رواية غاليه☆☆
الفصل العاشر
بقلم منه محمد
الجد بعصبيه : بقولك نزلني لا اقطع الحزام على ظهرك
غاليه : فارس بلاش وقاحه ونزل جدي
فارس ابتسم ونزل جده على الكرسي : والله وعندك محاميه مايستهان بيها
الجد : احمد ربك لولا المحاميه موجوده كنت قطعت الحزام علي جسمك
فارس بعد ماظبط هدوم جده : انا تحت امرك .. ودلوقت انا طالع البس قبل ما يوصلوا الضيوف!
خلص كلامه ومسك ايد غاليه واخدها معاه فوق
غاليه بعصبيه : ممكن تسيب ايدي ولا حضرتك عيل صغير وعاوزني البسك
فارس ابتسم برخامه: لا اطمني بعرف اللبس نفسي بس ممكن اعرف ليه قلتي عليا وقح
غاليه : اسأل نفسك امال تسمي ايه تصرفك مع جدي
فارس : ايوه ايه التصرف الوقح اللي عملته مع جدي غير اني طلعته من الاوضه وأأعدته في الصالون
غاليه : كنت تقدر تاخده بالكرسي المتحرك ومالوش داعي تشيله ولا بس حابب ترفع
ضغطه وتستعرض قوتك!!!!!!
فارس بحتقار : الله يعينك على تفكيرك اولآ مش محتاج استعرض قوتي وخصوصآ مع جدي
وثانيآ انا ااعدته في الصالون عاوزهم لما يجوا يشوفوه بكامل قوته زي ماكان على طول مش عاوزهم يبصوله بشفقه او شماته... ولو تصرفي رفع ضغط جدي عندي اهون من انهم يشوفوا ضعفه بعد قوته
خلص كلامه ودخل الجناح .. وقفت غاليه مكانها تفكر بالكلام اللي قاله فارس فعلا معاه حق
لامت نفسها: الله يعيني على تفكيري الغبي كل همه كان بجدي وبنظرتهم له وانا اللي على بالي بس انه بيستهبل وعمال يستعرض قوته
*************غاليه*******
بعد نص ساعه في الصالون
الجد : فين كريم ياخالد مجاش ليه؟؟!!
حامد بقرفه: عاوز منه ايه
الجد حط دقنه تحت عكازه: اظن انا سألت خالد ماسألتكش انت
خالد : عنده شغل بس يخلصه ويجي ان شاء الله
ابراهيم بحده : مش عاوز اشوف وشه والله لو شفته لدبحه
الجد بصوت غليظ :لما يبقي البيت بيتك تتشرط مين يدخله ومين مايدخلهوش
حامد : مالك ياحاج من اول ما جينا انا وابراهيم وانت داخل حامي علينا
الجد همشه: خالد اتصل بكريم قوله اني منتظره بعد المغرب ولازم يجي
خالد : حاضر يا جدي حالا اتصل بيه واقوله
حامد بزعل : يعني انا بكلمك وتهمشني وتكلم خالد وبعدين ايه سر الاهتمام بكريم حتى طارق ماجاش ليه ماسألتش عنه؟؟؟
الجد بتكشيره : لانه مش محتاج اسأل عن طارق عندي النسخه التانيه منه
فارس حاول يمسك ضحكته لانه عارف قصد جده رد: جدي هيثم جه ادخله هنا والا نطلعله برا في الجنينه
الجد : لا روحو له انا هسلم على البنات قول لـ سندس تناديهم
فارس : حاضر..عمي حامد عمي ابراهيم خلونا نروح للجنينه
راحو كلهم على الجنينه وفارس نادى غاليه وقالها تنادي البنات جده عاوز يسلم عليهم
.......
في الجنينه بعد ماسلمو على هيثم
ابراهيم : شايف يعني القاهره حليت في عنيك الاول كنت مستقر بلندن
هيثم : اكتفيت من الغربه وقلت اجي امسك شركتنا اللي هنا واريح فارس كفايه عليه شركته هو وجده
ابراهيم : طيب ابوك ليه سجلها شراكه بينك وبين فارس
هيثم : الشركه لجدي الله يرحمه ومن بعده استلمها ابويا وفارس بعد ما اخد نصيب امه منها
ابراهيم : ايوه بس على كلام ابويا ان نص شركته لفارس لان ابوك الله يرحمه عطاه ورث اخته يستثمره لفارس
هيثم شويه ويضربه فتحله تحقيق لكن رد
: بابا فعلا عطي جدي عبد الرحمن والد حضرتك جزء من نصيب ام فارس من ورث ابوها ونصيبها من الشركه فضل زي ما هو وقبل ما يموت سجله بأسم فارس
حامد : وانت ماعارضتش ان فارس يشاركك في مال ابوك
هيثم عقد حواجبه : وليه اعارض فارس ماخدش الا نصيبه
ابراهيم بقهر : والله اللي شايفه ماحد استفاد غيره اخد نص ثروه ابونا ونص ثروه ابوك
هيثم بحده في الكلام : فارس مخدتش غير ورثه من امه وابوه ولو واحد غيره ما كان رضي يشتغل فالشركه ويتحمل التعب كله بدون مايكون له جزء من الارباح مقابل شغله
حامد: كلنا بنشتغل ونتعب فيها بدون مانطلب حاجه
هيثم بثقه: بس الي اعرفه ان ليك شركتك الخاصه وهي اللي بتشتغل فيها ومع كدا بتاخد ارباح من شركة عمى عبد الرحمن
ابراهيم : والله ما عارف عملكم ايه الكل عمال يدافع عنه
هيثم: مابندافعش عنه بس بنقول الحق
حامد: وناوي تسكن فين؟؟
هيثم : بيت جدي مازال موجود ومن شهرين كلفت شركه بتجديده وترميمه وان شاء الله كلها كام يوم ويكون جاهز
ابراهيم : ومش ناوي بقي تتجوز؟؟
هيثم بمكر : لا ناوي وعن قريب بس الاول الاقي القبول
حامد: ومين المهبول اللي يرفضك مشاء الله شباب وفلوس وشياكه وابن ناس
هيثم : علي كدا اتقدم ياعمي ابراهيم وانا متطمن
ابراهيم بستغراب : وليه ناوي تخطب مين؟؟؟
هيثم : والله المفروض اقول الكلام ده وانا في بيتكم بس طالما فتحنا السيره والبيت بيت والدك فأنا يشرفني اطلب القرب منك
حامد بقهر من اخوه اللي اغنى اتنين عرفهم كلهم اتزوجو بناته فرد بقهر : بس مي انا عاوزها لـ ابني طارق او خالد واظن عيال عمها احق
هيثم : ربنا يتمم لهم على خير بس انا طالب ايد الانسه غاده .. ها قلت ايه يا عمي
ابراهيم لو كان فيه عيد ثالث كان بالنسبه له بيكون اليوم وانقهر من اخوه اللي كان ناوي يبوظ عليه الغنيمه ورد بنبساط : اقول ايه بس يا بني غير اللي قاله اخويا مين المهبول اللي يرفضك وانت مشاء الله
هيثم : الله يبارك فيك ياعمي بس امتى اعرف الرد
ابراهيم : اظن ردي وصلك
هيثم هز دماغه : اقصد امتى بتشاور انسه غاده وترد عليا
ابراهيم بحزم: الكلمه كلمتي وطالما انا موافق خلاص تعال عندي في البيت ونتفق علي كل حاجه
هيثم ببتسامة خبث لان ده اللي كان يتمناه يعرف لو شاورها بترفض : ان كدا اظن ماعندكش بكره شغل فاسمحلنا نتشرف بزيارتك
ابراهيم ابتسامته حطول السما : اهلا بيك البيت بيتك
كان حامد قاعد يسمع وهو ساكت وقهر الدنيا كله فيه غاليه اتجوزت فارس المغوار وغاده هتتجوز هيثم طيب وبناته محدش خطبهم ليه حتي لو اتخطبوا محدش هيخطبهم احسن من فارس او هيثم
***************غاليه**************
تحت في الهول
منال بهمس : شوفي العجوز الخرفان عمال يضحك معاهم وانا وانتي ما عاوز يبص في وشنا
مى بقهر : والله حاجه تقهر بس الحق مش عليه الحق علينا اللي جاينا نسلم عليه ونعبره
منال بنفس الهمس : لا ياماما ولا همني وماجيتش غير علشان انفذ الي في دماغي
مي : ماتقوليلي ازاي ننفذ اللي قلتيه والزفته غاده غير ما عينها علينا بحسها شاكه فينا
منال : لاحظت ربنا ياخدها وصدقيني ده انسب وقت طالما ملهين مع جدك الخرفان
قاطعهم صوت سندس : بنات يله اهلكم ماشين
منال بصدمه : ماشين فين ما لسه بدري
سندس : والله معرفش بس اللي اعرفه انهم منتظرنكم
منال برجاء : عمتي من فضلك قولي لهم لسه بدري او هفضل انا وبعدين ارجع انا ومى مع بعض
سندس : على راحتك مش عاوزه تمشي تروحي كدا وتقولهم
قامو البنات يجهزو الا منال ومى صممو يفضلوا
منال : ماما خلينا شوي وبعدين نرجع مع السواق
حنان امها :براحتك يله يارانيا ولا هتفضلي انتي كمان
رانيا : لا انا هروح معاكم
منال بصت لجيهان: طنط لو سمحتي خالي مى تفضل معايا وبعدين انا اوصلها
جيهان : اللي يريحك يامي بس ماتتأخروش وانتي ياغاده؟؟
غاده كان عندها احساس ان قعدتهم مش لله وانهم ناوين يعملو كارثه : لا انا هفضل معاهم وارجع معاهم
مشوا كلهم ماعدا منال ومى يبصلو لغاده بحقد وخوف انها تكون شاكه فيهم
غاليه : تعالو نقعد فوق براحتنا اكيد فارس هيدخل طالما هيثم روح
غاده : يكون افضل
جيهان وهي راجعه لهم : غاده يله قومي جهزي نفسك ابوكي رفض انك تقعدي
غاده : وليه رفض اني افضل اشمعني سمح لمي
جيهان : قال عاوزك في موضوع بسرعه يله قبل مايتعصب
راحت غاده مع امها بقهر وهي خايفه على غاليه منهم وفضلت تفكر ياتري ايه هو الموضوع اللي ابوها عاوزها علشانه
منال بخبث : غاليه روحي شوفي جدي قبل مانطلع فوق ليكون محتاج حاجه
غاليه بطيبه وحسنه نيه : معاك حق ارتاحو دقايق وجايه او اطلعو فوق البيت بيتكم
منال بعد مامشت غاليه : يله بسرعه قبل ماتيجي
مى : والله ما عارفالك هتوصلينا لفين بخططك دي يله امري لله مشينا
راحو لغرفه قريبه من المدخل ووقفت منال تراقب من الشباك علشان تشوف امتى هيدخل فارس وتبدء في تنفيذ خطتها
***************غاليه*********
في عربيه حامد
حنان : ممكن تقولي ليه متعصب وعمال تزعقلنا
حامد : بعذري اتعصب منك انتي وبناتك
حنان : ايوه ايه ذنبنا اذا فارس وهيثم خطبو بناته احنا بأيدينا ايه نعمله
رانيا بقهره: ربنا يهنيهم ويسعدهم ده اللي المفروض نقوله
حامد اتشنج : كلي زفت مش عاوز اسمع صوتك قال الله يهنيهم قال.. ربنا لايهنيهم
رانيا بقهر : ليه كنت عاوزنا نستعرض قدامهم علشان يخطبونا ولا نترجاهم
حامد بعصبيه : والله ان ماسكتي لا انزلك وادوسك بالعربيه ياحيوانه
سكتت رانيا وهي تغلي من القهر عمرها ماكانت حسوده وبتكره الحسد وربنا بلاها بأخت وام واب مايرضيهمش غير اللي في ايدين غيرهم
**********غاليه******
منال لما شافت فارس جاي يدخل : يله جاي بسرعه زي ماوصيتك وخالي صوتك عالي
جريت أأعدت على الكرسي وحطت ايديها على وشها ومثلت بُحرفيه انها بتبكي
مى : ممكن اعرف ليه بتعيطي!!؟؟
انتبه فارس ان فيه حد وكان ناوي يدخل عادي بس وقفه كلام منال
منال بعياط تماسيح : جدي جدي يامى ماشفتيش ازاي بيعاملنا ..مستعده ادفع كل عمري بس يغير معاملته معايا
مي : مش بس معاك مع الكل وبعدين طالما مابيحبناش ليه نفرض نفسنا عليه
منال : مقدرش الومه على معاملته دي كلها من ابويا وابوكي
مى : وليه ماتقوليش ان فارس هو السبب بكره جدي لينا
منال : لا فارس مالهوش اي ذنب قولي طمع ابويا وابوكي وطمعهم هو اللي كره جدي فيهم وفينا وبلاش تلومي جدي على حبه لــ فارس لان مافيش حد اهتم بجدي طول مرضه اكتر من فارس نفسه
مى : شيفاكي كدا قلبتي علينا علشان فارس؟
منال : انا بقول كلمة الحق اللي كلنا بنكرها بابا وعمي عمرهم ماحبو غير الفلوس وكرهو فارس لانه اخد نصيبه مع ان المفروض يحبوه ويعوضوه عن فقدان ابوه
اكتفى فارس باللي سمعه رجع لوري وهو مش مصدق ان عمه حامد عنده الجوهره دي توقع ان كل عياله زيه واكبر مثال طارق لكن اللي اكتشفه ان عنده بنت تتوزن بالذهب وتقول كلمة الحق لو حتي كانت الكلمه ضد ابوها
اتصل بسندس علشان توسعله السكه يروح لجده ماحبش يدخل ويحرجها انه سمع كلامها اللي قالته
مى بهمس : اعتقد انه مشي ودلوقت ممكن تقوليلي استفدتي ايه من التمثليه دي
منال : تفتكري سمع اللي قلته
مى : اكيد سمع ده اذا البيت كله ماسمعش كلامك
منال : ياغبيه لازم ابين لفارس ان انا ضد الكل وغير طبع اهلي علشان يعجب بيا وبعدين لكل
حادث حديث
مى : طيب اسكتي حاسه ان فيه حد جاي
سندس قربت عليهم : يابنات خير ايه الي مقعدكم هنا فارس عاوز يدخل .. (ولما انتبهت لمنال) منال مالك ليه وشك كدا كنتي بتعيطي؟؟
منال بحزن : لا عمتو مبعيطش وبعدين عن اذنك ان كنت ماشيه وهوصل مي في سكتي سلميلي على جدي واعتذري لغاليه بالنيابه عني
اخدت شنطتها ومشت هي ومي
غاليه جايه بستغراب : عمتي راحو فين البنات؟
سندس: والله ماعارفه مالهم دخلت عليهم في الصالون كانت منال بتعيط ولما سالتها مالك قالتلي مافيش حاجه سلمي على جدي واعتذري لغاليه بالنيابه عني ومشت هي ومى
غاليه عقدت حواجبها : وليه بتعيط ماعرفتيش
فارس : يمكن بعض الناس مااستقبلوهمش كويس
سندس بخضه : بسم الله من امتى وانت هنا
فارس : لسه داخل الا فينه جدي
سندس: في اوضته و ندى معاه
فارس :يادي النيله اكيد الممرض الضخم عنده وبنتك هتغلس عليه يعني ياماما ماتعرفيش بنتك وجننها!!
سندس ضربت جبينها: يوووو تصدق نسيت .. اقوم الحقها لاتعملنا فضيحه
غاليه : هههههههههههههههههههههههههه عمللكم رعب المفعوصه دي
فارس: الله جميله ضحكتك اوي
غاليه اتحرجت وغيرت الموضوع: بس تقصد ايه بكلامك ان بعض الناس مستقبلوهمش كويس
فارس رفع كتافه لفوق : معرفش بس بقول يمكن جدي ماستقبلهاش كويس وهي اتحسست من الموضوع
غاليه : علمي علمك لاني ماكنتش معاهم كنت بجهز اوضه لطنط فاطمه
فارس:غاليه مش هوصيك عليها دي غاليه عندي ما شفتش منها غير كل خير
غاليه : ماتوصينيش عليها دي زي امي .. فارس
فارس : ياعيونه
غاليه بحرج : انا اسفه على اللي حصل النهارده الصبح سامحني على تفكيري الغلط فيك
فارس كان ناسي وقال طالما هي فاكره حب يستغل الموقف : جرحتيني بكلامك والله ماتوقعت ان تفكيرك فيا يكون سئ كدا
غاليه بندم : مش بلومك لما فهمت منك ليه عملت كدا بس والله العظيم استصغرت نفسي وتفكيري... فارس ارجوك سامحني
فارس بخبث : مستعد اسامحك وانسى كل اللي حصل بس بـ بوسه منك
غاليه بخجل : لااااااااااااا
فارس كشر : اظن ماطلبتش حاجه دي كلها بوسه صغيره على خدي مش هتنقص منك حته
غاليه :برضو لااااااا
فارس بقمصه : كدا روحي الله لايسامحك بقي انتي انسانه بتخافي ربنا واظن عارفه اني جوزك جنتك ونارك واذا ضميرك يسمحلك براحتك اللهم بلغت
غاليه بصدمه : فارس ارجوك بلاش تقول كدا واطلب اي حاجه تانيه انفذها حالا
فارس : اختاري يابوسه يا احضنك عشر دقايق (وبخبث) واذا الاتنين كلهم ماعنديش مانع انتي كريمه وانا استاهل
غاليه بصوت عالي:انا ليه حاسه انك بتستغل اعتذاري
فارس بهمس:ليه بتزعقي منا واقف قدامك
ويله اختاري بوسه ولا ضمه
ندى تغني بنشاز : اني خيرتكي فختاري مابين الموت على صدري او فوقا دفاتر اشعاري .. ياختي بوسيه لايطق فيه عرق ولا اقولك خليني انا ابوسه عنك
فارس بقهر : جات هادمة اللذات انتي فعلا تشلي
ندي بمزحه: ما تبعني وتشتري ارنب بس الارنب مش هيبوسك
غاليه كانت ميته من الخجل وتتمنى لو تدفن ندى مكانها
فارس: حسبي الله عليك من بنت
ندى حطت ايدها علي كتفه: شوف من مصلحتك ماتدعيش عليا لرفض ابوسك
فارس بأستهزاء زق ايدها: لا متهدديش بوسيني لا اموت .. (وزعق) اختفي اصلآ لو بوستيني حقطع خدي وارميه للكلاب
ندى : فعلا ناس ترفس النعمه وناس تتمناها لما اروح ادورلي علي الممرض الضخم اواسيه بكام كلمه وبوسه واطرد عنه شبح الغربه
غاليه ضحكت جامد
فارس بيحب يتأمل في ابتسامتها الشقية...عيونها الضيقه اللمعه رد : تصدقي ياندى كل ليله قبل ما انام بفكر بخطه ازاي ادبحك بس مين هيضحك قمري ده ،اقوم استغفر ربنا واطرد الشيطان واغير رائي
ندى : يعني موافق ابوسك؟
غاليه: نصيحه متغيرش رائيك وادبحها على مااروح اشوف طنط فاطمه
طلعت غاليه فوق وسابتهم
ندى : تصدق مراتك فيها عرق نداله مش علي حد ياجدع ده انا صديقتها وحفرة اسرارها
فارس بصلها بقرف : كانت خلفه سوده ياعمتي الناس تقول بئر اسراري وانتي تقولي حفره
ندى : حقك اضحك بس عارف العيب عليا كان نفسي اخليها تبوسك قبل ما تموت علينا
فارس : سيبك بقي من الهزار وتعالي معايا للجنيه طالما طلعتي حفرة اسرارها
ندي بعدت ايده بقوة وزعقت: اوعي سبني !
فارس مثل بعصبيه: يله قدامي؟ ومش عاوز صوتك يطلع فاهمه
ندي: انا حره صوتي يعلي براحته اقول ولا مقولش انا حره
فارس مره واحده مسكها بعنف وزقها برا للجنينه
ندي :عااااااااااااااا ياهووووووو الحقوني هيدبحني ...الحقوني حشوني يا اهل الداااار
فارس اتخض وحط ايده يضغط علي بؤها وندي بتحاول تعضه واخيرأأ قدرت تعض ايده فارس شال ايده بسرعه وشكلها وجعته
.. ندي طلعت تجري زي المجنونه كأنها لقت الفرج
فارس طفح بيه الكيل وجري وراها بسرعه البرق ومسكها من قفاها
ابتسم بستهزاء: فعلا نويت اقتلك !! زهقتيني من حياتي غلسه وحشريه وهمجيه وفوق ده كله طلعتي عضاضه ايه جن مصور بس خلاص حالا اخلص من شرك ....وطلع كل مواهبه فيها بهزار بس تقيل شويات
************************غاليه******
.... لاااااااااا يعني لااااااااااااااا لو اموت مش هتجوزه
ابراهيم : هتتجوزيه ورجلك فوق رقبتك سامعه
غاده بصريخ : والله ماهتجوزه لو وصلت اني اقتل نفسي انا مش غاليه المسكينه اللي تنفذ كل اللي عاوزينه ....انا غاده ومن هنا ورايح مش هسكتلكم ايه عاوزين تمشوني علي كيفكم
ابراهيم بزعيق : والله شوفي والله لو ما تجوزتهوش ولو سمعت حرف واحد انا اللي هكون دبحك
غاده بتهديد : حاول تجبرني وشوف انا هعمل ايه والله لا اخليكم تتمنوا انكم تقتلوني ولا تغصبوني على الجواز
ابراهيم هجم عليها وسحبها من شعرها واخدها لغرفته : ان ماعلمتك الادب يا قادره وجواز هتتجوزيه غصب
دخلها غرفتها ورماها على الارض وطلع وقفل الباب عليها بعد ما اخد موبيلها وقطع سلك التلفون اللي في غرفتها
ابراهيم بصراخ : الحيوانه دي لو حد فتح لها الباب هقتله غاده هتخرج من هنا علي بيت جوزها
جيهان : يعني مش كفايه ابني الي طردته ومعرفش فينه ناوي تقتل بنتك يااخي عنها ما اتجوزت
ابراهيم مسكها بعنف: ابنك لو جبتي سيرته ولا ذكرتي اسمه هطربق البيت فوق نفوخك وبدال ما تقوليلي الكلام الخايب ده روحي عقلي بنتك الي لو لفت الدنيا كلها مش هتلاقيه شخص احسن من هيثم زوج ليها
جيهان بهجوم: فيه ايه زياده غير فلوسه
ابراهيم: اديكي قلتيها فلوسه اللي هتعيش بنتك ملكه لما فارس اتجوز غاليه زعلتي وكنتي طمعانه في فلوسه لبناتك واهو جه الي زي فارس واحسن يعني اسكتي واحمدي ربنا وعقلي بنتك
طلع موبيله واتصل بهيثم
هيثم : الو
ابراهيم : اهلا يا هيثم الظاهر ماعرفتنيش
هيثم :سوري الصوت مش غريب عليا بس برضو ماعرفتكش
ابراهيم : انا عمك ابراهيم الظاهر ماسجلتش رقمي لما عطتهولك
هيثم : اهلا يا عمي اعذرني نسيت اسجله
ابراهيم : عذرك معاك يابني بس لتكون مشغول
هيثم : لا ابدأأ أأمرني
ابراهيم : الامر لله بس كنت بقول طالما جاي بكره جيب المأذون معاك علشان تتفقوا على
كل حاجه براحتكم لاني احتمال بعد بكره اسافر لفتره طويله وخير البر عاجله
هيثم الي استغرب السربعه دي بس مش مهم ده هو المطلوب : ان شاء الله ياعمي انت تأمر تروح وترجع بالسلامه ان شاء الله
ابراهيم: خلاص منتظرك بكره بعد العصر واعذرني مش هقدر اعمل حفله ولا فرح الوقت صعب بالظروف اللي فيها الوالد
هيثم بخبث : معاك حق مقدرش الومك وحتى انا افضل مايكونش فيها احتفال ولا حاجه
جيهان بنهيار: ياشيخ اتقي ربنا في بنتك الولد هيقول علينا ايه بس ليه مستعجلين يخلصو من بنتهم ولا ما صدقوا اني اتقدمت لها
ابراهيم بعدم اهتمام : خاليه يقول اللي يقوله اهم حاجه تبقي مراته قبل ما تجبلنا مصيبه ماعنديش استعداد افرط فعريس زيه لو شفتي اخويا حامد وشه قلب ازاي لما قال هيثم انه هيتجوز حسيته شويه و بيموت حتى حاول
يعترض ويقول ان مى هياخدها لواحد من ولاده بس هيثم قال عاوز غاده ومسبلوش حجه ولو عليه كان جوزه بنته
************غاليه*******
ندى : يله اتكلم مفيش حاجه تصدك الماء والخضره(وشاروت علي وشها) والوجه الحسن
فارس بشمئزاز : اتكلم فين نفسي موعت
ندى : وااااااااااااااااااااااااااااااو هبقي عمه ههههئ
فارس بستغراب : غاليه وابصم لك بالمليون انها مش حامل غير لو ماجد متجوز في السر وانتي عارفه دي حاجه تانيه
ندى : لا بس انتي مش بتقول نفسك غمه اكيد حامل
فارس شد شعرها : ربنا يعوض عليك يا ماما سندس انا قاعد معاك ليه غوري من قدامي وماتحلميش بالعريس طول ما انا عايش
ندى : لا لا خلاص التوبه كلي اذان صاغيه ..امر .. قول .ادلع ..غرد ..اطربني
فارس : ايوه كدا خليك عاقله واسمعيني ..غاليه زعلانه مني ومشعارف ازاي اراضيها يعني اجيب لها هديه بس مش عارف ايه ممكن يعجبها
ندى : ههههههههههههههههههههههههه بتراضي غاليه بهديه .. فارس حبيبي غاليه مش زي مابتظن بترضى بطقم
ولا بسفريه والا باي حاجه ماديه حتى لو كتبت كل ثروتك بأسمها
فارس بحيره :امال ازاي اراضيها
ندى : غاليه تبيع لك عمرها قصاد كلمه حلوه منك وبحنانك تقدر تكسب قلبها
فارس كشر : طيب ما ده الي عملته ومازالت زعلانه
ندى : فارس انا معرفش ايه الي بينكم لكن غاليه ماتعرفش تزعل ولا تحقد ممكن انت جرحتها واللي هي فيه خوف من انها تسلمك قلبها وتجرحها مره تانيه
فارس : تصدقي احيانا بحس انك ذكيه
ندى : تصدق بحس بضيقه واكتئاب لما اكون عاقله
فارس بص لندي الي واقفه وعطيه حمام السباحه ظهرها
وبخبث : ندى فاكره مقاطعتك لينا قبل شوي
ندى : هههههههههههههههههههه اه قصدك لما خربت عليك البوسه ولا يهمـ...
لااااااااااااااااااااااااااااا كانت اخر كلمه قالتها ندى قبل مايدفعها في الحمام .. وقف يبصلها وهي
تتخبط في الميه ولما شافها بدئت تستعيد توازنها وبتحاول تطلع سابها وراح للبيت
اول مادخل اتفاجاء بوجود كريم وافتكر ان جده طلب انه يجيله بعد المغرب انتبه على نظرات الرجاء بعيون عمته ابتسم وقرب من كريم وسلم عليه
كريم : اعذرني يافارس اني جيت في الوقت ده بس ..
فارس يقاطعه : البيت بيتك ياكريم وتنور في اي وقت
كريم : الله يكرمك هــ...
قطع كلامهم صريخ ندى
كانت داخله زي الاعصار بملابس مبلوله ولازقه على جسمها والكحل سايح وعامل خريطه في وشها: شوفي ابنك ده هقتله يعني هقتله وخليكم كلكم شاهديـ.. (وبصدمه لما شافت كريم) لااااااااااااااا
انتبه كريم للموقف ونزل راسه للارض ومستغرب من حظه المنحوس ثلاث مرات يشوفها ولافيهم ولامره شكلها كان يسر
اما ندى اتجمدت مكانها من الصدمه وسندس وغاليه سحبوها وهي بتتحرك معاهم زي
الراجل الالي
سندس : مين عمل فيك كدا طفله تعومي بهدومك
ندى بصدمه : التالته ثابته
غاليه : ندى ايه التالته ؟
فارس بغضب : ماعندكيش عقل انتي مابتفكريش ان ممكن يكون فيه حد جاي مدهوله علي طول
ندى بحقد : انت تسكت لا اقتلك بالساطور
سندس : فارس مش وقت التحقيق وخليني اعرف مين الي عمل فيها كدا؟؟
فارس بخبث : كنت بتمشي معاها واتزحلقت رجليها ووقعت في الحمام
ندى بصريخ : كذاب هو اللي زقني (وبصوت خنقته الدموع) ياماميتو الثالثه ثابته
سندس : ليه كدا بس يافارس
غاليه: ربنا يهديك يافارس راميها في الحمام في الطل ده مش خايف يجلها برد
بعيد الشر عليها
فارس : دي عفريته والبرد لو دخل فيها يلعن انه اتخلق
ندى : منك لله ..نولوني مرايا
سندس مصمصت شفايفها شمال ويمين : ياحسرتي على بنتي .. عاوزه منها ايه
غاليه : انا هطلع اجيب لها من هدومي وانت يافارس روح اقعد مع جدي وكريم
فارس بخبث : ماينفعش اطلع معاك
ندى : ضيعت مستقبلي وواقف تعاكس مراتك قدامي
فارس مسك ايد غاليه : اسم الله علي المستقبل ..(وهو بياخد غاليه معاه برا الغرفه) يله ياعمري نمشي خايف ماتناميش من الخوف لما تشوفي الاشكال الضاله دي
ندى بحزن : ماما دي ثالث مره بس اتوقع منظري المره افضل من اللي فاتوا صح
سندس : شفتي وشك يا حظي
ندى : لا
سندس : طيب لما تشوفيه ابقي احكمي
*******************غاليه************
الساعه 12 في جناح غاليه وفارس
غاليه : فارس نمت
فارس : لا مانمتش ليه؟
غاليه: فارس سامحني
فارس (ياربي حرفيا البنت دي بتعذبني على كل اللي عملته فيها تعتذر على كلمه عاديه): قلت مش هسامحك الا بـ بوسه او ضمه
غاليه بحرج : فارس يهون عليك الملائكه تلعني لحد الصبح
فارس بستغراب : وليه تلعنك؟
غاليه : معرفش بس سمعت انه اذا المراءه نامت وجوزها غضبان عليها تلعنها الملائكه حتى تصبح
فارس : طالما عارفه ليه ماتراضيني
غاليه: يعني مش هتسامحني
فارس :ابدا
قربت منه وهي تتمنى لو قطعت لسانها هو الي ورطها وطبعت على خده اسرع بوسه ورجعت مكانها
فارس : ههههههههههههه بتسمي دي بوسه
غاليه بأحراج :مافيش غيرها
فارس : ربنا يصبرني ياستي راضي اي حاجه تيجي منك حلوه
غاليه: يعني سامحتني انام وانا مرتاحه
فارس : مازعلتش منك علشان اسامحك وبعدين الملائكه تلعن المراءه حتى تصبح اذا دعاها جوزها للفراش ورفضت مش علشان زعلان منها زعله عاديه
انقهرت غاليه من نفسها بجد واحده عبيطه وغبيه كل حاجه تصدقها قدر يلعب عليها لحد ما نفذ اللي في دماغه
فارس : غاليه سامحيني .. اخاف اموت واتحمل ذنب ظلمي ليك
انقبض قلب غاليه من كلمته ونزلت دموعها بصمت برغم كل اللي عملها لكنها سامحته من كل قلبها وخوفها منه هو من كتر حبها له اللي عمال يزيد يوم عن يوم واي جرح منه ممكن يقتلها
*************غاليه************
في بيت سندس
سندس : يابنتي حرام عليك خليني اسمع طنطك فاطمه بتقول ايه حرام عليك ازعجتيني من امبارح
فاطمه : ان لله وانا اليه راجعون هي لسه حالتها ماخفتش
سندس : تخف فين وهي طول ليلها مشغله اغنيه ابكي على الي جرالي وتشهنف
فاطمه : هههههههههههههههههههههههههههه حفظتيها
سندس :طبعا لازم احفظها وانا من امبارح مابسمعش غيرها.. سيبك منها وقوليلي ايه موضوع هيثم؟؟!!
فاطمه : لاموضوع ولا حاجه كل الموضوع انه خطب غاده امبارح واتصل بيه ابراهيم يقوله يجي ويجيب معاه مأذون وشهود واتصلت بيك تروحي معايا
سندس بتعجب كبير لكن باركت : الف مبروك ونعمه الاختيار ربنا يتمم لهم على خير
فاطمه : الله يبارك فيك بس مستغربه السرعه مش اكتر يا سندس
سندس: انتي مكنتيش موافقه؟؟؟
فاطمه: لالالا مش كدا هو انا اطول هو بس السرعه في كتب الكتاب مش اكتر لكن النسب مفهوش كلمه
سندس: ياحبيبتي السرعه دي لانهم مش هيلاقوا احسن من هيثم خايفين ليرجع في كلامه يا فاطمه
فاطمه ضحكت: ربنا يجبر بخاطرك المهم ها جايه ولا ايه؟؟
سندس : لاطبعا جايه انتي اكتر من اختي بس اشوف العله وازاي اوصلها الخبر
سندس بعد ماقفلت مع فاطمه بصوت عالي شويه : ندى
ندى بحزن : ماتقوليش اطفيه .. ابكي علي الي جرالي..قلبي انا بالعنوسه مبتلي
سندس بقرف : بلاش تكرهيني فيها زياده على كرهي ليها من جمال الصوت كمان محرفه فيها
ندى : معرفش ازاي قلبك يطاوعك تضحكي وانا حالي كدا الثالثه ثابته
سندس : والله ده في الحالات العاديه انت من الاولى وهي ثابته
ندى : كل ما افتكر والكحل عملني اخت الاشكيف اتمنى اموت
سندس : اتنيلي علي عينك واسكتي عبيطه وعقليه خرده
ندى : لاااااااااااااااا وخرده كمان
سندس : طالما خففت عليك شوي يبقي حقولك عن خطوبه غاده من هيثم
ندى : اه خففتي خالص عليا انتي ليه زي اللي عمال يرش الملح على الجرح ومره واحده برقت) .. خطوبه ميييين
سندس : انا ماحبيتش اصدمك بالخبر فقلت خطوبه وهو في الاصل كتب كتاب وبعد ساعه يله اجهزي هنروح
ندي ماردتش عليها ووقعت على الارض مغمى عليها
سندس : ان صحيتي بعد نص ساعه حصليني علي العربيه لله الامر من قبل ومن بعد
*********غاليه********
في بيت ابراهيم
كانت محبوسه بغرفتها من امبارح المغرب اتفتح الباب مره واحده لما حطو الاكل كانت حاسه انها بسجن او معتقل كل
كرها لـ هيثم قبل مايجيش نقطه في بحر كرهها له زاد اضعاف لكن مع كل ده مستحيل تستسلم والجوازه دي مش هتم لو على موتها .. قطع تفكيرها صوت الباب وهو بيتفتح
ابراهيم بعد مادخل : يله وقعي
غاده بصدمه : ايه الي اوقع عليه
ابراهيم : وقعي على كتب كتابك انتي حيلتك ايه اوقعك عليه
غاده الصدمه كانت اكبر منها اكيد ابوها هو اللي استعجل على كتب الكتاب فين المأذون ليه مايسالهاش اذا هي موافقه او لا
ابراهيم بصرخه : انا مش فاضيلك يله وقعي
غاده بعناد : توقيع مش هوقع ونصيحه بلاش تتعب نفسك وتضيع وقتك
ابراهيم بعصبيه : هتوقعي يعني هتوقعي لو حكم اقطع صوباعك وابصم بيه هعملها يا غاده!
غاده: وانا بقولك مش همضي ولو بعتني مستحيل اتجنن و ابيع نفسي
عرف ان الكلام زي قلته ومش هيجيب معاها نتيجه سحبها من شعرها وفضل يضرب فيها لحد ما تعبت واستسلمت ووقعت بعدها رماها علي الارض
ابراهيم بينهج وزعق بحده : انتي لسه ما شفتيش حاجه وخليني ارجع بعد نص ساعه وماتكونيش جاهزه والله ثم والله لا اخليك تتمني الموت واسحبك له وانتي كدا ياحيوانه
اول ماطلع من الغرفه الا ندى في وشه
ابراهيم :انتي واقفه هنا ليه!؟؟؟؟؟
ندى : هااا .. اه ك.. كنت عاوزه اشوف غاده
ابراهيم :لو يهمك امرها ادخللها وعقليها هرجع بعد نص ساعه القيها جاهزه
ندى : هااه .. اه حاضر اطمن
دخلت على غاده بعد مانزل خالها وصدمها شكل غاده طول عمرها شايفه غاده قويه جبل ما يهزه الريح واتخضت من وشكلها المتبهدل وهي اللي كانت اكتر واحده تهتم بشكلها ومظهرها حتى لو في البيت
ندى : غاده مين الي عمل فيك كدا والنهارده كتب كتابك؟؟
غاده بكت بحرقه : قولي يوم موتي اسواء يوم في عمري قولي اليوم اللي باعني ابويا فيه كأني بهيمه مش انسانه بس ما تقوليش يوم كتب كتابك
ندى : ياربي انا مش قادره استوعب الحاله المستعصيه فيكم انتم التؤام تتجوزوه بالطريقه اللي بحلم بيها وشعاركم يوم الفرح البكاء حتى الموت .. ياختى احمدو ربنا غيركم مش لاقيه وريقها قرب ينشف من كتر ما هي مش لاقيه وبتطالب بيه
غاده بعصبيه: ندىىىىىىىى اطلعي مش عاوزه اسمع صوتك
ندى بجد: لا مش طالعه واسمعيني وخديها مني نصيحه واعملي حسابك ان حالات العقل مابتزورنيش الا نادرآ فستغليها .. اللي عاوزه اوصلهولك هو اني عارفه انك مجبره
على الجوازه وخلاص تم مفيش بأيدك اي حاجه وابوكي المفتري شويه وهيطب يسحبك فـ قدامك خيارين يا تتسحبي زي البهيمه بشكلك المشلفط ده وبكل ضعف او تنزلي بكل شموخ وكبرياء وتبيني للكل انك غاده الي طول عمرها قويه وماترضى بالضعف
غاده فكرت بكلام ندى فعلآ البنت معاها حق على كل اهبالها بس ميزتها الوحيده انها بتعرف تشغل عقلها بالمواقف الحرجه
ندى وهي رافعه ايديها للسماء : يارب حنن قلب امي واخويا وخليهم يجوزوني ولو بنفس طريقة العرايس الجاحدات علي النعمه غاليه وغاده
غاده : بدئت اشك ان الكلام اللي من شوي صدر من واحده هبله زيك .. يله اطلعي خليني البس
ندى : البسي على مااروح اندب حظي واحط غلي وقهرتي فالاكل
غاده بسخريه : انا نفسي افهم الاكل ده بيروح فين لو واحده تانيه بتاكل اكلك مش هتعرف تخرج من الباب
ندى : ايوه احسدوني مابقاش فضالي غير الاكل وهتحرموني منه كمان
*************غاليه***********
طلعت من الحمام بعد ماخدت لها شور لبست وأأعدت تحط ميك آب وماكنتش عندها علم بالي فيه اختها من عذاب وفي بالها شئ واحد انها ناويه تفتح صفحه جديده مع فارس بس
متعرفش ازاي حست بخجل من مجرد انها هتحاول خلصت مكياجها ووقفت تتأمل نفسها .. حست بأيد تلف وسطها حاولت تبعد بس هو شدها على صدرها (كان ظهرها هو اللي ملامس صدر فارس )
فارس يقرب شفايفه من ودنها : كفايه عذاب وسامحيني
غاليه بخجل واحراج : ممكن تسبني انزل اشوف جدي
فارس بنفس الهمس: قولي انك سامحتيني وخلينا نفتح صفحه جديده وكفايه عذاب ليا وليك
غاليه بتحاول تخرج من حضنه بهدوء : فارس مش وقت الكلام ده ممكن تسبني
فارس بقهر ويأس : اموت واسمع كلمة بحبك منك
وسابها وطلع من الغرفه وغاليه وقفت مصدومه من كلمة الموت اللي قالها من امبارح وهو يكرر الكلمه عليها حست بضيقه واتسللت الدموع من عيونها
طلعت من غرفتها عاوزه تلحقه وتقوله ايوه بحبك ولا اتخيل حياتي بدونك ومهما جرحتني مسمحاك بس خيلك معايا على طول ..خليك جنبي احضن قلبي نزلت تحت بس مالقتش حد راحت لغرفة جدها بس كان نايم .. قفلت عليه الباب وأأعدت علي الكرسي
مهمومه وفضلت تلوم نفسها انها مانفذتش اللي كانت بتفكر فيه وتسمح لحياتهم بفرصه تانيه
***************غاليه*********
بعد مااتطمنت ان شكلها حلو ااعدت تنتظر ابوها وهي مستغربه من غاليه ازاي ما كرهتش ابوهم على كل اللي عمله فيها من صغرها وهي حاسه انها كرهته بس من تصرف واحد .. استغفر الله العظيم اكيد اتجننت ازاي اقول كدا
صوت: عوووووووووووووو بتعملي ايه
غاده بخوف : منك لله خلصتي اكل وجيتي تقرفيني
ندى : لا لسه ما خلصتش بس خالي مشغلني خدامه عنده وبعتني اناديكي
غاده وكأن شجاعتها اتبخرت : لا ندى بجد خايفه ومش عاوزه انزل
ندى : براحتك خاليه يجي يسحبك زي البقره نووو بروبلم
غاده : هبله مش انا اللي انسحب
ندى : كدا طب يله وريني شجاعتك وانزلي ولا بس كلام
غاده دفعتها عن طريقها : انزاحي من طريقي لا اخليك تعرفي مين هي غاده
بعدت ندى وعلى شفايفها ابتسامه خبيثه ده اللي كانت عاوزاه وحصل
نزلت غاده بكل ثقه عدت على عمتها وحماتها ام هيثم وسلمت عليهم وراحت لـابوها
ابراهيم بعد ماشافها : خير اللي عقلتي وعرفتي مصلحتك
غاده بقهر : لو خلصت محاضرتك قولي علشان ادخل
ابراهيم بنرفزه : لسانك ده محتاج اقطعه بس حاليا مش وقته ادخلي وبعدين نشوفلك حل
دخلها واول ماااعدت خرج وسابهم
كان هيثم قاعد يبصلها من اول ما دخلت بكل ثقه وااعدت وحطت رجل على رجل بدون ماتسلم
هيثم بستهزاء : السلام سنُه
غاده بحتقار : والمطلوب ؟؟
هيثم بنفس الاحتقار : من الادب لما تدخلي على حد تسلمي .. اووو اسف نسيت انك ماتعرفيش ايه هو الادب ومحتاجه تربيه من اول وجديد
غاده بقهر : ولما انا في نظرك واحده مش متربيه ليه قاتل نفسك علي الجواز مني
هيثم بحتقار : هههههههههههههههههههههه حلوه اموت نفسي عشان اتجوزك وليه ماتقوليش ابوك هو اللي ميت ونفسه يخلص منك يكون في معلومك هو اللي حدد كل حاجه وانا ماحبيتش احرجه
غاده ماتت الف مره من القهر وهي متاكده ان اللي بيقوله حقيقه : حقير
هيثم وقف وقرب منها : الحقير هو اللي هيربيك من اول وجديد ونصيحه بلاش الغرور والتفكير اني هموت عليك لا اصحي يا شاطره انا اتجوزتك عشان اكسر مناخيرك واحمي الناس اللي بحبهم من شرك
غاده بحقد : ازاي ترضى تعيش مع انسانه مش عاوزاك انت مش راجل ازاي بجد راضتها علي نفسك وكرامتك
هيثم قرب منها وبتهديد: مش حابب امد ايدي عليك وانا في بيت ابوك لكن ملحوقه لما نروح لبيتي اوعدك اعلمك الادب واعرفك مين الي مش راجل!!!!!
رمى عليها عليه شبكتها وطلع.... واتصل بـ امه وطلب منها تطلع قدام العربيه
********غاليه*******
فاطمه بعد ماركبت العربيه : مالك يا بني استعجلت
هيثم جاهد ما يظهر القهر اللي جواه : عندي شغل يا ست الكل
مسك موبيله وهو مش عارف ازاي يقول لــ فارس الي حصل
فارس بضيقه : اهلا يا هيثم
هيثم : اهلا بيك مالها الاخلاق بعافيه
فارس : لاماتشغلش بالك فينك حتى امي اخدها معاك
هيثم وحاول يبين انه سعيد : ليه محدش فرحك اني خطبت
فارس : نــعـــــــــــم وانا اخر من يعلم
هيثم : لا ياغالي بس والله كل حاجه جات بسرعه
فارس : ومين المحروسه اللي رضيت بيك
هيثم : تسلم علي ذوقك والمحروسه غاده بنت عمك ابراهيم
فارس بصدمه : ومالقيتش غيرها .. اسمعني تفركش كل حاجه حالا فاهم ولو عاوز تناسب حد من عمامي اخطب منال بنت عمي حامد والله طلعت ملاك وحرام يكون عند عمي بنت زيها
هيثم : فارس خلاص عمك كتب الكتاب مش مجرد قرايا فاتحه وكلام
فارس بعصبيه : لا متقولش اتجوزتها لالالالا لالالالالا...... (انتبه متأخر ان العربيه عدت الاشاره وفيه عربيه متجهه له بكل سرعتها) لااااااااااااااااااااااااااااا طلعت الكلمه من اعماق قلبه وهو عارف انها مش هتمنع القدر وشريط
حياته مر قدام عيونه وكل الي شغل فكره في اللحظه السريعه غير مَصير جده وغاليه من بعده
هيثم الي مات الاف المرات والالم نهش فيه تقطيع وهو سامع صرخة اخوه وهو مش قادر يوصله ويساعده كان عمال يصرخ ويناديه لكن ماكانش فيه اي صوووووووووت .. رجعت بيه الذكريات لوري يجي من 18 سنه ....افتكر لما كانوا بيلعبوا مع ابوه وهما اعمارهم 11 سنه
ابو هيثم : خلاص يا رجاله مشاء الله عليكم .. الا عندك كام سنه ياهيثم؟
هيثم : عندي 70 سنه
ابو هيثم : هههههههههههههههههههه مشاء الله عليك وانت يافارس ؟؟
فارس بهدوءه المعتاد من صغره : 30 سنه
ابو هيثم بدون شعور ضم فارس وسمي عليه ودموعه على خده
استغرب هيثم تصرف ابوه وقتها بس بعد ماسمع حوار امه وابوه زال استغرابه
فاطمه : ليه اتأثرت لما فارس قال عمره 30
ابو هيثم : والله ماعارف يمكن لو اقولك اللي خطر في بالي حتقولي عليا مجنون .. لما قال هيثم عمره خطر في بالي هعيش لحد ما يبقي عنده فعلا سبعين بس لما قال فارس عمره 30 خطر في بالي انه هيموت وعمره 30
صحا من افكاره على ايد فاطمه عماله تهزه وتساله ايه الي حصل
هيثم بحرقه ودموعه شلال على خده : فااااااااااااارس