فرح
الفصل الخامس عشر والسادس عشر
بقلم مروه السيد
سلمى دخلت طب زى ماكانت بتحلم وعلي دايما بيزور انور فى الفيلا عشان يشوف سلمى ندى وفرح ملاحظين أنه بيتحجج بانور عشان يشوف سلمى بس سلمى مش راضيه تعترف بدا وشايفه أنه مينفعش تتجوز وهى فى الكليه وهو مش هيستنى كل دا
سلمى...بس بقا بطلوا مش كل مايجى تقولوا نفس الكلام جاى عشانى انا يستحيل اعلق نفسى بواحده الله اعلم هكون ليه ولا لاء
ندى... يعنى عايزه تقنعينى متعلقتيش بيه من ايام ماكان بيديكى درس
فرح... خلاص بقا ياندى متكسفيش سلمى
سلمى... اتلمى انتى وهى وشوفوا بتعملوا ايه بعيد عنى يلا اطلعوا من اوضى كمان
فرح .... انتى بتكرشينا عينى عينك كدا انا لا يمكن اسكت على كدا
ندى.... يبقى نقيم عليها الحد ويقوموا من مكانهم
سلمى.... لالالا انا بنت عمكم عيب كدا وتبدأ حرب مخدات بين البنات
عند منال جوزها رجع من السفر ورجعوا بيتهم
منال.... حبيبى بابا تعبان شويه وعايزه اشوفه
محمد.... نروح له النهارده نشوفه
منال .... شكرا ياحبيبى هقول للاولاد عشان يجهزوا نفسهم
مراد .... اتخرج وفتح مكتب محماه
فى المساء الكل مجتمع
عبد الرحيم .... حازم وفرح طبعا فرحهم اتأجل بعد اللى حصل ويطلع ظروف وأيديهم لحازم وفرح
حازم.... ايه دا ياجدو
عبد الرحيم .... دى دعاوى فرحكم الاسبوع الجاى
انور.... مبروووك ياحازم مبروك يافروحه و عقبالى
عبد الرحيم ... خد انت كمان ويدى لانور وندى ظروف هما كمان شكلهم شيك طبعا
انور... بهزارايه يا جدو صعبت عليك وهتجوزنى انا كمان ولا هتصدم وتقولى عشان نعزم
امجد .... لا انت فعلا هتتجوز كمان اسبوع مع حازم الدعاوى دى عشان صحابكم كل واحد فيكم يعزم صحابه
احمد.... وانتى طبعا ياسلمى شوفى عايزه تعزمى مين وخدى الدعاوى
فرح....هنلحق نشترى الفساتين هتقولوا لينا فى يوم ماشى بس هتحجزوا القاعه امتى وهتعزموا امتى وكل حاجه الفرح عايز ترتيبات اكتر من الخطوبه
احمد... احنا بقالنا شهر بنجهز كل حاجه فى فيلا صغيره دورين جمب الفيلا دى كانت بتتبنى من سنه لو أخدين بالكم
حازم.... ايوه صاحبها جالنا الشركه واحنا اللى عملناها
امجد..... اللى اتفق معاكم دا مكانش صاحبها دا واحد جدك بعته عشان تبقى مفاجأة ليكم بعد ما تخلص
سعاد..... وطبعا انا وسهير ومنال اللى اختارنا كل حاجه فيها من عفش لحد هدومكم موجوده فى الفيلا يعنى جاهزه على السكن على طول
ندى ... ايه دا ايه دا انتم بتخططوا من ورانا وجهزتوا كل حاجه حتى الفرح طيب ازاى واحنا معاكم على طول
منال .... على طول فين الرجاله فى شغلها والبنات فى جامعتهم
فرح ... اوباا يعنى خلاص ادبسنا
حازم... نعم ادبستى دا انا اللى ادبست مش انتى ياجماعه اسالوا علينا من العصابه دى
الكل يضحك ويبارك ليهم
علي ... مبروك ياصاحبى وعقبالى
انور... الله يبارك فيك يلا شد حيلك بقا
علي .... لا انا لسه شويه لما حبيبتى تخلص لاول
سلمى .... انت ليك حبيبه
علي .... اه بنوته أموره وهاديه بس لسه تانى سنه ليها فى الكليه ادعيلى سنين الكليه دى تخلص بسرعه بقا
سلمي ... تحاول تدارى دموعها وتقوم انا هعمل عصير وتدخل المطبخ
فرح وندى اخدوا بالهم وقاموا وراها
يلاقوا سلمى بتعيط
فرح.... انا حاسه أنه بيتكلم عليكى
ندى... اه وانا كمان بصته ليكى وهو بيكلمك كلها حب كأنه بيقولك حسى على دمك وحاولى تنجزى
سلمى .... وانا هنجز ازاى ما الكليه 7 سنين مش بمزاجى
منال ... سمعتهم طيب اتخطبوا سنه ولا اتنين وكملى بعد الجواز زى فرح وندى كدا
سلمى تتفاجئ من وجود عمتها ولسه بتعيط
منال ... انا شوفت عينك مليانه دموع قولت مش هتشوف تعملنا العصير ادخل انا اعمله
سلمى .... تضحك لعمتها
منال.... طيب اقولك على سر
فرح وندى ... قولى
منال انتم مالكم يا باردين تطلعوا بره وانا هعمل العصير واجيبه انا وسلمى بره
ندى.... لا لازم اعرف السر
فرح... وانا كمان مش هنطلع
منال .... باردين اوى ياسلمى صح
سلمى ... تضحك
منال ... ايوه كدا لو ليكى نصيب فى حاجه هتاخديها صدقينى وباذن الله علي يكون نصيبك
سلمى... ازاى ياعمتو وهو بيقول بيحب
فرح... وقال كمان أنها فى كليه ومستنيها يعنى ممكن يكون عليكى
سلمى ... انتى قولتى اهوه ممكن يعنى يا اه يا لا
ندى... يابنتى من يوم ما خلصتى ثانوى وهو بقا واحد من العيله دا بيجى كل اسبوع يتعشى معانا دا انا حتى حاسه أنه لو عليه هيبات هنا
سلمى... انا شايفه زى عمتوا كدا انكم باردين وتطلعوا بره يلا معطلنا عايزين نعمل العصير وانتم لكاكين اوى
فرح.... دى اخرتها ياسلمى طيب متزعليش لما نبقى لوحدنا بقا يلا ياندى نطلع نقعد مع علي
منال.... امشى يابت من هنا ويضحكوا كلهم
ماهر ...جدو انا خلصت كليه وحابب اشتغل فى مجالى
عبد الرحيم .... فى شغل يعنى قدامك
ماهر .... ايوه فى شغل والصراحة شايفها فرصه ليا
عبد الرحيم .... انا موافق بس هتستنى لحد ما انور وحازم يرجعوا من شهر العسل
ماهر... بس كدا ممكن الشغل يضيع منى
عبد الرحيم .... لو ضاع هشوفلك احسن منه متقلقش بس مش هينفع كله يسيب الشركه
ماهر .... حاضر
احمد... ها يامراد مش ناوى تخطب يعنى اعتقد امورك اتظبطت فى الشغل
مراد.... لما القى شريكه حياتى مش هتجوز غير لما احب
سعاد.... وانت بقا ناوى تحب امتى لما تعجز
مراد .... ياماما انا لسه متخرج سبينى اخد نفسى شويه تعليم وبعدها مسؤوليه كتييير
سهير... انت بقالك سنه متخرج
مراد.... انتى قولتى اهو سنه مش كتير يعنى
عبد الرحيم .... انتم كلكم على الولا سبوه
مراد... جدى حبيبى
عبد الرحيم ... اخواتك يتجوزوا بس وبعد كدا افوق ليك انت وماهر
ماهر.... ايه دا ....
فرح
الفصل السادس عشر
ماهر ... ايه دا انا مش هتجوز دالوقت كان الأول ماليش هدف بس دالوقت خلاص انا ليا هدف
عبد الرحيم .... وايه هو هدفك
ماهر.... ان اشتغل فى مجال تعليم وأثبت نفسى فى الشغل ويكون ليا شغل مستقل بس مش فى الشركه
احمد .... دا حلو بس الجواز خليه ضمن أهدافك
ماهر.... هتعطلنى وانا عايز اركز فى شغلى وبس
نسيبهم بيتكلم ونروح لمكان آخر تحديدا فى القاهره
رامز ...بيتكلم فى التليفون انا لازم اخلص منه خالص شاهيناز ماتت والعيله سمعتها فى المنصوره زى ماهى مش هرتاح غير لما اخد حقى منهم
سليم( صديق رامز لكن مختلف عنه تماما معاه دبلوم صنايع شايل مسؤوليه امه واخته بعد موت والده ) ... انت بتقول ايه عايز تقتل تانى كفايه اتنين ماتو بسبب اللى عملته
رامز .... انا معملتش حاجه واحد جاله جلطه ومات والتانيه انتحرت يعنى مش انا إللى قتلتهم
سليم ... انا بحذرك ابعد عن العيله دى ولو حاولت تاذي حد اعتبرنى مش صاحبك سلام يارامز.ويقفل
نرمين ...( اخت سليم رابعه كليه اداب قريبه من سليم جدا ) مالك متعصب كدا ليه
سليم .... رامز برضو عايز يقتل حفيد عبد الرحيم
نرمين.... وهتعمل ايه
سليم مش عارف بس لازم امنعه باى طريقه
نرمين... انا عندى فكره
سليم ... قولى
نرمين .... انت كلمه وقوله انك فكرت ومش هتقدر تتخلى عنه وسجل له المكالمه لازم تعرف هيعمل ايه بالظبط وساعتها تقدر تحذرهم
وفعلا سليم يكلم رامز تانى ويعرف منه هيعمل ايه وتعدى الايام روتينيه والكل مشغول فى تجهيزات الفرح
يوم الفرح الصبح
رامز مراقب الفيلا ومعاه مسدس مستنى حازم يطلع عشان يقتله
سليم يتصل برامز ويعرف أنه هينفذ خلاص
نرمين هنعمل ايه دا هناك ومستنيه يخرج النهارده فرح حازم لازم اعمل اي حاجه الحقه
نرمين.... طيب هتعمل ايه لو روحت لرامز معندوش حبيب ممكن يقتلك انت لو منعته
سليم .... رامز ميعرفكيش انا عايزك تروحى بنسخه من التسجيل اللى معايا وتخشى على انك صاحبه خطيبه حازم وتحاولى تبلغى اى حد تقابليه وانا هاخد التسجيل واطلع على الشرطه ابلغ عنه وعرفيهم انى جاى بالشرطه بس عشان لو انا اتاخرت وحازم خرج حد يمنعه يلا بسرعه البسى وانا هوصلك هنزلك على اول الشارع
نرمين .... حاضر دقايق واكون جاهزه
وتصل نرمين الفيلا والكل منشغل تقابل مراد فى الجنينه
نرمين ... لو سمحت
مراد .... ايوه ويسرح فى جمالها نرمين عيونها خضرا وبيضاء لبسه فستان نبيتى وطرحه اوف وايت
نرمين.... انت ايه
مراد ... معلش سرحت شويه انتى صاحبه ندى ولا فرح
نرمين .... انا عايزه حد منهم أواستاذ حازم
مراد .... نعم وعايزه حازم ليه تعرفى لو فرح عرفت هتعمل فيكى ايه
نرمين ... اخلص بقا عايزه حد ضرورى
مراد .... انا اخو حازم انفع
نرمين ....امممم طيب استاذ حازم خرج ولا لسه هنا
مراد ..... ماتقولى فى ايه وعايزه حازم ليه
نرمين.... فى واحد واقف قريب من الفيلا انا معرفش مكانه بالظبط بس عايز يقتل أستاذ حازم
مراد .... انتى بتقولى ايه وعرفتى ازاى
نرمين .... انا اخت صاحبه وهو كلمه وقاله وكان عايز اخويا يساعده بس اخويا كان رافض لكن سايسه عشان يعرف بيخطط لايه ويلحق استاذ حازم والتسجيل دا بياكد كلامى وسليم اخويا بيبلغ عنه دالوقت ومعاه نسخه من التسجيل دا ممكن بقا تقولى هو فين عشان نلحقه
مراد.... حازم و....