رواية قدري
الفصل التاسع والعاشر
بقلم مروه السيد
قدري9
منال بضحك .... لا طبعا أنا جايه اشمت فيكى واقولك مبروك جدتك ماتت وانتى هتطلقى قريب وهترجعيلى تانى
حياه ... لا انتى كدابه تيتا عايشه
منال تضحك وتسيبها وتطلع
حياه بتحاول تقوم وبتعيط بهيستريا تيتا لا تيتا مش هتسيبنى زى ماما
تدخل ولاء فى اللحظه دى
حياه مالك بتعملى ايه استنى
حياه ... طنط انتى هتقوليلى الحقيقه تيتا عايشه صح
ولاء ... أهدى مين قالك بس
حياه بصويت ... يعنى صح تيتا سابتنى خلاص وتنهار
ولاء بتحاول تهدى فيها لحد ما يدخل احمد ووليد وسعيد
وليد ... فى ايه مالها يا ماما
ولاء .. روحت اجيب لها ينسون رجعت لاقيتها كدا وعرفت أن جدتها اتوفيت
احمد ... مين قالها بس
سعيد .... مراتى انا بعتها ليها ماهى لازم تعرف يلا يابت كفايه كهن وقومى خلينا نمشى
احمد ... تمشى فين حياه لسه تعبانه
سعيد ... تبقى تكمل علاجها فى البيت قومى يلا معايا ويمد أيده عشان يمسكها
وليد يمسك أيده حياه مراتى متنساش كدا ولما الدكتور يسمح لها بالخروج هتروح على بيت جوزها
سعيد .... يعنى ايه انتم قولتو كتب كتاب بس يعنى مش من حقك تاخدها
وليد .... 50الف حلوين
سعيد ... لا بنتى مش هتروح عندك غير بفرح
وليد ... جدتها لسه متوفيه يعنى مينفعش فرح دالوقت خالص
سعيد .... الناس هتتكلم عليها هنقولهم ايه لازم نعمل فرح عشان كله يعرف انها اتجوزت هترجع معايا لحد اربعين جدتها يعدى ونعمل فرح
احمد ... 100 الف وحياه هتمشى مع جوزها وبعد كام شهر هنعملها فرح وفى الفتره دى قول أنها مسافر اتصرف
سعيد .... بس مينفعش بنتى هتمشى معايا وهتطلق كمان كل دا تحت زعل حياه ودموعها نازله هى عارفه ان ابوها بيعمل كدا عشان يزود الفلوس ويبيعها ليهم
وليد .... تمام
ولاء شهقت عشان حبت حياه وصعبانه عليها بسبب اللى شافته
سعيد ... كدا العقل يلا امشى قدامى
وليد .... انا قولت تمام بس مكملتش كلامى
سعيد .... ها كمل خلصنى
وليد .... تمام مفيش فلوس ولا 100ولا 50 وحياه مراتى اللى عندك اعمله يلا بقا عن اذنك بره كدا عشان هى ترتاح
سعيد .... بتفكير انا موافق اسيبها بشرط
وليد لسه هيرد أبوه يبصله عشان يسكت
احمد ... ايه هو الشرط بقا
سعيد .... حياه بما انها حفيده خالتى فأكيد هتقسم الورث معايا تتنازل عن نصيبها ليها
حياه .... وانا مش موافقه وكمان شكرا ليكم انا هطلق
ولاء بزعل ... هترجعى مع ابوكى
حياه ... لا انا هاخد ورث تيتا وهمشى ومش عايزه حد فى حياتى خالص كفايه كدا
سعيد ... انتى بتقولى ايه شكلك عايزه تتربى من جديد وانا هربيكى ولسه هيضربها وليد يمنعه
وليد ... مسمحش لحد يمد ايده على مراتى حتى لو انت بقلم مروه السيد
احمد ... تعالى معايا اكتبلك الشيك ولا مش عايزه اصل كدا كدا حياه مرات وليد والقانون فى صفنا ها تختار ايه
سعيد ... بتفكير بس عايز كاش ايه ضمنى ان الشيك دا مايتصرفش
احمد ... بنفاذ صبر حاضر استنى نص ساعه واجيبلك الفلوس اتفضل معايا
حياه تغمض عينها بالم بسبب ابوها اللى باعها ودموعها نازله
وليد .... حياه انتى كويسه
حياة... لا رد
ولاء... بنتى ردى علينا طيب اناديلك الدكتور
حياه .... ممكن تسبونى لوحدى
وليد ... مينفعش
حياه بزعيق لو سمحتو عايزه افضل لوحدى سبونى بقا سبونى
ولاء ... حاضر حاضر أهدى بس يلا يا وليد
وليد يمسك تليفونها ويكتب رقمه
دا رقمى لو محتاجه حاجه رنى عليا انا هنا فى المستشفى مش همشى
حياة ... شكرا روح انت شوف شغلك مش هحتاج حاجه
وليد ... اسمعى الكلام مالكيش دعوه بشغلى يلا يا ماما ويطلعوا حياه تنهار من العياط وتتصل بصديقتها ندى
ندى .... يااااه دا انا قولت نستينى
حياه ... ندى تعالى خدينى من هنا بس محدش يعرف حاجه
ندى ... مالك يا حياه انتى بتعيطى
حياه ... ندى تيتا ماتت وانا اتجوزت وبابا قبض تمن الجواز انا تعبانه اوى تعالى بسرعه
ندى ...طيب طيب أهدى بس انا جيالك انتى فى مستشفى أبو دكتور وليد صح
حياه ... ايوه انا فى مستشفى أبو جوزى
ندى ... نعم انتى اتجوزتى دكتور وليد انا مش فهمه حاجه
حياة ... تعالى بس ياندى بسرعه وانا هحكيلك كل حاجه
ندى .... حاضر مسافه السكه
ويقفلو
حياه تفضل تعيط لحد ما الباب يتفتح ويدخل شاب فى أواخر العشرينات
... حبيبتى ايه اللى حصل وازاى متقوليش ليا كل دا
حياه ... معتز وحشتنى ويروح عليها معتز يحضنها أهدى أهدى بس وفى اللحظه دى يدخل وليد
وليد ... مين دا وازاى حاضنك كدا
.....
قدري10
وليد ... مين دا وازاى حاضنك كدا
حياه بتوتر ... دا دا
وليد ... دا ايه ها عشان كدا عايزه تطلقى وتعيشى لوحدك بعيد عن اهلك كمان شكلك مكنتيش مظلومه وابوكى عارف بقذارتك دى عشان كدا بيضربك هو ومراته
معتز .... مسمحلكش تكلمها كدا
وليد ... انت مين عشان تسمح أساسا ويضربه
معتز ...يرد له الضربه انا حياتها كلها
وليد ... يابجاحتك ويفضل يضرب فيه ومعتز بيحاول يرده الضربه
حياه ... بااااااس كفايه سيبه حرام عليك
وليد ... خايفه عليه اوى طيب اصبرى عليا بقا وياخد معتز وماشى
حياه .... انت واخده فين استنى
وليد ... متتحركيش من مكانك لحد ما ارجعلك اصبرى عليا
حياه ... سيبه بقولك سيبه وماسكه وليد من أيده عشان يسيب معتز لكن وليد يزقها ويطلع من الأوضه ويقابل ممرضه يديها فلوس ويوصيها تفضل مع حياه ومتسيبهاش لاحظه
الممرضه ... طيب انا ممكن انادى دكتور للاستاذ (على معتز )
وليد ... لا خدى بالك انتى بس من حياه وانا هخلى دكتور يشوفه اوعى بس تخرج من الاوضه لحد ما ارجع ويمشى وهو ساند معتز
فى العربيه معتز بيحاول يتكلم
معتز ... اوعى تاذى حياه كفايه عليها اللى حصل وممكن يحصل لو رجعت لابوها
وليد ... خايف عليها اوى كدا طالما خايف عليها سبتها الفتره اللى فاتت ليه انا لحقتها من ايد ابوها بس هرجعها له تانى ارحم لها من اللى هعمله فيها لو فضلت معايا لكن انت بقا
معتز ... بس اسكت بقا اسمع حياه تبقى
______________________
عند حياه بعد ما وليد زقها وقعت ومكان العمليه وجعها بتحاول تقوم عشان تروح ورا وليد بس على ما تعرف تقوم تلاقى الممرضه داخله ايه دا مالك وتساعده وتقعدها على السرير
حياه ... انا عايزه امشى سبينى
الممرضه مينفعش الاستاذ وليد منبه عليا متطلعيش من هنا لحد ما يرجع
حياه فى سرها ... هيعمل فيه ايه انا السبب انا اللى خليته رجع يارب بابا ما يعرفش أنه هنا وتفتكر
فلاش باك
بعد العمليه وكله مشى
وليد ... هروح اجيبلك ينسون تشربيه وتخلصى المحلول دا وبعد كدا تروحى ماشى
حياه بتذمر... يوووه مش بحب الينسون
وليد ... خلاص مش هتروح لتيتا ها اختارى
حياه ...اوووف خلاص هات خلصنى
وليد ... متتعصبيش عليا بس هروح اجيبلك الينسون وارجع بسرعه ويمشى وليد
بعد ما طلع من الاوضه
حياه تتصل بمعتز
معتز ... حبيبتى عامله ايه طمنينى عليكى
حياه ... وحشتنى اوى محتجالك يا حبيبى اوى بابا جوزنى وتيتا فى العنايه وحالتها وحشه اوى نفسى اشوفك لو تعرف تيجى انا مش عارفه اشوف تيتا حتى عشان عملت عمليه
معتز ... ايه كل دا وازاى متعرفنيش حاجه
حياه ... خايفه عليك بس خلاص تعبت مبقيتش قادره أشيل لوحدى
معتز ... اطمنى بكره باذن الله هكون عندك
حياه ... طيب خد بالك من نفسك واوعى حد يشوفك
معتز ... ازاى بس يا حياه انا لازم اقفلهم كلهم
حياه ... عشان خاطرى يا معتز تعالى بس اشوفك وامشى بسرعه
معتز ... حاضر أهدى انتى بس عمليه ايه اللى عملاها
حياه... الزايده متقلقش انا كويسه بس حاسه ان وليد مانعنى اشوف تيتا عشان فيها حاجه لما طلبت منه بيعطلنى ويقولى ممنوع وبعد كدا يقولى لما اشرب ينسون مش عارفه بقا
معتز ... وليد دا اللى اتجوزتيه
حياه ... ايوه
معتز ... تمام بكره باذن الله هكون عندك
حياه ... ماشى يا حبيبى انا هقفل بقا سلام
معتز ... سلام
باك
ياريتنى ما كلمتك يا معتز بابا لو عرف انك هنا مش هيسكت دا حاول يقتلك قبل كدا يارب هيكون وليد عمل فيه ايه احسن يوديه لبابا ربنا يستر يارب احميه يارب
______________________
عند سعيد ومنال
منال .... وبعدين ياسعيد البت شكلها مش هتتنازل والناس اللى دخلت وسطهم دول شكلهم هيققولنا يعنى خلصنا من خالتك طلعلنا ناس تانيه تدافع عنها
سعيد ... انتى عايزه ايه ما احنا معانا 100 الف اهوه وكل ما نحتاج فلوس نقدر نساومهم بحياه يعنى ورث حياه هيكون كام انا هيكون ليا النصيب الأكبر وهى نصيبها مش هيبقى حاجه قصاد اللى هناخده من الناس دى
منال ... انت بتقول ايه حياه بنت بنتها ومتنساش معتز ابن خالتها دا كمان اكيد هيورث
سعيد ... معتز محدش يعرفله طريق بعد اخر مره
منال بضحك احسن يستاهل فاكر لما كنت هتموته وهرب بعدها كان عامل راجل وبيدافع عنها طلع جبان وهرب على طول
سعيد ... يلا احسن خليه بعيد عننا وان كان على حياه نبقى نخطط لها بس خلينا نتمتع بالفلوس دى لاول وبعدين نشوف خالتى
منال ... اشطا يا حبيبى
______________________
معتز .... حياه دى تبقى