روية غاليه
الفصل الثالث
بقلم منه محمد
غاليه : مين يعني اكيد المجرمه اللي وراكِ
ندى :غاده
غاده : اه انا ليه مش عاجبك ؟
ندى : غاده انتي عارفه ان بابا ميت صح؟
غاده حاولت تستوعب ايه دخل ابوها بالموضوع : ايوه ياعمري عارفه بقاله عشر سنين...... ليه انتي لسه عارفه ؟
ندى مثلت الحزن: يعني انا يتيمه واكسر الخاطر مظبوط؟
غاده : هو انتي ليك اسم غير انك غلباويه وصاحبه مقالب لكن يتيمه مش راكبه عليك
ندى قلبت فجأه :شوفي انا عطيتك شكل المأسه اللي في حياتي كلها وحبه وهعصر لك دمعتين وانتي لاحياه لمن تنادي من الاخر تعمليلي نفس مكياج غاليه بالظبط
غاليه : ههههههههههههههههههه وده محتاج كل المقدمه دي انتي بس استخدمي الكلمه السحريه حطي لي ميك وقبل ماتكمليها حتلاقيها قعدتك ولحوست فيك
غاده رفعت انفها لفوق: بتتريقي دي اسمها موهبه يا غبيه
غاليه : طيب قبل ما تندمجي في موهبتك تسمحي لي اشوف المرايا؟؟
غاده : هههههههههههه تصدقي نسيت اني حلفتك واقول الهبله ليه لحد اللحظه ماشكرتنيش ..اتفضلي يا سندريلا مسموح لك
وقفت غاليه قدام المرايا وفضلت 5 دقايق تحاول تستوعب اللي شيفاه ياما كانت بتسمع من الكل انها حلوه وجمالها غريب لكنها اول مره تحس انها حلوه فعلا .. اتحرمت من حاجات
كتيره عمرها ماحست انها زي باقي البنات مسموح لها تلبس وتتشيك وتشتري اللي نفسها فيه حتي بليلة كتب كتابها ماحدش اهتم بيها ولولا الله ثم غاده مكنتش بقت كدا
وبدون ماتحس بنفسها سحبت غاده وضمتها وهي ساكته كانت عارفه انها لو اتكلمت هتنزل دموعها وغاده كانت حاسه بيها واحترمت سكوتها وما تكلمتش
بعدها بساعه كان كل الضيوف وصلو ... وغاليه لسه لحد الان بغرفتها خايفه تنزل اخيرآ اتشجعت ونزلت
اول مادخلت عليهم كلهم سكتو وبصولها فقط
سندس بأعجاب : بسم الله ماشاء الله تعالي يا بنتي سلمي عليا
راحت وسلمت على عمتها بحراره
سندس بصوت واطي : ربنا يحرسك يابنتي من العين
غاليه ببتسامه : تسلمليي يا عمتى
سندس : روحي سلمي على الضيوف وتعالي ااعدي جنبي يله
راحت غاليه وسلمت ورجعت عند عمتها اللي حطت ايدها على ايدها وفضلت تدعي في سرها يحميها من العين
...............
في غرفة مى معاها منال
مى بزهق : منال حرام عليك بقالك اكتر من ساعه وانتي حبسانا في الاوضه وعماله بس تبصي من الشباك لو كان جاي كان وصل من بدري
منال : مى عاوزه اشوفه والله وحشني اوي
مى : ههههههههههههههههههههههه اللي يسمعك يقول انه بيحبك
منال : بيحبني او مايحبنيش مش هيتجوز غيري فاهمه فارس ليا انا وبس
مى : منال افرضي سمعتي في يوم انه اتجوز هتعملي ايه؟؟
منال بعصبيه : والله لا اقتل أي واحده تفكر تاخده مني والله لا اقتلها واشرب من دمها
مى : ليه سفاحه ده انا بقول افرضي مقلتش خلاص اتجوز
منال بنفعال : انتي مبترتحيش غير لما تنكدي عليا
مى : لا انكد على نفسي ولا انكد عليك ياقلبي ويله روقي وتعالي نشوف الاوضاع تحت وبعدها نرجع نراقب
نزلت منال ومى تحت اول مادخلو لفت نظرهم شكل غاليه
منال بحقد : متأكده انها اختك ؟؟؟
مى وصدمتها بشكل غاليه مش اقل من منال : ههههههههههههه اه متأكده انها اختي شهادة ميلادها بتقول انها بنت امي وابويا وتؤام غاده كمان
منال : حاجه تقهر تخيلي لو بس فارس شافها والله ولا حتى يفكر يبصلي مش يتجوزني
مى بزيف: متستقليش بنفسك حتى انتي ماشاء الله عليك مش ناقصك حاجه
منال : بعد اللي شفته بدئت اشك ... فكينا من اختك العله وتعالي فوق عاوزه اكمل مراقبه
مى : روحي انتي وانا هروح اشوف لي طريقه اعرف بيها اذا فارس جه ولا لسه
طلعت منال فوق وراحت مى لامها
مى : ماما مسألتيش بابا ايه سبب المناسبه ؟
جيهان : فكرتيني لما اروح اساله بسلامته احرجني قدام المعازيم وانا مش عارفه سببها وكل ماحد يسألني مش عارفه ارد.
مى : وشوفي كدا مين جه ومين مجاش (بكذب ) لان عمتي سندس سألتني اذا حد جه من الرجاله غير عمي حامد وعياله وقلت لها هشوف
جيهان عوجت شفايفها : وعمتك دي حاشره نفسها في كل حاجه .... انا رايحه اشوف ابوك وانتي ااعدي هنا مع الضيوف لحد ما ارجع
مشت جيهان وشويه وحصلتها مي بهدوء عاوزه تعرف فارس جاي ولا لأ
************غاليه*********
في مكان تاني
جيهان : ماقلتليش ايه سر العزومه دي كلها ؟؟
ابراهيم : هقولك بس ماتتعصبيش لحد ما تفهمي الحكايه
جيهاب بقلق وترقب : قول خوفتني
ابراهيم: العزومه بمناسبة كتب كتاب فارس علي غاليه
جيهان بصدمه وانفعال : نــعم وامتى حصل ده ؟
ابراهيم بتوتر :النهارده بعد المغرب كنت مجبور اني اوافق
جيهان بجحيم اسود : وازاي تعمل كدا من غير ما تقولي وطالما هتجوزه ليه مجوزتهوش واحده من بناتي مي ولا غاده دول احق بخيره منها
ابراهيم : وغاليه بنتك وبعدين اللي عملته ده من مصلحتنا ولما يمشو الضيوف هفهمك كل حاجه وهتعرفي ان اللي عملته هو الصح
...............................
رجعت مى مكانها اول ما شافت امها جايه عليها وقبل ماتحس بيها امها راحت عليها واتبلخت بعد ما سمعت كل الحوار
مى : ماما منال تعبانه شوي وهي في اوضتي ويمكن اروحها لحد بيتهم
جيهان : سلامتها مالها؟؟
مى : يعني صداع ودوخه المهم ما تقولش لطنط الا بعد ما العشي علشان ماتخافش
جيهان هزت راسها : طيب بس اول ماتوصلي طمنيني
مى : حاضر
طلعت مى فوق عند منال
مى والضيقه واضحه عليها : منال فارس مش جاي وبعدين انا حاسه اني هنفجر وتعبانه ومش عاوزه افضل هنا محتاجه اطلع اغير جو وقلت لامي وهي موافقه
منال : مالك ايه الي حصلك كدا مره واحده
مى قربت تعيط : منال هتخرجي معايا والا اخرج لوحدي
منال : لا شكل حكايتك حكايه طالما فارس مش جاي هقعد اعمل ايه
وطلعو من الباب الخلفي علشان محدش يشوفهم
في العربيه
مى : منال لو ليا خاطر عندك تعالي نروح بيتكم
منال : خلاص وماله نروح
كتبت مي مسج لسحر ( سحر تعالي بسرعه على بيت منال فيه موضوع خطير يخص منال ومحتاجه وجودك معايا وماتتصليش لانها جنبي وماقدرش ارد )
( سحر صديقة منال ومى ومعاهم فالجامعه وهي رأس الشر والفتنه انسانه جمعت كل الصفات السيئه واحتكرتها لشخصها.......حكمتها في الحياه الغايه تبرر الوسيله حتى لو كانت الوسيله تحمل من القذاره و الشر المحمل بالكتير!!!!!!!!
.....................
في العزومه
قالو لهم مناسبة العزومه وردود افعلهم اختلفت ما بينهم فيهم الي حاقد وفيهم اللي كان وقع الامر عليه عادي ومافرحش للخبر غير ندى وغاده وكريم بس صدمتهم لان كتب الكتاب تم بسرعه من غير ما يعرفوا ولا يحتفلو
اما سندس مكنتش مفاجاه لانها كانت عارفه بالموضوع قبل ما يتم وموقفها منه نفس موقف ابوها
راحو الضيوف يتعشو ومبقاش غير غاليه وغاده وندي
غاده : مبروك ياغاليه مبروك والله فرحتلك اي نعم كل حاجه تمت في السكت بس مش مهم المهم سعادتك
غاليه تضمها : كفايه الي عملتيه ليا النهارده
ندى : بقي كدا يا ندله ماتقوليش عندي بنت عمه حلوه افرحها والله انا دايما اقول لامي مااتخافيش الا من السهون الساكت
غاليه : اللي يسمعك يقول اني كنت عارفه
ندى : يعني انتي زيك زينا لسه عارفه انك اتجوزتي؟
غاليه : والله انت واحده هبله اقصد اني معرفتش غير لما بابا جاب لي الدفتر قرب المغرب وقال وقعي
ندى : قولو آمين
الكل : آمين
ندى : آمين
غاده : مااحنا قلنا آمين انتي قولي دعائك وخلصينا
ندى : اه صح نسيت اني مادعيتش ارجعو قولو آمين زياده تأكيد
الكل : امين اخلصي
ندى رفعت ايدها وبصت للسقف : يارب ترزقني نفس مارزقتها ومالقيش غير وامي سحباني من شعري ورمياني على عريسي يالله انت عالم بحالي اني معنديش صبر على خطوبه وكتب كتاب والهجص ده كله انا بحب كل شئ يتم حامي حامي نفس الهبله الي جنبي
غاليه :يا مجنونه استغفري لا يستجاب دعائك
ندى : والله ماهبله غيرك ده انا بقوم اصلي مع امي القيام كل ليله علشان ادعي الدعاء ده
سندس : وانا اقول ايه كل الايمان والتقوي اللي نزلت على بنتي اتاريه علشان تدعي بالعريس
ندى بخوف : مامتي الله يهديك دي مجرد دعابه هو انا بتاعه عريس ولا جواز من اصله وبعدين اخاف اتجوز ويفضالك البيت ويلف عليك عيل من المسقطين البنطلون ويضحك عليك وتكتبيله البيت بأسمه
سندس ضربتها نظره ليها الف معني :غاليه كريم اخوكي عاوزك
قامت معاها غاليه بدون ماتتكلم حاسه بخوف مش طبيعي ووفضلت تدعي في كل قلبها ان كريم مايقولهاش تدخل عند فارس
.....................
في بيت عائله منال
رفضت مى تقول مالهاا غير بعد مايبدلوا ملابسهم ويلبسو لبس مريح
منال : يله قولي مالك وايه اللي قلبك كدا فجأه؟؟؟؟
مى : حالا حقولك بس خلينا ننزل تحت نشرب اي حاجه
منال بزهق: بجد طلباتك كترت الليله يله امشي
اول مانزلو تحت كان جرس الباب بيرن.... ودخلت عليهم سحر بعد مافتحت لها الشغاله الباب
منال : سحر ايه الي جابك دلوقت ؟؟( ولفت لمي) فيه ايه يا مي اتكلمي؟؟؟
مى بخوف : منال فارس اتجوز
منال مره واحده مسكتها من البلوزه من قدام وبشر: ياحقيره كام مره قولتلك مش بحب الهزار الرخم ده ؟؟
سحر بتحاول تبعدها عن مى : منال سيبي البنت واهدي لحد ما نعرف الحكايه
مى بخوف ودموع : منال والله ما بكدب النهارده المغرب كان كتب كتابه وكل الضيقه الي انا فيها عشانك انتي
منال ماردتش بأي حرف كل الي عملته عماله تبص لمي بصدمه
سحر : منال ردي عليا واذا على اللي اتجوزها والله مايمر عليها يومين الا هو مطلقها وانتي عرفاني كويس
منال بهدوء غريب : اتكلمي مين اللي اتجوزها فارس؟
مى بتردد : اتجوز غاليه
منال (بصرخه ) : لاااااااااااااااااااااااااااااااااا
سحر بندهاش: مين غاليه اختك
مى بنرفزه: ماتقوليش اختي انا ماليش اخوات الا غاده ومنال اللي اغلى من روحي
سحر : دقيقه يعني الي اتجوزها فارس اختك ولا لأ
مى : ايوه بنت امي وابويا لكن ماعمري ماحبيتها (وبحقد)اخدت اهتمام جدي كله بحضوره لازم نعاملها كأميره والا تحل علينا اللعنه
كأن ماعندهوش حفيده غيرها حتى ماما وبابا مبيحبوهاش
سحر : يعني عادي عندك لو ضريناها
مى بخوف (صحيح مابتحبهاش لكن في الأول والأخير اختها) : ازاي يعني تضروها؟؟
سحر : اطمني مش هنعمل لها حاجه غير بس فارس يطلقها ومساعدتك مهمه لينا
مى : بس ....
منال بحده : من غير بس حددي يامعايا ياضدي واياك تنسي اني اعرف كل اسرارك وانا اقدر اعمل كل حاجه من غير مساعدتك لكن حضطر اني اضرك حتى انتي
مى بعدم تفكير: انا معاك طبعا بس اوعي تنسي انها اختي ولو الامر هيمس سمعتها هنضر معاها انا وغاده
سحر : من الناحيه دي اطمني مش هيمسكم حاجه كل الي عاوزينه فارس يطلقها وبس
مى : اذا كان كدا انا معاكم
سحر : تعجبيني طالما كدا بقي والله يا منال لا احرق قلبها واخليها تبكي بدال الدموع دم واذا على فارس انا وعدتك انه مايعديش عليه يوم الا وهو مطلقها ... مى احكيلي عن غاليه شويه
مى : مفهاش اي حاجه ومعندهاش اي لعب ولا حتي غلطات الواحد يمسكها عليها ومالهاش اصحاب غير في حدود الجامعه بس حتي تقريبا مبتكلمهمش اما في البيت بابا وماما ولا
بيحبوها زي ماقلت لك اللي بيحبوها افي البيت كريم وغاده حياتها من البيت للجامعه ومن الجامعه للبيت وفي الاجازات ممنوع تخرج من البيت حتى لو حبت تشتري حاجه مرفوض
سحر : وعايشه ازاي؟؟؟
مى :سألت نفسي نفس السؤال بس شكلها اتأقلمت لان ماما مشغلها في البيت طول الوقت
سحربسنهزاء : هئه وازي هنورطها دي
مى : قلت لك مفيش شئ تقدري تمسكيه عليها
سحر بتفكير : مين عالم مش يمكن كل الي ذكرتيه هو الي يظبط خططتنا ... قلتيلي اخوك كريم بيحبها
مى بغيظ: بيحبها اكتر من الكل ودايما في حرب مع بابا وماما علشانها
سحر : عندي فكره بس مش عارفه هتأيدوني فيها او لا صراحه هي فكره قذره بس ده الشئ الوحيد اللي في ايديا وانشاء الله يدمرها
منال : طالما بيدمرها انا موافقه عليه بدون ما حتى مااسمعه
سحر : وانتي يا مى لان من غيرك مش هنقدر نعمل اي حاجه؟
مى : قولي ايه هي خطتك واحكم
بعد ما سندس ندهت غاليه لـ اخوها كريم
كريم بنبهار : عمتي انا قلت نادي لي غاليه مش ملكه جمال الكون
سندس بضحكه:والله يابني انا قلت غاليه كريم عاوزك بس الملكه وقفت تتلكع
كريم : هههههههههههههههه معلش معذوره ياعمتو (بص لغاليه وفتح ليها درعاته)تعالي ياقلب اخوك اباركلك مش كفايه ان حتى كتب كتابك ماعرفتش بيه الا دلوقت !!!!
كريم ضم غاليه وباسها من راسها : مبروك ياغاليه
غاليه بخجل : الله يبارك فيك
كريم : يله ياقمر تعالي سلمي على جوزك
غاليه بخوف : كريم الله يخليك مش عاوزه ادخل
سندس بتعجب : ليه انتي خايفه منه ؟؟؟
كريم : معلش سبيني معاها خمسه ياعمتي وانتي ادخلي عند فارس
دخلت سندس عند فارس
كريم بهدؤ: خايفه من ايه احمدي ربنا انه رزقك بزوج بيحسدوك عليه كل البنات
غاليه كشرت: مشعارفه بس حاسه انه يبخوف
كريم استغرب شويه وبعدين ضحك : ههههههههههههههههههههههههه هو من ناحية يخوف فهو بجد يخوف
غاليه خوفها زاد اضعاف اضعافه : كريم بجد؟
كريم بجديه : شوفي ياست البنات علاقتي بفارس سطحيه في حدود الشغل. بس اللي شفته من كل الناس اللي يعرفوه سوا بيحبوه او بيكرهوه متقسمين لثلاثه
غاليه : ايه هما التلاته؟
كريم: ناس بتحترمه ناس بتهابوه وناس بيخافوا منه
غاليه: يعني انت كدا بطمني
كريم: غاليه اه فارس محترم وهيبه ويخوف بس ده فالشغل،، واي راجل اكيد هيعامل مراته غير ما بيعامل الناس فالشغل فاهمه حياتي
..............................
عند فارس وسندس
فارس نفخ بزهق :هي جايه ولا ايه نظامها ؟
سندس بصتله وكشرت : انت وبعدين في عصبيتك البنت مكسوفه وخايفه اهدي شويه (وقامت من جنبه تشوف غاليه ) لقتها واقفه مع كريم
كريم بحنان : يله يا غاليه مش ظريفه نخالي الراجل ينتظر كل الوقت ده
غاليه والدموع اتجمعت بعيونها تهدد بالنزول : قول لامي تيجي معايا طيب
سندس ابتسمت: والله عال انتي رايحه المدرسه (مسكت ايد غاليه ) يله تعالي (وبمزح) لا ارفسك تلاقي نفسك طايره عنده
كريم : هههههههه اسلوبك غريب بالاقناع ياعمتو
سندس : اعجبك المهم انت امسك ايد وانا ايد وتعال نجرها
غاليه بخوف : لا عمتي خلاص جايه بس تدخلو معايا وما تسبونيش ابدأأ
سندس ببتسامه : هندخل معاك ومش هنسيبكك بس انتي امشي واخلعي الطرحه دي خاليه يشوف جمالك
.......
عند فارس
فارس بزهق كلم نفسه هي مفكراني هموت واشوفها الليدي ) طلع موبيله وكتب لـ وليد رساله (ان لو ماتصلتش بيك بعد ساعه اعرف اني ياقاتل حد ياارتفع ضغطي ومرمي في اي مستشفي) حس انهم قرب الباب داخلين بس مارفعش راسه لحد ما خلص ارسال الرساله
ورفع راسه وبحده شوي : وليه ما.......
(قطع كلامه لما شافها كان بيقول وليه رافضه تدخلي بس حاليا مفيش في عقل غير ... الجمال الي شافه عن قرب
كريم : هو ايه اللي ليه يافارس ؟
فارس : هاه .. اه كنت هسال عمتي علي حاجه (والله بقيت شخص كداب يافارس )
سندس ضحكت علي خفيف لكدبه : ايه مش عاوز تسلم يافارس اصل احنا مكسوفين (وشاورت بدماغها علي غاليه
فارس : مساء الخير
غاليه : ............ (لا رد وخلاص حاسه فضلها تكه ويغمى عليها من كتر الخوف)
فارس : ماما ممكن تسبونا شوي
كريم : يله يا غاليه انا طالع شوي بس وراجع ماشي
غاليه غارسها ضوافرها في ايد كريم من كتر مسكتها : الله يخليك متسبنيش (بصوت بالكاد ينسمع)
سندس قربت وخلصت ايديهم من بعض : تعالي ياعروسه وومش هنطلع
سحبت غاليه وااعدتها وشاورت بدماغها لكريم عشان يخرج
فارس بعد ماخرج كريم : قلنا مساء الخير
غاليه: ...........
فارس بستفزاز : ماما هي طرشه ؟
سندس : ههههههه والله احنا جوزنهالك وهي سليمه اذا انطرشت دلوقت معرفش بقي
فارس قرب من غاليه : دي حتي ماردتش السلام خلاص اطلعي وانا هعرف اخليها تتكلم
غاليه اتكلمت بخوف : مساء النور
فارس ابتسم : يله يا عمتو اطلعي
غاليه بدون ماتحس بنفسها وبصوت فيه البكاء:بس انت قلت اذا مارديتش تطلع وانا رديت
سندس :حبيتي انا رايحه انادي ندى وجايه ماتزعلينيش منك وخليك عاقله خايفه من ايه ده جوزك؟؟؟؟
ماردتش غاليه وسحبت سندس ايدها منها وطلعت
فارس حمحم : انتي خايفه مني
غاليه : .........
فارس بيجاهد نفسه ما يتعصبش :لو هتفضلي ساكته هتشوفي الوش اللي يخوف بجد!!!!
غاليه بخوف : اقول ايه طيب
فارس : ايوه كدا لما أسالك تردي ... اخبارك؟
غاليه (زفت) : الحمد لله بخير
فارس : دايما بخير ليه بقي خايفه؟؟؟
غاليه بكذب : مش خايفه
فارس : امال نسميه دلع غرور
غاليه بسرعه : لا والله ابدا
فارس : طيب هكلمك عن نفسي علشان تعرفيني بس قبلها ارفعي راسك مش بحب اكلم حد وهو مش بيبصلي
غاليه والدموع بعيونها : اتكلم
فارس بشويه حده : قلت ارفعي راسك وبوصيلي
رفعت راسها بخوف وبصتله كانت اول مره تشوفه استغربت انا كل الوسامه دي تكون لشخص قاسي كانت تتمنى يكون حنين ويعوضها عن قسوه امها وابوها بدون ماتحس نزلت دموعها بكت على حياتها وعلى امنيتها لكلمه حنينه وصدر دافي
اما هو كان مصدوم من اللي شايفه ماتوقعش انها بالجمال ده هي لخبطت كيانه لما شافها وهي منزله راسها وشعرها مغطي ملامحها بس لما رفعته شاف جمال عمره ما شافه كل تفصيله
فيها بتنطق بالجمال وعيونها آ آ آ ه من عيونها عمره ما شاف زيها استغرب ان لون عيونها غريب لون مميز ميعرفش الشخص يحدده بس توقع انها لابسه عدسات انصدم لما شاف دموعها اللي غطت وشها الملائكي
فارس بحنيه : ليه الدموع خايفه مني بجد؟
لما ماردتش قرب منها ومسح دموعها بايده وبدون مايحس قربها منه وضمها وهو يقسم انه يكون شئ حلو في حياتها ويحاول يسعدها لما شاف جمالها توقعها دلوعه ومغروره وكان
عاوز بس يكسر غرورها بس الحزن والخوف اللي شافه بعيونه اثبت له انه غلطان واذا على انها بنت عمه اللي بيكرهها يمكن زي ماقال وليد ان جده ماختارهاش له الا لانها غيرهم
اما غاليه كانت خايفه ومكسوفه من حركته لكنها لمست فيه الحنان اللي بتدوره عليه من زمان واستسلمت لدموعها وبدون شعور حطت راسها على صدره
فارس بعدها عنه شوي و رفع وشها:مش هسألك ليه الدموع دي كلها حاليا هيجي يوم واعرف سببها لكن كل الي عاوزك تعرفيه وتتاكدي منه انك اذا كنتي الزوجه اللي هتحافظ على بيتها وجوزها وبتدور علي رضاه ثقي اني حكون لك الزوج اللي يحبك ويعمل المستحيل علشان يسعدك
غاليه كان كلامه زي البلسم على جروحها وبصوت باقي فيه اثار البكاء:من غير ماتطلب مني او توعدني كنت حكون لك الزوجه اللي ترضيك
فارس ببتسامه زادت وسامته وسامه: وده اللي بطلبه واتمناه
بصتله غاليه واكتفت ببتسامه حلوه
فارس بدون مايحس بنفسه : ايه لون عيونك (ولما شاف ارتباكها هو بنفسه اتصدم من سؤاله) اقصد عاوز اعرف لون عيونك بدون العدسات ..وبينه وبين نفسه (ايه العك ده بس )
غاليه برتباك : بس انا مش لابسه عدسات
فارس اذبهل : هاه
غاليه هتعيط تاني : مش لابسه عدسات ده لون عيوني عارفه انه غريب بس مش بأيدي
فارس صح انصدم ان ده لون عيونها الحقيقي بس استغرب من حزنها وخجلها من لون عيونها لو واحده غيرها كانت شافت نفسها وصابها الكبر والغرور اكترواكتر
فارس بحنيه : وليه الحزن صح لون عيونك غريب بس مميز وحلو ..وفي قلبه (مذهل بجد)
غاليه بحزن : مش عاوزه اكون غريبه او مميزه عاوزه اكون زي زي اهلي
فارس : شوفي ياغاليه صح انه لون غريب عندنا يعني في وطنا العربي لكنه برا موجود وبيعملو المستحيل علشان يحصلوا عليه
غاليه : قلتها برا مش هنا
فارس : طيب انا عاجبني الا ماقلتيليش تشبهي مين ؟
غاليه ببتسامه : جدي بيقول اني شبه امه الله يرحمها كتيررررر
فارس ضحك جامد :هههههههههه هههههههههههههههههههههه عشان كدا جدي بيحبك
.........:لع لع لع اعترفو بتعملو ايه يا كتاكيت قلبي .. هـــا فارس بيضحك اسم الله عليك يا خويا انت حرارتك عاليه ولا نشوك عين
اتخضو الاتنين على الصوت وبصو ناحيه الباب
فارس : حسبي الله ونعم الوكيل بنت انتي امتي تعقلي ؟؟
ندى مثلت الخجل : لو اتجوزت
غاليه : ههههههههههههههه كنت حاسه انك بتقوليها
فارس : ربنا رحمك والله كنت ناوي انتشك علقه اسببلك بيها عاهه مستديمه بس طالما غاليه ضحكت سامحتك
ندى دخلت : غاليه تنحي لـ اخويا وخدي النسخه التقليد اللي معرفش جايبها منين
فارس : وليه شايفه فيا ايه؟؟!!!
ندى :معرفش بقي عمال تضحك وتقول كلام اول مره اسمعه فتأكدت انك مش فارس
فارس : بطلي رغي وتعال قربي وباركيلي
ندى قربت منه : الا ابارك وابارك مرتين كمان على الجواز وعلى الضحكه
فارس شد ودنها : والله ووقعتي في ايدي ومحدش ضربك على ايديك جيتي بنفسك
ندى وهي تتألم : اي فارس وداني حرام عليك ودني حتطلع في ايدك محدش هيتجوزني وانا معنديش غير ودن واحده
فارس شد الودن التانيه : وكدا ؟
ندى بتتالم بجد : كدا محدش هيتجوز واحده طرشه فارس اوعي بجد وجعتني
فارس حررها: يعني كل الي همك العريس
ندى بجديه : ليه وهو فيه حاجه مهم في الحياه غيره
سندس : اغفل عنك دقيقه الا والشعنونه دي طابه عليكم
فارس : كويس اللي جيتي يا ماما سندس علشان اللبس غاليه الشبكه
فكت ندى الاكسسوار اللي لابساه غاليه ولبسها فارس شبكتها وبعد ماباركو لهم سحبت سندس ايد بنتها علشان تطلع معاها
ندى : يا مامتي خليني عاوزه اشوف بيعملو ايه؟؟
سندس : فارس لما تاخد قعدتك تعالي البيت عندي عاوزاك
فارس : امرك يا حبيبتي بس لاخرك عن نومك
سندس: لا يا حبيبي فيه حاجه كدا ولازم اقولهالك وعشان تدبحلي البنت دي بالمره
فارس ببتسامه شريره : كدا اوكيه ... ولو مش هتعبك ياريت تحضريلي لقمه خفيفه لاني ميت من الجوع وماليش نفس بأكل المطاعم
سندس : مافيش تعب من عيوني يا ضنايا
طلعت سندس وهي بتجر ندى اللي عاوزه تقعد ومتروحش
فارس مد علبه لغاليه : هنا حتلاقيني مسيف رقمي فالموبيل اتمنى اسمع صوتك الليله واذا مش حابه تستخدمي الشريحه اكتبيلي مسج من موبيلك علشان اعرف رقمك
غاليه : لا هستخدم نفس الرقم لان ماعنديش موبيل
فارس استغرب كلامها بس ماحبش يدقق ووقف ووقفها معاه مسك ايديها البارده جوه ايده الدافيه وقرب منها وباسها من راسها
فارس : اشوفك على خير وماتنسيش تكلميني الليله
غاليه بأدب : ان شاء الله
رفع ايدها وباسها وطلع ........ وقفت غاليه مكانها تلمس بوسه فارس على ايدها معقوله ده الانسان اللي صورهولي بابا بكلامه انه وحش معقوله ده اللي كنت خايفه اتجوز منه ياما شاف
بابا دموعي ولا كأنه شايفها وفارس اول ما شافها اتغير لشخص كله حنيه وطيبه ليه اتمنيت ان الزمن يقف ولا يمشي من
جنبي ليه كنت حاسه اني عاوزه ادخل جوه حضنه على طول معقوله اكون حبيته بالسرعه دي معرفش بس اللي انا متاكده منه اني محتاجه لشخص في حياتي على طول
........اخيرآآآآآ مشي يباي بطيئ
غاليه بخوف : بسم الله طلعتي منين؟؟؟!!
ندى برخامه : من بطن امي
غاليه بتريقه: زين ما خلفت واختفي من قدامي لاني مشغوله ومش فاضيه للهبلك
سابتها وراحت للمطبخ
..............
في بيت عائله منال
مى بصرخه : مجنونه انتي الا اكيد مجنونه والا ازاي تقدري تقوليلي الكلام ده
منال كانت مصدومه زيها بس ساكته وتبص فقط لـ سحر
سحر : ليه الصريخ واسمعوني لحد ما اخلص كل كلامي بس الاول عاوزاكم تعرفوا امتى حددو اللارتباط ده
منال اخدت موبيلها واتصلت بمرات عمها جيهان
منال : الوووو
جيهان : اهلا يا منال عامله ايه دلوقت طمنيني عليك؟؟
منال ارتبكت بس عرفت ان مى كذبت عليها : الحمدلله يامرات عمو بقيت احسن بعد ما ارتحت
جيهان : الحمدلله ياقلبي
منال : طنط سامحيني لسه عارفه حالا من مى عن خطوبه غاليه مبروك
جيهان بدون نفس : الله يبارك فيك
منال : الا امتى حددتو الفرح يا طنط
جيهان : اي فرح مافيش فرح هو هياخدها بعد يومين ويسافروا لـ امانيا عند جدك
منال حاولت تتماسك لاتنهار : طيب ياطنط بس حبيت ابارك مع السلامه
قفلت منال وهي منهاره
سحر: قالت امتى ؟
منال : بعد يومين هياخدها ويسافر قوليلي كنتي هتقولي ايه
سحر : اوكي بس تسمعوني بهدوء لحد ما اخلص كل كلامي وبعدها شوفو اذا كلامي مقنع او لا
مى : قولي مع اني متأكده اني مش هقتنع
سحر : بيقوله ان البنت محدش يقدر يمسك عليها اي غلطه وحتى الجامعه بتروح مع اختها غاده او مع ندي بنت عمها اخت فارس في الرضاعه صح وماعندهاش موبيل والمصيبه العظمى ماعندهاش صور لنفسها ولا بتخرج وكل وقتها في البيت صح كلامي كدا
مى : صح
سحر : اوكي دلوقت لو انتي مديره وعندك موظف نشيط في شغله يجي اول الناس ويطلع اخرهم وجالك موظف تاني وقالك تعرفي فلان مبيجيش حتصدقيه ولا لأ
مى : لا مستحيل اصدقه لان كل شئ واضح قدام عيني واكيد انه بيتبلى عليه
سحر : حلو ولو جالك موظف وقالك تعرفي ليه فلان منضبط في شغله وبيحضر اول الناس وبيمشي اخرهم كله علشان يغطي على بلاويه ويقدر ينفذ اختلاساته اللي بيعملها بتشكي في الموظف النشيط ولا لأ
مى : اه اكيد ببدء اشك فيه
سحر بخبث: اهو انتي قلتيها وده الي اقصده يعني لو قلنا لفارس ان غاليه بتكلم وتخرج مع شباب مليون فالميه ماحيصدقنا بس لو عملنا بقي خطتي وبعدها زرعنا الشكوك في دماغه بيصدق بكل سهوله
مى برفض : مهما قلتي مستحيل اعمل كدا!!!!
منال : سحر سبينا مع بعض شوي حبيبتي
قامت سحر وسابتهم
منال : هتوافقي يامى ومحدش هينضر غيرها
مى : وكريم
منال : وكريم برضو مش هينضر ولا انتي ناسيه ان ابوكي بيحبه مش زي العقربه غاليه
مى برفض وخوف: لا يا منال مااقدرش
منال بحده ونبره كلها تهديد ووعيد: انا قلتهالك يا معايا ياضدي وانا مش بهزر ولا انتي نسيتي يا حلوه اني عارفه الشباب الي جنابك بتكلميهم واظن فيه واحد من ضمنهم
اخدت لك منه صورك والشريط اللي مسجل فيه صوتك وبيهددك بيهم والشريط والصور لسه عندي ورغم كل ده ماتمنيتش ان اخويا خالد يتجوز غيرك ولا هسمحله انه يتجوز غيرك
مى برجاء : بتهدديني يامنال
منال : انا مش بهددك بس بحذرك لاني بحبك حددي معايا او ضدي
مى بتردد : معاك
منال بنتصار: اوكي انا قايمه انادي سحر
............................................................
في بيت عائله غاليه
في المطبخ
مسكت غاليه الموبيل اللي جابهولها فارس وشغلته رغم ان الضيوف من عائلتها لسه موجودين لحد الان واتصلت بفارس الي رد ع طول
فارس : اهلا وسهلا
غاليه : ............
فارس : غاليه ردي
غاليه بتردد : اهلا بيك
فارس حب يعاكسها : اهلا بيك بس انتي متصله علشان تسكتي!
غاليه : لا
فارس : طيب ايه وحشتك بالسرعه دي
غاليه كرهت نفسها انها اتصلت
فارس حس بأحراجها : خلاص هسحب كلامي اهم شئ تتكلمي
غاليه : فارس انت مشيت ؟
فارس ( آآه حلو اسمي منك ) : اه لسه خارج ليه عاوزه حاجه!؟
غاليه بخجل : تقدر تيجي للباب الخلفي دقيقه بس
فارس وهو مستغرب طلبها : ولا يهمك دقيقه واكون هناك
قفلت معاه واخدت السله وراحت جري للباب الخلفي فتحته وحطت السله عند الباب وقفلته و
كتبت مسج وبعتته لفارس
الي جه للباب الخلفي بس كان مقفول وقدامه سله لسه هيخبط عليها يعرف ايه الحكايه الا وصله المسج
(اتمنى تاخد السله فيها عشى خفيف عشانك وطبخي انا مش اكل مطاعم)
نزل فارس واخد السله وهو مش مصدق اللي حصل اتصل بسندس يقولها انه هيسبقهم على البيت
واتجه لبيت سندس واتصل بـ وليد
وليد : هاه طمني يارب ما تكون قتلت حد
فارس ابتسم : لا
وليد : امال ضربت حد
فارس : لا
وليد : امال عملت ايه اعترف؟
فارس بحالميه : حبيت
وليد بلم : هاه
فارس ضحك : هعذرك تقول هاه اذا كان انا بنفسي مش عارف ايه الي حصل
وليد :فارس قولي فينك انا جايلك حالا
فارس : لا انا رايح لبيت امي(سندس)
وليد : طيب بسرعه قولي التفاصيل
فارس :قولي أحبك كي تزيد وسامتي فبغير حبك لا أكون جميلاً قولي أحبك كي تصير أصابعي
ذهبا وتصبح جبهتي قنديلاً قولي أحبك كي تزيد وسامتي
فبغير حبك لا أكون جميلاً
قولي أحبك كي تصير أصابعي
ذهبا وتصبح جبهتي قنديلاً
وليد : انت ناوي تجلطني من امتى وانت بتعرف اغاني الحب لا والاذهل حبيت كمان
فارس : آآآه ياوليد ياخوفي اكون حبيت بس اللي عرفه اني عمري ماحسيت بالي حاسه حاليا وكنت اتمنى ادفع كل مااملك بس ماسبهاش وامشي
وليد بستهبال : اعوذ بالله مجنون انت بتحب ومالقيتش حد تحبه غير مراتك استغفر الله
فارس اتنرفز: انت اهبل بس انا الي غلطان اني عطيت لامثالك اكبر من حجمهم يله غور وصلت للبيت
وقفل في وشه التلفون بدون مايسمع رد وليد
دخل بيت سندس وطلع لفوق لان له غرفه في بيت سندس الي في مقام امه لانه احيانا بينام عندها غير هدومه ونزل تحت وراح للسله فتحها وهو بيقول لبنفسه ده ريحته طالعه من غير ما ادوقه امال لو دقته بقي و
اول ماداق الاكل اتأكد انه مش طبخها مش معقوله الملاك اللي شفته من شويه تعرف تطبخ الاكل ويطلع بالطعم الرائع ده
****************غاليه********
في بيت منال
سحر : فهمتي يامى كل اللي مطلوب من انك تقولي الكلام اللي حفظنهولك لامك ونفذي اللي قلناه كله وسيبي الباقي عليا
مى : احاول
منال بعصبيه : مافيش تحاولي قولي اه او لأ من دلوقت
مى بخوف: خلاص هنفذ الي قلتو عليه حاضر
منال : تعجبيني وغمزت
سحر : يله انا ماشيه واي حاجه تحصل بلغوني فورا
منال : اوكي ياقلبي سي يو
بعد ماطلعت سحر
مى : يله حتى انا هروح اتأخرت
منال : خليك شوي بس وولا مش عاوزه تشوفي خالد
مى بلمت : هاه
منال : ههه عاوزه تشوفيه ولا لآ
مى بلهفه : اكيد
منال : خلاص خليك لحد ما يوصل
************************غاليه***********
في بيت عائله غاليه
بعد ماراحو كل الضيوف وطلع ابراهيم غرفته
جيهان : غاده يله على اوضتك
غاده : ليه يا ماما بدء حظر التجول
جيهان بصوت عالي : قلت فوق علي اوضتك يله
غاده قامت (بزعل ) : بدال مانتجمع وننبسط بكتب كتاب غاليه مانسمعش غير الصريخ والزعيق والحبسه في اوضنا كأننا اطفال
جيهان طنشت غاده والتفتت لغاليه : وانتي ماشوفكيش طالعه لاوضتك لحد ماتخلصي ترتيب كل البيت مفهوم
غاليه بخوف اول مره تشوف امها عصبيه بالطريقه دي: حاضر
جيهان بصتلها بنظره غريبه كلها استهزاء وسابتها وطلعت لفوق
واستلمت غاليه شغل البيت بالرغم من رفض سعديه وطلبها منها تسيب الشغل ليها وتروح ترتاح
.........................
في غرفة جيهان وابراهيم
جيهان : ممكن تشرح لي حالا ايه اللي انت عملته
ابراهيم : لو خيروكي بين 20 مليون وارض تساوي نفس السعر اذا مش اكتر توافقي ولا ترفضي وتنحرمي من الورث كله ويبقي من نصيب سندس وفارس وغاليه و برضو يتجوزها فارس ها تختاري ايه
جيهان: مين اللي خيرك
ابراهيم بقهره : ابويا مين غيره يعني
جيهان: وابوك من امتي بيدخل بحياتنا
ابراهيم : والله روحي اساليه وان كان علي ليه متجوزش مي او غاده لانه عارف حتى فارس لو ناسبته معاملتي معاه مش هتتغير وعارف اني مش حضره خوفآ على مي اوغاده اما دلوقت اقدر اضره عادي حتى لو ضريت معاه دلوعه ابويا فهمتي
جيهان اقتنعت لكن لو كان بأيدها كانت قتلت غاليه وجدها
........................
في بيت سندس
ندى : عوووو خوفتك صح
فارس بسخريه: اه حرام عليك ازاي هنام من الخوف والكوابيس (وزعق) تعالي دخلي الاكل للمطبخ لا اقوم اضربك علقه محترمه ومن قلبي انا مفقوع منك ومعايا توصيه
ندى : اولا عندك الشغاله تشيله .. ولما انتبهت للاكل صرخت )جريمه منين جبت الاكل ده اعترف حالا بالا
فارس مد لسانه : مش شغلك
ندى : دي سندوتشات غاليه اللي بتعملها اعرفها من بين مليون بس قولي ازاي وصلت لك؟
فارس : ليه هي بتعرف تطبخ ؟
ندى : ههههههههههههه غاليه شغاله وطباخه مع مرتبة الشرف
فارس : اذا حلوه وتهتم في بيتها وطبخها روعه على كدا ايه بقي عيوبها
ندى : قول بلاوي مش عيوب مستعد تسمع
فارس بتركيز: طبعا
ندى : عد عندك ماتعرفش تسوق لانها مش بتخرج والجمال الي شوفته بيها النهارده الفضل لغاده ثانيا دمعتها اسرع منها مفيش وعندي احساس اذا مش متاكده انها لما بتقفل على
نفسها باب اوضتها بتعيط لحد ماتطلع عيونها يعني اقولك من دلوقت وصاعد استعد والافضل تدخل مساهمه في شركة كلنكس اوفر لك
فارس : انتي ماتعرفيش تكوني جد وتسيبي الهبل
ندى : والله ماقلت لك غير الحقيقه غاليه خارج محيط البيت والجامعه تضيع في شبر ميه يعني بالعربي ماتعرفش تصرف امورها
فارس مصدوم من الكلام اللي بيسمعه : وليه كل ده؟؟
ندى : اساسا خالي ومراته حادين جدا و فيهم قسوه شوي دلوعتهم الوحيده مى والباقين عادي بس وخدين حقهم وشخصيتهم قويه لكن غاليه سبب اللي هي فيه جدي
فارس : وجدي ايه دخله ؟
ندى : لانها حبيبته ودلوعته في حضوره لازم يعاملوها كويس واذا غاب حطو كل غلهم فيها
فارس : وهي ؟
ندى : هي بتحبهم ومهما عملو فيها بتسكت وبتحاول تكسب رضاهم .. ودلوقت متوهش الموضوع منين الاكل؟
فارس الي بيفكر بكلام ندى : من غاليه
ندى : الحقيره الكدابه تقولي روحي المطبخ عملتلك السندوتشات اللي بتحبيها واخرتها تهربها لك
فارس : احترمي نفسك لاقوم ابططك وبعدين انتي اكلتي نص البوفيه ايه معباش كرشك
ندى طنشت كلامه واخدت التلفون تتصل علي بيت خالها
غاليه : الوو
ندى بصرخه: ياحوثاله ياللي ماعندكيش دم تقوليلي روحي كولي الاكل الي عملته وبعدين تهربيه لفارس ولما اسالك فين الاكل تقوليلي معملتش
غاليه سكتت : ............
ندى عرفت ان غاليه اكيد بتعيط من شهقاتها اللي بتحاول تكتمها
ندى برجاء : غاليه قلبي سامحيني والله مش قصدي ازعلك وابكيك انتي عارفه هبلي ولساني متبري مني
غاليه وصوت شهقاتها عمال يزيد
ندى وهي خلاص هتعيط : غاليه عشان خاطري سامحيني انا حقيره حيوانه ارجوكي متعيطيش
غاليه وكلامها مش مفهوم من العياط :مـ.. مش زعــ..ـلانه منك
ندى بخوف : طيب ليه بتعيطي
ماقدرش يتحمل اكتر من كدا وسحب التلفون من ندى
فارس : غاليه ليه بتعيطي حصل ايه؟؟؟؟
غاليه (ياربي دلوقت تقول عني ايه يا فارس مبقلناش ع ساعتين شايفين بعض واعيط )حاولت تتماسك علشان ترد عليه
فارس بحنيه : عمري مالك طيب؟؟
اي محاوله من غاليه انها تتماسك انهارت قدام صوته الحنين وكلمة عمري منه زادت عياطها بحرقه وصوت شهقاتها يقطع القلب
فارس بعصبيه مكتومه : غاليه حتقولي مالك او والله العظيم اجي اخدك حالا
غاليه : لا الله يــ.. يخليــ..ـك اوعي تيجي
فارس : طيب اطلعي اوضتك وكلميني من الموبيل
غاليه : ما .. مااقدرش
فارس بتعجب : وليه ماتقدريش؟
سندس بجديه : هات التلفون يا فارس
فارس ا تفأجاء بأمه بس عطاها السماعه لعل وعسى تعرف غاليه مالها!!!!!!
سندس بعد ما خدت السماعه: غاليه حبيتي سمعاني ؟؟
غاليه : ايوه
سندس بحنيه : ماتعيطيش يا حبيبتي مش كفايه عليك فرحتي بيك النهارده ؟؟؟
غاليه ببكاء : ربنا ما يحرمني منك
سندس : ولا منك يا عمري استغفري وخلصي شغلك واول ما تطلعي اوضتك صلي ركعتين وكلمي فارس طمنيه عليك
غاليه لنفسها(ربنا ما يحرمني منك ولا من جدي اللي محدش عارف اللي بعانيه غيركم): ان شاء الله
سندس : الله يرضى عليك ياقلبي يله ياروحي اسيبك تخلصي شغلك في امان الله
قفلت سندس : ربنا يهدها متخلاش ترتاح حتي في يوم زي ده؟؟
فارس : مين دي ومالها غاليه؟
سندس : مرات عمك حسبي الله فيها (وهي تلتفت على ندى) حسابك بعدين على الكلام اللي قلتيه لغاليه
ندى بخوف : ماما والله ما قلتلها حاجه كنت بهزر
سندس بنفعال اسود : فيه حد يهزر و يقول حوثاله وكذابه
ندى :انتي سمعتيني
سندس : ايوه سمعتك
ندى : ماما والله بهزر معاها وغاليه متعوده على هزاري وعمرها مازعلت مني
سندس بعتاب : ازاي صديقتها وماحسيتيش بيها وماشفتيش وشها اليوم كله لو حد قالها بس كلمه هتنهار وتعيط قدام الكل كفايه ان الليله فرحتها ومسمعتش من اهلها كلمه عدله بستثناء
كريم وغاده .....اما ابوها وامها مفكروش يقفو معاها يفرحولها معندهمش ليها غير نظرات التهديد والوعيد ولا كأنها بنتهم حتي جيهان عماله ترملها نظرات كلها احتقار
ندى : ماما والله من فرحتي بالخطوبه ولا اخدت بالي والله
فارس الي بيحاول يصدق اللي بيسمعه معقوله فيه اهل بالقسوه دي
فارس بهتمام : ماما ماقلتيليش مالها غاليه وليه مش عاوزه تطلع اوضتها وتكلمني ؟
سندس : ماتقدرش تطلع لحد ما ترتب البيت
فارس : ليه ماعندهمش شغاله ؟
سندس بقهره : عندهم بدال الواحده اربعه بس مايمنعش تكون غاليه خامستهم
ندى كشرت : لا وانتي الصادقه قولي تريح الاربعه وتشغلها لوحدها
فارس مذهول : معقول فيه ام بالقسوه دي؟
سندس: مرات عمك عمر الحنان ماكان من صفاتها .. سبونا من سيرتها وقولي ايه رايك في طبيخ غاليه
فارس : والله ماكنت مصدق انه طبيخها الا لما قالتلي ندى
سندس :غاليه كامله والكمال لله وحده
فارس : عرفت سر جدي وليه بيحبها كل الحب الكبير ده
سندس بخوف : هاه
فارس : بقولك عرفت ليه جدي بيحبها الحب ده كله علشان تشبه امه
سندس برتباك :هاه .. اه بابا بيقول تشبه امه الله يرحمها
اخدت ندى الاكل وراحت للمطبخ
فارس اول ماشاف ندى قامت قرب من امه : عاوزه الحق انا مكنتش مفكرها جميله كدا واول ما شافت عيوني استغـ...
ندى : اسسسسستووووب وتعمل حركات تغيظ وترجع لهم
فارس : خير مالك؟
ندى : رادار وداني سمع كلمات غزل ولازم ادوس فرامل
فارس ضرب كف بالتاني : الحمدلله والشكر دي هربانه منها يا ماما
سندس : كتر من الحمدلله يابني بلاء وبلاني ربنا بيه
ندى : مهما تقوله انا هستلوح وهستبرد يله اخلص واتغزل في بنت خالي كلي اذان صاغيه عقبالي لما اسمع جوزي بيتغزل فيا
سندس :لما اموت ابقي اتجوزي قبلها افضلي احلمي
فارس : ههههههههههههه دايما تعجبيني يا ماما
ندى : انت حعلق على ضحكتك لاحقآ (لفت لـامها ) مامتي حرام عليك تخيريني بين امرين احلاهم مر
سندس بصدمه : ده بدال ماتقوليلي انتي عندي اهم من العريس والدنيا
ندى : ماما هو حضرتك ماسمعتيش بالمثل اللي بيقول قطع الاعناق والا قطع الارزاق وبعدين مالكم قلبتو عليا قومو خلونا نحتفل بالمناسبه السعيده
فارس بعدم فهم : نحتفل ازاي يا نبع المفهوميه ؟؟
ندى : يعني ناخد كام لفه بالعربيه ونعمل حركات خمسات وسبعات واو
فارس بصلها بقرفه :ماما انتي متأكده انها بنت؟
سندس : ماحطهاش بنت بذمتي يابني احنا قالو لنا فالمستشفى مبروك جالكم بنت وابوها اعتمد على كلام المستشفى وسماها
ندى : ياويل قلبي والله لعنس طالما ده كلامكم عني
سندس بغل مضحك: فارس انا محروقه وناري ما بردتش
فارس ببتسامه شريره: امرك يا ست الكل
حاولت ندى تهرب منه بس فارس كان اسرع منها مسكها وكتفها وفضل يضرب فيها بهزار وهي بكل قوتها تحاول تخلص
نفسها منه وتردله الضربه لكن هيهات واستمرو حتى انهت سندس الجوله بنتصار فارس وكانها في مصارعه حره
********غاليه*********
في بيت عائله غاليه
خلصت شغلها وطلعت اوضتها وجسمها كله مفيش فيه حته الا وتألمها اخدت شور ولبست وصلت ركعتين
اول ماأأعدت على سريرها مسكت الموبيل متردده تتصل او لأ محروجه من نفسها ومن ضعفها قدامه اتشجعت بالاخير واتصلت بيه
فارس رد : اهلا يا غاليه
غاليه : اهلابيك
فارس بصوت رخيم : عامله ايه دلوقت مش احسن؟
غاليه بخجل : الحمدلله ..فارس
فارس بدون مايحس بنفسه : عيونه
غاليه وشها احمر من حنانه ورقته فسكتت
فارس : ههههههه طيب خلاص نسحبها ها اتكلمي
غاليه بتردد : انا اسفه على اللي حصل اليوم
فارس بستفهام : هو ايه الي حصل ؟؟
غاليه : ........
فارس : علشان بكيتي .. مش عيب ياغاليه ان الشخص يعبر عن مشاعره وحزنه انا مش عاوز اناقشك باللي حصل علشان ماتنزلش دموعك من تاني لكن اتأكدي اني حكون دايما معاك وماهسسمح لاي شخص انه يزعلك بكلمه
غاليه وهي بتجاهد بكل قوتها انها ماتضعف وتنزل دموعها : ربنا ما يحرمني منك
فارس : ولا منك ... غاليه انت عارفه اتفقنا يومين وهاخدك ونسافر
غاليه : ايوه عارفه
فارس: عندي اقتراح بس مش عارف هتوافقي عليه او لا
غاليه بهتمام : اللي هو ؟
فارس بتردد : اخدك بكره العصر ونقعد في بيتنا يومين وبعدها نسافر
غاليه حست بخوف اه لو راحت معاه هترتاح من العذاب اللي هي فيه بس لسه مش حاسه انها مستعده كل شئ حصل بسرعه
غاليه بتردد : فارس هتزعل مني لو قلت لك خليها على الاقل كمان يومين
فارس ابتسم : ليه ازعل ؟؟ بالعكس من حقك انا عارف ان كل حاجه حصلت بسرعه بس اوعدك ماتندميش وخلاص ياقمر يومين يومين
غاليه بخجل : شكرا يا فارس
واستمرت مكالمتهم لحد الفجر اغلب الوقت كان بيحكيلها عن حياته ماكانش عاوزها تتكلم عن نفسها لان اللي اعرفه اليوم ان حياتها كانت كلها معاناه ومش حابب يفتح عليها جروح هي في غنى عنها
(وفي غرفة غاده على الفجر كانت مجهزه اخر شنطه لانها مقدره ان اختها ماعندهاش لبس ينفع ومفيش وقت تروح تشتري لها فتحت دولابها من حسن حظها انها وغاده نفس المقاس بس الاختلاف بالطول طلعت كل لبسها من برمودات
او وفساتين طويله وقصيره وجزم وشنط واكسسوارات ولان غاده هوايتها التسوق كان اغلب لبسها جديد مااستخدمتهمش كان باقي عليها شنطة المكياج جهزتها وصلت ونامت)
....................
يوم جديد
في بيت عائله غاليه
غاده جهزت نفسها وخرجت تتسوق ... في المحلات
(اخدت غاده مجموعة بناطيل وكام بالطو طويل وايشاربات ملونه لانها عارفه غاليه ملتزمه بالحجاب واللبس الطويل
عكسهم فاخدت فستاتين سهره طويله شيك وفساتين عاديه قصيره تلبسهم في البيت وفضلت عليها المهمه الاصعب وهي الملابس الداخليه لان ستايلها بناتي والحاجات دي مش هتنفع غاليه حاليا)
................................. اما غاليه قايمه من الساعه 9 على صريخ امها وهي تفر في البيت بدون اي راحه او رحمه ده غير الكلام اللي يسم البدن اللي تفضل تسمعه من امها كل لحظه
قربت مي منهم
مي بوشوشه :ماما ممكن نطلع اوضتي حقولك على موضوع بس مش عاوزه حد يسمعني
جيهان : فيه حاجه مزعلاكي ياقلبي
مى بضيقه : لا يا ماما بس محتاجه اقولك على حكايه حارمتني طعم النوم
قامت جيهان مع بنتها لما شافت الضيقه علي ملامح وشها وراحو لغرفة فاضيه تبث خطتها القذره الشريره
جيهان بعد ما سمعت ردت بنرفزه : اكيد انتي اتهبلتي
مى : لا لان دي الحقيقه وانا ماكنتش عاوزه اقول لك لكن الموضوع تعبني حرمني من طعم النوم لدرجة اني اتصلت على شيخ استشيره وقالي لازم تتصرفي بسرعه او تقولي لحد اكبر منك يتصرف
جيهان بصدمه مجنونه: لا مش قادره اصدق
مى : لا صدقي ولو عاوزه اثبات انا حثبت لك
جيهان : شوفي يامى ان طلع الموضوع مش بجد والله العظيم لا اقتلك واشرب من دمك
مي بأصرار : لا انا صادقه ومش بتبلي على حد
خرجت جيهان من غرفه مي ونزلت لتحت وكل ما شافت غاليه تسمعها كلام يفتت الصخر من قسوته وغاليه مش عارفه ايه لزمته لحد ما حصل!!!!!!!!!!!!!!