لصدره عاوز يوصلها لقلبه اللي عجز يوصلهولها لسانه ....بس صرختها وهي جوه حضنه عرفته انه بدال مايهديها صحى جراح جديده... كانت بتجاهد تبعده بكل قوتها وهي عماله تصرخ بخوف لاااااااااااااا

فارس بعدها عن صدره بس مسبش ايدها: غاليه عمري ااقعدي واسمعيني واوعدك ماألمسك

لما ماردتش عليه اخدها وأأعدت على الكنبه وسحب التربيزه وقعد عليها علشان يكون قريب منها ومقابلها عاوز يشوف تعابير وشها لما يقولها اللي عنده هل فيه امل انها تسامحه اوصعب

فارس بهدؤ :غاليه انا مااتعودتش افتح قلبي لحد واقوله اي حاجه بس انتي مش اي حد انتي مراتي  الي جات وغيرت مبادئي  ومن حقك تعرفي .. غاليه وانا طفل حاولت اكسب محبة كل اللي حواليا وخصوصآ عمامي لكنهم عاملوني بكل قسوه وكله بسبب الورث لما كان عمري 9 سنين روحت لبيت عمي حامد علشان العب مع طارق لانه اقرب واحد لي في السن بس عمي ضربني قدام مراته وعياله وتف في وشي

 وطردني من بيته روحت لجدي وقلت له عاوز اسافر عند خالي ولما سألني عن السبب رفضت اقوله لكنه رفض وانا قابلت رفضه بالاصرار لحد ما استسلم وسفرني لخالي ...عمره ما نسيت دموع جدي وامي سندس وهما بيودعوني كان قلبي عمال يتقطع على فراقهم بس ماكنتش عاوز افضل في مكان فيه عمامي سافرت لخالي اللي مستقر من سنين طويله في

 لندن عشت معاه هو ومراته وابنهم هيثم عاملوني زي ابنهم واحيانا كنت بشك ان خالي الله يرحمه حبني اكتر من هيثم اللي كان بالنسبه لي تؤام روحي.... تخيلي حتى اصدقاء رفضت يكون عندي لحد ما خلصت من التانويه ودخلت الجامعه لزق فيا واحد كان عنده هدف في حياته الاول انه يجيب لـ ابوه الشهاده اللي بيتمناها والتاني انه يصاحبني

 ويخليني احبه غصب وفعلا بعد فتره وبسبب مواقفه بقينا اعز اصدقاء واخوات لو يطلب عمري ارخصهوله على كل اللي حاولو يكسبو صداقتي الا اني قابلتهم بالرفض والصد واكتفيت باللي بحبهم لاني متأكد اني في يوم مستحيل انجرح منهم وقفلت قلبي عن اي حد غيرهم حتى رفضت اكون علاقات مع بنات زي الشباب كنت ضدها ورفضي ليها لاني مش بحب

 اتعامل غير مع اللي بحبهم لحد ماجه جدي واصر على جوازي منك وخيرني بين موافقتي او غضبه عليا رضخت لرغبته واتجوزتك مش كره فيك لا كره لانك بنت عمي ...بس لما شفتك ليلة كتب كتابنا بهرني جمالك وفوق احساس بالكره وتوقعتك دلوعه ومغروره وده  زاد من كرهي ليك وعاملتك

 بقسوه بس لما شفت دموعك والحزن اللي بعيونك وخوفك وبراءتك اقسمت اني اعيشك بسعاده وامسح الحزن من عيونك طلعت من عندك وانا بتمني اقدم عمري وكمان لما جهزتيلي سندوتشات كان بالنسبه لي لمسه حنان منك دخلتك قلبي

 غصب وبدون استأذان روحت لبيت امي وانا كل تفكيري فيك قالتلي ندى وامي عن حياتك واقسم بالله لحظتها لو طلب مني عمي اتنازل عن كل مااملك بس يحبك ويعاملك بحنان ماكانت اترددت ولا لحظه.... تعرفي لما كنتي بتكلمي ندى وتعيطي ماكانش في بالي غير اجي اقتلهم كلهم او اخدك اتصلت بيك

 بنفس الليله وقلت جاي اخدك بس انتي رفضتي واجلتيها لتاني يوم متعرفيش ازاي عدي عليا الوقت لحد ما جه اليوم روحت شغلي و لاول مره عقلي مش فــ شغلي كل تفكيري انحصر فيك ماصدقت خلصت شغلي في الشركه طيرت على البيت استني المعاد يجي اللي هخدك فيه لكن جاني اتصال

 اغتال كل سعادتي واحلامي قالو لي عن أمر انتي عملتيه قمه في الحقاره والقذاره ماصدقتهمش قالولي هي قايله لنا بنفسها وادوني رقم الموبيل اللي كلمتك منه وكان نفس رقمك واللي انا متأكد انك ماعطتهوش لحد امال ازاي هما عرفوه وقالو اذا مش مصدقنا روح شوف ايه الي حصل فيها هي واخوها كريم

اتصلت اوتأكدت من حكايه كريم جيت لك وانا عمال طول الطريق ادعي ربنا ان كل ده يكون مجرد كذب بس منظرك اللي شفتك فيه هو اللي اكد لي خرجت وانا مش حابب أأذيك باي كلمه قلت هطلقك وبس لكن قرار جدي برجوعه وماتنازلش عن

 قراره وفرح الا لما قلت له جاين رجعت لك وانا مجبر ..عاملتك بقسوه عشان انتقم من غلطتك اللي ماتنغفر وتحطيمك لقلبي ..عشرين سنه وانا محافظ على القلب ده من اي جرح ومن اي صدمه وانتي في يوم واحد حطمتيه باليوم التاني عاقبتك لاني مجبر افضل معاك ومااطلقكيش

غاليه دموعها بتنزل على خدها بصمت تبكي همومها وتبكي حزن على الطفل اليتيم اللي اتظلم من عمامه اللي المفروض يكنوله اب له عشان منبوذ في دنيا ونعيم زايل ردت : طيب ايه هو الذنب الي قلولك اني عملته؟؟ وايه سبب تغيرك المفاجئ؟

؟

فارس حمحم : اللي قالوه مااقدرش اقوله والافضل ماتعرفيهوش لانه حيصدمك ويزود همومك هموم وسبب تغيري اني اتأكدت انك ماتصلتيش من موبيلك غير عليا وعلى غاده

غاليه بزعيق وعياط : لا عاوزه اعرف ايه الذنب اللي عملته من حقي علي الاقل المذنب لما يتعاقب يتألم من العقاب وهو عارف انه يستحقه والمظلوم لما يتعاقب على شئ ماعملهوش

 يتألم من العقاب ومن الظلم وانا مش بس اتألمت انا دقت الموت مليون الف مره من العقاب ومن الظلم ومن الحيره اللي حرقت قلبي ودمرت عقلي عشان اعرف ايه الذنب اللي استاهل عليه كل العذاب والجحيم الي شوفته ولسه بشوفه

فارس بغضب وانفعال : لانه مش من مصلحتك تعرفي لانه حيأثر على علاقتك بناس بتحبيهم وكل همك ما تخسريهم عشان لعبه حقيره ااتلعبت من شخص مابيخافش ربنا .. واهوه انتي عرفتي كل حاجه هل ممكن تدوريلي علي عذر وتسامحيني وتحبيني؟؟

غاليه بضعف : مسمحاك يافارس ومكرهتكش علشان احبك

فارس ماتوقعش انها بالسهوله دي بتسامح وتغفر : يعني نفتح صفحه جديده وواعدك انــ...

غاليه قطعته : لا ولا توعدني ولا اوعدك خلاص مستحيل اصدق وعودك صدقني مكرهتكش بالعكس حبيتك لحبك لجدي ومن حب جدي ليك سامحتك على اللي عملته فيا لكن

 ماتطلبش اكتر من كدا ده اللي اقدر عليه ..(وبصوت مخنوق بالدموع) مااقدرش على اكتر من كدا استسلمت لصدرك اول مره ابكي قسوة اهلي ابكي على عمري اللي راح بدون كلمه او

 لمسه حنينه وماشفتش منك غير الجرح وكل جرح اقوى واشد من اللي قبله واستسلمت للمره التانيه محتاجه فعلا ابكي على صدرك ابكي حزني وهمومي اللي كل ماقلت هتنتهي بالعكس القيها تبدء من ااول وجديد بألم غير وعذاب غير.... كنت ببكي

 خوفي اني اتعلقت بيك واشكيلك منك ليك ..بين نفس الايدين بنيت احلام وحياه وبرضو بنفس الايدين اتحطمت الاحلام ويارتها على اتحطمت وبس لا انت حطمت ذاتي وكبريائي وانوثتي.... جيت لك يافارس بقلب مجروح وبينزف وانت

 قتلته اغتالته بكل قسوه ومثلت بيه بأبشع صوره ممكنه ...خلاص مبقاش عندي شئ اقدمهولك انا محتاجه لك علشان ابقى قريبه من جدي محتاجه لك لانك موفرلي مكان يأويني طالما مطروده من بيت ابويا لكن مش همنعك من انك تعيش حياتك مع غيري مع انسانه تقدر تقدم لك اللي انا ما قدرش اقدمهولك

خلصت كلامها وسابته في حاله صدمه من اللي سمعه وراحت لغرفتها وسجادتها ملاذها الامن

كان عارف انه جرحها بس ماتوقعش انها تطلب منه يشوف حياته مع واحده غيرها اي امرأه في الكون مستحيل تتنازل

 بسهوله عن حقها بأنها تكون الوحيده في حياة زوجها حتى لو كانت ما بتحبهوش بس هي اتنازلت عن حقها وبكل طيبه لانه مش بس جرحها لا ده قتلها وقتل كل مشاعر الانوثه اللي جواها بكل برود

*******غاليه منه محمد********

في المشفي تاني يوم الصبح

الجد : يا صباح خير .. عندك ايه جايلي بدري؟

فارس : وحشتني حرام

الجد : لا مش حرام بس ليه غاليه مش معاك

فارس :غاليه هي بيت القصيد ناوي اعمل مؤامره ومحتاج مساعدتك

الجد بعصبيه  وخوف:بنتي مالها

فارس يهديه : ياجدي اسمعني الله يهديك وبعدين اتنرفز .. انا عاوز اخدها وامشيها واخدها تشتري لها لبس بس هي مش حترضى علشان عاوزه تجيلك

الجد ابتسم : بئت تعجبني وهبدء ارضي عليك .. خلاص انا حكلمها واقولها ما تجيش

فارس : لا يا جدي دماغها مقفله ومش هترضى وهتصمم تجيلك شوف انا حقولها ان الدكتور رافض الزياره اليوم علشان ترتاح قبل السفر وانت ماعليك غير انك تأيد كذبتي

الجد : انا مش هسألك ايه سبب التغير عليها طالما للاحسن لكن خليني اشوفها بنهاية اليوم لو نص ساعه مقدرش اصبر ما شوفهاش يوم بطوله

فارس كشر جدا بطريقه كوميديه: جدي انا بدئت اغير ايه متقدرش تصبر تشوفها دي!!

الجد حب يغيظه : لا وبحبها كمان (وبجديه ) واذا بتحبني يافارس اوعي تقسي عليها وعوضها عن سنين الحرمان اللي عاشتها

فارس باس ايده : مكانك غالي في قلبي وانت عارف ولاحد يقدر يوصله وهعمل كدا بدون ماتوصيني .. ودلوقت استأذن حرجع للبيت قبل ماتصحى

الجد : في حفظ الله ورعايته يا بني

طلع فارس من عند جده وافتكر انه مااتصلش بهيثم اخد موبيله واتصل بيه

هيثم بجديه : نعم

فارس : يا اخي انت حاذف الووو من قاموسك

هيثم: ههههههههههههههه من كتر مابيرن مبقتش ابص في الارقام وارد علي طول

فارس: اه منك من المعجبات يالئيم

هيثم : اسكت لاتسمعك امي مين يخلصني منها والله لتجوزني فورا وبعدين فين انا وفين المعجبات ياخويا نفسي القي وقت الاول انام فيه

فارس : الا بالحق امتى ناوي تفك الحصار عن نفسك وتتجوز

هيثم : ماعنديش نيه ولا علشان انت اتهورت واتنازلت عن مبادئك عاوزني اعمل زيك

فارس : هههههههههههههههههههه ياحلوه مين ده الي اتهور .. المهم اسمعني رحلتنا بكره للقاهره وجدي طلب مني اقولك انه عاوز يشوفك قدامه اول مايوصل

هيثم : كنت ناوي اجي بدون مايطلب وحتى امي مجنناني نفسها ي تشوف حرمك المصون

فارس : خلاص ان شاء الله تكون بكره العصر عندي في البيت ومنها تشوف امك حرمي المصون

هيثم : وانا ماليش نصيب اشوف تعرف كنت واعد امي اشوفها انا الاول واوصفالها وانت طبعا مش حيرضيك اطلع مش قد كلمتي

فارس : عيب عليك لا اكيد مايرضينيش مش عاوز كمان ابعتلك صورتها تتأمل فيها وتوصفها لـامك

هيثم : طول عمري بقول عليك ذكي

فارس :ولا يهمك الوعد بكره ان احيانا الله

هيثم : مش عارف ليه النبره حاسس فيها تهديد .. المهم متعرفش ليه جدك طالبني؟

فارس : والله ما عارف حتى انا محيرني الموضوع

هيثم : يله كلها بكره و يبان الصيف من الشتا

(هيثم بنفس عمر فارس كل اللي بينهم كام شهر .. طويل وعريض وجسمه رياضي فيه شبه من فارس كتير اغلب الي يشوفهم يتوقعهم اخوات .. وشخصيتهم قريبه من بعض جدا بالغموض والعناد )

......................................

حست بملمس ناعم يلامس خدها فتحت عيونها بصعوبه من بعد البكاء اللي بكته طول الليل.. كانت على السجاده ورده حمراء مدت ايدها ومسكتها مستغربه ايه الي حطها هنا

فارس بصوت هادي : الواحد يحط ورده على مخده حبيبته وانا مالقيتش مكان احطها عليه غير السجاده

رجعت الورده مكانها وقامت وهي حاسه جسمها كله مكسر من نومتها على الارض

فارس : نفسي اعرف سر كرهك للسرير ونومك على السجاده دي؟؟!!

غاليه بدون ماتبصله : لقيت فيها الامان اللي محتاجله .. كام الساعه معاك؟

فارس : الساعه 8 الصبح يله اجهزي اتأخرنا

غاليه هزت دماغها : عشر دقايق واكون جاهزه

فارس : اوكي حستناك تحت والبسي لبس مريح وشوز يساعدك على المشي

غاليه ولا اهتمت تسأله عن السبب اخدت شور ولبست بنطلون جينز وبدي وفوقه بالطو خفيف واصل لتحت ركبتها ولمت شعرها ولبست حجاب يناسب لبسها ونزلت له

وقف يتأملها برغم ان لبسها عادي جدآ الا ان الانسانه تمتلك جمال الاعمى يشوفه .. طلعو وركبو العربيه وهي سرحانه بافكارها من امبارح كان سهل تمثل قدام جدها لانها كانت

 خطه متفقين عليها لكن اليوم ازاي تقدر تمثل عليه بعد اللي سمعته منه .. انتبهت من سرحانها وشد انتباها ان الطريق مش نفس طريق المستشفى كان واضح انه خارج من المدينه

غاليه : رايح فين

فارس : بما ان الدكتور رافض اليوم الزيارده لجدي وقال لازم يرتاح قبل السفر قلت اخدك تشوفي الملاهي مكان سحرني ومتأكد انه هيسحرك

غاليه بخوف : جدي فيه حاجه؟

فارس : لا ياعمري جدك زي الفل ولو حابه تكلميه علشان تتطمني اتصلك بيه

غاليه برجاء: اه ارجوك اكلمه

فارس مسك موبيله واتصل: غاليه انتي تطلبي بدون ماتترجي فاهمه

فارس : اهلا يا جدي فيه ناس مش مصدقيني ومصممين يكلموك

الجد : يارب ما اتحرم من الناس دول ....ادهالي

غاليه اخدت الفون بلهفه وقلق : اهلا يا جدي .. اهلا بحبيبي طمني عنك

الجد بحنيه : في نعمه يابنت قلبي وفضل من رب العالمين بس الدكتور الاهبل مانع الزياره بيقول لازم ارتاح بس انتي ماتشغليش نفسك بيا وان كان ليا غلاوه بقلبك انبسطي وانسي كل الدنيا

غاليه : ان شاء ياجدي وخد بالك من نفسك

قفلت مع جدها وهي مش حابه تروح اي مكان بس عارفه انها لو اعترضت ماهيفيد فالتزمت الصمت وهي بتتفرج علي المناظر اللي بيعدو عليها

**********************

مى بصوت فيه النوم : منال حرام عليك وبعدين ايه الي مصحيك في الوقت البدري ده؟

منال بقهر : ايه مصحيني ليه وانا نمت عشان اصحى من بعد الكلام اللي سمعته

مى : ليه سمعتي ايه؟

منال : جدي حيوصل بكره مع فارس والمزغوده اختك

مى : اه عرفت وهيسكن عندهم كمان

منال بقهره: يعني انسى ان فارس يطلقها طالما العجوز الخرفان لسه عايش علي وش الدنيا صح

مى : اللي يسمعك يقول انه هيقعد طول العمر ياماما افهمي الدكاتره مسمحلهوش انه يرجع غير لما فقدو الامل في علاجه وعاوزينه يعيش اخر يومين في حياته بين اهله

منال بحقد : انشاءالله مايرجع ويموت واخلص منه الراجل ده ماشفناش من وراه غير المصايب

رانيا اخت منال اللي سمعت اخر جمله قالتها منال : يارب نخلص منك انتي وياخدك ياحيوانه جدك الي ما شفتي منه غير كل خير عماله تدعي عليه امال لو كان عدوك كنتي عملتي ايه يا مفتريه

منال بعصبيه : مين سمحلك ياغبيه تدخلي اوضتي من غير استأذان ؟

رانيا: فعلآ انا واحده غبيه كنت بعاملك كأخت وجايه عشان تفطري معايا لكن اهون عليا افطر مع ابليس ولا افطر معاك

خلصت كلامها وطلعت من عندها وهي قلبها محروق من دعاء منال على جدها المريض

مى بخوف : ليكون سمعت حاجه من كلامنا عن غاليه وفارس؟

منال : ياريت تسمع اللي تسمعه ماتهمنيش الغبيه .. المهم فوتي عليا  بعد المغرب نطلع للاي داهيه ومنها نشتري لبس استقبل بيه جد الهم طالما حيسكن عند فارس يمكن اقدر اشوفه

مي: لا ماليش نفس اخرج خالص

منال:طيب اذا مش عشاني عشان حبيب القلب

ودي طبعا نقطه ضعف مي اللي  منال بتستغلها من خلالها !!!!

مي :اوووف والله وبتعرفي تجيبي دماغي يلا جايلك

منال بنشووة النصر :تعيش بنت عمي (وبصووت واطي) وحبيب القلب معاها

*******غاليه **********

اول مرة اعيش حب في حياتي اكتر من اللي بتمناه في خيالي

جنبك نفسي اعيش انا ذكرياتي واللي حلمت بيه ومجاش في بالي كل سنينى قبلك متساويش

يوم م اللي عيشته معاك يوم في عمري وياك بعمري احساسي معاك دة محسيتوش عمري

وصلو للملاهي بعد مشوار اكتر من نص ساعه بالعربيه .. نزل عند قهوه وطلب لنفسه قهوه وكريب وطلب لغاليه فطار وعصير رغم كانت رافضه انها تأكل .. بس بعد ماوصل الفطار استغربت ان لها شهيه للاكل يمكن عشان الطبيعه الساحره والهواء البارد النقي

بعد ماخلصو فطار اخدها المغوار يفرجها على اجمل مناظر وسحرها الخلاب.. نست غاليه كل وجعها مع الطبيعه الخلابه كانت مبسوطه حاسه انها طفله صغيره .. حاول معاها فارس انها تركب اي لعبه بس هي رفضت وهو احترم خوفها وماحبش يجبرها

بعد مااتغدو رجعو لــ فرايبورغ واخدها على محالات اللبس حيث الماركات العالميه

غاليه : ليه جيت هنا ؟؟

فارس ببتسامه خلابه : علشان تشتري لبس ولا عندك مانع؟

غاليه برفض جذري : ايوه عندي مانع لاني مش عاوزه

فارس : اسف اعتراضك مرفوض سكت على اللعبه بس على انك تشتري هدوم لا هتشتري بالرضا بالغصب هتشتري

سكتت مش حابه تناقش اه هتدخل معاه للمحلات صحيح لكن ميقدرش يجبرها تشتري

دخلو محل من افخم المحلات ولما استقبلتهم البائعه اتكلم فارس معها بالالماني

كانت هي زي الاطرش بالزفه ولا فاهمه من كلامهم حرف ومش بس كلامهم اللي مش فاهماه احساسها بالغيره علي فارس واللي بيكلمها وهي فاتحه ضبتها علي البحري والابتسامه هتأكله بعيونها

بعد ماخلص كلامه معاها الموظفه بصتله فتره وبعدها دخلت جوه

غاليه بسخريه : شكلي ماعجبتهاش؟

فارس : مااظنش فيه مخلوق يشوفك ومايعجب بيك ده انا هتجنن عليك يابنت الايه

غاليه : انا مفيش زياده عن غيري ده لو ماكنتش اقل منهم ومش عاوزه حد يعجب بيا ولا يتجنن عليا

فارس : غاليه انتي ليه ماعندكيش ثقه بنفسك انتي مش بس جميله انتي ملكة جمال وعندك قلب قليل لما نلاقيه عند غيرك

غاليه : اذا ماعنديش ثقه في نفسي فالبركه فيك لانك واحد من ضمن الاسباب

قبل مايرد هو عليها جات الموظفه وطلبت من غاليه تمشي معاها

راحت معاها غاليه ودخلتها بغرفة تبديل اللبس وفضلت كل شوي تديها لبس تجربه لدرجة ان غاليه حست انها خلتها حقل تجارب لانها جربت تقريبا كل قطعه في المحل من لبس وشوزات واكسسوارات .. فات ساعتين وهي على نفس الحاله و فشلت كل محاولاتها انها تفهم الموظفه كلامها سالتها اذا

 تعرف انجلش لكن الموظفه هزت راسها (بكذب) يعني لا لانها كانت بتنفذ كلام فارس ليها .. بعدها بمده رحمتها وعطتها هدومها اللي جات بيها وطلعت تسيبها تلبس

خلصت غاليه لبس وطلعت لقت فارس واقف يحاسب وثلاثه موظفين بيجهزز جيش من الاكياس

غاليه بعصبيه : انت بتحاسب علي ايه انا مش هاخد ولا حاجه منهم

فارس بهدوء : مش بكيفك اشترينا وخلصنا

غاليه : يكون في معلوماتك مش انا اللي تنشري مشاعري بهدوم او فلوس

فارس بعصبيه: ومش انا اللي اشتري مشاعر حد او حبه ليا بشويه فلوس لو بشتري حب حد كان اولي شريت حب عمامي كل الموضوع انك مراتي ومن اقل حقوقك اللي انا عملتهولك ..اواظن من حقي ان مراتي تعيش بنفس مستواي مش تلبس

 هدوم اختها (عرف انه  جرحها بكلمته الاخيره لكن حتى هي جرحته لما ظنت انه عاوز يشتري مشاعرها وحبها ) طلع فونه واتصل بالسواق وصف له المحل وطلب انه يجي يأخد الاكياس ويشتري شنطتين علشان يحط فيها المشتروات وياخدهم للبيت

ورجع بص لغاليه وشاف دموعها على خدها

فارس ساحبها برا المحل :غاليه عارف اني جرحتك بكلامي بس انتي جرحتيني بكلمتك الاول

غاليه : اسفه

فارس ببتسامه : هو الاعتذار دايما جاهز عندك حتى لو ماغلطتيش

غاليه بحزن : مش بحب اجرح حد

فارس بندم : وانا يما جرحتك .. المهم ياعمري عندي ليك خبر بيفرحك بس بشرط تمسحي الدمعه الوحشه دي وتبتسمي

غاليه: مبقاش فيه شئ بيفرحني

فارس : حتى لو قلت لك الخبر اللي بيفرحك يخص جدي

غاليه بفرحه : سمح الدكتور ازوره؟

فارس  بحنان: اه ياعيون فارس سمح بس مش دلوقت قال لازم ينام ودلوقت تعالي نروح لمكان هيعجبك

اخدها لحديقه في فرايبورغ وكان لازم يتمشوا على رجولهم لانها ممنوع فيها العربيات بسبب شوارعها الضيقه عدو علي بحيره خلابه فيها ميه

فارس : لو بجد متنازله ومسامحه اني اتجوزغيرك ارميني في الميه

غاليه كشرت فيه: ليه ماتروح تتجوز من غير ماارميك؟

فارس : لانهم بيقوله ان اي شخص سواء ست او راجل يقع في بركه الميه دي بيكون مصيره او مصيرها الجواز من سكان فرايبورغ الاصليين

غاليه ببتسامه وعدم تصديق : بجد والله

فارس مثل نفسه انه اتعصب : ومالك كدا فرحانه لتكوني ناويه ترمي نفسك على بالك تتجوزي من واحد منهم

غاليه بصتله وانفجرت : هههههههههههههههههههه ههههههههههههههههههههه لا مش قصدي

فارس بحنيه : تدوم الضحكه ياروحي

انهو يومهم بزيارة الجد وبعدها راحو للبيت يرتاحوا ويستعدوا للرجوع للقاهره بكره

                  الفصل التاسع من هنا

لقراءة باقي الفصول من هنا