رواية فرح
الفصل الاخير
بقلم مروه السيد
مراد.... حازم ويدخل بسرعه الفيلا يطمن على اخوه يقابله
على السلم هو وفرح ووراهم انور وندى رايحين الاوتيل لكل
واحد غرفه لحد معاد الفرح ندى وفرح فى اوضه وحازم وأنور فى اوضه
حازم.... فى ايه بتجرى كدا ليه
مراد .... انت رايح فين
حازم.... انت سخن يامراد ما انت عارف اننا رايحين الاوتيل انت مش جاى معانا ولا ايه
مراد ... مش هينفع تخرج من هنا
انور.... فى ايه يامراد ماتفهمنا وبعدين مين دى
مراد .... دى اللى جت عشان تنقذ حازم
قولي لهم ياااا انتى اسمك ايه
نرمين .... انا نرمين
ويأتي عبد الرحيم متسند على احمد وأمجد
عبد الرحيم .... تنقذ حازم من ايه
نرمين انا هحكى ليكم كل حاجه
احمد ... طيب اتفضلى فى الصالون نتكلم
ويدخلوا كلهم الصالون ومستنين نرمين تتكلم
نرمين ... ونسيبها تحكى ليهم كل حاجه من اول ما ضحك على شاهيناز لحد ماخطط يقتل حازم يوم فرحه
عند سليم ...يبلغ الشرطه وفى طريقهم لفيلا عبد الرحيم
رامز ... كل دا مستنى حازم يخرج من الفيلا عشان يقتله ويتصل بسليم
رامز .... سليم انت بلغت حازم بحاجه
سليم ... هو انا اعرف حازم عشان أبلغه وبعدين انا مش هودى نفسى فى داهيه بما أبلغه وانا متفق معاك اجيبلك معلومات عنه
رامز ... طيب اقفل دالوقت اكيد هيخرج دالوقت سلام
سليم ... سلام
كل دا والظابط بجانب سليم وسامع المكالمه كلها
فى فيلا عبد الرحيم
احمد .... انتى متاكده أن الشرطه جايه
نرمين .... ايوه سليم كلمنى وقالى أنه معاهم
حازم.... وايه اللى خلاكم تتكلموا دالوقت بعد ما اخوكى كان موافقه
نرمين .... انا قولت أنه مكانش موافق بس كان بيهدده بيا
انور... وانتى مخوفتيش وانتى جايه يعنى رامز بما أنه جمب الفيلا يبقى اكيد شافك
نرمين .... رامز ميعرفش شكلى كل اللى يعرفه أن سليم له اخت وبس
فرح ... طيب هنعمل ايه مينفعش تخرج ياحازم
حازم .... انا مبخافش وهخرج يلا بينا يا انور
عبد الرحيم .... حازم دى مفيهاش عند اصبر الشرطه توصل لاول
حازم .... ياجدو رامز لو شاف الشرطه هيختفى اكيد مش هيفضل واقف انا لازم اطلع ادور عليه هو فين
امجد قام وسايبهم
عبد الرحيم .... رايح فين
امجد ...انتم ناسين إن فى كاميرات حوالين الفيلا يعنى لو رامز قريب من الفيلا الكاميرات هتعرفنا مكانه بالظبط انسه نرمين كلمى اخوكى وشوفيه وصلوا فين وانت ياحازم ماتتحركش من هنا لحد مانعرف مكانه
وفعلا لما يشوفوا فى الكاميرات يلاقوا رامز واقف ومعاه مسدس ونرمين تكلم سليم وتعرفه مكان رامز عشان لو شاف الشرطه وهى بدور عليه هيهرب وبكدا هتكون حياة سليم وحازم فى خطر وتصل الشرطه على المكان المحدد ويتم القبض على رامز
الظابط ممكن استاذ حازم يجى معانا عشان المحضر
عبد الرحيم .... هيتاخر أصل النهارده فرحه والمفروض يكون فى الاوتيل من ساعه
الظابط .... الف مبروك عموما هى نص ساعه ويكون فى الاوتيل بس عشان نقفل المحضر وحاضرتك يا استاذ سليم
سليم ... حاضر نرمين ارجعى انتى البيت عشان ماما ماتقلقش عليكى
فرح .... تروح فين دى هتيجى معانا وتحضر الفرح احنا مديونين ليكم
نرمين ... لو معملناش كدا هنبقى مجرمين زيه
عبد الرحيم .... شكرا ليكم جدا انتم انقذتوا حفيدى
سليم .... لا شكر على واجب
عبد الرحيم ... فرح أحفادى النهارده فى اوتيل (...) ياريت تشرفونا
سليم ... الف مبروووك وان شاء الله نحضر عن اذنكم
حازم... اتفضل معايا فى العربيه
انور... انا جاى معاكم
حازم ... مالوش لزوم انت خد البنات وروح على الاوتيل ومراد واصل الانسه وبعد كدا روح الاوتيل
فرح .... حازم طمنى عليك
حازم .... متقلقيش انا هقولهم اللى اعرفه واجيلكم على طول
ويعدى الوقت ويتم الفرح كان فرح أسطورى
بعد مرور سنتين
حازم ... يلا يافرح هنتأخر
فرح ... انا خلصت اهوه ايه رأيك فى عروستك دى
حازم ... اجمل عروسة بنوتى حبيبتى
حازم وفرح معاهم جني وفرح حامل فى بنوته تانيه
حازم ... يلا بينا ويشيل جني ويمشوا
عند انور وندى ... معاهم تؤام أسر وآسيل
انور ... ملبوخه بيهم اومال لما تجيبى التالت هتعملى ايه
ندى ... اولا التالت دا انساه انا بس اقدر عليهم دول مغلبنى ثانيا بقا انا خلصت ويلا بينا عشان منتأخرش
انور... يلا انا متعطل عليكى وبعدين لما نرجع نبقى نشوف موضوع التالت دا
ندى ... اه ان شاء الله
أما عند مراد ومعاه ماهر
ماهر... الف مبروك يامراد أخيرا بقا
مراد.... الله يبارك فيك الحمد لله دى غلبتنى على موافقت
ماهر .... ما انت اللى كنت بترخم عليها فى أول ماعرفتها
مراد ... كنت بحب استفزها لما بتتعصب بتبقى قمر المهم انها هتبقى معايا النهارده لاخر العمر
ماهر... ربنا يسعدك
مراد .... عقبالك انت واسماء
ماهر .... ان شاء الله قريب
(ماهر خطب زميلته فى الشغل اسمها اسماء خريجه سياحه وفنادق وشغاله مع ماهر حبوا بعض واتخطبوا بعد سنه من شغلهم مع بعض )
فى فيلا عبد الرحيم
سلمى اتخطبت لعلي واتفقوا يتجوزوا فى اخر سنه ليها فى الكليه
فى الفرح الكل موجود عبد الرحيم ...الحمد لله عيشت لما شوفت أحفاد أحفادى واطمنت عليكم كلكم ماهر استعد انت وسلمى عشان تحصلوا مراد مش هتستنوا اكتر من كدا
ماهر ... ان شاء الله ياجدى
سلمى .... لا انا مش هتجوز غير فى اخر سنه ومتفقه مع علي على كدا
عبد الرحيم ... اتجوزى وكملى بعد كدا مبحبش الخطوبه الطويله
فرح وندى ... يلا نتصور كلنا مع العريس والعروسه
ويتجمعوا كلهم حوالين العروسين وياخدوا صور تذاكر لليوم دا
النهايه