رواية عناد الحب والكبرياءج٢ من متمرده عشقت كبرياءه
بقلم دودو محمد
الفصل الاول والثاني
فى فيلا فهد المنشاوى
نزلت مليكه من اوضتها وهى السعاده تمتلكها خبطت على باب اوضت سهير وفتحت ودخلت
مليكه :- صباح الخير يا ماما
سهير :- صباح النور يا حبيبتى
مليكه :- يلا يا ست الكل علشان تاكلى وتاخدى العلاج
سهير :- مليش نفس يا مليكه للاكل وبعدين انا زهقت من العلاج ده ومش بيجيب نتيجه كام سنه وانا قاعده على كرسى متحرك ومشلوله ايه فايدة العلاج بقى
مليكه :- يا امى يا حبيبتى العلاج ده علشان الحاله ماتدهورش وفهد مش ساكت بيسأل ليكى على احسن دكتور مخصص لحالتك وهيشوف موضوع العمليه دى وان شاءالله هتقومى تمشى وتبقى زى الفل
سهير :- معلش يا مليكه تعباكى معايه علطول شايله همى ومش مقصره فى خدمتى
مليكه :- ايه اللى انتى بتقوليه ده يا ماما انا اخدمك لحد اخر يوم فى عمرى انتى ام فهد يعنى امى انا كمان ولو اقدر اشيلك واحطك فوق راسى هعملها عمرى ما هتأخر عنك فى اى حاجه تحتاجيها ربنا يخليكى لينا يارب
سهير :- انا كل ما افتكر المعامله اللى كنت بعملهالك ومعاملتك معايه دلوقتى بكره نفسى اوى
مليكه :- محدش معصوم من الغلط يا ماما وكلنا بنسئ الظن بى ناس كتير ونرجع نندم لما نعرفهم كويس المهم انتى معانا دلوقتى وفى وسطنا ويلا بقى علشان تاكلى
سهير :- ربنا يخليكى لاولادك يارب وتفرحى بيهم زى ما انتى مفرحانه تملى
مليكه :- اه صح فهد بص عليكى قبل ما يمشى
سهير :- ايوه يا بنتى
مليكه :- ماشى يلا بينا يا سوسو
سهير :- هههههههه سوسو طالعه من بؤقك زى العسل بقالى كتير اوى محدش نده عليا بالاسم ده
مليكه :- ياسلام ده انتى احلى سوسو وزقتها بالكرسى وراحت بيها بره الاوضه وحضرت ليها الاكل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا مها واسر
فى اوضت نوم مها
اسر :- صحى قبل مها وبص عليها لاقها لسه نايمه مشى صوابعه براحه على وشها
مها :- حست بأيد اسر فتحت عينيها وابتسمت وقالت صباح الخير
اسر :- صباح النور على احلى عيون
مها :- هههههه انت علطول كده بدلعنى
اسر :- سبحان الله اول مره اشوف واحده بتشتكى من دلع جوزها ليها ده الستات هيموته ويسمعوا كلمه حلوه من اجوازهم
مها :- مش بشتكى على فكره بس اعمل حسابك انا اخد على كده ومش هسمح ليك تبطل دلع فيا العمر كله
اسر :- وانا مقدرش مدلعكيش ده الدلع اتخلق علشان عيونك انتى
مها :- بحبك اوى يا اسر انت نعمه كبيره من ربنا ليا
اسر :- وانتى عمرى كله يا مها انتى حبى الاول والاخير انتى حب الطفوله اللى عاش فى قلبى وقعد يكبر مع الايام لحد ما ملا قلبى وكيانى انا لو مكنتش اتجوزتك كنت هموت كنت هعيش العمر كله وانا منتظرك تبقى ليا وشاور على قلبه وقال ده ملكك انتى وبس
مها :- باسته فى خده وقالت بعد الشر عليك ده انا اللى من غيرك اموت
اسر :- ربنا يخليكى ليا وميحرمنيش منك ابدآ
مها :- هقوم بقى وانت كمان قوم هتتأخر على الشغل
اسر :- شدها فى حضنه وقال بقولك ايه ما بلاش شغل النهارده وتعالى اقولك كلمه سره على شفايفك
مها :- لالالا قوم يلا بلاش كسل
اسر :- يابت هتندمى لو مسمعتيش اللى عايز أقوله ليكى
مها :- لا شكرآ قوم شوف مصلحتك
اسر :- بلاش تقطعى برزقك وتعالى فى ناس مش طايله
مها :- ههههههههههه برضه لا
اسر :- انتى حره ملكيش فى الطيب نصيب وقام من على السرير ودخل الحمام اخد شاور واتوضه وخرج لبس هدومه واده فرضه ونزل
مها :- كانت حضرت الفطار
اسر :- قعد اكل وبعدين قام باس مها فى راسها وخرج من باب الفيلا وركب عربيته وراح على شركته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة مى ومازن
صحيت مى من نومها على صوت المنبه قامت طفت المنبه وبصت لمازن وقالت
مى :- مازن اصحه يلا علشان متتأخرش على الشغل
مازن :- ماشى يا مى روحى حضرى الفطار على ما ادخل الحمام
مى :- حاضر
مازن :- مالك
مى :- ولا حاجه
مازن :- باين عليكى فى حاجه عايزه تقوليها
مى :- بأبتسامة حزن هو انت ليه كده يا مازن
مازن :- انا كده ازاى
مى :- بحس تملى انك شايفنى خدامه وبس تملى طلبات طلبات بقى كلامك معايه محدود من يوم شهر العسل وانت مش بدلعنى اول ما تفتح عينك حتى مش بتقولى صباح الخير اول كلمه تنطقها بتبقى بتأمرنى اعمل حاجه انا تعبت من المعامله دى تملى اقول استحملى علشان ولادك بس خلاص فاض بيا انت حتى لما بتاخد حقك الشرعى منى بتبسط نفسك وتدينى ضهرك وتنام كانى واحده مجرده من المشاعر ليه بتعمل معايه كده يا مازن
مازن :- يا مى الكلام والرومانسيه دول للناس اللى مرتاحين فى عيشتهم لكن انا واحد طافح الكوته علشان اجبلكم القرش اللى يعيشكم عيشه كويسه طول النهار شغال باجى فاصل ببقى عايز اكل لقمتى وانام علشان اصحه فايق
مى :- لا يا مازن عمر الرومانسيه والحنيه ليها علاقه بالفلوس والعيشه ياما ناس كتير عايشه فى اوضه تحت سلم بس عايشين مرتاحين وبيحبو بعض الواحده مننا مش محتاجه
فلوس ولا محتاجه حاجه قد ما بتبقى محتاجه لحضن يحسسها بالامان براجل يحسسها انها مختلفه عن الستات كلها حتى لو هى عاديه بس فى عيونه ملياها
انا نفسى تكون حنين عليا تخدنى فى حضنك تسمعنى كلمتين حلوين انسا بيهم تعب وشقه طول النهار فى البيت ومع العيال عايزه احس ان انا بنأدمه وانا معاك فى العلاقه مش مجرد اله ترضى بيها رغباتك وخلاص
مازن :- وايه يعنى اللى جد يامى اليومين دول علشان تطلبى التغير دلوقتى
مى :- اللى جد يا مازن أن العمر بيجرى واليوم اللى بيفوت من عمرنا مش هيرجع تانى وانا بقيت عباره عن اله فى البيت
طول النهار شقيانه واخر الليل بنام جنب راجل مش حاسس بيا نفسى اعيش يومين حلوين نفسى احس ان انا بنأدمه وليا اهميه نفسى اعيش مبسوطه مع الراجل اللى حبيته نفسى
تنده ليا وتقولى يا حبيبتى نفسى ارجع اضحك من قلبى زى زمان رجع مى اللى انت اخدها وغيرتها من كتر احباطك فيها
مازن :- مى اللى عايزه تعيش عمرها ما بتبص لتفاهات دى
مى :- بصدمه تفاهات انت بتسمى الحب والمشاعر تفاهات
مازن :- ايوه اتكسفى من نفسك حب ايه ومشاعر ايه اللى عايزه تعشيهم انتبهى لعيالك وربيهم كويس وفكرى فى مستقبلهم مش تقولى رومانسيه قومى يا مى وبلاش تتفرجى على مسلسلات تركى وهندى كتير هما دول اللى لحسو مخك وقام دخل الحمام وسبها
مى :- بصت على مكان مازن بصدمه ودموعها نزلت منها وقالت بتسمى الحب تفاهات أكبر غلطه فى حياتى انت يا مازن ومسحت دموعها وقامت خرجت من باب الاوضه وراحت المطبخ تحضر الفطار
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم ونورهان
صحى باسم من نومه لاقه نورهان صاحيه ورايحه جايه فى الاوضه
باسم :- صباح الخير
نورهان :- بتعب صباح النور
باسم :- مالك يا قلبى
نورهان :- ما نمتش طول الليل عندى مغص جامد وخبط فى ضهرى
باسم :- ده طبيعى فى التاسع يا نورهان
نورهان :- عارفه يا قلبى بس الدكتور قال لما يبقى الطلق وراه بعضه كده يبقى ولاده وانا حاسه نفسى انا انا هولد النهارده
باسم :- تحبى اوديكى للدكتور يكشف عليكى ويطمنا
نورهان :- مش عارفه ماما قالت ليا على علامات لو حصلت تبقى ولاده انا هستنا شويه هحاول استحمل الوجع يمكن ده طلق طبيعى مش ولاده
باسم :- خلاص هقعد معاكى ومش هروح الشغل علشان لو تعبتى اكون جنبك
نورهان :- لا روح شغلك وخلى ماما تيجى وانا لوتعبت هخلى ماما تكلمك
باسم :- ماشى انا هنزل اجبها بالعربيه وبعد كده اروح الشركه
نورهان :- بتعب ماشى هحضر ليك الفطار
باسم :- لا خليكى انا هلبس وانزل علطول وقام دخل الحمام اخد شاور واتوضه وخرج من الحمام لبس هدومه واده فرضه ونزل ركب العربيه وراح جاب ام نورهان ونزلها وراح هو على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة عز
كانت مازالت جومانه بتستفز فى فارس
فارس :- يابنتى انتى شايفه نفسك على ايه ده اللى يتعامل معاكى يحس أن هو بيتعامل مع دكر
جومانه :- هدى بس اعضاءك كده واقعد يا كابتن احسن يجيلك شوجر ولا حاجه
فارس :- بصدمه اعضائك ويا كابتن فى بنت تتكلم بالطريقه دى
جومانه :- مش انا اتكلمت كده يبقى خلاص فيه
فارس :- وانتى بتسمى نفسك بنت
جومانه :- بالظبط زيك ما انت مسمى نفسك راجل
فارس :- بعصبيه انا راجل غصب عنك ولو تحبى أكد ليكى معنديش مشكله
جومانه :- انت واحد قليل الادب ووقح
فارس :- وانتى بنأدمه مستفزه ومعندكيش دم
جومانه :- لو سمحت الزم حدودك بدل ما انادى الأمن يرموك فى الشارع
فارس :- ولا حد يقدر يجى جنبى
جومانه :- اطلع بره
فارس :- ولو مطلعتش هتعملى ايه
جومانه :- قامت من على مكتبها ووقفت قصاده ورفعت ايديها ولسه هتضربه بالقلم
فارس :- مسك ايديها وقال لا عاش ولا كان اللى يفكر يمد أيده على فارس المنشاوى ده انا انصفه من على وش الدنيا
جومانه :- اوع كده سيب ايدى
فارس :- شدها اكتر ليه وقربها منه وبص فى عيونها وقال بس عجبتينى بحب انا النوع الشرس العصبى ده
جومانه :- وهى بتحاول تبعد عنه انت بنأدم سافل ومعندكش دم وانا هندها الأمن يرموك فى الشارع
فارس :- سرح فى عينيها وقرب اكتر منها وقال ليها طب نادى الشركه كلها تشوفك وانتى فى حضنى
جومانه :- اتوترت من قرب فارس ليها وقالت لو راجل سيب ايدى وانا هوريك
فارس :- قربها اكتر ليه وجسمها خبط فى جسمه وقال ما انا قولتلك مستعد اوريكى الرجوله وياريت نفسى
جومانه :- حاولت تبعد عنه بس هو كان متحكم فى حركتها
وفى الوقت ده دخل عز
فارس :- اول ما حس بحركة اكرت الباب بتتحرك بعد بسرعه عن جومانه
عز :- استاذ فارس بتعمل ايه هنا فى مكتب جومانه
فارس :- احم كنت جاى اشوف ايه سبب تأخير البضاعه عن شركتنا
عز :- ايوه اتفضل اقعد حضرتك وانا هفهمك
فارس :- قعد على الكرسى وهو بيكتم ضحكته على جومانه
عز :- جومانه اقعدى يا بنتى
جومانه :- ها
عز:- بقولك اقعدى
جومانه :- ح.ح.حاضر وقعدت قصاد فارس على الكرسى وعز قعد على كرسى المكتب
فارس :- ممكن افهم ليه البضاعه اتأخرت كل ده ومن غير ما حتى تقدمو اعتزار
عز :- احنا اسفين فعلا ده سوء تصرف مننا أن احنا نبلغكم باللى حصل احنا بنتأسف بس المخزن حصل فيه ماس كهربه وحرق البضاعه كلها وبدأنا نعمل ليكم من اول وجديد انا عامل حالة طوارئ فى الشركه وشغالين نهار وليل وان شاءالله على اخر الاسبوع هتكون عندكم البضاعه
فارس :- مفيش مشكله بس بعد كده تبلغونا لو فى حاجه وربنا يعوض عليك يا رب
عز :- يارب واحنا اسفين مره تانيه
فارس :- ولايهمك ووقف وقال همشى انا بقى السلام عليكم
عز :- نورتنا وعليكم السلام
ونزل فارس وركب عربيته ومشى
عز :- الراجل طلع زوق واتفهم الوضع
جومانه :- .................
عز:- جومانه جومانه
جومانه :- ها ن.ن.نعم
عز :- بكلمك وانتى ولا هنا فى ايه مالك مش على بعضك كده
جومانه :- م.م.مفيش وبصت على الكرسى وقالت هو راح فين
عز :- هو مين
جومانه :- اللى اسمه فارس
عز :- مشى
جومانه :- البنأدم ده بارد ودمه تقيل على قلبى ياريت يا بابا نلغى العقد معاهم
عز :- مينفعش
جومانه :- ليه
عز :- علشان فى شرط جزائى كبير فى العقد والمبلغ مش متوفر حاليآ معانا
جومانه :- هووف يعنى كده ملزومين نشتغل مع شركتهم
عز :- ايوه بس انا مش عارف انتى مش طايقه فارس ليه مع أنه شخصيه محترمه واخلاق ومحبوب
جومانه :- لنفسها محترم اوى
عز :- قولتى حاجه
جومانه :- ها لالالا خالص
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
فى مكتب فهد
مسك التليفون وطلب رقم مليكه واستنا ردها
مليكه :- السلام عليكم
فهد :- وعليكم السلام واحشتينى اووووى
مليكه :- وانت واحشتينى اكتر
فهد :- بتعملى ايه
مليكه :- ولا حاجه قعده فى الجنينه وبقراه روايه
فهد :- اكيد رومانسيه صح
مليكه :- اممم صح
فهد :- اوعى تكونى شايفه البطل احسن منى اموتك
مليكه :- لا طبعآ مفيش احسن منك لا فى الحقيقه ولا فى الخيال انت اصلا اسطوره صعب يكون فى منك اتنين فى الدنيا دى ابدآ وبعدين يا قلبى انت بطلى اللى لو قعد احلم بيك العمر كله مكنتش أتخيل أن أبقى معاك وتكون ليا
فهد :- وانتى يا قلبى حوريتى من الجنه اللى مهما اشوف واقابل ملاقتش حد فى جمالها ورقتها وقلبها الكبير انتى روحى وقلبى وعمرى وكل ما املك
مليكه :- لسه كتير اصلك واحشتينى اوى
فهد :- وانا هتجن عليكى بس لسه شويه
مليكه :- انا كل شويه افتح التليفون وابص على صورتك شويه وارجع اكمل الروايه
فهد :- هههههههه انا برضه نفس الحكايه كل شويه ابص على صورتك وارجع اشتغل تانى
مليكه :- ماشى متغبش عليا تعال بسرعه
فهد :- من عنيا يروحى
مليكه :- خلى بالك من نفسك وكل كويس
فهد :- حاضر وانتى كمان
مليكه :- لا إله ألا الله
فهد :- سيدنا محمدآ رسول الله وقفل فهد مع مليكه وبص على صورتها وقال بحبك
مليكه :- قفلت مع فهد وبصت على صورته فى التليفون وقالت بعشقك
💗عناد الحب والكبرياء💗الجزء الثاني من متمردة عشقت كبرياءه
بقلم دودو محمد
الفصل التانى
فى فيلا اسر ومها
وصل اسر من شغله دخل بص على مها ملاقهاش دخل المطبخ لاقها وقفه مشى براحه وراح حضنها من ضهرها
مها :- هاااااااااااااااا اخس عليك يا اسر خضتنى
اسر :- باسها فى رقبتها وقال سلامتك يا قلبى من الخضه بتعملى ايه
مها :- حضرت الاكل وبعمل السلطه ومسكت حتة خيار وحطتها فى بؤقه
اسر :- اممممم الحته دى ليها طعم مختلف علشان جت من اجمل واحلى صوابع
مها :- ربنا يخليك يا قلبى روح غير هدومك على ما احضر الاكل على السفره
اسر :- دفس راسه فى رقبتها وقال طب ما تيجى معايه
مها :- اجى معاك فين
اسر :- وصليني اوضة النوم هههههههه
مها :- يا سلام ومين يحضر الاكل
اسر :- ننزل نحضره انا وانتى
مها :- بلاش دلع وروح يلا
اسر :- لفها ليه وقربها منه اوى وقال اصلك واحشتينى اوى النهارده ومش عايز انزل عينى من عليكى ولا ثانيه
مها :- قربت منه اكتر وقالت وانت واحشتينى اوى اوى اوى يا عمرى
اسر :- بص على شفايفها وقال طب ما تيجى توصليني بقاا
مها :- تؤ تؤ تؤ عايزه احضر الاكل علشان العيال
اسر :- طب هاتى اى حاجه تصبيره اللهى يسترك
مها :- باسته برقه على شفايفه
اسر :- قربها اكتر ليها وبسها
وفى الوقت ده دخل عليهم يوسف ابنهم
يوسف :- انتو بتعملوا ايه
اسر :- اتخض وقال ايه ده ا.ا انتى فى حاجه طرفت عينك وبص ليوسف وقال فى ايه فى حاجه طرفت عين امك وكنت بشوفها مش كده يا مها
مها :- ها ا.ا اه
يوسف :- غمز ليها وقال سلامتك يا ماما
اسر :- ايه الولا ده ده مش سنه خالص
مها :- الله اكبر ابنى بقى راجل
يوسف :- ايوه يا ماما انا فى سنه تانيه ابتدائي يعنى بقيت كبير خالص
مها :- ايوه يا روح ماما ده انت راجلى
اسر :- نعم يا اختى راجلك امال انا ايه كوز مطبخ مثلا
مها :- ههههههههه انت حبيب قلبى يا اسو
اسر :- عمرى كله انتى يا روح اسو
يوسف :- احم احم نحنو هنا والله
اسر :- انت يا ابنى طالع ليا فى البخت ولا ايه
يوسف :- يبقى حظك كويس لو انا اللى طالع ليك فى البخت امال لو معاك بنت زى بنت خالتي مى كنت عملت ايه دى تيلا مشكله اصلا
اسر :- هوانا قادر عليك لما هقدر على تيلا انت طالع لخالتك مى وهى طالعه لامها يعنى انتو الاتنين دمار شامل
مها :- طب بطلو لك وروحو حضرو الاطباق على السفره
اسر :- بغمزه طب ايه مش هتيجى معايه اشوف ايه فى عينك
مها :- هههههههههههههه روح يا اسر
اسر :- براحتك
ومشى اسر ويوسف يجهزو السفره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة مازن ومى
وصلت تيلا من المدرسه ودخلت لامها فى المطبخ
تيلا :- السلام عليكم
مى :- وعليكم السلام عملتى ايه النهارده
تيلا :- عادى يا ماما اخدنا دروسنا فى المدرسه وجينا
مى :- مالك يا بنتى
تيلا :- انا زهقت من المدرسه دى وعايزه اتنقل منها
مى :- ليه
تيلا :- يا ماما دى مدرسه حكومى اشمعنا جاكلين ويوسف فى مدارس خاصه
مى : - يا حبيبتى كل واحد على قد ظروفه هما معاهم ربنا يزيدهم انما احنا ظروفنا على قدنا منقدرش ندخلك مدارس خاصه
تيلا :- وانا ذنبى ايه مبقاش عايشه زى ولاد خالتى ليه اكون اقل منهم مدام انتو كنتو عارفين أن مش معاكم فلوس مكنتوش خلفتونى
مى :- هههههههه تصدقى أن انا فى يوم من الايام قولت الكلمه دى لامى صحيح الدنيا دواره واللى بنعمله مش بيروح بيترد لينا تانى مهما طال الزمان حسيت دلوقتى بوجع امى لما قولت ليها الكلمه دى احساس وحش اوى اوى يا تيلا
تيلا :- أنا اتخنقت من العيشه دى يا ماما يوسف وجاكلين معاهم فلوس يشترو شيبسى وشيكولاته وانا لا ببقى نفسى معايه فلوس زيهم اشترى حاجات حلوه زيهم
مى :- بوجع معلش يا حبيبتى ادعى لبابا ربنا يرزقه وهو يزود ليكى المصروف وياريت بعد كده بلاش تبصى على حاجه فى ايد غيرك
تيلا :- حاضر يا ماما
مى :- ادخلى غيرى هدومك وبابا زمانه جاى علشان ناكل مع بعض
تيلا :- حاضر ودخلت تيلا اوضتها
مى :- بنتى حصاد اللى عملته فى امى كله ربنا يهديها ويعوض صبرك خير يا ماما على اللى استحملتيه معايه
وفى الوقت ده دخل مازن
مازن :- مالك واقفه تكلمى نفسك كده
مى :- مفيش حاجه
مازن :- يلا حضرى الاكل على ما اغير هدومى
مى :- بحزن حاضر
ودخل مازن الاوضه غير هدومه ومى حضرت الاكل وقعدو ياكلو
مازن :- اه يا مى اعملى حسابك فهد كلمنى وعزمنا عنده فى الفيلا وهيعزم اسر ومها وامك عامل مفاجئه لمليكه علشان عيد ميلادها
مى :- والله فهد ده مفيش منه بيحب مراته وعايز يعمل ليها اى حاجه علشان يفرحها ربنا يخليهم لبعض ويسعدهم
مازن :- ليه حق وهيشيل هم ليه ما عنده الفلوس قد كده فى البنوك ده من أكبر العمله عندنا فى البنك
مى :- ربنا يزيده من عنده بس عمر الحب والاهتمام ما كان بكتر الفلوس ولا قلتها الحب بصفاء القلوب ونقائها هو بيحب مليكه ومستعد يعمل اى حاجه علشان يفرحها مستعد يضحى بعمره علشان هى تعيش
مازن :- يخربيت ام المسلسلات الهندى اللى بتتفرجى عليها دى عيشى الواقع يا مى الناس ماشيه بتكلم نفسها من قلة الفلوس والفقر كل اللى بيفكرو فيه ازاى هيجيبو لقمة عيالهم اما اللى زى فهد واسر دول عايشين ومش شايلين للدنيا هما معاهم بدل الالف عشره ومليون كمان دول معاهم مليارات
مى :- بحزن طب كل يا مازن كل
مازن :- هاتى الملح
مى :- قربت لمازن علشان تجيب الملح من جنبه وحطته قدامه وقالت على فكره كان جنبك مش هتخسر حاجه لو مديت ايدك اخده
مازن :- مأخدش بالى وبعدين ايه الجلابيه دى اللى انتى لابسها
مى :- مالها
مازن :- تقرف رايحتها كلها بصل وتوم
مى :- واعمل ايه يعنى ما انت جيت وانا فى المطبخ وطول النهار مقعدش على حيلى
مازن :- بقت عيشه مقرفه علطول قعده بالجلابيه وريحتك يا بصل يا توم وبقى شكلك كأنك عندك مية سنه وبقيتى كئيبه وتموتى فى النكد وبص ليها بقرف وقام
مى :- بصت لبنتها وهى قعده بتتفرج عليهم ودموعها نزلت منها
تيلا :- انا بكره بابا اوى ياماما علشان بيزعلك علطول ويخليكى تعيطى
مى :- لا يا حبيبتى بابا بس مخنوق شويه هزعل منك يا تيلا لو قلتى كده على بابا تانى
تيلا :- انا اسفه يا ماما
مى :- ماشى يا حبيبتى روحى اوضك يلا
تيلا :- حاضر وقامت دخلت اوضتها
مى :- بدموع يارب انا تعبت من العيشه مع مازن بيموتنى كل يوم بسكينه بارده هو اللى وصلنى للحاله اللى انا فيها دلوقتى ويرجع يعيرنى بشكلى ونكدى اعمل ايه بس ومسحت دموعها وقامت شالت الاكل فى المطبخ وغسلت المواعين وخلصت اللى وراها ودخلت اخدت شاور وطلعت نامت على السرير وبصت على مازن اللى نايم جنبها ومديها ضهره واتنهدت ونامت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
وصل فهد ودخل الفيلا وبعدين دخل على الجنينه لاقه مليكه قعده وبتقراه فى الروايه راح عندها وبسها فى خدها
فهد :- واحشتينى
مليكه :- ابتسمت وقالت وانت كمان واحشتينى
فهد :- غريبه متفاجئتيش بيا يعنى
مليكه :- علشان قلبى حس بيك اول ما دخلت الفيلا وشميت ريحة برفانك
فهد :- يخليلى الواد الحساس ده يارب
مليكه :- شاورت على قلبها وقالت ده بيحس بيك قبل ما انت تحسها اصلا يا فهدى
فهد :- بحبك ياروح فهودك
مليكه :- بموت فيك يا عمرى
فهد :- العيال جت من المدرسه
مليكه :- اممم عدى وجاكلين جم من المدرسه وفى اوضهم مستنيك علشان ناكل مع بعض وفريد اكلته ونام وماما اكلتها واديتها العلاج وقالت هتنام شويه
فهد :- ربنا يخليكى ليا يارب
مليكه :- ويخليك ليا يلا هدخل احضر الاكل
فهد :- تعالى اساعدك
مليكه :- لا أدخل انت غير وانا هحضر
فهد :- لا هحضر معاكى يلا
وداخلو الاتنين حضرو الاكل مع بعض ونزل عدى وجاكلين وقعدو على السفره
مليكه :- فهد انا واحشتنى ماما اوى وعايزه اشوفها واخواتى البنات بقالى كتير مقعدش معاهم
فهد :- هجبها ليكى حاضر
جاكلين :- ماما هى ليه تيته مش قاعده معانا فى الفيلا زى تيته سهير
مليكه :- اتحايلت عليها كتير يا جاكى انها تيجى تعيش معانا فى الفيلا وهى مش راضيه
فهد :- انا مش عارف ليه عامله فرق ما بنا
مليكه :- هى ماما كده مش بتحب تكون تقيله على حد علشان كده مش راضيه تيجى تعيش معانا ومش احنا بس برضه اسر ومها اتحيلو عليها ومش راضيه
جاكلين :- بتواحشنى اوى اصلها مش بتيجى عندنا كتير ولا احنا بنروح عندها
فهد :- انا هبقى اجبها ليكم وبعدين بص على عدى وقال مالك يا عدى ساكت ليه
عدى :- لا عادى يا بابا هقول ايه
مليكه :- حست أن عدى زعلان وقالت مالك يا حبيبى
عدى :- سلامتك يا ماما مفيش حاجه
مليكه :- وانا عبيطه عنك انت فيك حاجه مزعلاك
عدى :- مفيش بس بابا فارس واحشنى ومش بيجى يسأل عليا
فهد :- وانا والله يا عدى واحشنى رغم أن هو معايه فى نفس الشركه بس مش بشوفه خالص انا هتصل بيه وهخليه يجى يقعد معانا شويه وعلشان يشوف أمه برضه
عدى :- بفرحه بجد يا بابا
فهد :- ايوه يا حبيبى
عدى :- ربنا يخليك يا بابا
مليكه :- ايه ده ايه ده يعنى يا عدى ابوك بقى حلو وانا واحشه
عدى :- هههههههه ده انتى مزتى يا ماما ده انتى العسل بتاعى
فهد :- نعم يا اخويه اتلم يا يلا دى مزتى انا وبس
عدى :- بغمزه ماشى يا كبير مزتك
مليكه :- ههههههههههه انا هتغر كده وانتو الاتنين بتتخانقو عليه
عدى :- ايه يا حاجه مين يقدر يقف قصاد الكينج ده يفرمنى قال اتخانق قال مدام قال مزته يبقى مفيش كلام تبقى مزته هو انا مستغنى عن حياتى
مليكه :- اه يا واطى بتبعنى
عدى :- ايوه يا ماما العمر مش بعزقه
فهد :- شاطر حبيب ابوك انت
جاكلين :- يا سلام يا سى بابا يعنى هو حبيبك يبقى انا ايه بقى
فهد :- انتى قلبى وروحى و عمرى ده انتى دلوعتى يا جاكى
مليكه :- بغيظ انا بقول ناكل واحنا ساكتين بدل ما يبقى فيه خساير ارواح على السفره دى
الكل :- ههههههههههههههههههه
واكلو ولمو السفره وغسلت مليكه المواعين وخلصت اللى وراها وطلع كل واحد على اوضه ودخلت مليكه وفهد اوضتهم
فهد :- شد مليكه ليه وقال واحشانى اوى
مليكه :- وانت اكتر بس هدخل اخد شاور بسرعه
فهد :- لا مش مهم انتى كده زى العسل
مليكه :- لا مش هغيب عليك هدخل اخد شاور بسرعه واجى وفتحت الدولاب واخدت هدوم ودخلت الحمام واخدت شاور ولبست هدومها وخرجت من الحمام وراحت وقفت قصاد المرايه تسرح شعرها
فهد :- وقف وراها وحضنها وبص على انعكاس صورتهم فى المرايا وقال ايه الجمال ده القميص هياكل منك حته
مليكه :- بكسوف احم ش.ش.شكرآ
فهد :- هههههههه لسه بتتكسفى منى كأنك لسه اول مره
مليكه :- لا مش بتكسف عادى يعنى
فهد :- حب يغيظها قال لا بتتكسفى ده انا كنت اعرف بنات بتعمل البدع
مليكه :- اتغاظت وقالت ياسلام اشتقت ليهم يعنى
فهد :- لا بس كانت ايام دلع الصراحه
مليكه :- بغيظ انا ممكن ادلعك احسن منهم يا فهد
فهد :- بلئم لا مش هتعرفى
مليكه :- بغيظ اكبر لا اعرف
فهد :- بأبتسامه طب اثبتى
مليكه :- اتوترت وقالت ها
فهد :- شوفتى كلام ب
مليكه :- قطعته ببوسه طويله وبعد وقت طويل بعدت عنه
فهد :- اتفاجئ باللى حصل بس كان فى قمة سعاده بص فى عينيها وقال البوسه دى احلى بوسه من يوم ما اتجوزنا بس ده اخرك فى الانحراف
مليكه :- مدت ايديها على زارير قميص فهد وفتحتهم ومشت ايديها على صدر فهد وقالت اصبر على رزقك
فهد :- حس برعشه فى جسمه من لمست ايد مليكه لصدره مد أيده وقلعها الروب وشالها وحطها على السرير و(سكتت شهرزاد عن الكلام الغير مباح 😉😉 )
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند باسم فى المستشفى
كانت نورهان بتتوجع من الطلق
باسم :- بص لحماته وقال بخوف هما ليه مش عايزين يولدوها دى تعبانه قوى
ام نورهان :- يا ابنى لازم يصبرو عليها لحد ما تبقى على الأخر هى علشان بكريه هتتعب شويه
باسم :- بعصبيه بكريه ايه دى بتموت
ام نورهان :- يا ابنى بعد الشر هى الولاده كده والله
باسم :- خبط بأيده على الحيطه وقال يارب قومها ليا بالسلامه
نورهان :- صرخت من الوجع
باسم :- لا كده كتير انا هروح اشوف الدكتور ده
ام نورهان :- أهدا يا ابنى شويه مش كده
باسم :- فتح الباب وخرج من غير ما يرد على ام نورهان وراح دور على الدكتور وجابه
وكشف على نورهان وبعد وقت اخد نورهان على اوضت العمليات وولدوها وجابت الممرضه البيبى لباسم وادتها ليه وقالت
الممرضه :- مبروك ربنا يخليها ليك بنوته زى القمر
باسم :- شال بنته ما بين ايديه وبصلها ودموعه نزلت منه وبسها فى راسها
ام نورهان :- مبروك يا ابنى تتربا فى عزك يا رب
باسم :- الله يبارك فيك وبعدين بص للمرضه وقال ونورهان عامله ايه دلوقتى
الممرضه :- هى كويسه دلوقتى هتتطلع على الاوضه
ام نورهان :- هتسميها ايه يا ابنى
باسم :- بما انها فرحة عمرى هسميها فرحه
ام نورهان:- اسم جميل ربنا يجعلها فرحة ليكم علطول زى اسمها يارب
الممرضه :- ممكن تجبها واحنا شويه وهندخلها لمامتها الاوضه ترضعها
باسم :- بسها فى راسها واداها لممرضه وقعد يستنى خروج نورهان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند فيلا فارس
كان نايم على السرير فى اوضه وباصص على السقف جت صورة جومانه قصاد عينه ابتسم تلقائيآ وافتكر الشجار ما بنهم وقال
فارس :- بأبتسامه لسانها طويل بس عليها عيون زرق تغرق في بحورها تشد الواحد ليهم غصب عنه وبعدين سكت شويه وافتكر مروه وقال فوق يا فارس هترجع تحن تانى للصنف
ده مش كفاك اللى شوفته من مروه هترجع تأمن ليهم تانى وفى الاخر توجعك وتخونك فوق وعيش الواقع يا فارس كلهم صنف واحد وغمض عنيه ونام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
في فيلا عز
فى اوضت جومانه
كانت بتقراه فى روايه رومانسيه وجه فى تفكرها فارس وقربه ليها اوى وافتكرت الكلام اللى قاله ليها وقالت
جومانه :- بنأدم مستفز بس مز اوى الصراحه وكلامه يدوخ وحركاته تجنن بس متكبر اوى وبعدين سكتت وقالت ايه يا جومانه حكايتك بتفكرى فيه ليه اوعى تكونى عايزه تتنازلى عن مبادئك وتحبى فوقى يا جوجو الجنس ده كله واحد عايز
حاجه واحده من حوا جسمها وبس انتى مش هتكونى ليه غير وسيله واحده بس للرغباته فوقى وخليكى عايشه بكرامه بدل تحكمات ملهاش لازمه وقفلت كتابها ونامت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت فهد ومليكه
كانت مليكه نايمه فى حضنه
فهد :- لا بجد انتى النهارده كنتى مبدعه
مليكه :- ضربته على صدره وخبت وشها فى صدر فهد
فهد :- هههههههههه اللى يشوفك دلوقتى ميشوفكيش من شويه كنتى متألقه
مليكه :- فهد بطل غلاسه بقى واسكت
فهد :- ههههههههه حاضر أصل الصراحه بحب اشوف الخدود التفاح دول لما بتتكسفى
مليكه :- عارف يا فهد ماما تملى كانت تقولى اللهى ربنا يديكى على قد نيتك ويسعدك ويفرح قلبك مكنتش فاهمه معنى الدعواتين دول بس فهمتهم لما قابلتك واتجوزتينى عرفت أن انا الحمدالله نيتى حلوه من نحيت كل الناس وبجد معاك انا سعيده اوى وقلبى تملى فرحان بحبك وعشقك ليا ودعوة امى دى لحد دلوقتى هى اللى منوره حياتى ودعواتها ليا هى اللى
وقعتنى فى سكتك وعرفتك عليا على قد ما كنت بقول عليك متكبر ومغرور ورغم الظروف اللى عدت علينا زودت حبك فى قلبى وحبيتك اكتر وبحمد ربنا كل يوم فى صلاتى أن هو بعتك ليا
فهد :- ضمها ليه اوى وبسها فى راسها وقال وانتى يا لوكه كل يوم حبك بيزيد فى قلبى اكتر من الاول ده انا سعات كتير بحسد نفسى وأحس أن انتى كتير عليا
مليكه :- بسته فى خده وقالت متقولش كده ده انا من غيرك ولا حاجه
فهد :- بحبك بحبك بحبك نفسى اصرخ بعلو صوتى واقول للناس أن انا بعشقك
مليكه :- ربنا يخليك ليا وميحرمنيش منك ابدآ
فهد :- باسها وقال ولا منك يا عمرى وضمها فى حضنه اوى وحط راسه على راسها وناموا