CMP: AIE: رواية حكايات العاشقين الفصل الرابع والاربعون والخامس والاربعون بقلم رحمة ناجح
أخر الاخبار

رواية حكايات العاشقين الفصل الرابع والاربعون والخامس والاربعون بقلم رحمة ناجح


 آلبارت الرابع والاربعون
والخامس والاربعون 

 روايه حكايات العاشقين ♥️

بقلم رحمة ناجح

ليليان. بغضب. انتا ايه اللي جابك هنا .

عمار. وهو يدلف. جاي لزوجتي المستقبلية..

ليليان. ز ايه يا عنيه..

عمار. زوجتي يا قره عيني..

ليليان. امشي يا بابا من هنا عشان مزعلكش..

عمار. لا ما هو. انا مش ماشي غير لما اعرف انك وفقتي علي الجوازه مع أن والله مش هتفرق عشان في الحالتين هتجوزك..

ليليان بسخريه. بما انك واثق اوي كده جيت تسالني ليه احسنلك امشي انتا متعرفنيش كويس..

عمار بثقه. ليليان كنتي بتحبي باباكي جدا كان شغال في الشرطه اتورط مع المافيا وفي الاخر اتقتل ومعرفتيش تثبتي كده ولما دخلتي مع اللواء المهمه كان عشان تاخدي حق ابوكي عرضتي نفسك للخطر في مواقف كتير كنتي قاعده  في تركيا عشان السبب ده رجعتي مصر لما اتاكدتي أن اتقبض عليهم وملكيش حد وحيده ودخلتي فتره في حاله اكتئاب بعد موت باباكي وصحابك هما اللي وقفوا جمبك   بس متقلقيش انا هبقا كل حياتك. 

كانت ليليان تستمع كل هذا وعلامات الصدمه احتلت وجهه فكيف يعرف كل هذا عنها..

ليليان. انتا عرفت الكلام ده ازاي..

عمار. مش مهم المهم انك هتبقي مراتي..

ليليان. عايز تتجوز واحده معقده..  

عمار. بحبك..

ليليان. انتا كداب ..

عمار.صدقيني بحبك..

ليليان. تقدر تقولي حبيتني ازاي وأمته اصلا تقدر تقولي شوفتني كام مره شوفت طباعي السيئه شوفتني في عز انكساري الاجابه لا يبقا متجيش تقولي بحبك من مرتين تلاته شوفتني فيهم..

عمار. هحيلك حاجه عمرك جربتي تحبي شخص لحد ما يبقا محور حياتك وفي الاخر يسيبك عشان حد تاني..

ليليان. دي تجربه انتا عشتها صدقني كل شخص جواه حاجه بيبقا احسن ليها الصمت ساعات الكلام مبيجيش نتيجه..

عمار بمرح. طب هنتجوز أمته..

ليليان بحده. اطلع بره..

عمار. الله مالك قفوشه كده ليه..

ليليان. عمار انا مبهزرش اطلع بره وانسي حكايه الجواز دي ..

عمار. تمام اعملي حسابك كتب الكتاب كمان يومين عشان تبقي جهزتي نفسك بس يالا سلام يا بيبي..

ليتركها عمار ويرحل كانت ليليان تلعن فيه بشده فقد استفزها وذكرها الماضي التي هي لم تنساه مطلقاً...


فما سيحدث لهم يا تري ؟؟..


ينتهي اليوم علي جميعهم منهم من نام يفكر في المستقبل ومنهم من نام عاشقا ولكن دائما القدر ما يختاره لنا هو ما سيحدث....


صباح يوم جديد..


كانت البنات يجلسون في الصالون منتظرين وصول الشباب الذي أصروا أن ياتوا معهم..

چود. حور هي سيدرا بعتت الموقع ولا لا..

حور. بعتته بس لسه عدي مجاش..

عشق. معرفش هما مصممين ليه يوصلونا طالما مش هيدخلوا معانا..

حور. احساس السيطره ياختي حلو ..

عشق. طب هما اتاخروا ليه ..

چود. معرفش ..

احمد. بت انتي وهي كل واحده بعلها جه بره..

عشق بضحك. ما بلاش انتا ..

احمد. قصدك ايه يا بت والله اجي اقعدلكم في النص..

عشق. اعملها شكل البسين وحشك..

احمد. والله لولا أن الحج رباني وعلمني ممدش ايدي علي بنات كنت عرفتك يا زفته..

حور. طب يالا نخلص عشان اللي واقفين بره دول ..

لتأخذ حور البنات وتتجه بهم الي الخارج..

لتركب كل منهم الي السياره الخاصه بزوجها المستقبلي😂


في سياره غيث..

غيث. وحشتيني..

چود. لاااا ..

غيث. يخربيتك في ايه ودني..

چود. ياعم لا دلوقتي تقولي وحشتيني وبعدين تقولي كلميني قبل اما انام وانا مش بحب السهوكه دي..

غيث. حسبي الله ونعم الوكيل يا شيخه انا ايه اللي خلاني احبك داكي نيله..

چود بضحك. قدرات.

غيث. طب مش واخده بالك انك ناسيه حاجه.

چود. ناسيه ايه..

غيث. مثلاً تقوليلي بحبك انتي مقلتهاش يا شيخه.

چود. لا بقولك ايه غيث عيب امشي يالا عايزه اروح..

غيث. هو ايه اللي عيب وبعدين تروحي فين يا هبله احنا قدام البيت اصلا لسه متحركناش..

چود. مش مهم بس نخلص بقا عشان البت كتب كتابها انهارده..

غيث. الصبر انا غلطنلك جتك نيله..

چود. احم ممكن طلب..

غيث. اخلصي..

چود. ممكن تجيب مها انهارده تقعد معانا بعد كتب الكتاب..

غيث. بس ممكن تتاخروا..

چود. لا متقلقش كتب الكتاب هيخلص علي 5بالكتير اوي يعني وهنمشي فانتا بقا تجيب مها ..

غيث. حاضر.. 

ليذهب بها إلي منزل سيدرا...


عند عدي..

عدي. بفكر كتب الكتاب يبقا اخر الشهر ده ..

حور. ده اللي هو ازاي يعني.

عدي. عادي يعني ايه بدري علي الجواز فقولت اسرع كتب الكتاب ..

حور. هو ايه اللي بدري دا انتو خليتوه كمان شهرين وعايز كتب الكتاب اخر الشهر اللي بعد  ايام ده اللي هو ازاي يعني..

عدي. بحبك..

لتصمت حور بزهول ولكنها فرحت بشده بسبب كلمه بحبك التي قالها عدي والتي جعلت قلبها يزداد ضرباته بقوه لتقسم أنها تشعر أن قلبها سوف يخرج من مكانه ..

عدي. بس اهدي هو انا قولت ايه ..

حور. لا مفيش حاجه هو انتا كده ازاي..

عدي. اللي هو ازاي..

حور. يعني ساعات بحسك بارد اوي بتعرف تتحكم في اعصابك بطريقه فظيعه وفي الاوانه الاخيره حساك بقيت رومنسي كده وبتتعامل عادي عكس الاول ..

عدي. تصدقيني لو قولتلك انك اول حب في حياتي ..

حور بتوتر. ده مالوش دعوه باجابه السوال..

عدي. بس ليه علاقه بحبي ليكي..

حور. الله ما خلاص بقا في ايه اسكت..

عدي بضحك. حاضر يا فراولتي..


عند عشق..

مراد. منوره..

عشق. عارفه..

مراد. عبوشكلك..

عشق. انتا عايز ايه وليه صممت تيجي توصلني..

مراد. عايزه ايه فأنا عايز اتجوزك اما ليه صمتت اولا كنت عايز اشوفك ثانياً مينفعش اسيبك تروحي حتا لوحدك بعد كده ..

عشق. اممم ماشي..

مراد. لا مفيش برسيم ..

عشق. نينيني ظريف..

مراد. يا بنتي اعمليلي احترام..

عشق بمرح. احترام دي تبقا خالتك..

مراد.  انتي عارفه لو مسكتيش انا هوقف العربيه دي ولو وقفتها متلوميش غير نفسك..

عشق. احم سكت   ..


امام بيت سيدرا كانوا البنات يودعون الشباب ثم تركوهم وصعدوا الي الاعلي..


چود. وهي تطبل. سيدرااا افتحي يا عروسه..

عشق وحور. انا العريس..

سيدرا. ايه يا دوشه منك ليها..

حور. الله مش كتب كتابك انهارده لازم نفرفشوكي...

سيدرا بضحك. طب يالا ياختي منك ليها خشوا..

لتدلف البنات ..

سيدرا. ماما دول اللي حكتلك عنهم..

حور. احم واحنا سمعتنا سبقانا بصراحه..

الام. منورين يا حبيبي..

البنات. بنورك يا طنط..

سيدرا. تعالوا بقا نخش اوضتي..


في شقه مها ...


غيث. وبس يا ستي ده اللي حصل..

مها وهي تحتضنه. الف مبروك ياغيث فرحنالك من قلبي يا روحي..

غيث. عقبالك يا قلبي..

مها بمرح. اديني قاعده مستنيه اهو ..

غيث. اتلمي يا بت..

مها. احم اتلميت..

غيث. طب چود عايزاكي تروحي تقعدي معاها شويه .

مها. بس كده من عيوني ..

غيث بابتسامه. تسلم عيونك يا قلبي..


في غرفه سيدرا..

چود. وهي تطبل علي أحدي الاطباق البلاستيك. يا عروسه يا عروسه انا العريس لولولييي..

سيدرا بضحك. خلاص يا حبيبتي هو فرح خالتك ..

چود. بت نكديه بصحيح.

حور. سمع هوووس..

سيدرا. ايه هتنقطي ولا ايه..

حور. لا ياختي انتي مكملتيش حكايه مالك وازاي وفقتي بالسرعه دي ..

سيدرا. احم ما هو بصراحه كده يعني الواد كان حب طفولتي..

حور. لولولييي وايه كمان ..

چود. وانا اللي فكرك مؤدبه طلع عندك حب طفوله..

عشق. كملي كملي ..

سيدرا. بس لما جيت من تركيا وده بقالوا فتره يعني لقيته في مره قاعد مع ماما انا استغربت بصراحه..


Flash back..

سيدرا. دكتور مالك ..

مالك بصدمه. انتي ..

الام. في ايه يا عيال ده مالك ابن خالتك يا سيدرا..

سيدرا. احلفي ده اللي هو ازاي يعني ..

الام. في ايه يا بت انا هضحك عليكي ولا ايه ..

سيدرا بزهول. طب انا ازاي معرفتكش لما كنا في تركيا طب انتا ازاي اتغيرت كده ..

مالك بمرح. اتغيرت للاحسن ولا..

سيدرا. لا طبعاً للاحسن بس انا مشفتكش من وانا عندك 15 سنه من زمان اوي ..

مالك. بعد موت ماما وبابا في الحادثه أهل والدي أصروا أن ابقا معاهم زمن ساعتها انا مشفتكيش ..

سيدرا. ايوه بس انتا كنت في تركيا نزلت امتا..

مالك. نزلت امبارح ..

سيدرا. علي العموم رغم الصدمه اللي انا فيها دي بس مبروك رجوعك لأرض الوطن ..( جماعه أنا ك رحمه نفسي احس احساس أن  حد يقولي مبروك رجوعك لأرض الوطن 😂) 

مالك. بابتسامه. الله يبارك فيكي ..

الام. تعالي في حضني يا مالك يا وحشني..

مالك. بضحك. حاضر يا خالتو ..

ليذهب الي الام ويحضنتها ..

مالك. انا همشي بقا يا خالتو..

الام. ليه ما انتا قاعد معانا يا بني..

مالك. معلش يا خالتو أصل انا تعبان وعايز استريح ..

الام. اللي يريحك يا بني ..

مالك.بهمس لسيدرا. سلام يا صغيرتي ..

لتنصدم سيدرا من هذا اللقب ..

لتدلف سيدرا الي غرفتها وتجلس علي السرير وهي تتذكر هذا اللقب الذي كان يناديها بيه وهي صغيره وها هو الآن يقول لها نفس اللقب  ..

سيدرا بتفكير. هل هو مازال يحبها كما كان في السابق ولكنها تنفض هذا الفكره من دماغها فهي ستتعامل معه عادي لكي لا يكتشف هذا الحب التي مازال في قلبها اتجاهه..


ليمر اليوم بسلام ويأتي اليوم الحاسم..


كانت سيدرا ما زالت نائمه لتدلف الام الي غرفتها ..

الام. غيبوبه يا ناس قومي بقا زهقتيني..

سيدرا. صحياني هيفرق معاكي في ايه يعني..

الام. قومي يا بت في حاجه مهمه..

سيدرا. ايه الهكسوس دخلوا بتنا..

الام. اه قومي بقا..

سيدرا. قومت اؤمريني عايزه ايه..

الام. كلمي مالك وقوليله أنه معزوم عندنا انهارده..

سيدرا. مش معايا رقمه..

الام. معايا انا بلاش حجج..

سيدرا. هاتي وخلصيني ..

لتقوم سيدرا بالاتصال علي مالك لكي يأتي لهم..

سيدرا. حلو كده اهو جاي اهو سبيني انام بقا..

الام. خمس دقائق والاقيكي ورايا عشان الشقه ..

سيدرا. ده ايه الظلم ده..

لتخرج الام وبالفعل خلال خمس دقائق كانت سيدرا تقف في منتصف الصاله..

الام. عايز اشوفها بتلمع..

سيدرا بغيظ . حاضر..

بالفعل كانت كانت سيدرا بعد ساعه تقف تقوم بأعمال المنزل ..

سيدرا. والله يا زمن ولا بادينا ذرعنا الشوق ..

الا بضحك. كملي وقفتي ليه..

سيدرا بضحك. لا مانا حافظه لحد هنا بس ..

الام. طب خلصي..

سيدرا. لولولييي خلصت ..

الام. خلصتي..

سيدرا. ما احنا في عصر السرعه يا حاجه ..

الام . طب خشي البسي بقا عشان مالك علي وصول ..

سيدرا. حاضر ..

ما أن دلفت سيدرا الغرفه كان مالك يقف علي الباب..

الام. ادخل يا مالك..

مالك. جيت اهو يا خالتو ..

الام بخبث. طب في واحد جي دلوقتي وكان عايز يقعد معايا بس انا قولت طالما في راجل في البيت يبقا يقعد معاه ..

مالك. راجل مين ده..

الام بمكر . معرفش ..

مالك باستغراب. ماشي يا خالتو ..

وما هي اللي دقائق وكان بالفعل يوجد طرقات علي الباب  ليتوجه مالك الي الباب لكي يفتحه ..

مالك. اتفضل .

ليدلف هذا المجهول الي غرفه الصالون ..

مالك.  اتفضل كنت عايز ايه ..

م. بصراحه كنت اتشرف أن أطلب ايد انسه سيدرا من حضرتك ..

مالك. افندم تطلب مين ..

م. الانسه سيدرا ..


بالخارج ..

سيدرا. ماما هو مالك جوه ..

الام. اه وقاعد مع واحد جوه ..

سيدرا. واحد مين ..

الام. معرفش ..

لتسمع سيدرا صوت مالك العالي لتقرر أن تدخل الغرفه ..

سيدرا. مالك في ايه ..

مالك. انتا جاي تطلب مين دي تبقي مراتي ..

سيدرا بزهول . هو انتا ..

مالك بغضب. انتي تعرفيه ..

سيدرا. ايو كان زميلي في الشغل اللي في تركيا ..

م. مانتي رفضتيني في تركيا فقولت لما اجي مصر هتوافقي ..

سيدرا. لا والله يعني مرضتش في تركيا هوافق في مصر ..

مالك. انا بقول تطلع بره عشان لو فضلت هنا ثواني انتا اللي هتندم ..

ليقرر هذا الشخص الانسحاب عندما وجد أن مالك غاضب وبشده ..

سيدرا. ثواني بس انا سمعت كلمه مراتي مرات مين ..

مالك. مراتي ..

سيدرا. لا والله دا من أمتي وانا معرفش كده  ..

مالك. تتجوزيني ..

سيدرا بصدمه. نعم ..

مالك. بحبك ومن زمان وانتي عارفه ..

سيدرا. هاا ..

مالك. هو ايه اللي هااا والله بحبك من زمان ..

سيدرا. احم انا هاروح اكلم ماما ..

وجاءت أن تخرج ليمسك مالك يديها يمنعها من الخروج ..  

مالك. مش هسيبك تاني سيبتك زمان مره ودلوقتي مستحيل ..

سيدرا. احم سيب ايدي ..

مالك. بحبك ..

سيدرا بهمس. وانا كمان ..

مالك. لولولييي يا بركه دعاكي ياما ..

سيدرا. بضحك. خلاص في ايه ..

مالك. يا خالتووو ..

الام. عايز ايه يالا ..

مالك. اعملي حسابك كتب كتابي انا وبنتك كمان اسبوعين الحقي بلي الشربات بقا ..

الام. كتب كتاب مين يالا ..

مالك. لا مانا مش هعيد كلامي كتب الكتاب كمان اسبوعين ..


Back ..

سيدرا. بس ده اللي حصل ..

عشق. ياه يا عبد الصمد علي قصه الحب القذره ..

سيدرا. عبوشكلك ..

چود. اسرع قصه حب فيكي يا مصر ..

حور. طب نخلص بقا عشان العريس علي وصول ...

بعد مرور ساعه ونصف كانت تقف سيدرا في الغرفه بعد أن انتهت من ملابسها فكانت ترتدي dress من اللون الاوڤويت والطرحه من اللون السماوي فكانت تشبه الملكات بحق بهذا make up الخفيف الذي أبرز ملامحها فكانت ايه من الجمال ..

حور. يا روحي علي الجمال اللهم بارك ..

سيدرا. احم احم انا طول عمري قمر اصلا ..

حور. غرور ..

مالك. ممكن ادخل ..

چود. ما انتا دخلت يا ضكتور..

مالك. ايه القمر ده يا صغيرتي ..

سيدرا بخجل. شكراً ..

مالك. طب يالا عشان الماذون بره ..

سيدرا . طب يالا ..

لتخرج سيدرا برفقه مالك الي الخارج حيث الماذون ..

چود. بصي يا بنتي قبل ما تكتبي الكتاب الواد ده كان مقضيها في تركيا ..

مالك. اهدي يا ولعه ..

چود. احم هديت ..

مالك. شوف شغلك يا شيخنا ..

بعد مرور ساعه كان يقول الماذون بارك الله لكما وبارك عليكما وجمع بينكما في خير ..

ما أن سمع مالك هذا الكلمات قام وحضن سيدرا بشده ..

حور. الله يا عيال علي الحضن ..

چود. انهدي هنتفضح ..

عشق. طب يالا عشان مراد اتصل وقال إنهم تحت ..

حور. تمام هنسلم عليهم ونمشي ..

ذهبت البنات لكي تسلم علي سيدرا ومالك قبل أن يذهبوا ..

انتهت البنات ثم توجهوا الي الأسفل ..

في عربيه غيث..

غيث. انا كلمت مها وقالتلي أنها هتجيلك انهارده ..

چود. تمام فرحتني والله .. (طبعاً مش هتبقى عمتك ناس. مصلحجيه 😂)


بعد مرور  ساعه ونصف ساعة كانت البنات تجلس في غرفتها في انتظار مها ..

حور. ما تيجي نقعد في الصالون نستناها ..

چود. لا مها مننا وعلينا عادي ..

عشق. طبعاً ما هي هتبقى عمتو بقا ..

چود. طب انا هنزل اجبها عشان غيث قال إنها تحت ..

حور. تومام ..

لتذهب چود الي الأسفل حيث مها لكي تجلبها..

چود. مها حبيبتي عامله ايه ..

مها وهي تحتضنها. الحمد لله يا روحي ..

چود. طب تعالي نطلع اوضتي احنا قاعدين فوق ..

لتأخذ چود مها وتصعد بها الي الاعلي ..

حور. وحان الان خلع النقاب ..

مها. بضحك. في ايه اهدي بس ..

حور. اقلعي ..

عشق بضحك. لا كده هنتفهم غلط ..

حور. احم اقلعي النقاب ..

بالفعل خلعت مها هذا النقاب ..

چود. دا انتي ولا جرافيك ..

مها. بضحك. لا جرافيك ..

چود. لا بس مزه كان لازم اتوقع اصل غيوثي قمر فأكيد طالعه قمر زيه يعني ..

حور. هيغمي عليا من السهوكه دي ياختاااي ..

چود. بضحك. خلاص تعالي نقعد ..

لتجلس البنات وسط ضحكاتهم ..

حور. بغضب. انتا ازاي تعمل كده ..








البارت الخامس والاربعون 

من روايه حكايات العاشقين




حور بغضب. ايه يا احمد انتا ازاي تدخل كده ..

أما مها فقد انزلت النقاب سريعاً علي وجهها ..

احمد. اسف مكنتش اعرف ان في حد غريب معاكم ..

ليخرج احمد من الغرفه وينزل الي الأسفل ..

حور. معلش احمد متعود يخش الأوضه علينا كده ..

مها. خلاص ولا يهمك ..


أما بالاسفل ..

فكان احمد منشغل بتلك الحوريه الذي شاهدها ولاول مره يشعر بهذا الشي يتحرك بداخله ..

احمد في سره . معقوله تكون حلوه كده يخربيت عيونها اللي شبه القهوه دي ولا النمش اللي علي وشها  يخرابي ياما .. (ايه يابني انت لحقت شوفت كل ده اللهم لا حسد يعني بس ايه العين دي  😂)


في غرفه البنات ..

حور بخوف. ليليان بتتصل ..

چود. ردي ..

حور. لا خدي ردي انتي ..

عشق. ما تخلصي يا بت وتردي ..

حور. احم الو يا روحي ..

ليليان. ده انا اللي هاجي اخد روحك ولا اقولك لا بعد الشر عليكي..

حور. بضحك. برج الجواز انهدي شويه ..

ليليان. ماله برج الجواز يا بت ..

حور. اجدع ناس والله ..

ليليان. المهم في حاجه مهمه ..

حور. ايش ..

ليليان. عمار عايز يتجوزني وبيقولي كتب الكتاب بكره ..

حور. بركاتك يا شيخه طيف . ( والله لهريكم افراح 😂) 

ليليان. زفته ركزي معايا ..

حور.مركزه بس ثانيه عمار مين ..

ليليان. الشخص اللي كان معاكم في المهمه ده .

حور. عمار صديق طفولتي ..

ليليان. صديق مين يا عنيا ..

حور. ما تتهدي في ايه عمار يبقا صديق طفولتي هي طفوله قذره اه بس كانت حلوه والله والواد مؤدب علفكره ..

ليليان. مؤدب ازاي ..

حور. ها ولا حاجه كنت عايزه أبوسه قبل كده واحنا صغيرين وهو رفض يا عيني وتقفشنا كانت حاجه عنب كده ..

ليليان. طول عمرك مفضوحة..

حور. شكرا شكراً ..

ليليان. المهم اعمل ايه ده مصمم يكتب الكتاب بكره وبيقولي مش مهم موافقتك كائن مستفز ..

عشق. بس عسل والله كفايه عيونه ..

ليليان. وانا اللي فكراكم هتنقذوني ..

حور. يا شيخه وافقي انتي لقيه حد يعبرك اصلا ..

ليليان. تصدقي بالله انا كنت شاكه أنها صحبه عره دلوقتي صدقت ..

حور. بصي بقا بصراحه كده من غير هزار عمار من الاشخاص اللي مش بيعترفوا بحبهم بسهوله ولسه خارج من علاقه حب فاشله فا معني أنه قام بحبك يبقا فعلاً بيحبك ..

ليليان بحيره. طب اعمل ايه .. 

حور. يعني عماله اقولك كل ده وتقولي في الاخر اعمل ايه تصدقي بالله انا هكلمه دلوقتي واخليه يغير وجهه نظره في الموضوع ..

ليليان. نعم يا عنيا ..

حور. ما انتي اللي بارده وبعدين انا موافقه عليه يبقا خلاص الموضوع مفيهوش نقاش تاني  ..

ليليان بضحك. خلاص اقتنعت ..

حور. طب علي بركه الله واحنا كمان كتب الكتاب اخر الشهر علي مع اظن ..

ليليان بغضب . ناااعم ياختي ..

حور. في ايه يا لمبي انا هتجوز والله مش مقفوشه في شقه ..

ليليان. مانا كنت حاسه والله ..

حور. اتاكدي بقا أخيراً هتجوز الواد ابو عيون تخبل ده يخرابي يا سعديه علي جماله  ..

ليليان. انهدي يا بت .

حور. انهديت  ..

ليليان. بس لازم أعلمه الأدب الاول ..

حور. ازاي يا ابلتي ..

ليليان. معرفش بس هو بيقول أنه هيجيب الماذون بكره وانا بفكر مجرد تفكير كده اقعدلهم بالبچامه ..

حور بضحك. اقعدي ياختي محدش واخد منها حاجه ..

ليليان. تصدقي انك صاحبه عره غوري يا بت انا غلطانه اني اتصلت بيكي اصلا ..

حور. ليه بس ..

حور. وهي تنظر للهاتف . قفلت ..

چود. احسن ..

حور ببتسامه. ايه ده مها منوره ..

مها. انتي لسه واخده بالك ..

حور بمرح . والله انا بقول متركزيش معايا عشان متهيسيش .. 

مها. طب انا بقول امشي عشان غيث رن عليا ..

چود. ما انتي قاعده معانا ..

مها. معلش تتعوض يا قلبي ..

چود. تمام يا حب ..

عشق. ياااه علي الحب مش هما بيقولوا أن اخت العريس بتبقا حربايه انتي مالك طيبه كده ليه يا مها ..

حور. لا فشرر مانا يوم ما احمد اخويا هيتجوز هبقا عمه عسل والله ربنا يحميني ليكم ..

چود بضحك. يا رب ياختي ..

مها. طب استاذن انا ..

چود. يالا ..

لتأخذ چود مها وتتوجه بها إلي الأسفل ..

ما أن خرجت مها كان أحمد يدلف الغرفه ..

احمد . حوور ..

حور.ايه يا منيل ..

احمد. حبيبتي عامله ايه ..

حور. طالما فيها حبيبتي يبقا فيه مصلحه قول متتكسفش ..

احمد. بصراحه كده ايوان مين اللي كانت معاكي دي ..

حور. وانتا مالك وبعدين ازاي تخش الاوضه كده ..

احمد. عادي يعني ما انا عالطول بدخلها كده..

حور. اه يا حبيبي نسيت انك قليل الذوق ..

احمد. ااااه ..

حور. اه ايه ..

احمد. في حد كان عامل فيا مقلب في تركيا فكره ..

حور بخوف . لا ..

احمد. مش مشكله المهم انا فاكر ليسمك حور من قفاها..

حور. اهدي كده مش واحده زيي هتعصبك  مها تبقا اخت غيث دكتوره تخصص اطفال في سنه  تانيه أو تالته باين بت محترمه ومنقبه وبتحب اخوها اوي وبتحبني انا كمان وبغمزه مش مرتبطه ..

ليترك احمد حور وهو يقول. ناس متجيش الا بالعين الحمرا ..

حور. بس ايه هي الصناره غمزت ولا ايه ..

احمد. وانتي مالك ..

ليترك الغرفه وسط دهشه حور ..

حور. شوفي الواد ..

عشق. انتو عيله مجانين مليش دعوه بيكم ..

حور.اسماله يابت انتي اللي عاقله ..

چود. في ايه بيحصل هنا ..

حور. yok.. 

چود. لا وحياه امك اتكلمي عربي ..

حور. بقولك مفيش يا زفته ..

چود. طب مانا عارفه ..

حور. زرافه اوي ..

عشق. طب مسمعش ليكم صوت عشان انا تعبانه وعايزه انام ..

حور. هي مالها دي ..

چود. سيبك منها وسبيها تنام عشان متزعلناش ..

حور. نامي يا باشا وخدي راحتك ..


صباح يوم جديد..


كانت ليليان تجلس علي تلك السرير بتوتر وخوف بالغ فهي اول مره من موت والدها تكون خائفه هكذا ..

ليليان بغضب. ماشي يا عمار يا زفت انا يتعمل فيا كده والله لطلع عليك  ..

لتقوم ليليان و تتوجه الي غرفه الملابس وتأخذ منها بيچامه من اللون  الاحمر وتاخد معها طرحه من  اللون الموڤ ..

ليليان. ماشي انا بقا هلبسلك طرحه علي البچامه واحلي ميكاب يتعملك ..

بعد مرور ساعه ..

كانت تقف ليليان أمام المراه وهي تضحك علي منظرها بشده فكانت تلبس هذا البچامه مع الطرحه وتضع ميكاب بشع بشده ..

لتسمع طرقات علي الباب ..

لتتوجه نحو الباب ..

ليليان. مين ..

عمار. افتحي يا قرة عيني ..

ليليان. امشي يا بابا شوف انتا رايح فين ..

عمار. بقولك افتحي احسن افتحه انا بطريقتي ..

ليليان. اعمل اللي انتا عايزه ..

لتتركه ليليان وتتوجه نحو غرفتها ..

كانت تجلس ليليان علي السرير وهي تضحك بشده من الموقف الموضوعه به وهذا الميكاب واللبس فكانت تشبه المهرجين ..

عمار. اعوز بالله انتي مين روحي نادي ليليان  ..

ليليان بغضب. انتا دخلت ازاي ..

عمار. هو الصوت صوت ليليان لكن المنظر لا ..

ليليان. كلمني هنا انتا بتقول ايه ودخلت هنا ازاي  ..

عمار. مش ظابط بقا ..

ليليان. لا انتا كده حرامي ..

عمار. ااه فهمت المفروض يعني لما اشوفك كده الغي كتب الكتاب ده بعينك خشي امسحي اللي علي وشك ده ..

ليليان بعند. مش ماسحه حاجه واتفضل امشي بقا ..

عمار بتهديد. ليليان نص ساعه القيكي لابسه الفستان ده وتجيلي بره عشان الماذون علي وصول ..

ليليان. ده تهديد طب لو معملتش ..

عمار بخبث. بلاش اقولك دلوقتي خليها بعد الجواز احسن بس طالما انتي مش موافقه علي الجواز يبقا اقولك دلوقتي ..  

ليليان. عااااا خلاص اطلع بره هلبس ..

عمار. ما كان من الاول لازم اقلبلك حمدي الوزير يعني ..

ليخرج عمار من الغرفه ويترك ليليان في حيره ولكن قررت أن تفتح الفستان ..

ليليان. اكيد حاجه وحشه زيه ..

ولكن ما أن فتحت الفستان لتنصدم بشده من جماله ..

فكان الفستان من اللون الاسود ويوجد به بعض النجوم الحمراء من الجزء العلوي فكان رائع ومعه طرحه من اللون الاحمر ومعه  heels من اللون الاسود وهذا الاكسسوارات البسيطه فكان معه كل مستلزماته ..

بعد مرور ساعه كانت تقف ليليان أمام المراه وهي منصدمه بشده لأن الفستان كان رائع عليها وهذا makeup الذي أبرز ملامحها فكانت ايه من الجمال ..

عمار. ده ايه الجمال ده ..

ليليان. ملكش دعوه وبعدين انا عارفه اني جميله اصلا ..

عمار. سبحان الله الوجهه وجه جمر والأخلاق اخلاق عم عبده البواب اللي عندنا ..

ليليان. سمعاك ..

عمار. لا بس قمر والله ..

ليليان . شكراً ..

عمار. مش يالا طيب عشان الماذون بره ..

ليليان. خلاص كده ..

عمار. هو ليه حاسس انك راحه تدفني ..

ليليان. كان ارحم ..

عمار. والله ..

ليليان. نينيني ..

لتخرج ليليان برفقه عمار حيث مكان الماذون ..

ليليان. هو في فرح من غير شهود..

مراد بمرح. لا واحنا راحنا فين ..

فكان مراد ومعه عدي ومراد وبصحبتهم البنات ..

حور. قمر يا ليلو ..

ليليان. انتو مشتركين في الجريمه ..

عشق. يعني مش موافقه ولابسه كده اومال لو وافقتي كنتي لبستي ايه ..

ليليان. إجبار والله ..

حور بهمس. علي ماما بردو عايزه تقوليلي أن ليليان بذات نفسها لو مش عايزه حاجه حد ممكن يجبرها الموضوع داخل دماغك يا ليلو ..

ليليان بضحك. احم مشكلتك انك قفشاني ..

عمار. يا بركه دعاكي ياما مانتي بتضحكي اهو ..

چود. وبتعيط كمان دي برج الجوزاء اتوقع منها اي حاجه ..

عمار. ايه ده انتي برج الجوزاء..

ليليان. اه احزر مني بقا ..

عمار. علي قلبي زيي العسل ..

حور. بصفير. ايوه بقا ..

لينظر إليها عدي نظره ارعبتها لتقرر الصمت ..

وبالفعل بدأت مراسم الزواج..

الماذون. موافقه يا بنتي ..

ليليان. لا ..

عمار. بتهديد . بتقولي ايه ..

ليليان. احم موافقه والله موافقه ..

بعد كده كان يقول الماذون بارك الله لكما وبارك عليكما وجمع بينكما في خير ...

چود. لولولييي ..

لتذهب البنات لتحتضن ليليان ..

ليليان. خلاص هفطس ..

لتبتعد عنها البنات ..

كانت ليليان علي وشك الكلام ولكن ما صدمها هو أن عمار قد حملها علي يده وذهب بها ..

حور. هو اللي حصل ده حقيقي ولا بجد..

چود. الواد خدها من وسطنا ومشي ..

غيث. عقبالنا  ..

عدي. طب يالا نمشي احنا كده ملناش لازمه ..

ليذهب جميعهم الي الأسفل ويستقل كل منهم السياره ويتوجهوا الي القصر ..


أما علي الجهه الاخرى في عربيه عمار  ..

ليليان بغضب. انا عايزه اعرف انتا ازاي تخدني من وسطهم كده ..

عمار. بطلي بقا انتي من ساعه ما نزلنا مش مبطله..

ليليان. مانا عايزه اعرف احنا رايحين فين ..

عمار. علي عش الزوجية ..

ليليان. الصبر يا رب ..

وما هي اللي دقائق وكان عمار يقف أمام ڤيله صغيره ولكن كانت رائعه ..

ليليان بصدمه. بعد أن حملها عمار.

ليليان. انتا بتعمل ايه ..

عمار ببراه. بشيلك ..

لياخذها عمار رغم تذمرها الي الداخل ..

ليليان. نزلني يا عمار ..

بالفعل بعد محاولات عديده نجحت ليليان في التخلص من العمار لتفر نحو اقرب غرفه ..

دلفت ليليان الغرفه ثم اغلقتها ..

عمار. ليليان بطلي هبل وافتحي ..

ليليان. مش هيحصل ..

عمار. يا بنت الناس افتحي ..

ليليان. اسكت بقا عشان مصدعه وعايزه انام ..

ليمل عمار منها وبالفعل تركها وتوجه الي الاعلي حيث غرفته ..


علي الجهه الاخرى كان يجلس الشباب يحاولون بشتي الطرق إقناع الأهل أن يكون كتب الكتاب اخر الشهر الذي سيكون خلال أيام ولكن بالفعل بعد محاولات عديده وافق الأهل  ..

احمد. ......

لينظر الجميع بصدمه الي احمد وما قاله ..



         الفصل السادس والاربعون من هنا

لقراة باقي الفصول من هنا


تعليقات



حجم الخط
+
16
-
تباعد السطور
+
2
-